ദക്ഷിണാ​ഫ്രി​ക്ക​യി​ലെ പ്രതി​സ​ന്ധി

തുടർന്നു വരുന്ന മൂന്നു ലേഖന​ങ്ങ​ളിൽ ദക്ഷിണാ​ഫ്രി​ക്ക​യി​ലെ “ഉണരുക!” ലേഖകൻ, പ്രതി​സ​ന്ധി​യും അതിന്റെ പ്രതി​വി​ധി​യും വിചി​ന്തനം ചെയ്യുന്നു

“ഉപ നഗരത്തി​ലെ ലഹളയിൽ 26 പേർ കൊല്ല​പ്പെട്ടു.” “മിശ്ര വികാ​ര​ങ്ങ​ളാൽ അസ്വസ്ഥ​ത​യ്‌ക്കി​ര​യാ​യി​ത്തീർന്ന 15 പേർ സംസ്‌ക്ക​രി​ക്ക​പ്പെട്ടു.” “വ്യാപ​ക​മായ അക്രമം തുടരു​ന്നു.” “ദക്ഷിണാ​ഫ്രി​ക്ക​യി​ലെ 10 ദിവസത്തെ മിന്നൽ ബോം​ബാ​ക്ര​മ​ണ​ത്തിൽ മരിച്ച​വ​രു​ടെ എണ്ണം 13 ആയി ഉയർന്നു.” ദൈനം​ദി​ന​മുള്ള മുഖ്യ​ശീർഷ​ക​ങ്ങ​ളും പത്രവാർത്ത​ക​ളും രൗദ്ര​മായ ദുഃഖ​ക​ഥകൾ പറയുന്നു. ഒരു വിവര​ണ​ക്കാ​രൻ പറഞ്ഞ​പ്ര​കാ​രം: “ദക്ഷിണാ​ഫ്രിക്ക ആന്തരി​ക​മാ​യും ബാഹ്യ​മാ​യും അതിന്റെ ചരി​ത്ര​ത്തി​ലെ ഏറ്റവും വഷളായ പ്രതി​സ​ന്ധി​യെ അഭിമു​ഖീ​ക​രി​ക്കു​ന്നു.”

ലോക​വി​സ്‌തൃ​ത​മാ​യി ദശലക്ഷ​ക്ക​ണ​ക്കിന്‌ വീടു​ക​ളി​ലേക്കു ഉജ്ജ്വല​മായ ചിത്ര​ങ്ങ​ളും വാർത്ത​ക​ളും പരക്കുന്നു. അതിന്റെ ഫലമായി ദക്ഷിണാ​ഫ്രിക്ക മുഴു​വ​നും പരിപൂർണ്ണ​മായ കുഴപ്പ​ത്തി​ലാ​ണെന്നു അനേക​രും ചിന്തി​ക്കു​ന്നു. എന്നാൽ ഇതു സത്യമല്ല. വെള്ളക്കാ​രു​ടെ മിക്ക പ്രദേ​ശ​ങ്ങ​ളി​ലും കറുത്ത​വർഗ്ഗ​ക്കാ​രു​ടെ ഗ്രാമ​പ്ര​ദേ​ശ​ങ്ങ​ളി​ലും ജീവിതം സാധാ​ര​ണ​ഗ​തി​യിൽ പോകു​ന്നു.

എന്നിരു​ന്നാ​ലും ചില കറുത്ത​വർഗ്ഗ​ക്കാ​രു​ടെ ഉപനഗ​ര​ങ്ങ​ളിൽ ഭയാനക സംഭവങ്ങൾ നടന്നു​കൊ​ണ്ടി​രി​ക്കു​ന്നു. കറുത്ത​വർഗ്ഗ​ത്തി​ലെ ഒരു ചെറു​പ്പ​ക്കാ​രി​യെ പോലീ​സി​നു വിവരം നൽകു​ന്നവൾ എന്ന കുറ്റം​ചു​മത്തി തൊഴി​ക്കു​ക​യും ചവിട്ടു​ക​യും ജീവ​നോ​ടെ ദഹിപ്പി​ക്ക​യും ചെയ്യുന്ന കാഴ്‌ച ടീ.വി. വീക്ഷി​ക്കുന്ന അനേക​രെ​യും ഭയവി​ഹ്വ​ല​രാ​ക്കി. മിക്ക​പ്പോ​ഴും ജനക്കൂ​ട്ട​ത്തി​ന്റെ രോഷം സർക്കാർ ജോലി​ക്കാർക്കും സർക്കാ​രു​മാ​യി സഹകരി​ച്ചു പ്രവർത്തി​ക്കു​ന്ന​വർക്കും എതിരെ തിരിച്ചു വിടുന്നു. കറുത്ത പോലീ​സു​കാ​രെ വധിക്കു​ക​യും അവരിൽ നൂറു​ക​ണ​ക്കി​നു​പേ​രു​ടെ വീടുകൾ കത്തിക്കു​ക​യോ കേടു​വ​രു​ത്തു​ക​യോ ചെയ്യു​ക​യും ചെയ്യുന്നു.

വിപ്ലവ​കാ​രി​ക​ളിൽ ഭൂരി​പ​ക്ഷ​വും കൗമാ​ര​പ്രാ​യ​ക്കാ​രോ അതിലും ചെറു​പ്രാ​യ​ക്കാർപോ​ലു​മോ ആണ്‌. അവരെ സംബന്ധിച്ച്‌ അക്രമം ഒരു ജീവി​ത​ച​ര്യ​യാ​യി​ത്തീർന്നി​രി​ക്കു​ന്നു. കൂടാതെ, അസ്വസ്ഥ​തയെ, അക്രമി​കൾ നിരപ​രാ​ധി​ക​ളായ ആളുകളെ ആക്രമി​ക്കു​ന്ന​തി​നും കൊള്ള​യി​ടു​ന്ന​തി​നും പ്രയോ​ജ​ന​പ്പെ​ടു​ത്തു​ന്നു.

അസ്വസ്ഥത ദക്ഷിണാ​ഫ്രി​ക്ക​യു​ടെ സാമ്പത്തി​കാ​വ​സ്ഥയെ ബാധി​ച്ചി​രി​ക്കു​ന്നു. പ്രാ​ദേ​ശിക പണത്തിനു ഗൗരവ​മായ മൂല്യ​ത്ത​കർച്ച ഭവിച്ചി​രി​ക്കു​ന്നു. അനേകം വ്യാപാ​ര​സ്ഥാ​പ​ന​ങ്ങ​ളും അടച്ചി​ടേണ്ടി വരിക​യും അതിന്റെ ഫലമായി തൊഴി​ലി​ല്ലാ​യ്‌മ​ക്കി​ട​യാ​ക്കു​ക​യും ചെയ്യുന്നു. ദക്ഷിണാ​ഫ്രി​ക്ക​യു​ടെ അന്തർദ്ദേ​ശീയ ബഹുമ​തി​ശോ​ഷി​ച്ചി​രി​ക്കു​ന്നു. നിക്ഷേപം പിൻവ​ലി​ക്ക​ലി​ന്റെ​യും പിഴ ഈടാ​ക്ക​ലി​ന്റെ​യും ഭീഷണി എന്നത്തേ​തി​ലു​മു​പരി പ്രകട​മാ​യി​രി​ക്കു​ന്നു.

ഇത്‌ തങ്ങളുടെ സമ്പദ്‌ഘടന, ദക്ഷിണാ​ഫ്രി​ക്കയെ കാര്യ​മാ​യി ആശ്രയി​ച്ചി​രി​ക്കുന്ന അയൽ രാജ്യ​ങ്ങളെ—സ്വാസി​ലാൻഡ്‌, ബോട്ട്‌സ്‌വാ​നാ, ലെസോ​തോ, തെക്കു​പ​ടി​ഞ്ഞാ​റെ ആഫ്രിക്ക⁄നമീബിയാ—യും ബാധി​ക്കു​ന്നു. എന്തു​കൊ​ണ്ടെ​ന്നാൽ അനേക വർഷങ്ങ​ളാ​യി കഠോ​ര​മായ ആഭ്യന്തര കലഹത്താൽ രണ്ടു വലിയ അയൽരാ​ജ്യ​ങ്ങ​ളായ മൊസാം​ബി​ക്കി​ന്റെ​യും അംഗോ​ള​യു​ടെ​യും സമ്പദ്‌ഘടന ദുസ്സഹ​മാ​യി തകരു​ക​യും അതുമൂ​ലം ദക്ഷിണാ​ഫ്രി​ക്ക​യേ​ക്കാൾ ഗൗരവ​ത​ര​മാ​യി പ്രതി​സ​ന്ധി​യാൽ പ്രയാ​സ​പ്പെ​ടു​ക​യും ചെയ്‌തു​കൊ​ണ്ടി​രു​ന്നു.

ദക്തിണാ​ഫ്രി​ക്ക, സമൃദ്ധ​മായ പ്രകൃതി വിഭവ​ങ്ങ​ളാൽ—നല്ലകൃ​ഷി​ഭൂ​മി, സ്വർണ്ണം, രത്‌നങ്ങൾ, കൽക്കരി, ചെമ്പ്‌, മറ്റനേക വില​യേ​റിയ ധാതുക്കൾ എന്നിവ​യാൽ—സമ്പന്നമാ​യി മനോ​ഹ​ര​മായ ഒരു രാജ്യ​മാണ്‌. അവിടത്തെ വിവിധ ജനസമു​ദായ കൂട്ടങ്ങ​ളിൽ—കറുത്തവർ, വെളു​ത്തവർ, മിശ്ര​വർഗ്ഗ​ക്കാർ, ഇൻഡ്യാ​ക്കാർ—അനേകം നല്ലവരായ ദയയുള്ള ആളുകൾ ഉണ്ട്‌.

കൂടാതെ, ദക്ഷിണാ​ഫ്രിക്ക ഒരു വലിയ മതഭക്തി​യുള്ള രാജ്യ​മാണ്‌. വെളു​ത്ത​വ​രോ കറുത്ത​വ​രോ ആയാലും മിക്ക ആളുക​ളും ദൈവ​ത്തിൽ വിശ്വ​സി​ക്കു​ന്നു. എന്നിരു​ന്നാ​ലും ആ രാജ്യം ഭയാന​ക​മാ​യി ശിഥി​ല​മാ​ക്ക​പ്പെ​ട്ടി​രി​ക്കു​ന്നു. മതത്തെ ഭാഗി​ക​മാ​യി കുറ്റ​പ്പെ​ടു​ത്താ​മോ? ഈ വൈഷ​മ്യം നിറഞ്ഞ അവസ്ഥ കൈവ​രു​ത്തി​യ​തെ​ന്താണ്‌? അതി​ലെ​ല്ലാം പ്രമു​ഖ​മാ​യി ഒരു പരിഹാ​ര​മു​ണ്ടോ? (g86 7/22)