മർമ്മത്തി​നു പരിഹാ​രം

സാധാ​ര​ണാ​തീത ശക്തികൾ അസാധാ​രണ പ്രവൃ​ത്തി​കൾ ചെയ്യാൻ ആളുകളെ പ്രാപ്‌ത​രാ​ക്കി​യി​ട്ടു​ണ്ടെ​ന്നു​ള്ളത്‌ സുസ്ഥാ​പി​ത​മാണ്‌. ബ്രയൻ ഇംഗ്ലീസ്‌ ഇങ്ങനെ പ്രസ്‌താ​വി​ക്കു​ന്നു: “ക്രമാ​തീത പ്രതി​ഭാ​സങ്ങൾ മദ്ധ്യകാ​ല​യു​ഗ​ങ്ങൾക്കു​ശേഷം ഇപ്പോൾ ഔദ്യോ​ഗി​കാം​ഗീ​കാ​ര​ത്തോട്‌ കൂടുതൽ അടുത്തു​വ​ന്നി​രി​ക്കു​ന്നു—അന്ന്‌ അവ അത്ര പ്രവചി​ക്കാ​വു​ന്ന​വ​യ​ല്ലെ​ങ്കി​ലും പ്രകൃ​തി​ശ​ക്തി​ക​ളിൽ മറ്റ്‌ ഏതും​പോ​ലെ സ്വാഭാ​വി​ക​മെന്ന്‌ പരിഗ​ണി​ക്ക​പ്പെ​ട്ടി​രു​ന്നു.”

ഈ അസാധാ​രണ ശക്തിക​ളു​ടെ ഉറവ്‌ ഏതാണ്‌? ആയിര​ക്ക​ണ​ക്കി​നു വർഷങ്ങ​ളിൽ മനുഷ്യ​കു​ടും​ബ​ത്തി​ലെ മിക്കവ​രും മരിച്ച​വ​രു​ടെ ദേഹികൾ അഥവാ ആത്മാക്കൾ ഒരു ആത്മലോ​ക​ത്തിൽ തുടർന്നു ജീവി​ക്കു​ന്നു​വെന്ന്‌ വിശ്വ​സി​ച്ചി​ട്ടുണ്ട്‌. ഇവയാണ്‌ ക്രമാ​തീത പ്രതി​ഭാ​സ​ങ്ങൾക്ക്‌ ഉത്തരവാ​ദി​കൾ എന്ന്‌ പൊതു​വേ വിശ്വ​സി​ക്ക​പ്പെ​ടു​ന്നു. എന്നാൽ ആണോ?

മരിച്ച​വ​രാ​ണോ ഉത്തരവാ​ദി​കൾ?

മരിച്ചവർ ബോധ​ര​ഹി​തർ—യഥാർത്ഥ​ത്തിൽ മരിച്ചവർ—ആണെങ്കിൽ, അപ്പോൾ അവർക്ക്‌ നിഗൂ​ഢ​തക്കു പിന്നിലെ ദുർഗ്ര​ഹ​ശ​ക്തി​ക​ളാ​യി​രി​ക്കുക അസാദ്ധ്യ​മാ​യി​രി​ക്കും. ശരി, അപ്പോൾ മരിച്ച​വ​രു​ടെ അവസ്ഥ എന്താണ്‌?

മനുഷ്യ​ന്റെ സൃഷ്ടിയെ വർണ്ണി​ച്ചു​കൊണ്ട്‌ തിരു​വെ​ഴു​ത്തു​കൾ പറയുന്നു: “മനുഷ്യൻ ഒരു ജീവനുള്ള ദേഹി​യാ​യി​ത്തീർന്നു.” (ഉല്‌പത്തി 2:7, കിംഗ്‌ ജയിംസ്‌ വേർഷൻ) മനുഷ്യ​ന്റെ ഘടകങ്ങ​ളി​ലൊ​ന്നാ​യി അവന്‌ ഒരു ദേഹി കൊടു​ക്ക​പ്പെ​ട്ട​താ​യി അത്യല്‌പ​മായ സൂചന​പോ​ലു​മി​ല്ലെന്നു കാണുക. എന്നാൽ ദേഹി വ്യക്തമാ​യും മനുഷ്യൻത​ന്നെ​യാണ്‌. അതു​കൊണ്ട്‌ മനുഷ്യൻ മരിക്കു​മ്പോൾ എന്തു സംഭവി​ക്കു​ന്നു?

യേശു​ക്രി​സ്‌തു​വി​നെ​ക്കു​റിച്ച്‌ ബൈബിൾ ഇങ്ങനെ പ്രവചി​ച്ചു: “അവൻ മരണത്തി​ലേക്ക്‌ തന്റെ ദേഹിയെ ഒഴുക്കി.” (യെശയ്യാവ്‌ 53:12, കെ.ജെ) പൊതു​മ​നു​ഷ്യ​വർഗ്ഗത്തെ സംബന്ധിച്ച്‌, “പാപം ചെയ്യുന്ന ദേഹി, അതു മരിക്കും” എന്ന്‌ തിരു​വെ​ഴു​ത്തു​കൾ പറയുന്നു. (യെഹെ​സ്‌ക്കേൽ 18:4, 20, കെ. ജെ) സകല മനുഷ്യ​ദേ​ഹി​ക​ളും, ദൈവ​ത്തോട്‌ അനുസ​ര​ണ​ക്കേടു കാണി​ച്ച​തി​നാൽ ഒരു പാപി​യാ​യി​ത്തീർന്ന ആദ്യമ​നു​ഷ്യ​നായ ആദാമിൽനിന്ന്‌ പാപം അവകാ​ശ​പ്പെ​ടു​ത്തി​യ​തി​നാൽ അവരെ​ല്ലാം മരിക്കു​ന്നു. “പാപത്തി​ന്റെ ശമ്പളം മരണമാ​കു​ന്നു” എന്ന്‌ ബൈബിൾ പറയുന്നു. (റോമർ 5:12; 6:23 കെ. ജെ) അതു​കൊണ്ട്‌ മരണത്തി​ങ്കൽ ദേഹി, ഇന്ദ്രി​യ​വാ​ഹി​യായ വ്യക്തി, മരിക്കു​ന്നു.a

ആ സ്ഥിതിക്ക്‌, മരിച്ച​വർക്ക്‌ ജീവനു​ള്ള​വ​രു​മാ​യി ആശയവി​നി​യമം നടത്താൻ കഴിയു​മോ? ബൈബിൾ പറയുന്നു: “[മനുഷ്യൻ] തന്റെ അന്ത്യശ്വാ​സം വലിക്കു​ന്നു, അവൻ പൊടി​യി​ലേക്കു മടങ്ങി​പ്പോ​കു​ന്നു; ആ നാഴി​ക​യിൽതന്നെ അവന്റെ സകല ചിന്തയും അവസാ​നി​ക്കു​ന്നു.” ബൈബിൾ ഇങ്ങനെ​യും പറയുന്നു: “കർത്താ​വി​നെ സ്‌തു​തി​ക്കു​ന്നത്‌ മരിച്ച​വരല്ല, മൗനത​യി​ലേ​ക്കി​റ​ങ്ങു​ന്ന​വരല്ല, എന്നാൽ ജീവനുള്ള നാമാണ്‌ കർത്താ​വി​നെ വാഴ്‌ത്തു​ന്നത്‌.”—സങ്കീർത്തനം 146:4; 115:17, ദി ന്യൂ ഇംഗ്ലീഷ്‌ ബൈബിൾ.

മരിച്ച​വ​രു​ടെ ‘ചിന്ത അവസാ​നി​ച്ചി​രി​ക്കു​ന്ന​തു​കൊണ്ട്‌’ അവർക്ക്‌ ദൈവത്തെ സ്‌തു​തി​ക്കാൻ കഴിയാ​ത്ത​തി​നാൽ തീർച്ച​യാ​യും അവർക്ക്‌ ജീവി​ച്ചി​രി​ക്കു​ന്ന​വ​രോട്‌ ആശയവി​നി​യമം ചെയ്യാൻ കഴിക​യില്ല. ഏതെങ്കി​ലും ക്രമാ​തീത പ്രതി​ഭാ​സ​ത്തിന്‌ അവർക്ക്‌ ഉത്തരവാ​ദി​ക​ളാ​യി​രി​ക്കാ​നും കഴിക​യില്ല.

മർമ്മം പരിഹ​രി​ക്ക​പ്പെ​ടു​ന്നു

മനുഷ്യ​രല്ല ഏറ്റവും ഉയർന്ന ജീവരൂ​പം. ദൈവം മനുഷ്യ​നെ​യും സ്‌ത്രീ​യെ​യും സൃഷ്ടി​ച്ച​തിന്‌ ദീർഘ​നാൾ മുമ്പേ അവൻ ഒട്ടേറെ ആത്മപു​ത്രൻമാ​രെ, അദൃശ്യ​രായ ദൂതൻമാ​രെ, സൃഷ്ടി​ച്ചി​രു​ന്നു​വെന്ന്‌ ബൈബിൾ വെളി​പ്പെ​ടു​ത്തു​ന്നു. പിന്നീട്‌ ഇവരിൽ ഒരാൾ ദൈവ​ത്തോട്‌ എതിർക്കാ​നും അവനെ ദുഷി​ക്കാൻ പോലും തുടങ്ങി, അങ്ങനെ സാത്താ​നും (എതിരാ​ളി) പിശാ​ചും (ദൂഷകൻ) ആയിത്തീ​രു​ക​യും ചെയ്‌തു. കാല​ക്ര​മ​ത്തിൽ, മറ്റ്‌ ആത്മസൃ​ഷ്ടി​കൾ പിശാ​ചായ സാത്താന്റെ മത്സരത്തിൽ അവനോ​ടു ചേരു​ക​യും മത്സരി​ക​ളായ ദൂതൻമാ​രു​ടെ അഥവ ഭൂതങ്ങ​ളു​ടെ ഒരു സംഘടന രൂപവൽക്ക​രി​ക്കു​ക​യും ചെയ്‌തു. നിഗൂഢ വിദ്യ​യു​ടെ ക്രമാ​തീത പ്രതി​ഭാ​സ​ങ്ങൾക്ക്‌ ഈ ഭൂതങ്ങ​ളാ​ണോ ഉത്തരവാ​ദി​കൾ?

അതെ, അവരാണ്‌ ഉത്തരവാ​ദി​കൾ! പ്രളയ​ത്തിന്‌ മുമ്പത്തെ നാളു​ക​ളിൽ “സത്യ​ദൈ​വ​ത്തി​ന്റെ ഈ പുത്രൻമാർ”ക്ക്‌ ജഡശരീ​രങ്ങൾ ധരിച്ച്‌ ഭൂമി​യിൽ ജീവി​ക്കാൻ കഴിയു​മാ​യി​രു​ന്നു. (ഉല്‌പത്തി 6:1, 2; യൂദാ 6) എന്നാൽ ആത്മമണ്ഡ​ല​ത്തി​ലേക്കു തിരി​ച്ചു​പോ​യ​ശേഷം മനുഷ്യ​രു​മാ​യുള്ള അവരുടെ സമ്പർക്കം ക്രമാ​തീത പ്രതി​ഭാ​സ​ങ്ങൾക്കി​ട​യാ​ക്കു​ന്ന​തിൽ പരിമി​ത​പ്പെ​ട്ടി​രി​ക്കു​ക​യാണ്‌, അവ മനുഷ്യ ചരി​ത്ര​ത്തി​ലു​ട​നീ​ളം വളരെ സാധാ​ര​ണ​മാണ്‌.

ഭൂതങ്ങൾ വിശേ​ഷാൽ മരിച്ച​വ​രു​ടെ ജീവി​ച്ചി​രി​ക്കുന്ന ബന്ധുക്ക​ളും സ്‌നേ​ഹി​ത​രു​മാ​യി സമ്പർക്കം പുലർത്തു​ക​യും ആത്മലോ​ക​ത്തിൽ എവി​ടെ​യോ മരിച്ചവർ ജീവി​ക്കു​ന്നു​ണ്ടെ​ന്നുള്ള വ്യാജം അവർ വിശ്വ​സി​ക്കാ​നി​ട​യാ​ക്കു​ക​യും ചെയ്‌തി​രി​ക്കു​ന്നു. മരിച്ച​വ​രാ​യി വ്യക്തീ​ഭാ​വം കൈ​ക്കൊ​ള്ളു​ന്നത്‌ ഭൂതങ്ങൾക്ക്‌ ഒരു പ്രശ്‌നമല്ല; കാരണം അവർക്ക്‌ ആളുകൾ ജീവി​ച്ചി​രി​ക്കു​മ്പോൾ അവരെ സൂക്ഷ്‌മാ​യി നിരീ​ക്ഷി​ക്കാൻ കഴിയും. അങ്ങനെ, ഒരു വ്യക്തി​യു​ടെ സ്വരവും സംസാ​ര​രീ​തി​യും ഉൾപ്പെടെ അയാളു​ടെ ജീവി​ത​ത്തി​ലെ സൂക്ഷ്‌മ​വി​ശ​ദാം​ശങ്ങൾ കൃത്യ​മാ​യി മൂർത്തീ​ക​രി​ക്കാൻ കഴിയും.

എന്നാൽ വിശ്വ​സ്‌ത​രായ ദൂതൻമാ​രെ സംബന്ധി​ച്ചെന്ത്‌ എന്ന്‌ നിങ്ങൾ ചോദി​ച്ചേ​ക്കാം. ഒരുപക്ഷേ അവർ ഇന്ന്‌ മനുഷ്യ​രു​മാ​യി ആശയവി​നി​യമം നടത്തു​ന്നു​ണ്ടോ? മുൻകാ​ല​ങ്ങ​ളിൽ മനുഷ്യ​രു​മാ​യി ആശയവി​നി​യമം നടത്താൻ ദൈവം ദൂതൻമാ​രെ ഉപയോ​ഗി​ച്ചി​രു​ന്നു​വെ​ന്നതു സത്യമാണ്‌. എന്നിരു​ന്നാ​ലും ഇന്ന്‌ മനുഷ്യ​രായ നമ്മോ​ടുള്ള ദൈവ​ത്തി​ന്റെ നേരി​ട്ടുള്ള മതിയായ സന്ദേശ​മെ​ന്ന​നി​ല​യിൽ നമുക്ക്‌ പൂർത്തി​യായ ബൈബി​ളുണ്ട്‌. (2 തിമൊ​ഥെ​യോസ്‌ 3:16, 17) അതിൽ ആത്മാക്ക​ളു​മാ​യി മനുഷ്യർ ആശയവി​നി​യമം നടത്തു​വാൻ ശ്രമി​ക്കു​ന്ന​തി​നെ യഹോ​വ​യാം ദൈവം പ്രത്യേ​ക​മാ​യി വിലക്കു​ന്നുണ്ട്‌.

പ്രവാ​ച​ക​നാ​യ യെശയ്യാ​വു മുഖാ​ന്തരം ദൈവം പറയുന്നു: “എന്നാൽ ചിലക്കു​ക​യും മുറു​മു​റു​ക്കു​ക​യും ചെയ്യുന്ന ഭാഗ്യം​പ​റ​യു​ന്ന​വ​രോ​ടും മദ്ധ്യവർത്തി​ക​ളോ​ടും സന്ദേശ​ങ്ങൾക്കാ​യി അപേക്ഷി​ക്കാൻ ആളുകൾ നിങ്ങ​ളോ​ടു പറയും. ‘ഏതായാ​ലും ആളുകൾ ആത്മാക്ക​ളിൽനിന്ന്‌ സന്ദേശ​ങ്ങൾക്കാ​യി അപേക്ഷി​ക്കു​ക​യും ജീവനു​ള്ള​വർക്കു​വേണ്ടി മരിച്ച​വ​രോട്‌ ആലോചന കഴിക്കു​ക​യും ചെയ്യേ​ണ്ട​താ​ണെ’ന്ന്‌ അവർ പറയും. ‘കർത്താവു നിങ്ങളെ പഠിപ്പി​ക്കു​ന്ന​തി​നു ശ്രദ്ധ​കൊ​ടു​ക്കുക! മദ്ധ്യവർത്തി​കളെ ശ്രദ്ധി​ക്ക​രുത്‌—അവർ നിങ്ങ​ളോ​ടു പറയു​ന്നത്‌ നിങ്ങൾക്ക്‌ ഗുണം ചെയ്യു​ക​യില്ല‘ എന്ന്‌ നിങ്ങൾ അവർക്ക്‌ ഉത്തരം കൊടു​ക്കേ​ണ്ട​താണ്‌.”—യെശയ്യാവ്‌ 8:19, 20, റ്റുഡേ​യ്‌സ്‌ ഇംഗ്ലീഷ്‌ വേർഷ്യൻ.

നിഗൂഢ നടപടി​കൾ ഒഴിവാ​ക്കു​ന്നതു സംബന്ധിച്ച്‌ ദൈവം യിസ്രാ​യേൽ ജനതക്ക്‌ വിശദ​മായ നിർദ്ദേ​ശങ്ങൾ കൊടു​ത്തത്‌ അതിശ​യമല്ല. വാഗ്‌ദ​ത്ത​ദേ​ശത്തു പ്രവേ​ശി​ച്ച​പ്പോൾ കനാന്യ​രു​ടെ “വെറു​ക്കത്തക്ക ആചാരങ്ങ”ളിൽ ഉൾപ്പെ​ടാ​തി​രി​ക്കാൻ അവൻ അവർക്കു മുന്നറി​യി​പ്പു കൊടു​ത്തു. (ലേവ്യ​പു​സ്‌തകം 18:3, 30) ഈ ആചാര​ങ്ങ​ളു​ടെ അഥവാ നടപടി​ക​ളു​ടെ വിശദാം​ശങ്ങൾ ആവർത്തനം 18:10, 11-ൽ പട്ടിക​പ്പെ​ടു​ത്തി​യി​ട്ടുണ്ട്‌. അവയിൽ ആഭിചാ​രം ചെയ്യു​ന്ന​തും മന്ത്രവി​ദ്യ നടത്തു​ന്ന​തും ശകുനം നോക്കു​ന്ന​തും ക്ഷുദ്ര​പ്ര​യോ​ഗം ചെയ്യു​ന്ന​തും മയക്കു​വി​ദ്യ​യാൽ ബന്ധിക്കു​ന്ന​തും സംഭവങ്ങൾ മുൻകൂ​ട്ടി​പ്പ​റ​യുന്ന തൊഴിൽക്കാ​രോട്‌ ആലോചന കഴിക്കു​ന്ന​തും മരിച്ച​വ​രോട്‌ അന്വേ​ഷണം നടത്തു​ന്ന​തും ഉൾപ്പെ​ടു​ന്നു.

നിഗൂ​ഢ​തയെ സൂക്ഷി​ക്കുക!

ആദ്യ​നോ​ട്ട​ത്തിൽ ആ “വെറുക്കത്ത ആചാരങ്ങൾ” നിരു​പ​ദ്ര​വ​ക​ര​മാ​ണെന്നു തോന്നി​യേ​ക്കാം. എന്നാൽ അവിടെ അപകടങ്ങൾ പതിയി​രു​പ്പുണ്ട്‌. എങ്ങനെ? കാരണം ആ ആചാര​ങ്ങൾക്ക്‌ ഭൂതങ്ങ​ളു​മാ​യുള്ള ഇടപാ​ടു​ക​ളി​ലേക്ക്‌ നയിക്കാൻ കഴിയും. കനാന്യ​രു​ടെ വഷളത്ത​വും ലൈം​ഗി​ക​ത​യി​ലും അക്രമ​ത്തി​ലു​മുള്ള അവരുടെ ആസക്തി​യും ഇതിന്റെ തെളി​വാ​യി​രു​ന്നു.

ഇക്കാലത്ത്‌ ക്രമാ​തീത പ്രതി​ഭാ​സ​ത്തി​ലുള്ള താൽപ്പ​ര്യ​ത്തെ പിന്തു​ട​രു​ന്ന​തിൽ സമാന​മായ അപകട​മുണ്ട്‌. അത്‌ ഭൂതശ​ക്തി​ക​ളു​ടെ കെണി​യി​ലേക്കു നയിക്കുന്ന ഇരയാ​യി​രി​ക്കാൻ കഴിയും. നമ്മു​ടെ​നാ​ളി​ലെ നിഗൂ​ഢാ​ചാ​ര​ങ്ങ​ളോ​ടു ബന്ധപ്പെട്ട ലൈം​ഗി​ക​ത​യേ​യും അക്രമ​ത്തേ​യും സംബന്ധിച്ച റിപ്പോർട്ടു​കൾ കാണാൻ നിങ്ങൾ ദൂരെ നോ​ക്കേ​ണ്ട​തില്ല. തന്നിമി​ത്തം മുന്നറി​യി​പ്പു അനുസ​രി​ക്കു​ന്നത്‌ നിങ്ങളു​ടെ അത്യുത്തമ താത്‌പ​ര്യ​ങ്ങൾക്ക​നു​ഗു​ണ​മാണ്‌.

പുരാതന യിസ്രാ​യേ​ലി​നോ​ടുള്ള ദൈവ​ത്തി​ന്റെ കല്‌പന നിഗൂ​ഢ​തയെ വർജ്ജി​ക്കേ​ണ്ട​തി​ന്റെ പ്രാധാ​ന്യ​മേ​റിയ ഒരു കാരണത്തെ ദീപ്‌തി​മ​ത്താ​ക്കു​ന്നു. “എന്തെന്നാൽ ഈ കാര്യങ്ങൾ ചെയ്യുന്ന ഏവനും യഹോ​വ​യ്‌ക്കു വെറു​പ്പാ​കു​ന്നു.” (ആവർത്തനം 18:12) നിശ്വസ്‌ത ക്രിസ്‌തീയ ബൈബി​ളെ​ഴു​ത്തു​കാർ ഈ മൗലി​ക​സ​ത്യ​ത്തോ​ടു യോജി​ക്കു​ന്നു. അപ്പോ​സ്‌ത​ല​നായ പൗലോസ്‌ “ക്തുദ്ര​പ്ര​യോഗ”ത്തെ “[വീഴ്‌ച​ഭ​വിച്ച] ജഡത്തിന്റെ പ്രവൃ​ത്തി​ക​ളിൽ” ഒന്നായി പട്ടിക​പ്പെ​ടു​ത്തു​ന്നു. (ഗലാത്യർ 5:19, 20) “ആത്മവിദ്യ ആചരി​ക്കു​ന്ന​വ​രു​ടെ” ഓഹരി “തീയും ഗന്ധകവും കത്തുന്ന തീപ്പൊ​യ്‌ക​യി​ലാ​യി​രി​ക്കും. അതിന്റെ അർത്ഥം രണ്ടാം മരണം എന്നാണ്‌” എന്ന ദൈവ​ത്തി​ന്റെ മുന്നറി​യിപ്പ്‌ അപ്പോ​സ്‌ത​ല​നായ യോഹ​ന്നാൻ എഴുതി​വെ​ക്കു​ക​യു​ണ്ടാ​യി.—വെളി​പ്പാട്‌ 21:8.

വീജാ​ബോർഡു​പോ​ലെ നിർദ്ദോ​ഷ​മാ​യി കാണ​പ്പെ​ടുന്ന എന്തെങ്കി​ലും കൊണ്ടു കളിക്കു​ന്ന​തി​നാൽ അപകട​ക​ര​മായ പരിണ​ത​ഫ​ലങ്ങൾ ഉണ്ടാകാ​വു​ന്ന​ത​ല്ലെന്ന്‌ ചിലയാ​ളു​കൾ വിശ്വ​സി​ച്ചേ​ക്കാം. എന്നിരു​ന്നാ​ലും, ഇംഗ്ലണ്ടി​ലെ ബസ്‌ ഡ്രൈ​വ​റൻമാ​രു​ടെ ഒരു സംഘം വിശ്ര​മ​വേ​ള​ക​ളിൽ ഒരു വീജാ​ബോർഡു​പ​യോ​ഗി​ച്ചു കളിച്ച​പ്പോൾ അന്യോ​ന്യ​മുള്ള അവരുടെ മനോ​ഭാ​വ​ത്തി​നു മാറ്റം വന്നതായി കണ്ടെത്തി. ചിലർ പതിവി​ല്ലാ​ത്ത​വി​ധം ആക്രമ​ണോ​ത്സു​ക​രാ​യി. ഈ മനോ​ഭാ​വം അവരുടെ ഡ്രൈ​വിം​ഗി​നെ​യും ബാധിച്ചു. യാതൊ​രു കാരണ​വും കൂടാതെ മുമ്പി​ലൂ​ടെ വരുന്ന വാഹന​ങ്ങ​ളു​ടെ നേരെ തങ്ങളുടെ വണ്ടികൾ ഡ്രൈവു ചെയ്യാൻ ഒരു ശക്തമായ പ്രേരണ തോന്നി​യ​താ​യി അവർ റിപ്പോർട്ടു ചെയ്‌തു.

ഇനി വീജാ​ബോർഡു​കൊ​ണ്ടു പരീക്ഷണം നടത്തി ഭൂതകാ​ല​വു​മാ​യി ഒരു ആസക്തി വളർത്തിയ ഒരു ചെറു​പ്പ​ക്കാ​രി സ്‌ത്രീ ഉണ്ടായി​രു​ന്നു. 300 വർഷം മുമ്പു മരിച്ച ഒരു മനുഷ്യ​നോ​ടു താൻ പ്രേമ​ത്തി​ലാ​ണെന്ന്‌ അവൾ വിശ്വ​സി​ച്ചു. അയാളു​മാ​യി സമ്പർക്കം പുലർത്താൻ അവൾ ശ്രമി​ച്ചു​കൊ​ണ്ടി​രു​ന്നു. അവളുടെ ജ്വരം ഒടുവിൽ ഒരു റെയിൽവേ ട്രാക്കിൽ കിടന്നു ആത്മഹത്യ ചെയ്യാൻ അവളെ നയിച്ചു. തന്റെ പ്രിയ​പ്പെ​ട്ട​വ​നോ​ടു ചേരാൻ മരിക്കു​ന്ന​തിന്‌ താൻ ആഗ്രഹി​ച്ച​താ​യി സൂചി​പ്പിച്ച ഡയറികൾ കേസ്‌ അന്വേ​ഷിച്ച പോലീസ്‌ കണ്ടെത്തു​ക​യു​ണ്ടാ​യി.

അതു​കൊണ്ട്‌ നിഗൂ​ഢ​ത​യിൽ നിങ്ങൾ അനുചി​ത​മാ​യി ആകൃഷ്ട​നാ​കു​ന്നി​ല്ലെന്ന്‌ നിങ്ങൾ വിചാ​രി​ച്ചാൽത്തന്നെ സൂക്ഷി​ക്കുക! “ജാഗ്ര​ത​പാ​ലി​ക്കുക, ഉണർന്നി​രി​ക്കുക” എന്ന തിരു​വെ​ഴു​ത്തു ബുദ്ധി​യു​പ​ദേശം അനുസ​രി​ക്കുക. നിഗൂ​ഢ​ത​യു​ടെ പിമ്പിൽ ആരാ​ണെന്ന്‌ ഓർക്കുക. “നിങ്ങളു​ടെ ശത്രു​വായ പിശാച്‌ ആരെ​യെ​ങ്കി​ലും വിഴു​ങ്ങാൻ ശ്രമി​ച്ചു​കൊണ്ട്‌ അലറുന്ന ഒരു സിംഹ​ത്തെ​പ്പോ​ലെ അങ്ങുമി​ങ്ങും നടക്കു​ക​യാ​കു​ന്നു.” (1 പത്രോസ്‌ 5:8) ആ ‘ആരെങ്കി​ലും’ നിങ്ങളാ​യി​രി​ക്കാൻ അനുവ​ദി​ക്ക​രുത്‌!

പിശാ​ചും അവന്റെ ഭൂതങ്ങ​ളും യഥാർത്ഥ​ത്തിൽ സ്ഥിതി​ചെ​യ്യു​ക​തന്നെ ചെയ്യു​ന്നു​വെ​ന്നും അവർക്കു തീർച്ച​യാ​യും ഒരു വ്യക്തി​യു​ടെ ജീവി​തത്തെ സ്വാധീ​നി​ക്കാൻ കഴിയു​മെ​ന്നും അടുത്ത ലേഖനം വിശദ​മാ​ക്കു​ന്നു. (g86 8/22)

[അടിക്കു​റി​പ്പു​കൾ]

[10-ാം പേജിലെ ആകർഷ​ക​വാ​ക്യം]

അവർ ആശയവി​നി​യമം ചെയ്യു​ന്നത്‌ മരിച്ച​വ​രു​മാ​യി​ട്ടാ​ണോ?

[9-ാം പേജിലെ ചിത്രം]

300 വർഷം മുമ്പ്‌ മരിച്ച ഒരു മനുഷ്യ​നോട്‌ താൻ പ്രേമ​ത്തി​ലാ​ണെന്ന്‌ അവൾ വിശ്വ​സി​ച്ചു