ഭീകര​പ്ര​വർത്തനം—എന്താണ്‌ പരിഹാ​രം?

നിങ്ങൾ എല്ലായി​ട​ത്തേ​ക്കും വിമാ​ന​ത്തിൽ സഞ്ചരി​ക്കു​ന്നു​വെ​ങ്കിൽ, നിങ്ങൾ ഭീകര​പ്ര​വർത്ത​ന​ത്തി​ന്റെ ഫലങ്ങൾ കണ്ടിട്ടുണ്ട്‌. മിക്കവാ​റു​മെല്ലാ അന്താരാ​ഷ്‌ട്ര വിമാ​ന​ത്താ​വ​ള​ങ്ങ​ളി​ലും സുരക്ഷാ​പ​രി​ശോ​ധ​നകൾ നിർബ്ബ​ന്ധി​ത​മാണ്‌. ഭീകര​പ്ര​വർത്തനം ഗവൺമെൻറു​കൾക്കും വിമാന സർവ്വീ​സു​കൾക്കും സുരക്ഷി​തത്വ നടപടി​കൾക്കാ​യി വളരെ ചെലവു വരുത്തു​ന്നു. 1984-ൽ ലോസ്‌ ആഞ്ചലീ​സിൽ നടന്ന ഒളിമ്പിക്ക്‌ ഗയിം​സിൽ സുരക്ഷി​ത​ത്വ​ത്തി​നു​വേണ്ടി യു. എസ്‌. ഗവൺമെൻറിന്‌ ഏതാണ്ട്‌ 80 കോടി രൂപ​യോ​ളം ചെലവാ​യി. ഈ നടപടി​കൾ എത്ര ഫലപ്ര​ദ​മാണ്‌?

ചില വശങ്ങളിൽ അത്‌ പ്രതി​ഫ​ല​ദാ​യ​ക​മാണ്‌. കഴിഞ്ഞ 20 വർഷങ്ങ​ളിൽ, ഐക്യ​നാ​ടു​ക​ളിൽ മാത്രം ഏതാണ്ട്‌ 35,000 ചെറു​തോ​ക്കു​ക​ളോ സ്‌ഫോ​ട​ക​വ​സ്‌തു​ക്ക​ളോ കണ്ടെടു​ത്തി​ട്ടുണ്ട്‌. 13,000 അറസ്‌റ്റു​ക​ളും നടന്നു. (ഡിപ്പാർട്ട്‌മെൻറ്‌ ഓഫ്‌ സ്‌റേ​റ്റ ബുള്ളറ്റിൻ) യിസ്രാ​യേലി വിമാ​ന​സർവ്വീ​സായ എൽ ആൽ ആകാശ​ത്തി​ലെ ഭീകര​പ്ര​വർത്തന വിജയത്തെ കർശന​മാ​യി കുറച്ചി​ട്ടുണ്ട്‌, ഒരുപക്ഷെ എല്ലാവ​രെ​ക്കാ​ളും ഏറ്റവും കർശന​മായ സുരക്ഷി​തത്വ പരി​ശോ​ധ​ന​യാണ്‌ അതിനു​ള്ളത്‌.

എന്നിരു​ന്നാ​ലും, ഗവൺമെൻറു​ക​ളും ഏജൻസി​ക​ളും യഥാർത്ഥ​ത്തിൽ കാരണ​ങ്ങളല്ല, ലക്ഷണങ്ങ​ളാണ്‌ കൈകാ​ര്യം ചെയ്യു​ന്നത്‌. അവരുടെ പരിഹാ​രങ്ങൾ ആധുനിക സമുദാ​യ​ത്തിൽ ആഴത്തിൽ ബാധി​ച്ചി​രി​ക്കുന്ന ഒരു രോഗ​ത്തി​ന്റെ മൂല കാരണ​ത്തിൽ എത്തുന്നില്ല—സ്വാർത്ഥ​ത​യി​ലും വിദ്വേ​ഷ​ത്തി​ലും അധിഷ്‌ഠി​ത​മായ ഒരു രോഗ​മാ​ണിത്‌. അനീതി​ക​ളും അസമത്വ​ങ്ങ​ളും വർദ്ധി​ച്ചു​പെ​രു​കു​ന്നു—നിലവി​ലുള്ള പ്രത്യ​യ​ശാ​സ്‌ത്രം എന്തുത​ന്നെ​യാ​യാ​ലും. തന്നിമി​ത്തം, ഒരു പരിഹാ​രം എവിടെ കണ്ടെത്താൻ കഴിയും? മതത്തിന്‌ വിദ്വേ​ഷത്തെ സ്‌നേ​ഹ​മാ​ക്കി മാറ്റാൻ കഴിയു​മോ? രാഷ്‌ട്രീ​യ​ത്തിന്‌ അനൈ​ക്യ​ത്തിൽനിന്ന്‌ ഐക്യം കൈവ​രു​ത്താൻ കഴിയു​മോ? ഐക്യ​രാ​ഷ്‌ട്ര​ങ്ങൾക്ക്‌ യഥാർത്ഥ​മാ​യി രാഷ്‌ട്ര​ങ്ങളെ ഐക്യ​ത്തി​ലാ​ക്കാൻ കഴിയു​മോ? അതോ, മറ്റെ​ന്തെ​ങ്കി​ലും പരിഹാ​ര​മു​ണ്ടോ?

മതത്തിന്‌ പരിഹാ​ര​മു​ണ്ടോ?

വടക്കൻ അയർല​ണ്ടിൽ 1969 മുതൽ പ്രബല​പ്പെ​ട്ടി​രി​ക്കുന്ന ഭീകര​പ്ര​വർത്തനം 2000-ത്തിൽപരം പേരുടെ ജീവൻ ഒടുക്കി. ഏതാണ്ടു 15 ലക്ഷം പേരുള്ള ആ രാജ്യത്ത്‌ 20,000 പേർക്കു പരി​ക്കേൽപ്പി​ക്കു​ക​യും ചെയ്‌തു. പ്രതി​യോ​ഗി​കൾ “ദൈവം സ്‌നേ​ഹ​മാ​കു​ന്നു” എന്ന തത്വത്തി​ല​ധി​ഷ്‌ഠി​ത​മായ ഒരേ ക്രിസ്‌തീയ പൈതൃ​ക​ത്തി​ന്റെ അവകാ​ശി​ക​ളെന്ന്‌ അഭിമാ​നി​ക്കു​ന്നു. (1 യോഹ​ന്നാൻ 4:8) എന്നിരു​ന്നാ​ലും, കത്തോ​ലി​ക്ക​രാ​ലും പ്രോ​ട്ട​സ്‌റ്റൻറു​കാ​രാ​ലു​മുള്ള ഭീകര​പ്ര​വർത്തനം തുടരു​ക​യാണ്‌. മതവും വടക്കൻ അയർല​ണ്ടി​ലെ പ്രശ്‌ന​വും എന്ന പുസ്‌ത​ക​ത്തിൽ ജോൺ ഹിക്കി എഴുതു​ന്നു: “കേവലം ഒരു റോമൻ കത്തോ​ലി​ക്ക​നോ ഒരു പ്രോ​ട്ട​സ്‌റ്റൻറു​കാ​ര​നോ ആയിരി​ക്കു​ന്ന​തി​ന്റെ ഭവിഷ്യ​ത്തെ​ന്ന​നി​ല​യിൽ ഇപ്പോൾ അപകട​മോ മരണമോ . . . വരിക്കുക സാദ്ധ്യ​മാണ്‌; ‘ഭിതി​യു​ടെ സമനില’ സംബന്ധിച്ച വടക്കൻ അയർല​ണ്ടി​ന്റെ പ്രത്യേക ഭാഷ്യം നിലനിർത്താ​നുള്ള മാർഗ്ഗ​മാ​യി കിരാ​ത​മായ പ്രതി​കാ​രത്തെ—കക്ഷിപ​ര​മായ കൊല​പാ​ത​കത്തെ—വരിക്കുക സാദ്ധ്യ​മാണ്‌.”

ഇതേ എഴുത്തു​കാ​രൻ ഇങ്ങനെ പ്രസ്‌താ​വി​ക്കു​ന്നു: “[വടക്കൻ അയർല​ണ്ടി​ലെ] രാഷ്‌ട്രീ​യം മതത്തെ ചൂഷണം ചെയ്യുന്ന രാഷ്‌ട്രീ​യമല്ല, . . . അത്‌ അധിക​വും മതം രാഷ്‌ട്രീ​യത്തെ പ്രചോ​ദി​പ്പി​ക്കു​ന്ന​തി​ന്റെ പ്രശ്‌ന​മാണ്‌.” അതാണ്‌ വാസ്‌ത​വ​മെ​ങ്കിൽ, അത്‌ പരസ്‌പര സംഹാ​ര​ത്തി​ന്റെ​യും പ്രതി​കാ​ര​ത്തി​ന്റെ​യും രാഷ്‌ട്രീ​യ​മാണ്‌.

മിക്കമ​ത​ങ്ങ​ളും ഒരു അടിസ്ഥാ​ന​ത​ത്വ​മാ​യി സ്‌നേഹം പഠിപ്പി​ക്കു​ന്നു. ഒരു നല്ല ശതമാനം ഭീകര​പ്ര​വർത്ത​കർക്ക്‌ മതപര​മായ ബന്ധമുണ്ട്‌—അവകാ​ശ​പ്പെ​ടു​ന്ന​ത​നു​സ​രിച്ച്‌ ക്രിസ്‌ത്യാ​നി​ക​ളോ യഹൂദൻമാ​രോ മുസ്ലീ​ങ്ങ​ളോ ബുദ്ധമ​ത​ക്കാ​രോ ഹിന്ദു​ക്ക​ളോ സിക്കു​കാ​രോ മറ്റു മതസ്ഥരോ ആണ്‌ അവർ. എന്നാൽ അവരുടെ മതം അവരുടെ പ്രവർത്ത​ന​ങ്ങളെ എത്ര​ത്തോ​ളം സ്വാധീ​നി​ക്കു​ന്നു? ആത്യന്തി​കാ​യു​ധം—ഭീകര​പ്ര​വർത്ത​ക​രും ലോക​ക്ര​മ​വും എന്ന പുസ്‌ത​ക​ത്തിൽ ജാൻ ഷ്‌റീബർ ഐ ആർ എ നേതാ​വായ റു​വൈറി ഓബ്രാ​ഡാ​യി​യെ ഉദ്ധരി​ക്കു​ന്നു: “ഞാൻ ഒരിക്കൽ ഒരു വളരെ കഠിന​നായ മനുഷ്യ​നോ​ടു​കൂ​ടെ​യാ​യി​രു​ന്നു. ഞങ്ങൾ ഒരുമിച്ച്‌ ഒരു മൈൻ സ്ഥാപി​ച്ചി​രു​ന്നു, ബ്രിട്ടീഷ്‌ പടയാ​ളി​ക​ളു​ടെ സംഘത്തി​ന​ടി​യിൽ സ്‌ഫോ​ടനം ചെയ്യാൻവേ​ണ്ടി​യാ​യി​രു​ന്നു. തീർച്ച​യാ​യും അത്‌ ലക്ഷ്യത്തിൽ കൊണ്ടു. ഈ കഠിന മനുഷ്യൻ എന്തു ചെയ്‌തു? മൈൻ പൊട്ടി അവരെ​യെ​ല്ലാം തരിപ്പ​ണ​മാ​ക്കു​ന്ന​തി​നുള്ള ബന്ധമു​ണ്ടാ​ക്കു​ന്ന​തി​നു തൊട്ടു​മുമ്പ്‌ അയാൾ കണ്ണുക​ള​ടച്ചു. പിന്നീട്‌ അയാൾ കുരിശു വരച്ച​ശേഷം ഭക്തിപൂർവ്വം ‘കർത്താവേ, ഇപ്പോൾ അവരുടെ ദേഹി​ക​ളോ​ടു കനിവു തോ​ന്നേ​ണമേ!’ എന്നു മന്ത്രിച്ചു.”

ഗറില്ല​റോസ്‌ ഡൽ ക്രിസ്‌റ്റോ റേ അഥവാ ക്രിസ്‌തു​രാ​ജാ​വി​ന്റെ ഗറില്ലകൾ എന്നറി​യ​പ്പെ​ടുന്ന തങ്ങളുടെ സ്വന്തം ഭീകര​സം​ഘം രൂപവൽക്ക​രി​ക്കു​ന്ന​തിൽനിന്ന്‌ മതം സ്‌പെ​യി​നി​ലെ വലതുപക്ഷ കത്തോ​ലി​ക്കരെ തടഞ്ഞി​ട്ടില്ല. ഭീകര​പ്ര​വർത്തകർ, എന്ന പുസ്‌ത​ക​ത്തി​ന്റെ രചയി​താ​ക്കൾ പറയു​ന്ന​ത​നു​സ​രിച്ച്‌, ഗറില്ലകൾ തങ്ങളുടെ അസ്‌തി​ത്വ​ത്തിന്‌ രാഷ്‌ട്രീ​യ​ത്തോ​ളം​തന്നെ മതത്തോ​ടും കടപ്പെ​ട്ടി​രി​ക്കു​ന്നു.”

ഭീകര​പ്ര​വർത്ത​നത്തെ നിർമ്മാർജ്ജനം ചെയ്യു​ന്ന​തി​ലുള്ള മതത്തിന്റെ പരാജയം നമ്മെ അതിശ​യി​പ്പി​ക്ക​ണ​മോ? കാലി​ഫോർണി​യാ യൂണി​വേ​ഴ്‌സി​റ്റി​യി​ലെ രാഷ്‌ട്ര​മീ​മാം​സാ വകുപ്പി​ലെ പ്രൊ​ഫസ്സർ സി. ഈ. സോപ്പോ ഇങ്ങനെ എഴുതു​ന്നു: “പാശ്ചാ​ത്യ​ദേ​ശത്തെ സംഘടി​ത​മ​തങ്ങൾ രാഷ​ട്രീ​യോ​ദ്ദേ​ശ്യ​ങ്ങൾക്കാ​യുള്ള അക്രമ​ത്തി​ന്റെ ഉപയോ​ഗത്തെ അഭിമു​ഖീ​ക​രി​ച്ച​പ്പോൾ, തങ്ങളുടെ അനുയാ​യി​ക​ളു​ടെ ഇടയിൽ അവർ പ്രോ​ത്സാ​ഹി​പ്പിച്ച ധാർമ്മി​കാ​വ​കാ​ശങ്ങൾ തങ്ങളുടെ മതശ​ത്രു​ക്കൾക്കു നിഷേ​ധി​ക്കു​ക​യും . . . ‘അവിശ്വാ​സി​കൾ’ക്കെതിരെ ഭീകര​പ്ര​വർത്ത​നത്തെ അനുവ​ദി​ക്കു​ക​പോ​ലും ചെയ്‌തു.” അർബൻ രണ്ടാമൻ പാപ്പാ​യു​ടെ കാലത്തെ വിശുദ്ധ കുരി​ശു​യു​ദ്ധത്തെ ഉദ്ധരി​ച്ചു​കൊണ്ട്‌ അദ്ദേഹം തുടരു​ന്നു: “കുരി​ശു​യു​ദ്ധം ഇസ്ലാമി​നെ സ്ഥിരമാ​യി കീഴട​ക്കാൻ പ്രതീ​ക്ഷി​ച്ചി​രു​ന്നു, ‘യുദ്ധങ്ങളെ അവസാ​നി​പ്പി​ക്കാ​നുള്ള യുദ്ധ’മായി പരിഗ​ണി​ക്ക​പ്പെ​ടു​ക​യും ചെയ്‌തി​രു​ന്നു. ഇസ്ലാം സകല ദുഷ്ടശ​ക്തി​ക​ളു​ടെ​യും അവതാ​ര​മാ​യി കരുത​പ്പെ​ട്ടി​രു​ന്നു. ഒരു ക്രിസ്‌തീയ ശത്രു​പ​ട​യാ​ളി​യെ കൊല്ലു​മ്പോൾ ഒരു ക്രിസ്‌തീയ പടയാ​ളിക്ക്‌ നാല്‌പതു ദിവസത്തെ ദോഷ​പ​രി​ഹാ​രം ലഭിക്കു​മ്പോൾ മുസ്ലീ​ങ്ങളെ കൊല്ലു​ന്നത്‌ ‘സകല ദോഷ​പ​രി​ഹാ​ര​ങ്ങ​ളു​ടെ​യും സാരാം​ശം’ ആയിത്തീർന്നു.—ദ റാഷണ​ലൈ​സേഷൻ ഓഫ്‌ റ്റെറ്റ​സം.

മറ്റു മതങ്ങളും ഒരു അവിശ്വാ​സി​യെ കൊല്ലു​ന്ന​തി​നു പുണ്യം കൽപ്പി​ക്കു​ന്നു. അത്‌ അവരുടെ സ്വർഗ്ഗീയ പരദീ​സ​യി​ലേ​ക്കുള്ള ഒരു പാസ്‌പോർട്ടാ​ണെന്ന്‌ അവർ വിശ്വ​സി​ക്കു​ന്നു. തന്നിമി​ത്തം, ഒരു ഭീകര​പ്ര​വർത്ത​കന്റെ മതവി​ശ്വാ​സ​ത്തിന്‌ യഥാർത്ഥ​ത്തിൽ കൊല​ചെ​യ്യാ​നും ആത്മഹത്യാ​ബോം​ബിംഗ്‌ നടത്താ​നും​പോ​ലു​മുള്ള പ്രേര​ണയെ ബലിഷ്‌ഠ​മാ​ക്കാൻ കഴിയും.

ഒരു രാഷ്‌ട്രീയ പരിഹാ​ര​മു​ണ്ടോ?

പാശ്ചാ​ത്യ​ദേ​ശത്തെ രാഷ്‌ട്രീയ, സൈനിക, വിദഗ്‌ദ്ധർക്ക്‌ ഭീകര​പ്ര​വർത്ത​ന​ത്തിന്‌ അവരു​ടേ​തായ പരിഹാ​രങ്ങൾ ഉണ്ട്‌, അവയുടെ പ്രയോ​ഗ​ത്തിൽ എല്ലായ്‌പ്പോ​ഴും ഏകീഭാ​വ​മി​ല്ലെ​ങ്കി​ലും. ഇപ്പോൾത്തന്നെ ഇരകളാ​യി​രി​ക്കുന്ന രാഷ്‌ട്ര​ങ്ങ​ളു​ടെ നയം തീയെ തീകൊ​ണ്ടു പോരാ​ടുക എന്നതാണ്‌. അമേരി​ക്ക​യി​ലെ കേന്ദ്ര രഹസ്യാ​ന്വേ​ഷണ ഏജൻസി ഡയറക്ട​റായ വില്യം കേസി ഇങ്ങനെ പ്രസ്‌താ​വി​ക്കു​ന്നു: “ശക്തി​പ്ര​യോ​ഗം അർഹി​ക്കുന്ന അവസ്ഥകൾ ഉള്ളടത്ത്‌, ഭീകര​പ്ര​വർത്ത​ന​ങ്ങളെ തടയു​ന്ന​തി​നോ അവയോ​ടു പ്രതി​ക​രി​ക്കു​ന്ന​തി​നോ ശക്തമായ പ്രവർത്ത​ന​ത്തിൽനിന്ന്‌ മാറി​നിൽക്കാൻ ഞങ്ങൾക്കു കഴിക​യില്ല, മാറി​നിൽക്കു​ക​യു​മില്ല. ഐക്യ​നാ​ടു​കൾ ഉൾപ്പെടെ അനേകം രാജ്യ​ങ്ങൾക്ക്‌ ഭീകര സംഘങ്ങൾക്കെ​തി​രായ പ്രവർത്ത​നങ്ങൾ നടത്തു​ന്ന​തിന്‌ പ്രത്യേക സേനക​ളും പ്രാപ്‌തി​ക​ളു​മുണ്ട്‌.”—ഹൈഡ്രാ ഓഫ്‌ കാർനിജ്‌.

ഒരു ബർലിൻ നൈറ്റ്‌ ക്ലബ്ബിലെ ഒരു ഭീകര​പ്ര​വർത്തന ബോം​ബു​സ്‌ഫോ​ട​ന​ത്തി​ന്റെ പകരം വീട്ടലാ​യി 1986 ഏപ്രി​ലിൽ ഐക്യ​നാ​ടു​കൾ ലിബി​യ​യിൽ നടത്തിയ ആക്രമണം ആ നയത്തെ വിശദ​മാ​ക്കു​ന്നു. എന്നാൽ അത്‌ ഒരു സത്വര വിലയും ഒടുക്കാ​നി​ട​യാ​ക്കു​ന്നു. യു. എസ്‌ അധികൃ​തർ അനിവാ​ര്യ​മെന്നു കണ്ട ലിബി​യ​യി​ലെ പൗരജന മരണവും ജീവന​ക്കാർ സഹിത​മുള്ള യു. എസ്‌. വിമാ​ന​ത്തി​ന്റെ നഷ്ടവും. ഭീകര​പ്ര​വർത്ത​ന​ത്തി​നും ഭീകര​പ്ര​തി​പ്ര​വർത്ത​ന​ത്തി​നും അതിന്റെ നിഗൂഢ വിലയുണ്ട്‌—അന്തസ്സും വിശ്വാ​സ്യ​ത​യും.

ഇത്തരം രഹസ്യ​യുദ്ധ രീതി​യിൽ ഇവ സാധാ​ര​ണ​ഗ​തി​യി​ലുള്ള ത്യാഗ​ങ്ങ​ളാ​ണെന്ന്‌ രാജ്യ​ത​ന്ത്ര​ജ്ഞൻമാ​രും സൈനിക പ്രവർത്ത​ക​രും വീക്ഷി​ക്കു​ന്നു. ബഞ്ചമിൻ നെതന്യാ​ഹു എഴുതു​ന്ന​തു​പോ​ലെ, “ഭീകര​പ്ര​വർത്ത​ന​ത്താൽ ഭീഷണി​പ്പെ​ടു​ത്ത​പ്പെ​ടുന്ന ഒരു ജനാധി​പ​ത്യ​രാ​ജ്യ​ത്തെ സകല പൗരൻമാ​രും ഒരർത്ഥ​ത്തിൽ ഒരു പൊതു​യു​ദ്ധ​ത്തി​ലെ ഭടൻമാ​രാ​യി തങ്ങളേ​ത്തന്നെ കാണേ​ണ്ട​താണ്‌. ഭീകര​പ്ര​വർത്ത​ന​ത്തിന്‌ കീഴട​ങ്ങാ​നോ അടിയറ പറയാ​നോ അവർ തങ്ങളുടെ ഗവൺമെൻറി​ന്റെ​മേൽ സമ്മർദ്ദം ചെലു​ത്ത​രുത്‌. ഭീകര​പ്ര​വർത്ത​ന​ത്തി​നെ​തി​രായ യുദ്ധത്തിൽ വിജയി​ക്കാൻ നാം സഗൗരവം ആഗ്രഹി​ക്കു​ന്നു​വെ​ങ്കിൽ ജനങ്ങൾ ത്യാഗങ്ങൾ സഹിക്കാൻ, പ്രിയ​പ്പെ​ട്ട​വ​രു​ടെ നഷ്ടമു​ണ്ടാ​കു​ന്നു​വെ​ങ്കിൽ, അളവറ്റ വേദന സഹിക്കാൻ തയ്യാറാ​യി​രി​ക്കണം.”—ഭീകര​പ്ര​വർത്തനം—പാശ്ചാ​ത്യ​ലോ​ക​ത്തിന്‌ എങ്ങനെ വിജയി​ക്കാം.

അപ്പോൾ, ഭീകര​പ്ര​വർത്ത​ന​ത്തിൽ അന്തർഭ​വി​ച്ചി​രി​ക്കുന്ന കാരണങ്ങൾ നീക്കം ചെയ്യാൻ രാഷ്‌ട്രീ​യ​ത്തി​നു കഴിയു​മോ? അനീതി​കൾക്കു പരിഹാ​ര​മു​ണ്ടാ​ക്കാ​നും സാഹച​ര്യ​ത്തെ സാധാ​ര​ണ​നി​ല​യി​ലാ​ക്കാ​നും കഴിയു​മോ? രാഷ്‌ട്രീയ ഭാഷ്യ​കാ​രൻമാർ പറയു​ന്ന​ത​നു​സ​രി​ച്ചു കഴിക​യില്ല. എന്തു​കൊണ്ട്‌? എന്തു​കൊ​ണ്ടെ​ന്നാൽ, നാം നമ്മുടെ മുൻലേ​ഖ​ന​ത്തിൽ കണ്ടതു​പോ​ലെ, ഭീകര​പ്ര​വർത്ത​ന​ത്തി​ല​ധി​ക​വും രണ്ടു വൻ രാഷ്‌ട്രീയ വ്യവസ്ഥി​തി​കൾ തമ്മിലുള്ള സംഘട്ട​ന​ത്തി​ലെ മറ്റൊ​രാ​യു​ധം മാത്ര​മാണ്‌. തന്നിമി​ത്തം രാഷ്‌ട്രീ​യം ഭീകര​പ്ര​വർത്ത​ന​ത്തി​നു ജൻമ​മേ​കു​ന്നു.

ഒരു ദൃഷ്ടാ​ന്ത​മെ​ന്ന​നി​ല​യിൽ ഫ്രഞ്ച്‌ എഴുത്തു​കാ​ര​നും പത്ര​പ്ര​വർത്ത​ക​നു​മായ ജീൻ—ഫ്രാ​ങ്കോ​യിസ്‌ റെവൽ ഇങ്ങനെ എഴുതി: “ഭീകര​പ്ര​വർത്തകർ തങ്ങളുടെ പ്രകട​ന​പ​ത്രി​ക​ക​ളി​ലും പുസ്‌ത​ക​ങ്ങ​ളി​ലും ജനാധി​പ​ത്യ​ങ്ങ​ളു​ടെ​മേ​ലുള്ള തങ്ങളുടെ ആക്രമ​ണത്തെ ‘സംഘർഷ​നയം’ എന്നു വർണ്ണി​ക്കു​ന്നു. ജനാധി​പ​ത്യ​ത്തിൽനിന്ന്‌ കമ്മ്യൂ​ണി​സ​ത്തി​ലേക്കു പോകു​ന്ന​തി​നെ​ക്കാൾ വളരെ എളുപ്പ​മാണ്‌ ഫാഷി​സ​ത്തിൽനിന്ന്‌ കമ്മ്യൂ​ണി​സ​ത്തി​ലേക്കു പോകു​ന്നത്‌ എന്നതാണ്‌ ആശയം. തന്നിമി​ത്തം ‘വിപ്ലവ​വാ​ദി​കൾ,’ രണ്ടാമത്തെ ദശയിൽ ഫാഷി​സ​ത്തി​ന്റെ ചാമ്പലിൻമേൽ സോഷ്യ​ലി​സം കെട്ടു​പണി ചെയ്യത്ത​ക്ക​വണ്ണം ആദ്യം ജനാധി​പ​ത്യ​ങ്ങളെ ഒരു ഫാഷി​സ്‌റ്റ്‌ പ്രവർത്തന മാതൃ​ക​യി​ലേക്ക്‌ തള്ളി നീക്കേ​ണ്ട​താണ്‌.” അങ്ങനെ, ചില രാജ്യ​ങ്ങ​ളിൽ, ഒരു വലതുപക്ഷ പട്ടാള വിപ്ലവം ഉണ്ടാക്കു​ന്ന​തിന്‌ ഭീകര​പ്ര​വർത്തകർ കരുതി​കൂ​ട്ടി സൈനിക ഉദ്യോ​ഗ​സ്ഥൻമാ​രെ കൊല ചെയ്യും.

യു. എൻ—ന്‌ വേലി​യേ​റ്റത്തെ തടയാൻ കഴിയു​മോ?

രാഷ്‌ട്രീയ ശാസ്‌ത്ര​ജ്ഞ​നായ സി. ഈ. സോപ്പോ യു. എൻ ചെന്നെ​ത്തി​യി​രി​ക്കുന്ന പ്രയാ​സ​സാ​ഹ​ച​ര്യ​ത്തെ വിശദീ​ക​രി​ച്ചു: “സാർവ്വ​ദേ​ശീയ ഭീകര​പ്ര​വർത്തനം എന്താ​ണെ​ന്നു​ള്ളതു സംബന്ധി​ച്ചോ അംഗരാ​ഷ്‌ട്ര​ങ്ങ​ളു​ടെ ഉചിത​മായ പ്രതി​വർത്ത​നങ്ങൾ എന്തായി​രി​ക്കാ​മെ​ന്നതു സംബന്ധി​ച്ചോ ഐക്യ​രാ​ഷ്‌ട്ര​ങ്ങൾക്ക്‌ യാതൊ​രു യോജി​പ്പി​ലും എത്താൻ കഴിഞ്ഞി​ട്ടി​ല്ലെ​ന്നു​ള്ളത്‌ . . . ആശ്ചര്യമല്ല.” ഐക്യ​രാ​ഷ്‌ട്രങ്ങൾ യുദ്ധം ചെയ്യുന്ന ഒരുതരം കലമാ​നു​ക​ളെ​പ്പോ​ലെ, യുദ്ധത്തിൽ വൻശക്തി​കൾ കൊമ്പു​ക​ളു​ട​ക്കു​ന്ന​തും പദങ്ങളു​ടെ അർത്ഥം സംബന്ധിച്ച്‌ നിശ്ചല​മാ​കു​ന്ന​തു​മായ ഒരു അന്താരാ​ഷ്‌ട്ര​പോർക്ക​ള​മാ​ണെന്നു തിരി​ച്ച​റി​യു​മ്പോൾ അത്‌ ഏതൊ​രു​വ​നും ആശ്ചര്യ​മാ​യി​രി​ക്ക​രുത്‌.

യു. എന്നിൽ ഭീകര​പ്ര​വർത്ത​ന​ത്തി​നി​ര​യാ​യി​രി​ക്കുന്ന ജനാധി​പ​ത്യ​ങ്ങൾ ന്യൂന​പ​ക്ഷ​മാ​ണെ​ന്നു​ള്ള​താണ്‌ മറ്റൊ​രു വസ്‌തുത. സോപ്പോ വിശദീ​ക​രി​ച്ച​പ്ര​കാ​രം “സാർവ്വ​ദേ​ശീയ ഭീകര​പ്ര​വർത്തനം സംബന്ധിച്ച ഒരു യു. എൻ. പൊതു​സ​ഭാ​പ്ര​മേയം . . . ‘സാർവ്വ​ദേ​ശീയ ഭീകര​പ്ര​വർത്ത​ന​ങ്ങ​ളാൽ അഗാധ​മാ​യി അസ്വസ്ഥ​മെ​ങ്കി​ലും, അധിനി​വേശ ഭരണങ്ങ​ളു​ടെ​യും വർഗ്ഗീ​യാ​ധി​പ​ത്യ​ങ്ങ​ളു​ടെ​യും മറ്റ്‌ വിദേ​ശീ​യാ​ധി​പ​ത്യ​ങ്ങ​ളു​ടെ​യും കീഴിലെ സകല ജനങ്ങൾക്കും സ്വയം നിർണ്ണ​യ​ത്തി​നും സ്വാത​ന്ത്ര്യ​ത്തി​നു​മുള്ള അന്യാ​ധീ​ന​മാ​ക്കാ​വ​ത​ല്ലാത്ത അവകാ​ശത്തെ വീണ്ടും ശരിവ​യ്‌ക്കു​ക​യു​ണ്ടാ​യി.” “സ്വയം നിർണ്ണ​യ​ത്തി​നും സ്വാത​ന്ത്ര്യ​ത്തി​നു​മുള്ള ആളുക​ളു​ടെ ന്യായ​മായ അവകാ​ശത്തെ നിഷേ​ധി​ക്കുന്ന കൊ​ളോ​ണി​യൽ, വർഗ്ഗീയ വിദേ​ശീയ ഭരണങ്ങ​ളു​ടെ മർദ്ദന​പ​ര​വും ഭീകര​വു​മായ പ്രവർത്ത​ന​ങ്ങ​ളു​ടെ തുടർച്ചയെ” ഇതേ പ്രമേയം കുറ്റം​വി​ധി​ച്ചു.

അങ്ങനെ, സോപ്പോ പറയു​ന്ന​ത​നു​സ​രിച്ച്‌, യു. എൻ. ഭീകര​പ്ര​വർത്തനം സംബന്ധിച്ച്‌ ഒരു ഇരട്ടത്താ​പ്പു നയത്തെ അംഗീ​ക​രി​ച്ചി​രി​ക്കു​ന്നു. അദ്ദേഹം തുടരു​ന്നു: “വ്യക്തമാ​യി പറഞ്ഞാൽ ഭീകര​പ്ര​വർത്തനം ദേശീയ സ്വയം നിർണ്ണ​യ​ത്തി​നുള്ള ഒരു മാർഗ്ഗ​മാ​യി​രി​ക്കു​മ്പോൾ അനുകൂ​ലി​ക്ക​പ്പെ​ടു​ക​യും സ്വാത​ന്ത്ര്യ​ത്തെ തടയു​ന്ന​തി​നുള്ള സംസ്ഥാന ഭീകര​പ്ര​വർത്ത​ന​മാ​യി​രി​ക്കു​മ്പോൾ കുറ്റം​വി​ധി​ക്ക​പ്പെ​ടു​ക​യും ചെയ്യുന്നു. പുതു​താ​യി സ്ഥാപി​ത​മായ രാഷ്‌ട്രങ്ങൾ വിമോ​ച​ന​ത്തി​നുള്ള ഒരു ആയുധ​മാ​യി ഭീകര​പ്ര​വർത്ത​നത്തെ ഉപയോ​ഗി​ച്ചി​ട്ടു​ള്ള​തു​കൊണ്ട്‌, മറ്റുള്ള രാഷ്‌ട്ര​ങ്ങ​ളിൽ അതിനെ കുറ്റം​വി​ധി​ക്കു​ന്നത്‌ ബുദ്ധി​മു​ട്ടാ​ണെന്നു അവ കണ്ടെത്തു​ന്നു.” (ദ റാഷണ​ലൈ​സേഷൻ ഓഫ്‌ റ്റെറ്റ​സം) അതു​കൊണ്ട്‌, ഭീകര​പ്ര​വർത്ത​ന​ത്തി​നെ​തി​രെ ഫലപ്ര​ദ​മായ ഒരു ഉപകര​ണ​മെ​ന്ന​നി​ല​യിൽ യു. എൻ. കൂടി​യാ​ലോ​ച​നക്കു വിധേ​യ​മാ​ക്ക​പ്പെ​ടു​ന്നു. ധാർമ്മി​കത വിജയി​ക്കു​ന്നില്ല, എന്തു​കൊ​ണ്ടെ​ന്നാൽ, സോപ്പോ നിഗമനം ചെയ്യു​ന്ന​തു​പോ​ലെ, “ധാർമ്മി​ക​മെ​ന്തെന്ന്‌ അടിസ്ഥാ​ന​പ​ര​മാ​യി നിർവ്വ​ചി​ക്കു​ന്നത്‌ രാഷ്‌ട്രീ​യ​മാണ്‌.” ഇതിനി​ട​യിൽ, ഭീകര​പ്ര​വർത്ത​ന​ത്തി​ന്റെ നിർദ്ദോ​ഷി​ക​ളായ ഇരകൾ കഷ്ടപ്പെ​ടു​ക​യും മരണമ​ട​യു​ക​യും ചെയ്യുന്നു.

ഭീകര​ത​യി​ല്ലാത്ത ഒരു സാഹോ​ദ​ര്യം

ജാൻ ഷ്‌റീബർ രാഷ്‌ട്രങ്ങൾ അഭിമു​ഖീ​ക​രി​ക്കുന്ന വിഷമ​സ്ഥി​തി​യെ വിശദീ​ക​രി​ക്കു​ന്നു: “ലോക​ത്തിൽനിന്ന്‌ ഭീകര​പ്ര​വർത്ത​നത്തെ തുടച്ചു​നീ​ക്കാ​നാ​ഗ്ര​ഹി​ക്കുന്ന രാജ്യങ്ങൾ—അവ ഭൂരി​പ​ക്ഷ​മു​ണ്ടെന്നു കാണ​പ്പെ​ടു​ന്നില്ല—അർദ്ധദൂര നടപടി​കൾകൊ​ണ്ടു തൃപ്‌തി​പ്പെ​ടാൻ നിർബ്ബ​ന്ധി​ത​രാ​ക്ക​പ്പെ​ടു​ക​യാണ്‌. ഒന്നുകിൽ ഒരു പ്രത്യ​യ​ശാ​സ്‌ത്ര​ത്തി​നു​വേണ്ടി ത്യാഗങ്ങൾ സഹിക്കാൻ സമർപ്പി​ത​രാ​യി​രി​ക്കുന്ന ഭീകര​രിൽ സാധാരണ ശിക്ഷകൾ ആഞ്ഞുപ​തി​ക്കു​ന്നില്ല, അല്ലെങ്കിൽ അവ പിന്നെ​യും പോരാ​ടാൻ കഴിവു​ള്ള​വ​രിൽനിന്ന്‌ ഉഗ്രമായ പ്രതി​ക​രണം ക്ഷണിച്ചു​വ​രു​ത്തു​ന്നു.”—ആത്യന്തിക ആയുധം—ഭീകര​പ്ര​വർത്ത​ന​വും ലോക​ക്ര​മ​വും.

പ്രശ്‌നം സംബന്ധിച്ച തന്റെ വിശക​ല​ന​ത്തിൽ പ്രൊ​ഫസ്സർ സോപ്പോ ഇങ്ങനെ നിഗമനം ചെയ്യുന്നു: “ഭീകരത കൂടാതെ യാതൊ​രു ആധുനിക രാഷ്‌ട്ര​വും ഉടലെ​ടു​ത്തി​ട്ടില്ല.” അത്‌ രാഷ്‌ട്രീയ വിജയ​ത്തി​ന്റെ ഒരു അനു​പേ​ക്ഷ​ണീയ ഘടകമാ​ണെന്നു സൂചി​പ്പി​ക്കു​ന്ന​താ​യി തോന്നു​ന്നു. എന്നാൽ ഭീകര​ത​യോ അക്രമ​മോ രാഷ്‌ട്രീയ ഇടപെ​ട​ലോ കൂടാതെ രൂപം കൊണ്ടി​രി​ക്കുന്ന ഒരു “ജനത” ഉണ്ടെന്ന്‌ നമുക്ക്‌ സ്ഥിരീ​ക​രി​ച്ചു പറയാൻ കഴിയും. അത്‌ മുപ്പതു ലക്ഷത്തിൽപരം പേർ അടങ്ങുന്ന ഒരു ജനതയാണ്‌. സർവ്വ​ലോ​ക​ത്തിൽനി​ന്നു​മുള്ള ആളുകൾ അതിൽ ഉൾപ്പെ​ടു​ന്നു. അവർ വ്യത്യ​സ്‌ത​സം​സ്‌ക്കാ​ര​ങ്ങ​ളിൽനി​ന്നും ഭാഷക​ളിൽനി​ന്നും മതങ്ങളിൽനി​ന്നും വന്നിട്ടു​ള്ള​വ​രാണ്‌. അവർ ആരാണ്‌? നിങ്ങളെ ഈ മാസി​ക​യു​മാ​യി സന്ദർശി​ക്കുന്ന ആളുകൾ—യഹോ​വ​യു​ടെ സാക്ഷികൾ.

അവർ ഒരു സാർവ്വ​ദേ​ശീയ ജനസമൂ​ഹം മാത്രമല്ല. അവർ ഒരു ദേശീ​യാ​തീത സഹോ​ദ​ര​വർഗ്ഗ​മാണ്‌. അവർക്ക്‌ ഇപ്പോൾ ഒരു പൊതു​വി​ശ്വാ​സ​വും ദൈവ​ദ​ത്ത​മായ പ്രത്യാ​ശ​യു​മുണ്ട്‌. അവർ ലോക വ്യാപ​ക​മാ​യി തങ്ങളുടെ സ്വാധീ​നം വ്യാപി​പ്പി​ച്ചു​കൊ​ണ്ടി​രി​ക്കു​ക​യാണ്‌, ഭീകര​പ്ര​വർത്ത​ന​ത്താ​ലല്ല, പിന്നെ​യോ സമാധാ​ന​പ​ര​മായ ബൈബിൾ വിദ്യാ​ഭ്യാ​സ​ത്താൽ. ഭൂമി​യി​ലെ മിക്കവാ​റു​മെല്ലാ രാഷ്‌ട്ര​ങ്ങ​ളി​ലും അവർ മനുഷ്യ​വർഗ്ഗ​ത്തി​ന്റെ പ്രശ്‌ന​ങ്ങൾക്കുള്ള ഏക പരിഹാ​ര​മെ​ന്ന​നി​ല​യിൽ ദൈവ​രാ​ജ്യ​ഗ​വൺമെൻറി​നെ ശുപാർശ​ചെ​യ്യു​ക​യാണ്‌.—മത്തായി 6:9, 10.

അതെ, യഹോ​വ​യു​ടെ സാക്ഷികൾ യുദ്ധങ്ങ​ളി​ലും ഭീകര​പ്ര​വർത്ത​ന​ത്തി​ലും കലാശി​ക്കുന്ന വിഭാ​ഗീയ രാഷ്‌ട്രീ​യ​ത്തി​നും ദേശീ​യ​ത​ക്കും ഉപരി​യാ​യി ഉയർന്നി​ട്ടുണ്ട്‌. അവർ ഇപ്പോൾ യഥാർത്ഥ​സ​മാ​ധാ​ന​ത്തിൽ ജീവി​ക്കുന്ന ഒരു ജനമാണ്‌. അവർ വളരെ പെട്ടെ​ന്നു​തന്നെ, ദൈവ​രാ​ജ്യ​ത്താൽ മാത്രം ഭൂമി ഭരിക്ക​പ്പെ​ടുന്ന കാലത്തിന്‌ വേണ്ടി ഒരുങ്ങു​ക​യാണ്‌. ഒരു ലോക​പ​രി​വർത്ത​ന​ത്താ​ലല്ല അതു കൈവ​രു​ത്ത​പ്പെ​ടു​ന്നത്‌ പിന്നെ​യോ ദൈവ​ത്തി​ന്റെ അർമ്മ​ഗെ​ദ്ദോൻ യുദ്ധത്താ​ലുള്ള ഒരു ലോക​ശു​ദ്ധീ​ക​ര​ണ​ത്താ​ലാ​യി​രി​ക്കും.—മത്തായി 24:37-39; വെളി​പ്പാട്‌ 16:14, 16.

അപ്പോൾ, യഥാർത്ഥ സമാധാ​ന​വും നിത്യ​ജീ​വ​നും ഭൂമി​യി​ലെ സൗമ്യ​ത​യു​ള്ള​വ​രു​ടെ ഓഹരി​യാ​യി​രി​ക്കും. (തീത്തോസ്‌ 1:2; വെളി​പ്പാട്‌ 21:3, 4) മേലാൽ ഭീകര​പ്ര​വർത്തനം ഉണ്ടായി​രി​ക്കു​ക​യി​ല്ലാത്ത ഈ രാജ്യ​ത്തെ​ക്കു​റിച്ച്‌ കൂടു​ത​ല​റി​യാൻ നിങ്ങളാ​ഗ്ര​ഹി​ക്കു​ന്നു​വെ​ങ്കിൽ ദയവായി നിങ്ങളു​ടെ ജനസമു​ദാ​യ​ത്തി​ലെ യഹോ​വ​യു​ടെ സാക്ഷി​കളെ സമീപി​ക്കു​ക​യോ നിങ്ങളു​ടെ രാജ്യത്ത്‌ ഈ മാസിക പ്രസി​ദ്ധ​പ്പെ​ടു​ത്തു​ന്ന​വർക്ക്‌ എഴുതു​ക​യോ ചെയ്യുക. (g87 1/8)

[11-ാം പേജിലെ ആകർഷ​ക​വാ​ക്യം]

കഴിഞ്ഞ 20 വർഷങ്ങ​ളിൽ ഐക്യ​നാ​ടു​ക​ളിൽ മാത്രം ഏതാണ്ട്‌ 35000 ചെറു​തോ​ക്കു​ക​ളോ സ്‌പോ​ടക വസ്‌തു​ക്ക​ളോ കണ്ടെടു​ത്തി​ട്ടുണ്ട്‌. 13,000 അറസ്‌റ്റു​ക​ളും നടന്നു.—ഡിപ്പാർട്ട്‌മെൻറ്‌ ഓഫ്‌ സ്‌റ്റേ​റ്റ്‌ ബുള്ളറ്റിൻ

[12-ാം പേജിലെ ആകർഷ​ക​വാ​ക്യം]

“മൈൻ പൊട്ടി അവരെ​യെ​ല്ലാം തരിപ്പ​ണ​മാ​ക്കു​ന്ന​തി​നുള്ള ബന്ധമു​ണ്ടാ​ക്കു​ന്ന​തി​നു തൊട്ടു​മുമ്പ്‌ അയാൾ കണ്ണുക​ള​ടച്ചു. പിന്നീട്‌ അയാൾ കുരി​ശു​വ​ര​ച്ച​ശേഷം ഭക്തിപൂർവ്വം: ‘കർത്താവേ, ഇപ്പോൾ അവരുടെ ദേഹി​ക​ളോ​ടു കനിവു തോ​ന്നേ​ണമേ!’ എന്നു മന്ത്രിച്ചു.”

[14-ാം പേജിലെ ചതുരം]

ക്രിസ്‌തുയേശു മുഖാ​ന്ത​ര​മുള്ള ദൈവ​രാ​ജ്യം ഭീകര​പ്ര​വർത്ത​നത്തെ നിർമ്മാർജ്ജനം ചെയ്യും

ഭീകര​പ്ര​വർത്തനം പ്രാതി​കൂ​ല്യ​മ​നു​ഭ​വി​ക്കു​ന്ന​വ​രെന്നു വിചാ​രി​ക്കുന്ന നിരാ​ശി​ത​രു​ടെ യുദ്ധമാ​ണെന്നു പറയ​പ്പെ​ടു​ന്നു. ക്രിസ്‌തു​യേ​ശു​വി​നാ​ലുള്ള ഭരണത്തെ സംബന്ധിച്ച ചുവടെ ചേർക്കുന്ന പ്രവച​ന​ങ്ങ​ളിൽനി​ന്നു കാണാ​വു​ന്ന​തു​പോ​ലെ, ദൈവ​രാ​ജ്യ​ത്തിൻ കീഴിൽ ആരും പ്രാതി​കൂ​ല്യ​മ​നു​ഭ​വി​ക്കു​ന്ന​വ​രെന്ന്‌ വിചാ​രി​ക്കേണ്ട ആവശ്യ​മില്ല:

“ദൈവമേ, നിന്റെ സ്വന്തം ന്യായ​ത്തീർപ്പു​കൾ രാജാ​വി​നും നിന്റെ നീതി രാജകു​മാ​ര​നും കൊടു​ക്കേ​ണമേ. അവൻ നിന്റെ ജനത്തിന്റെ പക്ഷം നീതി​യോ​ടെ​യും നിന്റെ പീഡി​ത​രു​ടേത്‌ ന്യായ​ത്തീർപ്പോ​ടെ​യും വാദി​ക്കട്ടെ. ജനത്തിലെ പീഡി​തരെ അവൻ ന്യായം വിധി​ക്കട്ടെ, ദരി​ദ്രന്റെ പുത്രൻമാ​രെ അവൻ രക്ഷിക്കട്ടെ, അവൻ വഞ്ചകനെ തകർക്കട്ടെ. സഹായ​ത്തി​നാ​യി നിലവി​ളി​ക്കുന്ന ദരി​ദ്ര​നെ​യും പീഡി​ത​നെ​യും സഹായി ഇല്ലാത്ത ഏവനെ​യും അവൻ വിടു​വി​ക്കു​മ​ല്ലോ. എളിയ​വ​നോ​ടും ദരി​ദ്ര​നോ​ടും അവനു സങ്കടം​തോ​ന്നും, ദരി​ദ്ര​രു​ടെ ദേഹി​കളെ അവൻ രക്ഷിക്കും. അവൻ അവരുടെ ദേഹിയെ മർദ്ദന​ത്തിൽനി​ന്നും അക്രമ​ത്തിൽനി​ന്നും വീണ്ടെ​ടു​ക്കും, അവരുടെ രക്തം അവന്റെ ദൃഷ്ടി​ക​ളിൽ വില​യേ​റി​യ​താ​യി​രി​ക്കും.”—സങ്കീർത്തനം 72:1, 2, 4, 12-14. (g87 1/8)