ചെറു​പ്പ​ക്കാർ ചോദി​ക്കു​ന്നു . . .

എനിക്ക്‌ ഒരു അഭിനി​വേ​ശത്തെ ഒഴിവാ​ക്കാൻ കഴിയു​ന്ന​തെ​ങ്ങനെ?

“ഞാൻ എന്റെ അനുരാ​ഗം പ്രകടി​പ്പി​ച്ചു​കൊണ്ട്‌ അവന്‌ പല കത്തുക​ളെ​ഴു​തി. അവന്റെ വികാ​ര​ത്തെ​ക്കു​റിച്ച്‌ ചോദി​ക്കു​മ്പോ​ഴെ​ല്ലാം അവന്‌ എന്നോട്‌ യാതൊ​രു പ്രീതി​യു​മി​ല്ലെന്ന്‌ അവൻ പറയുന്നു. എന്നാൽ അവന്റെ നോട്ട​വും പ്രവർത്ത​ന​ങ്ങ​ളും ഇത്‌ സത്യമ​ല്ലെന്ന്‌ വിളി​ച്ച​റി​യി​ക്കു​ന്ന​താ​യി എനിക്ക്‌ പറയാൻ കഴിയും” എന്ന്‌ ഒരു യുവതി പറയുന്നു.

അന്ധമായ അനുരാ​ഗം വെച്ചു​പു​ലർത്തു​ന്നവർ യാഥാർത്ഥ്യം പരിഗ​ണി​ക്കു​ന്നേ​യില്ല. ഇവിടെ വിവരിച്ച ചെറു​പ്പ​ക്കാ​രൻ ദയാപൂർവ്വം അവന്റെ താല്‌പ​ര്യ​മി​ല്ലായ്‌മ പ്രകടി​പ്പി​ക്കാൻ ശ്രമിച്ചു. അതിന്‌ ക്രിസ്‌തീയ മൂപ്പൻമാ​രു​ടെ സഹായം സ്വീക​രി​ക്കു​ക​പോ​ലും ചെയ്‌തു. എന്നിരു​ന്നാ​ലും യുവതി അവന്റെ നിരാ​ക​രണം കണക്കി​ലെ​ടു​ക്കു​ന്നേ​യില്ല. മറിച്ച്‌ അവന്റെ നിഷ്‌ക്ക​ള​ങ്ക​മായ വാക്കു​ക​ളും പ്രവർത്ത​ന​ങ്ങ​ളും അവളോ​ടുള്ള പ്രീതി​യു​ടെ ഗുപ്‌ത​മായ അടയാ​ള​ങ്ങ​ളാ​യി അവൾക്ക്‌ കാണ​പ്പെട്ടു. അങ്ങനെ അവളുടെ പ്രീതി അതിൽത്തന്നെ പരി​പോ​ഷി​പ്പി​ക്ക​പ്പെ​ടു​ന്നു.

ഒരുപക്ഷേ നിങ്ങളും ആരോ​ടെ​ങ്കി​ലും ഹൃദയം​ഗ​മ​മാ​യി പ്രീതി കാട്ടു​ന്ന​താ​യി കണ്ടെത്തി​യേ​ക്കാം. ആ വ്യക്തി അതേ വികാരം നിങ്ങളു​മാ​യി പങ്കിടു​ന്നി​ല്ലാ​യി​രി​ക്കാം. അല്ലെങ്കിൽ, അതിലും പരിതാ​പ​ക​ര​മായ സംഗതി, നിങ്ങൾ എന്ന ഒരു വ്യക്തി ഉള്ളതായി അയാൾക്ക്‌ യാതൊ​ര​റി​വു​പോ​ലും ഇല്ലായി​രി​ക്കാം. പക്ഷേ അവന്റെ​യോ അവളു​ടെ​യോ ശ്രദ്ധ ആകർഷി​ക്കാ​നുള്ള നിങ്ങളു​ടെ എല്ലാ​ശ്ര​മ​ങ്ങ​ളും നിഷ്‌ഫ​ല​മാ​കു​ന്നു. വാസ്‌ത​വ​ത്തിൽ ശ്രദ്ധയാ​കർഷി​ക്കാ​നുള്ള നിങ്ങളു​ടെ ശ്രമത്തിൽ നിങ്ങൾ നിങ്ങ​ളെ​ത്തന്നെ ഇതികർത്ത​വ്യ​താ​മൂ​ഢ​രാ​ക്കു​ക​പോ​ലും ചെയ്‌തേ​ക്കാം. എന്നിരു​ന്നാ​ലും, സംഗതി​കൾക്ക്‌ എങ്ങനെ​യെ​ങ്കി​ലും മാറ്റ​മു​ണ്ടാ​കു​മെന്ന്‌ നിങ്ങൾ തികച്ചും ആശിക്കു​ന്നു.

അങ്ങനെ​യെ​ങ്കിൽ അത്‌ സാദ്ധ്യ​ത​യ​നു​സ​രിച്ച്‌ യുവസ​ഹ​ജ​മായ പ്രീതി​യു​ടെ​യോ ഒരനു​രാ​ഗ​ത്തി​ന്റെ​യോ അനുഭൂ​തി​യാണ്‌. അത്‌ നിയത​മായ അടുപ്പ​ത്തിൽനി​ന്നു​ള്ളതല്ല മറിച്ച്‌ തികഞ്ഞ പ്രേമ​ത്തിൽ അധിഷ്‌ഠി​ത​മാ​യി​രി​ക്കുന്ന ഒരു വ്യാജ​മായ സ്‌നേ​ഹ​മാണ്‌. വാസ്‌ത​വ​ത്തിൽ, ചെറു​പ്പ​ക്കാ​രു​ടെ അനുരാ​ഗ​ത്തിന്‌ പാത്ര​മാ​യി​ത്തീ​രു​ന്നവർ പലപ്പോ​ഴും അവരുടെ എത്തുപാ​ടി​ന​തീ​ത​മാ​യി​രി​ക്കും—ഒരു സിനി​മാ​നടൻ, ഒരു പ്രശസ്‌ത​ഗാ​യകൻ, ഒരദ്ധ്യാ​പകൻ അല്ലെങ്കിൽ പ്രായം ചെന്ന ഒരു പരിച​യ​ക്കാ​രൻ.a സന്ദർഭ​വ​ശാൽ, ചിലരു​ടെ ഈ മോഹങ്ങൾ ക്രമാ​ധി​ക​മാ​യി വളരുന്നു. എന്നാൽ ചിലരെ സംബന്ധി​ച്ചി​ട​ത്തോ​ളം ഒരനു​രാ​ഗ​ത്തിന്‌ വിരാ​മ​മി​ടു​ന്നത്‌ വേദനാ​ജ​ന​ക​മായ പ്രതി​സം​ഹരണ ലക്ഷണങ്ങൾക്കി​ട​യാ​ക്കു​ന്നു. വേദന ശമിപ്പി​ക്കു​ന്ന​തിന്‌ ഏതെങ്കി​ലും മാർഗ്ഗ​മു​ണ്ടോ?

നിങ്ങൾ ഒറ്റയ്‌ക്കല്ല

പ്രീതി​കാ​ട്ടി​യിട്ട്‌ ഇങ്ങോട്ട്‌ സ്‌നേഹം ലഭിക്കാത്ത അനുഭവം നിങ്ങൾക്കു മാത്രമല്ല ഉണ്ടായി​ട്ടു​ള്ളത്‌ എന്ന യാഥാർത്ഥ്യ​ത്തിൽ ആദ്യമാ​യി ആശ്വാസം കണ്ടെത്തുക. ലോക​ത്തിൽ ജീവി​ച്ചി​രു​ന്നി​ട്ടു​ള്ള​തി​ലെ ഏറ്റവും ജ്ഞാനി​ക​ളാ​യ​വ​രി​ലൊ​രാ​ളായ ശലോ​മോൻ സുന്ദരി​യായ ഒരു യിസ്രാ​യേല്യ പെൺകു​ട്ടി​യിൽ അതീവ സ്‌നേഹം കാട്ടി. താൻ എഴുതി​യി​ട്ടുള്ള ഏറ്റവും മനോ​ഹ​ര​മായ കവിത​ക​ളിൽ ചിലത്‌ അവൻ അവളെ കേൾപ്പി​ച്ചു. അവൾ “പൂർണ്ണ ചന്ദ്ര​നെ​പ്പോ​ലെ സുന്ദരി​യും ഉദയസൂ​ര്യ​നെ​പ്പോ​ലെ നിർമ്മ​ല​യും” ആണെന്ന്‌ അവൻ അവളോട്‌ പറഞ്ഞു—എന്നിരു​ന്നാ​ലും അവൾ അവനോട്‌ അശേഷം പ്രീതി​കാ​ട്ടി​യില്ല!—ഉത്തമഗീ​തം 6:10.

അതു​കൊണ്ട്‌ നിങ്ങളു​ടെ പല കൂട്ടു​കാ​രും—നിങ്ങളു​ടെ മാതാ​പി​താ​ക്കൾപോ​ലും—ഒരുപക്ഷേ ഇതേ സംഗതി അനുഭ​വി​ച്ചി​ട്ടു​ണ്ടെന്ന്‌ നിങ്ങൾ കണ്ടെത്തി​യേ​ക്കാം. അതിനാൽ നിങ്ങളു​ടെ വികാരം അവശ്യം അസാധാ​ര​ണ​മാ​യി​രി​ക്ക​ണ​മെ​ന്നില്ല. എന്നാൽ, അനുരാ​ഗം തോന്നു​ന്നത്‌ സാധാ​ര​ണ​മാ​യി​രി​ക്കെ, അവയ്‌ക്ക്‌ നിയ​ന്ത്രണം ഭേദി​ക്കാൻ കഴിയു​മെന്ന്‌ മനസ്സിൽ പിടി​ക്കുക.

ഉദാഹ​ര​ണ​ത്തിന്‌, അമ്‌നോൻ എന്നു പേരുള്ള ഒരു യുവാ​വി​നെ​ക്കു​റിച്ച്‌ ബൈബിൾ പറയുന്നു. അവൻ ഒരു യുവതി​യിൽ അത്തരം നിയ​ന്ത്ര​ണാ​തീ​ത​മായ പ്രീതി കാട്ടി. “അവൻ രോഗി​യാ​യി​ത്തീർന്നു.” (2 ശമുവേൽ 13:1-14) അതു​പോ​ലെ അനുരാ​ഗം തോന്നിയ ഒരു പെൺകു​ട്ടി ഇപ്രകാ​രം സമ്മതി​ച്ചു​പ​റഞ്ഞു: “എനിക്ക്‌ ഭക്ഷിക്കു​ന്ന​തി​നോ പഠിക്കു​ന്ന​തി​നോ കഴിയു​ന്നില്ല. ഞാൻ അവനെ സ്വപ്‌നം കാണുന്നു. . . . ഞാൻ നിസ്സഹാ​യ​യാണ്‌.“ അതെ, ഒരനു​രാ​ഗ​ത്താൽ നിങ്ങളു​ടെ ആരോ​ഗ്യ​വും വൈകാ​രി​ക​ബ​ല​വും വളരെ മോശ​മാ​യി ബാധി​ക്ക​പ്പെ​ട്ടേ​ക്കാം. അങ്ങനെ​യെ​ങ്കിൽ നിങ്ങൾക്ക്‌ അത്തരം സാഹച​ര്യ​ത്തിൻമേൽ നിയ​ന്ത്രണം നേടാൻ കഴിയു​ന്ന​തെ​ങ്ങനെ?

യാഥാർത്ഥ്യം അഭിമു​ഖീ​ക​രി​ക്കൽ

“സ്വന്ത ഹൃദയ​ത്തിൽ ആശ്രയി​ക്കു​ന്നവൻ മൂഢൻ” എന്ന്‌ ബൈബിൾ പറയുന്നു. (സദൃശ​വാ​ക്യം 28:26) നിങ്ങൾ കാല്‌പ​നി​ക​മായ ഒരു പ്രേമ​ത്തിൽ കുടു​ങ്ങി​യി​രി​ക്കു​മ്പോൾ ഇത്‌ വിശേ​ഷാൽ സത്യമാണ്‌. നിങ്ങൾക്കു അന്ധമായ വൈകാ​രി​കാ​നു​ഭൂ​തി​യു​ള്ള​പ്പോൾ നിങ്ങൾ ആഗ്രഹി​ക്കു​ന്നതു മാത്രമേ നിങ്ങൾ കാണു​ക​യു​ള്ളു. എന്നിരു​ന്നാ​ലും സദൃശ​വാ​ക്യ​ങ്ങൾ തുടർന്നു പറയുന്നു: “ജ്ഞാന​ത്തോ​ടെ നടക്കു​ന്ന​വ​നാണ്‌ രക്ഷപ്പെ​ടു​ന്നത്‌.” ഇത്‌ കാര്യങ്ങൾ അവ ആയിരി​ക്കു​ന്ന​തു​പോ​ലെ കാണു​ന്നത്‌ അർത്ഥമാ​ക്കു​ന്നു.

“നിങ്ങൾ അടിസ്ഥാ​ന​മി​ല്ലാത്ത പ്രതീ​ക്ഷ​യും ന്യായ​മായ പ്രതീ​ക്ഷ​യും തമ്മിലുള്ള വ്യത്യാ​സം കണ്ടുപി​ടി​ക്കു​ന്ന​തെ​ങ്ങനെ?” എന്ന്‌ ഡോക്ടർ ഹോവാർഡ്‌ ഹാൽപെൻ ചോദി​ക്കു​ന്നു. “യാഥാർത്ഥ്യ​ങ്ങൾ സാവധാ​നം ശ്രദ്ധാ​പൂർവ്വം വീക്ഷി​ക്കു​ന്ന​തി​നാൽതന്നെ.” ഇത്‌ പരിഗ​ണി​ക്കുക: ഈ വ്യക്തി​യിൽ യഥാർത്ഥ ഒരനു​രാ​ഗം വികാസം പ്രാപി​ക്കാൻ എത്രമാ​ത്രം സാദ്ധ്യ​ത​യുണ്ട്‌? അവനോ അവളോ വിവാഹം കഴിച്ച​താ​ണോ? അത്തരം വ്യക്തി​ക​ളോ​ടുള്ള വൈകാ​രിക പ്രീതി നിശ്ചയ​മാ​യും വ്യർത്ഥ​വും തികച്ചും അനുചി​ത​വു​മാണ്‌. ആ വ്യക്തി അല്‌പം പ്രശസ്‌ത​നാ​ണോ? അങ്ങനെ​യെ​ങ്കിൽ നിങ്ങളു​ടെ അനുരാ​ഗം പ്രകടി​പ്പി​ക്കു​ന്ന​തി​നു​വേണ്ടി അയാളെ എന്നെങ്കി​ലും കണ്ടുമു​ട്ടുക പ്രയാ​സ​മാണ്‌! ഒരദ്ധ്യാ​പ​ക​നെ​പ്പോ​ലെ പ്രായം ചെന്ന ആരെങ്കി​ലു​മാണ്‌ ഉൾപ്പെ​ട്ടി​രി​ക്കു​ന്ന​തെ​ങ്കിൽ അപ്പോ​ഴും സാദ്ധ്യ​തകൾ മങ്ങിയ​താണ്‌.

ആരെങ്കി​ലും നിങ്ങ​ളോട്‌ താല്‌പ​ര്യം കാണി​ക്കു​ന്നി​ല്ലെ​ങ്കിൽ, ഭാവി​യിൽ കാര്യ​ങ്ങൾക്ക്‌ മാറ്റ​മു​ണ്ടാ​കു​മെന്ന്‌ വിശ്വ​സി​ക്കാൻ എന്തെങ്കി​ലും തക്കതായ കാരണ​മു​ണ്ടോ? ‘ഹൃദയം കപട’മാണെ​ന്നോർക്കുക. (യിരെ​മ്യാവ്‌ 17:9) നിഷ്‌ക്ക​ള​ങ്ക​മായ വാക്കു​ക​ളി​ലും പ്രവർത്ത​ന​ങ്ങ​ളി​ലും ശൃംഗാ​ര​പ​ര​മായ താല്‌പ​ര്യം ഗൗനി​ക്കു​ന്ന​തു​വഴി ‘സ്വയം കബളി​പ്പി​ക്ക​പ്പെ​ട്ടേ​ക്കാം.’ അതുവഴി സമയവും വികാ​ര​വും നഷ്ടപ്പെ​ട്ടേ​ക്കാം. മിക്ക ദേശങ്ങ​ളി​ലും ശൃംഗാ​ര​പ​ര​മായ താല്‌പ​ര്യം പ്രകടി​പ്പി​ക്കു​ന്ന​തിൽ മുൻ​കൈ​യെ​ടു​ക്കു​ന്നത്‌ മിക്ക​പ്പോ​ഴും പുരു​ഷൻമാ​രാ​ണെന്ന്‌ ഈ സന്ദർഭ​ത്തിൽ പറയേ​ണ്ടി​യി​രി​ക്കു​ന്നു. അതു​കൊണ്ട്‌ ഒരു യുവതി താല്‌പ​ര്യ​മി​ല്ലാത്ത ആരു​ടെ​യെ​ങ്കി​ലും പിന്നാലെ പോയാൽ സ്വയം അവമാ​നി​ത​യാ​യേ​ക്കാം.

അന്തിമ​മാ​യി, ഒരു യുവ വ്യക്തി​യെ​ന്ന​നി​ല​യി​ലുള്ള നിങ്ങളു​ടെ സ്വന്തം പരിമി​തി​കളെ അഭിമു​ഖീ​ക​രി​ക്കുക. നിങ്ങൾ പ്രീതി കാട്ടു​മ്പോൾ ആ വ്യക്തി തിരിച്ച്‌ നിങ്ങ​ളോ​ടും പ്രീതി കാട്ടി​യാൽ നിങ്ങൾ എന്തു ചെയ്യും? നിങ്ങൾ വിവാ​ഹ​ത്തി​ന്റെ സമ്മർദ്ദ​ങ്ങൾക്കും ഉത്തരവാ​ദി​ത്ത്വ​ങ്ങൾക്കും തയ്യാറാ​ണോ? തയ്യാറ​ല്ലെ​ങ്കിൽ, പ്രേമ​ത്തിൽ കഴിയാ​തെ “നിങ്ങളു​ടെ ഹൃദയ​ത്തിൽനിന്ന്‌ ശല്യം അകറ്റുക.” “സ്‌നേ​ഹി​ക്കാൻ ഒരു സമയമുണ്ട്‌.” നിങ്ങളു​ടെ സംഗതി​യിൽ, അത്‌ വർഷങ്ങൾക്കു​ശേഷം പ്രായ​മാ​കു​മ്പോ​ഴാ​യി​രി​ക്കാം.—സഭാ​പ്ര​സം​ഗി 11:10; 3:8.

നിങ്ങളു​ടെ വികാ​രങ്ങൾ പരി​ശോ​ധി​ക്കു​ക

‘എന്നാൽ എനിക്ക്‌ ഇപ്പോ​ഴുള്ള വികാ​രങ്ങൾ സംബന്ധി​ച്ചെന്ത്‌?’ എന്ന്‌ നിങ്ങൾ ചോദി​ച്ചേ​ക്കാം. നിങ്ങളു​ടെ വികാരം എന്താ​ണെ​ന്നും എങ്ങനെ​യു​ള്ള​താ​ണെ​ന്നും പരി​ശോ​ധി​ക്കുക. ഉദാഹ​ര​ണ​ത്തിന്‌ ഡോ. ചാൾസ്‌ സാസ്‌ത്രോ ഇപ്രകാ​രം പറയുന്നു: “ഒരു വ്യക്തി മറ്റൊ​രാ​ളെ ഒരു മികച്ച കാമു​ക​നോ കാമു​കി​യോ എന്നനി​ല​യിൽ പരിപൂർണ്ണ മാതൃ​ക​യാ​യി സങ്കൽപ്പി​ക്കു​മ്പോൾ അനുരാ​ഗ​ത്തിന്‌ തുടക്ക​മി​ടു​ന്നു. അതായത്‌, മറ്റേ​യാൾക്ക്‌ ഒരു ഇണയിൽ ഉണ്ടായി​രി​ക്കേണ്ട എല്ലാ സ്വഭാവ ഗുണങ്ങ​ളും ഉണ്ടെന്ന്‌ അപ്പോൾ അനുമാ​നി​ക്കു​ന്നു.” എന്നിരു​ന്നാ​ലും അത്തരം ‘പൂർണ്ണ​നായ ഒരു കാമു​ക​നോ കാമു​കി​യോ’ സ്ഥിതി ചെയ്യു​ന്നേ​യില്ല. “കാരണം എല്ലാവ​രും പാപം ചെയ്‌ത്‌ ദൈവ​തേ​ജ​സ്സിൽ കുറവു​ള്ള​വ​രാ​ണെന്ന്‌” ബൈബിൾ പറയുന്നു.—റോമർ 3:23.

അതു​കൊണ്ട്‌ നിങ്ങ​ളോ​ടു​തന്നെ ചോദി​ക്കുക: “ഞാൻ ഹൃദയം നട്ടിരി​ക്കുന്ന ഈ വ്യക്തിയെ എനി​ക്കെത്ര നന്നായ​റി​യാം? എന്റെ വികാ​രങ്ങൾ പരിജ്ഞാ​ന​ത്തിൽ അധിഷ്‌ഠി​ത​മാ​ണോ? ഞാൻ പ്രേമ​ത്തി​ലാ​യി​രി​ക്കു​ന്നത്‌ ഒരു സാങ്കല്‌പിക വ്യക്തി​യു​മാ​യി​ട്ടാ​ണോ? ഞാൻ ‘കാര്യങ്ങൾ മുഖവി​ല​ക്കെ​ടു​ക്കു​ന്നു​വോ?’ (2 കൊരി​ന്ത്യർ 10:7) ഞാൻ ആ വ്യക്തി​യു​ടെ ന്യൂന​തകൾ വ്യക്തമാ​യി കാണു​ന്നു​ണ്ടോ? അതോ അവ എനിക്ക്‌ മറഞ്ഞി​രി​ക്കു​ന്നു​വോ?” നിങ്ങൾ സ്വപ്‌നം കാണുന്ന നിങ്ങളു​ടെ കാമു​ക​നെ​യോ കാമു​കി​യേ​യോ വസ്‌തു​നി​ഷ്‌ഠ​മാ​യി വീക്ഷി​ക്കു​ന്നത്‌ നിങ്ങളെ ‘പ്രേമ​ജ്വര’ത്തിൽനിന്ന്‌ രക്ഷി​ച്ചേ​ക്കാം!

നിങ്ങൾക്ക​നു​ഭ​വ​പ്പെ​ടുന്ന സ്‌നേഹം ഏതുത​ര​ത്തി​ലു​ള്ള​താ​ണെ​ന്നും പരി​ശോ​ധി​ക്കുക. ബൈബിൾ പറയുന്നു: “സ്‌നേഹം ദീർഘ​മാ​യി ക്ഷമിക്കു​ന്നു, ദയ കാട്ടുന്നു. സ്‌നേഹം അസൂയ​പ്പെ​ടു​ന്നില്ല . . . സ്വന്ത താല്‌പ​ര്യ​ങ്ങൾ തേടു​ന്നില്ല.” (1 കൊരി​ന്ത്യർ 13:4, 5) ഇത്തരത്തി​ലുള്ള സ്‌നേ​ഹ​മാ​ണോ നിങ്ങൾക്കു​ള്ളത്‌? അതോ “അപക്വ​സ്‌നേഹം” എന്ന്‌ ലേഖക​നായ കാത്തി മക്കോയി വിളി​ക്കുന്ന സ്‌നേ​ഹ​മാ​ണോ നിങ്ങൾക്കു​ള്ളത്‌? മക്കോയി ഇപ്രകാ​രം വിവരി​ക്കു​ന്നു: “അപക്വ​സ്‌നേഹം നിമി​ഷ​നേ​ര​ത്തി​നു​ള്ളിൽ വരിക​യും പോക​യും ചെയ്‌തേ​ക്കാം . . . കേന്ദ്ര​ബി​ന്ദു നിങ്ങളാണ്‌. സ്‌നേ​ഹ​ത്തി​ലാ​യി​രി​ക്കു​ന്ന​തി​നു​വേണ്ടി നിങ്ങൾ കേവലം സ്‌നേ​ഹ​ത്തി​ലാണ്‌ . . . അപക്വ സ്‌നേ​ഹ​ത്തിൽ സങ്കോ​ച​വും ആവേശ​വും അസൂയ​യു​മുണ്ട്‌ . . . അപക്വ സ്‌നേഹം പൂർണ്ണത ആവശ്യ​പ്പെ​ടു​ന്നു.”

നിങ്ങൾ വെറു​മൊ​രു സ്വപ്‌ന​ത്തിൻമേൽ നിങ്ങളു​ടെ വികാരം ശൂന്യ​മാ​ക്കി​യെ​ന്ന​റി​യു​ന്നത്‌ വേദനാ​ജ​ന​ക​മാ​യി​രി​ക്കും. എന്നിരു​ന്നാ​ലും, ഡോക്ടർ ഡേവിഡ്‌ എൽക്കിൻസ്‌ ഇപ്രകാ​രം പറയുന്നു: “സങ്കൽപ്പ​ങ്ങ​ളിൽനി​ന്നു​ള​വായ ഈ ആഘാത​ങ്ങൾക്ക്‌ പ്രയോ​ജ​ന​പ്ര​ദ​ങ്ങ​ളായ അനുഭ​വ​പാ​ഠ​ങ്ങ​ളാ​യി​രി​ക്കാൻ കഴിയും. അത്‌ ശരീരാ​കർഷ​ണ​വും വ്യക്തി​പ​ര​മായ ചേർച്ച​യും തമ്മിലുള്ള വ്യത്യാ​സം കാണു​ന്ന​തിന്‌ യുവാ​ക്കളെ സഹായി​ക്കാ​നു​ത​കും.”

അവനെ⁄അവളെ നിങ്ങളു​ടെ മനസ്സിൽ നിന്നി​റ​ക്കു​ക

ലോക​ത്തി​ലുള്ള മുഴു​ന്യാ​യ​ങ്ങ​ളും നിങ്ങളു​ടെ വികാരം പരിപൂർണ്ണ​മാ​യി മായ്‌ക്ക​പ്പെ​ടു​ക​യി​ല്ലെന്ന്‌ വെളി​വാ​ക്കു​ന്നു. എന്നാൽ മാനസ്സി​കാ​ഘാ​ത​ത്തിൽനിന്ന്‌ രക്ഷപ്പെ​ടാൻ നിങ്ങൾക്ക്‌ ചെയ്യാൻ കഴിയുന്ന ചില സംഗതി​ക​ളുണ്ട്‌. ആദ്യമാ​യി പ്രശ്‌നം വലുതാ​ക്കാ​തി​രി​ക്കുക! ചലിപ്പി​ക്കുന്ന ശൃംഗാ​ര​പ​ര​മായ നോവ​ലു​കൾ വായി​ക്കു​ന്ന​തും ടെലി​വി​ഷ​നി​ലെ പ്രേമ​ക​ഥകൾ ദർശി​ക്കു​ന്ന​തും അല്ലെങ്കിൽ ചില പ്രത്യേക തരത്തി​ലുള്ള സംഗീതം ശ്രദ്ധി​ക്കു​ന്ന​തും നിങ്ങളു​ടെ ഏകാന്ത​ത​യു​ടെ അനുഭൂ​തി​കൾ വഷളാ​ക്കി​യേ​ക്കാം. അതു​കൊണ്ട്‌ അത്തരം സാഹച​ര്യ​ങ്ങ​ളി​ലാ​യി​രി​ക്കു​ന്നത്‌ ഒഴിവാ​ക്കുക. “വിറകി​ല്ലാ​ത്തി​ടത്ത്‌ തീ കെട്ടു​പോ​കു​ന്നു.”—സദൃശ​വാ​ക്യം 26:20.

ആത്മാർത്ഥ​മാ​യ സൗഹൃദം വികസി​പ്പി​ച്ചെ​ടു​ക്കുക. ശൃംഗാ​ര​പ​ര​മായ പ്രീതി നിങ്ങളെ യഥാർത്ഥ​മാ​യി സ്‌നേ​ഹി​ക്കു​ക​യും നിങ്ങൾക്കു​വേണ്ടി കരുതു​ക​യും ചെയ്യുന്ന ആളുക​ളു​ടെ സ്ഥാനത്ത്‌ പ്രതി​ഷ്‌ഠി​ക്കാൻ തക്കവണ്ണം അത്ര മൂല്യ​വത്തല്ല. ‘സ്വയം ഒറ്റ​പ്പെ​ടു​ത്താ​തി​രി​ക്കുക.’ (സദൃശ​വാ​ക്യം 18:1) നിങ്ങളു​ടെ മാതാ​പി​താ​ക്കൾക്ക്‌ നിങ്ങളെ സഹായി​ക്കാൻ കഴിയു​മെന്ന്‌ നിങ്ങൾ കണ്ടെത്തി​യേ​ക്കാം, വിശേ​ഷിച്ച്‌ അവർ ക്രിസ്‌ത്യാ​നി​ക​ളാ​ണെ​ങ്കിൽ. “ഞാൻ എന്റെ പ്രേമ​കാ​ര്യ​ങ്ങ​ളെ​ക്കു​റിച്ച്‌ അവസാനം പറയു​ന്നത്‌ അവരോ​ടാ​യി​രി​ക്കും” എന്ന്‌ ഒരു യുവാവ്‌ പറഞ്ഞു. പക്ഷേ നിങ്ങളു​ടെ വികാ​രങ്ങൾ മറയ്‌ക്കാൻ നിങ്ങൾ പൂർണ്ണ​മാ​യി ശ്രമി​ച്ചാ​ലും എന്തോ പ്രശ്‌നം നിങ്ങളെ കാർന്നു​തി​ന്നു​ന്നു​ണ്ടെന്ന്‌ അവർ ഒരുപക്ഷേ അതി​നോ​ടകം മനസ്സി​ലാ​ക്കി​യി​രി​ക്കണം. അതു​കൊണ്ട്‌, എന്തു​കൊണ്ട്‌ അവരെ സമീപിച്ച്‌ ‘അവരോട്‌ ഹൃദയം തുറന്ന്‌’ സംസാ​രി​ച്ചു​കൂ​ടാ? (സദൃശ​വാ​ക്യം 23:26) ക്രിസ്‌തീയ സഭയിലെ പക്വത​യുള്ള ഒരംഗ​ത്തി​നും നല്ല ഒരു ശ്രോ​താ​വാ​യി​രി​ക്കാൻ കഴിയും.

യുവാ​ക്ക​ളെ​ക്കു​റി​ച്ചെ​ഴു​തുന്ന എസ്‌തേർ ഡേവി​ഡോ​വി​റ്റ്‌സ്‌ “തിരക്കു​ള്ള​വ​രാ​യി​രി​ക്കാൻ” തുടർന്ന്‌ ബുദ്ധി​യു​പ​ദേ​ശി​ക്കു​ന്നു. അല്‌പം ശരീരാ​ഭ്യാ​സം ചെയ്യു​ക​യോ ഒരു വിനോ​ദം തെര​ഞ്ഞെ​ടു​ക്കു​ക​യോ ഒരു പുതിയ ഭാഷ പഠിക്കു​ക​യോ ഒരു ബൈബിൾ ഗവേഷണ പരിപാ​ടി തുടങ്ങു​ക​യോ ചെയ്യുക. പ്രയോ​ജ​ന​പ്ര​ദ​ങ്ങ​ളായ പ്രവർത്ത​ന​ങ്ങ​ളിൽ ശ്രദ്ധ കേന്ദ്രീ​ക​രി​ക്കു​ന്ന​തി​നാൽ നിരാ​ശ​യു​ടെ കിരണങ്ങൾ അല്‌പാ​ല്‌പം ഉൻമൂ​ലനം ചെയ്യാൻ കഴി​ഞ്ഞേ​ക്കും.

ഒരനു​രാ​ഗാ​നു​ഭൂ​തി​യെ അതിജീ​വി​ക്കുക അത്ര നിസ്സാ​രമല്ല. എന്നാൽ സമയം കടന്നു പോകു​ന്ന​ത​നു​സ​രിച്ച്‌ മാനസ്സി​ക​വേദന കുറഞ്ഞു​കൊ​ണ്ടി​രി​ക്കും. അതി​നോ​ടകം നിങ്ങൾ നിങ്ങ​ളെ​ക്കു​റി​ച്ചും നിങ്ങളു​ടെ വികാ​ര​ങ്ങ​ളെ​ക്കു​റി​ച്ചും വളരെ​യ​ധി​കം പഠിച്ചി​രി​ക്കും. ഒരുപക്ഷേ ഈ പാഠങ്ങൾ ഹൃദയ​ഭേ​ദ​ക​മായ അനുരാ​ഗാ​നു​ഭൂ​തി​യു​ടെ വേദന​കൾക്ക്‌ തക്ക മൂല്യ​വ​ത്താണ്‌. (g87 1/22)

[അടിക്കു​റി​പ്പു​കൾ]

[10-ാം പേജിലെ ചിത്രം]

ചിലരെ സംബന്ധി​ച്ചി​ട​ത്തോ​ളം, ഒരനു​രാ​ഗ​ത്തിന്‌ വിരാ​മ​മി​ടു​ന്നത്‌ വേദനാ​ജ​ന​ക​മാണ്‌