ചെറു​പ്പ​ക്കാർ ചോദി​ക്കു​ന്നു . . .

അതൊരു അഭിനി​വേശം മാത്ര​മാ​ണെന്ന്‌ ആരു പറയുന്നു?

“നിങ്ങൾ കൗമാ​ര​പ്രാ​യ​ത്തി​ലാ​യി​രു​ന്ന​പ്പോൾ നിങ്ങൾക്ക്‌ ആരോ​ടെ​ങ്കി​ലും അഭിനി​വേശം തോന്നി​യി​ട്ടു​ണ്ടോ?” ഉണരുക! ലേഖകൻ, 21 മുതൽ 70 വരെ വയസ്സ്‌ പ്രായ​മുള്ള മുതിർന്ന​വ​രു​ടെ ഒരു സംഘ​ത്തോ​ടാണ്‌ ഈ ചോദ്യം തൊടു​ത്തു​വി​ട്ടത്‌. ഉടനടി​യു​ണ്ടായ പ്രതി​ക​ര​ണ​മോ? ഒരു പൊട്ടി​ച്ചി​രി—തുടർന്ന്‌ ഓർമ്മ​ക​ളു​ടെ ഒരു പെയ്‌ത്തും.

“ഉണ്ടോ എന്നോ!” ജെറിa പറയുന്നു. “ഞാൻ ഒരു കൗമാ​ര​പ്രാ​യ​ക്കാ​ര​നാ​യി​രു​ന്ന​പ്പോൾ എന്നെക്കാൾ ആറുവ​യസ്സ്‌ പ്രായ​ക്കൂ​ടു​ത​ലുള്ള ഒരു പെൺകു​ട്ടി​യോട്‌ എനിക്ക്‌ അഭിനി​വേശം തോന്നി​യി​രു​ന്നു. അവൾ സുന്ദരി​യാ​യി​രു​ന്നു—വലിയ തവിട്ടു​നി​റ​മുള്ള കണ്ണുകൾ! പക്ഷെ ഞാൻ എന്റെ വികാ​രത്തെ രഹസ്യ​മാ​ക്കി​വെച്ചു. എന്റെ അമ്മയ്‌ക്കു​പോ​ലും ഞാൻ ആ പെൺകു​ട്ടി​യെ ഇഷ്ടപ്പെ​ട്ടി​രുന്ന വിവരം കണ്ടുപി​ടി​ക്കു​വാൻ കഴിഞ്ഞില്ല.”

“എന്റെ അദ്ധ്യാ​പ​ക​നോട്‌ എനിക്ക്‌ ഭയങ്കര അഭിനി​വേശം തോന്നി​യി​രു​ന്നു,” എന്ന്‌ ഇപ്പോൾ വിവാ​ഹി​ത​യാ​യി​രി​ക്കുന്ന വലേറി അനുസ്‌മ​രി​ക്കു​ന്നു. “അദ്ദേഹം അത്ര സുമു​ഖ​നാ​യി​രു​ന്നു.” ഒട്ടും മോശ​ക്കാ​രി​യാ​കണ്ട എന്നു കരുതി രണ്ടു കുട്ടി​ക​ളു​ടെ അമ്മയായ ജെയ്‌ൻ പറയുന്നു: “ചെറു​പ്പ​മാ​യി​രു​ന്ന​പ്പോൾ എന്റെ ഇഷ്ടഗാ​യ​ക​നോട്‌ എനിക്ക്‌ അഭിനി​വേശം തോന്നി​യി​രു​ന്നു. അദ്ദേഹ​ത്തി​ന്റെ സംഗീ​ത​സ​ദ​സ്സു​ക​ളിൽ മുൻനി​ര​യിൽ സീറ്റ്‌ ലഭിക്കാൻ ഞാൻ അതികാ​ലത്ത്‌ എഴു​ന്നേൽക്കു​മാ​യി​രു​ന്നു. ഒരിക്കൽ രണ്ടു പെൺകു​ട്ടി​ക​ളും ഞാനും അദ്ദേഹ​ത്തി​ന്റെ അണിയ​റ​യിൽപോ​ലും കയറു​ക​യു​ണ്ടാ​യി! പക്ഷെ ഒടുവിൽ അദ്ദേഹത്തെ കണ്ടുക​ഴി​ഞ്ഞ​പ്പോൾ ഞാൻ വായും പൊളിച്ച്‌ അവി​ടെ​ത്തന്നെ നിന്നു​പോ​യി.” എന്തിന്‌ ഞങ്ങളുടെ സംഘത്തി​ലെ ഏറ്റവും മുതിർന്ന അംഗം​പോ​ലും തനിക്ക്‌ ഒരു ചലചി​ത്ര​താ​ര​ത്തോട്‌ അഭിനി​വേശം ഉണ്ടായി​രു​ന്ന​താ​യി അനുസ്‌മ​രി​ക്കു​ക​യു​ണ്ടാ​യി!

അതെ, ഏത്‌ മുതിർന്ന ആളി​നോ​ടും നിങ്ങൾ ചോദി​ച്ചു നോക്കൂ, അതിൽ മിക്കവാ​റും എല്ലാവർക്കും​തന്നെ തങ്ങൾ ചെറു​പ്പ​മാ​യി​രു​ന്ന​പ്പോൾ അനുരാ​ഗാ​വേ​ശ​മോ അഭിനി​വേ​ശ​മോ ഉണ്ടായി​രു​ന്നി​ട്ടു​ള്ള​താ​യി നിങ്ങൾ മനസ്സി​ലാ​ക്കും. മിക്ക​പ്പോ​ഴും ഇവ അപ്രാ​പ്യ​രായ ആളുകളെ ചുറ്റി​പ്പ​റ്റി​യാണ്‌ ഉണ്ടായി​ട്ടു​ള്ളത്‌—അദ്ധ്യാ​പകർ, ഗായകർ, പ്രായ​കൂ​ടു​ത​ലുള്ള പരിച​യ​ക്കാർ. മനശ്ശാ​സ്‌ത്ര​ജ്ഞ​യായ കാതി മോറിക്ക പറയുന്നു: “അഭിനി​വേശം വളർച്ച​യു​ടെ ഒരു ഭാഗമാണ്‌. മിക്കവാ​റും എല്ലാ ചെറു​പ്രാ​യ​ക്കാർക്കും അതുണ്ട്‌.” ഭൂരി​ഭാ​ഗ​വും തങ്ങളുടെ വിഭ്രാ​ന്തി​കളെ അതിജീ​വി​ക്കു​ക​യും ചെയ്യു​ന്നുണ്ട്‌—തങ്ങളുടെ അന്തസ്സി​നും അഭിമാ​ന​ത്തി​നും ഒരു കേടും തട്ടാതെ തന്നെ. തീർച്ച​യാ​യും, വർഷങ്ങൾക്കു​ശേഷം മിക്കവർക്കും ഈ അനുഭ​വ​ങ്ങളെ ഒരു തമാശ​യാ​യി തള്ളിക്ക​ള​യു​വാൻ കഴിയും.

എന്നിരു​ന്നാ​ലും, നിങ്ങൾ ഒരു അഭിനി​വേ​ശ​ത്തി​ന്റെ പിടി​യിൽ പെട്ടു​ക​ഴി​ഞ്ഞാൽ, അതിൽ തമാശ​യാ​യി​ട്ടെ​ടു​ക്കു​വാൻ കാര്യ​മാ​യി ഒന്നുമി​ല്ലെ​ന്നാണ്‌ കാണ​പ്പെ​ടു​ന്നത്‌. “ഞാൻ ആകെ ഇച്ഛാഭം​ഗ​ത്തി​ലാ​യി, കാരണം അത്‌ സംബന്ധിച്ച്‌ എനിക്കു ഒന്നും ചെയ്യാൻ കഴിയു​മാ​യി​രു​ന്നില്ല. ഇതെല്ലാം നിമിത്തം ഞാൻ ആകെക്കൂ​ടെ രൂപം കെട്ടു​പോ​യി.” എന്ന്‌ ജെറി അനുസ്‌മ​രി​ക്കു​ന്നു. വലേറി തുടർന്നു പറയുന്നു: “ഞാൻ എന്റെ അദ്ധ്യാ​പ​കനെ വിവാഹം ചെയ്‌ത​താ​യി ഭാവന​യിൽ കണ്ടു. ഞങ്ങൾക്ക്‌ നാലു കുട്ടി​ക​ളു​ണ്ടാ​യി​രി​ക്കും, ഒരു നല്ല ഭവനത്തിൽ താമസി​ക്കു​ക​യും ചെയ്യും. അദ്ദേഹത്തെ പ്രാപി​ക്കു​ക​യെ​ന്നത്‌ വളരെ പ്രയാ​സ​ക​ര​മാ​യി​രു​ന്നു.

നിങ്ങൾക്ക്‌ ഒരിക്ക​ലും ലഭിക്കു​ക​യി​ല്ലാത്ത ഒരാൾക്കു​വേണ്ടി കരുതുക എന്നത്‌ മുറി​പ്പെ​ടു​ത്തുന്ന ഒന്നാണ്‌. നിങ്ങൾക്ക്‌ അനുഭ​വ​പ്പെ​ടു​ന്നത്‌ കേവലം ബാലി​ശ​മായ ഒരഭി​നി​വേ​ശ​മാ​ണെന്ന്‌ പറഞ്ഞു​ത​ന്നാൽ പോലും ആശ്വാസം തോന്നു​ക​യില്ല. നിങ്ങളെ സംബന്ധി​ച്ചി​ട​ത്തോ​ളം നിങ്ങളു​ടെ വികാ​രങ്ങൾ യഥാർത്ഥം ആണ്‌! ‘ഞാൻ സ്‌നേ​ഹ​ത്തി​ലാണ്‌ എന്നു പറയു​മ്പോൾ ആരും വിശ്വ​സി​ക്കാ​ത്ത​തെ​ന്താണ്‌? നിങ്ങൾ അത്ഭുത​പ്പെ​ട്ടേ​ക്കാം.

അഭിനി​വേ​ശ​ത്തി​ന്റെ ശരീര​ശാ​സ്‌ത്രം

“സ്‌നേഹം ദൈവ​ത്തിൽനി​ന്നാ​കു​ന്നു.” എന്ന്‌ അപ്പോ​സ്‌ത​ല​നായ യോഹ​ന്നാൻ പറയുന്നു. (1 യോഹ. 4:7) ആയതി​നാൽ മറ്റൊ​രാ​ളോട്‌ ശക്തമായ വികാ​രങ്ങൾ—അത്തരം വികാ​രങ്ങൾ അനുചി​ത​മോ അധാർമ്മി​ക​മോ അല്ലാത്തി​ട​ത്തോ​ളം (വിവാ​ഹി​ത​രായ ആരോ​ടെ​ങ്കി​ലും പോ​ലെ​യു​ള്ളത്‌)—ഉണ്ടായി​രി​ക്കു​ന്ന​തിൽ ഒരു പാപവു​മില്ല. എന്നിരു​ന്നാ​ലും, ക്രിസ്‌തീയ സ്‌നേഹം തത്വത്തി​ലാ​ണ​ധി​ഷ്‌ഠി​ത​മാ​യി​രി​ക്കു​ന്നത്‌, ആവേശ​ത്തി​ലല്ല. (1 കൊരി​ന്ത്യർ 13:4-7 വരെ താരത​മ്യ​പ്പെ​ടു​ത്തുക) അത്തരം സ്‌നേ​ഹത്തെ ബൈബിൾ ബന്ധപ്പെ​ടു​ത്തു​ന്നത്‌ യുവാ​ക്ക​ളോ​ടല്ല, പ്രത്യുത ആത്മീയ​മാ​യി പക്വത​യുള്ള, അല്ലെങ്കിൽ “പൂർണ്ണ​വ​ളർച്ച​യെ​ത്തിയ” ക്രിസ്‌ത്യാ​നി​ക​ളോ​ടാണ്‌.—എഫേസ്യർ 4:13-15.

നിങ്ങൾ ചെറു​പ്പ​മാ​യി​രി​ക്കു​മ്പോൾ, “യൗവന​സ​ഹ​ജ​മായ മോഹങ്ങൾ” പലപ്പോ​ഴും നിങ്ങളു​ടെ ചിന്തക​ളേ​യും പ്രവർത്തി​ക​ളേ​യും ഭരിക്കു​ന്നു. (2 തിമൊ​ഥെ​യോസ്‌ 2:22) തീർച്ച​യാ​യും, കൗമാരം പുതി​യ​തും വീര്യ​മേ​റി​യ​തു​മായ വികാ​ര​ങ്ങളെ ഇളക്കി വിടുന്നു. അത്തരം മോഹ​ങ്ങളെ എപ്രകാ​രം നിയ​ന്ത്ര​ണ​ത്തിൽ കൊണ്ടു​വ​രാം എന്നു മനസ്സി​ലാ​ക്കു​ന്ന​തിന്‌ നമ്മിൽ മിക്കവർക്കും വർഷങ്ങൾ തന്നെ വേണ്ടി​വ​രു​ന്നു. രസകര​മെന്നു പറയട്ടെ, വ്യക്തി​യും വിവാ​ഹ​വും കുടും​ബ​വും എന്ന ഗ്രന്ഥം ഇപ്രകാ​രം നിരീ​ക്ഷി​ക്കു​ന്നു: “കാല്‌പ​നിക പ്രേമ​ത്തി​ന്റെ പ്രാധാ​ന്യ​ത്തി​ലുള്ള നമ്മുടെ സമൂഹ​ത്തി​ന്റെ ഊന്നൽ നിമിത്തം, ചെറു​പ്പ​ക്കാ​ര​നായ വ്യക്തി . . . കാല്‌പ​നി​ക​പ്രേ​മ​ത്തിന്‌ സ്വയം പക്വമാ​കു​ന്ന​തി​നോ, അഥവാ അതിന്റെ ഉചിത​മായ ഒരു വിഷയത്തെ അഭിമു​ഖീ​ക​രി​ക്കു​ക​യോ ചെയ്യു​ന്ന​തിന്‌ വളരെ മുമ്പ്‌ തന്നെ പ്രേമ​ത്തി​ന്റെ സാക്ഷാ​ത്‌കാ​രത്തെ സ്വപ്‌നം കാണുന്നു.”

കാല്‌പ​നി​ക വികാ​ര​ങ്ങളെ ഇളക്കി​വി​ട്ടിട്ട്‌ അവ പ്രയോ​ഗി​ക്കാൻ ഒരാളെ ലഭിക്കാ​തെ വരുക എത്ര ഇച്ഛാഭം​ഗം കൈവ​രു​ത്തു​ന്ന​താണ്‌! കൂടാതെ, പതി​നേഴ്‌ എന്ന മാസിക നിരീ​ക്ഷി​ക്കു​ന്ന​പ്ര​കാ​രം, “പെൺകു​ട്ടി​കൾ മിക്ക​പ്പോ​ഴും, ആൺകു​ട്ടി​ക​ളേ​ക്കാൾ ചെറു​പ്രാ​യ​ത്തിൽ തന്നെ സമനില പ്രാപി​ക്കു​ക​യും സാമൂ​ഹ്യ​മാ​യി അനായാ​സ​നി​ല​യി​ലാ​യി​ത്തീ​രു​ക​യും ചെയ്യുന്നു.” അതിന്റെ ഫലമായി” അവർ മിക്ക​പ്പോ​ഴും തങ്ങളുടെ പുരുഷ സഹപാ​ഠി​കളെ, അദ്ധ്യാ​പ​ക​രോ​ടുള്ള താരത​മ്യ​ത്തിൽ അപക്വ​രോ അരസി​ക​രോ ആയി കണ്ടെത്തു​ന്നു,” അല്ലെങ്കിൽ മറ്റ്‌ പ്രായ​മേ​റിയ അപ്രാ​പ്യ​രായ പുരു​ഷൻമാ​രോ​ടുള്ള താരത​മ്യ​ത്തിൽ. അങ്ങനെ ഒരു പെൺകു​ട്ടി, പ്രിയ​പ്പെട്ട ഒരദ്ധ്യാ​പ​ക​നോ, പോപ്‌ ഗായക​നോ അല്ലെങ്കിൽ മറ്റേ​തെ​ങ്കി​ലും പ്രായ​മേ​റിയ പരിച​യ​ക്കാ​ര​നോ ആണ്‌ “തികഞ്ഞ” പുരുഷൻ എന്നു വിഭാവന ചെയ്‌തേ​ക്കാം. ആൺകു​ട്ടി​ക​ളും സമാന​മാ​യി മായാ​മോ​ഹി​ത​രാ​യി​ത്തീ​രാൻ ഇടയുണ്ട്‌.

എന്നിരു​ന്നാ​ലും, ആ സുഭഗ​നായ അദ്ധ്യാ​പ​ക​നോ പ്രേമ​ഗാ​യ​ക​നോ ഒത്തുള്ള പ്രണയ​ത്തി​ന്റെ സാദ്ധ്യത തീരെ ഇല്ലെന്നു​തന്നെ പറയാം. അപ്പോൾ, സുനി​ശ്ചി​ത​മാ​യും, അത്തരത്തി​ലുള്ള അകന്ന വ്യക്തി​ക​ളോട്‌ തോന്നുന്ന പ്രേമം യാഥാർത്ഥ്യ​ത്തി​ലു​പ​രി​യാ​യി മിഥ്യാ​ബോ​ധ​ത്തിൽ അധിഷ്‌ഠി​ത​മാണ്‌. വ്യക്തി​യും വിവാ​ഹ​വും കുടും​ബ​വും എന്ന ഗ്രൻഥം, അത്തരം മോഹ​വി​ഭ്രാ​ന്തി​കൾ കേവലം “ക്തണികം” ആണെന്നു പറയു​ന്നത്‌ വെറുതെ അല്ല! അല്ലെങ്കിൽ റ്റീൻ മാസിക പറഞ്ഞതു​പോ​ലെ: “മിക്ക കൗമാ​ര​പ്രാ​യ​ക്കാർക്കും അഭിനി​വേശം ജലദോ​ഷം പോലെ സാധാ​ര​ണ​മാണ്‌.” ചില യുവാക്കൾ, എന്നാലും, തങ്ങൾക്ക്‌ യഥാർത്ഥ പ്രേമം തോന്നു​ന്നു എന്ന്‌ ശഠിച്ചു​കൊണ്ട്‌ തങ്ങളുടെ മിഥ്യാ​ലോ​ക​ത്തിൽ തുടരു​ന്നു.

അഭിനി​വേശം നിരു​പ​ദ്ര​വ​ക​ര​മോ ഉപദ്ര​വ​ക​ര​മോ?

‘എന്നാൽ പിന്നെ, മിക്കവാ​റും എല്ലാവർക്കും​തന്നെ അഭിനി​വേ​ശ​ത്തി​ന്റെ അനുഭ​വ​ങ്ങ​ളു​ണ്ടെ​ങ്കിൽ, അതു​കൊ​ണ്ടെ​ന്താണ്‌ കുഴപ്പം?’ നിങ്ങൾ ചോദി​ച്ചേ​ക്കാം. ശരിയാണ്‌, ‘മിക്കവാ​റും എല്ലാവർക്കും അഞ്ചാം പനിയും ഉണ്ടായി​രു​ന്നി​ട്ടുണ്ട്‌. വസ്‌തുത എന്താ​ണെ​ന്നു​വെ​ച്ചാൽ അഭിനി​വേ​ശ​ത്തിന്‌ ഉപദ്ര​വ​ക​ര​മാ​യി​രി​ക്കാൻ കഴിയും എന്നതാണ്‌.

ഒരു സംഗതി, കൗമാ​ര​പ്രേ​മ​ത്തി​ന്റെ പല ലക്ഷ്യങ്ങ​ളും ഒരു ക്രിസ്‌ത്യാ​നി​യു​ടെ അന്തസ്സിന്‌ യോജി​ച്ചതല്ല. ഒരു ജ്ഞാനി​യായ മനുഷ്യൻ ഇപ്രകാ​രം പ്രസ്‌താ​വി​ച്ചു: “ബുദ്ധി​ശൂ​ന്യത അനേകം ഉന്നത പദവി​ക​ളിൽ വെയ്‌ക്ക​പ്പെ​ട്ടി​രി​ക്കു​ന്നു.” (സഭാ​പ്ര​സം​ഗി 10:6) അങ്ങനെ, ഒരു ഗായകൻ ആരാധ്യ​പു​രു​ഷ​നാ​കു​ന്നത്‌, അയാളു​ടെ ശബ്ദമാ​ധു​ര്യ​മോ കാഴ്‌ച​യി​ലുള്ള സൗന്ദര്യ​മോ നിമി​ത്ത​മാണ്‌. എന്നാൽ അയാളു​ടെ സദാചാ​രം സംബന്ധി​ച്ചെന്ത്‌? പല റോക്ക്‌ താരങ്ങ​ളു​ടെ​യും ജീവി​ത​ശൈലി മൗഢ്യ​മായ ഒന്നല്ലേ? ബൈബി​ളും ക്രിസ്‌ത്യാ​നി​കളെ ഇപ്രകാ​രം മുന്നറി​യി​ക്കു​ന്നു: “ലോക​ത്തോ​ടുള്ള സഖിത്വം ദൈവ​ത്തോട്‌ ശത്രു​ത്വ​മാ​കു​ന്നു.” (യാക്കോബ്‌ 4:4) ദൈവം കുറ്റം​വി​ധി​ക്കുന്ന നടത്തയുള്ള ഒരു വ്യക്തി​യിൽ നിങ്ങൾ നിങ്ങളു​ടെ ഹൃദയം അർപ്പി​ക്കു​ക​യാ​ണെ​ങ്കിൽ ദൈവ​വു​മാ​യുള്ള നിങ്ങളു​ടെ സൗഹൃ​ദത്തെ അത്‌ തകിടം മറിക്കു​ക​യി​ല്ലേ? വിവാ​ഹി​ത​രായ ആരോ​ടെ​ങ്കി​ലും ശൃംഗാ​ര​വി​കാ​രങ്ങൾ മനസ്സിൽ വെച്ചു പുലർത്തു​ന്ന​തും തെറ്റാണ്‌.—സദൃശ​വാ​ക്യം 5:15-18.

കൂടു​ത​ലാ​യി, ബൈബിൾ പ്രസ്‌താ​വി​ക്കു​ന്നു: “വിഗ്ര​ഹ​ങ്ങ​ളിൽനിന്ന്‌ നിങ്ങ​ളെ​ത്തന്നെ സൂക്ഷി​ച്ചു​കൊൾക.” (1 യോഹ. 5:21) ഇത്‌, വിഗ്ര​ഹ​മാ​ക്ക​പ്പെ​ടുന്ന വ്യക്തി സാമാ​ന്യം സ്വീകാ​ര്യ​മായ ജീവിതം നയിക്കു​ന്നു​വെ​ങ്കിൽ പോലും സത്യമാണ്‌. ഒരു യുവാ​വി​ന്റെ മുറി​യി​ലെ ഭിത്തികൾ ആകമാനം ഒരിഷ്ട​ഗാ​യ​കന്റെ ചിത്ര​ങ്ങ​ളാൽ അലങ്കരി​ക്ക​പ്പെ​ട്ടി​രി​ക്കു​ക​യാ​ണെ​ങ്കിൽ നിങ്ങൾ അതിനെ എന്തു വിളി​ക്കും? അത്‌ വിഗ്ര​ഹാ​രാ​ധ​ന​യോട്‌ അപകട​ക​ര​മാ​യി ബന്ധമു​ള്ള​തല്ലേ?. “ഞാൻ അദ്ദേഹത്തെ ആരാധി​ക്കു​ന്നൊ​ന്നു​മില്ല,” തന്റെ ഇഷ്ടഗാ​യ​ക​നെ​ക്കു​റിച്ച്‌ ഒരു പെൺകു​ട്ടി പറയുന്നു. പക്ഷെ അവൾ ഇത്‌ സമ്മതി​ക്കു​ന്നു: “ഞാൻ എല്ലായ്‌പ്പോ​ഴും ഈ വ്യക്തി​യെ​ക്കു​റി​ച്ചു വിചാ​രി​ക്കു​ന്നു . . . എനിക്ക്‌ ഈ വ്യക്തിയെ എന്റെ മനസ്സിൽനിന്ന്‌ നീക്കണം.”

ചിലർ തങ്ങളുടെ മിഥ്യാ​ബോ​ധം ന്യായ​ബോ​ധത്തെ മറിച്ചു​ക​ള​യാൻ അനുവ​ദി​ക്കു​ന്നു. ഒരു പ്രശസ്‌ത ഗായക​നോ​ടുള്ള തന്റെ അനുരാ​ഗ​ത്തെ​ക്കു​റിച്ച്‌ മറ്റൊ​രു പെൺകു​ട്ടി എഴുതു​ന്നു: ‘അദ്ദേഹ​മെന്റെ ബോയ്‌ഫ്രണ്ട്‌ ആകണം എന്നു ഞാനാ​ശി​ക്കു​ന്നു. അതു സത്യമാ​യി ഭവിക്കണേ എന്ന്‌ ഞാൻ പ്രാർത്ഥി​ക്കു​ക​യും ചെയ്‌തു! ഞാൻ അദ്ദേഹ​ത്തി​ന്റെ ആൽബവു​മൊ​ത്താണ്‌ കിടന്നു​റ​ങ്ങാ​റു​ള്ളത്‌, കാരണം അദ്ദേഹ​വു​മാ​യി ഏറ്റവും അടു​ത്തെ​ത്താൻ കഴിയു​ന്നത്‌ അങ്ങനെ​യാ​യി​രു​ന്നു. എനിക്ക്‌ അദ്ദേഹത്തെ കിട്ടി​യി​ല്ലെ​ങ്കിൽ ഞാൻ ആത്മഹത്യ ചെയ്യും എന്ന അവസ്ഥയി​ലാണ്‌ ഞാനി​പ്പോൾ.’ അത്തരം ബോധ​ശൂ​ന്യ​മായ ആവേശം, “ഒരു സുബോ​ധ​മുള്ള മനസ്സോ​ടെ” തന്നെ സേവി​ക്കാൻ നമ്മോട്‌ കല്‌പ്പി​ക്കുന്ന ദൈവ​ത്തിന്‌ പ്രിയം​ക​ര​മാ​യി​രി​ക്കു​മോ—റോമർ 12:3.

ബൈബിൾ സദൃശ​വാ​ക്യം 13:12-ൽ ഇപ്രകാ​രം പ്രസ്‌താ​വി​ക്കു​ന്നു: “ആശാ വിളം​ബനം ഹൃദയത്തെ ക്ഷീണി​പ്പി​ക്കു​ന്നു.” അസാദ്ധ്യ​മായ ഒരു ബന്ധത്തിനു വേണ്ടി​യുള്ള പ്രണയ​പ്ര​തീ​ക്ഷകൾ വളർത്തു​ന്നത്‌ അക്ഷരാർത്ഥ​ത്തിൽ നിങ്ങളെ രോഗി​യാ​ക്കാൻ കഴിയുന്ന ഒന്നാണ്‌. പ്രതി​ക​ര​ണ​മി​ല്ലാത്ത സ്‌നേ​ഹത്തെ ഡോക്ടർമാർ, “മ്ലാനത, ഉത്‌ക്കണ്‌ഠ, അസ്വസ്ഥത . . . ഉറക്കമി​ല്ലായ്‌മ അല്ലെങ്കിൽ ആലസ്യം, നെഞ്ചു​വേദന അല്ലെങ്കിൽ ശ്വാസ​ത​ടസ്സം” എന്നീ രോഗ​ങ്ങൾക്ക്‌ ഒരു കാരണ​മാ​യി ചൂണ്ടി​ക്കാ​ണി​ക്കു​ന്നു.

ഒരു മിഥ്യാ​ബോ​ധം നിങ്ങളു​ടെ ജീവി​തത്തെ അധീന​പ്പെ​ടു​ത്താൻ അനുവ​ദി​ക്കു​മ്പോൾ നിങ്ങൾ വരുത്തി​ക്കൂ​ട്ടുന്ന നാശ​ത്തെ​ക്കു​റി​ച്ചും കൂടെ ഒന്നു ചിന്തി​ക്കുക. ഒരു ക്ഷിപ്രാ​ഭി​നി​വേ​ശ​ത്തി​ന്റെ ആദ്യല​ക്ഷ​ണ​ങ്ങ​ളിൽ ഒന്ന്‌ “പഠന​പ്ര​യ​ത്‌ന​ത്തി​ലുള്ള മന്ദത ആണ്‌ എന്ന്‌ ഡോക്ടർ ലോറൻസ്‌ ബോമാൻ നിരീ​ക്ഷി​ക്കു​ന്നു. ഒരഭി​നി​വേ​ശ​ത്തിൽ പിടി​ക്ക​പ്പെ​ട്ടി​രി​ക്കു​ന്ന​തി​ന്റെ മറ്റൊ​രു സാധാരണ ഫലം സുഹൃ​ത്തു​ക്ക​ളിൽനി​ന്നും കുടും​ബ​ത്തിൽ നിന്നു​മുള്ള ഒറ്റ​പ്പെ​ട​ലാണ്‌. (സദൃശ​വാ​ക്യ​ങ്ങൾ 18:1) “എന്റെ പെരു​മാ​റ്റ​ത്തിൽ എന്റെ കുടും​ബം പോലും ആകുല​മാ​യി​ത്തീർന്നു,” ഏവരു​ടെ​യും അവഗണ​ന​യ്‌ക്കു പാത്ര​മാ​യി​ക്കൊണ്ട്‌ ഒരു പ്രസിദ്ധ ഗായകനെ “പ്രേമിച്ച” ഒരു പെൺകു​ട്ടി ഏറ്റു​പ​റഞ്ഞു.

ഭയങ്കര​മാ​യ പ്രത്യാ​ഘാ​തങ്ങൾ ഇല്ലാത്തി​ട​ത്തു​പോ​ലും, സ്വയം ഒരു വിഡ്‌ഢി​യാ​ക്കി​യ​തി​ന്റെ മാന​ക്കേ​ടും ഉണ്ട്‌. എഴുത്തു​കാ​ര​നായ ഗിൽ ഷ്വാർട്ട്‌സ്‌ പറയുന്നു: “ഇത്‌ സമ്മതിച്ച്‌ പറയു​വാൻ എനിക്ക്‌ സംഭ്ര​മ​മാണ്‌, പക്ഷേ ജൂഡി​യോ​ടുള്ള എന്റെ അഭിനി​വേ​ശ​ത്തിൽ ഞാൻ ഒരു ബഫൂണി​നെ​പ്പോ​ലെ പെരു​മാ​റി.” അഭിനി​വേ​ശ​മെ​ല്ലാം കെട്ടടങ്ങി വളരെ കഴിഞ്ഞി​ട്ടും, നിങ്ങൾ ആരു​ടെ​യെ​ങ്കി​ലും പിന്നാലെ നടക്കു​ന്ന​താ​യി​ട്ടോ അല്ലെങ്കിൽ പരസ്യ​മാ​യി എന്തെങ്കി​ലും രംഗങ്ങൾ സൃഷ്ടി​ക്കു​ന്ന​താ​യോ ഉള്ള ഓർമ്മകൾ തങ്ങി നിന്നേ​ക്കാം.

അനു​ഗ്ര​ഹ​വ​ശാൽ, ആരംഭ​ത്തിൽ മുതിർന്നവർ പറഞ്ഞതു​പോ​ലെ, മിക്ക യുവാ​ക്ക​ളും തങ്ങളുടെ അഭിനി​വേ​ശ​ങ്ങളെ എളുപ്പ​ത്തിൽ അതിജീ​വി​ച്ചു​പോ​രു​ന്നു. അങ്ങനെ അല്ലാത്ത​വരെ ഭാവി​യിൽ വരുന്ന ഒരു ലേഖനം സഹായി​ക്കും. അതുവ​രെ​യ്‌ക്കും, അഭിനി​വേശം എന്നത്‌ എന്താണ്‌ എന്ന്‌ തിരി​ച്ച​റി​യുക എന്നതാണ്‌ ഏറ്റവും മെച്ചമായ ഉപദേശം—ഒരു കൗമാര മിഥ്യാ​സ​ങ്കൽപം.

ഒരുപക്ഷെ, ‘സ്‌നേ​ഹി​ക്കു​ക​യും നഷ്ടപ്പെ​ടു​ക​യും ചെയ്‌തി​രി​ക്കു’ന്നതിൽ എന്തെങ്കി​ലും പ്രയോ​ജ​ന​ക​ര​മായ മൂല്യം ഉണ്ടായി​രി​ക്കാം. എന്നിരു​ന്നാ​ലും, നിരാ​ശാ​ജ​ന​ക​മായ ഒരു അനുരാ​ഗാ​വേശം നിങ്ങളു​ടെ ജീവി​ത​ത്തി​ന്റെ നിയ​ന്ത്രണം ഏറ്റെ​ടു​ക്കു​ന്ന​തി​നോ നിങ്ങളു​ടെ വികാ​ര​ങ്ങളെ വ്യർത്ഥ​മാ​ക്കു​ന്ന​തി​നോ ഒരിക്ക​ലും അനുവ​ദി​ക്ക​രുത്‌. എഴുത്തു​കാ​രൻ ഗിൽ ഷ്വാർട്ട്‌സ്‌ ഇതെത്ര നിഷ്‌ഫ​ല​മാ​ണെന്ന്‌ അനുസ്‌മ​രി​ക്കു​ന്നു. “ഞാൻ ജൂഡി​യിൽ അർപ്പിച്ച എല്ലാ ആവേശ​ത്തി​നും വിചാ​ര​ത്തി​നും പകരം, അവൾ എന്നെക്കു​റിച്ച്‌ രണ്ടാമ​തൊന്ന്‌ ചിന്തിച്ചു കാണില്ല എന്ന്‌ ഞാൻ പന്തയം വെയ്‌ക്കാം.“ (g87 1/8)

[അടിക്കു​റി​പ്പു​കൾ]

[15-ാം പേജിലെ ചിത്രം]

പ്രായക്കൂടുതലുള്ള—ലഭ്യമ​ല്ലാത്ത—വിപരീത ലിംഗ​ത്തിൽപെട്ട അംഗങ്ങ​ളോ​ടുള്ള അഭിനി​വേശം സർവ്വസാ​ധാ​ര​ണ​മാണ്‌