ചെറു​പ്പ​ക്കാർ ചോദി​ക്കു​ന്നു. . . 

എനിക്ക്‌ വല്ല കുഴപ്പ​വും ഉണ്ടോ?

എയ്‌ഡ്‌സിന്റെ സത്വര​വ്യാ​പനം ലോക​ശ്ര​ദ്ധയെ സ്വവർഗ്ഗ​ര​തി​യു​ടെ വിഷയ​ത്തിൽ കേന്ദ്രീ​ക​രി​പ്പി​ക്കു​ക​യും യുവാ​ക്ക​ളു​ടെ സ്വന്തം ലൈം​ഗി​ക​ത​യോ​ടു ബന്ധപ്പെട്ട അനേകം ചോദ്യ​ങ്ങ​ളെ​യും ഭയങ്ങ​ളെ​യും വെളി​ച്ച​ത്തു​വ​രു​ത്തു​ക​യും ചെയ്‌തി​രി​ക്കു​ന്നു. ഈ ലേഖനം മാന്യ​വും സഹായ​ക​വു​മായ ഒരു വിധത്തിൽ ഈ ഭയങ്ങളിൽ ചിലത്‌ കൈകാ​ര്യം ചെയ്യാ​നു​ത​കു​ന്നു.

‘ഞാൻ ഒരു പെൺകു​ട്ടി​യാണ്‌. എന്റെ അദ്ധ്യാ​പ​ക​രിൽ ഒരാളെ സംബന്ധിച്ച്‌ എനിക്ക്‌ ഒരു വിചിത്ര വികാ​ര​മുണ്ട്‌. ഞാൻ അവരു​മാ​യി പ്രേമ​ത്തി​ലോ മറെറാ ആണോ​യെന്ന്‌ ഭയപ്പെ​ടു​ന്നു.’ ഒരു 13 വയസ്സു​കാ​രി പെൺകു​ട്ടി​യാണ്‌ ഇങ്ങനെ എഴുതി​യത്‌. അവളുടെ ദുരവസ്ഥ അസാധാ​ര​ണമല്ല. അഡൊ​ല​സെൻസ എന്ന പുസ്‌തകം സ്വവർഗ്ഗ സംഭോ​ഗ​ത്തി​ന്റെ വിഷയം “അനേകം യുവാ​ക്ക​ളു​ടെ​യി​ട​യിൽ ഗണ്യമായ ഉത്‌ക്കണ്‌ഠ ഉണർത്തു​ന്നു . . . തങ്ങൾതന്നെ സ്വവർഗ്ഗ​സം​ഭോ​ഗി​ക​ളാ​ണൊ​യെന്ന്‌ സംശയി​ക്കു​ന്നത്‌ അസാധാ​ര​ണമല്ല” എന്ന്‌ പ്രസ്‌താ​വി​ക്കു​ന്നു.

ഇപ്പോൾ പ്രായ​പൂർത്തി​യായ ഒരു ചെറു​പ്പ​ക്കാ​ര​നായ അലൻ ഇങ്ങനെ ഓർമ്മി​ക്കു​ന്നു: “മാർക്ക്‌ ആയിരു​ന്നു എന്റെ ആദ്യത്തെ യഥാർത്ഥ സുഹൃത്ത്‌. ഇതിനു​മുമ്പ്‌ ഞാൻ സ്‌കൂ​ളി​ലെ വിചി​ത്ര​സ്വ​ഭാ​വി​യാ​യി​രു​ന്നു, കലകളി​ലുള്ള എന്റെ താൽപ്പ​ര്യ​വും കളിക​ളി​ലുള്ള താൽപ്പ​ര്യ​ക്കു​റ​വും നിമിത്തം ഞാൻ അവഗണി​ക്ക​പ്പെ​ട്ടി​രു​ന്നു. മാർക്കി​ന്റെ സൗഹൃദം എന്നിൽ ആദരവി​ന്റെ ഊഷ്‌മള വികാ​ര​ങ്ങളെ ഉത്തേജി​പ്പി​ച്ചു. അവനേ​പ്പോ​ലെ​യാ​കാൻ ആഗ്രഹി​ക്കു​ക​യും അവനോ​ടു​കൂ​ടെ​യാ​യി​രി​ക്കാൻ ആഗ്രഹി​ക്കു​ക​യും ചെയ്യുന്ന അർത്ഥത്തിൽ ഞാൻ അവനെ സ്‌നേ​ഹി​ച്ചു. എന്നാൽ പെട്ടെ​ന്നുള്ള ഈ ശക്തമായ വികാ​രങ്ങൾ അന്തർലീ​ന​മാ​യി​രി​ക്കുന്ന സ്വവർഗ്ഗ​സം​ഭോ​ഗ​പ്ര​വ​ണ​ത​ക​ളു​ടെ ഒരു പ്രകട​ന​മാ​യി​രി​ക്കാ​മൊ എന്നു ഞാൻ വ്യാകു​ല​പ്പെട്ടു.”

അങ്ങനെ​യു​ള്ള വികാ​രങ്ങൾ എവി​ടെ​നി​ന്നാ​ണു വരുന്നത്‌? അവ അവശ്യം തിൻമ​യാ​ണൊ?

ഒരേ ലിംഗ​വർഗ്ഗ അഭിനി​വേ​ശ​ങ്ങ​ളു​ടെ ഉത്ഭവം

മററു​ള്ള​വ​രോട്‌ അടുപ്പം തോന്നാൻ ആഗ്രഹി​ക്കു​ന്ന​തിൽ തെററില്ല. “ഒരു സഹോ​ദ​ര​നെ​ക്കാൾ അടുത്തു പററി​നിൽക്കുന്ന ഒരു സുഹൃ​ത്തുണ്ട്‌” എന്ന്‌ സദൃശ​വാ​ക്യ​ങ്ങൾ 18:24 പറയുന്നു. അങ്ങനെ സ്വവർഗ്ഗ സംഭോഗ ചായ്‌വു​ക​ളിൽനിന്ന്‌ വിമു​ക്ത​മായ നിരവധി അടുത്ത ബന്ധങ്ങൾ ബൈബി​ളിൽ ദീപ്‌തി​മ​ത്താ​ക്ക​പ്പെ​ട്ടി​ട്ടുണ്ട്‌; ദൃഷ്ടാ​ന്ത​ത്തിന്‌, യേശു​വും അപ്പോ​സ്‌ത​ല​നായ യോഹ​ന്നാ​നും; നവോ​മി​യും രൂത്തും; ദാവീ​ദും യോനാ​ഥാ​നും.—രൂത്ത്‌ 1:16, 17; 1 ശമുവേൽ 18:1; യോഹ​ന്നാൻ 13:23.

എന്നിരു​ന്നാ​ലും, ഒരേ ലിംഗ​വർഗ്ഗ അഭിനി​വേ​ശങ്ങൾ സാധാ​ര​ണ​യാ​യി ഏകപക്ഷീ​യ​മായ വെറും മൂഢ​പ്രേ​മ​ങ്ങ​ളാ​യ​തു​കൊണ്ട്‌ സൗഹൃ​ദ​ത്തി​ലൊ ആദരവി​ലൊ അധിഷ്‌ഠി​ത​മായ പക്വമായ ബന്ധങ്ങളിൽനിന്ന്‌ അവ വ്യത്യ​സ്‌ത​മാണ്‌. അഭിനി​വേ​ശ​ത്തി​ന്റെ ലക്ഷ്യം മിക്ക​പ്പോ​ഴും യഥാർത്ഥ​ത്തിൽ വിഗ്ര​ഹ​മാ​ക്ക​പ്പെ​ട്ടേ​ക്കാ​വുന്ന പ്രായ​ക്കൂ​ടു​ത​ലുള്ള ഒരു യുവാ​വൊ (ഒരദ്ധ്യാ​പ​ക​നെ​പ്പോ​ലെ​യുള്ള) മുതിർന്ന​യാ​ളൊ ആണ്‌.

അങ്ങനെ​യു​ള്ള അഭിനി​വേശം അല്‌പ​കാ​ല​ത്തേ​ക്കുള്ള വളർച്ച​യു​ടെ വേദന​യിൽ കവിഞ്ഞ​തൊ​ന്നു​മ​ല്ലെന്ന്‌, “അധിക​വും സ്വവർഗ്ഗ​സം​ഭോ​ഗ​ശീ​ല​ത്തെ​ക്കാൾ യൗവന​പ്രാ​പ്‌തി​യി​ലേ​ക്കുള്ള വികസ​ന​പ്ര​ക്രി​യ​യു​ടെ സൂചന​യാ​ണെന്ന്‌,” മിക്ക വിദഗ്‌ദ്ധ​രും വിശ്വ​സി​ക്കു​ന്നു. (കാത്‌ലിൻ മക്കോയ്‌ രചിച്ച കൗമാ​ര​പ്രായ വിഷാ​ദത്തെ നേരിടൽ) യുവാക്കൾ താദാ​ത്മ്യ​ത്തി​നു​വേണ്ടി, അംഗീ​കാ​ര​ത്തി​നു​വേണ്ടി, തേടു​ക​യാണ്‌. എഴുത്തു​കാ​ര​നായ സാലി ഹെൽഗെസൻ പ്രസ്‌താ​വി​ക്കു​ന്ന​തു​പോ​ലെ: “നാം മിക്ക​പ്പോ​ഴും നാം ആയിത്തീ​രാൻ ആഗ്രഹി​ക്കു​ന്ന​വരെ പ്രതി​നി​ധാ​നം​ചെ​യ്യു​ന്ന​താ​യി തോന്നുന്ന മൂത്തവ​രി​ലേക്ക്‌ [യുവാ​ക്ക​ളി​ലേക്ക്‌] തിരി​യു​ന്നു, അവരെ മാതൃ​ക​യാ​ക്കാൻ ശ്രമി​ക്കു​ക​യും ചെയ്യുന്നു.”

ഒരേ ലിംഗ​വർഗ്ഗ​ത്തിൽപ്പെട്ട അംഗങ്ങ​ളോ​ടുള്ള മതി​മോ​ഹം ഏകാന്ത​ത​യും ആത്മാഭി​മാ​ന​ക്കു​റ​വും നിമി​ത്ത​വും അല്ലെങ്കിൽ വൈകാ​രി​ക​പി​ന്തു​ണ​യു​ടെ ആവശ്യം നിമി​ത്ത​വും വളർന്നു​വ​ന്നേ​ക്കാം. അലാൻ ഇങ്ങനെ ഓർമ്മി​ക്കു​ന്നു: “പ്രധാന കാരണം എന്റെ വൈകാ​രി​ക​മായ അസ്ഥിര​ത​യും എന്റെ മാതാ​പി​താ​ക്ക​ളിൽനി​ന്നുള്ള സ്വന്തമായ ഒററ​പ്പെ​ട​ലു​മാ​യി​രു​ന്നു. എനിക്ക്‌ അവരു​മാ​യി ആശയവി​നി​യമം ചെയ്യാൻക​ഴി​യു​മെ​ന്നുള്ള വിചാ​ര​മി​ല്ലാ​തെ, ഞാൻ കൂടുതൽ കൂടുതൽ മാർക്കി​നെ വിശ്വ​സി​ച്ചു.”

“അഭിനി​വേ​ശ​ബ​ന്ധങ്ങൾ അപൂർവ​മാ​യി മാത്രം അടുത്ത സമ്പർക്ക​ത്തിൽ കലാശി​ക്കു​ന്ന​തു​കൊണ്ട്‌ അവ ‘സ്വവർഗ്ഗ​സം​ഭോ​ഗപര’മാണെന്ന്‌ പരിഗ​ണി​ക്ക​രുത്‌” എന്ന്‌ ഡോ. ക്രീപ്പേ പറയുന്നു. അതു​പോ​ലെ​തന്നെ, അങ്ങനെ​യുള്ള പെരു​മാ​ററം ഒരു മുതിർന്ന​യാ​ളെന്ന നിലയിൽ ഭാവി​യി​ലെ സ്വവർഗ്ഗ​സം​ഭോ​ഗ​ചാ​യ്‌വി​നെ മുൻകൂ​ട്ടി​പ്പ​റ​യു​ന്നു​മില്ല.” (മാനുഷ ലൈം​ഗി​കത സംബന്ധിച്ച വൈദ്യ​ശാ​സ്‌ത്ര​വ​ശങ്ങൾ.) അങ്ങനെ അലാൻ പറയുന്നു: “മാർക്കി​നോ​ടുള്ള എന്റെ വികാ​രങ്ങൾ സംബന്ധിച്ച എന്റെ ഭയങ്ങൾ കുറഞ്ഞു. ഏതായാ​ലും എനിക്ക്‌ വാസ്‌ത​വ​ത്തിൽ യാതൊ​രു കുഴപ്പ​വു​മി​ല്ലെന്ന്‌ ഞാൻ തിരി​ച്ച​റി​ഞ്ഞു!”

എന്നിരു​ന്നാ​ലും ഒരേ ലിംഗ​വർഗ്ഗ അഭിനി​വേ​ശങ്ങൾ മിക്ക​പ്പോ​ഴും വിഷാ​ദ​വും ദുശ്ശങ്ക​ക​ളും സ്വന്തമെന്ന വിചാ​ര​വും വിഗ്ര​ഹ​മാ​ക്ക​പ്പെ​ടുന്ന ആളി​നെ​സം​ബ​ന്ധിച്ച യഥാർത്ഥ വ്യാ​മോ​ഹ​വും ജനിപ്പി​ക്കു​ന്നു—തീർച്ച​യാ​യും അനാ​രോ​ഗ്യ​ക​ര​ങ്ങ​ളായ വികാ​ര​ങ്ങൾതന്നെ! നിങ്ങൾക്ക്‌ അങ്ങനെ​യുള്ള വികാ​രങ്ങൾ എങ്ങനെ ഒഴിവാ​ക്കാൻ കഴിയും? നിങ്ങൾ വിഗ്ര​ഹ​മാ​ക്കുന്ന ആളി​നെ​സം​ബ​ന്ധിച്ച്‌ നിർവി​കാ​ര​മായ, വസ്‌തു​നി​ഷ്‌ഠ​മായ, ഒരു വീക്ഷണം നടത്തുക. അയാൾ അല്ലെങ്കിൽ അവൾ എല്ലാ രീതി​യി​ലു​മുള്ള ദൗർബ​ല്യ​ങ്ങൾക്കും വിധേ​യ​രായ മനുഷ്യ​രിൽപെ​ട്ട​വ​രാ​ണെ​ന്നു​ള്ളത്‌ സത്യമ​ല്ല​യോ? (റോമർ 3:23) സന്തോ​ഷ​ക​ര​മെന്നു പറയട്ടെ, കൗമാ​ര​പ്രാ​യ​ക്കാർ പക്വത​പ്രാ​പി​ക്കു​ക​യും തങ്ങളെ​ക്കു​റി​ച്ചു​തന്നെ സുരക്ഷി​ത​ത്വ​ബോ​ധം തോന്നു​ക​യും ചെയ്യു​മ്പോൾ സാധാ​ര​ണ​യാ​യി അങ്ങനെ​യുള്ള അഭിനി​വേ​ശ​ങ്ങളെ തരണം​ചെ​യ്യു​ന്നു.

ജാഗ്ര​ത​പു​ലർത്തേ​ണ്ട​തി​ന്റെ ആവശ്യം

എന്നാൽ അഭിനി​വേ​ശ​ത്തിൽ കാമവി​ചാ​ര​ങ്ങ​ളോ ഒരേ ലിംഗ​വർഗ​ത്തിൽപെട്ട ഒരാ​ളെ​ക്കു​റി​ച്ചുള്ള സ്വപ്‌ന​ങ്ങ​ളോ ഉൾപ്പെ​ടു​ന്നു​വെ​ങ്കി​ലോ? നിങ്ങൾ “നവയൗവന”ത്തിലാ​ണെന്ന്‌ ഓർക്കുക—നിങ്ങൾ പുതിയ മോഹ​ങ്ങൾക്കും വിചാ​ര​ങ്ങൾക്കും വിധേ​യ​രാ​കുന്ന സമയമാ​ണത്‌. (1 കൊരി​ന്ത്യർ 7:36) ഇങ്ങനെ​യുള്ള പ്രചോ​ദ​ന​ങ്ങളെ കൈകാ​ര്യം​ചെ​യ്യാൻ നിങ്ങൾ പഠിക്കു​ന്ന​തു​വരെ നിങ്ങൾ ആവശ്യ​മി​ല്ലാത്ത ലൈം​ഗി​ക​ഉ​ത്തേ​ജ​ന​ത്തിന്‌ വിധേ​യ​രാ​യി​രി​ക്കും. നിങ്ങളു​ടെ ലിംഗ​വർഗ്ഗ​ത്തിൽപ്പെട്ട ഒരാളു​മാ​യി ആകർഷി​ക്ക​പ്പെ​ടു​ന്നത്‌ ക്ലേശക​ര​മാ​യി​രി​ക്കാ​മെ​ന്നി​രി​ക്കെ, നിങ്ങൾ ഒരു സ്വവർഗ്ഗ​സം​ഭോ​ഗി​യാ​യി​ത്തീ​രു​മെന്ന്‌ അതിനർത്ഥ​മില്ല. മിക്ക യുവജ​ന​ങ്ങ​ളും അത്തരം വികാ​ര​ങ്ങളെ തരണം​ചെ​യ്യു​ന്നു.

എന്നാലും, സ്വവർഗ്ഗ​ര​തി​യു​ടെ കെണി​യി​ല​ക​പ്പെ​ടു​ന്ന​തി​നെ​തി​രെ ജാഗ്ര​ത​പു​ലർത്തേ​ണ്ട​യാ​വ​ശ്യ​മുണ്ട്‌. 1 കൊരി​ന്ത്യർ 6:9, 10ൽ ബൈബിൾ ഇങ്ങനെ മുന്നറി​യി​പ്പു​നൽകു​ന്നു: “ദുർവൃ​ത്ത​രോ വിഗ്ര​ഹാ​രാ​ധി​ക​ളോ വ്യഭി​ചാ​രി​ക​ളോ പ്രകൃ​തി​വി​രുദ്ധ ഉദ്ദേശ്യ​ങ്ങൾക്കാ​യി സൂക്ഷി​ക്ക​പ്പെ​ടുന്ന പുരു​ഷൻമാ​രോ പുരു​ഷൻമാ​രോ​ടു​കൂ​ടെ ശയിക്കുന്ന പുരു​ഷൻമാ​രോ (“സ്വവർഗ്ഗ​സം​ഭോ​ഗി​ക​ളായ വികടൻമാർ,” ററു​ഡേ​യസ ഇംഗ്ലീഷ വേർഷൻ) . . . ദൈവ​രാ​ജ്യം അവകാ​ശ​മാ​ക്കു​ക​യില്ല.”—ലേവ്യർ 18:22; 20:13; റോമർ 1:26, 27 താരത​മ്യ​പ്പെ​ടു​ത്തുക.

അധാർമ്മി​ക ചിന്തകൾ വെച്ചു​പു​ലർത്തുന്ന ഒരു യുവാവ്‌ വിചി​ത്ര​ഭാ​വന യാഥാർത്ഥ്യ​മാ​ക്കു​ന്ന​തി​ന്റെ ഗുരു​ത​ര​മായ അപകട​മുണ്ട്‌. (യാക്കോബ്‌ 1:14, 15) ഒരേ ലിംഗ​വർഗ്ഗ​ത്തിൽപെട്ട യുവാ​ക്ക​ളു​ടെ ഇടയിൽ, വിശേ​ഷിച്ച്‌ കൗമാ​ര​പ്രാ​യ​ത്തി​നു മുമ്പു​ള്ളവർ “ലൈം​ഗി​ക​കേളി” നടത്തു​ന്നത്‌ ഭയജന​ക​മാം​വി​ധം സാധാ​ര​ണ​മാ​ണെന്ന്‌ സർവ്വേകൾ വെളി​പ്പെ​ടു​ത്തു​ന്നു. ഇത്‌ അപൂർവ​മാ​യേ സ്വവർഗ്ഗ​സം​ഭോ​ഗ​ജീ​വി​ത​ത്തി​ലേക്കു നയിക്കു​ന്നു​ള്ളു​വെ​ന്ന​തി​നോട്‌ മിക്ക വിദഗ്‌ദ്ധ​രും യോജി​ക്കു​ന്നു​വെ​ന്നതു സത്യം​തന്നെ. എന്നിരു​ന്നാ​ലും, അങ്ങനെ​യുള്ള “ലൈം​ഗി​ക​കേളി” (ഒരുപക്ഷേ അതിന്റെ ധാർമ്മി​ക​സൂ​ച​ന​കളെ യഥാർത്ഥ​മാ​യി ഗ്രഹി​ക്കാ​തെ നടത്തു​ന്ന​താ​ണെ​ങ്കി​ലും) അശുദ്ധ​മാണ്‌, പോർണി​യാ​യാ​യി​ത്തീ​രാ​വു​ന്ന​തു​പോ​ലു​മാണ്‌—മറെറാ​രാ​ളു​മാ​യുള്ള അധാർമ്മിക ലൈം​ഗിക നടത്തയെ വർണ്ണി​ക്കാൻ ബൈബി​ളിൽ ഉപയോ​ഗി​ച്ചി​രി​ക്കുന്ന ഗ്രീക്ക്‌ പദമാ​ണത്‌. (യൂദാ 7) അങ്ങനെ​യുള്ള നടത്ത യഹോ​വക്ക്‌ അപ്രീ​തി​ക​ര​മാ​ണെ​ന്നു​മാ​ത്രമല്ല, അതിന്‌ ഒരു യുവാ​വി​നെ സ്വവർഗ്ഗ​ര​തി​പ്ര​വർത്ത​ന​ങ്ങ​ളി​ലേക്ക്‌ നയിക്കാ​നും നിലനിൽക്കുന്ന വൈകാ​രി​ക​വ​ടു​ക്കൾ ശേഷി​പ്പി​ക്കാ​നും കഴിയും.

അതു​കൊണ്ട്‌ ഒരേ ലിംഗ​വർഗ്ഗ​ത്തിൽപെട്ട മററു​ള്ള​വ​രെ​ക്കു​റി​ച്ചുള്ള ചിന്തകൾ ഉണ്ടാകു​ന്നു​വെ​ങ്കിൽ നിങ്ങളു​ടെ മനസ്സു​കളെ ‘നീതി​നി​ഷ്‌ഠ​വും നിർമ്മ​ല​വും പ്രിയ​ങ്ക​ര​വു​മായ’ കാര്യ​ങ്ങ​ളിൽ വ്യാപ​രി​പ്പി​ക്കാൻ കഠിന​ശ്ര​മം​ചെ​യ്യുക. (ഫിലി​പ്യർ 4:8) ചില ററി.വി. പ്രദർശ​ന​ങ്ങ​ളും അശ്ലീല​ഫി​ലി​മു​ക​ളും ഒരുപക്ഷേ ഏതെങ്കി​ലും ഫാഷ്യ​നും ലഘുവാ​യി വസ്‌ത്രം​ധ​രിച്ച മോഡ​ലു​കളെ വിശേ​ഷ​വൽക്ക​രി​ക്കുന്ന ബോഡി​ബിൽഡിംഗ്‌ മാസി​ക​ക​ളും​പോ​ലെ, അധാർമ്മി​ക​മോ​ഹങ്ങൾ ഉണർത്തുന്ന വസ്‌തു​ക്കൾ ഒഴിവാ​ക്കുക. ഒരു യുവാ​വാ​യി​രു​ന്ന​പ്പോൾ സ്വവർഗ്ഗ​സം​ഭോ​ഗ​ഭാ​വ​ന​ക​ളും സ്വപ്‌ന​ങ്ങ​ളും ബാധി​ച്ചി​രുന്ന ഡേവ്‌ ഇങ്ങനെ സമ്മതി​ക്കു​ന്നു: “സ്വയം ഭോഗ​വും അശ്ലീല ചിത്ര​വും നേരിട്ട്‌ ഈ സ്വപ്‌ന​ങ്ങൾക്കു സംഭാ​വ​ന​ചെ​യ്‌തെന്ന്‌ എനിക്ക്‌ ഉറപ്പുണ്ട്‌, എന്തു​കൊ​ണ്ടെ​ന്നാൽ ഞാൻ കാമവി​കാ​ര​മു​ണർത്തുന്ന സാഹി​ത്യ​ത്തി​ലും ചലച്ചി​ത്ര​ങ്ങ​ളി​ലും കാണുന്ന കാര്യങ്ങൾ മിക്ക​പ്പോ​ഴും രാത്രി​യിൽ ആവർത്തി​ക്കു​മാ​യി​രു​ന്നു.” ഉചിത​മായ കാര്യ​ങ്ങൾകൊണ്ട്‌ അയാളു​ടെ മനസ്സ്‌ നിറച്ച​തി​നാൽമാ​ത്രമേ അയാൾക്ക്‌ ഭോഗാ​സ​ക്ത​മായ വിചി​ത്ര​ഭാ​വ​ന​കളെ കുറയ്‌ക്കാൻ കഴിഞ്ഞു​ള്ളു.

അതു​പോ​ലെ​ത​ന്നെ ഇപ്പോൾ ഒരു ക്രിസ്‌തീ​യ​മൂ​പ്പ​നാ​യി​രി​ക്കുന്ന ജയ്‌സൻ ചെറു​പ്പ​മാ​യി​രു​ന്ന​പ്പോൾ സ്വന്തം ലിംഗ​വർഗ്ഗ​ത്തിൽപെ​ട്ട​വ​രോട്‌ അയാൾക്ക്‌ ഒരു ലൈം​ഗി​കാ​കർഷ​ണം​തോ​ന്നി. അദ്ദേഹം ഇങ്ങനെ സമ്മതി​ക്കു​ന്നു: “സ്വയം ഭോഗം ഒരേ ലിംഗ​വർഗ്ഗ​ത്തിൽപെ​ട്ട​വ​രെ​പ്പ​റ​റി​യുള്ള എന്റെ വിചി​ത്ര​ഭാ​വ​ന​കളെ ശക്തമാ​ക്കി​യെന്ന്‌ ഞാൻ വിചാ​രി​ക്കു​ന്നു. അത്‌ ദിവസ​വും തികച്ചും അസാൻമാർഗ്ഗി​ക​മായ രീതി​യി​ലുള്ള ചിന്ത എന്നിൽ ഉളവാക്കി. ഇത്‌ കൂടു​ത​ലായ അശുദ്ധ​മോ​ഹ​ങ്ങൾക്കുള്ള വാഞ്‌ഛയെ വർദ്ധി​പ്പി​ച്ചു.” നിങ്ങൾ ‘ദുർവൃ​ത്തി​സം​ബ​ന്ധിച്ച്‌ നിങ്ങളു​ടെ ശരീരാ​വ​യ​വ​ങ്ങളെ മരിപ്പി​ക്കേണ്ട’ ആവശ്യ​മുണ്ട്‌. (കൊ​ലോ​സ്യർ 3:5) സ്വയം​ഭോ​ഗം ദുർമ്മോ​ഹ​ങ്ങളെ പോഷി​പ്പി​ക്കു​ക​മാ​ത്രമെ ചെയ്യു​ന്നു​ള്ളു.a

നിങ്ങളു​ടെ മാതാ​പി​താ​ക്ക​ളി​ലോ പക്വത​യുള്ള ഒരു ക്രിസ്‌ത്യാ​നി​യി​ലോ വിശ്വാ​സ​മർപ്പി​ച്ചു​കൊണ്ട്‌ തുറന്നു​സം​സാ​രി​ക്കു​ന്ന​തും സഹായ​ക​മാണ്‌. അങ്ങനെ​യു​ള്ള​വർക്ക്‌ പ്രാ​യോ​ഗി​ക​ബു​ദ്ധി​യു​പ​ദേശം നൽകാ​നു​ണ്ടാ​യി​രി​ക്കാം, ഈ വികാ​ര​ങ്ങളെ തരണം​ചെ​യ്യു​ന്ന​തി​ലുള്ള നിങ്ങളു​ടെ പുരോ​ഗ​തി​യെ നിരീ​ക്ഷി​ക്കാ​നും അവർക്കു കഴിയും. ജയ്‌സൻ ഒരു പക്വത​യുള്ള ക്രിസ്‌ത്യാ​നി​യോ​ടും പിന്നീട്‌ ചില സഭാമൂ​പ്പൻമാ​രോ​ടും സംസാ​രി​ച്ചു. (സദൃശ​വാ​ക്യ​ങ്ങൾ 11:14) അയാൾ ഇങ്ങനെ ഓർമ്മി​ക്കു​ന്നു: “ഒരേ ആളുക​ളു​മാ​യി എന്റെ സമയം ചെലവ​ഴി​ക്കാ​തെ ആണുങ്ങ​ളും പെണ്ണു​ങ്ങ​ളു​മ​ട​ങ്ങിയ എന്റെ സുഹൃ​ദ്‌വ​ല​യത്തെ, വിപു​ല​പ്പെ​ടു​ത്താൻ [എന്റെ സുഹൃത്ത്‌] എന്നോടു പറഞ്ഞു.”

ജയ്‌സൻ തന്റെ ലൈം​ഗി​ക​വി​കാ​ര​ങ്ങ​ളു​ടെ​മേൽ നിയ​ന്ത്രണം നേടു​ന്ന​തു​വരെ കൂടു​ത​ലായ ജാഗ്രത ബുദ്ധി​പൂർവ​മാ​യി​രി​ക്കു​മെന്ന്‌ തോന്നി. അയാൾ ഇങ്ങനെ ഓർമ്മി​ക്കു​ന്നു: “എന്റെ ലിംഗ​വർഗ്ഗ​ത്തിൽപെ​ട്ട​വ​രും എന്നെ ലൈം​ഗി​ക​മാ​യി ഉണർത്തു​ന്ന​താ​യി കണ്ടെത്തു​ന്ന​വ​രു​മാ​യ​വ​രോട്‌ പ്രിയം കാണി​ക്കാ​തി​രി​ക്കു​ന്ന​തിന്‌ ജാഗ്രത പുലർത്താൻ ഞാൻ പഠി​ക്കേ​ണ്ടി​യി​രു​ന്നു. പ്രിയം കാണി​ക്കു​ക​യെ​ന്ന​തി​നാൽ ഞാൻ അർത്ഥമാ​ക്കു​ന്നത്‌ ലളിത​മായ വിനോ​ദ​ത്തെ​യും ആശ്ലേഷ​ത്തെ​യു​മാണ്‌.” അങ്ങനെ​യുള്ള ആത്മശി​ക്ഷണം ‘നിങ്ങളു​ടെ ശരീര​ത്തോട്‌ പരുഷ​മാ​യി പെരു​മാ​റി​ക്കൊണ്ട്‌ അതിനെ ദണ്ഡിപ്പി​ക്കു​ക​യും അതു ചെയ്യാൻ ആഗ്രഹി​ക്കു​ന്നതല്ല അതു​ചെ​യ്യേ​ണ്ടത്‌ ചെയ്യാൻ അതിനെ പരിശീ​ലി​പ്പി​ക്കു​ക​യും ചെയ്യുക’ എന്ന അപ്പോ​സ്‌ത​ല​നായ പൗലോ​സി​ന്റെ ഉത്‌ബോ​ധ​ന​ത്തോട്‌ യോജി​പ്പി​ലാണ്‌.—1 കൊരി​ന്ത്യർ 9:27, ദി ലിവിംഗ്‌ ബൈബിൾ.

കുററ​വി​ചാ​രങ്ങൾ നീക്കുക

ചില യുവജ​നങ്ങൾ തങ്ങളുടെ മതി​മോ​ഹങ്ങൾ തണുത്ത​ശേഷം വളരെ​ക്കാ​ലം കഴിഞ്ഞും കുററ​വി​ചാ​ര​ങ്ങ​ളാ​ലും സംശയ​ങ്ങ​ളാ​ലും ക്ലേശി​ക്കു​ന്നു. ചിലർ കൊച്ചു​കു​ട്ടി​ക​ളാ​യി​രു​ന്ന​പ്പോൾ സ്വവർഗ്ഗ​രതി രീതി​യി​ലുള്ള ലൈം​ഗി​ക​കേ​ളി​യിൽ അറിയാ​തെ ഏർപ്പെ​ട്ട​തി​നെ​സം​ബ​ന്ധിച്ച സ്‌മര​ണ​ക​ളാൽ ദണ്ഡിപ്പി​ക്ക​പ്പെ​ടു​ന്നു.

ഒരുവൻ ഒരേ ലിംഗ​വർഗ്ഗ​ത്തിൽപെ​ട്ട​വ​രോ​ടുള്ള ആകർഷ​ണത്തെ പണ്ടേ തരണം​ചെ​യ്‌തി​രി​ക്കുന്ന സ്ഥിതിക്ക്‌ വിദൂ​ര​പൂർവ​കാ​ലത്തെ സംബന്ധിച്ച്‌ അസ്വസ്ഥ​നാ​വു​ന്ന​തു​കൊണ്ട്‌ ഒന്നും നേടു​ന്നില്ല.b ഏതായാ​ലും, യഹോവ ‘ഒരു വലിയ വിധത്തിൽ ക്ഷമിക്ക​യും’ ഒരു കുട്ടി​യാ​യി​രി​ക്കു​മ്പോ​ഴത്തെ ഒരുവന്റെ ലൈം​ഗി​ക​കാ​ര്യ​ങ്ങ​ളെ​ക്കു​റി​ച്ചുള്ള ഗ്രാഹ്യം എത്ര പരിമി​ത​മാ​ണെന്ന്‌ പരിഗ​ണി​ക്കു​ക​യും ചെയ്യുന്നു. (യെശയ്യാവ്‌ 55:7) അങ്ങനെ ‘ദൈവം നമ്മുടെ ഹൃദയ​ങ്ങ​ളെ​ക്കാൾ വലിയ​വ​നാ​യി​രി​ക്കു​ന്ന​തു​കൊ​ണ്ടും സകലവും അറിയു​ന്ന​തു​കൊ​ണ്ടും നമ്മുടെ ഹൃദയങ്ങൾ നമ്മെ കുററം​വി​ധി​ക്കു​മ്പോ​ഴെ​ല്ലാം ദൈവ​മു​മ്പാ​കെ നമുക്ക്‌ നമ്മുടെ ഹൃദയ​ങ്ങൾക്ക്‌ ഉറപ്പു​കൊ​ടു​ക്കാൻ കഴിയും.’ (1 യോഹ​ന്നാൻ 3:19, 20) എന്നാലും, കാര്യങ്ങൾ ഒരുവന്റെ മാതാ​പി​താ​ക്ക​ളോ​ടൊ ക്രിസ്‌തീ​യ​മൂ​പ്പൻമാ​രോ​ടോ സംസാ​രി​ക്കു​ന്നത്‌ സഹായ​ക​മെന്ന്‌ തെളി​ഞ്ഞേ​ക്കാം.

ഒരേ ലിംഗ​വർഗ്ഗ​ത്തിൽപെട്ട ഒരാ​ളോ​ടുള്ള അഭിനി​വേശം ബുദ്ധി​മു​ട്ടി​പ്പി​ക്കു​ന്ന​തും ക്ലേശക​ര​വു​മായ ഒരനു​ഭ​വ​മാ​യി​രി​ക്കാം. എന്നാൽ അത്‌ ഒരു ആജീവ​നാന്ത വടു അവശേ​ഷി​പ്പി​ക്കേ​ണ്ട​തില്ല. അത്‌ ആത്മശി​ക്ഷ​ണ​ത്താ​ലും യഹോ​വ​യാം ദൈവ​ത്തി​ന്റെ സഹായ​ത്താ​ലും തരണം​ചെ​യ്യാൻ കഴിയുന്ന യുവസ​ഹ​ജ​മായ മറെറാ​രു പരി​ശോ​ധ​ന​മാ​ത്ര​മാണ്‌. (g89 4/8)

[അടിക്കു​റി​പ്പു​കൾ]

[23-ാം പേജിലെ ചിത്രം]

മാതാപിതാക്കളിലൊരാളോടൊ പക്വത​യുള്ള ഒരു ക്രിസ്‌ത്യാ​നി​യോ​ടൊ നിങ്ങളു​ടെ വികാ​ര​ങ്ങ​ളെ​ക്കു​റിച്ച്‌ സംസാ​രി​ക്കു​ന്നത്‌ ഈ സംഗതി​യെ ശരിയായ കാഴ്‌ച​പ്പാ​ടിൽ നിർത്താൻ നിങ്ങളെ സഹായി​ച്ചേ​ക്കും.