യുവജ​നങ്ങൾ ചോദി​ക്കു​ന്നു. . .

എതിർലിം​ഗ​വർഗ​ത്തെ​ക്കു​റി​ച്ചുള്ള ചിന്ത നിർത്താൻ ഇത്ര പ്രയാ​സ​മാ​യി​രി​ക്കു​ന്നത്‌ എന്തു​കൊണ്ട്‌?

“ചെറു​പ്പ​മാ​യി​രി​ക്കു​മ്പോൾ ലൈം​ഗി​ക​ത​യെ​ക്കു​റി​ച്ചുള്ള നിങ്ങളു​ടെ ജിജ്ഞാസ വലി​യൊ​രു കാര്യ​മാണ്‌. നിങ്ങൾ കൂടുതൽ സമയവും ലൈം​ഗി​ക​കാ​ര്യ​ങ്ങ​ളെ​ക്കു​റി​ച്ചു ചിന്തി​ക്കാൻ തുടങ്ങു​ന്നു” എന്നു ചെറു​പ്പ​ക്കാ​രി​യായ ലോ​റെയ്‌ൻ വിശദീ​ക​രി​ച്ചു.

ഉണർന്നി​രി​ക്കുന്ന സമയത്തി​ന്റെ—അധിക​ഭാ​ഗ​മ​ല്ലെ​ങ്കിൽ—നല്ലൊരു ഭാഗവും വിപരീ​ത​ലിം​ഗ​വർഗ​ത്തിൽപ്പെ​ട്ട​വ​രെ​ക്കു​റി​ച്ചു ചിന്തി​ച്ചും സംസാ​രി​ച്ചും അല്ലെങ്കിൽ അവരെ നോക്കി​യി​രു​ന്നും നിങ്ങൾ ചെലവ​ഴി​ക്കാ​റു​ണ്ടോ? നിങ്ങൾ ഗൃഹപാ​ഠം ചെയ്യാ​നി​രി​ക്കു​ന്നു, എന്നാൽ അന്ന്‌ ഉച്ചതി​രിഞ്ഞ്‌ നിങ്ങൾ കണ്ട സുന്ദര​നായ ഒരു ആൺകു​ട്ടി​യെ​ക്കു​റി​ച്ചോ അഴകുള്ള ഒരു പെൺകു​ട്ടി​യെ​ക്കു​റി​ച്ചോ ഉള്ള ദിവാ​സ്വ​പ്‌ന​ത്തി​ലേക്കു നിങ്ങൾ വഴുതി​വീ​ഴാ​റു​ണ്ടോ? സംഭാ​ഷ​ണ​ത്തി​നി​ടെ കടന്നു​പോ​കുന്ന സൗന്ദര്യ​മു​ള്ള​വരെ നിങ്ങൾ ഒളിക​ണ്ണി​ട്ടു നോക്കാ​റു​ണ്ടോ? വിപരീ​ത​ലിം​ഗ​വർഗ​ത്തിൽപ്പെ​ട്ട​വ​രെ​ക്കു​റി​ച്ചുള്ള ചിന്ത നിർത്താൻ നിങ്ങൾക്കു കഴിയാ​ത്തതു നിമിത്തം വായി​ക്കാ​നോ പഠിക്കാ​നോ ക്രിസ്‌തീയ യോഗ​ങ്ങ​ളിൽ അല്ലെങ്കിൽ കൺ​വെൻ​ഷ​നു​ക​ളിൽ ശ്രദ്ധ കേന്ദ്രീ​ക​രി​ക്കാ​നോ നിങ്ങൾക്കു ബുദ്ധി​മു​ട്ടു​ണ്ടോ?

അങ്ങനെ​യെ​ങ്കിൽ ഭ്രാന്തു പിടി​ക്കു​ക​യാ​ണോ എന്നു നിങ്ങൾ ഭയപ്പെ​ട്ടേ​ക്കാം! ഒരു യുവാവ്‌ ഇപ്രകാ​രം തുറന്നു പറഞ്ഞു: “എനിക്കു ലൈം​ഗി​ക​ഭ്രാ​ന്തോ മറേറാ പിടി​പെ​ട്ടി​രി​ക്ക​യാ​ണെ​ന്നാ​ണു തോന്നു​ന്നത്‌. കാരണം ഞാൻ മിക്കവാ​റും​തന്നെ പെൺകു​ട്ടി​ക​ളെ​ക്കു​റി​ച്ചു ചിന്തി​ക്കു​ക​യും അവരെ​ക്കു​റി​ച്ചു ദിവാ​സ്വ​പ്‌നം കാണു​ക​യും ചെയ്യാ​റുണ്ട്‌ . . . എനിക്കു കുഴപ്പ​മൊ​ന്നു​മി​ല്ലെന്നു നിങ്ങൾക്കു തോന്നു​ന്നു​ണ്ടോ?” എഴുത്തു​കാ​രി​യായ ലിൻഡ മഡേറസ്‌ അഭി​പ്രാ​യ​പ്പെ​ടു​ന്ന​തു​പോ​ലെ, ചെറു​പ്പ​മാ​യി​രി​ക്കു​മ്പോൾ “കാമോ​ദ്ദീ​പ​ക​മോ ലൈം​ഗി​ക​മോ ആയ വികാ​രങ്ങൾ വളരെ ശക്തമാ​യി​രി​ക്കാ​വു​ന്ന​താണ്‌. ചില​പ്പോൾ നിങ്ങൾക്കു ചിന്തി​ക്കാൻ ആകെപ്പാ​ടെ കഴിയുന്ന കാര്യം പ്രേമ​വും ലൈം​ഗി​ക​ത​യു​മാ​ണെന്നു തോന്നി​യേ​ക്കാം!”a

ലൈം​ഗി​ക വികാ​രങ്ങൾ അവയിൽത്തന്നെ ദുഷ്ടമല്ല. പരസ്‌പ​ര​മുള്ള ശക്തമായ ഒരു ആകർഷ​ണ​ത്തോ​ടെ​യാണ്‌ ദൈവം പുരു​ഷ​നെ​യും സ്‌ത്രീ​യെ​യും സൃഷ്ടി​ച്ചത്‌. അവർ വിവാഹം കഴിക്ക​ണ​മെ​ന്നും നീതി​നി​ഷ്‌ഠ​രായ സന്തതി​കളെ “ഭൂമി​യിൽ നിറ”യ്‌ക്കണ​മെ​ന്നു​മുള്ള അവന്റെ ഉദ്ദേശ്യ​ത്തി​നു ചേർച്ച​യി​ലാ​യി​രു​ന്നു ഇത്‌. (ഉല്‌പത്തി 1:28) വിവാ​ഹിത ദമ്പതി​കൾക്ക്‌ ലൈം​ഗി​ക​ബ​ന്ധങ്ങൾ വലിയ സുഖാ​നു​ഭൂ​തി​യു​ടെ ഒരു ഉറവാ​യി​രി​ക്കാൻ കഴിയു​മെന്നു ബൈബിൾ തുറന്നു പറയു​ക​തന്നെ ചെയ്യു​ന്നുണ്ട്‌.—സദൃശ​വാ​ക്യ​ങ്ങൾ 5:19.

എന്നാൽ പ്രശ്‌നം ഇതാണ്‌, അപൂർണ മനുഷ്യ​രെന്ന നിലയിൽ നമ്മുടെ വികാ​ര​ങ്ങളെ നിയ​ന്ത്രി​ക്കുക എന്നതു മിക്ക​പ്പോ​ഴും പ്രയാ​സ​മാ​യി​ത്തീ​രു​ന്നു. (താരത​മ്യം ചെയ്യുക: ഉല്‌പത്തി 6:5.) “ജഡമോ​ഹം” വളരെ​യ​ധി​കം ശക്തമാ​ണെന്നു തോന്നാ​വു​ന്ന​താണ്‌! (1 യോഹ​ന്നാൻ 2:16) നിങ്ങൾ ചെറു​പ്പ​മാ​യി​രി​ക്കു​ന്ന​തു​കൊണ്ട്‌ വിപരീ​ത​ലിം​ഗ​വർഗ​ത്തിൽപ്പെ​ട്ട​വ​രെ​ക്കു​റി​ച്ചു ചിന്തി​ക്കാ​തി​രി​ക്കുക എന്നതു പ്രത്യേ​കി​ച്ചും പ്രയാ​സ​മാ​യി​രി​ക്കാം. ഇത്‌ എന്തു​കൊ​ണ്ടാണ്‌?

താരു​ണ്യ​ത്തി​ലെ സമ്മർദങ്ങൾ

അതിന്റെ ഒരു കാരണം നിങ്ങൾ “നവയൗവന”ത്തോട്‌ അടുക്കു​ക​യാണ്‌ എന്നതാണ്‌. (1 കൊരി​ന്ത്യർ 7:36, NW) ആ സമയത്താണ്‌ ലൈം​ഗി​ക​മോ​ഹങ്ങൾ ഏററവും തീവ്ര​മാ​യി​രി​ക്കു​ന്നത്‌. ഡോ. ബെററി ബി. യങ്‌സ്‌ ഇങ്ങനെ വിശദ​മാ​ക്കു​ന്നു: “താരു​ണ്യ​ത്തിൽ ഹോർമോ​ണു​ക​ളു​ടെ അളവ്‌ കുതി​ച്ചു​യ​രു​ന്നു. ഒരു കുട്ടി​യു​ടെ ശരീരത്തെ മുതിർന്ന വ്യക്തി​യു​ടെ ശരീര​മാ​യി രൂപാ​ന്ത​ര​പ്പെ​ടു​ത്തുന്ന എല്ലാ ശാരീ​രിക മാററ​ങ്ങൾക്കും കാരണം ഇവയാണ്‌. കൗമാ​ര​പ്രാ​യ​ത്തിൽ ഹോർമോ​ണു​ക​ളു​ടെ അളവി​ലു​ണ്ടാ​കുന്ന വർധനവ്‌ വൈകാ​രി​ക​വും പെരു​മാ​റ​റ​സം​ബ​ന്ധ​വു​മായ അനേകം മാററങ്ങൾ ഉളവാ​ക്കു​ന്നു.”

എന്തുതരം മാററങ്ങൾ? കൊള്ളാം, മിക്ക​പ്പോ​ഴും ഏററവും വലിയ മാററ​ങ്ങ​ളി​ലൊന്ന്‌ വിപരീ​ത​ലിം​ഗ​വർഗ​ത്തിൽപ്പെ​ട്ട​വ​രോ​ടുള്ള ഒരുവന്റെ വികാ​ര​ങ്ങ​ളിൽ വരുന്ന മാററ​മാണ്‌. എഴുത്തു​കാ​രി​യായ രൂത്ത്‌ ബെൽ പറയു​ന്നത്‌ ഇങ്ങനെ​യാണ്‌: “താരു​ണ്യ​ത്തിൽ ശരീര​ത്തി​നു​ണ്ടാ​കുന്ന മാററങ്ങൾ മിക്ക​പ്പോ​ഴും തീവ്ര​മായ ലൈം​ഗിക വികാ​ര​ങ്ങൾക്കു കാരണ​മാണ്‌. നിങ്ങൾ ലൈം​ഗി​ക​ത​യെ​ക്കു​റി​ച്ചു വളരെ ചിന്തി​ക്കു​ന്ന​താ​യും എളുപ്പം ലൈം​ഗി​ക​മാ​യി ഉത്തേജി​ത​നാ​കു​ന്ന​താ​യും ചില​പ്പോൾ ലൈം​ഗിക കാര്യ​ത്തിൽ മനസ്സു വ്യാപൃ​ത​മാ​യി​രി​ക്കു​ന്ന​താ​യും മനസ്സി​ലാ​ക്കി​യേ​ക്കാം. [ഞങ്ങൾ അഭിമു​ഖം നടത്തിയ] അനേകം കൗമാ​ര​പ്രാ​യ​ക്കാ​രും തങ്ങൾ തെരു​വി​ലൂ​ടെ നടന്നു​പോ​കു​മ്പോ​ഴോ ബസ്സിലി​രി​ക്കു​മ്പോ​ഴോ ലൈം​ഗി​ക​മായ തിരത്ത​ള്ള​ലാ​ലും ആവേശ​ത്താ​ലും മുഴു ശരീര​വും ശരിക്കും പൊള്ളു​ന്ന​തു​പോ​ലെ തോന്നി​യ​താ​യി വർണിച്ചു.” എതിർലിം​ഗ​വർഗ​ത്തെ​ക്കു​റി​ച്ചുള്ള അത്തരം മാനസിക വ്യാപൃ​ത​ത്വം യുവജ​നങ്ങൾ തരണം ചെയ്യേണ്ട “യൌവ​ന​മോ​ഹങ്ങ”ളിൽ പെടുന്ന ഒന്നാണ്‌.—2 തിമൊ​ഥെ​യൊസ്‌ 2:22.

മാധ്യ​മ​ങ്ങ​ളു​ടെ​യും സ്‌നേ​ഹി​ത​രു​ടെ​യും സ്വാധീ​നം

എന്നിരു​ന്നാ​ലും, ഈ വികാ​ര​ജ്വാ​ലയെ ഊതി​ക്ക​ത്തി​ക്കു​ന്നതു മിക്ക​പ്പോ​ഴും പുറം​സ്വാ​ധീ​ന​ങ്ങ​ളാണ്‌. ടെലി​വി​ഷൻ പരിപാ​ടി​കൾ, പരസ്യങ്ങൾ, പുസ്‌ത​കങ്ങൾ, മാസി​കകൾ, സംഗീതം, സിനി​മകൾ എന്നിവ​യി​ലൂ​ടെ ലൈം​ഗി​ക​ത​യ്‌ക്ക്‌ ഊന്നൽ നൽകാൻ ഇറങ്ങി​പ്പു​റ​പ്പെ​ട്ടി​രി​ക്കു​ന്ന​തെന്നു തോന്നുന്ന ഒരു സമൂഹ​ത്തി​ലാണ്‌ നാം ജീവി​ക്കു​ന്നത്‌. ലൈം​ഗി​ക​മായ ദുർന്ന​ട​ത്ത​യി​ലേക്കു വീണു​പോയ ഒരു ക്രിസ്‌തീയ യുവാവ്‌ ഇപ്രകാ​രം പറയുന്നു: “സ്‌കൂ​ളിൽ അശ്ലീല സാഹി​ത്യം വളരെ സാധാ​ര​ണ​മാണ്‌. അതു ലൈം​ഗി​ക​ത​യോ​ടുള്ള യഥാർഥ​മായ ഒരു തൃഷ്‌ണ വളർത്തി​യെ​ടു​ക്കു​ന്നു. ശരിയാ​യത്‌ എന്തെന്ന്‌ എനിക്ക​റി​യാ​മാ​യി​രു​ന്നു, എന്നാൽ എന്റെ ലൈം​ഗിക വികാ​രങ്ങൾ തീവ്ര​മാ​യി​രു​ന്നു.”

അതു​കൊണ്ട്‌ മാതാ​പി​താ​ക്കൾക്കാ​യി രചിക്ക​പ്പെട്ട ഒരു ഗ്രന്ഥം ഇപ്രകാ​രം പറയുന്നു: “മാധ്യ​മ​ങ്ങൾക്ക്‌ ആഴമായ സ്വാധീ​ന​മുണ്ട്‌. തങ്ങളുടെ അതേ പ്രായ​ത്തി​ലുള്ള യുവ​മോ​ഡ​ലു​കൾ ലൈം​ഗി​ക​ത​യ്‌ക്കു പ്രാധാ​ന്യം കൊടു​ക്കു​ന്ന​താ​യും ലൈം​ഗി​ക​മോ​ഹ​മു​ള​വാ​ക്കുന്ന വസ്‌ത്രങ്ങൾ വിൽക്കു​ന്ന​താ​യും നമ്മുടെ കൗമാ​ര​പ്രാ​യ​ക്കാർ കാണുന്നു; ചലച്ചി​ത്ര​ങ്ങ​ളി​ലും ടെലി​വി​ഷ​നി​ലും കൗമാ​ര​പ്രാ​യ​ക്കാ​രു​ടെ ലൈം​ഗി​ക​തയെ പ്രോ​ത്സാ​ഹി​പ്പി​ക്കു​ന്ന​താ​യി അവർ കാണുന്നു.” വാസ്‌ത​വ​ത്തിൽ, കേബിൾ ടെലി​വി​ഷ​നും വീഡി​യോ കാസെ​ററ്‌ റെക്കോർഡ​റു​ക​ളും പച്ചയായ അശ്ലീല​ത​യു​ടെ ലഭ്യത യുവ​പ്രാ​യ​ക്കാർക്കു എളുപ്പ​മാ​ക്കി​ത്തീർക്കു​ന്നു. “മാധ്യ​മങ്ങൾ ഒരു യുവവ്യ​ക്തി​യു​ടെ ജിജ്ഞാ​സ​യെ​യും മോഹ​ങ്ങ​ളെ​യും ഉണർത്തി​വി​ടു​ന്നു” എന്ന്‌ ഒരു യുവാവ്‌ സമ്മതി​ച്ചു​പ​റ​യു​ന്നു.

എന്നിരു​ന്നാ​ലും, ഒരു പുസ്‌തകം മോശ​മാ​യി​രി​ക്കു​ന്ന​തിന്‌ അതിന്റെ എല്ലാ പേജു​ക​ളി​ലും അശ്ലീലത നിറഞ്ഞി​രി​ക്കേ​ണ്ട​തില്ല. ഒരു ക്രിസ്‌തീയ പെൺകു​ട്ടി​യു​ടെ അനുഭവം പരിചി​ന്തി​ക്കുക. അവൾ ഇപ്രകാ​രം അനുസ്‌മ​രി​ക്കു​ന്നു: “ഞാൻ ഏറെക്കു​റെ മാന്യ​മായ ഒരു പുസ്‌തകം വായിച്ചു, അതിന്റെ ഒന്നോ രണ്ടോ ഖണ്ഡിക​ക​ളിൽ മാത്രമേ ലൈം​ഗി​ക​ത​യെ​ക്കു​റി​ച്ചു പരാമർശ​മു​ണ്ടാ​യി​രു​ന്നു​ള്ളൂ. ഞാൻ ആ ഖണ്ഡികകൾ ഒഴിവാ​ക്കി വായി​ക്കാൻ തുടങ്ങി, എന്നാൽ വീണ്ടും തിരി​കെ​വന്ന്‌ അവ വായി​ക്കാ​നുള്ള എന്തോ ഒരു പ്രേരണ തോന്നി. അത്‌ എത്ര വലിയ മണ്ടത്തര​മാ​യി​രു​ന്നു! അതിന്റെ ഫലമായി ഞാൻ പേടി​പ്പെ​ടു​ത്തുന്ന സ്വപ്‌നങ്ങൾ കണ്ടു.”

നിങ്ങളു​ടെ സ്‌നേ​ഹി​തർക്കും സഹകാ​രി​കൾക്കും നിങ്ങളു​ടെ ചിന്തയു​ടെ​മേൽ വലി​യൊ​രു സ്വാധീ​നം ചെലു​ത്താ​നാ​കും. കൗമാ​ര​പ്രായ വളർച്ച​യെ​ക്കു​റി​ച്ചു പ്രതി​പാ​ദി​ക്കുന്ന ഒരു പുസ്‌തകം ഇങ്ങനെ പറയുന്നു: “തെരു​ക്കോ​ണു​ക​ളി​ലും സ്‌കൂൾ ഹാളു​ക​ളി​ലും ഭോജ​ന​ശാ​ല​ക​ളി​ലും കച്ചവട​സ്ഥ​ല​ങ്ങ​ളി​ലും മററും നടക്കുന്ന സാധാരണ നേരം​പോ​ക്കു​ക​ളാണ്‌ പെൺകു​ട്ടി​കളെ നോട്ട​വും ആൺകു​ട്ടി​കളെ നോട്ട​വും.” യുവജ​നങ്ങൾ വിപരീ​ത​ലിം​ഗ​വർഗ​ത്തിൽപ്പെ​ട്ട​വരെ നോക്കി​ന​ട​ക്കാ​ത്ത​പ്പോൾ അവർ മിക്ക​പ്പോ​ഴും അവരെ​ക്കു​റി​ച്ചു സംസാ​രി​ക്കു​ന്നു. “ഞാൻ കുറേ​ക്കൂ​ടെ ചെറു​പ്പ​മാ​യി​രു​ന്ന​പ്പോൾ ലൈം​ഗി​ക​ബ​ന്ധ​ത്തിൽ ഏർപ്പെ​ടാ​നുള്ള സമ്മർദങ്ങൾ വളരെ വലുതാ​യി​രു​ന്നു . . . വസ്‌ത്രം മാറുന്ന മുറി​യിൽവെച്ച്‌ മിക്കവാ​റും എല്ലാവ​രും സംസാ​രി​ക്കു​ന്നത്‌ അതേപ്പ​റ​റി​യാണ്‌” എന്ന്‌ 18 വയസ്സു​കാ​ര​നായ റോബർട്ട്‌ സമ്മതി​ക്കു​ന്നു. മറെറാ​രു യുവതി സമ്മതി​ച്ചു​പ​റ​യു​ന്നത്‌ ഇങ്ങനെ​യാണ്‌: “സ്‌കൂൾ കുട്ടി​കൾക്കി​ട​യി​ലെ നമ്പർ വൺ സംസാ​ര​വി​ഷയം ലൈം​ഗി​കത ആയിരു​ന്നു, അക്കാര​ണ​ത്താൽ മിക്ക​പ്പോ​ഴും അത്‌ ഒരുവന്റെ ചിന്തയു​ടെ​മേൽ അടി​ച്ചേൽപ്പി​ക്ക​പ്പെ​ടു​ന്നു.”

വ്യത്യ​സ്‌ത​നാ​യി നില​കൊ​ള്ളുക ദുഷ്‌ക​ര​മാണ്‌. നിങ്ങളു​ടെ തരപ്പടി​ക്കാർ നിരന്തരം എതിർലിം​ഗ​വർഗ​ത്തിൽപ്പെ​ട്ട​വ​രെ​ക്കു​റിച്ച്‌—ഒരുപക്ഷേ തരംതാ​ഴ്‌ന്ന​തോ അധാർമി​ക​ചു​വ​യു​ള്ള​തോ ആയ ഒരു വിധത്തിൽ—സംസാ​രി​ക്കു​മ്പോൾ അവരോ​ടൊ​പ്പം ചേരാൻ പ്രലോ​ഭനം തോന്നി​യേ​ക്കാം. എന്നാൽ ബൈബിൾ ഇങ്ങനെ മുന്നറി​യി​പ്പു നൽകുന്നു: “ജ്ഞാനി​ക​ളോ​ടു​കൂ​ടെ നടക്ക; നീയും ജ്ഞാനി​യാ​കും; ഭോഷൻമാർക്കു കൂട്ടാ​ളി​യാ​യ​വ​നോ വ്യസനി​ക്കേ​ണ്ടി​വ​രും.”—സദൃശ​വാ​ക്യ​ങ്ങൾ 13:20.

സമനി​ല​യു​ടെ ആവശ്യം

എതിർലിം​ഗ​വർഗ​ത്തിൽപ്പെ​ട്ട​വരെ നോക്കു​ന്ന​തോ അവരെ​ക്കു​റി​ച്ചു സംസാ​രി​ക്കാൻ ആഗ്രഹി​ക്കു​ന്ന​തോ തെററാ​ണെ​ന്നാ​ണോ ഇതി​ന്റെ​യെ​ല്ലാം അർഥം? അല്ല, ചില സ്‌ത്രീ​പു​രു​ഷൻമാർ അഴകു​ള്ള​വ​രാ​യി​രു​ന്നു​വെന്ന വസ്‌തുത ബൈബി​ളെ​ഴു​ത്തു​കാർ പോലും രേഖ​പ്പെ​ടു​ത്തി​യി​ട്ടുണ്ട്‌. (താരത​മ്യം ചെയ്യുക: 1 ശമൂവേൽ 9:2; എസ്ഥേർ 2:7.) അതു​കൊണ്ട്‌, സുന്ദരി​യായ ഒരു സ്‌ത്രീ​യെ നോക്കി​യെന്ന ഒററക്കാ​ര​ണ​ത്താൽ യേശു ആരെയും കുററം​വി​ധി​ച്ചില്ല. എന്നാൽ ഒരു സ്‌ത്രീ​യോട്‌ ‘ലൈം​ഗി​കാ​വേശം ഉണ്ടാകാൻ തക്കവണ്ണം അവളെ തുടർച്ച​യാ​യി നോക്കി​ക്കൊ​ണ്ടി​രി​ക്കാ​തി​രി​ക്കാൻ’ അവൻ ക്രിസ്‌ത്യാ​നി​കളെ ഉദ്‌ബോ​ധി​പ്പി​ക്കു​ക​തന്നെ ചെയ്‌തു. (മത്തായി 5:28, NW) സമാന​മായ ഒരു വിധത്തിൽ, അന്ധമായ ലൈം​ഗി​കാ​വേശം നിങ്ങളെ നിയ​ന്ത്രി​ക്കാൻ അനുവ​ദി​ക്ക​രുത്‌. 1 തെസ്സ​ലൊ​നീ​ക്യർ 4:4, 5-ൽ നമ്മോട്‌ ഇപ്രകാ​രം പറഞ്ഞി​രി​ക്കു​ന്നു: “വിശു​ദ്ധ​വും മാന്യ​വു​മായ ഒരു വിധത്തിൽ സ്വന്തം ശരീരത്തെ നിയ​ന്ത്രി​ക്കാൻ നിങ്ങളിൽ ഓരോ​രു​ത്ത​രും പഠിക്കണം, ദൈവത്തെ അറിയാത്ത പ്രാകൃ​ത​രെ​പ്പോ​ലെ ലൈം​ഗി​കാ​വേശം പൂണ്ട്‌ കാമവി​കാ​ര​ത്തി​ന​ധീ​ന​പ്പെട്ടല്ല.”—ന്യൂ ഇൻറർനാ​ഷണൽ വേർഷൻ.

കാമോ​ദ്ദീ​പ​ക​മായ ചിന്തകൾ ഇടയ്‌ക്കി​ട​യ്‌ക്ക്‌ മനസ്സി​ലേക്കു വന്നേക്കാ​മെ​ങ്കിൽത്ത​ന്നെ​യും അവയെ​ക്കു​റി​ച്ചു നിരന്തരം ചിന്തി​ച്ചു​കൊ​ണ്ടി​രി​ക്കു​ന്നത്‌ മിക്കവാ​റും അവയിൽ പൂർണ​മാ​യി ആമഗ്നനാ​യി​ത്തീ​രു​ന്ന​തി​ലേ​ക്കും പിന്നീട്‌ ഗുരു​ത​ര​മായ പ്രശ്‌നങ്ങൾ പൊന്തി​വ​രു​ന്ന​തി​ലേ​ക്കും നയി​ച്ചേ​ക്കാം. സഭാ​പ്ര​സം​ഗി 5:3 [NW] ഇപ്രകാ​രം പറയുന്നു: “പ്രവർത്ത​ന​ബാ​ഹു​ല്യം നിമിത്തം തീർച്ച​യാ​യും സ്വപ്‌ന​മു​ണ്ടാ​കു​ന്നു.” അതേ, മിക്ക​പ്പോ​ഴും വ്യക്തി​പ​ര​മായ മോഹ​ങ്ങ​ളെ​ക്കൊ​ണ്ടു മനസ്സു നിറച്ചി​രി​ക്കുന്ന ഒരുവൻ അനാ​രോ​ഗ്യ​ക​ര​മായ മിഥ്യാ​ധാ​ര​ണ​ക​ളെ​യും ദിവാസ്വപ്‌നങ്ങളെയുംb താലോ​ലി​ച്ചു​തു​ട​ങ്ങു​ന്നു.

ഇടയ്‌ക്കി​ട​യ്‌ക്ക്‌ കാമോ​ദ്ദീ​പ​ക​മായ ചിന്തകൾ മനസ്സി​ലേക്കു കടന്നു​വ​രു​ന്നതു സ്വാഭാ​വി​ക​മാ​ണെ​ങ്കിൽപ്പോ​ലും അവയെ​ക്കു​റി​ച്ചു നിരന്തരം ചിന്തി​ച്ചു​കൊ​ണ്ടി​രി​ക്കു​ന്നതു മറെറാ​രു സംഗതി​യാണ്‌. “രാപകൽ മുഴുവൻ സ്വപ്‌ന​ജീ​വി​യാ​യി കഴിയു​ന്ന​താ​യി ഒരാൾ ചില​പ്പോൾ കണ്ടെത്തി​യേ​ക്കാം. അവ യാഥാർഥ്യ​ത്തെ​ക്കാൾ കൂടുതൽ യഥാർഥ​മെന്നു തോന്നി​യേ​ക്കാം” എന്ന്‌ എഴുത്തു​കാ​രി​യായ രൂത്ത്‌ ബെൽ അഭി​പ്രാ​യ​പ്പെ​ടു​ന്നു. മതി​മോ​ഹ​ത്തി​ന്റെ പിടി​യി​ല​ക​പ്പെട്ട ഒരു പെൺകു​ട്ടി​യു​ടെ കാര്യം പരിചി​ന്തി​ക്കുക. അവൾ ഇപ്രകാ​രം പറയുന്നു: “എനിക്ക്‌ 12 1⁄2 വയസ്സുണ്ട്‌, എന്റെ രാജ്യ​ഹാ​ളിൽ വരുന്ന ഒരു ചെറു​ക്ക​നോട്‌ എനിക്കു വളരെ തീവ്ര​മായ വികാരം തോന്നു​ന്നു. ഡേററി​ങ്ങി​ലേർപ്പെ​ടാൻ വേണ്ട പ്രായം എനിക്കി​ല്ലെ​ന്ന​റി​യാം. എന്നാൽ അവനോ​ടുള്ള എന്റെ വികാ​ര​ങ്ങളെ നിയ​ന്ത്രി​ക്കു​ന്നത്‌ എനിക്കു വളരെ പ്രയാ​സ​മാണ്‌.” സമാന​മാ​യി, മനസ്സു നിറയെ കാമോ​ദ്ദീ​പ​ക​മോ ലൈം​ഗി​ക​വി​കാ​ര​മു​ണർത്തു​ന്ന​തോ ആയ ചിന്തക​ളാ​യി​രി​ക്കു​മ്പോൾ വായി​ക്കു​ക​യോ പഠിക്കു​ക​യോ ക്ലാസ്സിൽ ശ്രദ്ധി​ക്കു​ക​യോ ക്രിസ്‌തീയ യോഗ​ങ്ങൾക്കു തയ്യാറാ​വു​ക​യോ ചെയ്യു​ന്നത്‌ പ്രയാ​സ​ക​ര​മാ​ണെന്നു ചില യുവജ​നങ്ങൾ കണ്ടെത്തു​ന്നു.

ഒരു യുവവ്യ​ക്തി അത്തരം ലൈം​ഗി​കോ​ദ്ദീ​പ​നത്തെ സ്വയം​ഭോ​ഗ​ത്തി​ലൂ​ടെ കുറയ്‌ക്കാൻ ഒരു​മ്പെ​ടു​മ്പോൾ ഗുരു​ത​ര​മായ പ്രശ്‌നങ്ങൾ ഉണ്ടാ​യേ​ക്കാം. ക്രിസ്‌ത്യാ​നി​കളെ ബൈബിൾ ഇങ്ങനെ ഉദ്‌ബോ​ധി​പ്പി​ക്കു​ന്നു: “ആകയാൽ ദുർന്ന​ടപ്പു, അശുദ്ധി, അതിരാ​ഗം [“ലൈം​ഗിക തൃഷ്‌ണ,” NW], ദുർമ്മോ​ഹം, വിഗ്ര​ഹാ​രാ​ധ​ന​യായ അത്യാ​ഗ്രഹം ഇങ്ങനെ ഭൂമി​യി​ലുള്ള നിങ്ങളു​ടെ അവയവ​ങ്ങളെ മരിപ്പി​പ്പിൻ.” (കൊ​ലൊ​സ്സ്യർ 3:5) ക്രിസ്‌ത്യാ​നി​കൾ ഒഴിവാ​ക്കേണ്ട അശുദ്ധ​മായ ഒരു ശീലമാണ്‌ സ്വയം​ഭോ​ഗം. ‘ലൈം​ഗിക തൃഷ്‌ണയെ മരിപ്പി’ക്കുന്നതിന്‌ എതിരാ​ണത്‌. നേരേ​മ​റിച്ച്‌, സ്വയം​ഭോ​ഗം ലൈം​ഗിക തൃഷ്‌ണയെ ഉദ്ദീപി​പ്പി​ക്കു​ക​യും പോഷി​പ്പി​ക്കു​ക​യും ചെയ്യുന്നു. സാധാ​ര​ണ​മാ​യി, അത്തരം മോഹം യാഥാർഥ്യ​മാ​യി​ത്തീ​രു​ന്നു. ബൈബി​ളെ​ഴു​ത്തു​കാ​ര​നായ യാക്കോബ്‌ ഇപ്രകാ​രം വിശദീ​ക​രി​ക്കു​ന്നു: “ഓരോ​രു​ത്തൻ പരീക്ഷി​ക്ക​പ്പെ​ടു​ന്നതു സ്വന്ത​മോ​ഹ​ത്താൽ ആകർഷി​ച്ചു വശീക​രി​ക്ക​പ്പെ​ടു​ക​യാൽ ആകുന്നു. മോഹം ഗർഭം ധരിച്ചു പാപത്തെ പ്രസവി​ക്കു​ന്നു.”—യാക്കോബ്‌ 1:14, 15.

അപ്പോൾ, എതിർലിം​ഗ​വർഗ​ത്തിൽപ്പെ​ട്ട​വ​രെ​ക്കു​റി​ച്ചുള്ള ചിന്ത നിർത്താൻ എന്തിനു നിങ്ങളെ സഹായി​ക്കാൻ കഴിയും? ഈ പരമ്പര​യി​ലെ അടുത്ത ലേഖനം ദയവായി വായി​ക്കുക.

[അടിക്കു​റി​പ്പു​കൾ]

[25-ാം പേജിലെ ആകർഷ​ക​വാ​ക്യം]

“കാമോ​ദ്ദീ​പ​ക​മോ ലൈം​ഗി​ക​മോ ആയ വികാ​രങ്ങൾ വളരെ ശക്തമാ​യി​രി​ക്കാ​വു​ന്ന​താണ്‌”

[26-ാം പേജിലെ ചിത്രം]

ടിവി പരിപാ​ടി​ക​ളും മാസികാ പരസ്യ​ങ്ങ​ളും മിക്ക​പ്പോ​ഴും എതിർലിം​ഗ​വർഗ​ത്തിൽപ്പെ​ട്ട​വ​രിൽ അനാ​രോ​ഗ്യ​ക​ര​മായ ഒരു താത്‌പ​ര്യം വളർത്തി​യെ​ടു​ക്കു​ന്ന​തി​നെ പ്രോ​ത്സാ​ഹി​പ്പി​ക്കു​ന്നു