യുവജ​നങ്ങൾ ചോദി​ക്കു​ന്നു. . .

എനിക്ക്‌ എതിർലിം​ഗ​വർഗ​ത്തിൽപ്പെ​ട്ട​വ​രെ​ക്കു​റി​ച്ചുള്ള ചിന്ത എങ്ങനെ നിർത്താൻ കഴിയും?

‘ഓരോ ദിവസം കഴിയു​ന്തോ​റും ലൈം​ഗി​ക​ത​യെ​ക്കു​റി​ച്ചുള്ള അസഭ്യ​മായ സൂചന​ക​ളാ​ലും തമാശ​ക​ളാ​ലും കൗമാ​ര​പ്രാ​യ​ക്കാ​രു​ടെ ധാർമിക വീര്യത്തെ മാധ്യ​മങ്ങൾ കാർന്നു​തി​ന്നു​ക​യാണ്‌; അവരുടെ കാതു​ക​ളിൽ ലൈം​ഗിക വേഴ്‌ച​ക​ളെ​ക്കു​റി​ച്ചുള്ള ആക്രന്ദ​നങ്ങൾ റോക്ക്‌ സംഗീ​ത​രൂ​പ​ത്തിൽ എത്തുന്നു; ചൂടപ്പം​പോ​ലെ വിററ​ഴി​യുന്ന പ്രണയ​നോ​വ​ലു​കൾ ലൈം​ഗിക യാഥാർഥ്യ​ത്തെ മിഠാ​യി​പോ​ലെ വിഴു​ങ്ങാൻ കഴിയുന്ന മധുര​മുള്ള സുന്ദര​സ​ങ്കൽപ്പ​ങ്ങ​ളിൽ പൊതിഞ്ഞ്‌ അവതരി​പ്പി​ക്കു​ന്നു.’ എഴുത്തു​കാ​രി​യായ ലെസ്‌ലീ ജെയ്‌ൻ നോൺകിൻ പറഞ്ഞത്‌ അങ്ങനെ​യാണ്‌. അതേ, വിപരീ​ത​ലിം​ഗ​വർഗ​ത്തിൽപ്പെ​ട്ട​വ​രെ​ക്കു​റി​ച്ചു ചിന്തി​ക്കാൻ കൗമാ​ര​പ്രാ​യ​ത്തി​ലുള്ള നിങ്ങളെ മാധ്യ​മ​ങ്ങ​ളിൽനി​ന്നുള്ള പ്രോ​ത്സാ​ഹനം വന്നു​പൊ​തി​യു​ക​യാണ്‌.

വിപരീ​ത​ലിം​ഗ​വർഗ​ത്തിൽപ്പെ​ട്ട​വ​രിൽ കുറെ​യൊ​ക്കെ താത്‌പ​ര്യം ഉണ്ടായി​രി​ക്കു​ന്നത്‌ തികച്ചും സാധാ​ര​ണ​മാണ്‌.a കാമോ​ദ്ദീ​പ​ക​മായ ചിന്തക​ളും ദിവാ​സ്വ​പ്‌ന​ങ്ങ​ളും സങ്കൽപ്പ​ങ്ങ​ളും, നിങ്ങളു​ടെ ഉറക്കം, പ്രാർഥ​നകൾ, ഗൃഹപാ​ഠം, ബൈബിൾ വായന, അല്ലെങ്കിൽ ഗൃഹ​ജോ​ലി​കൾ തുടങ്ങിയ കാര്യ​ങ്ങളെ ബാധി​ക്കാൻ കഴിയ​ത്ത​ക്ക​വണ്ണം നിങ്ങളു​ടെ ചിന്തകളെ ഭരിക്കാൻ തുടങ്ങു​ന്നെ​ങ്കിൽ കുറെ കാലമാ​യി സ്ഥിതി​വി​ശേഷം അപകട​ക​ര​മാണ്‌ എന്നതിന്റെ സൂചന​യാ​യി​രി​ക്കും അത്‌. അത്തരം അനാ​രോ​ഗ്യ​ക​ര​മായ ഒരു ചിന്തയ്‌ക്ക്‌ തീർച്ച​യാ​യും ദുർന്ന​ട​ത്ത​യി​ലേക്കു നയിക്കാൻ കഴിയും.—യാക്കോബ്‌ 1:14, 15.

പെൺകു​ട്ടി​കൾ—അല്ലെങ്കിൽ ആൺകു​ട്ടി​കൾ—ഉള്ളതായി നിങ്ങൾ പാടേ വിസ്‌മ​രി​ക്കണം എന്നല്ല അതിന്റെ അർഥം. എന്നാൽ സദൃശ​വാ​ക്യ​ങ്ങൾ 23:12 പറയു​ന്ന​തു​പോ​ലെ നിങ്ങൾ ‘ഹൃദയത്തെ പ്രബോ​ധ​ന​ത്തി​നു സമർപ്പി​ക്കേ’ണ്ടതുണ്ട്‌. ഇക്കാര്യ​ത്തിൽ അത്ര എളുപ്പ​മുള്ള യാതൊ​രു പരിഹാ​ര​വു​മില്ല, നിങ്ങളെ സഹായി​ക്കു​ന്ന​തിന്‌ ഒരു മാന്ത്രിക മരുന്നു​മില്ല. എന്നാൽ ശ്രമം ചെലു​ത്തു​ന്ന​പക്ഷം ചിന്തയെ കൂടുതൽ സമനി​ല​യിൽ നിർത്താൻ നിങ്ങൾക്കു കഴിയും. ഇതു ചെയ്യാൻ കഴിയുന്ന ചില പ്രാ​യോ​ഗിക വിധങ്ങൾ നമുക്കു നോക്കാം.

നിങ്ങളു​ടെ സഹവാസം സൂക്ഷി​ക്കു​ക

നിങ്ങളു​ടെ സഹവാസം എങ്ങനെ​യു​ള്ള​താ​ണെന്ന്‌ അടുത്തു വീക്ഷി​ക്കുക. ഒരു യുവാവ്‌ ഇപ്രകാ​രം സമ്മതി​ച്ചു​പ​റ​യു​ന്നു: “ഭക്ഷണം കഴിക്കാൻ പുറത്തു പോകു​ന്ന​തു​പോ​ലെ സാധാ​ര​ണ​മാ​ണെന്നു തോന്നി​ക്കും​വി​ധം ചുററു​പാ​ടു​മുള്ള എല്ലാവ​രും ലൈം​ഗിക അധാർമി​ക​ത​യെ​ക്കു​റി​ച്ചു സംസാ​രി​ക്കു​ന്നു.” അത്തരം സംസാരം നിരന്തരം കേട്ടാൽ അതിനു നിങ്ങളെ ബാധി​ക്കാൻ കഴിയു​മോ? നിസ്സം​ശ​യ​മാ​യും. യുവജ​ന​ങ്ങ​ളെ​ക്കു​റി​ച്ചു നടത്തിയ ഒരു സർവേ പറയു​ന്ന​ത​നു​സ​രിച്ച്‌, “സമപ്രാ​യ​ക്കാ​രെ​പ്പോ​ലെ ആയിരി​ക്കു​ന്നത്‌ (അല്ലെങ്കിൽ ആയിരി​ക്കാ​ത്തത്‌) ലൈം​ഗി​കത സംബന്ധിച്ച അവരുടെ മനോ​ഭാ​വത്തെ ഭരിക്കു​ന്നു” എന്ന്‌ നാലിൽ മൂന്നു​ഭാ​ഗം പേർ സമ്മതിച്ചു.

നിങ്ങളു​ടെ സ്‌നേ​ഹി​തർ എങ്ങനെ​യു​ള്ള​വ​രാണ്‌? സംഭാ​ഷണം നടത്തുന്ന ഓരോ തവണയും വിപരീ​ത​ലിം​ഗ​വർഗ​ത്തിൽപ്പെട്ട ആരെ​യെ​ങ്കി​ലും കുറിച്ച്‌ ആവേശ​ത്തോ​ടെ സംസാ​രി​ക്കാൻ പ്രവണത കാട്ടു​ന്നു​ണ്ടോ? അത്തരം സംഭാ​ഷണം നിയ​ന്ത്രണം വിട്ട്‌ ലൈം​ഗി​ക​മാ​യി വൃത്തി​കെ​ട്ട​തോ ദുരർഥങ്ങൾ ഉള്ളതോ ആയിമാ​റാ​റു​ണ്ടോ? അങ്ങനെ​യെ​ങ്കിൽ അത്തരം സംഭാ​ഷ​ണ​ത്തിൽ കൂട്ടു​ചേ​രു​ന്നത്‌—അല്ലെങ്കിൽ കേവലം ശ്രദ്ധി​ക്കു​ന്നത്‌—നിർമ​ല​മായ കാര്യ​ങ്ങ​ളിൽ നിങ്ങളു​ടെ മനസ്സിനെ കേന്ദ്രീ​ക​രി​ക്കു​ന്നത്‌ വിഷമ​മു​ള്ള​താ​ക്കി​ത്തീർക്കും. ബൈബിൾ ഇപ്രകാ​രം ഉദ്‌ബോ​ധി​പ്പി​ക്കു​ന്നു: “കോപം, ക്രോധം, ഈർഷ്യ, വായിൽനി​ന്നു വരുന്ന ദൂഷണം, ദുർഭാ​ഷണം ഇവ ഒക്കെയും വിട്ടു​ക​ള​വിൻ.”—കൊ​ലൊ​സ്സ്യർ 3:8.

എന്നിരു​ന്നാ​ലും, നിങ്ങളു​ടെ സുഹൃ​ത്തു​ക്കൾക്കു ബൈബിൾ തത്ത്വങ്ങ​ളോട്‌ വിലമ​തി​പ്പി​ല്ലെ​ങ്കിൽ ഈ ബുദ്ധ്യു​പ​ദേശം ബാധക​മാ​ക്കുക ദുഷ്‌ക​ര​മാ​യി​രി​ക്കും; ക്രമേണ അവരുടെ മനോ​ഭാ​വങ്ങൾ നിങ്ങളെ സ്വാധീ​നി​ക്കു​മെ​ന്ന​തിന്‌ സംശയ​മില്ല. (സദൃശ​വാ​ക്യ​ങ്ങൾ 13:20) ഒരു ക്രിസ്‌തീയ പെൺകു​ട്ടി​യു​ടെ അനുഭവം പരിചി​ന്തി​ക്കുക. അവൾ ഇങ്ങനെ പറഞ്ഞു: “ഞാൻ യഹോ​വ​യു​ടെ സാക്ഷി​ക​ളിൽ ഒരുവ​ളാ​ണെന്ന്‌ സ്‌കൂ​ളി​ലെ കുട്ടി​ക​ളോ​ടു പറയാൻ ഇഷ്ടപ്പെ​ട്ടില്ല. അതു​കൊണ്ട്‌ അവർ എല്ലായ്‌പോ​ഴും ലൈം​ഗി​ക​ത​യെ​ക്കു​റിച്ച്‌ നിയ​ന്ത്ര​ണ​മി​ല്ലാ​തെ എന്നോട്‌ സംസാ​രി​ച്ചു.” ഏറെത്താ​മ​സി​യാ​തെ അവൾ ലൈം​ഗിക ദുർമാർഗ​ത്തിൽ ഏർപ്പെ​ടു​ക​യും ഗർഭി​ണി​യാ​യി​ത്തീ​രു​ക​യും ചെയ്‌തു. അതു​കൊണ്ട്‌ സദൃശ​വാ​ക്യ​ങ്ങൾ 9:6 ജ്ഞാനപൂർവം ഉദ്‌ബോ​ധി​പ്പി​ക്കു​ന്നു: “അജ്ഞാനി​ക​ളു​ടെ സഖിത്വം വിട്ട്‌ ജീവി​ക്കുക. പരിജ്ഞാ​ന​ത്തി​ന്റെ മാർഗം പിന്തു​ട​രുക.” (ററു​ഡേ​യ്‌സ്‌ ഇംഗ്ലീഷ്‌ വേർഷൻ) ക്രിസ്‌തീയ ധാർമിക മൂല്യ​ങ്ങ​ളും നിലവാ​ര​ങ്ങ​ളും പങ്കുവ​യ്‌ക്കുന്ന സുഹൃ​ത്തു​ക്ക​ളോ​ടൊ​ത്തു സഹവസി​ക്കുക. അവർ നിങ്ങളെ ആത്മീയ​മാ​യി കെട്ടു​പണി ചെയ്യും—തകർക്കു​ക​യില്ല.

തീർച്ച​യാ​യും, പൊതു​വേ ദൈവി​ക​മായ ഒരു മനോ​ഭാ​വം പ്രകട​മാ​ക്കുന്ന യുവ​ക്രി​സ്‌ത്യാ​നി​കൾ പോലും ഇടയ്‌ക്കി​ട​യ്‌ക്ക്‌ ‘വാക്കിൽ തെററി’പ്പോകു​ന്നു. (യാക്കോബ്‌ 3:2) അതു സംഭവി​ക്കു​ക​യും ഒരു സംഭാ​ഷണം തെററായ ഗതിയിൽ പോകാൻ തുടങ്ങു​ക​യും ചെയ്യു​മ്പോൾ നിങ്ങൾക്ക്‌ എന്തു ചെയ്യാൻ കഴിയും? രാജാ​വായ ശലോ​മോന്‌ ഒരു യുവ ആട്ടിട​യത്തി പെൺകു​ട്ടി​യോട്‌ പ്രേമം തോന്നി​യ​താ​യി ബൈബിൾ നമ്മോടു പറയുന്നു. എന്നാൽ അവൾ തിരിച്ചു പ്രേമി​ച്ചില്ല. ചെറു​പ്പ​ക്കാ​രായ ചില സുഹൃ​ത്തു​ക്കൾ ശലോ​മോ​നോ​ടുള്ള അവളുടെ വികാ​ര​ങ്ങളെ ഉണർത്താൻ ശ്രമി​ച്ച​പ്പോൾ പ്രേമ​പൂർവ​ക​മായ ആ സംഭാ​ഷ​ണ​ത്തി​നു വഴങ്ങി​ക്കൊ​ടു​ക്കാൻ അവൾ അനുവ​ദി​ച്ചില്ല. അവൾ ഇങ്ങനെ തുറന്നു​പ​റഞ്ഞു: “പ്രേമ​ത്തി​ന്നു ഇഷ്ടമാ​കു​വോ​ളം അതിനെ ഇളക്കരു​തു, ഉണർത്തു​ക​യു​മ​രു​തു.” (ഉത്തമഗീ​തം 2:7) സമാന​മായ വിധത്തിൽ, സംഭാ​ഷണം നിയ​ന്ത്രണം വിടു​മ്പോൾ നിങ്ങൾ തുറന്നു പറയേ​ണ്ട​തു​ണ്ടാ​യി​രി​ക്കാം. നിങ്ങൾ കൂട്ടു​കാ​രോട്‌ ഒരു പ്രസംഗം നടത്തേണ്ട ആവശ്യ​മില്ല. പിന്നെ​യോ നിങ്ങൾക്കു വിഷയം മാററാം, സംഭാ​ഷ​ണത്തെ ഏറെ ആരോ​ഗ്യാ​വ​ഹ​മായ ഒരു വിധത്തിൽ തിരി​ച്ചു​വി​ട്ടു​കൊണ്ട്‌.

വിനോ​ദം—തിര​ഞ്ഞെ​ടു​പ്പി​ന്റെ ആവശ്യകത

പരിഗ​ണ​നാർഹ​മായ മറെറാ​രു മണ്ഡലം വിനോ​ദ​രം​ഗ​മാണ്‌. ഏററവും പുതിയ സിനി​മ​യോ വീഡി​യോ​യോ കോം​പാ​ക്‌ററ്‌ ഡിസ്‌കോ ഒക്കെ ആകർഷ​ക​മാ​യി തോന്നി​യേ​ക്കാം. എന്നാൽ ബൈബിൾ നമ്മെ ഇപ്രകാ​രം അനുസ്‌മ​രി​പ്പി​ക്കു​ന്നു: “ജഡമോ​ഹം, കൺമോ​ഹം, ജീവന​ത്തി​ന്റെ പ്രതാപം ഇങ്ങനെ ലോക​ത്തി​ലു​ള്ളതു എല്ലാം പിതാ​വിൽനി​ന്നല്ല, ലോക​ത്തിൽനി​ന്ന​ത്രേ ആകുന്നു.” (1 യോഹ​ന്നാൻ 2:16) തുടക്ക​ത്തിൽ പരാമർശി​ച്ച​തു​പോ​ലെ, ഇന്നത്തെ വിനോ​ദ​ങ്ങ​ളി​ല​ധി​ക​വും ലൈം​ഗിക വികാ​രങ്ങൾ ഉണർത്താൻ രൂപകൽപ്പന ചെയ്‌തി​ട്ടു​ള്ള​വ​യാണ്‌. ഉദാഹ​ര​ണ​ത്തിന്‌, ജനപ്രീ​തി​യുള്ള ഗാനങ്ങ​ളും സിനി​മ​ക​ളും ലൈം​ഗി​ക​തയെ തുറന്ന​ടി​ച്ചു കാണി​ക്കു​ന്ന​തും—മിക്ക​പ്പോ​ഴും അശ്ലീല​ച്ചു​വ​യു​ള്ള​തും—ആയിത്തീർന്നി​ട്ടുണ്ട്‌.

അത്തരം വിനോ​ദ​രൂ​പങ്ങൾ നിങ്ങൾ കാണു​ന്നെ​ങ്കിൽ അതു നിങ്ങളെ എങ്ങനെ ബാധി​ച്ചേ​ക്കാം? എഴുത്തു​കാ​ര​നായ ജോൺ ലാൻഗോൺ ഇപ്രകാ​രം പറയുന്നു: “കാമോ​ദ്ദീ​പ​ക​മായ വിഷയങ്ങൾ കാണു​മ്പോൾ ലൈം​ഗി​ക​ത​യെ​ക്കു​റി​ച്ചു സംസാ​രി​ക്കാൻ നാം കൂടുതൽ പ്രവണത കാണി​ക്കു​ന്നു എന്ന്‌ . . . ഗവേഷ​ണങ്ങൾ പ്രകട​മാ​ക്കി​യി​ട്ടുണ്ട്‌. ചില​പ്പോൾ ഇതു നാം സാധാ​ര​ണ​ഗ​തി​യിൽ ചെയ്‌തു​നോ​ക്കാത്ത കാര്യങ്ങൾ ഒന്നു പരീക്ഷി​ച്ചു​നോ​ക്കാൻ നമ്മെ പ്രേരി​പ്പി​ച്ചേ​ക്കാം.” ‘ജഡത്തി​നു​ള്ള​തി​നെ​ക്കു​റി​ച്ചു ചിന്തി​ച്ചാൽ’ അതു നിങ്ങൾക്കു ഹാനി വരുത്തു​ക​യേ​യു​ള്ളൂ. (റോമർ 8:5) സ്‌നേ​ഹ​വും ലൈം​ഗി​ക​ത​യും സംബന്ധിച്ച നിങ്ങളു​ടെ വീക്ഷണത്തെ അതു വികല​മാ​ക്കു​ക​യും അശുദ്ധ​മായ സങ്കൽപ്പ​ങ്ങൾക്കൊണ്ട്‌ നിങ്ങളു​ടെ മനസ്സിനെ നിറയ്‌ക്കു​ക​യും ചെയ്യും. എന്നാൽ ബൈബി​ളി​ന്റെ ബുദ്ധ്യു​പ​ദേശം എന്താണ്‌? “ജഡത്തി​ലെ​യും ആത്മാവി​ലെ​യും സകല കൻമഷ​വും നീക്കി നമ്മെത്തന്നേ വെടി​പ്പാ​ക്കി ദൈവ​ഭ​യ​ത്തിൽ വിശു​ദ്ധി​യെ തികെ​ച്ചു​കൊൾക.” (2 കൊരി​ന്ത്യർ 7:1) അതു​കൊണ്ട്‌ കാമോ​ദ്ദീ​പ​ക​മായ മോഹത്തെ ഊട്ടി​വ​ളർത്തുന്ന ചലച്ചി​ത്ര​ങ്ങ​ളും വീഡി​യോ​ക​ളും ഡിസ്‌കു​ക​ളും ഒഴിവാ​ക്കുക.

ഒരു അവിവാ​ഹിത ക്രിസ്‌ത്യാ​നി ഒരിക്കൽ പ്രാ​യോ​ഗി​ക​മായ ഈ ബുദ്ധ്യു​പ​ദേശം നൽകി: “ഉറങ്ങാൻ പോകു​ന്ന​തി​നു മുമ്പ്‌ അനാ​രോ​ഗ്യ​ക​ര​മായ കാര്യ​ങ്ങ​ളി​ലേക്കു ശ്രദ്ധ തിരി​ച്ചു​വി​ട​രുത്‌. ടിവി​യി​ലെ അനേകം പാതി​രാ​പ​രി​പാ​ടി​ക​ളും ലൈം​ഗി​ക​ധ്വ​നി​യു​ള്ള​താണ്‌.” അനവധി പുസ്‌ത​ക​ങ്ങ​ളും അങ്ങനെ​തന്നെ. ഷെറി എന്നു പേരുള്ള ഒരു യുവ​ക്രി​സ്‌ത്യാ​നി ഇപ്രകാ​രം തുറന്നു പറയുന്നു: “ഞാൻ പ്രേമ​നോ​വ​ലു​കൾ വായി​ച്ചി​രു​ന്നു. ലൈം​ഗി​ക​വേ​ഴ്‌ച​യെ​ക്കു​റിച്ച്‌ ഞാൻ ദിവാ​സ്വ​പ്‌നം കാണു​മാ​യി​രു​ന്നു, ഉൻമാ​ദ​മായ ജീവി​ത​ത്തെ​ക്കു​റി​ച്ചും ഒന്നില​ധി​കം ലൈം​ഗിക പങ്കാളി​ക​ളു​മാ​യി മേളി​ക്കു​ന്ന​തി​നെ​ക്കു​റി​ച്ചും ഞാൻ സ്വപ്‌നം കാണു​മാ​യി​രു​ന്നു.” അവളുടെ മനസ്സു​നി​റയെ കാമോ​ദ്ദീ​പ​ക​മായ സങ്കൽപ്പ​ങ്ങ​ളാ​യി​രു​ന്നു. അവൾ വളരെ​യെ​ളു​പ്പം ഒരു ചെറു​പ്പ​ക്കാ​ര​നു​മാ​യി ആലിം​ഗ​ന​ത്തി​ലും കെട്ടി​പ്പി​ടു​ത്ത​ത്തി​ലും ഏർപ്പെട്ടു. അതു​പോ​ലുള്ള പ്രശ്‌നങ്ങൾ ഒഴിവാ​ക്കാൻ കഴിയും, ആരോ​ഗ്യാ​വ​ഹ​മായ വിവരങ്ങൾ—ഈ മാസി​ക​യും ഇതിന്റെ കൂട്ടു​മാ​സി​ക​യായ വീക്ഷാ​ഗോ​പു​ര​വും പോലു​ള്ളവ—വായി​ക്കു​ക​യാ​ണെ​ങ്കിൽ. അത്തരം വായന വീഴ്‌ച​ഭ​വിച്ച ജഡത്തെ​ക്കു​റി​ച്ചു ചിന്തി​ക്കു​ന്ന​തി​നു പകരം ‘ആത്മാവി​നു​ള്ളതു ചിന്തി​ക്കാൻ’ അനേകം യുവജ​ന​ങ്ങളെ സഹായി​ച്ചി​ട്ടുണ്ട്‌.—റോമർ 8:5.

ആ സങ്കൽപ്പ​ങ്ങളെ വിട്ടു​ക​ള​യുക!

ചില​പ്പോൾ വിപരീ​ത​ലിം​ഗ​വർഗ​ത്തിൽപ്പെ​ട്ട​വ​രെ​ക്കു​റി​ച്ചുള്ള ചിന്തകൾ യാതൊ​രു മുന്നറി​യി​പ്പും കൂടാതെ നിങ്ങളു​ടെ മനസ്സി​ലേക്കു കടന്നു​വ​ന്നേ​ക്കാം. 17 വയസ്സുള്ള സ്‌കോട്ട്‌ ഇപ്രകാ​രം സമ്മതി​ച്ചു​പ​റ​യു​ന്നു: “ലൈം​ഗി​ക​ത​യെ​ക്കു​റി​ച്ചു ചിന്തി​ക്കാ​തി​രി​ക്കു​ന്നതു വളരെ പ്രയാ​സ​ക​ര​മായ ചില സമയങ്ങ​ളുണ്ട്‌.” അല്ലെങ്കിൽ ഒരുപക്ഷേ കാണാൻ കൊള്ളാ​വുന്ന ഒരു ആൺകു​ട്ടി​യെ​യോ പെൺകു​ട്ടി​യെ​യോ നിങ്ങൾ കേവലം കണ്ടേക്കാം. നിങ്ങൾ തിരി​ച്ച​റി​യു​ന്ന​തി​നു മുമ്പു​തന്നെ അവനെ​ക്കു​റിച്ച്‌ അല്ലെങ്കിൽ അവളെ​ക്കു​റി​ച്ചു നിങ്ങൾ ചിന്തി​ച്ചു​തു​ട​ങ്ങു​ന്നു. സൗന്ദര്യ​മുള്ള ആരെ​യെ​ങ്കി​ലും നിരീ​ക്ഷി​ക്കു​ന്നത്‌ ഒരു സംഗതി. എന്നാൽ ‘ഒരു സ്‌ത്രീ​യോ​ടു ലൈം​ഗി​ക​മോ​ഹം ഉണ്ടാക​ത്ത​ക്ക​വണ്ണം അവളെ തുടർച്ച​യാ​യി നോക്കി​ക്കൊ​ണ്ടി​രി​ക്കു​ന്നത്‌’ മറെറാ​രു സംഗതി, അതി​നെ​തി​രെ​യാ​ണു യേശു മുന്നറി​യി​പ്പു നൽകി​യത്‌. (മത്തായി 5:28, NW; താരത​മ്യം ചെയ്യുക: സദൃശ​വാ​ക്യ​ങ്ങൾ 6:25.) നിങ്ങൾക്കു വിവാഹം കഴിക്കാൻ പ്രായ​മാ​യി​ല്ലെ​ങ്കിൽ വ്യാ​മോ​ഹി​പ്പി​ക്കുന്ന കാമോ​ദ്ദീ​പക സങ്കൽപ്പ​ങ്ങ​ളിൽ മുഴു​ക​രുത്‌, അങ്ങനെ ചെയ്‌താൽ അതു നിങ്ങളെ വിഷാ​ദ​മ​ഗ്ന​നും നിരു​ത്സാ​ഹി​ത​നും ആക്കുക മാത്രമേ ചെയ്യു​ക​യു​ള്ളൂ.—താരത​മ്യം ചെയ്യുക: സദൃശ​വാ​ക്യ​ങ്ങൾ 13:12.

സ്‌കോട്ട്‌ ഇപ്രകാ​രം പറയുന്നു: “എന്നെ സഹായി​ക്കു​ന്നത്‌ വിഷയം മാററ​ലാണ്‌—ഉൻമാ​ദാ​വസ്ഥ തോന്നാൻ ഇടയാ​ക്കുന്ന ചിന്തക​ളിൽനി​ന്നു മനസ്സിനെ തിരി​ച്ചു​വി​ടുക എന്നത്‌. ക്രമേണ വികാ​ര​ങ്ങ​ളും ഉത്തേജ​ന​ങ്ങ​ളും കെട്ടട​ങ്ങു​മെന്ന്‌ ഞാൻ എന്നെത്തന്നെ ഓർമി​പ്പി​ക്കും.” (താരത​മ്യം ചെയ്യുക: ഫിലി​പ്പി​യർ 4:8.) അപ്പോ​സ്‌ത​ല​നായ പൗലോസ്‌ ഇപ്രകാ​രം പറഞ്ഞു: “ഞാൻ . . . എന്റെ ശരീരത്തെ ദണ്ഡിപ്പി​ച്ചു അടിമ​യാ​ക്കു​ക​യ​ത്രേ ചെയ്യു​ന്നതു.” (1 കൊരി​ന്ത്യർ 9:27) സമാന​മാ​യി, വിപരീ​ത​ലിം​ഗ​വർഗ​ത്തിൽപ്പെ​ട്ട​വ​രെ​ക്കു​റി​ച്ചുള്ള ചിന്തകൾ വേരു​പി​ടി​ക്കാൻ തുടങ്ങു​മ്പോൾ നിങ്ങ​ളോ​ടു​തന്നെ കർക്കശ​മ​നോ​ഭാ​വം പുലർത്തേ​ണ്ട​തു​ണ്ടാ​യി​രി​ക്കാം. അത്തരം ചിന്തകൾ തുടർന്നും മനസ്സി​ലേക്കു വരു​ന്നെ​ങ്കിൽ, എന്തെങ്കി​ലും ശാരീ​രിക വ്യായാ​മം ചെയ്‌തു​നോ​ക്കുക. “ശരീരാ​ഭ്യാ​സം അല്‌പ​പ്ര​യോ​ജ​ന​മു​ള്ള​ത​ത്രേ.” വേഗത്തി​ലുള്ള നടത്തമോ കുറെ സമയ​ത്തേ​ക്കുള്ള വ്യായാ​മ​മോ നിങ്ങളു​ടെ മനസ്സിനെ സാധാരണ അവസ്ഥയി​ലേക്കു കൊണ്ടു​വ​രാൻ സഹായി​ച്ചേ​ക്കാം.—1 തിമൊ​ഥെ​യൊസ്‌ 4:8.

“കർത്താ​വി​ന്റെ വേലയിൽ ധാരാളം ചെയ്യാൻ” ഉണ്ടായി​രി​ക്കു​ന്നത്‌ വിശേ​ഷാൽ സഹായ​ക​മാ​ണെന്ന്‌ അനേകം യുവജ​നങ്ങൾ കണ്ടെത്തി​യി​ട്ടുണ്ട്‌. (1 കൊരി​ന്ത്യർ 15:58, NW) യുവതി​യായ ഡെബ്ര അതി​നെ​ക്കു​റിച്ച്‌ ഇങ്ങനെ പറഞ്ഞു: “ക്ഷീണി​ച്ചു​വ​ശാ​കു​ന്ന​തു​വരെ തിരക്കു​ള്ള​വ​രാ​യി കഴിയുക എന്നതാണ്‌ പരിഹാ​ര​മെന്നു ഞാൻ മനസ്സി​ലാ​ക്കു​ന്നു.” ക്രിസ്‌തീയ സഭയോ​ടൊ​ത്തും അതിന്റെ എല്ലാ പ്രവർത്ത​ന​ങ്ങ​ളി​ലും മുഴു​കി​യി​രി​ക്കു​ന്നത്‌ നിങ്ങളു​ടെ ചിന്തയെ സമനി​ല​യിൽ നിർത്താൻ സഹായി​ക്കും.

ശ്രമം നടത്തി​നോ​ക്കുക. എന്നിട്ടും വിപരീ​ത​ലിം​ഗ​വർഗ​ത്തിൽപ്പെ​ട്ട​വ​രെ​ക്കു​റി​ച്ചുള്ള ചിന്ത നിർത്താൻ ചില​പ്പോൾ പ്രയാ​സ​ക​ര​മാ​യി​രി​ക്കാം. അങ്ങനെ​യെ​ങ്കിൽ പ്രായ​മുള്ള ആരു​ടെ​യെ​ങ്കി​ലും സഹായം തേടുക. ഒരുപക്ഷേ മാതാ​പി​താ​ക്ക​ളിൽ ഒരാ​ളോട്‌ നിങ്ങൾക്ക്‌ ഈ വിഷയ​ത്തെ​ക്കു​റി​ച്ചു സംസാ​രി​ക്കാൻ കഴിയും. യുവാ​വായ കാൾ പറഞ്ഞതു പരിചി​ന്തി​ക്കുക: “പ്രായ​ക്കൂ​ടു​ത​ലും അനുഭ​വ​പ​രി​ച​യ​വു​മുള്ള ആരോ​ടെ​ങ്കി​ലും തുറന്നു സംസാ​രി​ക്കു​ന്നത്‌ എന്നെ സഹായി​ച്ചി​ട്ടുണ്ട്‌. സംഭാ​ഷണം എത്ര​ത്തോ​ളം തുറന്ന​താ​യി​രി​ക്കു​ന്നു​വോ മെച്ചവും അത്ര കൂടു​ത​ലാ​യി​രി​ക്കും.” സർവോ​പരി, നിങ്ങളു​ടെ സ്വർഗീയ പിതാ​വിൽനി​ന്നു ലഭിക്കാൻ കഴിയുന്ന സഹായത്തെ തള്ളിക്ക​ള​യ​രുത്‌. “ലൈം​ഗിക തിരത്തള്ളൽ ഉണ്ടാകു​ന്ന​താ​യി തോന്നു​മ്പോൾ ഞാൻ കണിശ​മാ​യും പ്രാർഥി​ക്കു​ന്നു” എന്ന്‌ ഏകാകി​യായ ഒരു ക്രിസ്‌തീയ പുരുഷൻ പറയുന്നു. “കരുണ ലഭിപ്പാ​നും തത്സമയത്തു സഹായ​ത്തി​ന്നുള്ള കൃപ പ്രാപി​പ്പാ​നു​മാ​യി നാം ധൈര്യ​ത്തോ​ടെ കൃപാ​സ​ന​ത്തി​ന്നു അടുത്തു ചെല്ലുക” എന്നു ബൈബിൾ പറയുന്നു. (എബ്രായർ 4:16) ഇല്ല, എതിർലിം​ഗ​വർഗ​ത്തിൽപ്പെ​ട്ട​വ​രി​ലുള്ള നിങ്ങളു​ടെ താത്‌പ​ര്യ​ത്തെ ദൈവം നീക്കം ചെയ്യു​ക​യില്ല. എന്നാൽ അവന്റെ സഹായ​ത്തോ​ടെ, ചിന്തി​ക്കു​ന്ന​തിന്‌ മററന​വധി കാര്യങ്ങൾ ഉണ്ടെന്നു നിങ്ങൾക്കു കണ്ടെത്താ​നാ​കും.

[അടിക്കു​റി​പ്പു​കൾ]

[17-ാം പേജിലെ ചിത്രം]

എതിർലിംഗവർഗത്തിൽപ്പെട്ടവരെക്കുറിച്ചുള്ള സംസാരം നിയ​ന്ത്രണം വിട്ടു​പോ​കു​ന്നെ​ങ്കിൽ വിഷയം മാററാ​നുള്ള ധൈര്യ​മു​ണ്ടാ​യി​രി​ക്കുക