യുവജ​നങ്ങൾ ചോദി​ക്കു​ന്നു. . .

സ്വവർഗ​സം​ഭോ​ഗം—അത്‌ അത്രയ്‌ക്കു മോശ​മാ​ണോ?

“ഞാനൊ​രു കുട്ടി​യാ​യി​രു​ന്ന​പ്പോൾ മുതൽത്തന്നെ, സ്വവർഗ​സം​ഭോ​ഗ​ത്തി​ലേർപ്പെ​ടാ​നുള്ള ആഗ്രഹങ്ങൾ എനിക്കു​ണ്ടാ​യി​രു​ന്നു. അവയെ​ക്കു​റിച്ച്‌ എനിക്കു നല്ല ഗ്രാഹ്യ​മി​ല്ലാ​ഞ്ഞ​തു​കൊ​ണ്ടു ഞാൻ മുൻക​രു​ത​ലു​ക​ളൊ​ന്നും എടുത്തു​മില്ല. എന്റെ ഒരു സ്‌നേ​ഹി​ത​നു​മാ​യി വളരെ മോശ​മായ ഒരു സംഗതി ചെയ്യു​ന്ന​തി​ലേക്ക്‌ ഇതു നയിച്ചു. എനിക്കു ഭയങ്കര​മായ കുററ​ബോ​ധ​മു​ണ്ടാ​യി, യഹോവ എന്നോട്‌ ഒരിക്ക​ലും ക്ഷമിക്കു​ക​യി​ല്ലെന്നു ഞാൻ വിചാ​രി​ക്കു​ക​യും ചെയ്‌തു.”

“ടിവി നമ്മുടെ കുട്ടി​കൾക്കു സ്വവർഗ​സം​ഭോ​ഗം വിൽക്കാൻ ശ്രമി​ക്കു​ന്നു.” പല പത്രങ്ങ​ളി​ലാ​യി എഴുതുന്ന ഒരു കോള​മെ​ഴു​ത്തു​കാ​രന്റെ ഒരു ലേഖന​ശീർഷ​ക​മാ​യി​രു​ന്നു അത്‌. ആ എഴുത്തു​കാ​രൻ ഇങ്ങനെ അഭി​പ്രാ​യ​പ്പെട്ടു: “സ്വവർഗ​സം​ഭോഗ ജീവി​ത​രീ​തി​യെ അനുകൂ​ലി​ച്ചു​കൊ​ണ്ടു കാണി​ക്കുന്ന അനേകം [അത്യധി​കം] ടിവി പരിപാ​ടി​കൾക്കു വിധേ​യ​രാ​ണു ടെലി​വി​ഷൻ കാണു​ന്നവർ.” എന്നാൽ, യുവജ​ന​ങ്ങ​ളു​ടെ ഇടയിൽ സ്വവർഗ​സം​ഭോ​ഗത്തെ പ്രോ​ത്സാ​ഹി​പ്പി​ക്കാൻ ഇക്കാലത്ത്‌ ഉപയോ​ഗി​ക്കുന്ന അനേകം മാർഗ​ങ്ങ​ളിൽ കേവലം ഒന്നു മാത്ര​മാ​ണു ടിവി. സ്വവർഗ​സം​ഭോ​ഗത്തെ അനുകൂ​ലി​ച്ചു​കൊ​ണ്ടുള്ള പ്രചാ​ര​ണത്തെ അധ്യാ​പ​ക​രും തരപ്പടി​ക്കാ​രും ചലച്ചി​ത്ര​ങ്ങ​ളും പുസ്‌ത​ക​ങ്ങ​ളും മാസി​ക​ക​ളും പ്രോ​ത്സാ​ഹി​പ്പി​ക്കു​ക​യാണ്‌.

വൈദ്യ​ശാ​സ്‌ത്ര​വി​ഭാ​ഗ​വും ഇപ്പോൾ ആ തേരി​ലേ​റി​യി​രി​ക്കു​ന്നു. പരമ്പരാ​ഗ​ത​മാ​യി, ഡോക്ടർമാർ സ്വവർഗ​സം​ഭോ​ഗത്തെ ഒരു രോഗ​മാ​യാ​ണു കണ്ടിരു​ന്നത്‌. എന്നാൽ, സ്വവർഗ​സം​ഭോ​ഗം മേലാൽ ഒരു മാനസിക വൈക​ല്യ​മാ​യി കണക്കാ​ക്കു​ക​യി​ല്ലെന്ന്‌ അമേരി​ക്കൻ സൈക്കി​യാ​ട്രിക്‌ അസ്സോ​സ്സി​യേഷൻ 1973-ൽ പ്രഖ്യാ​പി​ക്കു​ക​യു​ണ്ടാ​യി. അന്നുമു​തൽ വൈദ്യ​ശാ​സ്‌ത്ര​രം​ഗ​ത്തുള്ള പലരും സ്വവർഗ​സം​ഭോഗ ജീവി​ത​രീ​തി​ക്കു തങ്ങളുടെ അംഗീ​കാ​ര​മു​ദ്ര നൽകി​യി​ട്ടുണ്ട്‌. ഉദാഹ​ര​ണ​ത്തിന്‌, മനശ്ശാ​സ്‌ത്ര​ചി​കി​ത്സ​ക​നായ ആൽബെർട്ട്‌ എലിസ്‌ “സ്വവർഗ​സം​ഭോഗ ബന്ധങ്ങൾ അധമ​മേയല്ല, പിന്നെ​യോ ആരോ​ഗ്യ​പ​ര​മായ മാനുഷ ലൈം​ഗിക പെരു​മാ​ററം ഉൾപ്പെ​ടു​ന്ന​താണ്‌. . . . നിങ്ങൾക്ക്‌ ഇഷ്ടമാ​ണെ​ങ്കിൽ അവ ആസ്വദി​ക്കുക, അവ ‘തെററാ’ണെന്നോ ‘മോശ​മാ​ണെ’ന്നോ നിങ്ങളെ വിശ്വ​സി​പ്പി​ക്കാൻ പ്രചരണം നടത്താൻ ആരെയും അനുവ​ദി​ക്ക​രുത്‌” എന്നു പ്രഖ്യാ​പി​ക്കു​ക​യു​ണ്ടാ​യി.

അത്തരം വീക്ഷണങ്ങൾ ന്യൂസ്‌വീക്ക്‌ മാഗസിൻ ഇങ്ങനെ പറയത്ത​ക്ക​വണ്ണം വളരെ വ്യാപ​ക​മാണ്‌: “മാധ്യമ പ്രതി​ബിം​ബ​ങ്ങ​ളാ​ലും സ്വീകാ​ര്യ​ത​യു​ടെ ഒരു പുതിയ മനോ​ഭാ​വ​ത്താ​ലും പ്രചോ​ദി​പ്പി​ക്ക​പ്പെട്ട്‌ കൗമാ​ര​പ്രാ​യ​ക്കാർ സ്വവർഗ​സം​ഭോ​ഗ​വും ദ്വി​ലൈം​ഗി​ക​ത​യു​മാ​യി പരീക്ഷണം നടത്തു​ക​യാണ്‌.” എന്നാൽ കഴിഞ്ഞ കാലങ്ങ​ളിൽ കൗമാ​ര​പ്രാ​യ​ക്കാർ ഒരേ ലിംഗ ലൈം​ഗി​ക​ബ​ന്ധ​ങ്ങളെ ശക്തമായി എതിർത്തി​രു​ന്നു​വെ​ന്നി​രി​ക്കെ, അതു “ഫാഷനാ​ണെന്നു” വീക്ഷി​ക്കുന്ന യുവജ​ന​ങ്ങ​ളു​ടെ എണ്ണം ഇന്നു വർധി​ച്ചു​വ​രു​ന്നത്‌ അതിശ​യോ​ക്തി​യല്ല. സ്വവർഗ​സം​ഭോഗ നടപടി​ക​ളിൽ ഏർപ്പെ​ടാത്ത യുവാക്കൾ പോലും മററു​ള്ളവർ അങ്ങനെ ചെയ്യു​ന്ന​തി​നു മൗനാ​നു​വാ​ദം കൊടു​ത്തി​ട്ടുണ്ട്‌. “താനൊ​രു സ്വവർഗ​സം​ഭോ​ഗി​യാ​ണെന്ന്‌ ഒരു സുഹൃത്ത്‌ എന്നോടു പറയു​ക​യാ​ണെ​ങ്കിൽപോ​ലും ഞാൻ അപ്പോ​ഴും അവന്റെ സുഹൃ​ത്താ​യി​രി​ക്കും,” ഡാരെൻ എന്നു പേരുള്ള ഒരു യുവാവ്‌ പറയുന്നു. മേലാൽ തന്നെ സാധാരണ സ്വഭാ​വ​മു​ള്ള​വ​നാ​യി കണക്കാ​ക്കാ​തി​രു​ന്നേ​ക്കാ​മെന്ന്‌ ഒരു യുവ കോ​ളെജ്‌ വിദ്യാർഥി ഉത്‌കണ്‌ഠ പ്രകട​മാ​ക്കു​ക​യു​ണ്ടാ​യി. കാരണം അവൻ “മാത്രമേ പെൺകു​ട്ടി​കളെ ഇഷ്ടപ്പെ​ടു​ന്നു​ള്ളൂ”!

അതു​കൊണ്ട്‌ ഇന്നത്തെ സ്വത​ന്ത്രാ​ത്മക ചുററു​പാ​ടു ക്രിസ്‌തീയ യുവാ​ക്കൾക്ക്‌ ആശയക്കു​ഴപ്പം സൃഷ്ടി​ക്കു​ന്ന​താ​യി​രി​ക്കാൻ കഴിയും—പ്രത്യേ​കി​ച്ചും ഏതെങ്കി​ലും ഒരു കാരണ​ത്താൽ ഒരേ ലിംഗ​വർഗ​ത്തിൽ പെട്ടവ​രോ​ടു ലൈം​ഗിക ആകർഷണം തോന്നു​ന്ന​വർക്ക്‌.a സ്വവർഗ​സം​ഭോ​ഗം ദൈവത്തെ അപ്രീ​തി​പ്പെ​ടു​ത്തു​ന്നു​വെന്ന്‌ അവർക്ക​റി​യാം, അത്‌ ഒഴിവാ​ക്കാൻ അവർ ആത്മാർഥ​മാ​യി ആഗ്രഹി​ക്കു​ക​യും ചെയ്യുന്നു. എന്നിരു​ന്നാ​ലും, ചില സമയങ്ങ​ളിൽ തങ്ങളുടെ വികാ​ര​ങ്ങളെ നിയ​ന്ത്രി​ക്കാ​നുള്ള പോരാ​ട്ടം ക്ഷീണി​പ്പി​ക്കു​ന്ന​താ​യി​രി​ക്കാം, അതു​കൊ​ണ്ടു ബൈബി​ളി​ന്റെ നിലപാട്‌ നല്ലതോ ന്യായ​യു​ക്ത​മോ ആണോ​യെന്ന്‌ അവർ സംശയി​ച്ചു തുടങ്ങു​ക​യും ചെയ്‌തേ​ക്കാം. ‘സ്വവർഗ​സം​ഭോ​ഗം അത്രയ്‌ക്കു മോശ​മാ​ണോ?’ അവർ സംശയി​ച്ചേ​ക്കാം.

ദൈവ​വ​ചനം പറയുന്ന കാര്യം

അതിന്റെ ഉത്തരമാ​യി നിങ്ങൾത്തന്നെ അപ്പോ​സ്‌ത​ല​നായ പൗലോസ്‌ 1 കൊരി​ന്ത്യർ 6:9, 10-ൽ പറഞ്ഞി​രി​ക്കു​ന്നതു വായി​ക്കുക: “അന്യായം ചെയ്യു​ന്നവർ ദൈവ​രാ​ജ്യം അവകാ​ശ​മാ​ക്കു​ക​യില്ല എന്നു അറിയു​ന്നി​ല്ല​യോ? നിങ്ങ​ളെ​ത്തന്നേ വഞ്ചിക്കാ​തി​രി​പ്പിൻ; ദുർന്ന​ട​പ്പു​കാർ, വിഗ്ര​ഹാ​രാ​ധി​കൾ, വ്യഭി​ചാ​രി​കൾ, സ്വയ​ഭോ​ഗി​കൾ [“പുരുഷ വേശ്യകൾ,” ന്യൂ ഇൻറർനാ​ഷണൽ വേർഷൻ; “സ്‌​ത്രൈ​ണ​സ്വ​ഭാ​വം കാട്ടു​ന്നവർ,” ജയിംസ്‌ രാജാ​വി​ന്റെ ഭാഷാ​ന്തരം], പുരു​ഷ​കാ​മി​കൾ [“സോ​ദോ​മ്യർ,” ജറൂസ​ലേം ബൈബിൾ; “സ്വവർഗ​ഭോഗ വികടൻമാർ,” ററു​ഡേ​യ്‌സ്‌ ഇംഗ്ലീഷ്‌ വേർഷൻ], കള്ളൻമാർ, അത്യാ​ഗ്ര​ഹി​കൾ, മദ്യപൻമാർ, വാവി​ഷ്‌ഠാ​ണ​ക്കാർ, പിടി​ച്ചു​പ​റി​ക്കാർ എന്നിവർ ദൈവ​രാ​ജ്യം അവകാ​ശ​മാ​ക്കു​ക​യില്ല.” തെളി​വ​നു​സ​രിച്ച്‌, തങ്ങളുടെ അധാർമിക ബന്ധങ്ങളിൽ കേവല​മായ ഒരു ലൈം​ഗിക പങ്കു വഹിക്കു​ന്ന​വ​രെ​യും സജീവ​മായ “പുരുഷ” ധർമം വഹിക്കു​ന്ന​വ​രെ​യും പൗലോസ്‌ പ്രത്യേ​കം പ്രത്യേ​കം പരാമർശി​ച്ച​താ​യി ശ്രദ്ധി​ക്കുക. അങ്ങനെ ദൈവം എല്ലാ സ്വവർഗ​സം​ഭോ​ഗ​പ​ര​മായ പ്രവർത്ത​ന​ങ്ങ​ളെ​യും വെറു​ക്കു​ന്നു എന്ന്‌ അദ്ദേഹം വ്യക്തമാ​ക്കി.

റോമർ 1:18-27-ലെ പൗലോ​സി​ന്റെ വാക്കു​ക​ളി​ലും ഇതു വ്യക്തമാണ്‌: “അനീതി​കൊ​ണ്ടു സത്യത്തെ തടുക്കുന്ന മനുഷ്യ​രു​ടെ സകല അഭക്ഷി​ക്കും അനീതി​ക്കും നേരെ ദൈവ​ത്തി​ന്റെ കോപം സ്വർഗ്ഗ​ത്തിൽനി​ന്നു വെളി​പ്പെ​ടു​ന്നു. . . . ദൈവം അവരെ തങ്ങളുടെ ഹൃദയ​ങ്ങ​ളി​ലെ മോഹ​ങ്ങ​ളിൽ സ്വന്തശ​രീ​ര​ങ്ങളെ തമ്മിൽ തമ്മിൽ അവമാ​നി​ക്കേ​ണ്ട​തി​ന്നു അശുദ്ധി​യിൽ ഏല്‌പി​ച്ചു. . . . ദൈവം അവരെ അവമാ​ന​രാ​ഗ​ങ്ങ​ളിൽ ഏല്‌പി​ച്ചു; അവരുടെ സ്‌ത്രീ​കൾ സ്വാഭാ​വി​ക​ഭോ​ഗത്തെ സ്വഭാ​വ​വി​രു​ദ്ധ​മാ​ക്കി​ക്ക​ളഞ്ഞു. അവ്വണ്ണം പുരു​ഷൻമാ​രും സ്വാഭാ​വി​ക​സ്‌ത്രീ​ഭോ​ഗം വിട്ടു അന്യോ​ന്യം കാമം ജ്വലിച്ചു ആണോടു ആൺ അവലക്ഷ​ണ​മാ​യതു പ്രവർത്തി​ച്ചു.” ഇവിടെ പൗലോസ്‌ പുരു​ഷ​സ്വ​വർഗ​സം​ഭോ​ഗ​ത്തെ​യും സ്‌ത്രീ​സ്വ​വർഗ​സം​ഭോ​ഗ​ത്തെ​യും പ്രത്യേ​ക​മാ​യി കുററം വിധിച്ചു. സ്വവർഗ​ലൈം​ഗിക നടപടി​കൾ അസ്വാ​ഭാ​വി​ക​വും “അവലക്ഷണ”വും ആയിരി​ക്കു​ന്ന​താ​യി അദ്ദേഹം കുററം വിധിച്ചു.

രോഗ​ഗ്ര​സ്‌ത​മോ ആരോ​ഗ്യ​ക​ര​മോ?

ബൈബി​ളി​ന്റെ വീക്ഷണം പഴഞ്ചനാണ്‌, അസ്വീ​കാ​ര്യ​മാണ്‌, എന്നു പറഞ്ഞു​കൊണ്ട്‌ പലരും ഇതി​നോ​ടു പ്രതി​ക​രി​ച്ചേ​ക്കാം. എന്നാൽ ഇതു ചിന്തി​ക്കുക, നമ്മുടെ ശാരീ​രി​ക​വും മാനസി​ക​വും വൈകാ​രി​ക​വും ആത്മീയ​വു​മായ ഘടന​യെ​ക്കു​റി​ച്ചു നമ്മുടെ സ്രഷ്ടാ​വി​നെ​ക്കാൾ മെച്ചമാ​യി ആർക്കാണ്‌ അറിയാ​വു​ന്നത്‌? ദൈവം പുരു​ഷ​നെ​യും സ്‌ത്രീ​യെ​യും സൃഷ്ടിച്ച്‌ പരസ്‌പ​ര​മുള്ള ശക്തമായ ആകർഷണം അവരിൽ വെച്ചു. (ഉല്‌പത്തി 1:27, 28) ഒരേ ലിംഗ​വർഗ​ത്തിൽപ്പെട്ട ആരോ​ടെ​ങ്കി​ലും ലൈം​ഗിക ആകർഷണം തോന്ന​ത്ത​ക്ക​വി​ധമല്ല ദൈവം അവരെ സൃഷ്ടി​ച്ചത്‌. മാത്രമല്ല, ഒരു പുരു​ഷ​നും സ്‌ത്രീ​യും തമ്മിലുള്ള ലൈം​ഗിക ബന്ധങ്ങൾ വിവാ​ഹ​ക്ര​മീ​ക​ര​ണ​ത്തി​നു​ള്ളിൽ മാത്രം നടക്കേ​ണ്ട​താ​ണെന്നു ദൈവം നിശ്ചയി​ച്ചു.—എബ്രായർ 13:4.

ഇതു നമുക്കു ബുദ്ധി​മു​ട്ടു​കൾ വരുത്തി​വെ​ക്കു​ന്നില്ല. യെശയ്യാ​വു 48:17-ൽ [NW] ദൈവം പറയുന്നു അവൻ “നിങ്ങൾക്കു​തന്നെ പ്രയോ​ജനം ചെയ്യാൻ നിങ്ങളെ പഠിപ്പി​ക്കു​ന്ന​വ​നാണ്‌” എന്ന്‌. അതേ, നമ്മേ സഹായി​ക്കു​ന്നത്‌ എന്താ​ണെ​ന്നും നമുക്കു ഹാനി വരുത്തു​ന്നത്‌ എന്താ​ണെ​ന്നും അവനറി​യാം. ബൈബിൾ പഠിപ്പി​ക്ക​ലു​കൾ പിൻപ​റ​റുക എന്നതു പ്രയാ​സ​ക​ര​മാ​ണെന്നു ചിലർക്കു തോന്നി​യാൽപോ​ലും അവ എല്ലായ്‌പോ​ഴും ‘ആരോ​ഗ്യാ​വ​ഹ​മായ പഠിപ്പി​ക്ക​ലുക’ളാണ്‌, അതായത്‌ മനസ്സി​നും ശരീര​ത്തി​നും പ്രയോ​ജനം ചെയ്യുന്നവ. (തീത്തൊസ്‌ 2:1) നേരേ​മ​റിച്ച്‌, സ്വവർഗ​സം​ഭോ​ഗം ഒരുവന്റെ ശാരീ​രി​ക​വും വൈകാ​രി​ക​വും ആത്മീയ​വു​മായ ക്ഷേമത്തി​നു ഹാനി വരുത്തു​കയേ ഉള്ളൂ.

സ്വവർഗ​സം​ഭോ​ഗ ജീവി​ത​രീ​തി എത്ര അനാ​രോ​ഗ്യ​ക​ര​മാണ്‌ എന്നതിന്റെ ഒരു ഉദാഹ​ര​ണ​മാണ്‌ എയ്‌ഡ്‌സ്‌ പ്രതി​സന്ധി. വടക്കേ അമേരി​ക്ക​യിൽ, സ്വവർഗ​സം​ഭോ​ഗി​ക​ളായ പുരു​ഷൻമാർക്കാണ്‌ ഈ രോഗം പിടി​പെ​ടാൻ ഏററവു​മ​ധി​കം സാധ്യ​ത​യു​ള്ളത്‌. രോഗ​പ​ര​മ്പ​ര​യിൽ കേവലം ഒന്നു മാത്ര​മാണ്‌ എയ്‌ഡ്‌സ്‌; ഹെപ്പ​റെ​റ​റ​റിസ്‌, കരൾ രോഗങ്ങൾ, ഗൊ​ണേ​റിയ, സിഫി​ലിസ്‌, വായു​സം​ബ​ന്ധ​മായ കുടൽ രോഗങ്ങൾ തുടങ്ങി​യ​വ​യാ​ണു സ്വവർഗ​സം​ഭോ​ഗി​കളെ ബാധി​ക്കാ​റു​ള്ളവ. രോഗ​ത്തി​ന്റെ ഈ വ്യാപ​ന​ത്തി​നു കാരണം എന്താണ്‌? ഡോ. ജോസഫ്‌ നിക്ക​ളോ​സി ഇങ്ങനെ വിശദീ​ക​രി​ക്കു​ന്നു: “സ്വവർഗ​സം​ഭോഗ ജീവി​ത​രീ​തി​യു​ടെ നിർബ​ന്ധ​പൂർവ​ക​മായ, ആസക്തമായ, ഘടകങ്ങ​ളെ​ക്കു​റി​ച്ചു പല എഴുത്തു​കാ​രും എഴുതി​യി​ട്ടുണ്ട്‌.” വളരെ വ്യാപ​ക​മാ​യി നടത്തിയ ഒരു പഠനം വെളി​പ്പെ​ടു​ത്തി​യത്‌ “28 ശതമാനം പുരു​ഷ​സ്വ​വർഗ​സം​ഭോ​ഗി​കൾക്ക്‌ ആയിര​മോ അതിൽക്കൂ​ടു​ത​ലോ പങ്കാളി​കൾ ഉണ്ടായി​രു​ന്നു എന്നാണ്‌. . . . വെള്ളക്കാ​രായ സ്വവർഗ​സം​ഭോ​ഗി​ക​ളിൽ പകുതി​യും തങ്ങൾക്കു ചുരു​ങ്ങി​യത്‌ 500 വ്യത്യസ്‌ത ലൈം​ഗിക പങ്കാളി​കൾ ഉണ്ടായി​രു​ന്ന​താ​യി പറഞ്ഞു.”

പല സ്വവർഗ​സം​ഭോ​ഗി​ക​ളു​ടെ ഇടയി​ലും “വ്യക്തി​ബ​ന്ധ​ങ്ങ​ളി​ലെ പ്രതി​ബ​ദ്ധ​ത​യോ അടുപ്പ​മോ ഉത്തരവാ​ദി​ത്വ​മോ സംബന്ധിച്ച ഭയമുണ്ട്‌ . . . അമൂർത്ത​മായ ലൈം​ഗി​ക​ത​യോ​ടുള്ള വാഞ്‌ഛ​യ്‌ക്കു ചില​പ്പോൾ തികച്ചും നിർബ​ന്ധ​ക​ര​മായ ഒരു സ്വഭാ​വ​മാ​ണു​ള്ളത്‌. ഒരൊററ ദിവസ​മോ അല്ലെങ്കിൽ ഒററ രാത്രി​യി​ലോ ഇത്തരക്കാ​രിൽ ചിലർ ഒരു ഡസനോ അതില​ധി​ക​മോ ലൈം​ഗിക ഇടപാ​ടു​ക​ളിൽ ഏർപ്പെ​ട്ടേ​ക്കാം” എന്ന്‌ സ്വവർഗ​സം​ഭോഗ പെരു​മാ​ററം (ഇംഗ്ലീഷ്‌) എന്ന പുസ്‌തകം വിശദീ​ക​രി​ക്കു​ന്നു. കെട്ടഴി​ച്ചു​വിട്ട അത്തരം പെരു​മാ​ററം ആരോ​ഗ്യ​ക​ര​മാ​യി​രി​ക്കു​മോ? മറിച്ച്‌, അത്‌ രോഗ​ഗ്ര​സ്‌ത​വും അധഃപ​തി​പ്പി​ക്കു​ന്ന​തു​മല്ലേ? അത്തരം വിവേ​ച​നാ​ശൂ​ന്യ​മായ ലൈം​ഗി​ക​ബ​ന്ധ​ത്തിൽ ഏർപ്പെ​ടു​ന്നവർ ‘നാശത്തി​ന്റെ അടിമക’ളാണ്‌.—2 പത്രൊസ്‌ 2:19.

കൂടാതെ, അനേകം സ്വവർഗ​സം​ഭോഗ ലൈം​ഗിക നടപടി​കൾ പേടി​പ്പെ​ടു​ത്തു​ന്ന​തും അക്രമാ​സ​ക്ത​വും തികച്ചും ക്രൂര​മായ ആനന്ദം കണ്ടെത്തു​ന്ന​വ​യു​മാണ്‌. അപ്പോ​സ്‌ത​ല​നായ പൗലോസ്‌ ഇങ്ങനെ പറഞ്ഞു: “അവർ ഗൂഢമാ​യി ചെയ്യു​ന്നതു പറവാൻപോ​ലും ലജ്ജയാ​കു​ന്നു.” (എഫെസ്യർ 5:12) അത്തരം അക്രമം പ്രകട​മാ​ക്കു​ന്നത്‌ “സ്വവർഗ​ലൈം​ഗിക” ജീവി​ത​രീ​തി എന്നു കരുത​പ്പെ​ടു​ന്ന​തി​ന്റെ ഉപരി​ത​ല​ത്തി​ന​ടി​യിൽ മറഞ്ഞു​കി​ട​ക്കുന്ന കോപ​ത്തെ​യും വേദന​യെ​യു​മാണ്‌. തങ്ങൾ അനുവാ​ദാ​ത്മക ജീവിതം നയിക്കു​ന്ന​വ​ര​ല്ലെന്നു ചില സ്വവർഗ​സം​ഭോ​ഗി​കൾ അവകാ​ശ​പ്പെ​ടു​ന്നു എന്നത്‌ സത്യം​തന്നെ. എന്നാൽ “ഒരാ​ളോ​ടു മാത്രം” സ്വവർഗ​സം​ഭോ​ഗം നടത്തു​ന്നവർ ചുരു​ക്ക​മാണ്‌—അവരുടെ ബന്ധങ്ങൾ പൊതു​വേ അധിക നാള​ത്തേക്കു നീണ്ടു​നിൽക്കാ​റു​മില്ല. ഒരേ ലിംഗ​വർഗ​ത്തിൽപ്പെ​ട്ട​വ​രു​ടെ ലൈം​ഗി​ക​ബ​ന്ധങ്ങൾ നീണ്ടു​നിൽക്കു​മ്പോൾ പോലും, ബൈബി​ളിൽ പരാമർശി​ച്ചി​രി​ക്കുന്ന സ്‌നേ​ഹ​ത്തി​ന്റെ ഒരു പരിണ​ത​ഫ​ല​മാ​യി​രി​ക്കാൻ കഴിയില്ല അവയ്‌ക്ക്‌. അത്തരം സ്‌നേഹം “മാന്യ​ര​ഹി​ത​മാ​യി പെരു​മാ​റു​ന്നില്ല.”—1 കൊരി​ന്ത്യർ 13:4, 5, NW.

പരിണ​ത​ഫ​ല​ങ്ങൾ

റോമർ 1:27-ൽ പൗലോസ്‌ ഇങ്ങനെ പറയുന്നു: “പുരു​ഷൻമാർ പുരു​ഷൻമാ​രോ​ടു ചേർന്നു ലജ്ജാക​ര​മായ ഭീതി​ദ​കാ​ര്യ​ങ്ങൾ പ്രവർത്തി​ച്ചു, തീർച്ച​യാ​യും അവരുടെ വ്യക്തി​ത്വ​ങ്ങ​ളിൽ ലൈം​ഗിക വികട​ത്ത​ത്തി​ന്റെ പരിണ​ത​ഫ​ലങ്ങൾ ഏററു​വാ​ങ്ങി​ക്കൊ​ണ്ടു​തന്നെ.” (ദ ന്യൂ ടെസ്‌റ​റ​മെൻറ്‌ ഇൻ മോഡേൺ ഇംഗ്ലീഷ്‌, ജെ. ബി. ഫിലി​പ്‌സി​ന്റേത്‌) ഏതു വിധങ്ങ​ളിൽ? ഒരു കാര്യം സ്വവർഗ​സം​ഭോഗ പെരു​മാ​ററം (ഇംഗ്ലീഷ്‌) റിപ്പോർട്ടു ചെയ്യുന്നു: “മദ്യം അമിത​മാ​യി ഉപയോ​ഗി​ക്കു​ക​യും ദുരു​പ​യോ​ഗ​പ്പെ​ടു​ത്തു​ക​യും ചെയ്യു​ന്ന​തി​ന്റെ ദൂഷ്യ​ഫലം സ്വാഭാ​വി​ക​ഭോ​ഗി​ക​ളായ സ്‌ത്രീ​ക​ളെ​ക്കാ​ളും കൂടു​ത​ലു​ള്ളതു സ്വവർഗ​സം​ഭോ​ഗി​ക​ളായ സ്‌ത്രീ​കൾക്കാണ്‌.” സ്വവർഗ​സം​ഭോ​ഗി​ക​ളായ യുവാ​ക്ക​ളു​ടെ ഇടയിൽ ആത്മഹത്യാ​ശ്ര​മങ്ങൾ സാധാ​ര​ണ​മാ​ണെന്നു ചില ഗവേഷകർ അവകാ​ശ​പ്പെ​ടു​ന്നു.

ഏററവും ഗുരു​ത​ര​മായ ഹാനി തട്ടുന്നത്‌ ഒരുവന്റെ ആത്മീയ​ത​യ്‌ക്കാണ്‌. തങ്ങൾ “ദൈവ​ത്തി​ന്റെ ജീവനിൽനിന്ന്‌ അകന്നു​പോ​യി മാനസി​ക​മാ​യി അന്ധകാ​ര​ത്തി​ലാ​ണെന്ന്‌” സ്വവർഗ​സം​ഭോ​ഗി​കൾ മനസ്സി​ലാ​ക്കു​ന്നു. (എഫേസ്യർ 4:18, NW) ബൈബിൾ തത്ത്വങ്ങൾ സംബന്ധിച്ച അറിവ്‌ ഉണ്ടായി​രു​ന്നി​ട്ടും സ്വലിം​ഗ​വർഗ​ത്തിൽപ്പെ​ട്ട​വ​രോട്‌ ആകർഷണം തോന്നു​ന്ന​താ​യി മനസ്സി​ലാ​ക്കുന്ന ദൈവ​ഭ​യ​മുള്ള യുവജ​ന​ങ്ങളെ സംബന്ധി​ച്ചെന്ത്‌? വ്യക്തമാ​യും, അവർ ഒരു കഠിന പോരാ​ട്ടം നടത്തേ​ണ്ട​തുണ്ട്‌. സ്വവർഗ​സം​ഭോ​ഗത്തെ ദൈവം എങ്ങനെ വീക്ഷി​ക്കു​ന്നു എന്നറി​യു​ന്നത്‌ “ദുഷ്ടമാ​യ​തി​നെ വെറു​ക്കാൻ” തീർച്ച​യാ​യും അവരെ സഹായി​ക്കും. (റോമർ 12:9, NW) തെററായ മോഹ​ങ്ങൾക്കു വഴി​പ്പെ​ടു​ന്നത്‌ ഒഴിവാ​ക്കാൻ അവർക്ക്‌ അവലം​ബി​ക്കാൻ കഴിയുന്ന ഒട്ടനവധി പ്രാ​യോ​ഗിക മാർഗ​ങ്ങ​ളുണ്ട്‌. ഒരു ഭാവി ലേഖന​ത്തി​ന്റെ വിഷയം അതായി​രി​ക്കും.

[അടിക്കു​റി​പ്പു​കൾ]

[13-ാം പേജിലെ ചിത്രം]

സ്വവർഗസംഭോഗ ജീവി​ത​രീ​തി​യു​ടെ കൂടപ്പി​റ​പ്പു​ക​ളാ​ണു വിവേ​ച​നാ​ര​ഹി​ത​മായ ലൈം​ഗി​ക​ത​യും വൈകാ​രിക ദുഃഖ​വും രോഗ​വും