യുവജ​നങ്ങൾ ചോദി​ക്കു​ന്നു. . .

എനിക്ക്‌ ഈവക വികാ​രങ്ങൾ ഉള്ളത്‌ എന്തു​കൊണ്ട്‌?

“എന്റെ ഉള്ളിൽ ഒരു യുദ്ധം നടക്കു​ന്ന​തു​പോ​ലെ എനിക്കു തോന്നു​ന്നു. എങ്ങോട്ടു തിരി​യ​ണ​മെന്ന്‌ എനിക്ക​റി​യില്ല.”—ബോബ്‌.

യുവ​പ്രാ​യ​ത്തി​ലുള്ള പലരും സമാന​മായ മാനസിക പീഡനം സഹിക്കു​ന്നുണ്ട്‌. എതിർലിം​ഗ​വർഗ​ത്തിൽപ്പെ​ട്ട​വ​രി​ലുള്ള താത്‌പ​ര്യം കാർന്നു​തി​ന്നു​ന്ന​താ​യി തോന്നുന്ന തങ്ങളുടെ തരപ്പടി​ക്കാ​രിൽനി​ന്നു വ്യത്യ​സ്‌ത​മാ​യി സ്വലിം​ഗ​വർഗ​ത്തിൽപ്പെ​ട്ട​വ​രോ​ടുള്ള തങ്ങളുടെ ആകർഷണം വർധി​ച്ചു​വ​രു​ന്ന​താ​യി അവർ മനസ്സി​ലാ​ക്കു​ന്നു. പലരെ സംബന്ധി​ച്ചും ഇതൊരു വിനാ​ശ​ക​ര​മായ അവബോ​ധ​മാണ്‌.

ഒരു സ്‌ത്രീ തന്റെ മകളെ​ക്കു​റിച്ച്‌ ഇങ്ങനെ പറഞ്ഞു: “അവളുടെ ആരോ​ഗ്യം കുറയാൻ തുടങ്ങി, ഭക്ഷണം കഴിക്കാ​നോ ഉറങ്ങാ​നോ അവൾക്കു കഴിയാ​താ​യി, മാത്രമല്ല അവൾ വിഷാ​ദ​മ​ഗ്ന​യും മ്ലാനവ​തി​യു​മാ​യി​ത്തീർന്നു. ആത്മഹത്യ ചെയ്യാൻ അവൾ ഒരു​മ്പെ​ടു​ക​പോ​ലും ചെയ്‌തു.” ആ കൊടിയ വേദന​യു​ടെ പ്രമുഖ കാരണ​മെ​ന്താ​യി​രു​ന്നു? “സ്‌ത്രീ​സ്വ​വർഗ​സം​ഭോ​ഗ​ത്തെ​ക്കുറി​ച്ചുള്ള തോന്ന​ലു​കൾ അവൾക്കു​ണ്ടാ​യി​രു​ന്നു.” അത്തരം ചായ്‌വു​കളെ തരണം ചെയ്യുക ചിലരെ സംബന്ധി​ച്ചി​ട​ത്തോ​ളം അത്ര എളുപ്പ​മ​ല്ലാ​തി​രു​ന്നേ​ക്കാം. ഒരു ചെറു​പ്പ​ക്കാ​രൻ തുറന്നു​പ​റ​യു​ന്നു, നമുക്ക​വനെ മാർക്ക്‌ എന്നു വിളി​ക്കാം: “ഞാൻ കൗമാ​ര​പ്രാ​യ​ത്തി​ലെ​ത്തു​ന്ന​തി​നു മുമ്പു​തന്നെ ചില സുഹൃ​ത്തു​ക്ക​ളു​മാ​യി സ്വവർഗ​സം​ഭോ​ഗ​ത്തിൽ ഏർപ്പെ​ട്ടു​തു​ടങ്ങി. യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിക്കാൻ തുടങ്ങു​ന്ന​തു​വരെ കൗമാ​ര​പ്രാ​യ​ത്തി​ലും ഞാനതു തുടർന്നു​പോ​ന്നു. പിന്നെ​യും ചില സമയങ്ങ​ളിൽ എന്റെയു​ള്ളിൽ മോശ​മായ വികാ​രങ്ങൾ തങ്ങിനി​ന്നി​രു​ന്നു.”

സ്വലിം​ഗ​വർഗ​ത്തിൽപ്പെ​ട്ട​വ​രോട്‌ ആകർഷണം തോന്നാൻ ഒരു യുവവ്യ​ക്തി​യെ പ്രേരി​പ്പി​ക്കു​ന്നത്‌ എന്താണ്‌? ഒരു യുവവ്യ​ക്തി​യെ അത്തരം വികാ​രങ്ങൾ വ്രണ​പ്പെ​ടു​ത്തു​ന്നു​വെ​ങ്കിൽ എന്തു ചെയ്യണം?

സ്വാഭാ​വി​ക​മോ വളർത്തി​യെ​ടു​ത്ത​തോ?

സ്വവർഗ​സം​ഭോ​ഗി​കൾ ജൻമനാ​തന്നെ ആ സ്വഭാ​വ​ക്കാ​രാ​ണെ​ന്നും ലൈം​ഗി​ക​സ്വ​ഭാ​വം മാററാൻ സാധി​ക്കാ​ത്ത​താ​ണെ​ന്നു​മാണ്‌ ഇക്കാലത്തു പൊതു​വേ​യുള്ള അഭി​പ്രാ​യം. ഉദാഹ​ര​ണ​ത്തിന്‌, ടൈം മാഗസിൻ വ്യക്തമാ​യി ഇങ്ങനെ പ്രഖ്യാ​പി​ച്ചു: “സ്വവർഗ​സം​ഭോ​ഗി​ക​ളായ പുരു​ഷൻമാ​രു​ടെ​യും സ്വാഭാ​വി​ക​ഭോ​ഗി​ക​ളായ പുരു​ഷൻമാ​രു​ടെ​യും തലച്ചോ​റു​കൾ തമ്മിൽ ഘടനാ​പ​ര​മായ വ്യത്യാ​സ​മു​ണ്ടെന്ന്‌ ഒരു പുതിയ പഠനം സൂചി​പ്പി​ക്കു​ന്നു.” എന്നിരു​ന്നാ​ലും, ഈ പഠനം നടത്തി​യത്‌ എയ്‌ഡ്‌സ്‌ പിടിച്ച്‌ മരിച്ചു​പോയ പുരു​ഷൻമാ​രു​ടെ തലച്ചോ​റു​ക​ളി​ലാണ്‌. തീർച്ച​യാ​യും, അതു വാസ്‌തവം തെളി​യി​ക്കു​ന്നില്ല!

മറെറാ​രു സിദ്ധാന്തം ഹോർമോ​ണു​കൾ ഉൾപ്പെ​ടു​ന്ന​താണ്‌. പരീക്ഷ​ണ​ശാ​ല​ക​ളിൽവെച്ച്‌ പുരുഷ ഹോർമോ​ണു​കൾ നീക്കം ചെയ്‌ത എലികൾ ഇണചേർന്ന​പ്പോൾ “സ്‌​ത്രൈണ” സ്വഭാ​വങ്ങൾ കാട്ടി​യ​താ​യി ശാസ്‌ത്രജ്ഞർ നിരീ​ക്ഷി​ച്ചു. സമാന​മാ​യി, ഒരു ജീവശാ​സ്‌ത്ര അപകട​ത്തി​ന്റെ—വളരെ​യ​ധി​കം അല്ലെങ്കിൽ വളരെ​ക്കു​റച്ചു പുരു​ഷ​ഹോർമോ​ണു​കൾക്കു വിധേ​യ​രാ​യ​തി​ന്റെ—ഇരകളാ​യി​രി​ക്കാം സ്വവർഗ​ഭോ​ഗി​ക​ളെന്ന്‌ അവർ നിഗമനം ചെയ്‌തു. എന്നുവ​രി​കി​ലും, എലിക​ളു​ടെ ഇടയിലെ ഈ വിചി​ത്ര​മായ പെരു​മാ​ററം യാന്ത്രി​ക​മായ ഒന്നാ​ണെന്ന്‌—വാസ്‌ത​വ​ത്തിൽ ‘സ്വവർഗ​ഭോ​ഗം’ അല്ലെന്ന്‌—പല ശാസ്‌ത്ര​ജ്ഞ​രും വിശ്വ​സി​ക്കു​ന്നു. മാത്രമല്ല, മനുഷ്യർ എലിക​ള​ല്ല​ല്ലോ. ദ ഹാർവാർഡ്‌ മെഡിക്കൽ സ്‌കൂൾ മെൻറൽ ഹെൽത്ത്‌ ലെററർ ഇങ്ങനെ വാദി​ക്കു​ന്നു: “ജനിക്കു​ന്ന​തി​നു മുമ്പുള്ള ഹോർമോ​ണു​കൾ . . . എലിക​ളു​ടെ ഇണചേരൽ സ്വഭാ​വത്തെ സ്വാധീ​നി​ക്കു​ന്ന​തു​പോ​ലെ മമനു​ഷ്യ​ന്റെ ലൈം​ഗി​ക​തയെ സ്വാധീ​നി​ക്കാ​നുള്ള സാധ്യത ഒട്ടുമില്ല.”

ജീനു​ക​ളെ​ക്കു​റി​ച്ചുള്ള പഠനത്തി​നും കൂടുതൽ ശ്രദ്ധ നൽക​പ്പെ​ട്ടി​ട്ടുണ്ട്‌. സ്വവർഗ​സം​ഭോ​ഗി​ക​ളായ പുരു​ഷൻമാ​രു​ടെ​യും സ്‌ത്രീ​ക​ളു​ടെ​യും ഇടയിൽ ഒരേ​പോ​ലി​രി​ക്കുന്ന ഇരട്ടക്കു​ട്ടി​ക​ളിൽ പകുതി​യും സമാന​മാ​യി സ്വവർഗ​സം​ഭോ​ഗി​ക​ളാണ്‌. ഒരേ ഭ്രൂണ​ത്തിൽനി​ന്നു​ണ്ടായ [ഒരേ​പോ​ലി​രി​ക്കുന്ന] ഇരട്ടകൾ ജനിതക പകർപ്പു​ക​ളാ​യി​രി​ക്കു​ന്ന​തി​നാൽ ഏതോ നിഗൂ​ഢ​മായ ജീനാണ്‌ ഈ വ്യത്യാ​സ​മു​ള​വാ​ക്കി​യ​തെന്ന്‌ നിഗമനം ചെയ്യു​ന്നതു യുക്തി​സ​ഹ​മാ​യി തോന്നു​ന്നു. എന്നാൽ, ഇരട്ടക്കു​ട്ടി​ക​ളിൽ പകുതി പേർ സ്വവർഗ​സം​ഭോ​ഗി​കൾ അല്ല എന്ന കാര്യം ശ്രദ്ധി​ക്കുക. ഈ പ്രവണത ജനിത​ക​പ​ര​മാ​യി പ്രോ​ഗ്രാം ചെയ്യ​പ്പെ​ട്ട​താ​ണെ​ങ്കിൽ എല്ലാ ഇരട്ടകൾക്കും അതു കാണേ​ണ്ട​തല്ലേ? ജീനു​ക​ളും ഹോർമോ​ണു​ക​ളും ഒരു പങ്കു വഹി​ച്ചേ​ക്കാ​മെ​ന്നതു സത്യം​തന്നെ. “ലൈം​ഗി​ക​സ്വ​ഭാ​വ​ത്തിൽ പരിസ്ഥി​തി പ്രധാ​ന​പ്പെട്ട ഒരു പങ്കു വഹിക്കു​ന്നു”വെന്നു തെളിവു “ശക്തമായി സൂചി​പ്പി​ക്കുന്ന”തായുള്ള ചിലരു​ടെ കണ്ടുപി​ടി​ത്തങ്ങൾ സയൻറി​ഫിക്‌ അമേരി​ക്കൻ റിപ്പോർട്ടു ചെയ്‌തു.

പാരി​സ്ഥി​തിക ഘടകങ്ങൾ

പുരാതന ഗ്രീസി​ലെ പാരി​സ്ഥി​തിക ഘടകം കണക്കി​ലെ​ടു​ക്കുക. പൗരാ​ണിക ദൈവ​ങ്ങ​ളെ​ക്കു​റി​ച്ചുള്ള പ്രേമ​ക​ഥകൾ, പ്ലേറേറാ പോലുള്ള തത്ത്വചി​ന്ത​കൻമാ​രു​ടെ എഴുത്തു​കൾ, യുവാക്കൾ തുണി​യു​ടു​ക്കാ​തെ നിന്ന്‌ അഭ്യാസം നടത്തി​യി​രുന്ന ജിം​നേ​ഷ്യ​ത്തി​ലെ സംസ്‌കാ​രം: ഇവയാ​ലെ​ല്ലാം പ്രചോ​ദനം ലഭിച്ച​പ്പോൾ സ്വവർഗ​സം​ഭോ​ഗം ഗ്രീക്കു സംസാ​രി​ക്കുന്ന ശ്രേഷ്‌ഠ​വർഗ​ത്തി​നി​ട​യിൽ ഒരു ഫാഷനാ​യി​ത്തീർന്നു. പുരാതന ഗ്രീസി​ലെ പ്രേമം (ഇംഗ്ലീഷ്‌) എന്ന പുസ്‌തകം പറയു​ന്ന​ത​നു​സ​രിച്ച്‌, “കുലീ​ന​കു​ടും​ബ​ത്തിൽ പിറന്ന ഒരാൺകു​ട്ടിക്ക്‌ ഒരു കാമുക[ൻ] ഇല്ലാതി​രു​ന്നാൽ അതു ലജ്ജാക​ര​മെന്നു ക്രേത്ത​യിൽ കരുത​പ്പെ​ട്ടി​രു​ന്നു.” അത്തരത്തി​ലുള്ള അധോ​ഗ​തി​ക്കു നിഗൂ​ഢ​മായ ഏതെങ്കി​ലും ജീനോ ഹോർമോ​ണോ ആയിരു​ന്നില്ല കാരണം. അതു തഴച്ചു​വ​ള​രാൻ കാരണം ഗ്രീക്കു സംസ്‌കാ​രം അത്‌ അനുവ​ദി​ച്ച​തു​കൊ​ണ്ടാ​യി​രു​ന്നു, അതേ അതിനെ പ്രോ​ത്സാ​ഹി​പ്പി​ച്ച​തു​കൊ​ണ്ടാ​യി​രു​ന്നു! പരിസ്ഥി​തി​ക്കു വഹിക്കാൻ കഴിയുന്ന പങ്ക്‌ എത്ര ശക്തമാ​ണെന്ന്‌ ഇതു നന്നായി ചിത്രീ​ക​രി​ക്കു​ന്നു.

സ്വവർഗ​സം​ഭോ​ഗത്തെ അനുകൂ​ലി​ച്ചു​കൊ​ണ്ടുള്ള പ്രചാ​ര​ണ​ത്തി​ന്റെ ബാഹു​ല്യം ഇന്ന്‌ ആ വീക്ഷണം വ്യാപ​ക​മാ​യി​ത്തീ​രാൻ കാരണ​മാ​യി​രി​ക്കു​ന്നു. സ്വവർഗ​സം​ഭോ​ഗ​ത്തെ​ക്കു​റി​ച്ചുള്ള സൂചനകൾ ടിവി​യി​ലും സിനി​മ​ക​ളി​ലും സംഗീ​ത​ത്തി​ലും മാസി​ക​ക​ളി​ലും ധാരാ​ള​മാണ്‌. കേബിൾ ടെലി​വി​ഷൻ പച്ചയായ അശ്ലീലം ചില ചെറു​പ്പ​ക്കാർക്ക്‌ അനായാ​സം ലഭ്യമാ​ക്കി​യി​രി​ക്കു​ന്നു. ദ്വിലിം​ഗ (പുരു​ഷ​നോ സ്‌ത്രീ​യോ എന്നു തിരി​ച്ച​റി​യാൻ കഴിയാത്ത) വസ്‌ത്ര​ധാ​ര​ണ​രീ​തി​ക​ളും ചമയവും സ്‌​റൈ​റ​ലാ​യി​ത്തീർന്നി​രി​ക്കു​ക​യാണ്‌. ചില സ്‌ത്രീ​വി​മോ​ച​ന​വാ​ദി​കൾ പ്രോ​ത്സാ​ഹി​പ്പി​ക്കുന്ന പുരു​ഷ​വി​രുദ്ധ പ്രചര​ണ​വും സ്‌ത്രീ​സ്വ​വർഗ​സം​ഭോ​ഗ​ത്തി​ന്റെ വർധന​വി​നു കാരണ​മാ​യി​ട്ടു​ണ്ടെന്നു ചില വിദഗ്‌ധർ കരുതു​ന്നു. സ്വവർഗ​സം​ഭോഗ ജീവി​ത​രീ​തി​ക്കു വേണ്ടി പരസ്യ​മാ​യി വാദി​ക്കുന്ന സഹപാ​ഠി​ക​ളു​മാ​യുള്ള സഹവാ​സ​വും യുവജ​നങ്ങൾ മോശ​മായ സ്വാധീ​ന​ങ്ങൾക്കു വിധേ​യ​രാ​കാൻ ഇടയാ​ക്കി​യേ​ക്കാം.—1 കൊരി​ന്ത്യർ 15:33.

പിതാ​വും പുത്ര​നും

മാത്രമല്ല, ചില​പ്പോൾ തെററായ കുടും​ബാ​ന്ത​രീ​ക്ഷ​വും ഒരു മുഖ്യ പങ്കു വഹിക്കു​ന്ന​താ​യി തോന്നു​ന്നു, പ്രത്യേ​കിച്ച്‌ ആണുങ്ങ​ളു​ടെ ഇടയിൽ.a ഒരു കുട്ടി​യു​ടെ വൈകാ​രിക വളർച്ച​യിൽ ഒരു പിതാ​വി​നുള്ള സ്ഥാനം വളരെ വലുതാണ്‌. (എഫെസ്യർ 6:4) നിങ്ങളു​ടെ കുടും​ബ​ജീ​വി​തം സന്തുഷ്ട​മാ​ക്കൽ എന്ന പുസ്‌തകം ഇങ്ങനെ പറയുന്നു: “പിതാ​വി​ന്റെ പുരു​ഷ​ത്വ​ഗു​ണ​ങ്ങ​ളു​ടെ സ്വാധീ​ന​ത്തിന്‌ തികവും സമനി​ല​യു​മുള്ള വ്യക്തി​ത്വ​ത്തി​ന്റെ വികാ​സ​ത്തിന്‌ മർമ്മ​പ്ര​ധാ​ന​മായ സംഭാവന ചെയ്യാൻ കഴിയും.”b ഒരാൺകു​ട്ടിക്ക്‌ അവന്റെ പിതാ​വി​ന്റെ സ്‌നേ​ഹ​വും അംഗീ​കാ​ര​വും ആവശ്യ​മാണ്‌. (താരത​മ്യം ചെയ്യുക: ലൂക്കൊസ്‌ 3:22.) ആവശ്യ​മായ ഈ ശ്രദ്ധ ഒരു പിതാവ്‌ അയാളു​ടെ കുട്ടിക്കു കൊടു​ക്കാൻ പരാജ​യ​പ്പെ​ടു​ന്ന​തി​ന്റെ ഫലമെ​ന്താ​യി​രി​ക്കാം? വൈകാ​രിക ദുഃഖം. “മിക്ക​പ്പോ​ഴും​തന്നെ കുടും​ബ​ബ​ന്ധ​ങ്ങ​ളി​ലെ, പ്രത്യേ​കിച്ച്‌ പിതാ​വും പുത്ര​നും തമ്മിലുള്ള ബന്ധങ്ങളി​ലെ, പ്രശ്‌ന​ങ്ങ​ളു​ടെ ഫലമാണ്‌” പുരു​ഷ​സ്വ​വർഗ​സം​ഭോ​ഗം എന്ന്‌ മാനസി​കാ​രോ​ഗ്യ വിഭാ​ഗ​ത്തി​ലെ എഴുത്തു​കാ​ര​നായ ജോസഫ്‌ നിക്ക​ളോ​സി അവകാ​ശ​പ്പെ​ടു​ന്നു.

ഭർത്താ​വി​നെ തരംതാ​ഴ്‌ത്തു​ക​യോ മകന്റെ​മേൽ അമിത​മായ അവകാ​ശ​ഭാ​വം കാട്ടു​ക​യോ ചെയ്യുന്ന ഒരു മാതാവ്‌ സാഹച​ര്യ​ത്തെ അറിയാ​തെ​തന്നെ വഷളാ​ക്കി​യേ​ക്കാം. സ്‌​ത്രൈ​ണ​സ്വ​ഭാ​വം കാട്ടിയ ആൺകു​ട്ടി​ക​ളെ​ക്കു​റി​ച്ചു നടത്തിയ ഒരു പഠനം ഇങ്ങനെ നിരീ​ക്ഷി​ച്ചു: “ചില മാതാ​പി​താ​ക്കൾ ആഗ്രഹി​ച്ചത്‌ ആൺകു​ട്ടി​യല്ല, ഒരു പെൺകു​ട്ടി ജനിക്കാ​നാണ്‌, അതു​കൊണ്ട്‌ പെൺകു​ട്ടി​യെ​പ്പോ​ലെ വസ്‌ത്രം ധരിക്കാൻ അവർ തങ്ങളുടെ കൊച്ചു​മ​കനെ തന്ത്രപൂർവം പ്രോ​ത്സാ​ഹി​പ്പി​ക്കു​ക​യോ ആ വിധത്തിൽ അവനെ വസ്‌ത്ര​മ​ണി​യി​ക്കു​ക​യോ ചെയ്‌തി​രു​ന്നു.”

വികല​മാ​യ ലൈം​ഗി​ക​വി​കാ​ര​ങ്ങ​ളു​ടെ ഉത്തരവാ​ദി​ത്വം സ്വത​വേ​തന്നെ ഒരുവന്റെ മാതാ​പി​താ​ക്ക​ളു​ടെ​മേൽ കെട്ടി​വെ​ക്കാം എന്നു കാണി​ക്കാ​നല്ല ഇതു പറഞ്ഞത്‌. അമിത​മായ അവകാ​ശ​ഭാ​വം കാട്ടുന്ന അമ്മമാ​രു​ടെ​യും അവഗണന കാട്ടു​ക​യോ വീട്ടി​ലി​ല്ലാ​തി​രി​ക്കു​ക​യോ ദ്രോ​ഹി​ക്കു​ക​യോ ചെയ്യുന്ന പിതാ​ക്കൻമാ​രു​ടെ​യും കൂടെ വളർന്നു​വ​ന്നി​ട്ടു​പോ​ലും അനേകം പുരു​ഷൻമാർ ആണുങ്ങൾക്കു ചേർന്ന വ്യക്തി​ത്വ​ങ്ങൾ വളർത്തി​യെ​ടു​ത്തി​ട്ടുണ്ട്‌. മാത്രമല്ല, സ്വവർഗ​സം​ഭോ​ഗ​ത്തോ​ടു ചായ്‌വുള്ള എല്ലാവ​രും താറു​മാ​റായ കുടും​ബ​ങ്ങ​ളിൽനി​ന്നു​ള്ള​വ​രാണ്‌ എന്ന്‌ അവശ്യം കരു​തേ​ണ്ട​തില്ല. എന്നാൽ, ചില ആൺകു​ട്ടി​കൾ വളരെ പ്രത്യേ​ക​മായ ഒരു വിധത്തിൽ വ്രണി​ത​രാ​കു​ന്ന​താ​യി കാണ​പ്പെ​ടു​ന്നുണ്ട്‌. “പിതാവു ത്യജിച്ചു എന്ന ആദ്യകാല ബോധ​ത്തി​ന്റെ ഫലമായി . . . പുരു​ഷ​ത്വ​ത്തോ​ടു ബന്ധപ്പെട്ട ആ ഗുണങ്ങ​ളു​ടെ കാര്യ​ത്തിൽ അതായത്‌ ശക്തി, ദൃഢത, ബലം എന്നിവ​യു​ടെ കാര്യ​ത്തിൽ സ്വവർഗ​സം​ഭോ​ഗി ബലഹീ​ന​ത​യും അപര്യാ​പ്‌ത​താ​ബോ​ധ​വും കൂടെ കൊണ്ടു​ന​ട​ക്കു​ന്നു. സ്വന്തം പുരു​ഷ​ത്വ​ത്തോ​ടുള്ള അബോ​ധ​പൂർവ​ക​മായ ഒരു പോരാ​ട്ടം നിമിത്തം അയാൾ പുരു​ഷ​ശ​ക്തി​യി​ലേക്ക്‌ ആകർഷി​ക്ക​പ്പെ​ടു​ന്നു” എന്ന്‌ ഡോ. നിക്ക​ളോ​സി അവകാ​ശ​പ്പെ​ടു​ന്നു.

പീററർ എന്നു പേരുള്ള ഒരു ക്രിസ്‌തീയ യുവാവ്‌ ഇപ്രകാ​രം എഴുതു​ന്നു: “മദ്യാ​സ​ക്ത​നാ​യി​രുന്ന എന്റെ പിതാവ്‌ അമ്മയെ ദിവസ​വും തല്ലുമാ​യി​രു​ന്നു, ചില​പ്പോൾ കുട്ടി​ക​ളായ ഞങ്ങളെ​യും. എനിക്ക്‌ 12 വയസ്സു​ള്ള​പ്പോൾ അദ്ദേഹം വീടു​വി​ട്ടു​പോ​യി. ഒരു പിതാ​വി​ന്റെ അഭാവം എനിക്കു ഭയങ്കര​മാ​യി അനുഭ​വ​പ്പെട്ടു. എല്ലാ ദിവസ​വും അനുഭ​വ​പ്പെട്ട ആ വിടവു നികത്താൻ ഒരാളു​ണ്ടാ​യി​രു​ന്നെ​ങ്കിൽ എന്ന അഭിലാ​ഷം സദാ എന്നിലു​ണ്ടാ​യി​രു​ന്നു. ഒടുക്കം ഒരു നല്ല ക്രിസ്‌തീയ മനുഷ്യ​നു​മാ​യി ഞാൻ സൗഹൃദം വളർത്തി​യെ​ടു​ത്തു, അദ്ദേഹം ആ ആവശ്യ​ത്തിന്‌ ഉതകു​മെന്നു ഞാൻ കരുതി, എന്നാൽ എനിക്ക്‌ അദ്ദേഹ​ത്തോ​ടു ലൈം​ഗിക വികാ​രങ്ങൾ തോന്നി​ത്തു​ട​ങ്ങു​ക​യാ​ണു ചെയ്‌തത്‌.”

രസാവ​ഹ​മെ​ന്നു പറയട്ടെ, വളരെ​യ​ധി​കം സ്വവർഗ​സം​ഭോ​ഗി​കൾ ശൈശ​വ​കാ​ലത്തെ ലൈം​ഗിക ദുരു​പ​യോ​ഗ​ത്തി​ന്റെ ഇരകളാണ്‌.c അത്തരം ലൈം​ഗിക ദുരു​പ​യോ​ഗ​ത്തി​നു നീണ്ടു​നിൽക്കുന്ന ശാരീ​രി​ക​വും വൈകാ​രി​ക​വു​മായ വിന വരുത്തി​വെ​ക്കാൻ കഴിയും. അതു ചിലരിൽ, ഒരു എഴുത്തു​കാ​രി “വികല​മായ ലൈം​ഗിക താദാ​ത്മ്യം” എന്നു വിളിച്ച സംഗതി ഉളവാ​ക്കി​യേ​ക്കാം. പുരാതന സോ​ദോ​മിൽ ഇതു സംഭവി​ച്ചു എന്നതു സ്‌പഷ്ടം. അവിടത്തെ ബാലൻമാർ വികല​മായ ലൈം​ഗിക ബന്ധങ്ങ​ളോട്‌ അത്യാർത്തി പൂണ്ട വിശപ്പു പ്രകട​മാ​ക്കി. (ഉല്‌പത്തി 19:4, 5) വ്യക്തമാ​യും അവർ മുതിർന്ന​വ​രു​ടെ ചൂഷണ​ത്തി​ന്റെ ഒരു ഉത്‌പ​ന്ന​മാ​യി​രു​ന്നു.

ധാർമിക വിവാ​ദ​വി​ഷ​യം

ഒരേ ലിംഗ​വർഗ​ത്തിൽപ്പെ​ട്ട​വ​രോ​ടുള്ള ആകർഷ​ണ​ത്തിൽ പ്രകൃ​തി​യും വളർത്തി​യെ​ടുത്ത സ്വഭാ​വ​വും എത്രമാ​ത്രം പങ്കു വഹിക്കു​ന്നു​വെന്ന പ്രശ്‌നം ശാസ്‌ത്രജ്ഞർ ഒരിക്ക​ലും പരിഹ​രി​ച്ചി​ല്ലെ​ന്നു​വ​രാം. എന്നാൽ, ഒരു കാര്യം വ്യക്തമാണ്‌: മോശ​മായ ചിന്ത​യോ​ടും ചായ്‌വു​ക​ളോ​ടും ഇഴുകി​ച്ചേ​രാ​നുള്ള ഒരു പ്രവണ​ത​യോ​ടെ​യാണ്‌ സകല മനുഷ്യ​രും ജനിക്കു​ന്നത്‌.—റോമർ 3:23.

അതു​കൊണ്ട്‌ ദൈവത്തെ പ്രസാ​ദി​പ്പി​ക്കാ​നാ​ഗ്ര​ഹി​ക്കുന്ന ഒരു യുവാവ്‌ ദൈവ​ത്തി​ന്റെ ധാർമിക നിലവാ​ര​ങ്ങ​ളോ​ടു പൊരു​ത്ത​പ്പെ​ടു​ക​യും അധാർമിക പെരു​മാ​റ​റത്തെ ത്യജി​ക്കു​ക​യും ചെയ്യേ​ണ്ട​തുണ്ട്‌, അങ്ങനെ ചെയ്യു​ന്നതു കൊടിയ വേദന വരുത്തും​വി​ധം ദുഷ്‌ക​ര​മാ​യി​രി​ക്കാ​മെ​ങ്കി​ലും. ചിലർ “ക്രോ​ധ​ത്തി​നു പ്രവണത”യുള്ളവ​രാ​ണെന്നു ബൈബിൾ പറയുന്നു. (തീത്തോസ്‌ 1:7, NW) അതു​പോ​ലെ ചിലർ സ്വവർഗ​ര​തി​യോ​ടു വളരെ​യ​ധി​കം ആഭിമു​ഖ്യം പുലർത്തി​യേ​ക്കാ​മെ​ന്നതു സത്യം​തന്നെ. എന്നിട്ടും ബൈബിൾ പിന്നെ​യും നീതി​ര​ഹി​ത​മായ കോപ​പ്ര​ക​ട​ന​ങ്ങളെ കുററം​വി​ധി​ക്കു​ക​തന്നെ ചെയ്യുന്നു. (എഫെസ്യർ 4:31) അതു​പോ​ലെ​തന്നെ, ‘ജൻമനാ അങ്ങനെ​യാണ്‌’ എന്നു പറഞ്ഞു​കൊണ്ട്‌ ഒരു ക്രിസ്‌ത്യാ​നിക്ക്‌ അധാർമിക പെരു​മാ​റ​റ​ത്തിന്‌ ഒഴിക​ഴി​വു കണ്ടെത്താ​നാ​വില്ല. കുട്ടി​കളെ ലൈം​ഗി​ക​മാ​യി ദുരു​പ​യോ​ഗം ചെയ്യു​ന്നവർ കുട്ടി​ക​ളോ​ടുള്ള തങ്ങളുടെ തൃഷ്‌ണ “സഹജ”മാണെന്നു പറയു​മ്പോൾ ദൈന്യ​മായ അതേ ഒഴിക​ഴി​വാ​ണു കണ്ടെത്തു​ന്നത്‌. എന്നാൽ, അവരുടെ ലൈം​ഗിക തൃഷ്‌ണ വികല​മാണ്‌ എന്ന കാര്യം ആർക്കെ​ങ്കി​ലും നിഷേ​ധി​ക്കാ​നാ​വു​മോ? അങ്ങനെ​ത​ന്നെ​യാണ്‌ ഒരേ ലിംഗ​വർഗ​ത്തിൽപ്പെട്ട ആരോ​ടെ​ങ്കി​ലു​മുള്ള ലൈം​ഗിക മോഹ​വും.

ആയതി​നാൽ ഒരേ ലിംഗ​വർഗ​ത്തിൽപ്പെ​ട്ട​വ​രോട്‌ ആകർഷണം തോന്നു​ന്നു​വെന്നു മനസ്സി​ലാ​ക്കുന്ന യുവജ​നങ്ങൾ തങ്ങളുടെ വികാ​ര​ങ്ങൾക്കു വഴങ്ങി​ക്കൊ​ടു​ക്കു​ന്നത്‌ ഒഴിവാ​ക്കണം. എന്നാൽ, എന്തു​കൊ​ണ്ടാ​ണു ബൈബിൾ സ്വവർഗ​ര​തി​യെ ഇത്ര വ്യക്തമാ​യി കുററം​വി​ധി​ക്കു​ന്നത്‌? ആ ജീവി​ത​രീ​തി വാസ്‌ത​വ​ത്തിൽ അനാ​രോ​ഗ്യ​ക​ര​വും വികല​വു​മാ​ണോ? അങ്ങനെ​യെ​ങ്കിൽ, അതൊ​ഴി​വാ​ക്കാൻ ഒരു യുവാ​വിന്‌ എന്തു ചെയ്യാ​നാ​കും? ഉണരുക!യുടെ ഒരു ഭാവി​ല​ക്ക​ത്തിൽ ഈ ചോദ്യ​ങ്ങൾ ചർച്ച ചെയ്യ​പ്പെ​ടു​ന്ന​താ​യി​രി​ക്കും.

[അടിക്കു​റി​പ്പു​കൾ]