ലോകത്തെ വീക്ഷിക്കൽ

അവിവാ​ഹിത ഇണകൾ

ഐക്യ​നാ​ടു​ക​ളിൽ ഒരുമി​ച്ചു പാർക്കുന്ന അവിവാ​ഹി​ത​രായ ആളുക​ളു​ടെ സംഖ്യ എല്ലാകാ​ല​ത്തേ​തി​ലും ഉയർന്ന്‌ രണ്ടുല​ക്ഷ​ത്തി​ഇ​രു​പ​ത്തീ​രാ​യി​രം ആയിരി​ക്കു​ന്നു എന്ന്‌ കഴിഞ്ഞ ഡിസം​ബ​റിൽ സെൻസസ്‌ ബ്യൂറോ റിപ്പോർട്ടു ചെയ്‌തു. അതിനു മുമ്പി​ലത്തെ വർഷത്തെ സംഖ്യ ഒരുല​ക്ഷ​ത്തി​തൊ​ണ്ണൂ​റ്റെ​ട്ടാ​യി​രം ആയിരു​ന്നു. അങ്ങനെ, അവിവാ​ഹിത ഇണകളു​ടെ കുടും​ബ​ങ്ങ​ളു​ടെ, 1985-ൽ താല്‌ക്കാ​ലി​ക​മാ​യി താമസി​ച്ച​വ​രാ​ണ​ങ്കി​ലും, വർദ്ധി​ക്കു​ന്ന​തി​നുള്ള പ്രവണത തുടരു​ന്നു. ആ ബ്യൂ​റോ​യു​ടെ കണക്കനു​സ​രിച്ച്‌ ഐക്യ​നാ​ടു​ക​ളിൽ ഇപ്പോൾ മൊത്ത​മുള്ള ഇണകളു​ടെ 4.1 ശതമാനം അവിവാ​ഹിത ഇണകളാണ്‌.

അസാധാ​രണ “മോചനം”

ആസ്‌​ട്രേ​ലി​യാ​യി​ലെ മെൽബോ​ണിൽ ഒരു 15 വയസ്സുള്ള ആൺകുട്ടി ഈ അടുത്ത കാലത്ത്‌ തന്റെ മാതാ​പി​താ​ക്ക​ളിൽനിന്ന്‌ ഒരു “വിമോ​ചനം” സമ്പാദി​ച്ചു. അയാളെ സംസ്ഥാ​ന​ത്തി​ന്റെ സംരക്ഷ​ണ​യിൽ ആക്കുന്ന​തിന്‌ ഒരു ചിൽഡ്രൻസ്‌ കോർട്ട്‌ ഓർഡ​റി​നു​വേണ്ടി അയാൾ അപേക്ഷി​ച്ചി​രു​ന്നു. കാരണ​ങ്ങ​ളോ? “പൊരു​ത്ത​പ്പെ​ടാൻ സാദ്ധ്യ​മ​ല്ലാത്ത അഭി​പ്രായ വ്യത്യാ​സങ്ങൾ!” ദി ആസ്‌​ട്രേ​ലി​യൻ പറയു​ന്ന​ത​നു​സ​രിച്ച്‌, തങ്ങളുടെ മകൻ ‘ചീത്ത കൂട്ടു​കെ​ട്ടിൽ വീണു​പോ​യി​രു​ന്നു’ ക്രമാ​യി സ്‌കൂ​ളും നഷ്ടപ്പെ​ടു​ത്തി​യി​രു​ന്നു എന്ന്‌ മാതാ​പി​താ​ക്കൾ തറപ്പിച്ചു പറഞ്ഞു. അവർ അയാളു​ടെ ദുഷിച്ച നടത്ത​ക്കെ​തി​രെ ഒരു നിലപാട്‌ എടുത്ത​പ്പോൾ അയാൾ വീട്ടിൽ നിന്ന്‌ ഓടി​പ്പോ​ക​യും മാതാ​പി​താ​ക്കൾക്കെ​തി​രെ നിയമ​പ​ര​മായ പടികൾ ആരംഭി​ക്ക​യും ചെയ്‌തു. കുട്ടി അയാളു​ടെ മാതാ​പി​താ​ക്കളെ വിശേ​ഷിച്ച്‌ തന്റെ മാതാ​വി​നെ ഭയപ്പെ​ടു​ന്നു എന്നു പറഞ്ഞതി​നാൽ, കോർട്ട്‌ മജിസ്‌​ട്രേ​റ്റ്‌ കുട്ടിയെ സംസ്ഥാ​ന​ത്തി​ന്റെ സംരക്ഷ​ണ​യി​ലാ​ക്കാൻ കല്‌പന നൽകി. ഇപ്പോൾ അയാൾ മെൽബോ​ണി​ലുള്ള ഒരു വളർത്തു കുടും​ബ​ത്തി​ന്റെ കൂടെ ജീവി​ക്കു​ന്നു.

അവർ സമാധാ​ന​ത്തി​നു​വേണ്ടി പ്രാർത്ഥി​ച്ചു

ജോൺ പോപ്പ്‌ II-ാമന്റെ അഭ്യർത്ഥ​ന​യ​നു​സ​രിച്ച്‌ 12 വ്യത്യസ്‌ത വിശ്വാ​സ​ങ്ങ​ളിൽ നിന്നുള്ള, ലോക​ത്തി​ലെ എല്ലാ വലിയ മതങ്ങ​ളെ​യും പ്രതി​നി​ധീ​ക​രി​ക്കുന്ന, ആത്മീയ നേതാ​ക്കൻമാർ കഴിഞ്ഞ ഒക്‌ടോ​ബ​റിൽ ഇറ്റലി​യി​ലെ അസ്സീസി​യിൽ സമ്മേളി​ച്ചു. അവർ “സമാധാ​ന​ത്തി​നു​വേ​ണ്ടി​യുള്ള ലോക പ്രാർത്ഥ​നാ​ദിന”ത്തിലേ​ക്കുള്ള പ്രതി​നി​ധി​ക​ളാ​യി​ട്ടാ​യി​രു​ന്നു വന്നത്‌. അവരുടെ ലക്ഷ്യം: 24 മണിക്കൂർ ആഗോള സമാധാ​നം. കുറഞ്ഞത്‌ 11 രാഷ്‌ട്രങ്ങൾ താല്‌ക്കാ​ലി​ക​മാ​യി പോരാ​ട്ടം നിർത്തി​യെന്നു റിപ്പോർട്ടു ചെയ്‌തു, എന്നാൽ വടക്കൻ അയർലണ്ട്‌, ലെബാ​നോൻ തുടങ്ങിയ മറ്റു​ള്ള​വ​യിൽ അക്രമം നിലനി​ന്നു.

ലോക​വ്യാ​പക സമാധാ​ന​ത്തി​നു​വേ​ണ്ടി​യുള്ള തങ്ങളുടെ തിരച്ചി​ലിൽ യോജി​ച്ചെ​ങ്കി​ലും, ആ പ്രതി​നി​ധി​കൾ മതപര​മായ നിരക​ളിൽ വിഭജി​ക്ക​പ്പെ​ട്ടി​രു​ന്നു. അവർ ഒരുമി​ച്ചു പ്രാർത്ഥി​ക്കു​ന്ന​തി​നല്ല വന്നത്‌, എന്നാൽ പാപ്പാ പറഞ്ഞതു​പോ​ലെ, “പ്രാർത്ഥി​ക്കു​ന്ന​തിൽ ഒരുമി​ക്കു​ന്ന​തിന്‌” ആയിരു​ന്നു. 155-ഓ അധിക​മോ മതനേ​താ​ക്കൻമാർ, ഓരോ വിശ്വാ​സ​ത്തി​ലു​ള്ള​വ​രും തിരിഞ്ഞു പ്രാർത്ഥി​ക്കു​ന്ന​തിന്‌ 12 കൂട്ടങ്ങ​ളാ​യി പിരിഞ്ഞു. പ്രതി​നി​ധീ​ക​രി​ച്ചി​രുന്ന “മത കുടും​ബ​ങ്ങ​ളിൽ” ചിലവ: ബുദ്ധമ​ത​ക്കാർ, ഹിന്ദുക്കൾ, മുസ്ലീങ്ങൾ, ഷിന്റോ​മ​ത​ക്കാർ, സൊറാ​സ്‌ട്രി​യൻ മതക്കാർ, ആഫ്രിക്കൻ അനിമി​സ്‌റ്റു​കൾ, യഹൂദൻമാർ, അമേരി​ക്കൻ ഇൻഡ്യാ​ക്കാർ എന്നിവർ ആയിരു​ന്നു. ന്യൂ​യോർക്ക്‌ ടൈംസ്‌ അനുസ​രിച്ച്‌, ബുദ്ധമത നേതാ​വായ ദലൈ ലാമാ, “സാൻ പിയെ​ട്രോ​യി​ലെ പള്ളിയു​ടെ കൂടാ​ര​ത്തി​ന്റെ മുകളിൽ ഒരു ചെറിയ ബുദ്ധ വിഗ്രഹം വെച്ച​ശേഷം അതിനു​ചു​റ്റും പ്രാർത്ഥനാ ചുരു​ളു​ക​ളും എരിയുന്ന ധൂപവർഗ്ഗ​ങ്ങ​ളും അർപ്പി​ച്ചു​കൊണ്ട്‌ ബലിപീ​ഠത്തെ രൂപാ​ന്ത​ര​പ്പെ​ടു​ത്തി.” കാകൻ വർഗ്ഗത്തി​ലെ രണ്ട്‌ അമേരി​ക്കൻ ഇൻഡ്യാ​ക്കാ​രായ ജോണും ബർട്ടൺ പ്രിറ്റി​യും, “അവസാന ചടങ്ങിൽ മുകളി​ലത്തെ അറ്റത്ത്‌ ഒരു സമാധാന കുഴൽ പുകച്ചു.”

വേദനാ ചെലവു​കൾ

“വേദന​യു​ടെ ഉയർന്ന ചെലവി​നെ”ക്കുറിച്ച്‌ ദി ന്യൂ​പ്രിൻ പെയിൻ റിപ്പോർട്ട്‌, ഐക്യ​നാ​ടു​ക​ളിൽ ജോലി​ക്കാർ ഒരു തരത്തി​ല​ല്ലെ​ങ്കിൽ മറ്റൊ​രു തരത്തി​ലുള്ള വേദന അനുഭ​വി​ക്കു​ന്ന​തു​മൂ​ലം ഓരോ വർഷവും 55 കോടി ജോലി ദിവസങ്ങൾ നഷ്ടപ്പെ​ടു​ന്നു എന്നു കാണിച്ചു. 15 കോടി 70 ലക്ഷം ജോലി ദിവസം നഷ്ടപ്പെ​ടു​ത്തി​ക്കൊണ്ട്‌ തലവേദന ലിസ്‌റ്റി​ന്റെ ആദ്യം വരുന്നു. വിവി​ധ​തരം അസ്ഥി—സന്ധി വേദനകൾ 10 കോടി 80 ലക്ഷം പ്രവൃത്തി ദിവസങ്ങൾ നഷ്ടപ്പെ​ടു​ത്തി​ക്കൊണ്ട്‌ രണ്ടാമ​തും വരുന്നു. തുടർന്ന്‌ വയറു​വേ​ദ​നകൾ 9 കോടി 90 ലക്ഷവും, പുറം​വേ​ദ​നകൾ 8 കോടി 90 ലക്ഷവും പേശി​വേ​ദ​നകൾ ആർത്തവ​സം​ബ​ന്ധ​മായ വേദനകൾ 2 കോടി 50 ലക്ഷവും പല്ലു​വേ​ദ​നകൾ 1 കോടി 50 ലക്ഷവും വീതം പ്രവൃത്തി ദിവസങ്ങൾ നഷ്ടപ്പെ​ടു​ത്തു​ന്നു.

ശൂന്യാ​കാശ ചവറ്റു​കൂ​ന

ആയിര​ത്തി​ത്തൊ​ള്ളാ​യി​രത്തി അൻപത്തി​യേഴ്‌ ഒക്‌ടോ​ബർ 4-ാം തീയതി ഒരു പരീക്ഷ​ണ​ത്തിൽ സ്‌പു​ട്ട്‌നിക്ക്‌ പൊട്ടി​ത്തെ​റി​ച്ചതു മുതൽ മനുഷ്യൻ ഏതാണ്ട്‌ 3,500 ശൂന്യാ​കാ​ശ​വാ​ഹ​നങ്ങൾ ഭ്രമണ​പ​ഥ​ത്തി​ലേക്ക്‌ തൊടു​ത്തു വിട്ടു​ട്ടുണ്ട്‌. കഴിഞ്ഞ​വർഷം മദ്ധ്യത്തിൽ, സഞ്ചാര​പ​ഥ​ത്തിൽ 1,619 കൃത്രി​മോ​പ​ഗ്ര​ഹ​ങ്ങ​ളും ശൂന്യാ​കാശ ഗവേഷണ വാഹന​ങ്ങ​ളും ഉണ്ടായി​രു​ന്നു, 1,876 എണ്ണം തകർന്നി​ട്ടു​മുണ്ട്‌ എന്ന്‌ ഒരു അപഗ്ര​ഥനം വെളി​പ്പെ​ടു​ത്തി. കൂടാതെ, അസംഖ്യം റോക്ക​റ്റ്‌ സ്‌റ്റേ​ജു​ക​ളും കൃത്രി​മോ​പ​ഗ്രഹം ഭ്രമണ​പ​ഥ​ത്തിൽ വിടു​മ്പോൾ ആവശ്യ​മായ കവറുകൾ ബോൾട്ടു​കൾ മുതലായ മറ്റു അവശി​ഷ്ട​ങ്ങ​ളും ഇപ്പോ​ഴും ഭൂമിയെ വലയം ചെയ്‌തു​കൊ​ണ്ടി​രി​ക്കു​ന്നു. ജർമ്മൻ മാസി​ക​യായ ലഫ്‌റ്റ്‌—ഉൺഡ്‌ റാംഫാർട്ട്‌ അനുസ​രിച്ച്‌ 1986 ജൂൺ 30-ന്‌ ഈ തരത്തി​ലുള്ള പൊട്ടി​ത്തെ​റിച്ച അവശി​ഷ്ടങ്ങൾ രേഖ​പ്പെ​ടു​ത്ത​പ്പെ​ട്ട​വ​യാ​യി 4,457 എണ്ണമുണ്ട്‌.

സ്വവർഗ്ഗ​രതി സംബന്ധിച്ച വത്തിക്കാ​ന്റെ വീക്ഷണം

കത്തോ​ലി​ക്കാ​സഭ ഒരു പുതിയ പ്രമാ​ണ​ത്തി​ലൂ​ടെ സ്വവർഗ്ഗ​ര​തി​യെ സംബന്ധിച്ച അതിന്റെ മുൻ ഉപദേ​ശങ്ങൾ പ്രബല​പ്പെ​ടു​ത്തി. ആദ്യമാ​യി, സഭ സ്വവർഗ്ഗ​ര​തി​യോ​ടുള്ള കേവല ചായ്‌വി​നെ ഒരു “ഉദ്ദേശ്യ​പൂർവ്വ​ക​മായ അച്ചടക്ക​മി​ല്ലായ്‌മ” എന്നനി​ല​യിൽ വ്യക്തമാ​യി കുറ്റം​വി​ധി​ച്ചു. മുൻ പ്രസ്‌താ​വ​ന​ക​ളിൽ സഭ സ്വവർഗ്ഗ​രതി ക്രിയ​ക​ളു​ടെ പാപപൂർണ്ണ​ത​യിൽ കേന്ദ്രീ​ക​രി​ച്ചി​രു​ന്നു. അതു നേരിട്ട്‌ പരാമർശി​ക്കു​ന്നി​ല്ലെ​ങ്കി​ലും ആ പ്രമാണം സ്വവർഗ്ഗ​ര​തി​യെ പിൻതാ​ങ്ങു​ന്ന​തി​നെ വിമർശി​ച്ച​പ്പോൾ എയ്‌ഡ്‌സ്‌ എന്ന പകർച്ച​വ്യാ​ധി​യെ സംബന്ധി​ച്ചു സൂചി​പ്പി​ച്ചു. വത്തിക്കാ​ന്റെ വിശ്വാ​സ​പ്ര​മാ​ണ​ത്തി​നു​വേ​ണ്ടി​യുള്ള വിശുദ്ധ സഭ പ്രസി​ദ്ധീ​ക​രി​ക്ക​യും ലോക​ത്തി​നു​ചു​റ്റു​മുള്ള എല്ലാ കത്തോ​ലി​ക്കാ ബിഷപ്പൻമാർക്കും അയച്ചു​കൊ​ടു​ക്ക​യും ചെയ്‌ത ആ പ്രമാണം സ്വവർഗ്ഗ രതി​ക്രി​യ​ക​ളിൽ ഏർപ്പെ​ടുന്ന ആളുകൾ ഒരു “യഥാർത്ഥ ധാർമ്മിക ദുഷ്‌കൃ​ത്യം” ആണ്‌ ചെയ്യു​ന്ന​തെ​ന്നും പറയുന്നു. വത്തിക്കാൻ ഉദ്യോ​ഗ​സ്ഥൻമാർ, ഈ മാർഗ്ഗ​നിർദ്ദേ​ശ​ത്തി​നുള്ള ഒരു കാരണം, ചില പാസ്‌റ്റ​റൻമാർക്കും ദൈവ​ശാ​സ്‌ത്ര​ജ്ഞൻമാർക്കും സ്വവർഗ്ഗ​രതി സംബന്ധിച്ച സഭയുടെ നിലപാട്‌ സംബന്ധിച്ച്‌ തെറ്റായ വീക്ഷണം ഉണ്ടായി​രു​ന്നേ​ക്കാം എന്ന്‌ വത്തിക്കാൻ ഉൽക്കണ്‌ഠ​പ്പെ​ടു​ന്നു എന്നതാണ്‌ എന്നു പറയുന്നു.

ചരിത്രം സൃഷ്ടിച്ച പറക്കൽ

കഴിഞ്ഞ ഡിസം​ബ​റിൽ വോ​യേജർ എന്നു പേരുള്ള തൂവൽപോ​ലെ ഭാരം കുറഞ്ഞ ഒരു വിമാനം നിറു​ത്താ​തെ, ഇന്ധനം നിറക്കാ​തെ ലോകം ചുറ്റി ആദ്യത്തെ പറക്കൽ വിജയ​പൂർവ്വം പൂർത്തി​യാ​ക്കി​ക്കൊണ്ട്‌ വ്യോ​മ​യാന ചരി​ത്ര​ത്തി​ലേക്ക്‌ പറന്നു​വന്നു. വായു​വിൽ ആപൽക്ക​ര​മായ ഒൻപതു ദിവസം കഴിച്ചു​കൊ​ണ്ടും 40,252 കിലോ​മീ​റ്റർ സഞ്ചരി​ച്ചു​കൊ​ണ്ടും ഒരു പുരു​ഷ​നും സ്‌ത്രീ​യും ചേർന്ന്‌ വിദഗ്‌ദ്ധ​മാ​യി ഓടി​ച്ചി​രുന്ന വിമാനം കാലി​ഫോർണി​യാ​യിൽ ഇറങ്ങി. ഈ പറക്കൽ മുമ്പ്‌ 1962-ൽ ഇട്ടിരുന്ന 20,168 കിലോ​മീ​റ്റർ ദൂരത്തി​ന്റെ റിക്കാർഡ്‌ തകർത്തു. ഈ പ്രത്യേക ആകൃതി​യുള്ള ആനത്തു​മ്പി​യോട്‌ സാമ്യ​മു​ള്ള​തെ​ന്നും മിക്കവാ​റും കട്ടിയുള്ള കടലാ​സും പ്ലാസ്‌റ്റി​ക്കും ഉപയോ​ഗി​ച്ചു നിർമ്മി​ച്ച​തെ​ന്നും വർണ്ണി​ക്ക​പ്പെട്ട വോ​യേജർ അതിന്റെ തൂക്കമായ 1,216 കി. ഗ്രാമി​ന്റെ മൂന്നി​രട്ടി തൂക്കം ഇന്ധനം വഹിച്ചി​രു​ന്നു. വിമാ​ന​ത്തി​ന്റെ രൂപസം​വി​ധാ​യകൻ അതിന്റെ ഏറ്റവും വലിയ ശക്തിയാ​യി ലാളി​ത്യ​ത്തെ ചൂണ്ടി​ക്കാ​ട്ടി. “ഓരോ​ന്നും ഏറ്റവും കുറഞ്ഞ അളവിൽ ചെത്തി​മി​നു​ക്കി​യ​തി​നാൽ ഞങ്ങൾ വിജയി​ച്ചു,” എന്ന്‌ അയാൾ പറഞ്ഞു.

ജിറാഫ്‌ ആക്രമി​ക്കു​ന്നു

“ജിറാഫ്‌ ഒരു ഇണക്കമുള്ള മൃഗമാ​ണെന്ന്‌ ഞാൻ വിചാ​രി​ച്ചി​രു​ന്നു,” എന്ന്‌ ദക്ഷിണാ​ഫ്രി​ക്ക​യി​ലെ ഒരു ഗെയിം പാർക്ക്‌ സന്ദർശിച്ച ഒരാൾ പറഞ്ഞു. ഒരു മിനി ബസ്സിൽ സഞ്ചരി​ച്ചി​രുന്ന അയാളു​ടെ സംഘത്തിന്‌, റോഡിൽ ഒരു ജിറാഫ്‌ മാറാൻ കൂട്ടാ​ക്കാ​തെ നിന്നി​രു​ന്ന​തി​നാൽ ബസ്സ്‌ നിറു​ത്തേ​ണ്ടി​വന്നു. അതു​കൊണ്ട്‌ വിനോദ സഞ്ചാരി​ക​ളിൽ ഒരുവൻ വെളി​യിൽ കടന്ന്‌ അതിനെ ഓടി​ക്കാൻ ശ്രമിച്ചു. പകരം, ജിറാഫ്‌ കടന്നാ​ക്ര​മി​ച്ചു. അയാൾ രക്ഷപെ​ടാൻ വേണ്ടി പെട്ടെന്ന്‌ മിനി​ബ​സ്സി​ന​ടി​യി​ലേക്ക്‌ ഇഴഞ്ഞു​ക​യറി. ആ മൃഗം മുൻപി​ലെ ഗ്ലാസ്സി​ലേക്ക്‌ കാൽ കുളമ്പു​കൾ കൊണ്ട്‌ ശക്തിയാ​യി തൊഴി​ച്ചു​കൊണ്ട്‌ അതിന്റെ ആക്രമണം തുടർന്നു. അതിലു​ണ്ടാ​യി​രു​ന്നവർ പരു​ക്കേൽക്കാ​തെ കഷ്ടിച്ച്‌ രക്ഷപ്പെട്ടു. ഒടുവിൽ ജിറാ​ഫി​ന്റെ കോപം ശമിക്ക​യും അത്‌ കുറ്റി​ക്കാ​ട്ടി​ലേക്ക്‌ പോകു​ക​യും ചെയ്‌തു. ഈ ആക്രമ​ണ​ത്തി​നു കാരണ​മെ​ന്താ​യി​രു​ന്നു? ആ മിനി​ബസ്സ്‌ ആ ജിറാ​ഫി​നും അതിന്റെ ഇണയ്‌ക്കും മദ്ധ്യേ​യാണ്‌ നിറു​ത്തി​യി​രു​ന്നത്‌ എന്ന്‌ പ്രകട​മാ​ക്കു​ന്നു.

വ്യാപാ​രി​കൾ ഭീകര​രു​ടെ ലക്ഷ്യം

ഭീകരർ ഇപ്പോൾ തങ്ങളുടെ പ്രഥമ ലക്ഷ്യങ്ങ​ളിൽ ഒന്നായി വ്യാപാ​രി​ക​ളിൽ കണ്ണു​വെ​ക്കു​ന്നു. “ഭീകരർ തട്ടി​ക്കൊ​ണ്ടു പോയ​വ​രിൽ നാല്‌പ​ത്തെട്ടു ശതമാനം വ്യാപാ​രി​കൾ ഉൾപ്പെ​ട്ടി​രു​ന്നു” എന്ന്‌ ലീഡേ​ഴ്‌സ്‌ മാസി​ക​യിൽ റാൻഡ്‌ കോർപ്പ​റേ​ഷന്റെ സെക്യൂ​രി​റ്റി ഡയറക്ട​റായ ബ്രെയ്‌ൻ എം. ജൻകിൻസ്‌ പറയുന്നു. ഭീകരർ അക്രമ പ്രവർത്ത​ന​ങ്ങൾക്ക്‌ പണം നേടു​ന്ന​തിന്‌ കമ്പനി ഭരണനിർവ്വാ​ഹ​കരെ തട്ടി​ക്കൊ​ണ്ടു പോകു​ന്നു. 1970-കളുടെ ആരംഭ​ത്തെ​ക്കാൾ 1980-കളിൽ ഇരട്ടി വ്യാപാ​രി​കൾക്കെ​തി​രായ ഭീകരാ​ക്ര​മ​ണങ്ങൾ ഉണ്ടായി. അയാൾ ഇങ്ങനെ തുടർന്നു, “ചില നിരീ​ക്ഷകർ മുൻകൂ​ട്ടി​പ്പ​റ​ഞ്ഞ​തു​പോ​ലെ ഭീകരർ, രാസ, ജീവശാ​സ്‌ത്ര, അഥവാ ആണവ ആയുധ​ങ്ങൾപോ​ലും ഉപയോ​ഗി​ച്ചു​കൊണ്ട്‌ അർമ്മ​ഗെ​ദ്ദോൻ ജ്വലി​പ്പി​ക്കു​ന്നി​ല്ലെ​ങ്കിൽ, വൻതോ​തി​ലുള്ള വിവേ​ച​നാ​ര​ഹി​ത​മായ കൊല​പാ​തക സംഭവങ്ങൾ വർദ്ധി​ക്കും.”

കൂടുതൽ ശാന്തമായ വ്യായാ​മ​ങ്ങൾ

ഓട്ടത്തി​നും എയ്‌റോ​ബിക്ക്‌ ഡാൻസിം​ഗി​നും അനുച​രൻമാർ വർദ്ധി​ച്ചു​വ​രു​ന്നു. എന്നാൽ ദുർബ്ബ​ല​മായ മുട്ടു​ക​ളും കുഴക​ളും അല്ലെങ്കിൽ പുറം വേദന എന്നിവ​യാൽ പ്രയാ​സ​പ്പെ​ടു​ന്ന​വർക്ക്‌ അത്തരം വ്യായാ​മങ്ങൾ തങ്ങളുടെ ആരോ​ഗ്യ​ത്തിന്‌ ഹാനി​ക​ര​മാ​യി​രു​ന്നേ​ക്കാം. “മിക്ക ആളുക​ളും ഓടരു​താ​ത്ത​വ​രാണ്‌, എന്നാൽ സത്യാവസ്ഥ കഴിയു​ന്ന​തിന്‌ മുമ്പ്‌ അവർ ഇത്‌ മനസ്സി​ലാ​ക്കു​ന്നില്ല,” എന്ന്‌ ഒരു ന്യൂ​യോർക്ക്‌ സിറ്റി ഹോസ്‌പി​റ്റ​ലി​ലെ അസ്ഥി​രോഗ ശസ്‌ത്ര​ക്രി​യാ വിദഗ്‌ദ്ധ​നും കളികൾ, ചികിത്സ, കായി​കാ​ഭ്യാ​സ ആഘാതം എന്നിവ​യു​ടെ സ്ഥാപന​ത്തി​ന്റെ ഡയറക്ട​റു​മായ ഡോ. ജയിംസ്‌ എ. നിക്കോ​ളാസ്‌ ദി ന്യൂ​യോർക്ക്‌ ടൈം​സി​നോട്‌ പറഞ്ഞു. ശാരീ​രിക യോഗ്യത സംബന്ധിച്ച പ്രസി​ഡൻഡി​ന്റെ കൗൺസി​ലി​ന്റെ കൺസൾട്ടൻറ്‌ ആയ മറ്റൊ​രു ഡോക്ടർ ഇതി​നോട്‌ യോജി​ക്കു​ന്നു. അദ്ദേഹം പറയുന്നു, “ഓട്ടം ശരീര​ത്തിന്‌ കഠിന​മാണ്‌, എന്നാൽ ഉയർന്ന​വേ​ഗ​ത​യി​ലുള്ള എയ്‌റോ​ബിക്ക്‌ ഡാൻസി​ലെ ചാട്ടത്തി​ന്റെ പടിക​ളോ​ളം മോശമല്ല. നീന്തലും സൈക്കിൾ സഞ്ചാര​വും നടപ്പും അധികം മെച്ചമാണ്‌.” ഈ കാരണ​ങ്ങ​ളാൽ, കൂടുതൽ ശാന്തമായ വ്യായാ​മ​ങ്ങൾക്ക്‌—ആരോ​ഗ്യ​ത്തി​നു വേണ്ടി​യുള്ള നടപ്പും കുറഞ്ഞ ആഘാത​മോ ആഘാത​മി​ല്ലാ​ത്ത​തോ ആയ എയ്‌റോ​ബി​ക്കു​കൾ—ആരോ​ഗ്യ​ബോ​ധം ഉള്ള ജനങ്ങളു​ടെ​യി​ട​യിൽ പ്രചാരം ലഭിച്ചു​കൊ​ണ്ടി​രി​ക്കു​ന്നു. (g87 3/22)