ലോകത്തെ വീക്ഷിക്കൽ

വത്തിക്കാ​ന്റെ സ്വാധീ​നം നഷ്ടപ്പെ​ടു​ന്നു

സ്‌പെ​യിൻ, ഫ്രാൻസ്‌ എന്നീ പേരുകൾ നൂറ്റാ​ണ്ടു​ക​ളാ​യി നല്ല വീഞ്ഞി​ന്റെ​യും അചഞ്ചല​മായ കത്തോ​ലി​ക്കാ മതവി​ശ്വാ​സ​ത്തി​ന്റെ​യും പര്യായ പദങ്ങളാ​യി​രു​ന്നു. ഈ രണ്ട്‌ ദക്ഷിണ യൂറോ​പ്യൻ രാജ്യ​ങ്ങ​ളിൽ ഇന്ന്‌ വീഞ്ഞ്‌ ഒഴുകു​ന്നു​ണ്ടെ​ങ്കി​ലും റോമൻ കത്തോ​ലി​ക്കാ സഭയുടെ പിൻതുണ വളരെ വേഗത്തിൽ കുറഞ്ഞു​കൊ​ണ്ടി​രി​ക്ക​യാണ്‌. സ്‌പെ​യിൻകാ​രിൽ 46 ശതമാനം മാത്രമേ കത്തോ​ലി​ക്ക​രെന്ന നിലയിൽ പേർ ചാർത്ത​പ്പെ​ടാൻ ആഗ്രഹി​ക്കു​ന്നു​ള്ളു എന്നും 18 ശതമാനം മാത്രമേ വാരം തോറും പള്ളിയിൽ ഹാജരാ​കു​ന്നു​ള്ളു എന്നും ഒരു ഡച്ച്‌ റോമൻ കത്തോ​ലി​ക്കാ മാസി​ക​യാ​യി​രി​ക്കുന്ന ക്രൂസ്‌പണ്ട്‌ റിപ്പോർട്ടു ചെയ്യുന്നു. അതു​പോ​ലെ ഫ്രാൻസി​ലെ 55 ശതമാനം കത്തോ​ലി​ക്കർ തങ്ങൾക്ക്‌ പാപ്പാ​യു​ടെ കൽപ്പനകൾ അവഗണി​ക്കു​ന്ന​തി​നും അതേ സമയം നല്ല കത്തോ​ലി​ക്ക​രാ​യി തുടരു​ന്ന​തി​നും കഴിയു​മെന്ന്‌ കരുതു​ന്ന​താ​യി പാരീ​സി​ലെ സോ​ഫ്രസ്‌ ഇൻസ്‌റ്റി​റ്റ്യൂട്ട്‌ പ്രസ്‌താ​വി​ക്കു​ക​യു​ണ്ടാ​യി. ഗർഭച്‌ഛി​ദ്ര​വും വിവാ​ഹ​ത്തി​നു​മു​മ്പുള്ള ലൈം​ഗിക ബന്ധവും അനുവാ​ദാ​ത്‌മ​ക​മാ​ണെ​ന്നും “ഒരു പാരീഷ്‌ അല്ലെങ്കിൽ കത്തോ​ലിക്ക്‌ സ്ഥാപന​ത്തി​ലം​ഗ​മാ​യി​രി​ക്കു​ന്നത്‌ തികച്ചും അനാവ​ശ്യ​മാ​ണെ​ന്നും” അവർ വിശ്വ​സി​ക്കു​ന്നു. ഇപ്പോൾ സ്‌പെ​യി​നി​ലും ഫ്രാൻസി​ലും ജനസം​ഖ്യ​യിൽ 15 ശതമാ​ന​വും മതത്തിൽ നിന്ന്‌ അന്യ​പ്പെ​ട്ടി​രി​ക്കു​ന്ന​താ​യി പഠനങ്ങൾ ചൂണ്ടി​ക്കാ​ണി​ക്കു​ന്നു.

ആയുസ്സ്‌ കുറയ്‌ക്കുന്ന ഘടകങ്ങൾ

“വികല പോഷ​ണ​ത്തി​നും കൂടെ​ക്കൂ​ടെ​യുള്ള ഗർഭധാ​ര​ണ​ത്തി​നും ഒരു പ്രസവ​ത്തിന്‌ അഞ്ച്‌ വർഷം എന്ന കണക്കിന്‌ ഒരു സ്‌ത്രീ​യു​ടെ ആയുസ്സ്‌ ഹ്രസ്വ​മാ​ക്കാൻ കഴിയു​മെന്ന്‌ ഏഷ്യാ​വീക്ക്‌ പ്രസ്‌താ​വി​ക്കു​ന്നു. അന്തർദ്ദേ​ശീയ വിദഗ്‌ദ്‌ധർ “ഗർഭധാ​ര​ണ​ങ്ങൾക്കി​ട​യിൽ 2-3 വർഷങ്ങൾ ശുപാർശ ചെയ്യുന്നു.” ദീർഘ​മായ ഇടവേള മാതാ​വി​നെ ഗർഭധാ​ര​ണ​ത്തിൽ നിന്നും മുലയൂ​ട്ട​ലിൽ നിന്നു​മു​ണ്ടാ​കുന്ന “മെലി​ച്ചി​ലിൽ” നിന്ന്‌ സംരക്ഷി​ക്കു​ക​യും ശിശു​വി​ന്റെ ആരോ​ഗ്യം മെച്ച​പ്പെ​ടു​ത്തു​ക​യും ചെയ്യും. “വികല​പോ​ഷ​ണ​വും ബാലമ​ര​ണ​വും തടയു​ന്ന​തിൽ” മുലയൂ​ട്ട​ലി​ന്റെ പങ്കി​നെ​ക്കു​റി​ച്ചും ആ റിപ്പോർട്ട്‌ ചൂണ്ടി​ക്കാ​ണി​ക്കു​ന്നുണ്ട്‌.

ഓപ്പ​റേ​ഷന്‌ സംഗീതം

ഓപ്പ​റേ​ഷന്റെ സമയത്ത്‌ സംഗീ​ത​ത്തിന്‌ രോഗി​കളെ സഹായി​ക്കാൻ കഴിയു​മോ? കഴിയു​മെന്ന്‌ വാഷിം​ഗ്‌ട​ണി​ലെ പോർട്ട്‌ ടൗൺസെ​ണ്ടി​ലുള്ള ജഫർസൺ ജനറൽ ആശുപ​ത്രി​യിൽ നടത്തിയ ഗവേഷണ പഠനങ്ങൾ നിർദ്ദേ​ശി​ക്കു​ന്നു. ഓപ്പ​റേഷൻ മുറി​യിൽ സംഗീതം 25 വ്യത്യസ്‌ത രോഗി​ക​ളിൽ ഉളവാ​ക്കിയ ഫലത്തേ​ക്കു​റിച്ച്‌ ഡോക്ടർ ഹെലൻ ലിൻസ്‌ ക്വിസ്‌റ്റ്‌ ബോണി​യും നേഴ്‌സ്‌ നോറീൻ മക്രോ​ണും പഠിക്കു​ക​യു​ണ്ടാ​യി. ഓപ്പ​റേ​ഷനു മുമ്പ്‌ പലപ്പോ​ഴും ഉണ്ടാകുന്ന ഉൽക്കണ്‌ഠ​യു​ടെ കാരണ​മാ​യി​രി​ക്കുന്ന ശബ്ദത്തെ ഓപ്പ​റേഷൻ മുറി​യിൽ വെച്ചു​തന്നെ അമർത്തു​ന്ന​തി​നു​വേണ്ടി ശമനൗ​ഷ​ധ​ത്തി​നു പകരം സംഗീതം ഉപയോ​ഗി​ക്ക​പ്പെട്ടു. മധുര സംഗീതം രക്തസമ്മർദ്ദ​വും ഹൃദയ​മി​ടി​പ്പും കുറയ്‌ക്കു​ന്ന​താ​യും രോഗി​കളെ ശാന്തമാ​ക്കു​ന്ന​തി​നു​വേണ്ട ശമനൗ​ഷ​ധ​ത്തിൽ പകുതി ലാഭി​ച്ച​താ​യും അമേരി​ക്കൻ ആരോ​ഗ്യം എന്ന മാസിക കുറി​ക്കൊ​ള്ളു​ന്നു. ജർമ്മനി​യി​ലെ സമാന​മായ പഠനം ഇതേ സംഗതി ചൂണ്ടി​ക്കാ​ണി​ക്കു​ക​യു​ണ്ടാ​യി. സാഹി​ത്യ​സം​ഗീ​ത​വും 40-കളി​ലെ​യും 50-കളി​ലെ​യും സാധാരണ സംഗീ​ത​വും കവിത​ക​ളും ഗാനങ്ങ​ളും പോലും ഉപയോ​ഗി​ക്ക​പ്പെട്ടു. ആവേശ​ഭ​രി​ത​വും പരുഷ​വു​മായ സ്വരം ഒഴിവാ​ക്കി. സംഗീ​ത​ത്തി​ന്റെ സാന്ത്വ​ന​ശക്തി 2.5 മില്ലി​ഗ്രാം വേലി​യ​ത്തിന്‌ (മയക്കു​മ​രുന്ന്‌) സമാണ്‌. സംഗീതം കേൾക്കുന്ന രോഗി​കൾക്ക്‌ ഓപ്പ​റേ​ഷ​നു​ശേഷം സുഖം തോന്നു​ക​യും അവർ പെട്ടെന്ന്‌ വീട്ടി​ലേക്ക്‌ പോവു​ക​യും ചെയ്‌തു.

വലുതാ​കുന്ന മരുഭൂ​മി​കൾ

“പ്രതി​വർഷം ബൽജി​യ​ത്തി​ന്റെ ഇരട്ടി വലിപ്പ​ത്തി​ലുള്ള പ്രദേശം—60,000 ചതുരശ്ര കിലോ​മീ​റ്റർ—മരുഭൂ​മി​യാ​യി​ത്തീ​രു​ന്നു” എന്ന്‌ ന്യൂ സയൻറി​സ്‌റ്റ്‌ മാസിക പറയുന്നു: “മരുഭൂ​മി​യ്‌ക്ക്‌ പരിവർത്തനം വരുത്തു​ന്നു​വെന്ന്‌ 10 വർഷങ്ങൾക്കു മുമ്പ്‌ 94 രാഷ്‌ട്രങ്ങൾ വാഗ്‌ദാ​നം ചെയ്‌തി​രി​ക്കെ​ത്ത​ന്നെ​യാണ്‌ ഇത്‌ സംഭവി​ക്കു​ന്നത്‌.” ദേശം മരുഭൂ​മി​യാ​യി​ത്തീ​രു​ന്നത്‌ തടയു​ന്ന​തി​നു​വേണ്ടി സമ്പന്ന രാഷ്‌ട്രങ്ങൾ ഇതുവരെ നൽകിയ 600 കോടി ഡോള​റിൽ ഭൂരി​ഭാ​ഗ​വും പൊതു​ജ​നാ​രോ​ഗ്യ സംരക്ഷ​ണ​ത്തി​നും റോഡ്‌ നിർമ്മാ​ണ​ത്തി​നു​മാ​യി ഉപകരി​ച്ചി​രി​ക്ക​യാണ്‌. ചില സ്ഥലങ്ങളിൽ കുറെ പുരോ​ഗതി ഉണ്ടായി​ട്ടു​ണ്ടെ​ങ്കി​ലും മരുഭൂ​മി​യു​ടെ വളർച്ച തടയു​ന്ന​തിന്‌ ഇതുവരെ യാതൊ​രു രാജ്യ​ത്തി​നും കഴിഞ്ഞി​ട്ടില്ല.

ഭൂമി​യു​ടെ പരിമി​തി​കൾ വർദ്ധി​ക്കു​ന്നു

ജീവജാ​ല​ങ്ങളെ നിലനിർത്തുന്ന ഭൂമി​യു​ടെ അവസ്ഥകൾക്ക്‌ സമൂല പരിവർത്തനം വരുന്ന​താ​യി ലോക നിരീക്ഷണ സംഘടന മുന്നറി​യി​പ്പു നൽകുന്നു. “ജീവിത നിലവാ​രങ്ങൾ മെച്ച​പ്പെ​ടു​ത്താ​നുള്ള ശ്രമങ്ങൾതന്നെ ഭൂമി​യു​ടെ സാമ്പത്തിക വ്യവസ്ഥയെ ഭീഷണി​പ്പെ​ടു​ത്താൻ തുടങ്ങി​യി​രി​ക്ക​യാണ്‌” എന്ന്‌ 1987-ലെ ലോകാ​വസ്ഥ എന്ന പുസ്‌ത​ക​ത്തി​ന്റെ റിപ്പോർട്ടിൽ പറയുന്നു. ജീവജാ​ല​ങ്ങ​ളു​ടെ വിനാ​ശ​വും ഇന്ധനത്തി​ന്റെ​യും ആഹാര സാധന​ങ്ങ​ളു​ടെ​യും ഉൽപ്പാ​ദ​ന​ത്തി​ലെ കുറവും മലിനീ​ക​ര​ണ​വും നിമിത്തം “ഭാവി തലമു​റ​കൾക്ക്‌ ഭൂമി അധിവാ​സ​യോ​ഗ്യ​മ​ല്ലാ​താ​യി​ത്തീ​രു​ക​യാണ്‌” എന്ന്‌ റിപ്പോർട്ട്‌ പറയു​ക​യു​ണ്ടാ​യി. “പെട്ടെ​ന്നുള്ള ശ്രദ്ധ ആവശ്യ​മാ​യി​രി​ക്കുന്ന ഇത്തരം സങ്കീർണ്ണ പ്രശ്‌നങ്ങൾ മറ്റൊ​രു തലമു​റ​യും ഇതുവരെ അഭിമു​ഖീ​ക​രി​ച്ചി​ട്ടില്ല. മുൻത​ല​മു​റകൾ ഭാവി​യെ​ക്കു​റിച്ച്‌ എല്ലായ്‌പ്പോ​ഴും ഉൽക്കണ്‌ഠ​പ്പെ​ട്ടി​ട്ടുണ്ട്‌. എന്നാൽ നമ്മുടെ കുട്ടികൾ ജീവി​ക്കേണ്ട ഭൂമി അധിവാ​സ​യോ​ഗ്യ​മാ​യി​രി​ക്കു​മോ എന്നുള്ള തീരു​മാ​നത്തെ ആദ്യമാ​യി അഭിമു​ഖീ​ക​രി​ക്കു​ന്നത്‌ നമ്മുടെ തലമു​റ​യാണ്‌” എന്ന്‌ റിപ്പോർട്ടു കൂട്ടി​ച്ചേർത്തു.

വിഷവില

പല വിഷങ്ങൾക്കും സ്വർണ്ണ​ത്തേ​ക്കാ​ളും രത്‌ന​ത്തേ​ക്കാ​ളും വിലയുണ്ട്‌ എന്ന്‌ സോവ്യ​റ്റ്‌ മാസി​ക​യാ​യി​രി​ക്കുന്ന സ്‌പു​ട്ട്‌നിക്ക്‌ പറയുന്നു. “ഉദാഹ​ര​ണ​ത്തിന്‌ മൂർഖന്റെ ഒരൗൺസ്‌ വിഷത്തിന്‌ 9,000 ഡോള​റും കയ്‌റ​ലി​യ​സി​ന്റെ വിഷത്തിന്‌ 14,000 ഡോള​റും ഒരു കടൽപ്പാ​മ്പി​ന്റെ വിഷത്തിന്‌ 43,000ഡോളറും വടക്കേ അമേരി​ക്ക​യി​ലെ സിലണ്ടർ പാമ്പിന്റെ വിഷത്തിന്‌ 56,000 ഡോള​റും ആഫ്രി​ക്ക​യി​ലെ ബൂംസ്ലാഗ്‌ പാമ്പിന്റെ വിഷത്തിന്‌ 2,83,000 ഡോള​റും ബംബി​ളി​ബി​യു​ടെ വിഷത്തിന്‌ 11,34,000 ഡോള​റും അമേരി​ക്ക​യി​ലെ കറുത്ത സ്‌​പൈഡർ പാമ്പിന്റെ വിഷത്തിന്‌ 23,60,000 ഡോള​റും വിലവ​രും.” ഇത്രമാ​ത്രം വിലയു​ള്ള​തെ​ന്തു​കൊണ്ട്‌? ഇവയിൽ ചില വർഗ്ഗങ്ങൾ വളരെ വിരള​മാ​യി​രി​ക്കു​ന്ന​തി​നാൽ അവ ലഭിക്കു​ന്നത്‌ വളരെ പ്രയാ​സ​മാ​യി​രി​ക്കു​ന്ന​തി​നാൽ തന്നെ. കൂടാതെ ചെറു​ജീ​വി​ക​ളിൽ നിന്ന്‌ വളരെ കുറച്ചു വിഷമേ ലഭിക്ക​യു​ള്ളു. അവയിൽ നിന്ന്‌ വീണ്ടും വിഷം ലഭിക്കു​ന്ന​തിന്‌ മറ്റൊ​രു മാസം കാത്തി​രി​ക്കേണ്ടി വരും. എന്നാൽ പാമ്പു​ക​ളിൽ നിന്ന്‌ ഏകദേശം 10 തുള്ളി ലഭിക്കും. വില എന്തുത​ന്നെ​യാ​യി​രു​ന്നാ​ലും, പാമ്പു​ക​ടി​യേ​റ്റ​വരെ രക്ഷിക്കു​ന്ന​തി​നും രോഗ​നി​വാ​ര​ണ​ങ്ങൾക്കു​മാ​യി സിറെ​ത്തിൽ ഉപയോ​ഗി​ക്കാൻ ഈ വിഷങ്ങൾ വളരെ അത്യാ​വ​ശ്യ​മാണ്‌.

മലിനീ​ക​ര​ണ​ത്തി​ന്റെ ഭാരിച്ച മരണനി​രക്ക്‌.

“ദേശത്തി​ന്റെ ഏതാണ്ട്‌ പകുതി ഭാഗവും പർവ്വത​വും വനങ്ങളു​മുള്ള സ്വിറ്റ്‌സർല​ണ്ടിൽ ആസിഡ്‌ മഴ ശരാശരി 50 ശതമാനം വൃക്ഷങ്ങ​ളു​ടെ വിനാശം കൈവ​രു​ത്തു​ന്നു” എന്ന്‌ അന്തർ ദേശീയ ഹെരാൾഡ്‌ ട്രിബ്യൂൺ റിപ്പോർട്ടു ചെയ്യുന്നു. “ചിലയി​ട​ങ്ങ​ളിൽ നശിക്കുന്ന വൃക്ഷങ്ങ​ളു​ടെ എണ്ണം ഏതാണ്ട്‌ 65 ശതമാനം വരെ എത്തിയി​ട്ടുണ്ട്‌. ആസിഡ്‌ മഴ ഉത്തരയൂ​റോ​പ്പി​ലെ ഒരു ഗുരു​ത​ര​മായ പ്രശ്‌ന​മാ​ണെന്ന്‌ വീക്ഷി​ക്കുന്ന പാരി​സ്ഥി​തിക വിജ്ഞാ​നി​കൾക്ക്‌ അത്തരം സ്ഥിതി​വി​വ​ര​ക്ക​ണ​ക്കു​കൾ അമ്പരപ്പി​ക്കു​ന്ന​താണ്‌. ഉദാഹ​ര​ണ​ത്തിന്‌ ജർമ്മനി​യി​ലെ 50 ശതമാനം മരങ്ങൾ നശിക്കു​ക​യാണ്‌. ഫ്രാൻസി​ലെ വോസ്‌ഗെസ്‌ പ്രദേ​ശത്ത്‌ ഇത്‌ സത്യമാണ്‌. പോള​ണ്ടിൽ ആസിഡ്‌ മഴ നിമി​ത്ത​മുള്ള നാശം ഏതാണ്ട്‌ 40 ശതമാ​ന​മാണ്‌. ഫ്രഞ്ച്‌ വീക്കി​ലി​യാ​യി​രി​ക്കുന്ന എക്‌സ്‌പ്ര​സ്സിൽ ഉദ്ധരി​ച്ചി​രി​ക്കുന്ന പോള​ണ്ടി​ലെ സാമൂഹ്യ ശാസ്‌ത്ര അക്കാദ​മി​യി​ലെ ഒരു രേഖയ​നു​സ​രിച്ച്‌ വായു​വി​ന്റെ​യും ജലത്തി​ന്റെ​യും മലിനീ​ക​ര​ണ​വും പോള​ണ്ടിൽ വിപത്ത്‌ വർദ്ധി​പ്പി​ക്കു​ക​യാണ്‌. യൂറോ​പ്പിൽ മലിനീ​ക​ര​ണ​ത്തി​ന്റെ ഗുരു​ത​ര​മായ പ്രശ്‌നം ഉണ്ടായി​രി​ക്കെ, ആസിഡ്‌ മഴയുടെ ഒരു വിദഗ്‌ദ്ധ​നാ​യി​രി​ക്കുന്ന ഡോക്ടർ ക്ലോഡി മാർട്ടിൻ ഇപ്രകാ​രം സമ്മതിച്ചു പറഞ്ഞു: “അതിനു​വേണ്ടി പ്രവർത്തി​ക്കു​ന്ന​തി​നോ വേണ്ടത്ര കാര്യ​മാ​യി ശ്രമി​ക്കു​ന്ന​തി​നോ ഉള്ള ഒരു മടിയുണ്ട്‌.”

“ഉറച്ച ശ്രമം”

എത്ര തരത്തി​ലുള്ള ചെടി​ക​ളും മൃഗങ്ങ​ളും ആസ്‌തി​ക്യ​ത്തി​ലു​ണ്ടെന്ന്‌ കൃത്യ​മാ​യി അറിയില്ല. കണക്കു​കൂ​ട്ട​ലു​ക​ള​നു​സ​രിച്ച്‌ 50 മുതൽ 30 ലക്ഷമു​ണ്ടെ​ങ്കി​ലും ഇതുവരെ ഏതാണ്ട്‌ 16 ലക്ഷത്തോ​ളമേ തിരി​ച്ച​റി​യ​പ്പെ​ട്ടി​ട്ടു​ള്ളു. “ശാസ്‌ത്രീയ പാഠങ്ങൾക്കും സാമ്പത്തിക ഉപയോ​ഗ​ത്തി​നു​മാ​യി വളരെ കുറച്ച്‌ വർഗ്ഗങ്ങ​ളെ​ക്കു​റിച്ച്‌ മാത്രമേ പഠനം നടത്തി​യി​ട്ടു​ള്ളു എന്ന കാരണ​ത്താൽ “വംശനാ​ശം വരുന്ന​തി​നു മുമ്പ്‌ അവശേ​ഷി​ക്കുന്ന ദശലക്ഷ​ക്ക​ണ​ക്കിന്‌ വർഗ്ഗങ്ങളെ കണ്ടുപി​ടി​ക്കു​ന്ന​തിന്‌ ഒരുറച്ച ശ്രമത്തി​ന്റെ അല്ലെങ്കിൽ കൂലങ്ക​ഷ​മായ പരി​ശോ​ധ​ന​യു​ടെ ഒരു പുതു​യു​ഗം തുറ​ക്കേ​ണ്ട​താ​വ​ശ്യ​മാണ്‌” എന്ന്‌, ജീവശാ​സ്‌ത്ര​ജ്ഞൻമാർ പറയു​ന്ന​താ​യി ന്യൂ​യോർക്ക്‌ ടൈംസ്‌ വിശദീ​ക​രി​ക്കു​ന്നു. ഈ വർഗ്ഗങ്ങ​ളിൽ മിക്കതും തിങ്ങി​നി​റഞ്ഞ വനപ്ര​ദേ​ശ​ങ്ങ​ളി​ലുണ്ട്‌. അത്തരം വനങ്ങൾ മിക്കതും തടിക്കാ​യും കൃഷി​സ്ഥ​ല​ങ്ങൾക്കാ​യും ഭവനങ്ങൾ നിർമ്മി​ക്കു​ന്ന​തി​നാ​യും വെട്ടി​ന​ശി​പ്പി​ക്കു​ക​യാണ്‌. തിമിം​ഗ​ല​ങ്ങ​ളെ​യോ കരടി​പ്പൂ​ച്ച​ക​ളെ​യോ പോലെ ചെറു​ജീ​വി​ക​ളും ചെടി​ക​ളും പൊതു​ജ​ന​ങ്ങ​ളു​ടെ അനുകമ്പ പിടിച്ചു പറ്റു​ന്നി​ല്ലെ​ങ്കി​ലും അവ “മനുഷ്യ​നുൾപ്പെ​ടെ​യുള്ള എല്ലാ ജീവജാ​ല​ങ്ങ​ളെ​യും ആത്യന്തി​ക​മാ​യി നിലനിർത്തുന്ന അടിസ്ഥാന ഘടകങ്ങ​ളാണ്‌” എന്ന്‌ ടൈംസ്‌ റിപ്പോർട്ടു ചെയ്യുന്നു.

രക്തത്തിന്റെ പുതു​ഭീ​ഷ​ണി

ഐക്യ​നാ​ടു​ക​ളി​ലെ ഡോക്ടർമാർ കാൻസ​റി​നി​ട​യാ​ക്കുന്ന വളരെ വിരള​മായ ഒരു വൈറസ്‌—എയ്‌ഡ്‌സി​നി​ട​യാ​ക്കു​ന്ന​തു​പോ​ലുള്ള ഒരു വൈറസ്‌—പലയി​ട​ങ്ങ​ളി​ലേ​ക്കും പരന്നേ​ക്കാം എന്ന ഭീതി​യി​ലാണ്‌. “ഗുരു​ത​ര​മായ രോഗ​ത്തോട്‌ ബന്ധപ്പെ​ട്ടി​രി​ക്കു​ന്ന​തും രക്തത്തി​ലൂ​ടെ പരക്കു​ന്ന​തു​മായ ഒരു വൈറ​സി​നെ ഐക്യ​നാ​ടു​ക​ളിൽ കണ്ടു പിടി​ച്ചി​രി​ക്കു​ന്ന​താ​യി ഞങ്ങൾക്ക്‌ തെളി​വു​ണ്ടെന്ന്‌” റെഡ്‌​ക്രോ​സ്സി​ന്റെ മെഡിക്കൽ ഡയറക്ട​റാ​യി​രി​ക്കുന്ന എസ്‌. ജറാൾഡ്‌ സാൻഡ്‌ലർ പറയുന്നു. ഹ്യൂവൻ റ്റി-സെൽലൂ​ക്കേ​വിയ വൈറസ്‌ വൺ അല്ലെങ്കിൽ എച്ച്‌. റ്റി. എൽ. വി-വൺ എന്നു പറയുന്ന വൈറ​സാണ്‌ മനുഷ്യ​രിൽ കാൻസ​റി​നി​ട​യാ​ക്കു​ന്ന​തെന്ന്‌ ആദ്യം കണ്ടു പിടി​ക്ക​പ്പെട്ടു. ഒരു തരത്തി​ലുള്ള ലൂക്കേ​മി​യാ​യ്‌ക്കി​ട​യാ​ക്കു​ന്നതു കൂടാതെ അത്‌ ഒരു നാഡി​രോ​ഗ​ത്തോ​ടും ബന്ധപ്പെ​ട്ടി​രി​ക്കു​ന്നു—മരപ്പ്‌പോ​ലുള്ള റ്റി. എസ്‌. പി. യോട്‌ അല്ലെങ്കിൽ പാരപ​രേ​സി​സി​നോട്‌. “ഈ വൈറസ്‌ ഗുപ്‌ത​മാ​യി അധിക​കാ​ലം നിലനിൽക്കു​ന്ന​തി​നാൽ അസാധാ​ര​ണ​മായ ഒരു ഭീഷണി​യുണ്ട്‌. ഈ വൈറസ്‌ ബാധി​ക്കു​ന്ന​വ​രിൽ നിരവധി വർഷ​ത്തേക്ക്‌ ലൂക്കേ​മിയ വികസി​ക്ക​യി​ല്ലാ​യി​രി​ക്കാം” എന്ന്‌ വോൾസ്‌ട്രീ​റ്റ്‌ ജേർണൽ പറയുന്നു. എന്നാൽ ഒരിക്കൽ രോഗം ഉണ്ടായാൽ ആ വ്യക്തി സാധാ​ര​ണ​യാ​യി മൂന്നു മാസമേ ജീവി​ച്ചി​രി​ക്ക​യു​ള്ളു. (g87 7/8)