മരിച്ച​വർക്കു പ്രത്യാശ, ദുഃഖി​തർക്ക്‌ ആശ്വാസം

ഞങ്ങളുടെ ആദ്യ ലേഖന​ത്തിൽ പറഞ്ഞി​രുന്ന ജസ്സ്‌ റോമ​റോ ഒടുവിൽ വിവാ​ഹി​ത​നാ​യി. അഗസ്‌റ്റി​ന്റെ​യും വാലൻറീ​നാ കരാബ​ളോ​സോ​യു​ടെ​യും കാര്യ​ത്തിൽ യോനാ​ഥാ​ന്റെ മരണം ഇപ്പോ​ഴും വേദനി​പ്പി​ക്കു​ന്നുണ്ട്‌, എന്നാൽ ഒരു ശാന്തത ഉണ്ടായി​ട്ടുണ്ട്‌. റാമോ​നും മേരിയാ സെറോ​നും സ്‌പെ​യി​നിൽനി​ന്നുള്ള പാക്ക്വി​റ്റോ​യു​ടെ മരണത്തി​നു​ശേഷം 24 വർഷം കഴിഞ്ഞി​ട്ടും ഇപ്പോ​ഴും കണ്ണുനീർ പൊഴി​ക്കു​ക​യാണ്‌. എന്നാൽ ഈ കേസു​ക​ളി​ലെ​ല്ലാം അവരെ നിലനിർത്തി​യ​തെ​ന്താണ്‌? “പുനരു​ത്ഥാ​ന​പ്ര​ത്യാ​ശ” എന്ന്‌ അവർ ഉത്തരം പറയുന്നു!

എന്നാൽ പുനരു​ത്ഥാ​നം എന്നതി​നാൽ നാം കൃത്യ​മാ​യി എന്താണർത്ഥ​മാ​ക്കു​ന്നത്‌? ആർ പുനരു​ത്ഥാ​നം പ്രാപി​ക്കും? എപ്പോൾ? നമുക്ക്‌ എങ്ങനെ ഉറപ്പു​ണ്ടാ​യി​രി​ക്കാൻ കഴിയും?

യേശു പഠിപ്പിച്ച പ്രകാരം മരിച്ച​വർക്കുള്ള പ്രത്യാശ

തന്റെ ഭൂമി​യി​ലെ ശുശ്രൂ​ഷ​ക്കാ​ലത്ത്‌ യേശു പലരെ ഉയർത്തെ​ഴു​ന്നേൽപ്പി​ച്ചു. (മർക്കോസ്‌ 5:35-42) ഇത്‌ ദശലക്ഷ​ക്ക​ണ​ക്കി​നാ​ളു​കൾ “നിന്റെ രാജ്യം വരേണമേ. നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും നടക്കേ​ണമേ”യെന്ന്‌ പ്രാർത്ഥി​ക്കു​മ്പോൾ അപേക്ഷി​ക്കുന്ന പ്രകാരം ഭൂമി ഒരിക്കൽകൂ​ടെ തികച്ചും ദൈവ​ഭ​ര​ണ​ത്തിൻകീ​ഴി​ലാ​യി​രി​ക്കു​മ്പോൾ നടക്കുന്ന വലിയ പുനരു​ത്ഥാ​ന​ത്തി​ന്റെ സൂചന​യാ​യി ഉതകി.—മത്തായി 6:9, 10.

ഈ കാര്യ​ത്തി​ലെ ദൈവ​ശ​ക്തി​യു​ടെ ഒരു ദൃഷ്‌ടാ​ന്തം യേശു തന്റെ സുഹൃ​ത്താ​യി​രുന്ന ലാസറി​നെ ഉയർപ്പി​ച്ച​താ​യി​രു​ന്നു. അതേസ​മയം വിവരണം മരിച്ച​വ​രു​ടെ അവസ്ഥയെ വിശദീ​ക​രി​ക്കു​ക​യും ചെയ്യുന്നു. യേശു തന്റെ ശിഷ്യൻമാ​രോട്‌ പറഞ്ഞു: “നമ്മുടെ സ്‌നേ​ഹി​ത​നായ ലാസർ ഉറങ്ങു​ക​യാണ്‌, എന്നാൽ അവനെ ഉണർത്താൻ ഞാൻ അവി​ടേക്കു സഞ്ചരി​ക്കു​ക​യാണ്‌.” അർത്ഥം മനസ്സി​ലാ​ക്കാ​തെ ശിഷ്യൻമാർ പറയു​ക​യാണ്‌: “കർത്താവേ, അവൻ വിശ്ര​മി​ക്കു​ക​യാ​ണെ​ങ്കിൽ അവൻ സുഖം പ്രാപി​ക്കും.” ലാസർ കേവലം ഉറങ്ങു​ക​യാ​ണെന്ന്‌ അവൻ പറയു​ന്നു​വെന്ന്‌ അവർ സങ്കൽപ്പി​ച്ചു. യഥാർത്ഥ​ത്തിൽ അവൻ മരിച്ച​താ​യി​രു​ന്നു. അങ്ങനെ “ലാസർ മരിച്ചി​രി​ക്കു​ന്നു”വെന്ന്‌ പറഞ്ഞു​കൊണ്ട്‌ യേശു സംശയ​ത്തി​നി​ടം ശേഷി​പ്പി​ച്ചില്ല.

ഏതെങ്കി​ലും അമർത്ത്യ​ദേഹി മറ്റൊ​ര​വ​സ്ഥ​യി​ലേക്ക്‌ അഥവാ മണ്ഡലത്തി​ലേക്ക്‌ കടക്കു​ന്ന​തി​നെ​ക്കു​റി​ച്ചു യേശു പരാമർശി​ച്ചി​ല്ലെന്ന്‌ ദയവായി ശ്രദ്ധി​ക്കുക. അവൻ ഗ്രീക്ക്‌ത​ത്വ​ജ്ഞാ​ന​ത്താൽ സ്വാധീ​നി​ക്ക​പ്പെ​ട്ടില്ല, എന്നാൽ എബ്രാ​യ​തി​രു​വെ​ഴു​ത്തു​ക​ളി​ലെ വ്യക്തമായ ബൈബി​ളു​പ​ദേ​ശ​ത്താ​ലാണ്‌ സ്വാധീ​നി​ക്ക​പ്പെ​ട്ടത്‌. ലാസർ മരണത്തിൽ നിദ്ര ചെയ്യു​ക​യാ​യി​രു​ന്നു. യേശു വന്നപ്പോ​ഴേക്ക്‌ അവൻ സ്‌മാ​ര​ക​ക്ക​ല്ല​റ​യി​ലാ​യി​ട്ടു നാലു ദിവസ​മാ​യി​രു​ന്നു. അതു​കൊണ്ട്‌ അവന്‌ എന്ത്‌ പ്രത്യാ​ശ​യാണ്‌ ശേഷി​ച്ചി​രു​ന്നത്‌?

യേശു ലാസറി​ന്റെ സഹോ​ദ​രി​യായ മാർത്ത​യോ​ടു സംസാ​രി​ച്ച​പ്പോൾ അവൻ അവളോട്‌ ഇങ്ങനെ പറഞ്ഞു: “നിന്റെ സഹോ​ദരൻ ഉയർത്തെ​ഴു​ന്നേൽക്കും.” അവൾ എങ്ങനെ ഉത്തരം പറഞ്ഞു? അവന്റെ ദേഹി അപ്പോൾത്തന്നെ സ്വർഗ്ഗ​ത്തി​ലോ മറ്റെ​വി​ടെ​യെ​ങ്കി​ലു​മോ ആണെന്ന്‌ അവൾ പറഞ്ഞോ? അവളുടെ മറുപടി ഇതായി​രു​ന്നു: “അവസാ​ന​നാ​ളി​ലെ പുനരു​ത്ഥാ​ന​ത്തിൽ അവൻ ഉയർത്തെ​ഴു​ന്നേൽക്കു​മെന്ന്‌ ഞാൻ അറിയു​ന്നു.” അവളും ഭൂമി​യി​ലെ ജീവി​ത​ത്തി​ലേ​ക്കുള്ള പുനരു​ത്ഥാ​ന​ത്തി​ന്റെ ബൈബി​ളു​പ​ദേ​ശ​ത്തോട്‌ പറ്റി​നി​ന്നു. “ഞാൻ പുനരു​ത്ഥാ​ന​വും ജീവനു​മാ​കു​ന്നു. എന്നിൽ വിശ്വാ​സം പ്രകട​മാ​ക്കു​ന്നവൻ മരിച്ചാ​ലും ജീവനി​ലേക്കു വരും” എന്നു പറഞ്ഞു​കൊണ്ട്‌ യേശു അവൾക്ക്‌ വിശ്വാ​സ​ത്തി​നു കൂടു​ത​ലായ കാരണം നൽകി. പിന്നീട്‌ തന്റെ പോയിൻറ്‌ തെളി​യി​ക്കാൻ അവൻ ലാസറി​ന്റെ കല്ലറയ്‌ക്ക​ലേക്കു പോയി “ലാസറേ, പുറത്തു​വരൂ!” എന്നു വിളി​ച്ചു​പ​റഞ്ഞു. എന്തു സംഭവി​ച്ചു?

ചരിത്ര വിവരണം ഇങ്ങനെ പ്രസ്‌താ​വി​ക്കു​ന്നു: “മരിച്ചി​രുന്ന മനുഷ്യൻ പൊതി​യ​ലു​ക​ളാൽ കൈയും കാലു​ക​ളും കെട്ട​പ്പെ​ട്ട​വ​നാ​യി പുറത്തു​വന്നു, അവന്റെ മുഖം ഒരു തുണി കൊണ്ടു ചുറ്റി​ക്കെ​ട്ടി​യി​രു​ന്നു. യേശു അവരോട്‌: ‘അവന്റെ കെട്ടഴി​ക്കുക, അവൻ പോകട്ടെ’ എന്നു പറഞ്ഞു.”—യോഹ​ന്നാൻ 11:1-44.

ഉണരുക! കൂടി​ക്കാഴ്‌ച നടത്തിയ അനേകം മരണദുഃ​ഖാർത്ത​രു​ടെ പ്രത്യാശ സ്ഥിതി​ചെ​യ്യു​ന്നത്‌ അവി​ടെ​യാണ്‌. അതേ പ്രത്യാശ സമീപ​ഭാ​വി​യി​ലേക്കു നോക്കി​പ്പാർത്തി​രി​ക്കു​ന്ന​തി​നു അവരെ പ്രോ​ത്സാ​ഹി​പ്പി​ക്കു​ന്നു, അന്ന്‌ ഭൂമി പുതു​ക്ക​പ്പെട്ട ഒരു പരദീ​സാ​യാ​യി​ത്തീ​രും, യേശു​വി​ന്റെ പ്രത്യാ​ശാ​ജ​ന​ക​മായ ഈ വാക്കുകൾ നിവർത്തി​ക്ക​പ്പെ​ടു​ക​യും ചെയ്യും: “ഇതിങ്കൽ ആശ്ചര്യ​പ്പെ​ട​രുത്‌, എന്തു​കൊ​ണ്ടെ​ന്നാൽ സ്‌മാ​ര​ക​ക്ക​ല്ല​റ​യി​ലുള്ള എല്ലാവ​രും അവന്റെ ശബ്ദം കേൾക്കു​ക​യും പുറത്തു​വ​രു​ക​യും ചെയ്യുന്ന നാഴിക വരുന്നു, നല്ല കാര്യങ്ങൾ ചെയ്‌തവർ ഒരു ജീവന്റെ പുനരു​ത്ഥാ​ന​ത്തി​ലേക്ക്‌, ചീത്ത കാര്യങ്ങൾ ചെയ്‌തു​കൊ​ണ്ടി​രു​ന്നവർ ന്യായ​വി​ധി​യു​ടെ ഒരു പുനരു​ത്ഥാ​ന​ത്തി​ലേക്ക്‌” എന്ന യേശു​വി​ന്റെ പ്രത്യാ​ശാ​ജ​ന​ക​മായ വാക്കുകൾ നിവർത്തി​ക്ക​പ്പെ​ടു​ക​യും ചെയ്യും.—യോഹ​ന്നാൻ 5:28, 29.

“എന്റെ ഇഷ്ടവാ​ക്യം . . . ”

കുടും​ബ​ത്തി​ലെ ഒരു കുട്ടി​യു​ടെ മരണ​ത്തെ​സം​ബ​ന്ധിച്ച്‌ ഉണരുക! മാതാ​പി​താ​ക്ക​ളെ​യും ചെറു​പ്പ​ക്കാ​രെ​യും ഇൻറർവ്യൂ നടത്തി​യി​ട്ടുണ്ട്‌.a തങ്ങളുടെ ദുഃഖത്തെ അവർ എങ്ങനെ നേരി​ട്ടു​വെന്ന്‌ വിശദീ​ക​രി​ക്കവേ “എന്റെ ഇഷ്ടവാ​ക്യം ഞാൻ നിങ്ങ​ളോ​ടു പറയട്ടെ” എന്ന്‌ അവർ പലപ്പോ​ഴും പറഞ്ഞി​ട്ടുണ്ട്‌. നിങ്ങൾ ദുഃഖി​ക്കു​ക​യാ​ണെ​ങ്കിൽ ഈ വാക്യങ്ങൾ നിങ്ങ​ളെ​യും സഹായി​ച്ചേ​ക്കാം.

കൊറി​യാ​റി​പ്പ​ബ്‌ളി​ക്കി​ലെ സോളിൽനി​ന്നുള്ള പതിന്നാ​ലു​കാ​രി യൂനി 1985-ൽ രക്താർബ്ബു​ദം ബാധിച്ചു മരിച്ചു. അവളുടെ പിതാ​വായ ചുങ്‌വാംഗ്‌-കുക്ക്‌ യൂനി​യു​ടെ അവസാന ജീവി​ത​വാ​ര​ങ്ങ​ളിൽ അവളെ താൻ എങ്ങനെ ആശ്വസി​പ്പി​ച്ചു​വെന്ന്‌ ഉണരുക!യോടു വിശദീ​ക​രി​ക്കു​ക​യു​ണ്ടാ​യി: “ഞാൻ അവളോ​ടു ലാസറി​നെ​ക്കു​റി​ച്ചു പറഞ്ഞു. ലാസർ ഉറങ്ങു​ക​യാ​ണെന്ന്‌ യേശു പറഞ്ഞു. അവന്റെ കാര്യ​ത്തി​ലെ​ന്ന​പോ​ലെ ‘യൂനീ! ഉണരൂ!’ എന്ന്‌ യേശു വിളി​ച്ചു​പ​റ​യു​മ്പോൾ അവളും ഉറക്കത്തിൽനിന്ന്‌ ഉണരും.”

ഇംഗ്ലണ്ടി​ലെ ജാനറ്റ്‌ ഹെർക്കോക്ക്‌ 1966-ൽ കാൻസർ ബാധിച്ചു മരിച്ച​പ്പോൾ അവൾക്ക്‌ 13 വയസ്സാ​യി​രു​ന്നു. അവളുടെ മാതാ​പി​താ​ക്ക​ളും ഡേവിഡ്‌ തീമൊ​ത്തി എന്നിങ്ങനെ രണ്ടു സഹോ​ദ​രൻമാ​രും ശേഷിച്ചു. തനിക്ക്‌ ഏതു വാക്യം ഏറ്റവും സഹായ​ക​മാ​യി​രു​ന്നു​വെന്ന്‌ ഡേവിഡ്‌ ഉണരുക!യോടു പറയു​ക​യു​ണ്ടാ​യി. അതു പ്രവൃ​ത്തി​കൾ 17:31 ആയിരു​ന്നു, അതിങ്ങനെ പറയുന്നു: ‘എന്തു​കൊ​ണ്ടെ​ന്നാൽ താൻ നിയമി​ച്ചി​രി​ക്കുന്ന ഒരു പുരുഷൻ മുഖാ​ന്തരം നിയമിത ഭൂമിയെ നീതി​യിൽ ന്യായം​വി​ധി​ക്കാൻ താൻ ഉദ്ദേശി​ച്ചി​രി​ക്കുന്ന ഒരു ദിവസം [ദൈവം] നിശ്ചയി​ച്ചു, അവനെ മരിച്ച​വ​രിൽനിന്ന്‌ ഉയർപ്പി​ച്ച​തി​നാൽ സകല മനുഷ്യർക്കും അവൻ ഒരു ഉറപ്പു കൊടു​ത്തി​രി​ക്കു​ന്നു’. യേശു​വി​ന്റെ പുനരു​ത്ഥാ​നം ഒരു ഭാവി പുനരു​ത്ഥാ​ന​ത്തി​ന്റെ ഉറപ്പാ​ണെന്ന്‌ ശവസം​സ്‌ക്കാര വേളയിൽ പ്രസം​ഗകൻ ഊന്നി​പ്പ​റഞ്ഞു. അത്‌ എനിക്ക്‌ ശക്തിയു​ടെ ഒരു വലിയ ഉറവാ​യി​രി​ക്കു​ന്നു.”

വെറും 14 വയസ്സു​മാ​ത്രം പ്രായ​മു​ണ്ടാ​യി​രുന്ന ഇളപ്പമായ ജോർജ്ജ്‌ 1975 ഡിസം​ബ​റിൽ തന്റെ പിതാ​വി​ന്റെ തോ​ക്കെ​ടു​ത്തു സ്വയം വെടി​വെച്ചു. തന്റെ പുത്രന്റെ മരണന​ഷ്ടത്തെ പിതാ​വായ റസ്സൽ എങ്ങനെ സഹിച്ചു?b

“ചില തിരു​വെ​ഴു​ത്തു​കൾ എനിക്ക്‌ ഒരു നങ്കൂര​മാ​യി​ത്തീർന്നു. ദൃഷ്ടാ​ന്ത​മാ​യി, സദൃശ​വാ​ക്യ​ങ്ങൾ 3:5-ലെ വാക്കുകൾ: ‘നിന്റെ മുഴു ഹൃദയ​ത്തോ​ടും​കൂ​ടെ യഹോ​വയെ ആശ്രയി​ക്കുക, നിന്റെ സ്വന്തം വിവേ​ക​ത്തിൽ ഊന്നരുത്‌.’ സംഭവി​ച്ച​തി​നോട്‌ എന്നേത്തന്നെ പൊരു​ത്ത​പ്പെ​ടു​ത്താൻ ശ്രമി​ച്ച​പ്പോൾ ഞാൻ എന്റെ സ്വന്തം വിവേ​ക​ത്തിൽ കുറേ​യ​ള​വിൽ ഊന്നു​ക​യാ​യി​രു​ന്നു.”

തങ്ങളുടെ പുത്ര​നായ ഡാറൽ പെട്ടെന്നു രോഗി​യാ​യി​ത്തീർന്ന​പ്പോൾ ഇംഗ്ലണ്ടിൽനി​ന്നുള്ള മോർഗൻ കുടും​ബം സ്വീഡ​നി​ലാ​യി​രു​ന്നു. സ്‌റ്റോ​ക്ക്‌ഹോ​മിൽവെച്ച്‌ ഒരു അടിയ​ന്തിര ശസ്‌ത്ര​ക്രിയ നടത്ത​പ്പെട്ടു. ഒടുവിൽ അവനെ തിരികെ ഇംഗ്ലണ്ടി​ലേക്ക്‌ വിമാ​ന​ത്തിൽ കൊണ്ടു​പോ​യി. അവിടെ അവൻ 24-ാം ജൻമദി​ന​ത്തി​നു തൊട്ടു​മുൻപു മരിച്ചു. അവന്റെ അമ്മ നെൽ പറയുന്നു: “എന്റെ മനസ്സിൽ മുന്തി​നിൽക്കുന്ന ഒരു തിരു​വെ​ഴുത്ത്‌ മത്തായി 22:32 ആണ്‌, അവിടെ ദൈവം ‘ഞാൻ അബ്രാ​ഹാ​മി​ന്റെ ദൈവ​വും യിസഹാ​ക്കി​ന്റെ ദൈവ​വും യാക്കോ​ബി​ന്റെ ദൈവ​വും ആകുന്നു’വെന്ന്‌ പറയു​ന്ന​താ​യി യേശു ഉദ്ധരിച്ചു. അനന്തരം അവൻ തുടർന്നു: ‘അവൻ മരിച്ച​വ​രു​ടെയല്ല, ജീവനു​ള്ള​വ​രു​ടെ ദൈവ​മാ​കു​ന്നു.’ ഡാറൽ ദൈവ​ത്തി​ന്റെ ഓർമ്മ​യിൽ നിലനിൽക്കു​ന്നു​വെ​ന്നാണ്‌ ആ വാക്കു​ക​ളു​ടെ അർത്ഥ​മെന്ന്‌ എനിക്ക​റി​യാം.”

മരിച്ച​വ​രു​ടെ പ്രത്യാശ—താമസി​യാ​തെ ഒരു യാഥാർത്ഥ്യം

അനുസ​ര​ണ​മുള്ള മനുഷ്യ​വർഗ്ഗ​ത്തി​നു​വേണ്ടി സമാധാ​ന​വും നിത്യ​ജീ​വ​നും പുനഃ​സ്ഥാ​പി​ക്കു​ന്ന​തി​നു ദൈവം നടപടി സ്വീക​രി​ക്കുന്ന സമയ​ത്തോ​ടു നാം സമീപി​ച്ചി​രി​ക്കു​ന്നു​വെന്ന്‌ ബൈബിൾപ്ര​വ​ചനം സൂചി​പ്പി​ക്കു​ന്നു. ദൈവം വാഗ്‌ദ​ത്തം​ചെ​യ്യു​ന്നു: “ഞാൻ അവരുടെ വിലാ​പത്തെ കുതൂ​ഹ​ല​മാ​ക്കി​മാ​റ്റും, ഞാൻ അവരെ ആശ്വസി​പ്പി​ക്കു​ക​യും അവരുടെ ദുഃഖം മാറ്റി സന്തോ​ഷി​പ്പി​ക്കു​ക​യും ചെയ്യും.” “‘കരയു​ന്ന​തിൽനിന്ന്‌ നിന്റെ ശബ്ദത്തെ​യും കണ്ണുനീ​രിൽനി​ന്നു നിന്റെ കണ്ണുക​ളെ​യും തടയുക, എന്തു​കൊ​ണ്ടെ​ന്നാൽ നിന്റെ പ്രവർത്ത​ന​ത്തി​നു ഒരു പ്രതി​ഫ​ല​മുണ്ട്‌, അവർ തീർച്ച​യാ​യും ശത്രു​വി​ന്റെ ദേശത്തു​നി​ന്നു [മരണം] മടങ്ങി​വ​രും’ എന്നാണ്‌ യഹോ​വ​യു​ടെ അരുള​പ്പാട്‌.”—യിരെ​മ്യാവ്‌ 31:13-17.

മനുഷ്യ​ച​രി​ത്ര​ത്തി​ലു​ട​നീ​ളം മരിച്ചി​ട്ടു​ള്ള​വരെ യഹോവ ആ സമയത്തു തുടർച്ച​യാ​യി പുനരു​ത്ഥാ​ന​ത്തി​ലൂ​ടെ ജീവനി​ലേക്കു പുനഃ​സ്ഥി​തീ​ക​രി​ക്കും. ദൈവ​ത്തി​ന്റെ പുതിയ വ്യവസ്ഥി​തി​യി​ലെ സ്വർഗ്ഗീ​യ​ഗ​വൺമ്മെൻറിൻകീ​ഴിൽ ആ കാലത്തെ ജീവനെ ബാധി​ക്കുന്ന ദൈവ​കൽപ്പ​നകൾ അനുസ​രി​ക്കു​ന്ന​തി​നാൽ നിത്യ​ജീ​വനെ തെര​ഞ്ഞെ​ടു​ക്കു​ന്ന​തി​നുള്ള അവസരം അവർക്കു ലഭിക്കും. അങ്ങനെ നാം ബൈബി​ളി​ലേക്കു തിരി​യു​ന്നു​വെ​ങ്കിൽ മരിച്ച​വർക്ക്‌ ഒരു യഥാർത്ഥ പ്രത്യാ​ശ​യും ജീവനു​ള്ള​വർക്ക്‌ ആശ്വാ​സ​വും ഉണ്ടെന്ന്‌ നാം കണ്ടെത്തും.—പ്രവൃ​ത്തി​കൾ 24:15; വെളി​പ്പാട്‌ 20:12-14; 21:1-4. (g87 8/8)

[അടിക്കു​റി​പ്പു​കൾ]

[14-ാം പേജിലെ ചതുരം]

ഞങ്ങളുടെ രണ്ടാമത്തെ ലേഖന​ത്തിൽ തന്റെ പുത്ര​നായ ഡേവി​ഡി​ന്റെ മരണ​ത്തെ​ക്കു​റി​ച്ചു പറയുന്ന ഡയാന ക്രിച്ച്‌ കടുത്ത ദുഃഖ​ത്തി​ലും നിരസന പ്രതി​ക​ര​ണ​ങ്ങ​ളി​ലും​കൂ​ടി കടന്നു​പോ​യി. അവൾ ഡേവി​ഡി​നെ​ഴു​തി 13 വർഷം സൂക്ഷിച്ച കത്തുക​ളിൽനി​ന്നു ഇതു തെളി​യു​ന്നു. അവൾ ശുശ്രൂ​ഷി​ച്ചി​രുന്ന സ്വന്തം പിതാ​വി​ന്റെ മരണത്തി​ന്റെ യാഥാർത്ഥ്യ​ത്തെ അഭിമു​ഖീ​ക​രി​ച്ച​പ്പോ​ഴാണ്‌ അവൾ എഴുത്തു നിർത്തി​യത്‌. (ഉണരുക! ഒരു ആശ്വാ​സ​രീ​തി​യിൽ കത്തെഴു​തു​ന്ന​തി​നു ശുപാർശ ചെയ്യു​ന്നില്ല. എന്നിരു​ന്നാ​ലും, പുനരു​ത്ഥാ​ന​പ്ര​ത്യാ​ശ അവൾക്ക്‌ എങ്ങനെ നങ്കൂര​മാ​യി​രു​ന്നു​വെ​ന്നും പിന്നീട്‌ എക്കാല​വും അവളെ അതെങ്ങനെ പുലർത്തി​യെ​ന്നും വിശദ​മാ​ക്കു​ന്ന​തി​നു ഞങ്ങൾ ആദ്യകത്ത്‌ ഉദ്ധരി​ക്കു​ന്നു.)

ഏറ്റവും പ്രിയ​പ്പെട്ട ഡേവി​ഡിന്‌,

ഇപ്പോൾ 46 ദിവസ​മാ​യി നീ ഉറങ്ങു​ക​യാണ്‌. ഞാൻ നിന്നെ കണ്ടിട്ടും പിടി​ച്ചി​ട്ടും വർഷങ്ങ​ളാ​യെന്നു തോന്നു​ന്നു. എന്നാൽ നിന്റെ ഉറക്കത്തി​നുള്ള നാളുകൾ പരിമി​ത​മാണ്‌. എണ്ണം അറിയാ​മാ​യി​രു​ന്നെ​ങ്കിൽ ഞാൻ ഓരോ ദിവസ​വും അടയാ​ള​പ്പെ​ടു​ത്തു​മാ​യി​രു​ന്നു. ഞങ്ങളെ​സം​ബ​ന്ധിച്ച്‌ അതു നീണ്ട ക്ലേശക​ര​മായ ഏകാന്ത കാത്തി​രി​പ്പാണ്‌. എന്നാൽ നിനക്ക്‌ അത്‌ ഏതാനും ചില മിനി​റ്റു​കൾ പോലെ തോന്നും. അതിനു എനിക്കു നന്ദിയുണ്ട്‌. നൂതന ക്രമത്തിൽ യഹോവ നിന്നെ ഉറക്കത്തിൽനിന്ന്‌ ഉണർത്തുന്ന ദിവസ​ത്തി​നു​വേണ്ടി ഞങ്ങൾ നോക്കി​പ്പാർത്തി​രി​ക്കു​ക​യാണ്‌. നീ കണ്ടിട്ടു​ള്ള​തി​ലേ​ക്കും വലിയ വിരുന്നു ഞങ്ങൾ കഴിക്കും. അതു കുറഞ്ഞ​പക്ഷം മൂന്നു ദിവസം നീണ്ടു​നിൽക്കും. ഞങ്ങൾക്ക​റി​യാ​വുന്ന എല്ലാവ​രെ​യും ക്ഷണിക്കും. അതു നിന്റെ വിരു​ന്നാ​യി​രി​ക്കും. ഞങ്ങൾ വളരെ ദീർഘ​മാ​യി കാത്തി​രി​ക്കേ​ണ്ടി​വ​രി​ല്ലെന്നു മാത്രം ഞാനാ​ശി​ക്കു​ന്നു. ഡേവിഡ്‌, നിന്നെ കൈക​ളി​ലെ​ടു​ക്കു​ന്ന​തി​നു എനിക്കു കാത്തി​രി​ക്കാ​വു​ന്നതല്ല. ഞങ്ങൾക്കെ​ല്ലാം നിന്റെ നഷ്ടം ഭയങ്കര​മാ​യി അനുഭ​വ​പ്പെ​ടു​ന്നുണ്ട്‌. നിന്നെ​ക്കൂ​ടാ​തെ വീട്‌ ശൂന്യ​മാണ്‌. നീ ഞങ്ങളോ​ടു​കൂ​ടെ വീട്ടിൽ തിരി​ച്ചെ​ത്തു​ന്ന​തു​വരെ യാതൊ​ന്നും പഴയതു​പോ​ലെ​യാ​യി​രി​ക്കു​ക​യില്ല.

അതു​കൊ​ണ്ടു എന്റെ പ്രിയ​മ​കനേ, ഞങ്ങൾ ക്ഷമയോ​ടെ നിന്റെ തിരി​ച്ചു​വ​ര​വി​നാ​യി യഹോ​വ​ക്കു​വേണ്ടി കാത്തി​രി​ക്കാൻ ശ്രമി​ക്കും, അതിനി​ട​യിൽ നീ ഉറങ്ങവേ സംഭവി​ക്കു​ന്ന​തിൽ നിന്റെ കുറവു നികത്താൻ ഞങ്ങൾ നിനക്കു ചെറിയ കുറി​പ്പു​കൾ എഴുതു​ന്ന​താ​യി​രി​ക്കും.

മുഴു​സ്‌നേ​ഹ​ത്തോ​ടെ,

മമ്മി

[15-ാം പേജിലെ ചിത്രങ്ങൾ]

മേരിയായെയും ഡേവി​ഡി​നെ​യും പോ​ലെ​യുള്ള മരിച്ചവർ പുനരു​ത്ഥാ​നം പ്രാപി​ക്കു​മെന്ന്‌ ബൈബിൾ വാഗ്‌ദാ​നം​ചെ​യ്യു​ന്നു