അന്ത്യനാ​ളു​കൾ ‘രാജ്യങ്ങൾ രാജ്യ​ങ്ങൾക്കെ​തി​രെ’

“1914 മുതൽ 1918 വരെ നടന്ന ജനതക​ളു​ടെ പോരാ​ട്ടം ‘വേറെ ഏതോ യുദ്ധത്തി​ന്റെ വിരസ​മായ കിംവ​ദന്തി’ ആയിരു​ന്നില്ല. ആ പോരാ​ട്ടം ഒരു പുതിയ യുദ്ധവ്യാ​പ്‌തി, മനുഷ്യ​വർഗ്ഗ​ത്തി​ന്റെ അനുഭ​വ​ത്തി​ലെ ആദ്യത്തെ സമഗ്ര​യു​ദ്ധം, ആനയിച്ചു. അതിന്റെ ദൈർഘ്യ​വും തീവ്ര​ത​യും തോതും മുമ്പ്‌ അറിയ​പ്പെ​ട്ടി​രു​ന്ന​തോ പൊതു​വേ പ്രതീ​ക്ഷി​ക്ക​പ്പെ​ട്ട​തോ ആയ ഏതി​നെ​ക്കാ​ളും കവിഞ്ഞു. ബഹുജ​ന​യു​ദ്ധ​ത്തി​ന്റെ നാൾ ആഗതമാ​യി​ക്ക​ഴി​ഞ്ഞി​രു​ന്നു.”—ബേണാ​ഡോട്ട്‌ ഈ. ഷിമി​റ​റും ഹാരോൾഡ്‌ സി. വെഡല​റും രചിച്ച ലോകം ഉരുക്കു​മൂ​ശ​യിൽ

ലാ ഗ്രാൻഡേ ഗറേ​യിൽ, മഹായു​ദ്ധ​ത്തിൽ, പട്ടു​പോ​യ​വർക്ക്‌ സമർപ്പി​ക്ക​പ്പെ​ട്ടി​രി​ക്കുന്ന സ്‌മാ​ര​കങ്ങൾ ഫ്രാൻസിൽ ഇന്നുവ​രെ​യും കാണാൻ കഴിയ​ത്ത​ക്ക​വണ്ണം 1914-18-ലെ യുദ്ധം നാശത്തി​ലും ജീവഹാ​നി​യി​ലും അത്ര വലുതാ​യി​രു​ന്നു. അമേരി​ക്കൻ എഴുത്തു​കാ​ര​നായ ഏണെസ്‌ററ്‌ ഹെമിം​ഗ്‌വേ അതിനെ പിന്നീട്‌ “ഭൂമി​യിൽ നടന്നി​ട്ടു​ള്ള​തി​ലേ​ക്കും അത്യന്തം ബൃഹത്തും ദാരു​ണ​വും തെററാ​യി നയിക്ക​പ്പെ​ട്ട​തു​മായ കശാപ്പ്‌” എന്നു വിളിച്ചു. ലോകം രണ്ടാം ലോക​മ​ഹാ​യു​ദ്ധ​ത്താൽ (1939-45) നശിപ്പി​ക്ക​പ്പെ​ട്ട​പ്പോൾ മഹായു​ദ്ധം ഒന്നാം ലോക​മ​ഹാ​യു​ദ്ധം എന്നു പുനർനാ​മ​ക​രണം ചെയ്യ​പ്പെട്ടു.

ഒന്നാം ലോക​മ​ഹാ​യു​ദ്ധം അനേകം വിധങ്ങ​ളിൽ മുൻ യുദ്ധങ്ങ​ളിൽനിന്ന്‌ വ്യത്യ​സ്‌ത​മാ​യി​രു​ന്നു. ദശലക്ഷ​ക്ക​ണ​ക്കിന്‌ പടയാ​ളി​ക​ള​ട​ങ്ങുന്ന സൈന്യ​ങ്ങൾ പശ്ചിമ​യൂ​റോ​പ്പി​ലെ വയലു​ക​ളി​ലും വനങ്ങളി​ലും അന്യോ​ന്യം സംഹരി​ച്ചു. യന്ത്ര​ത്തോ​ക്കു​കൾ നീങ്ങി​ക്കൊ​ണ്ടി​രി​ക്കുന്ന കാലാൾപ​ട​യു​ടെ വലിയ വിഭാ​ഗ​ങ്ങളെ അരിഞ്ഞു​വീ​ഴ്‌ത്തി ആധിപ​ത്യം പുലർത്തി. ഗ്വൈനെ ഡയർ യുദ്ധം എന്ന തന്റെ പുസ്‌ത​ക​ത്തിൽ പ്രസ്‌താ​വി​ക്കു​ന്ന​പ്ര​കാ​രം: “[യുദ്ധം തുടങ്ങി​യ​ശേഷം] രണ്ടു മാസത്തി​നകം പത്തുല​ക്ഷ​ത്തി​ല​ധി​കം പേർ മരിച്ചു . . . യന്ത്രാ​യു​ധങ്ങൾ—സത്വരം വെടി​വെ​ക്കുന്ന പീരങ്കി​ക​ളും യന്ത്ര​ത്തോ​ക്കു​ക​ളും മിനി​റ​റിൽ അറുനൂ​റു വെടി​യു​ണ്ടകൾ വീതം പായി​ച്ചു​കൊ​ണ്ടി​രു​ന്നു. അവ വായു​വി​നെ മാരക​മായ ഉരുക്കു​മ​ഴ​കൊ​ണ്ടു നിറച്ചു.” ററാങ്കു​ക​ളും അന്തർവാ​ഹി​നി​ക​ളും വിമാ​ന​ങ്ങ​ളും ചിന്ത​യെ​യും നയങ്ങ​ളെ​യും മാററി​മ​റി​ച്ചു. ഇപ്പോൾ മരണം ആകാശ​ത്തു​നി​ന്നു പൊഴി​യു​ക​യും വെള്ളങ്ങ​ളിൽനിന്ന്‌ ഉയരു​ക​യു​മാ​യി​രു​ന്നു.

കിടങ്ങു​യു​ദ്ധ​ത്തി​നു പുറമെ വിഷവാ​ത​ക​ത്തി​ന്റെ ഉപയോ​ഗ​വും മനുഷ്യ​രെ സഹനത്തി​ന്റെ​യും യാതന​യു​ടെ​യും അധഃപ​ത​ന​ത്തി​ന്റെ​യും നെല്ലി​പ്പ​ല​ക​യി​ലെ​ത്തി​ച്ചു. മഹായു​ദ്ധം മറെറാ​രു വിധത്തി​ലും വ്യത്യ​സ്‌ത​മാ​യി​രു​ന്നു: “തടവു​കാ​രു​ടെ എണ്ണം ദശലക്ഷ​ങ്ങ​ളി​ലെ​ത്തി​യ​തും (മൊത്തം 84,00,000) അവരെ ദീർഘ​കാ​ല​ഘ​ട്ട​ങ്ങ​ളിൽ തടവിൽ കിടത്തി​യ​തു​മായ ആദ്യത്തെ യുദ്ധം ഇതായി​രു​ന്നു. (ലോകം ഉരുക്കു​മൂ​ശ​യിൽ) പ്രതി​രോ​ധാ​യു​ധ​നിർമ്മാ​ണ​ത്തി​ലോ ആക്രമ​ണ​ത്തി​ന്റെ​യും യുദ്ധത്തി​ന്റെ​യും ഇരകളാ​യോ മുഴു​പൗ​രൻമാ​രും ഫലത്തിൽ ഉൾപ്പെ​ട്ടി​രുന്ന ആദ്യയു​ദ്ധ​വും ഇതായി​രു​ന്നു.

യഹോ​വ​യു​ടെ സാക്ഷികൾ അന്ന്‌ 1914-ൽ ആ ഭയങ്കര​യു​ദ്ധ​ത്തിൽ യേശു​വി​ന്റെ വിധി​നിർണ്ണാ​യ​ക​പ്ര​വ​ച​ന​ങ്ങ​ളു​ടെ നിവൃ​ത്തി​യു​ടെ തുടക്കം കണ്ടു. എന്നാൽ അതിലും കടുത്തത്‌ വരാനി​രി​ക്കു​ക​യാ​യി​രു​ന്നു.

രണ്ടാം ലോക​മ​ഹാ​യു​ദ്ധം—അസാധാ​രണ നശീക​ര​ണ​ശ​ക്തി

ഒരു മാനു​ഷി​ക​നി​ല​പാ​ടിൽപോ​ലും ഇത്‌ അന്ത്യനാ​ളു​ക​ളാ​യി​രി​ക്കാ​മെ​ന്നുള്ള​തി​ന്റെ മറെറാ​രു തെളിവ്‌ മമനു​ഷ്യ​ന്റെ സ്വവി​നാ​ശ​ക​ശ​ക്തി​യാണ്‌. ഡോ. ബേണാഡ്‌ ലൗൺ തന്റെ നൊബേൽ പീസ്‌ പ്രൈസ്‌ പ്രസം​ഗ​ത്തിൽ ഇങ്ങനെ പ്രസ്‌താ​വി​ച്ചു: “രണ്ടാം ലോക​മ​ഹാ​യു​ദ്ധം സമഗ്ര​യു​ദ്ധത്തെ അവതരി​പ്പി​ച്ചു—തത്വര​ഹി​ത​മായ രീതി​യും അപരി​മി​ത​മായ അക്രമ​വും വിവേ​ച​നാ​ര​ഹി​ത​മായ ഇരകളും. ആഷ്വി​റ​റ്‌സി​ലെ വിഷവാ​തക അടുപ്പു​ക​ളും ഹിറോ​ഷി​മാ​യി​ലെ​യും നാഗസാ​ക്കി​യി​ലെ​യും ആണവ ഭസ്‌മീ​ക​ര​ണ​വും മനുഷ്യ​മൃ​ഗീ​യ​ത​യു​ടെ ചരി​ത്ര​ത്തിൽ കുറേ​ക്കൂ​ടെ ഇരുണ്ട ഒരു അദ്ധ്യായം എഴുതി​ച്ചേർത്തു.”

ഈ ഭയാന​ക​മായ അനുഭ​വ​ത്തിൽനിന്ന്‌ മനുഷ്യ​വർഗ്ഗം സഹാനു​ഭൂ​തി​യും കരുണ​യും പഠിച്ചോ? അദ്ദേഹം തുടരു​ന്നു: “5 കോടി​യാ​ളു​കളെ [ബ്രിട്ട​നി​ലെ​യോ ഫ്രാൻസി​ലെ​യോ ഇററലി​യി​ലെ​യോ മൊത്തം ജനസം​ഖ്യ​യോട്‌ മിക്കവാ​റും സമം] മരിച്ച​വ​രാ​യി വിട്ട നീണ്ട യാതന കിരാ​ത​ത്വം നിർത്തി ഒരു യുദ്ധവി​രാ​മ​ത്തിന്‌ നിലനിൽക്കുന്ന അടിസ്ഥാ​നം പ്രദാ​നം​ചെ​യ്‌തില്ല. മറിച്ച്‌, അനേകാ​യി​രം രണ്ടാം ലോക​മ​ഹാ​യു​ദ്ധങ്ങൾ വരുത്തി​ക്കൂ​ട്ടാൻ കഴിവുള്ള വർഗ്ഗനാ​ശക ആയുധ​ങ്ങൾസ​ഹി​തം ആയുധ​പ്പു​രകൾ വികസി​ച്ചു​തു​ട​ങ്ങു​ക​യാ​ണു​ണ്ടാ​യത്‌.—ഇററാ​ലി​ക്‌സ്‌ ഞങ്ങളു​ടേത്‌.

ഇതുസം​ബ​ന്ധി​ച്ചു സംശയ​മില്ല, ‘ജനത ജനത​ക്കെ​തി​രെ​യും രാജ്യം രാജ്യ​ത്തി​നെ​തി​രെ​യും’ നില​കൊ​ള്ളു​ന്നത്‌ നാം കണ്ടിരി​ക്കു​ന്നു. വെളി​പ്പാ​ടി​ലെ തീനി​റ​മുള്ള കുതി​ര​യു​ടെ സവാരി​ക്കാ​രൻ ഭൂമി​യി​ലാ​സ​കലം സംഹാരം വിതച്ചി​രി​ക്കു​ന്നു. (മത്തായി 24:7; വെളി​പ്പാട്‌ 6:4) എന്നാൽ നൂക്ലിയർ ആയുധ​ങ്ങ​ളു​ടെ കണ്ടുപി​ടു​ത്ത​വും വികസി​പ്പി​ക്ക​ലും നമ്മുടെ “അന്ത്യനാ​ളു​കളി”ലേക്ക്‌ കൂടു​ത​ലാ​യി എന്തർത്ഥ​മാ​ക്കും?—2 തിമൊ​ഥെ​യോസ്‌ 3:1. (g88 4/1)

[6-ാം പേജിലെ ചതുരം/ചിത്രം]

“കഴിഞ്ഞ രണ്ടു നൂററാ​ണ്ടു​ക​ളോ​ടു താരത​മ്യ​പ്പെ​ടു​ത്തു​മ്പോൾ 20-ാം നൂററാണ്ട്‌ അക്രമ​ത്തി​ന്റെ ഉയർന്ന തോതി​നാൽ അടയാ​ള​പ്പെ​ടു​ത്ത​പ്പെ​ട്ടി​രു​ന്നു. . . .20-ാം നൂററാണ്ട്‌ ഇപ്പോൾത്തന്നെ 237 യുദ്ധങ്ങൾ, അതായത്‌, വർഷത്തിൽ 1,000മോ അധിക​മോ മരണത്തിൽ കലാശിച്ച പോരാ​ട്ടങ്ങൾ രേഖ​പ്പെ​ടു​ത്തു​ന്നു.”

“കൂടുതൽ യുദ്ധങ്ങൾ ഉണ്ടെന്നു​മാ​ത്രമല്ല, അവയുടെ നശീക​ര​ണ​പ്രാ​പ്‌തി​യും വർദ്ധി​ച്ചി​രി​ക്കു​ന്നു. ഇരുപ​താം നൂററാ​ണ്ടി​ലെ യുദ്ധങ്ങൾ ഇതുവരെ 99 ദശലക്ഷം പേരെ കൊ​ന്നൊ​ടു​ക്കി​യി​രി​ക്കു​ന്നു, 19-ാം നൂററാ​ണ്ടി​ലേ​തി​ന്റെ 12 ഇരട്ടി​യും 18-ാം നൂററാ​ണ്ടി​ലേ​തി​ന്റെ 22 ഇരട്ടി​യും. . . . കഴിഞ്ഞ നൂററാ​ണ്ടിൽ പത്തുല​ക്ഷ​ത്തിൽ കൂടുതൽ മരണം സംഭവിച്ച രണ്ടു യുദ്ധങ്ങൾ നടന്നു; ഈ നൂററാ​ണ്ടിൽ അത്തരം 13 യുദ്ധങ്ങൾ നടന്നു.”—രൂത്ത്‌ ലിഗർ സിവാർഡ്‌ രചിച്ച ലോക സൈനിക സാമൂ​ഹി​ക​ചെ​ല​വു​കൾ, 1986.

[കടപ്പാട്‌]

U.S. Army photo