പ്രയോ​ജ​ന​മുള്ള പങ്കാളി​കൾ—ജന്തു​ലോ​ക​ത്തിൽ

ഷേക്‌സ്‌പി​യർ എഴുതി: “തങ്ങളുടെ സുഹൃ​ത്തു​ക്ക​ളെ​ക്കു​റിച്ച്‌ ഗ്രാഹ്യ​മു​ണ്ടാ​യി​രി​ക്കാൻ പ്രകൃതി ജന്തുക്കളെ പഠിപ്പി​ക്കു​ന്നു.” നിശ്ചയ​മാ​യും ജന്തു​ലോ​ക​ത്തിൽ പ്രയോ​ജ​ന​മുള്ള നിരവധി സഹകാ​രി​ക​ളുണ്ട്‌. ഇതി​ലൊ​ന്നാണ്‌ ഒരു ദക്ഷിണാ​ഫ്രി​ക്കൻ പക്ഷിയാ​യി​രി​ക്കുന്ന ഓക്‌സ്‌പെക്കർ (മൃഗം​കൊ​ത്തി).

ഏതാണ്ട്‌ എട്ട്‌ ഇഞ്ച്‌ നീളമുള്ള ഈ പക്ഷിക്ക്‌ വീതി​യേ​റി​യ​തും തടിച്ച​തു​മായ മഞ്ഞ അല്ലെങ്കിൽ ചെമന്ന ചുണ്ടും കുറിയ കാലു​ക​ളും ശക്തി​യേ​റിയ നഖങ്ങളു​മുണ്ട്‌. ഇത്‌ സാധാ​ര​ണ​യാ​യി വീട്ടു​മൃ​ഗ​ങ്ങ​ളു​ടെ​മേ​ലോ നീർക്കു​തി​രകൾ പോലുള്ള വേട്ടയാ​ട​പ്പെ​ടുന്ന വലിയ മൃഗങ്ങ​ളു​ടെ മേലോ ഇരിക്കു​ന്ന​താ​യി കണ്ടെത്ത​പ്പെ​ടു​ന്നു. എന്തു​കൊണ്ട്‌? ഓക്‌സ്‌പെക്കർ അതിന്റെ ആതി​ഥേ​യനെ കുത്തി​വേ​ദ​നി​പ്പി​ക്കാ​തെ ചെള്ളു​ക​ളു​ടെ കൂട്ടങ്ങളെ നീക്കം​ചെ​യ്യാൻ ശ്രമി​ച്ചു​കൊണ്ട്‌ അവയുടെ ചർമ്മത്തി​ലെ ഓരോ രന്ധ്രത്തി​ലും ചുളു​ക്കി​ലും കൂലങ്ക​ഷ​മാ​യി പരി​ശോ​ധി​ക്കു​ന്ന​തി​ന്റെ തിരക്കി​ലാണ്‌. എന്നാൽ ഇതിന്റെ വേല പ്രതി​ഫ​ല​മി​ല്ലാ​ത്തതല്ല. എന്തു​കൊ​ണ്ടെ​ന്നാൽ ഈ ചെള്ളു​ക​ളാണ്‌ ഓക്‌സ്‌പെ​ക്ക​റു​ടെ തീററി​യു​ടെ മുഖ്യ ഉറവ്‌.

മനുഷ്യ​നും മൃഗവും ഒരു​പോ​ലെ ഓക്‌സ്‌പെ​ക്ക​റു​ടെ സേവന​ങ്ങ​ളിൽനിന്ന്‌ പ്രയോ​ജ​ന​മ​നു​ഭ​വി​ക്കു​ന്നു. പക്ഷിശാ​സ്‌ത്ര​പ​ഠി​താ​വാ​യി​രി​ക്കുന്ന ഒലിവർ ഓസ്‌റ​റിൻ ജൂനിയർ “കാട്ടു​മ​നു​ഷ്യ​രും നാടൻകർഷ​ക​രും തങ്ങളുടെ കന്നുകാ​ലി​ക​ളിൽനിന്ന്‌ ചെള്ളു​കളെ നീക്കം​ചെ​യ്യു​ന്ന​തു​നി​മി​ത്തം [ഓക്‌സ്‌പെ​ക്ക​റു​കളെ] വിലമ​തി​ക്കു​ന്നു” എന്ന്‌ കുറി​ക്കൊ​ള്ളു​ന്നു. ആഫ്രിക്കൻ മൃഗ​വേ​ട്ട​ക്കാർക്ക്‌ ഓക്‌സ്‌പെക്കർ ഒരു ശല്യമാണ്‌. എങ്ങനെ? ഒരു ആഫ്രിക്കൻ നായാ​ട്ടു​കാ​രൻ തന്റെ ഇരയെ ആക്രമി​ക്കാ​വുന്ന ദൂര​ത്തോട്‌ ഒളിഞ്ഞ​ടു​ക്കു​ന്നത്‌ സങ്കൽപ്പി​ക്കുക. പെട്ടെന്ന്‌, ജാഗ്ര​ത​യുള്ള ഈ കാവൽക്കാ​രൻ—ഓക്‌സ്‌പെക്കർ പക്ഷി—മുകളി​ലേക്ക്‌ പറക്കുന്നു! ഇപ്പോൾ ഓക്‌സ്‌പെക്കർ ശബ്‌ദാ​യ​മാ​ന​മാ​യി, പ്രക്ഷു​ബ്ധ​മാ​യി കരഞ്ഞു​കൊണ്ട്‌ അപകടം സമീപി​ച്ചി​രി​ക്കു​ന്നു എന്ന്‌ അതിന്റെ പങ്കാളി​യെ ഓർമ്മ​പ്പെ​ടു​ത്തു​ന്നു. വേട്ടമൃ​ഗം പമ്പകട​ക്കു​ന്നു!

കടൽപ്പൂ​വും കടൽചെ​മ്മീ​നും

മറെറാ​ര​സാ​ധാ​രണ ബന്ധം ഒരു ചെറു കടൽജീ​വി​യും കടൽചെ​മ്മീ​നും തമ്മിലു​ള്ള​താണ്‌. ഈ ചെറു കടൽജീ​വി ഒരു “കടൽപ്പൂ” എന്ന്‌ ചില​പ്പോൾ വിളി​ക്ക​പ്പെ​ടുന്ന നട്ടെല്ലി​ല്ലാത്ത ഒരു ജീവി​യാണ്‌. മിക്ക ചെറു​ജീ​വി​കൾക്കും മൽസ്യ​ത്തി​നും വെള്ളത്തി​ന​ടി​യി​ലെ ഈ മനോഹര ജീവി​യു​ടെ ഒരു ഉരസൽ തീർത്തും മരണത്തെ അർത്ഥമാ​ക്കു​ന്നു. ഇതിന്റെ ഓരോ സ്‌പർശി​നി​കൾക്കും ഒരു വിഷ​ക്കൊമ്പ്‌ തുളച്ചു​ക​യ​റ​റി​ക്കൊണ്ട്‌ അതിന്റെ ഇരയെ പ്രവർത്ത​ന​ര​ഹി​ത​നാ​ക്കാൻ കഴിയും. ഈ കടൽജീ​വി അതിന്റെ ഇരയെ അതിന്റെ വായി​ലേക്ക്‌ സ്‌പർശി​നി​യു​ടെ അററം​വരെ വലിച്ചു​കൊ​ണ്ടു​വ​രു​ന്നു.

എന്നാൽ കടൽചെ​മ്മീൻ അതിന്റെ വിഷസ്‌പർശി​നി​ക​ളാൽ ബാധി​ക്ക​പ്പെ​ടാ​തെ അവരു​ടെ​യി​ട​യിൽ സുരക്ഷി​ത​മാ​യി കഴിയു​ന്നു. ഈ സഹജീ​വി​ത​ത്തിൽ, ചെമ്മീന്‌ ഇരപി​ടി​ത്ത​ക്കാ​രായ മററു ജീവി​ക​ളിൽനിന്ന്‌ സംരക്ഷണം ലഭിക്കു​ക​യും അത്‌ കടൽപ്പൂ​വി​ന്റെ ഉച്ചിഷ്ടങ്ങൾ നിർമ്മാർജ്ജനം ചെയ്യു​മ്പോൾ അതിന്‌ ഭക്ഷണം ലഭിക്കു​ക​യും ചെയ്യുന്നു. ക്രമത്തിൽ, കടൽപ്പൂ കടൽചെ​മ്മീ​ന്റെ മാലി​ന്യ​നിർമ്മാർജ്ജ​ന​സേ​വ​ന​ങ്ങ​ളിൽനിന്ന്‌ പ്രയോ​ജ​ന​മ​നു​ഭ​വി​ക്കു​ന്നു.

കടലിലെ മറ്റ്‌ സഹകാ​രികൾ

മനുഷ്യ​രെ​പ്പോ​ലെ മൽസ്യങ്ങൾ അണുസം​ക്ര​മ​ണ​ത്തി​നും രോഗ​ത്തി​നും വിധേ​യ​മാണ്‌. എന്നാൽ ആരോ​ഗ്യം സംരക്ഷി​ക്കു​ന്ന​തി​നു​വേണ്ടി ഒരു മൽസ്യ​ത്തിന്‌ പ്രതി​രോധ നടപടി​കൾ സ്വീക​രി​ക്കാൻ കഴിയു​മോ? നിശ്ചയ​മാ​യും കഴിയും. എന്തു​കൊ​ണ്ടെ​ന്നാൽ ചില മൽസ്യങ്ങൾ ക്ഷുരകൻ അല്ലെങ്കിൽ വൃത്തി​യാ​ക്കു​ന്നവൻ എന്ന്‌ അറിയ​പ്പെ​ടുന്ന മൽസ്യ​ങ്ങ​ളു​മാ​യി ഒരു ബന്ധം സ്ഥാപി​ച്ചി​ട്ടുണ്ട്‌. ആഴത്തിൽ വസിക്കുന്ന ഈ ചെറു​ജീ​വി​യെ സ്രാവു​ക​ളും തിരണ്ടി​ക​ളും വ്‌ളാ​ങ്കു​ക​ളും പല വിഭാ​ഗ​ങ്ങ​ളും ആകാം​ക്ഷ​യോ​ടെ തെരയു​ന്നു.

ഈ മാംസ​ഭു​ക്കു​കൾ സമു​ദ്ര​ത്തി​ന​ടി​യി​ലെ ശുചീ​കരണ സ്‌റേ​റ​ഷ​നു​ക​ളിൽ തങ്ങളുടെ ഊഴം കാത്ത്‌ വരിവ​രി​യാ​യി നിൽക്കു​ന്നത്‌ ഒന്ന്‌ മനസ്സിൽ കാണുക. ആദ്യം ഒരു വലിയ സ്രാവാണ്‌. വൃത്തി​യാ​ക്കുന്ന മൽസ്യം സ്രാവി​ന്റെ ഏതൊരു രോഗ​ബാ​ധിത കലയും നീക്കം ചെയ്യാൻ അടി മുതൽ മുടി വരെ ശുചി​യാ​ക്കു​ന്നു. അതിനു​ശേഷം അത്‌ സ്രാവി​ന്റെ ഭയാന​ക​മായ, ദന്തനി​ബിഡ വായി​ലേക്ക്‌ കടന്ന്‌ അഴുകിയ ഭക്ഷണാ​വ​ശി​ഷ്‌ട​ങ്ങ​ളെ​യും പരജീ​വി​ക​ളെ​യും കുമി​ളു​ക​ളെ​യും നീക്കം​ചെ​യ്യു​ന്നു. വൃത്തി​യാ​ക്കുന്ന മൽസ്യം തൊണ്ട​യി​ലേ​ക്കു​പോ​യി തന്റെ സൂചി​പോ​ലി​രി​ക്കുന്ന കൂർത്ത പല്ലു​കൊണ്ട്‌ തെരയു​ന്നു. അതിനു​ശേഷം ശകുല​ദ്വാ​ര​ത്തി​ലൂ​ടെ പുറത്തു​ക​ട​ക്കു​ന്നു. ജോലി നന്നായി ചെയ്‌തി​രി​ക്കു​ന്നു—അടുത്ത രോഗി ദയവായി വന്നാലും!

ഇതിന്റെ കൂടുതൽ അടക്കമുള്ള പററു​പ​ടി​ക്കാ​രെ സംബന്ധി​ച്ചി​ട​ത്തോ​ളം, വൃത്തി​യാ​ക്കുന്ന മൽസ്യം തന്റെ ജോലി നിർവ​ഹി​ക്കു​ന്ന​തി​നു​വേണ്ടി മൽസത്തി​ന്റെ വായ്‌ തുറപ്പി​ക്കാൻ മയക്കു​ന്ന​തിന്‌ വശങ്ങളി​ലൂ​ടെ ലോല​മാ​യി തെന്നി​നീ​ങ്ങി​ക്കൊണ്ട്‌ ഒരു തരത്തി​ലുള്ള ഡാൻസ്‌ കളിക്കു​ന്ന​താ​യി അറിയ​പ്പെ​ടു​ന്നു. പെട്ടെന്ന്‌ വായ്‌ തുറക്കു​ക​യും ജോലി നിർവ​ഹി​ക്ക​പ്പെ​ടു​ക​യും ചെയ്യുന്നു. ചികിൽസ ലഭിക്കാൻ മിക്ക മൽസ്യ​ങ്ങ​ളും ആകാം​ക്ഷ​യു​ള്ള​വ​രാ​യി​രി​ക്കു​ന്ന​തി​നാൽ ലൈനിൽ കാത്തു​നിൽക്കു​ന്ന​വ​രു​ടെ​യി​ട​യിൽ ശണ്‌ഠകൾ പൊട്ടി​പ്പു​റ​പ്പെ​ടു​ന്ന​താ​യി കാണ​പ്പെ​ടു​ന്നുണ്ട്‌. ആറ്‌ മണിക്കൂ​റി​നു​ള്ളിൽ വൃത്തി​യാ​ക്കുന്ന ഒരു മൽസ്യം 300 മൽസ്യ​ങ്ങ​ളു​ടെ ജോലി തീർത്തി​രി​ക്കു​ന്നു.

അതെ, അന്യോ​ന്യം പ്രയോ​ജ​ന​പ്ര​ദ​മായ സേവനങ്ങൾ ചെയ്യു​ന്ന​തിൽ അത്തരം ജീവികൾ “നൈസർഗ്ഗി​ക​മാ​യി ജ്ഞാനമു​ള്ളവ” എന്ന്‌ ബൈബിൾ വിളി​ക്കു​ന്ന​വ​യാ​ണെന്ന്‌ തെളി​ഞ്ഞി​രി​ക്കു​ന്നു. (സദൃശ​വാ​ക്യം 30:24) ഒരുപക്ഷേ മനുഷ്യ​രായ നമുക്ക്‌ അവയിൽനിന്ന്‌ ഒരു പാഠം പഠിക്കു​ന്ന​തി​നും മററു​ള്ള​വ​രു​ടെ പ്രയോ​ജ​ന​ത്തി​നു​വേണ്ടി “കൊടു​ക്കൽ ശീല”മാക്കാൻ പഠിക്കു​ന്ന​തി​നും കഴിയും!—ലൂക്കോസ്‌ 6:38. (g88 4/22)