ചെമ്മീൻ കൃഷി​യി​ട​ത്തിൽനി​ന്നുള്ള ഒരു വിശി​ഷ്ട​ഭോ​ജ​ന​മോ?

ഇക്വഡോറിലെ ഉണരുക! ലേഖകൻ

അതേ, കോടി​ക്ക​ണ​ക്കിന്‌ ആളുകൾ ഇഷ്ടപ്പെ​ടുന്ന സ്വാദി​ഷ്ട​മായ ഈ സമു​ദ്ര​ഭ​ക്ഷ്യ​വി​ഭവം മിക്ക​പ്പോ​ഴും കൃഷി​യി​ട​ത്തിൽനി​ന്നാ​ണു വരുന്നത്‌. എങ്കിലും ഉപഭോ​ക്താവ്‌ ഇതൊ​രി​ക്ക​ലും അറിയാ​തി​രു​ന്നേ​ക്കാം. കാരണം, കൃഷി​യി​ട​ത്തി​ലെ ചെമ്മീ​നും സമു​ദ്ര​ത്തി​ലെ ചെമ്മീ​നും തമ്മിൽ വലിയ വ്യത്യാ​സ​മൊ​ന്നു​മില്ല. വാസ്‌ത​വ​ത്തിൽ, ഇക്വ​ഡോ​റി​ലെ പല ചെമ്മീൻ കുളങ്ങ​ളി​ലും സമു​ദ്ര​ത്തിൽനി​ന്നു നേരിട്ടു പിടിച്ച ചെമ്മീൻകു​ഞ്ഞു​ങ്ങ​ളെ​യാ​ണു ശേഖരി​ച്ചി​രി​ക്കു​ന്നത്‌.

ഒന്നര സെൻറി​മീ​റ്റ​റിൽ താഴെ നീളമുള്ള ഈ ചെമ്മീനെ, ഓരങ്ങ​ളിൽ കണ്ടൽ വൃക്ഷങ്ങൾ വളർന്നു​നിൽക്കുന്ന നദീമു​ഖ​ത്തു​നി​ന്നോ തീരത്തി​ന​ടു​ത്തു​നി​ന്നോ ലാർവി​റോസ്‌ എന്നറി​യ​പ്പെ​ടുന്ന മീൻപി​ടു​ത്ത​ക്കാർ വലവീ​ശി​പ്പി​ടി​ക്കു​ന്നു. പിന്നീട്‌, അവയെ വളർത്തു​ന്ന​തി​നു കുളങ്ങ​ളി​ലേക്കു കൊണ്ടു​പോ​കു​ന്നു. എങ്കിലും വേണ്ടത്ര ചെമ്മീൻ ഈ മാർഗ​ത്തി​ലൂ​ടെ പ്രദാനം ചെയ്യാ​നാ​വില്ല. അതു​കൊണ്ട്‌, പല ചെമ്മീൻ കൃഷി​ക്കാ​രും തങ്ങളുടെ കുളങ്ങ​ളി​ലി​ടാൻ വേണ്ടത്ര ചെമ്മീൻകു​ഞ്ഞു​ങ്ങൾക്കാ​യി ആധുനിക അക്വാ​കൾച്ചർ (ജലത്തിലെ കൃഷി) രീതി​ക​ളോ​ടു​കൂ​ടിയ ഹാച്ചറി​കളെ (മുട്ട വിരി​യി​ക്കുന്ന സ്ഥലങ്ങൾ) ആശ്രയി​ക്കു​ന്നു. ചെമ്മീൻ കൃഷി​യി​ട​ങ്ങ​ളിൽ നടക്കുന്ന പ്രവർത്ത​ന​ങ്ങളെ നമു​ക്കൊന്ന്‌ അടുത്തു വീക്ഷി​ക്കാം.

ഒരു ഹാച്ചറി സന്ദർശനം

ഞങ്ങൾ സന്ദർശിച്ച ഹാച്ചറി സ്ഥിതി​ചെ​യ്‌തി​രു​ന്നതു പസഫിക്‌ തീരത്തുള്ള ഒരു മനോ​ഹ​ര​മായ കടലോ​ര​ത്താണ്‌. ഒരു ചെമ്മീൻ ഹാച്ചറി സ്ഥാപി​ക്കു​ന്നതു സമൃദ്ധ​മാ​യി ഉപ്പു​വെള്ളം ലഭിക്കുന്ന ഒരു ഉറവി​ന​ടു​ത്താ​യി​രി​ക്കണം. ഹാച്ചറി​യു​ടെ സങ്കീർണ​മായ ജലവി​തരണ വ്യവസ്ഥ​യു​ടെ ആവശ്യങ്ങൾ തൃപ്‌തി​പ്പെ​ടു​ത്താ​നാ​ണത്‌. കടലിൽനി​ന്നു വെള്ളം പമ്പു​ചെ​യ്‌തെ​ടുത്ത്‌, അരിച്ച്‌, ആവശ്യാ​നു​സ​രണം ചൂടാക്കി അകത്തുള്ള വിവിധ ടാങ്കു​ക​ളി​ലേക്കു വിടുന്നു.

സാധാ​ര​ണ​മ​ട്ടിൽ വസ്‌ത്ര​ധാ​ര​ണം​ചെയ്‌ത, സൗഹൃ​ദ​മ​നോ​ഭാ​വ​മുള്ള ഒരു കൂട്ടം സമുദ്ര ജീവശാ​സ്‌ത്ര​ജ്ഞ​ന്മാ​രെ​യും സാങ്കേ​തി​ക​വി​ദ​ഗ്‌ധ​രെ​യും മറ്റു ജീവന​ക്കാ​രെ​യും ഞങ്ങൾ കണ്ടുമു​ട്ടി. ഞങ്ങൾ ആദ്യം കണ്ടതു മെച്ചു​റേഷൻ മുറി​യാണ്‌. ഇവിടെ, സമു​ദ്ര​ത്തിൽ ജീവി​ച്ചി​രുന്ന ചെമ്മീ​നു​കളെ 17,000 ലിറ്ററി​ന്റെ മെച്ചു​റേഷൻ ടാങ്കു​ക​ളിൽ സൂക്ഷി​ക്കു​ന്നു. “ഈ ചെമ്മീൻ ഭക്ഷിക്കാ​നു​ള്ളതല്ല,” ഞങ്ങളുടെ വഴികാ​ട്ടി വിശദ​മാ​ക്കി. “പൂർണ​വ​ളർച്ച​യെ​ത്തിയ നിലയിൽ പിടിച്ച്‌ പ്രജന​ന​ത്തി​നാ​യി അവയെ കൊണ്ടു​വ​ന്നി​രി​ക്കു​ന്നു.”

മെച്ചു​റേ​ഷൻ റൂമിൽ കണിശ​മായ പ്രകാ​ശ​സം​വി​ധാ​ന​മാണ്‌ പാലി​ക്കു​ന്നത്‌. ഉച്ചകഴിഞ്ഞ്‌ 3.00 മണിക്കും അർധരാ​ത്രി​ക്കും ഇടയ്‌ക്ക്‌—ഇണചേരൽ സമയത്ത്‌—തീവ്രത കുറഞ്ഞ വെളിച്ചം കെടു​ത്തു​ന്നു. ജീവന​ക്കാർ ഫ്‌ളാ​ഷ്‌​ലൈ​റ്റു​കൾ ഉപയോ​ഗിച്ച്‌ മുട്ടയി​ടാ​റായ പെൺചെ​മ്മീ​നു​കളെ തേടുന്നു. പിനയസ്‌ വന്നീമൈ വർഗത്തിൽപ്പെട്ട പെൺചെ​മ്മീ​നു​കളെ എളുപ്പ​ത്തിൽ തിരി​ച്ച​റി​യാം. കാരണം, ആൺചെ​മ്മീന്‌ ഉദരഭാ​ഗത്തു വെളി​യി​ലാ​യി ഒരു ബീജസ​ഞ്ചി​യുണ്ട്‌. മുട്ടയി​ടാ​റായ പെൺചെ​മ്മീ​നെ ജീവന​ക്കാർ കണ്ടെത്തി​ക്ക​ഴി​ഞ്ഞാൽ അതിനെ എടുത്തു​മാ​റ്റി 260 ലിറ്ററി​ന്റെ ചെറിയ ഒരു പ്രജനന ടാങ്കി​ലേക്കു മാറ്റുന്നു.

മുട്ടയി​ടാ​റാ​യ പെൺചെ​മ്മീ​നെ കോൺ ആകൃതി​യി​ലുള്ള ഒരു ടാങ്കിന്റെ മുകൾഭാ​ഗ​ത്തി​ന​ടുത്ത്‌ ഒരു തട്ടിൽ വെക്കുന്നു. ഓരോ ടാങ്കി​നും ഓരോ പെൺചെ​മ്മീൻ എന്ന കണക്കി​നാ​ണു വെക്കു​ന്നത്‌. 1,80,000 അല്ലെങ്കിൽ അതി​ലേറെ മുട്ടകൾ ഇട്ടുക​ഴി​യു​ന്ന​തു​വരെ അതിനെ അവി​ടെ​ത്തന്നെ സൂക്ഷി​ക്കു​ന്നു. മുട്ടക​ളി​ടവെ പശിമ​യുള്ള ബീജസ​ഞ്ചി​യു​മാ​യി സമ്പർക്ക​ത്തിൽവ​രു​ത്തി അവയെ ബീജസ​ങ്ക​ലനം ചെയ്യി​ക്കു​ന്നു. പിന്നീട്‌ പ്രജനന ടാങ്കിന്റെ ഫണൽപോ​ലെ​യുള്ള അടിത്ത​ട്ടി​ലൂ​ടെ മുട്ടക​ളും വെള്ളവും ഒഴുക്കു​ന്നു. സാങ്കേ​തി​ക​വി​ദ​ഗ്‌ധർ ഓരോ പ്രജനന ടാങ്കി​ലെ​യും മുട്ടക​ളു​ടെ എണ്ണം രേഖ​പ്പെ​ടു​ത്തു​ന്നു.

മുട്ടവി​രിഞ്ഞ്‌ മണിക്കൂ​റു​കൾക്കു​ശേഷം നിശ്ചിത സംഖ്യ ലാർവ​കളെ കൾച്ചർ ടാങ്ക്‌ എന്നറി​യ​പ്പെ​ടു​ന്ന​തി​ലേക്കു മാറ്റുന്നു. ഇവ കൂറ്റൻ കുളി​ത്തൊ​ട്ടി​ക​ളെ​പ്പോ​ലെ കാണ​പ്പെ​ടു​ന്നു. അവയിൽ 11,000 ലിറ്റർ വെള്ളം കൊള്ളും. അടുത്ത 20 മുതൽ 25 വരെ ദിവസം ഈ ടാങ്കുകൾ വളർന്നു​വ​രുന്ന ലാർവ​കൾക്കു ഭവനമാ​യി ഉതകുന്നു. കടൽപ്പോ​ച്ച​ക​ളും ഉണക്കിയ സമു​ദ്ര​ഭ​ക്ഷ്യ​വി​ഭ​വ​ങ്ങ​ളു​മാണ്‌ അവയുടെ തീറ്റ.

ചെമ്മീൻ വളർച്ച​യെ​ത്തുന്ന ഇടം

ഇപ്പോൾ പോസ്റ്റ്‌ലാർവ എന്നു വിളി​ക്ക​പ്പെ​ടുന്ന ചെമ്മീനെ കൃഷി​യി​ട​ത്തി​ലേക്കു മാറ്റുന്നു. ഒരിക്കൽ അവി​ടെ​യാ​യി​ക്ക​ഴി​ഞ്ഞാൽ, ഹാച്ചറി ഉത്‌പാ​ദിത ചെമ്മീ​നും അവയുടെ സമു​ദ്ര​ത്തിൽ വളർന്ന ബന്ധുക്കൾക്കും ഒരേത​ര​ത്തി​ലുള്ള പരിച​ര​ണ​മാ​യി​രി​ക്കും ലഭിക്കുക. പുതിയ താപനി​ല​യോ​ടും ഉപ്പിന്റെ അളവി​നോ​ടു​മുള്ള പൊരു​ത്ത​പ്പെ​ട​ലി​നെ നിയ​ന്ത്രി​ക്കാൻ അവയെ ചെറിയ കുളങ്ങ​ളി​ലാ​ക്കു​ന്നു. ഏതാനും ദിവസ​ങ്ങൾക്കു​ശേഷം വലിയ കുളങ്ങ​ളി​ലേക്കു കൊണ്ടു​പോ​കാൻ തക്കവണ്ണം അവ പാകമാ​യി​ക്ക​ഴി​ഞ്ഞു. മനുഷ്യ​നിർമിത കുളങ്ങൾ ജലസം​ഭ​ര​ണി​യായ തോടി​നോ​ടു ചേർന്നു കിടക്കു​ന്നു. സമു​ദ്ര​ത്തിൽനി​ന്നോ അഴിമു​ഖ​ത്തു​നി​ന്നോ ഈ കനാലി​ലേക്കു വെള്ളം പതിവാ​യി പമ്പു ചെയ്യുന്നു. അടുത്തുള്ള കുളങ്ങൾക്ക്‌ ഏതാണ്ട്‌ 12 മുതൽ 25 വരെ ഏക്കർ വലുപ്പം കാണും. മൂന്നു​മു​തൽ അഞ്ചുവരെ മാസം ചെമ്മീൻ കുഞ്ഞു​ങ്ങളെ ഈ കുളങ്ങ​ളിൽ വളരാൻ അനുവ​ദി​ക്കു​ന്നു.

വളർച്ച​യു​ടെ ഘട്ടത്തിൽ കുളങ്ങ​ളി​ലെ ജലത്തിന്റെ ഓക്‌സി​ജൻ അളവു ദിവസേന നിരീ​ക്ഷി​ക്കു​ന്നു. തീറ്റ​കൊ​ടു​ക്കൽ പരിപാ​ടി​യിൽ മാറ്റങ്ങൾ വരുത്തു​ന്ന​തി​നു ചെമ്മീ​നി​ന്റെ വളർച്ച​യു​ടെ നിരക്കു വാരം​തോ​റും പരി​ശോ​ധി​ക്കു​ന്നു. പ്രതി​വാ​രം 1 മുതൽ 2 വരെ ഗ്രാം തൂക്കം വെക്കു​ന്നതു നിലനിർത്താ​നുള്ള ശ്രമം നടക്കുന്നു.

വിള​വെ​ടു​പ്പു​സ​മയം

വിള​വെ​ടു​പ്പു​കാ​ലത്തു കുളത്തി​ലെ വെള്ളം ഒഴുക്കി​ക്ക​ള​യവെ, കുളത്തി​ന്റെ കവാട​ത്തോ​ട​ടു​ക്കു​മ്പോൾ ചെമ്മീനെ വലവീ​ശി​പ്പി​ടി​ക്കു​ക​യോ പമ്പു ചെയ്‌തെ​ടു​ക്കു​ക​യോ ചെയ്യുന്നു. എന്നിട്ട്‌, പായ്‌ക്കി​ങ്‌പ്ലാൻറി​ലേക്കു കൊണ്ടു​പോ​കു​ന്ന​തിന്‌, പിടിച്ച ഉടനെ​തന്നെ ചെമ്മീൻ കഴുകി​യെ​ടുത്ത്‌ ഐസ്‌ കൊണ്ടു മൂടുന്നു. അവി​ടെ​വെച്ച്‌, വാങ്ങാൻ വരുന്ന ആൾ പ്രത്യേ​കം പറയു​ന്നി​ല്ലെ​ങ്കിൽ ചെമ്മീന്റെ തലകളഞ്ഞു കൊടു​ക്കും. പക്ഷേ അവയുടെ വാൽ കളയു​ന്നില്ല. ചെമ്മീൻ കഴുകി വലുപ്പ​മ​നു​സ​രി​ച്ചു തരംതി​രി​ക്കു​ന്നു. അതിനു​ശേഷം അവയെ പായ്‌ക്കു​ചെ​യ്‌തു മറ്റു സ്ഥലങ്ങളി​ലേക്കു കയറ്റി​യ​യ്‌ക്കാൻ ശീതീ​ക​രി​ച്ചു കട്ടിയാ​ക്കു​ന്നു. സാധാരണ ഇവയെ രണ്ടു കിലോ​ഗ്രാ​മി​ന്റെ പെട്ടി​ക​ളി​ലാണ്‌ ആക്കുന്നത്‌.

അതു​കൊണ്ട്‌, അടുത്ത​തവണ നിങ്ങൾ ആസ്വദിച്ച്‌ ചെമ്മീൻ ഭക്ഷിക്കു​മ്പോൾ സ്വാദി​ഷ്ട​മായ ഈ ഭക്ഷ്യവി​ഭവം ലാറ്റിൻ അമേരി​ക്ക​യി​ലോ ഏഷ്യയി​ലോ വളർത്തി​യ​താ​യി​രി​ക്കാ​നുള്ള സാധ്യ​ത​യു​ണ്ടെന്ന്‌ ഓർക്കും.

[24-ാം പേജിലെ ചിത്രം]

വിളവെടുപ്പുസമയത്തെ ചെമ്മീന്റെ വലുപ്പം

[24-ാം പേജിലെ ചിത്രം]

ചെമ്മീൻകുഞ്ഞുങ്ങളെ വലവീ​ശി​പ്പി​ടി​ക്കുന്ന മീൻപി​ടു​ത്ത​ക്കാർ

[25-ാം പേജിലെ ചിത്രം]

ഹാച്ചറിക്കുള്ളിലെ കൾച്ചർ ടാങ്കുകൾ

[25-ാം പേജിലെ ചിത്രം]

പായ്‌ക്കിങ്‌പ്ലാൻറിൽ ചെമ്മീൻ വൃത്തി​യാ​ക്കു​ന്നു

[25-ാം പേജിലെ ചിത്രം]

വലുപ്പമനുസരിച്ചു ചെമ്മീൻ പായ്‌ക്ക്‌ചെ​യ്യു​ന്നു