ചെറു​പ്പ​ക്കാർ ചോദി​ക്കു​ന്നു. . . 

വർഗ്ഗീയ മുൻവി​ധി​യെ എനി​ക്കെ​ങ്ങനെ നേരി​ടാൻ കഴിയും?

കാഴ്‌ചബംഗ്ലാവ്‌ അവരുടെ വീട്ടിൽനിന്ന്‌ ഏതാനും മൈൽ മാത്രം അകലെ​യാ​യി​രു​ന്നു, പതി​നൊ​ന്നു വയസ്സു​കാ​രായ രണ്ടു ബാലൻമാർക്ക്‌ പ്രവേ​ശ​ന​ഫീസ്‌ കൊടു​ക്കാ​നുള്ള പണം മാത്രമെ ഉണ്ടായി​രു​ന്നു​ള്ളു എന്നതു​കൊണ്ട്‌ അവർ നടക്കാൻ തീരു​മാ​നി​ച്ചി​രു​ന്നു.

തങ്ങളുടെ ലക്ഷ്യസ്ഥാ​ന​ത്തെ​ത്തു​ന്ന​തിന്‌ അവർ കറുത്ത​വർക്കും വെള്ളക്കാർക്കും ഇടക്കുള്ള പട്ടണത്തി​ന്റെ വേലി​യാ​യി ഉതകിയ ഒരു വലിയ തെരുവ്‌ കടക്കണ​മാ​യി​രു​ന്നു. അപകടം​കൂ​ടാ​തെ അവർ ആ ചുവർ കടന്ന​പ്പോൾ അവർ വിശ്ര​മി​ക്കാ​നും വേനൽക്കാ​ല​സൂ​ര്യൻ ആസ്വദി​ക്കാ​നും തുടങ്ങി. എന്നാൽ എവി​ടെ​നി​ന്നെ​ന്ന​റി​യാ​തെ വെള്ളക്കാ​രായ ചെറു​പ്പ​ക്കാ​രു​ടെ ഒരു വലിയ കൂട്ടം അവിടെ എത്തി. “അവരെ പിടി​ക്കുക! അവരെ പിടി​ക്കുക!” എന്നലറി​ക്കൊ​ണ്ടും വടികൾ വീശി​ക്കൊ​ണ്ടും വർഗ്ഗീയ അപവാ​ദങ്ങൾ വിളി​ച്ചു​പ​റ​ഞ്ഞു​കൊ​ണ്ടും ആ കൂട്ടം അവരെ ഓടി​ക്കാൻ തുടങ്ങി.

വർഗ്ഗീയ മുൻവി​ധി. വാർത്താ​റി​പ്പോർട്ടു​കൾ ഇത്‌ ഒരു ലോക​വ്യാ​പക പ്രശ്‌ന​മാ​യി​രി​ക്കു​ന്നു​വെന്ന്‌ ചൂണ്ടി​ക്കാ​ണി​ക്കു​ന്നു. അതു​കൊണ്ട്‌ പാർപ്പി​ടം, തൊഴിൽ, വൈദ്യ​ചി​കിത്‌സ എന്നിവ​യി​ലെ വിവേ​ചനം സാധാരണ പരാതി​ക​ളാണ്‌.

ആ സ്ഥിതിക്ക്‌ പെട്ടെ​ന്നു​ത​ന്നെ​യൊ പിന്നീ​ടൊ നിങ്ങൾ വർഗ്ഗീ​യ​മുൻവി​ധി​യെ നേരിട്ട്‌ അഭിമു​ഖീ​ക​രി​ച്ചേ​ക്കാം. ദൃഷ്ടാ​ന്ത​ത്തിന്‌, ചില യുവജ​നങ്ങൾ സ്‌കൂ​ളിൽ പക്ഷപാ​ത​ത്തി​ന്റെ ഇരകളാണ്‌—നിലക്കാത്ത വർഗ്ഗീ​യ​നി​ന്ദക്ക്‌ വിധേ​യ​രാ​ക്ക​പ്പെ​ടു​ന്ന​വ​രും അഭിമാ​ന​ത്തിന്‌ ക്ഷതം ഭവിക്കു​മാറ്‌ അദ്ധ്യാ​പ​ക​രു​ടെ ദാക്ഷി​ണ്യം ഭാവി​ക്കുന്ന പെരു​മാ​റ​റ​ത്തി​നു വിധേ​യ​രു​മാണ്‌. “എന്റെ അദ്ധ്യാ​പകൻ ക്ലാസ്സിൽ എന്നെ പരിഹ​സി​ക്കും,” എന്ന്‌ ഒരു യഹൂദ യുവാവ്‌ പറയുന്നു. “അദ്ദേഹം പഴയ മുൻവി​ധി​ക​ളും വിശ്വാ​സ​ങ്ങ​ളും ഉയർത്തി​ക്കൊ​ണ്ടു​വ​രും. അദ്ദേഹം ക്ലാസ്സിൽ എന്നെ പരിപൂർണ്ണ​മാ​യി അവഗണി​ക്കും.” പമില എന്ന കൗമാ​ര​പ്രാ​യ​ക്കാ​രി പറയുന്നു: “ഞങ്ങളുടെ സ്‌കൂ​ളിൽ മുൻവി​ധി ഒരു പകർച്ച​വ്യാ​ധി​യാണ്‌, എന്തു​കൊ​ണ്ടെ​ന്നാൽ ഞങ്ങൾക്ക്‌ ഒരു അസംബ്ലി​പ​രി​പാ​ടി​യുള്ള ഓരോ അവസര​ത്തി​ലും കറുത്തവർ ആഡി​റേ​റാ​റി​യ​ത്തി​ന്റെ ഒരു വശത്തും വെളു​ത്തവർ മറുവ​ശ​ത്തും ഇരിക്കു​ന്നു.”

ഒരു മിശ്ര​വർഗ്ഗ​വി​വാ​ഹ​ത്തി​ലെ കുട്ടി​യായ പതിന​ഞ്ചു​വ​യ​സ്സു​കാ​രി ട്രേനാ, മുൻവി​ധി​യു​ടെ ഒരു യഥാർത്ഥ ദുഷി​പ്പി​ല​ക​പ്പെ​ട്ടു​പോ​കു​ന്ന​താ​യി മിക്ക​പ്പോ​ഴും വിചാ​രി​ക്കു​ന്നു. അവൾ ഇപ്രകാ​രം പറയുന്നു: “ഞാൻ കറുത്ത​വ​രോ​ടു സഹവസി​ക്കു​ക​യാ​ണെ​ങ്കിൽ വെള്ളക്കാ​രായ വിദ്യാർത്ഥി​കൾ ഞാൻ അവരോ​ടൊ​ന്നി​ച്ചാ​യി​രി​ക്കാൻ ആഗ്രഹി​ക്കു​ന്നി​ല്ലെന്ന്‌ വിചാ​രി​ക്കു​ന്നു. എന്നാൽ, ഞാൻ വെള്ളക്കാ​രായ കുട്ടി​ക​ളോ​ടൊത്ത്‌ സഹവസി​ച്ചാൽ ഞാൻ കറുത്ത​വ​രേ​ക്കാൾ മെച്ചമാ​ണെന്ന്‌ ചിന്തി​ക്കു​ന്നു​വെന്ന്‌ അവർ വിചാ​രി​ക്കു​ന്നു.”

മുൻവി​ധിക്ക ഇരകളാ​കു​ന്നവർ വിചാ​രി​ക്കു​ന്നത

ചില​പ്പോൾ നിങ്ങളും ഒരു ജോലി സംബന്ധിച്ച്‌ അവഗണന അനുഭ​വി​ച്ചി​രി​ക്കാം, നിങ്ങൾ ആഗ്രഹിച്ച സ്‌കൂ​ളിൽ പ്രവേ​ശനം നിഷേ​ധി​ക്ക​പ്പെ​ട്ടി​രി​ക്കാം, ഒരു കടയി​ലൊ റസ്‌റേ​റാ​റൻറി​ലൊ മാന്യ​മ​ല്ലാത്ത പെരു​മാ​റ​റ​ത്തി​നു വിധേ​യ​നാ​യി​രി​ക്കാം അല്ലെങ്കിൽ സ്‌നേ​ഹി​ത​രാൽ ശല്യ​പ്പെ​ടു​ത്ത​പ്പെ​ട്ടി​രി​ക്കാം. അങ്ങനെ​യെ​ങ്കിൽ മുൻവി​ധി വ്രണ​പ്പെ​ടു​ത്തു​ന്നു എന്ന്‌ നിങ്ങൾക്ക​റി​യാം. 17 വയസ്സു​കാ​രി ലൂസി പറയുന്നു: “മുൻവി​ധി വാസ്‌ത​വ​ത്തിൽ എന്നെ കോപി​ഷ്ട​യാ​ക്കു​ന്നു.” ഒരു സ്‌പാ​നീഷ്‌ പശ്ചാത്ത​ല​മു​ള്ള​വ​ളെന്ന നിലയിൽ ലൂസിക്ക്‌, മുൻവി​ധി എത്ര വിഫല​മാ​യി​രി​ക്കാൻ കഴിയു​മെന്ന്‌ നന്നായ​റി​യാം. “ഞാൻ സ്‌കൂ​ളിൽ പഠിക്കു​ക​യും നല്ല ഗ്രേഡു​കൾ വാങ്ങു​ക​യും ചെയ്യു​ന്നെ​ങ്കി​ലും എനി​ക്കൊ​രി​ക്ക​ലും അംഗീ​കാ​രം കിട്ടു​ന്നില്ല. ഒരു വെള്ളക്കാ​രൻ നന്നായി ചെയ്‌താൽ എന്റെ അദ്ധ്യാ​പകൻ അയാളെ പ്രശം​സി​ക്കു​ന്നു. എന്നാൽ നിങ്ങൾ എത്ര കഠിന​മാ​യി പ്രവർത്തി​ച്ചാ​ലും നിങ്ങൾ വെള്ളക്കാ​ര​ന​ല്ലെ​ങ്കിൽ അത്‌ മതിയാ​കു​ന്നില്ല.”

മററു ചില യുവജ​നങ്ങൾ ശാന്തമാ​യി കീഴ്‌വ​ഴ​ങ്ങി​ക്കൊണ്ട്‌ മുൻവി​ധി​കളെ നേരി​ടു​ന്നു. കറുത്ത​വ​ളായ ഒരു കൗമാ​ര​പ്രാ​യ​ക്കാ​രി പെൺകു​ട്ടി ഇപ്രകാ​രം പറയുന്നു: “എന്റെ സ്‌കൂ​ളിൽ മിക്കവ​രും വെളു​ത്ത​വ​രാണ്‌, ഞാൻ ആ കുട്ടി​ക​ളോ​ടൊത്ത്‌ സാമാ​ന്യം നന്നായി കഴിഞ്ഞു​കൂ​ടു​ക​യും ചെയ്യുന്നു. അവർ എന്നെ അധി​ക്ഷേ​പി​ക്ക​തന്നെ ചെയ്യുന്നു, എന്നാൽ ഞാൻ അതു വകവെ​ക്കു​ന്നില്ല, എന്തു​കൊ​ണ്ടെ​ന്നാൽ ഞാൻ ഇപ്പോൾ അതു പരിച​യി​ച്ചി​രി​ക്കു​ന്ന​തു​കൊണ്ട്‌ യഥാർത്ഥ​ത്തിൽ കാര്യ​മാ​ക്കു​ന്നില്ല.”

എന്നാൽ, ചിലർ മററു​ള്ള​വ​രു​ടെ മുറി​പ്പെ​ടു​ത്തുന്ന വിമർശ​ന​ങ്ങ​ളും സഗർവ​ദാ​ക്ഷി​ണ്യ​മ​നോ​ഭാ​വ​ങ്ങ​ളും തങ്ങളുടെ ആത്‌മാ​ഭി​മാ​നത്തെ തകർക്കാൻ അനുവ​ദി​ക്കു​ന്നു. ഒരു യുവാവ്‌ ഇപ്രകാ​രം പറയുന്നു: “എന്റെ മാതാ​വും പിതാ​വും രണ്ടു വ്യത്യസ്‌ത വർഗ്ഗങ്ങ​ളിൽപെ​ട്ട​വ​രാ​യി​രു​ന്നു. ഞാൻ വളർന്നു​വ​രവെ രണ്ടു പക്ഷങ്ങളാ​ലും താഴ്‌ത്തി​മ​തി​ക്ക​പ്പെട്ടു. അതിന്റെ ഫലമായി ഞാൻ മാനസി​ക​വും വൈകാ​രി​ക​വു​മായ തകരാറ്‌ അനുഭ​വി​ച്ചി​രി​ക്കു​ന്നു. ചില​പ്പോൾ എന്റെ നിറത്തെ സംബന്ധിച്ച്‌ ലജ്ജിച്ച​താ​യും എനിക്ക്‌ ഓർമ്മി​ക്കാൻ കഴിയു​ന്നു.”

മുൻവി​ധി​യെ നേരി​ടു​ന്നു

വർഗ്ഗീ​യ​മുൻവി​ധിക്ക്‌ രോഷ​മൊ, പ്രതി​കാ​രം ചെയ്യാ​നൊ ശണ്‌ഠ​യി​ടാ​നൊ മൽസരി​ക്കാ​നൊ ഉള്ള ഒരു വാഞ്‌ഛ​യൊ, ജ്വലി​പ്പി​ക്കാൻ കഴിയും! “വെറും മനസ്സി​ടിവ്‌ ഒരു ജ്ഞാനിയെ ഭ്രാന്ത​മാ​യി പ്രവർത്തി​പ്പി​ച്ചേ​ക്കാം” എന്ന്‌ സഭാ​പ്ര​സം​ഗി 7:7 പറയുന്നു. എന്നാൽ അക്രമാ​സ​ക്ത​മായ വിപ്ലവ​പ്ര​സ്ഥാ​നങ്ങൾ അനീതി​ക​ളി​ലേക്കു ശ്രദ്ധക്ഷ​ണി​ച്ചേ​ക്കാ​മെ​ങ്കി​ലും—ചില സംഗതി​ക​ളിൽ ഒരളവു​വരെ ആശ്വാസം പ്രദാനം ചെയ്യു​ക​പോ​ലും ചെയ്‌തേ​ക്കാ​മെ​ങ്കി​ലും—അത്തരം പ്രസ്ഥാ​ന​ങ്ങ​ളു​ടെ ഫലങ്ങൾ, ഏറിയാൽ താൽക്കാ​ലി​ക​മാ​ണെന്ന്‌ ചരിത്രം കാണി​ക്കു​ന്നു. കൂടാതെ, “വിദ്വേ​ഷ​മാണ്‌ വിവാ​ദങ്ങൾ ഇളക്കി​വി​ടു​ന്നത്‌.” (സദൃശ​വാ​ക്യ​ങ്ങൾ 10:12) അതു​കൊണ്ട്‌ വിദ്വേ​ഷ​ത്തോട്‌ വിദ്വേ​ഷം​കൊണ്ട്‌ പ്രതി​ക​രി​ക്കു​ന്നത്‌ അനിവാ​ര്യ​മാ​യി, ഒരു ചീത്ത സാഹച​ര്യ​ത്തെ കൂടുതൽ ചീത്തയാ​ക്കും!

ബൈബിൾ ഇപ്രകാ​രം പറയുന്നു: “വക്രമാ​യി ഉണ്ടാക്ക​പ്പെ​ട്ട​തി​നെ നേരെ​യാ​ക്കാൻ കഴിയു​ക​യില്ല.” (സഭാ​പ്ര​സം​ഗി 1:15) മാനു​ഷ​ഭ​രണം പ്രത്യാ​ശ​ക്ക​തീ​ത​മാ​യി വക്രമാ​യി​രി​ക്കു​ന്നു. (യിരെ​മ്യാവ്‌ 10:23) ആകമാ​ന​മായ ഗവൺമെൻറ്‌പ​രി​ഷ്‌കാ​ര​ത്തി​നു​പോ​ലും മുൻവി​ധി​യു​ടെ അടിസ്ഥാ​ന​കാ​ര​ണ​ങ്ങളെ, സ്വാർത്ഥത, അത്യാ​ഗ്രഹം, ആൽമോ​ത്‌ക്കർഷ​ത്തി​നുള്ള വാഞ്‌ഛ എന്നിവയെ, തുടച്ചു​നീ​ക്കാൻ കഴിയു​ക​യില്ല. (യാക്കോബ്‌ 3:13-16; 4:1-3 താരത​മ്യ​പ്പെ​ടു​ത്തുക.) ഒരു സദൃശ​വാ​ക്യം വർണ്ണി​ക്കു​ന്ന​തു​പോ​ലെ: “ഭോഷനെ നീ അടിച്ചാ​ലും . . . , അവന്റെ ഭോഷ​ത്വം അവനെ വിട്ടു​മാ​റു​ക​യില്ല.” (സദൃശ​വാ​ക്യ​ങ്ങൾ 27:22) അതു​കൊണ്ട്‌ അധികാ​ര​ത്തി​നെ​തി​രെ നീങ്ങു​ന്ന​തു​കൊണ്ട്‌ കാര്യ​മായ മാററ​മു​ണ്ടാ​ക​യില്ല.

അപ്പോൾ, ഒരു യുവാവ്‌ മുൻവി​ധി​യെ അഭിമു​ഖീ​ക​രി​ക്കു​മ്പോൾ എങ്ങനെ പ്രതി​ക​രി​ക്കണം? ചില നിർദ്ദേ​ശങ്ങൾ ഇതാ:

അമിത​പ്ര​തി​ക​രണം ഒഴിവാ​ക്കുക. നിങ്ങൾക്ക്‌ കഴിഞ്ഞ​കാല അനുഭ​വ​ങ്ങ​ളാൽ വികാ​രാ​വേ​ശി​ത​രാ​യി, സ്വാഭാ​വി​ക​മാ​യും പക്ഷപാ​ത​ത്തി​ന്റെ ചുവയുള്ള എന്തി​നെ​തി​രെ​യും പ്രതി​ക​രി​ക്കാൻ ചായ്‌വു​ണ്ടാ​യി​രി​ക്കാം. എന്നിരു​ന്നാ​ലും ബൈബിൾ ഇപ്രകാ​രം മുന്നറി​യി​പ്പു​നൽകു​ന്നു: “നീരസ​പ്പെ​ടു​ന്ന​തിന്‌ നിങ്ങളു​ടെ ആത്‌മാ​വിൽ തിടു​ക്കം​കൂ​ട്ട​രുത്‌, എന്തു​കൊ​ണ്ടെ​ന്നാൽ ഭോഷൻമാ​രു​ടെ മാർവി​ട​ത്തി​ലാണ്‌ നീരസം സ്ഥിതി​ചെ​യ്യു​ന്നത്‌.” (സഭാ​പ്ര​സം​ഗി 7:9) അതു​കൊണ്ട്‌ മററു​ള്ള​വർക്ക്‌ സംശയ​ത്തി​ന്റെ ആനുകൂ​ല്യം കൊടു​ക്കുക. ഒരുപക്ഷേ വർഗ്ഗമാ​യി​രി​ക്ക​യില്ല യഥാർത്ഥ പ്രശ്‌നം.

മുൻവി​ധി​യു​ടെ സ്വഭാവം മനസ്സി​ലാ​ക്കുക. സദൃശ​വാ​ക്യ​ങ്ങൾ 19:11 പറയുന്നു: “ഒരു മമനു​ഷ്യ​ന്റെ ഉൾക്കാഴ്‌ച നിശ്ചയ​മാ​യും അയാളു​ടെ കോപത്തെ ശമിപ്പി​ക്കു​ന്നു.” ചില വ്യക്തി​ക​ളിൽ ചെറു​പ്പം​മു​തൽ മതഭ്രാന്ത്‌ വളർത്തി​യി​ട്ടു​ണ്ടെന്ന്‌ മനസ്സി​ലാ​ക്കാൻ ശ്രമി​ക്കുക. (ജൂലൈ 8, 1989 ലക്കം ഉണരുക!യിൽ പ്രത്യ​ക്ഷ​പ്പെ​ടുന്ന, “വർഗ്ഗീ​യ​മുൻവി​ധി​ക​ളു​ടെ തോന്ന​ലു​കളെ എനിക്ക്‌ എങ്ങനെ തരണം ചെയ്യാം?” കാണുക.) ഗ്രാഹ്യ​മുള്ള പ്രായ​പൂർത്തി​യായ ഒരാളു​മാ​യി, ഒരുപക്ഷേ നിങ്ങളു​ടെ മാതാ​പി​താ​ക്ക​ളു​മാ​യി കാര്യങ്ങൾ സംസാ​രി​ക്കു​ന്ന​തും സഹായ​ക​മാ​യേ​ക്കാം.

“മുഴു​ലോ​ക​വും ദുഷ്ടനാ​യ​വന്റെ അധികാ​ര​ത്തിൻ കീഴി​ലാണ്‌ കിടക്കുന്ന”തെന്നും മനുഷ്യ​വർഗ്ഗത്തെ ഭിന്നി​പ്പി​ക്കു​ന്ന​തി​നു​വേണ്ടി സാത്താൻ “അവിശ്വാ​സി​ക​ളു​ടെ മനസ്സു​കളെ കുരു​ടാ​ക്കി​യി​രി​ക്കു​ന്നു”വെന്നും ഓർക്കുക. (1 യോഹ​ന്നാൻ 5:19; 2 കൊരി​ന്ത്യർ 4:4) ആളുക​ളു​ടെ മനസ്സുകൾ അടിമ​ത്വ​ത്തി​ലാ​ണെന്ന്‌ തിരി​ച്ച​റി​ഞ്ഞു​കൊണ്ട്‌ നിങ്ങൾക്ക്‌ തികഞ്ഞ അജ്ഞതയിൽ പ്രവർത്തി​ക്കു​ന്ന​വ​രോട്‌ അനുക​മ്പ​പോ​ലും തോന്നാൻ കഴിയും.

തിൻമക്കു പകരം തിൻമ ചെയ്യരുത. ഒരു വർഗ്ഗീയ നിന്ദയു​ടെ ഇരയാ​യി​ത്തീർന്നാൽ അഥവാ അരുചി​ക​ര​മായ ഒരു വർഗ്ഗീയ “ഫലിത”ത്തിന്‌ വിധേ​യ​നാ​യാൽ അതിന്‌ ശക്തമായ വികാ​രങ്ങൾ ഇളക്കി​വി​ടാൻ കഴിയും. താരാ എന്ന 16 വയസ്സു​കാ​രി​യായ ഒരു പെൺകു​ട്ടി ഇപ്രകാ​രം ഓർമ്മി​ക്കു​ന്നു: “ഞാൻ വെള്ളക്കാർ കൂടു​ത​ലു​ണ്ടാ​യി​രുന്ന ഒരു സ്‌കൂ​ളിൽ പോയി. കുട്ടികൾ എല്ലാത്തരം വർഗ്ഗീ​യ​നി​ന്ദ​ക​ളും എനിക്കു കേൾക്കാൻ കഴിയുന്ന ഉച്ചത്തിൽ പരസ്‌പരം അടക്കം​പ​റ​യു​മാ​യി​രു​ന്നു.” അത്‌ തിരി​ച്ച​ടി​ക്കു​ന്ന​തിന്‌ ഏററവും പ്രേര​ണാ​ത്മ​ക​മാ​യി​രു​ന്നേ​ക്കാം. എന്നാൽ ഓർമ്മി​ക്കുക: ദ്രോ​ഹ​ക​ര​മായ വിമർശനം നടത്തു​ന്നവർ മിക്ക​പ്പോ​ഴും നിങ്ങൾ കുപി​ത​രാ​കാ​നും പ്രതി​കാ​രം ചെയ്യാ​നും ആഗ്രഹി​ക്കു​ന്നു. നിങ്ങളു​ടെ​മേൽ ശാരീ​രിക ദ്രോഹം ഏൽപ്പി​ക്കാ​നൊ കൂടുതൽ അസഭ്യ​സം​സാ​രം നടത്താ​നൊ കാരണം നൽകി​ക്കൊ​ണ്ടു​തന്നെ. സദൃശ​വാ​ക്യ​ങ്ങൾ 14:17 നന്നായി പറയുന്നു: “കോപ​ത്തി​നു തിടു​ക്ക​മു​ള്ളവൻ ഭോഷ​ത്വം പ്രവർത്തി​ക്കും.”

അതു​കൊണ്ട്‌ ആത്മാവിൽ ശാന്തത​യു​ള്ള​വ​രാ​യി​രി​ക്കാൻ ശ്രമി​ക്കുക. ജ്ഞാനി​യായ ഒരു പുരാതന ഉപദേ​ഷ്ടാ​വി​ന്റെ വാക്കുകൾ ഓർമ്മ​യിൽ വെക്കുക: “ആളുകൾ പറയുന്ന എല്ലാ കാര്യ​ങ്ങൾക്കും ശ്രദ്ധ​കൊ​ടു​ക്ക​രുത്‌.” (സഭാ​പ്ര​സം​ഗി 7:21, ററു​ഡേ​യസ ഇംഗ്ലീഷ വേർഷൻ) “ഞാൻ അവരെ യഥാർത്ഥ​ത്തിൽ ശ്രദ്ധി​ച്ചി​രു​ന്നെ​ങ്കിൽ, അവർ എനിക്കു ഭ്രാന്തു​പി​ടി​പ്പി​ക്കു​മാ​യി​രു​ന്നു. എന്നാൽ എനിക്കു ഭവിക്കാൻ ഞാൻ അനുവ​ദി​ച്ചില്ല,” എന്ന്‌ താരാ ഓർക്കു​ന്നു. അതു​കൊണ്ട്‌ “തിൻമക്കു പകരം തിൻമ ചെയ്യാ​നുള്ള” പ്രചോ​ദ​നത്തെ അമർത്തുക. (റോമർ 12:17) “ഭോഷ​നായ ഒരുവ​നും അയാളു​ടെ ഭോഷ​ത്വ​ത്തി​ന​നു​സ​ര​ണ​മാ​യി ഉത്തരം നൽകരുത്‌, അങ്ങനെ നിങ്ങൾതന്നെ അവനോ​ടു സമനാ​ക​രുത്‌,” എന്ന്‌ ബൈബിൾ ഉപദേ​ശി​ക്കു​ന്നു. (സദൃശ​വാ​ക്യ​ങ്ങൾ 26:4) നിന്ദയെ അവഗണി​ച്ചു​കൊണ്ട്‌ ‘മറേറ ചെകിട്‌ കാണി​ച്ചു​കൊ​ടു​ക്കു​ന്നത്‌’ ഭീരു​ത്വ​മല്ല, എന്നാൽ അന്തിമ​മാ​യി ചെയ്യാ​നുള്ള ഏററവും പ്രാ​യോ​ഗി​ക​മായ കാര്യ​മാ​യി​രി​ക്കും. (മത്തായി 5:39) ക്രമേണ നിങ്ങളു​ടെ പീഡകർ തങ്ങളുടെ ബാലി​ശ​മായ കളിയിൽ മടുത്തു​പോ​യേ​ക്കാം. “വിറകി​ല്ലാ​ത്തി​ടത്ത്‌ തീ കെട്ടു​പോ​കു​ന്നു.”—സദൃശ​വാ​ക്യ​ങ്ങൾ 26:20.

എപ്പോൾ സംസാ​രി​ക്ക​ണ​മെന്ന അറിയുക. എല്ലാ അനീതി​ക​ളും ശാന്തമാ​യി സഹി​ക്കേ​ണ്ടതല്ല. “ശാന്തരാ​യി​രി​ക്കാൻ ഒരു സമയവും സംസാ​രി​ക്കാൻ ഒരു സമയവും ഉണ്ട്‌.” (സഭാ​പ്ര​സം​ഗി 3:7) നിങ്ങൾക്ക്‌ നിങ്ങ​ളെ​ത്തന്നെ സംരക്ഷി​ക്കു​ന്ന​തി​നുള്ള പടികൾ എടുക്കു​ന്ന​താ​യി​രി​ക്കാം ജ്ഞാനപൂർവ​ക​മായ സംഗതി. താരാ തനിക്ക്‌ ലഭിച്ചു​കൊ​ണ്ടി​രുന്ന അധി​ക്ഷേപം സംബന്ധിച്ച്‌ തന്റെ മാതാ​പി​താ​ക്കളെ അറിയി​ച്ചു. തക്കസമ​യത്ത്‌ അവൾക്ക്‌ മറെറാ​രു സ്‌കൂ​ളിൽ പഠിക്കാൻ കഴിഞ്ഞു. മറെറാ​രു സാഹച​ര്യ​ത്തിൽ ആരെങ്കി​ലും പതിവാ​യി വർഗ്ഗീയ ഫലിത​ങ്ങ​ളു​ടെ പ്രാകൃത ആക്രമ​ണ​ങ്ങ​ളാൽ നിരന്തരം ശല്യ​പ്പെ​ടു​ത്തു​ന്നത്‌ ഉൾപ്പെ​ട്ടി​രി​ക്കാം. ഒരുപക്ഷേ ആ വ്യക്തി യഥാർത്ഥ​ത്തിൽ അത്തരം സംസാരം എത്രമാ​ത്രം ഹീനമാ​ണെന്ന്‌ മനസ്സി​ലാ​ക്കു​ന്നില്ല. എതിരാ​ളി​യോട്‌ കാര്യങ്ങൾ ദയാപൂർവ​വും ശാന്തവു​മാ​യി പറയു​ന്ന​തു​മാ​ത്രം അയാളെ നേരെ​യാ​ക്കി​യേ​ക്കാം.

നിങ്ങളു​ടെ ആതമാ​ഭി​മാ​നം നഷട​പ്പെ​ടു​ത്താ​തി​രി​ക്കുക. മററു​ള്ളവർ നിങ്ങളെ താഴ്‌ത്തി​മ​തി​ക്കു​ന്നു​വെ​ങ്കിൽ, ദൈവം ‘നിങ്ങളു​ടെ തലയിലെ മുടി​നാ​രു​കൾതന്നെ എണ്ണിയി​രി​ക്കു​ന്നു’ എന്നും അവന്റെ കണ്ണുക​ളിൽ നിങ്ങൾ വിലയു​ള്ള​വ​രാ​യി പരിഗ​ണി​ക്ക​പ്പെ​ടു​ന്നു എന്നും ഒരിക്ക​ലും മറക്കാ​തി​രി​ക്കുക. (മത്തായി 10:30) നിങ്ങളു​ടെ ആത്‌മാ​ഭി​മാ​നം ഭക്തികെട്ട യുവാ​ക്ക​ളു​ടെ അഭി​പ്രാ​യ​ങ്ങ​ളി​ലല്ല, പിന്നെ​യൊ ദൈവ​വു​മാ​യുള്ള ഒരു ഉറച്ച സൗഹൃ​ദ​മു​ണ്ടാ​യി​രി​ക്കു​ന്ന​തിൽ കെട്ടി​പ്പ​ടു​ക്കുക. (1 കൊരി​ന്ത്യർ 1:31 താരത​മ്യ​പ്പെ​ടു​ത്തുക.) നിങ്ങളു​ടെ സ്‌നേ​ഹി​ത​രു​ടെ അധി​ക്ഷേ​പ​ത്തി​ന്റെ ഒരു ലക്ഷ്യമാ​യി​രു​ന്നേ​ക്കാ​വുന്ന നിങ്ങളു​ടെ വർഗ്ഗസ​വി​ശേ​ഷ​തകൾ, “ഒരു മനുഷ്യ​നിൽനിന്ന്‌ മനുഷ്യ​ജാ​തി​യെ ഒക്കെയും ഉളവാ​ക്കിയ” ദൈവ​ത്തി​ന്റെ വിപു​ല​മായ സൃഷ്ടി​വൈ​ദ​ഗ്‌ദ്ധ്യ​ത്തി​ന്റെ പ്രകട​ന​മാണ്‌.—പ്രവൃ​ത്തി​കൾ 17:26.

തീർച്ച​യാ​യും യഹോ​വ​യാം ദൈവ​ത്തി​നു​മാ​ത്രമെ “വർണ്ണവി​വേ​ച​ന​മി​ല്ലാത്ത” ഒരു സമുദാ​യത്തെ വാർത്തെ​ടു​ക്കാൻ കഴിയു​ക​യു​ള്ളു. അവൻ പെട്ടെ​ന്നു​തന്നെ ഇത്‌ തന്റെ സ്വർഗ്ഗീ​യ​ഗ​വൺമെൻറു​മു​ഖേന ചെയ്യു​ന്ന​താ​യി​രി​ക്കും. (ദാനി​യേൽ 2:44) ഇതിനി​ട​യിൽ നിങ്ങൾക്കു കഴിയു​ന്നി​ട​ത്തോ​ളം ബൈബിൾ തത്വങ്ങൾ ബാധക​മാ​ക്കു​ക​യും സാഹച​ര്യ​ത്തെ നേരി​ടാൻ ശ്രമി​ക്കു​ക​യും ചെയ്യുക. യഹോ​വ​യു​ടെ സാക്ഷി​ക​ളു​ടെ സഭകളി​ലെ സഹവാസം ആസ്വദി​ക്കുക. അവിടെ നിങ്ങൾക്ക്‌ വർഗ്ഗീ​യ​മുൻവി​ധി ഒഴിവാ​ക്കാൻ കഠിനാ​ദ്ധ്വാ​നം ചെയ്യുന്ന വ്യക്തി​ക​ളോ​ടു​കൂ​ടെ ആയിരി​ക്കാൻ കഴിയും. മുൻപോ​ട്ടുള്ള ഗതി പ്രയാ​സ​മാ​യി​ത്തീ​രു​മ്പോൾ സഹായ​ത്തി​നാ​യി നിങ്ങളു​ടെ സ്വർഗ്ഗീ​യ​പി​താ​വി​നോട്‌ അഭ്യർത്ഥി​ക്കാൻ മടിക്ക​രുത്‌. ചെറു​പ്പ​ക്കാ​രി​യായ ലൂസി പറയുന്നു: “മുൻവി​ധി​യെ നേരി​ടു​ന്ന​തിന്‌ ഞാൻ പ്രാർത്ഥി​ക്കേ​ണ്ടി​യി​രി​ക്കു​ന്നു, കഠിന​മാ​യി പ്രാർത്ഥി​ക്കേ​ണ്ടി​യി​രി​ക്കു​ന്നു. എന്നാൽ ഞാൻ അത്‌ സഹി​ക്കേ​ണ്ടി​യി​രി​ക്കു​മ്പോൾ, ഞാൻ എന്റെ പ്രാർത്ഥന നടത്തുന്നു, യഹോവ എന്നോ​ടു​കൂ​ടെ​യു​ണ്ടെന്ന്‌ എനിക്ക​റി​യാം.” (g89 2⁄8)

[25-ാം പേജിലെ ചിത്രം]

വർഗ്ഗീയമുൻവിധിനിമിത്തം തങ്ങൾ സ്‌കൂ​ളിൽ അവഗണി​ക്ക​പ്പെ​ടു​ക​യാ​ണെന്ന്‌ ചില യുവാക്കൾ വിചാ​രി​ക്കു​ന്നു