ചെറു​പ്പ​ക്കാർ ചോദി​ക്കു​ന്നു . . . .

വർഗ്ഗീ​യ​മുൻവി​ധി​ക​ളു​ടെ തോന്ന​ലു​കളെ എനിക്ക്‌ എങ്ങനെ തരണം ചെയ്യാം?

ആസ്‌ട്രേലിയയിലെ സിഡ്‌നി​യി​ലെ ഗവേഷകർ മററു വർഗ്ഗങ്ങ​ളി​ലെ ആളുക​ളോ​ടുള്ള തങ്ങളുടെ വികാ​രങ്ങൾ പ്രകട​മാ​ക്കാൻ അനുവ​ദി​ച്ചു​കൊണ്ട്‌ 9-13 വയസ്സു​കാ​രായ ബഹുവർഗ്ഗ കുട്ടി​ക​ളു​ടെ കൂട്ട​ത്തോ​ടാ​യി ചോദ്യാ​വ​ലി​കൾ അവതരി​പ്പി​ച്ചു. ചില വെളുത്ത ആസ്‌​ട്രേ​ലി​യൻ കുട്ടികൾ ന്യൂന​പ​ക്ഷ​ങ്ങ​ളോട്‌ മുൻവി​ധി പ്രകട​മാ​ക്കി​യെ​ങ്കി​ലും, “ആസ്‌​ട്രേ​ലി​യൻ കുട്ടി​ക​ളേ​പ്പോ​ലെ​യൊ, മിക്ക​പ്പോ​ഴും അതിലു​മ​ധി​ക​മൊ എല്ലാ ജനവർഗ്ഗ​ങ്ങ​ളിൽനി​ന്നു​മുള്ള കുട്ടികൾ മററു ജനവർഗ്ഗ​ങ്ങ​ളി​ലു​ള്ള​വ​രോട്‌ മുൻവി​ധി​യു​ള്ള​വ​രാ​യി തങ്ങളേ​ത്തന്നെ വെളി​പ്പെ​ടു​ത്തി.”—“ദി ജേണൽ ഓഫ്‌ സൈ​ക്കോ​ളജി.”

ചെറു​പ്പ​ക്കാർ വർഗ്ഗീയ മുൻവി​ധി​ക​ളിൽനിന്ന്‌ വിമു​ക്തരല്ല. 17 വയസ്സുള്ള ലൂസി പറയുന്നു, “എന്റെ സ്‌കൂ​ളിൽ വെള്ളക്കാ​രായ മിക്ക കുട്ടി​ക​ളും ഒരു മുറി​യി​ലും കറുത്ത​വ​രെ​ല്ലാം മറെറാ​ന്നി​ലു​മി​രുന്ന്‌ ഭക്ഷണം കഴിക്കു​ന്നു.”

കേവലം മററു വർഗ്ഗത്തിൽ പെട്ട ആളുക​ളോ​ടുള്ള നിങ്ങളു​ടെ വികാ​ര​ങ്ങ​ളെ​ന്താണ്‌? നിങ്ങൾക്ക്‌ മുൻവി​ധി ഭോഷ​ത്വ​വും നീതി​ര​ഹി​ത​വും അപ്രയു​ക്ത​വും ആണെന്ന്‌ ഹൃദയ​ത്തിൽ ഗ്രാഹ്യ​മു​ണ്ടെ​ങ്കി​ലും നിങ്ങൾക്ക്‌ ഏറെക്കു​റെ മിശ്രി​ത​മായ വികാ​ര​ങ്ങ​ളാ​യി​രി​ക്കാം ഉണ്ടായി​രി​ക്കു​ന്നത്‌. ഗവേഷ​ക​രായ ജെയ്‌ൻ നോർമ​നും മിരൻ ഡബ്‌ള്യു ഹാരിസ്‌ പി. എച്ച്‌. ഡി.,യും നിരീ​ക്ഷി​ച്ച​തു​പോ​ലെ: “ബഹുഭൂ​രി​പക്ഷം . . . വെളു​ത്ത​വ​രും കറുത്ത​വ​രു​മായ ചെറു​പ്പ​ക്കാർ തങ്ങൾ മുൻവി​ധി​യു​ള്ള​വ​രാ​യി​രി​ക്കാൻ ആഗ്രഹി​ക്കു​ന്നില്ല എന്ന്‌ സമ്മതി​ക്കു​ന്നു. എന്നാൽ അവർ മുൻക​രു​ത​ലു​ള്ള​വ​രാ​യി​രി​ക്ക​യും മിക്ക​പ്പോ​ഴും പരസ്‌പരം സന്ദേഹം പ്രകടി​പ്പി​ക്ക​യും ചെയ്യുന്നു. അവർ വർഗ്ഗീയ പരിധി​കൾ വിട്ട്‌ അടുത്ത ബന്ധങ്ങൾ നട്ടുവ​ളർത്തു​ക​യാ​ണെ​ങ്കിൽ സ്‌നേ​ഹി​ത​രും മാതാ​പി​താ​ക്ക​ളും വിരോ​ധി​ക​ളാ​യേ​ക്കാ​മെ​ന്നും അവർക്ക്‌ അറിവുണ്ട്‌.” സമാന​മായ വർഗ്ഗീയ സംഘർഷങ്ങൾ അനേകം ദേശങ്ങ​ളിൽ നിലവി​ലുണ്ട്‌.

മററു വർഗ്ഗത്തിൽപെട്ട അംഗങ്ങ​ളു​ടെ​യി​ട​യി​ലാ​യി​രി​ക്കു​മ്പോ​ഴത്തെ അസ്വസ്ഥ​ത​യു​ടെ വികാ​രങ്ങൾ മുൻവി​ധി തെററാ​ണെന്ന്‌ പഠിപ്പി​ക്ക​പ്പെ​ടുന്ന ക്രിസ്‌തീയ യുവാ​ക്ക​ളെ​യും ബാധി​ച്ചേ​ക്കാം. മററു വർഗ്ഗങ്ങ​ളോ​ടുള്ള സഹവാസം പരിമി​ത​പ്പെ​ടു​ത്ത​പ്പെ​ട്ടി​രി​ക്കു​ന്ന​തൊ വർഗ്ഗീയ സംഘർഷങ്ങൾ മുററി​നിൽക്കു​ന്ന​തൊ ആയ സ്ഥലത്താ​യി​രി​ക്കാം അവർ ജീവി​ക്കു​ന്നത്‌. എന്നാൽ വർഗ്ഗീയ മുൻവി​ധി​യു​ടെ വികാ​രങ്ങൾ ഉത്ഭവി​ക്കു​ന്ന​തെ​വി​ടെ​യാണ്‌?

വർഗ്ഗീയ മുൻവി​ധി​യു​ടെ പ്രവർത്ത​ന​ങ്ങൾ

മുൻവി​ധി​യു​ണ്ടാ​യി​രി​ക്ക​യെ​ന്നാൽ മുൻകൂ​ട്ടി വിധി​ക്കു​ക​യെ​ന്നാണ്‌ അർത്ഥം. അപ്രകാ​രം വർഗ്ഗീ​യ​മുൻവി​ധി​യു​ള്ള​യാൾ ഒരു വിസ്‌താ​രം കൂടാതെ മററു​ള്ള​വരെ വിധി​ക്കു​ന്നു. ഒരു പ്രത്യേക വർഗ്ഗത്തിൽപ്പെട്ട ഏതെങ്കി​ലും അംഗത്തിന്‌ സ്വതവേ അനഭി​ല​ഷ​ണീ​യ​മായ ചില ശീലങ്ങ​ളൊ ലക്ഷണങ്ങ​ളൊ മനോ​ഭാ​വ​ങ്ങ​ളൊ ഉണ്ടെന്ന്‌ അയാൾ നിഗമനം ചെയ്യുന്നു. അയാളു​ടെ തോന്ന​ലു​കൾക്ക്‌ വ്യക്തമാ​യും വിപരീ​ത​മായ വസ്‌തു​തകൾ ഗണ്യമാ​ക്കാ​തെ പോലും അയാൾ തന്റെ മുൻവി​ധി​യെ പോഷി​പ്പി​ക്കു​ന്നു. ദൃഷ്ടാ​ന്ത​ത്തിന്‌ അയാൾ, ഒരു പ്രത്യേക ഗ്രൂപ്പി​ലെ എല്ലാ അംഗങ്ങ​ളും ‘മടിയൻമാ​രോ’ ‘ബുദ്ധി​യി​ല്ലാ​ത്ത​വ​രോ’ ആണെന്ന്‌ വിശ്വ​സി​ക്കു​ന്നു. ആ ഗ്രൂപ്പിൽപെട്ട പ്രയത്‌ന​ശീ​ല​നോ—സമർത്ഥൻ പോലു​മോ—ആയ ആരെ​യെ​ങ്കി​ലും അഭിമു​ഖീ​ക​രി​ക്കു​മ്പോൾ അയാൾ അത്തരം ആൾ ഒരു “അപവാദം” ആണെന്ന്‌ നിഗമനം ചെയ്‌തേ​ക്കാം. അയാൾ വ്യക്തി​ഗ​ത​മായ ഗുണങ്ങൾ സംബന്ധിച്ച്‌ അന്ധനാ​ണെ​ന്നത്‌ ഖേദക​ര​മാണ്‌.

എന്നാൽ മുൻവി​ധി ജൻമസി​ദ്ധമല്ല. ദി എൻ​സൈ​ക്ലോ​പീ​ഡി​യാ ഓഫ്‌ ഹ്യൂമൻ ബിഹേ​വി​യർ ഇപ്രകാ​രം പറയുന്നു: “ലോക​വ്യാ​പ​ക​മാ​യി നടത്തപ്പെട്ട നിരീ​ക്ഷ​ണങ്ങൾ, കുട്ടികൾ മററു വർഗ്ഗത്തി​ലെ അംഗങ്ങ​ളോ​ടൊത്ത്‌ വിവേ​ച​ന​കൂ​ടാ​തെ കളിക്കു​ക​യും പ്രകട​മായ ശാരീ​രിക വ്യത്യാ​സങ്ങൾ സംബന്ധിച്ച്‌ ഒന്നുകിൽ ബോധ​മു​ള്ള​വ​ര​ല്ലാ​തി​രി​ക്കു​ക​യൊ അല്ലെങ്കിൽ അത്‌ പ്രതീ​ക്ഷി​ക്കുന്ന ഒന്നാ​ണെ​ന്നുള്ള വിധത്തിൽ അംഗീ​ക​രി​ക്കു​ക​യോ ചെയ്യുന്നു എന്ന്‌ കണ്ടെത്തി.” എൻ​സൈ​ക്ലോ​പ​ഡിയ ഇപ്രകാ​രം തുടരു​ന്നു: “മുൻവി​ധി​കൾ . . . മുഴു​വ​നാ​യും പഠനം മൂലമാണ്‌, പ്രാഥ​മി​ക​മാ​യി മററാ​ളു​ക​ളു​മാ​യുള്ള കൂട്ടു​പ്ര​വർത്ത​ന​ങ്ങൾമൂ​ലം ആർജ്ജി​ക്ക​യും ചെയ്യുന്നു.” മാതാ​പി​താ​ക്ക​ളും അദ്ധ്യാ​പ​ക​രും സമപ്രാ​യ​ക്കാ​രും വർഗ്ഗീ​യ​മുൻവി​ധി​കൾ കടത്തി​വി​ടു​ന്ന​തിന്‌ കാരണ​ക്കാ​രാ​ണെന്ന്‌ തോന്നു​ന്നു. ചില​പ്പോൾ മററു വർഗ്ഗത്തി​ലെ അംഗങ്ങ​ളു​മാ​യു​ണ്ടാ​കുന്ന അപ്രീ​തി​ക​ര​മായ ഏററു​മു​ട്ട​ലു​കൾ ഈ മുൻവി​ധി​യെ പരി​പോ​ഷി​പ്പി​ക്കു​ന്ന​തിന്‌ ഇടയാ​ക്കു​ന്നു.

അതു​കൊണ്ട്‌ നമ്മില​നേ​ക​രും മുൻവി​ധി​പ​ര​മായ മനോ​ഭാ​വ​ങ്ങ​ളും വീക്ഷണ​ങ്ങ​ളും അറിയാ​തെ സ്വീക​രി​ച്ചി​രി​ക്കു​ന്നു. ഈ കാര്യ​ത്തിൽ തന്റെ വികാ​ര​ങ്ങളെ സത്യസ​ന്ധ​മാ​യി അഭിമു​ഖീ​ക​രി​ക്കു​ന്ന​തിന്‌ ഒരുവൻ യഥാർത്ഥ​ത്തിൽ കുറെ ആത്മപരി​ശോ​ധന നടത്തേ​ണ്ടത്‌ മിക്ക​പ്പോ​ഴും ആവശ്യ​മാണ്‌. ദൃഷ്ടാ​ന്ത​ത്തിന്‌ നിങ്ങൾക്ക്‌ മററു വർഗ്ഗങ്ങ​ളിൽപെട്ട സ്‌നേ​ഹി​തർ ഉണ്ടായി​രി​ക്കാം. എന്നാൽ നിങ്ങൾ അവരുടെ അസാന്നി​ദ്ധ്യ​ത്തിൽ വിലയി​ടി​ക്കു​ന്ന​തും വർഗ്ഗീ​യോൻമു​ഖ​വു​മായ വിമർശ​നങ്ങൾ നടത്തു​മോ? ഈ സ്‌നേ​ഹി​ത​രു​മാ​യി സംസാ​രി​ക്കു​മ്പോൾ ഒരുപക്ഷേ വർഗ്ഗീയ വ്യത്യാ​സങ്ങൾ സംബന്ധിച്ച്‌ എപ്പോ​ഴും ആവർത്തിച്ച്‌ വിവരി​ച്ചു​കൊ​ണ്ടോ അരസി​ക​വും വിലയി​ടി​ക്കു​ന്ന​തു​മായ തമാശകൾ പറഞ്ഞു​കൊ​ണ്ടോ വർഗ്ഗീ​യ​പ്ര​ശ്‌നത്തെ മുൻപ​ന്തി​യിൽ നിർത്തു​ന്നു​വോ? ദി നേച്ചർ ഓഫ്‌ പ്രിജു​ഡിസ്‌ എന്ന പുസ്‌തകം പ്രസ്‌താ​വി​ക്കു​ന്നു: “തമാശകൾ സൗഹാർദ്ദ​പ​ര​മെന്ന്‌ തോന്നു​മ്പോൾപോ​ലും അവക്ക്‌ ചില​പ്പോൾ യഥാർത്ഥ ശത്രു​തയെ മറച്ചു​വെ​ക്കാൻ കഴിയും.” അതിലു​മ​ധി​ക​മാ​യി, മററു വർഗ്ഗത്തിൽപെട്ട കൂട്ടു​കാ​രു​മാ​യി പരസ്യ​സ്ഥ​ലത്ത്‌ കാണ​പ്പെ​ടു​ന്നത്‌ നിങ്ങൾ മോശ​വും അസുഖ​ക​ര​വു​മാ​യി വിചാ​രി​ക്കു​ന്നു​ണ്ടോ? നിങ്ങൾ സ്വതവേ മററു വർഗ്ഗത്തി​ലെ അംഗങ്ങൾക്ക്‌ ചില പ്രത്യേക വാസന​ക​ളോ—വൈക​ല്യ​ങ്ങ​ളോ ഉണ്ടെന്ന്‌ സങ്കല്‌പി​ക്കു​ന്നു​ണ്ടോ?

“അത്തരം വിചാ​രങ്ങൾ ഉള്ളതു​കൊണ്ട്‌ ഞാൻ എന്നോ​ടു​തന്നേ വളരെ​യ​ധി​കം കോപി​ഷ്ട​നാ​കു​ന്നു, എന്നാൽ എങ്ങനെ​യെ​ങ്കി​ലും എനിക്ക്‌ അവയെ ശമിപ്പി​ക്കു​ന്ന​തിന്‌ കഴിയു​ന്നില്ല,” എന്ന്‌ തന്റെ മുൻവി​ധി​കളെ സത്യസ​ന്ധ​മാ​യി അഭിമു​ഖീ​ക​രിച്ച ഒരു യുവാവ്‌ വിലപി​ച്ചു.

വർഗ്ഗത്തെ സംബന്ധിച്ച ദൈവ​ത്തി​ന്റെ വീക്ഷണം

എന്നാൽ ആ പ്രശ്‌നം അംഗീ​ക​രി​ക്കു​ന്നത്‌ അത്‌ കൈകാ​ര്യം ചെയ്യു​ന്ന​തി​നുള്ള ഒരു വലിയ പടിയാണ്‌. അത്‌ ദൈവം വിവിധ വർഗ്ഗങ്ങളെ വീക്ഷി​ക്കു​ന്ന​തെ​പ്ര​കാ​ര​മാ​ണെന്ന്‌ ഗ്രഹി​ക്കാ​നും സഹായി​ക്കും. ദൃഷ്ടാ​ന്ത​ത്തിന്‌, ഒന്നാം നൂററാ​ണ്ടിൽ വികാസം പ്രാപിച്ച ഒരു സാഹച​ര്യം പരിചി​ന്തി​ക്കുക. യഹൂദൻമാ​രു​ടെ​യും പുറജാ​തി​ക​ളു​ടെ​യും ഇടയിൽ തങ്ങിനി​ന്നി​രുന്ന വർഗ്ഗീയ സംഘർഷം ക്രിസ്‌തീയ സഭയെ ബാധിച്ചു. ഒരവസ​ര​ത്തിൽ അപ്പോ​സ്‌ത​ല​നായ പത്രോസ്‌ കേവലം സമ്മർദ്ദ​ത്തി​നു വഴങ്ങി പുറജാ​തീയ ക്രിസ്‌ത്യാ​നി​ക​ളോ​ടൊത്ത്‌ ഭക്ഷണം കഴിക്കാൻ വിസമ്മ​തി​ച്ചു​കൊ​ണ്ടു​പോ​ലും അവരിൽനിന്ന്‌ “പിൻമാ​റു​ക​യും തന്നേത്തന്നെ വേർപെ​ടു​ത്തു​ക​യും ചെയ്‌തു!” അപ്പോ​സ്‌ത​ല​നായ പൗലോസ്‌ ഇതു അറിഞ്ഞ​പ്പോൾ അവൻ പത്രോ​സി​നോട്‌ അനുകമ്പ വിചാ​രി​ച്ചില്ല. പകരം അവൻ, “അവനിൽ കുററം കണ്ടതി​നാൽ അവനോട്‌ അഭിമു​ഖ​മാ​യി ചെറു​ത്തു​നി​ന്നു.” വർഗ്ഗീയ മുൻവി​ധി ക്രിസ്‌ത്യാ​നി​ക​ളു​ടെ​യി​ട​യിൽ പൊറു​പ്പി​ക്കേ​ണ്ട​ത​ല്ലാ​യി​രു​ന്നു! പൗലോ​സി​ന്റെ വാക്കു​ക​ളിൽ, “ദൈവം മമനു​ഷ്യ​ന്റെ ബാഹ്യ​പ്ര​കൃ​തി​യാൽ നയിക്ക​പ്പെ​ടു​ന്നില്ല.”—ഗലാത്യർ 2:6, 11-14.

പ്രവൃ​ത്തി​കൾ 10:34, 35-ൽ ഇപ്രകാ​രം കൂട്ടി​ച്ചേർക്കു​ന്നു: “ദൈവം മുഖപ​ക്ഷ​മു​ള്ള​വനല്ല, എന്നാൽ ഏതു ജനതയി​ലും അവനെ ഭയപ്പെട്ട്‌ നീതി പ്രവർത്തി​ക്കുന്ന മനുഷ്യൻ അവന്‌ സ്വീകാ​ര്യ​നാണ്‌.” ഒരു പ്രത്യേക വർഗ്ഗത്തിന്‌ നിങ്ങളു​ടേ​തിൽനിന്ന്‌ വ്യത്യ​സ്‌ത​മായ തൊലി​യു​ടെ നിറമോ മുഖല​ക്ഷ​ണ​ങ്ങ​ളോ തലമു​ടി​യു​ടെ രീതി​യോ ഉണ്ടായി​രു​ന്നേ​ക്കാ​മെ​ന്നത്‌ സത്യം​തന്നെ. എന്നാൽ ദൈവം “ഒരു മനുഷ്യ​നിൽ നിന്ന്‌ മനുഷ്യ​ജാ​തി​യെ ഒക്കെയും ഉളവാക്കി”യതിനാൽ വർഗ്ഗങ്ങൾക്കി​ട​യി​ലെ അത്ഭുത​ക​ര​മായ വൈവി​ധ്യം ദൈവ​ത്തി​ന്റെ പ്രവൃ​ത്തി​യാണ്‌! (പ്രവൃ​ത്തി​കൾ 17:26) അതു കൂടാതെ, ദൈവം വർഗ്ഗങ്ങൾതോ​റും വ്യത്യ​സ്‌ത​മാ​യി​രി​ക്കുന്ന എല്ലാ ആഹാര​ത്തെ​യും സംഗീ​ത​ത്തെ​യും വസ്‌ത്ര​ധാ​ര​ണ​രീ​തി​യെ​യും സംസാ​ര​ത്തെ​യും, ആചാര​ത്തെ​യും കുററം​വി​ധി​ക്കു​ന്നില്ല. അപ്രകാ​രം അപ്പോ​സ്‌ത​ല​നായ പൗലോസ്‌ യഹൂ​ദേ​ത​ര​രു​ടെ​യി​ട​യിൽ വേല​ചെ​യ്‌ത​പ്പോൾ അവൻ അവരുടെ ശീലങ്ങളെ—നിസം​ശ​യ​മാ​യും പലതും അവന്റെ യഹൂദ വളർത്ത​ലിന്‌ വിപരി​ത​മാ​യി​രു​ന്നെ​ങ്കി​ലും—അവജ്ഞ​യോ​ടെ വീക്ഷി​ച്ചില്ല. പൗലോസ്‌ പറയുന്നു: “നിയമ​മി​ല്ലാ​ത്ത​വർക്ക്‌ [യഹൂ​ദേ​തരർ] ഞാൻ നിയമ​മി​ല്ലാ​ത്ത​വ​നേ​പ്പോ​ലെ [അവരുടെ ആചാര​ങ്ങ​ളോട്‌ ആദരവു കാണി​ച്ചു​കൊണ്ട്‌] ആയി.”—1 കൊരി​ന്ത്യർ 9:21.

അതു​കൊണ്ട്‌ വ്യത്യസ്‌ത വർഗ്ഗങ്ങ​ളിൽപെട്ട ആളുക​ളോട്‌ വെറു​പ്പൊ വിദ്വേ​ഷ​മൊ വെച്ചു​പു​ലർത്തുന്ന ഒരുവന്‌ കേവലം ദൈവ​ത്തി​നു പ്രസാ​ദ​മു​ള്ള​വ​നാ​യി​രി​ക്കാൻ കഴിയു​ക​യില്ല!

വികാ​ര​ങ്ങളെ തരണം ചെയ്യൽ

എന്നിരു​ന്നാ​ലും, ഒരുവൻ ദീർഘ​കാ​ല​മാ​യി വെച്ചു​പു​ലർത്തുന്ന വികാ​രങ്ങൾ മാററു​ന്നത്‌ എളുപ്പമല്ല. ഒരു ഉററ സ്‌നേ​ഹി​ത​നു​മാ​യോ മാതാ​പി​താ​ക്ക​ളു​മാ​യോ കാര്യം ചർച്ച​ചെ​യ്യു​ന്നത്‌ സഹായ​ക​മാ​യേ​ക്കാം. അത്‌ മററു​ള്ള​വ​രോ​ടുള്ള നിങ്ങളു​ടെ പെരു​മാ​റ​റത്തെ “വിശാ​ല​മാ​ക്കാൻ” ഉള്ള ബൈബി​ളി​ന്റെ ബുദ്ധി​യു​പ​ദേശം പിൻപ​റ​റു​ന്ന​തി​നും സഹായി​ച്ചേ​ക്കാം. (2 കൊരി​ന്ത്യർ 6:12, 13) സാദ്ധ്യ​മെ​ങ്കിൽ, നിങ്ങളു​ടെ​തന്നേ വർഗ്ഗത്തി​ലും സംസ്‌കാ​ര​ത്തി​ലും സാമൂ​ഹ്യ​നി​ല​വാ​ര​ത്തി​ലു​മുള്ള ആളുക​ളോ​ടുള്ള നിങ്ങളു​ടെ സഹവാസം പരിമി​ത​പ്പെ​ടു​ത്ത​രുത്‌. ദി എൻ​സൈ​ക്ലോ​പീ​ഡിയ ഓഫ്‌ ഹ്യൂമൻ ബിഹേ​വി​യർ ഇപ്രകാ​രം പറയുന്നു: “സഹവാ​സ​വും ആശയവി​നി​മ​യ​വും വ്യക്തി​കളെ പരസ്‌പരം അറിയു​ക​യും വിലമ​തി​ക്കു​ക​യും ചെയ്യു​ന്ന​തി​നും ക്രമേണ അവരുടെ പരസ്‌പ​ര​മുള്ള മനോ​ഭാ​വങ്ങൾ മാറു​ന്ന​തി​നും സാധ്യ​മാ​ക്കി​ത്തീർക്കു​ന്നു.”

മുഖ്യ​മാ​യും വെള്ളക്കാ​രു​ടേ​തായ ഒരു പട്ടണത്തിൽ ജീവി​ച്ചി​രുന്ന ക്രിസ്‌ എന്നു പേരായ ഒരു ചെറു​പ്പ​ക്കാ​രൻ ഇതു സത്യ​മെന്ന്‌ കണ്ടെത്തി. “ഞാൻ മുൻവി​ധി​യു​ള്ള​വ​നാ​യി വളർത്ത​പ്പെ​ട്ടി​രു​ന്നില്ല,” ക്രിസ്‌ പറയുന്നു. “എന്നാൽ ഞാൻ സെക്കണ്ടറി സ്‌കൂ​ളിൽ എത്തിയ​പ്പോൾ എല്ലായ്‌പോ​ഴും കറുത്ത കുട്ടി​ക​ളാൽ അവഹേ​ളി​ക്ക​പ്പെ​ട്ടി​രു​ന്നു. അവരെ​ല്ലാം കുഴപ്പ​ക്കാ​രാ​ണെന്ന വിചാരം ഞാൻ വളർത്തി. ഞാൻ അവരെ ഭയപ്പെട്ടു വളർന്നു. അവർ ജീവി​ച്ചി​രുന്ന പട്ടണത്തി​ന്റെ ഭാഗം തികച്ചും മോശ​മാ​യി​രു​ന്ന​തി​നാൽ കറുത്ത​വ​രെ​ല്ലാം മടിയൻമാ​രാ​യി​രി​ക്കു​മെന്ന്‌ ഞാൻ നിഗമനം ചെയ്‌തു.”

എന്നാൽ ക്രിസ്‌ യഹോ​വ​യു​ടെ സാക്ഷി​ക​ളോ​ടൊത്ത്‌ ബൈബിൾ പഠിക്കാൻ തുടങ്ങി. കാര്യം സംബന്ധിച്ച ദൈവ​ത്തി​ന്റെ വീക്ഷണം ഗ്രഹി​ച്ച​പ്പോൾ കറുത്ത​വ​രോ​ടുള്ള അയാളു​ടെ വീക്ഷണ​വും മൃദു​ല​പ്പെ​ടാൻ തുടങ്ങി. പിന്നീട്‌ ക്രിസ്‌ ന്യൂ​യോർക്കിൽ ബ്രൂക്ക്‌ളി​നി​ലുള്ള യഹോ​വ​യു​ടെ സാക്ഷി​ക​ളു​ടെ ലോക ആസ്ഥാനത്ത്‌ സേവി​ക്കാൻ തുടങ്ങി, വർഗ്ഗീ​യ​മാ​യി മിശ്രി​ത​മായ ഒരു സഭയി​ലേക്ക്‌ നിയമി​ക്ക​പ്പെ​ടു​ക​യും ചെയ്‌തു. “ഞാൻ ഇപ്പോൾ പ്രശ്‌ന​ത്തോട്‌ മുഖാ​മു​ഖം വന്നു. എന്നാൽ ഞാൻ അവരുടെ ഭവനങ്ങൾ സന്ദർശി​ക്കു​ക​യും അവരോ​ടൊത്ത്‌ ഭക്ഷണം കഴിക്കു​ക​യും ചെയ്യാൻ തുടങ്ങി.” ഈ സഹവാ​സ​ത്തി​ന്റെ ഫലം ആരോ​ഗ്യാ​വ​ഹ​മാ​യി​രു​ന്നു. “അവർ മറെറ​ല്ലാ​വ​രേ​യും​പോ​ലെ​ത​ന്നെ​യാ​ണെന്ന്‌ ഞാൻ തിരി​ച്ച​റി​ഞ്ഞു.”

ഉവ്വ്‌, ക്രിസ്‌തീ​യസഭ “സകല ജാതി​ക​ളി​ലെ​യും വംശങ്ങ​ളി​ലെ​യും ജനങ്ങളി​ലെ​യും ഭാഷക​ളി​ലെ​യും” ആളുകൾ ചേർന്നു​ള്ള​താണ്‌. (വെളി​പ്പാട്‌ 7:9) അവരിൽ ചിലരെ പരിച​യ​പ്പെ​ടുക. അവർ വ്യത്യസ്‌ത പശ്ചാത്ത​ല​ങ്ങ​ളിൽനി​ന്നു​ള്ള​വ​രാ​യി​രു​ന്നി​ട്ടും ദൈവ​ത്തി​നു പ്രസാ​ദ​ക​ര​മായ ഒരു വിധത്തിൽ ഐക്യ​ത്തിൽ പ്രവർത്തി​ക്കു​ന്ന​തിന്‌ ക്രമീ​ക​രി​ക്കു​ന്ന​തെ​ങ്ങ​നെ​യെന്ന്‌ നിരീ​ക്ഷി​ക്കുക. ആളുകളെ ഗ്രൂപ്പു​ക​ളി​ലെ അംഗങ്ങ​ളാ​യി വീക്ഷി​ക്കു​ന്നത്‌ നിർത്തുക; ‘ഓരോ​രു​ത്തൻ അവനവന്റെ സ്വന്തം പ്രവൃത്തി എന്തെന്ന്‌ തെളി​യി​ക്കാൻ അനുവ​ദി​ച്ചു​കൊണ്ട്‌’ അവരെ വ്യക്തി​ക​ളാ​യി കാണുക. (ഗലാത്യർ 6:4) നിങ്ങൾതന്നേ ആയിരി​ക്ക​യും സ്വർണ്ണ​പ്ര​മാ​ണം ബാധക​മാ​ക്കു​ക​യും ചെയ്യുക: “മററു​ള്ളവർ നിങ്ങ​ളോട്‌ പെരു​മാ​റാൻ നിങ്ങൾ ഇഷ്ടപ്പെ​ടുന്ന വിധത്തിൽ നിങ്ങൾ അവരോട്‌ എല്ലായ്‌പ്പോ​ഴും പെരു​മാ​റുക.” (മത്തായി 7:12, ദി ജറുശ​ലേം ബൈബിൾ) നിങ്ങളിൽ ശ്രേഷ്‌ഠ​ത​യു​ടെ വികാ​രങ്ങൾ പൊങ്ങി​വ​രു​ന്നെ​ങ്കിൽ, ‘മററു​ള്ള​വരെ നിങ്ങ​ളേ​ക്കാൾ ശ്രേഷ്‌ഠ​രാ​യി പരിഗ​ണി​ക്കു​ന്ന​തി​നു’ള്ള ബൈബി​ളി​ന്റെ ബുദ്ധി​യു​പ​ദേശം ബാധക​മാ​ക്കാൻ പ്രാർത്ഥ​നാ​പൂർവം പരി​ശ്ര​മി​ക്കുക.—ഫിലി​പ്പി​യർ 2:3.

തീർച്ച​യാ​യും, നിങ്ങളു​ടെ നിഷേ​ധാ​ത്മക വീക്ഷണങ്ങൾ ഒററ രാത്രി​കൊണ്ട്‌ ഉടലെ​ടു​ത്തില്ല, അതു​പോ​ലെ അവ ഒററ രാത്രി​കൊണ്ട്‌ അപ്രത്യ​ക്ഷ​മാ​ക​യു​മില്ല. എന്നാൽ കാലം​കൊ​ണ്ടും നിരന്ത​ര​മായ കഠിന​പ്ര​യ​ത്‌നം​കൊ​ണ്ടും മുൻവി​ധി​യു​ടെ വികാ​ര​ങ്ങളെ തരണം​ചെ​യ്യാൻ കഴിയും. (g88 11/8)

[28-ാം പേജിലെ ചതുരം]

കറുത്തവർഗ്ഗം ശപിക്ക​പ്പെ​ട്ട​തോ?

ദൈവം കറുത്ത​വർഗ്ഗത്തെ ശപിച്ചി​രു​ന്നു എന്ന്‌ അവകാ​ശ​പ്പെ​ട്ടു​കൊണ്ട്‌ ചിലർ തങ്ങളുടെ മുൻവി​ധി​യെ നീതീ​ക​രി​ക്കാൻ ശ്രമി​ച്ചി​ട്ടുണ്ട്‌. എന്നിരു​ന്നാ​ലും, അത്തരത്തി​ലുള്ള യാതൊ​രു ശാപവും ബൈബി​ളിൽ രേഖ​പ്പെ​ടു​ത്തി​യി​ട്ടില്ല. ഉല്‌പ്പത്തി 9:25, “കനാൻ ശപിക്ക​പ്പെ​ട്ടവൻ. അവൻ തന്റെ സഹോ​ദ​രൻമാർക്ക്‌ ഏററവും അധമനായ അടിമ​യാ​യി​ത്തീ​രട്ടെ” എന്ന്‌ പറയുന്നു എന്നത്‌ സത്യം​തന്നെ. എന്നിരു​ന്നാ​ലും മിക്ക​പ്പോ​ഴും ഉദ്ധരി​ക്കുന്ന ആ വാക്യ​ത്തിൽ തൊലി​യു​ടെ നിറം സംബന്ധിച്ച്‌ ഒന്നും​തന്നേ പറയു​ന്നില്ല. കൂടാതെ, തെളി​വ​നു​സ​രിച്ച്‌ കറുത്ത​വർഗ്ഗം കനാന്റെ ഒരു സഹോ​ദ​ര​നാ​യി​രുന്ന കൂശിൽനി​ന്നാ​യി​രു​ന്നു ഉത്ഭവി​ച്ചത്‌. (ഉല്‌പ്പത്തി 10:6, 7; “പുതി​യ​ലോ​ക​ഭാ​ഷാ​ന്തരം റഫറൻസ്‌ ബൈബി​ളി”ലെ യെശയ്യാവ്‌ 43:3-ന്റെ അടിക്കു​റി​പ്പിൽ ആഫ്രിക്കൻ രാജ്യ​മായ എത്യോ​പ്യ​യെ പരാമർശി​ക്കു​ന്ന​തിന്‌ കൂശ്‌ എന്ന പേര്‌ ഉപയോ​ഗി​ച്ചി​രി​ക്കു​ന്നത്‌ കാണുക.) കനാന്റെ പിൻഗാ​മി​കൾ തെളി​വ​നു​സ​രിച്ച്‌ ധവള​പ്ര​ഭ​മായ തൊലി​യു​ള്ള​വ​രാണ്‌—കറുത്തതല്ല.