വിസ്‌മ​യാ​വ​ഹ​മായ പാദങ്ങൾ

“ചുവർപല്ലി അതിന്റെ സ്വന്തം കൈകൾകൊണ്ട്‌ പിടി​ക്കു​ന്നു, അത്‌ ഒരു രാജാ​വി​ന്റെ മഹത്തായ കൊട്ടാ​ര​ത്തി​ലുണ്ട്‌.” സദൃശ​വാ​ക്യ​ങ്ങൾ 30:28-ൽ ബൈബിൾ അങ്ങനെ പ്രസ്‌താ​വി​ക്കു​ന്നു. അതിന്റെ പാദങ്ങൾ കൈകൾപോ​ലെ കാണ​പ്പെ​ടു​ന്നു, എന്നാൽ അവ യാതൊ​രു കൈക്കും കഴിയാത്ത അഭ്യാ​സങ്ങൾ കാണി​ക്കു​ന്നു. അത്‌ മമനു​ഷ്യ​ന്റെ കണ്ടുപി​ടു​ത്ത​ങ്ങൾക്ക്‌ ആയിര​ക്ക​ണ​ക്കി​നു വർഷങ്ങൾക്കു​മു​മ്പേ​ത​ന്നെ​യുള്ള യഹോ​വ​യു​ടെ സൃഷ്ടി​ക​ളു​ടെ മറെറാ​രു ദൃഷ്ടാ​ന്ത​മാണ്‌—ഈ സംഗതി​യിൽ ഇന്നു വളരെ വിപു​ല​മാ​യി ഉപയോ​ഗി​ക്ക​പ്പെ​ടുന്ന വെൽക്രൊ ഫാബ്രിക്ക്‌ ഫാസന​റു​കൾ.

മെഡി​റ​റ​റേ​നി​യൻ പ്രദേ​ശത്തെ സന്ദർശകർ ടാറ​ന്റോള മൗറി​റ​റാ​നി​ക്കാ എന്ന ഈ സാധാ​ര​ണ​യുള്ള ചെറിയ ചുവർ പല്ലികൾ ചുവരു​ക​ളിൽ അള്ളിപ്പി​ടി​ച്ചു കയറു​ന്ന​തും സീലിം​ഗു​ക​ളി​ലൂ​ടെ നടക്കു​ന്ന​തും മാത്രമല്ല കണ്ണാടി​ജ​നാ​ല​ക​ളി​ലൂ​ടെ ഓടു​ന്ന​തു​പോ​ലും കണ്ടു വിസ്‌മ​യി​ച്ചു​പോ​വു​ന്നു. ചുവർപ​ല്ലി​കൾ അവയുടെ പാദങ്ങ​ളി​ലെ വായൂ​ഉ​റ​ക​ളാ​ലൊ അല്ലെങ്കിൽ പശകൊ​ണ്ടു​പോ​ലു​മൊ ആണ്‌ ഇതു ചെയ്യു​ന്ന​തെന്ന്‌ ഒരിക്കൽ വിചാ​രി​ക്ക​പ്പെ​ട്ടി​രു​ന്നു. എന്നാൽ അത്ര പരുക്ക​നായ ഒരാശയം മറെറാ​ന്നില്ല!

മഹത്തായ രൂപകൽപന (ഇംഗ്ലീഷ്‌) എന്ന പുസ്‌തകം 184-ാം പേജിൽ ഇങ്ങനെ പറയുന്നു: “ചുവർപ​ല്ലി​യു​ടെ കാൽവി​ര​ലു​ക​ളി​ലോ​രോ​ന്നി​നും വരമ്പു​പോ​ലുള്ള ശൽക്കങ്ങ​ളോ​ടു​കൂ​ടിയ ഒരു മെത്തയുണ്ട്‌. ഓരോ ശൽക്കത്തി​ലും സെറെറ എന്നു വിളി​ക്ക​പ്പെ​ടുന്ന രോമ​സ​മാ​ന​മായ നൂറു​ക​ണ​ക്കിന്‌ ചെറിയ ബഹിഃ​സ​ര​ണങ്ങൾ ഉണ്ട്‌. ഇതും​പോ​രാ​ഞ്ഞി​ട്ടെ​ന്ന​പോ​ലെ ഓരോ സെറെ​റ​യു​ടെ​യും അഗ്രത്ത്‌ തട്ടത്തിന്റെ ആകൃതി​യി​ലുള്ള മുനകൾ വഹിക്കുന്ന അവിശ്വ​സ​നീ​യ​മാം​വണ്ണം ചെറു​തായ ശിഖര​ങ്ങ​ളോ​ടു​കൂ​ടിയ രണ്ടായി​ര​ത്തോ​ളം തന്തുകങ്ങൾ ഉള്ള ‘ബ്രഷുകൾ’ ഉണ്ടെന്ന്‌ കൂടു​ത​ലായ വലുതാ​ക്കൽ പ്രകട​മാ​ക്കു​ന്നു. ഇത്‌ അസാധാ​ര​ണ​മാ​യി മൊത്തം ഏതാണ്ട്‌ പത്തു​കോ​ടി​യോ​ളം സമ്പർക്ക ബിന്ദുക്കൾ പ്രദാനം ചെയ്യുന്നു.”

ദശലക്ഷ​ക്ക​ണ​ക്കിന്‌ അതിസൂക്ഷ്‌മ കൊളു​ത്തു​കൾ ഒരു പ്രതല​ത്തി​ലെ ഏററവും ചെറിയ ക്രമര​ഹിത തലങ്ങളിൽ ബന്ധിക്ക​പ്പെ​ടു​ന്നു—കണ്ണാടി​യിൽപോ​ലും. കൊളു​ത്തു​കൾ ഊരു​ന്ന​തി​നും വീണ്ടും ബന്ധിപ്പി​ക്കു​ന്ന​തി​നു​മുള്ള സംവി​ധാ​നം അവിശ്വ​സ​നീ​യ​മാണ്‌. ചുവർപല്ലി അതിന്റെ കാൽവി​ര​ലു​ക​ളു​ടെ അഗ്രങ്ങൾ മുകളി​ലേക്ക്‌ വളയ്‌ക്കു​ന്നു. അങ്ങനെ പ്രതല​ത്തി​ലെ പരുക്കൻത​ല​ങ്ങ​ളിൽ നിന്ന്‌ കൊളു​ത്തു​കൾ വലി​ച്ചെ​ടു​ക്ക​പ്പെ​ടു​ന്നു. കാൽവി​ര​ലു​കൾ പിന്നെ​യും മുകളി​ലോ​ട്ടു വളച്ചു​കൊണ്ട്‌ അത്‌ അതിന്റെ പാദം അടുത്ത ചുവടി​ലേക്ക്‌ നീക്കു​ക​യും അനന്തരം കാൽവി​ര​ലു​കളെ കീഴോട്ട്‌ അമർത്തു​ക​യും ചെയ്യുന്നു. കൊളു​ത്തു​കൾ വീണ്ടും പ്രതല​ത്തി​ലെ പരുക്കൻ തലങ്ങളു​മാ​യി ബന്ധിക്ക​പ്പെ​ടു​ന്നു.—ഏറെക്കു​റെ ഒരു പൂച്ച ഒരു മരത്തിൽ കയറു​മ്പോൾ ഇടവിട്ട്‌ അതിന്റെ നഖങ്ങൾ നീട്ടു​ക​യും അകത്തോ​ട്ടു​വ​ലി​ക്ക​യും ചെയ്യു​ന്ന​തു​പോ​ലെ​തന്നെ.

അങ്ങനെ ചെറിയ ചുവർപല്ലി അതിന്റെ വിസ്‌മ​യാ​വ​ഹ​മായ പാദങ്ങൾകൊണ്ട്‌ വിസ്‌മ​യാ​വ​ഹ​മായ അഭ്യാ​സങ്ങൾ കാണി​ക്കു​ന്നു. (g89 3⁄22)

[31-ാം പേജിലെ ചിത്രം]

ചുവർപല്ലിയുടെ “വെൽക്രൊ”പാദത്തി​ന്റെ അടിവശം

[കടപ്പാട്‌]

Breck P. Kent