കൂട്ട​ക്കൊല—ദൈവം അതനു​വ​ദി​ച്ച​തെ​ന്തു​കൊണ്ട്‌?

കൂട്ട​ക്കൊ​ലക്ക്‌ അനേക​രു​ടെ വിശ്വാ​സത്തെ തകർക്കുന്ന ഒരു ഫലമു​ണ്ടാ​യി​രു​ന്നി​ട്ടുണ്ട്‌. ഒരു ദൈവ​മു​ണ്ടെ​ങ്കിൽ, അവൻ അതനു​വ​ദി​ച്ച​തെ​ന്തു​കൊണ്ട്‌ എന്ന്‌ യഹൂദൻമാ​രും യഹൂ​ദേ​ത​ര​രും ചോദി​ക്കു​ന്നു. അത്‌ ‘മനുഷ്യ​നോ​ടുള്ള മമനു​ഷ്യ​ന്റെ മനുഷ്യ​ത്വ​മി​ല്ലായ്‌മ നിമി​ത്ത​മാ​ണെന്ന്‌’ പറഞ്ഞാൽമ​തി​യോ? “സംസ്‌ക്കാ​ര​മുള്ള” പശ്ചാത്ത​ല​ങ്ങ​ളിൽനി​ന്നുള്ള സ്‌ത്രീ​പു​രു​ഷൻമാർക്ക്‌ രാഷ്‌ട്ര​ത്താൽ അംഗീ​ക​രി​ക്ക​പ്പെ​ടുന്ന കൊല​പാ​ത​ക​ത്തി​ലും വംശനാ​ശ​ത്തി​ലും സജീവ​മാ​യി ഏർപ്പെ​ടാ​നോ അതിനു​നേരെ കണ്ണടക്കാ​നോ അതു പഠിപ്പി​ക്കാ​നോ പൊറു​ക്കാ​നോ എങ്ങനെ കഴിയു​മെന്നു വിശദ​മാ​ക്കുന്ന മററു ഘടകങ്ങ​ളു​ണ്ടോ?

ഐക്യ​നാ​ടു​ക​ളി​ലെ യഹൂദ യാഥാ​സ്ഥി​തിക സമുദാ​യം അടുത്ത​കാ​ലത്ത്‌ “യാഥാ​സ്ഥി​തിക യഹൂദ​വി​ശ്വാ​സ​ത്തി​ന്റെ ഒരു തത്ത്വ​പ്ര​സ്‌താ​വന” പ്രസി​ദ്ധ​പ്പെ​ടു​ത്തി. അതിൽ അവർ ഇങ്ങനെ പ്രസ്‌താ​വി​ച്ചു: “തിൻമ​യു​ടെ അസ്‌തി​ത്വം എല്ലായ്‌പ്പോ​ഴും വിശ്വാ​സ​ത്തി​ന്റെ ഏററം ഗുരു​ത​ര​മായ പ്രതി​ബന്ധം ഉളവാ​ക്കി​യി​ട്ടുണ്ട്‌. ആഷ്വി​റ​റ്‌സി​നാ​ലും ഹിറോ​ഷി​മാ​യാ​ലും പ്രതി​നി​ധാ​നം​ചെ​യ്യ​പ്പെ​ടുന്ന ഭീകര​ത​യു​ടെ വൈപു​ല്യം പരിഗ​ണി​ക്കു​മ്പോൾ ഈ വിഷമ​സ്ഥി​തി നമ്മുടെ തലമു​റ​യിൽ ഒരു പുതിയ ഭയങ്കര യാഥാർത്ഥ്യ​മാ​യി​ത്തീർന്നി​ട്ടുണ്ട്‌. നീതി​മാ​നും ശക്തനു​മായ ഒരു ദൈവ​ത്തിന്‌ ഇത്രയ​ധി​കം നിർദ്ദോ​ഷ​ജീ​വന്‌ നിർമ്മൂ​ല​നാ​ശം വരുത്താൻ എങ്ങനെ അനുവ​ദി​ക്കാൻ കഴിയു​മെ​ന്നുള്ള ചോദ്യം മതമനഃ​സാ​ക്ഷി​യെ അലട്ടു​ക​യും ഭാവനയെ അമ്പരി​പ്പി​ക്കു​ക​യും ചെയ്യുന്നു.”

ദശലക്ഷ​ക്ക​ണ​ക്കി​നു മററു​ള്ള​വ​രോ​ടൊ​പ്പം യഹോ​വ​യു​ടെ സാക്ഷി​കൾക്കും ആ ചോദ്യ​ത്തിൽ താല്‌പ​ര്യ​മു​ണ്ടാ​യി​ട്ടുണ്ട്‌. അതു മനസ്സി​ലാ​ക്കാൻ കഴിയും. എന്തു​കൊ​ണ്ടെ​ന്നാൽ തങ്ങളുടെ സഹവി​ശ്വാ​സി​ക​ളി​ല​നേകർ നാസി തടങ്കൽപാ​ള​യ​ങ്ങ​ളിൽ ഒടുങ്ങി​പ്പോ​യി. അപ്പോൾ ദൈവം തിൻമയെ അനുവ​ദി​ച്ചി​രി​ക്കു​ന്ന​തെ​ന്തു​കൊണ്ട്‌?

ഇച്ഛാസ്വാ​ത​ന്ത്ര്യ​വും വിവാ​ദ​പ്ര​ശന​വും

മേൽപ്ര​സ്‌താ​വിച്ച യഹൂദ​പ്ര​സി​ദ്ധീ​ക​രണം ഈ ചോദ്യ​ത്തിന്‌ ഭാഗി​ക​മായ ഒരു ഉത്തരം പറയുന്നു: “മനുഷ്യ​രെ ഇച്ഛാസ്വാ​ത​ന്ത്ര്യ​ത്തോ​ടെ സൃഷ്ടി​ച്ച​തി​നാൽ ദൈവം തന്റെ സ്വന്തം ഭാവി പ്രവർത്ത​ന​പ​രി​ധി​യെ പരിമി​ത​പ്പെ​ടു​ത്തി. ആളുകൾ നൻമ​യെ​യും തിൻമ​യെ​യും അഭിമു​ഖീ​ക​രി​ക്കു​മ്പോൾ അവർ തെററായ തെര​ഞ്ഞെ​ടു​പ്പു നടത്താ​നുള്ള യഥാർത്ഥ സാധ്യ​ത​യി​ല്ലെ​ങ്കിൽ തെര​ഞ്ഞെ​ടു​പ്പി​ന്റെ മുഴു​സ​ങ്ക​ല്‌പ​ന​വും അർത്ഥശൂ​ന്യ​മാണ്‌. മനുഷ്യ​വർഗ്ഗ​ത്തിന്‌ ഇച്ഛാസ്വാ​ത​ന്ത്ര്യം കൊടു​ത്തത്‌ ദിവ്യ​സ്‌നേ​ഹ​ത്തി​ന്റെ ഒരു പ്രവർത്ത​ന​മാ​യി കാണാൻ കഴിയും, അത്‌ നമ്മുടെ സ്വന്തം നിർമ്മ​ല​ത​ക്കും വളർച്ച​ക്കും അനുവ​ദി​ക്കു​ന്നു, നമ്മുടെ തീരു​മാ​ന​ങ്ങൾക്ക്‌ വലിയ സങ്കടവും വരുത്തി​ക്കൂ​ട്ടാൻ കഴിയു​മെ​ങ്കിൽപോ​ലും.”

ഈ അഭി​പ്രാ​യം എബ്രായ തിരു​വെ​ഴു​ത്തി​ലെ രേഖ​യോ​ടു യോജി​ക്കു​ന്നു. ദൈവ​ത്തോട്‌ അനുസ​ര​ണ​ക്കേടു കാണി​ക്കാ​നുള്ള ആദാമി​ന്റെ​യും ഹവ്വായു​ടെ​യും തെര​ഞ്ഞെ​ടു​പ്പാ​യി​രു​ന്നാ​ലും (ഉല്‌പത്തി 3:1-7) തന്റെ സഹോ​ദ​ര​നാ​യി​രുന്ന ഹാബേ​ലി​നെ കൊല്ലാ​നുള്ള കയീന്റെ തെര​ഞ്ഞെ​ടു​പ്പാ​യി​രു​ന്നാ​ലും ആരംഭം​മു​തൽതന്നെ മനുഷ്യ​വർഗ്ഗ​ത്തിന്‌ തെര​ഞ്ഞെ​ടു​പ്പു​സ്വാ​ത​ന്ത്ര്യം ഉണ്ടായി​രു​ന്നി​ട്ടുണ്ട്‌. (ഉല്‌പത്തി 4:2-10) പഴയ കാലത്തെ ഇസ്ര​യേ​ല്യ​രു​ടെ മുമ്പാ​കെ​യും യഹോവ ഒരു തെര​ഞ്ഞെ​ടു​പ്പു വച്ചിരു​ന്നു: “കാൺമിൻ, ഇന്നു ഞാൻ നിങ്ങളു​ടെ മുമ്പാകെ ജീവനും നൻമയും മരണവും തിൻമ​യും വെക്കു​ക​തന്നെ ചെയ്യുന്നു. . . . നിങ്ങൾ ജീവി​ച്ചി​രി​ക്കേ​ണ്ട​തിന്‌, നിങ്ങൾ, നിങ്ങളും നിങ്ങളു​ടെ സന്തതി​യും​തന്നെ, ജീവനെ തെര​ഞ്ഞെ​ടു​ക്കേ​ണ്ട​താണ്‌.”—ആവർത്തനം 30:15, 19.

എന്നാൽ യഹൂദ​പ്ര​സ്‌താ​വന അവഗണി​ക്കുന്ന ഒരു ജീവൽപ്ര​ധാ​ന​മായ വസ്‌തു​ത​യുണ്ട്‌. ദൈവ​ത്തി​നെ​തി​രാ​യി മത്സരി​ക്കു​ക​യും പിന്നീട്‌ വിശ്വ​സ്‌ത​നായ ഇയ്യോ​ബിന്‌ കഷ്ടപ്പാ​ടു​കൾ വരുത്തി​ക്കൂ​ട്ടു​ക​യും ചെയ്‌തവർ ഇപ്പോ​ഴും പ്രവർത്ത​ന​നി​ര​ത​രാ​യി മനുഷ്യ​രു​ടെ ഹൃദയ​ങ്ങളെ പൈശാ​ചിക തെര​ഞ്ഞെ​ടു​പ്പു​കൾകൊണ്ട്‌ വഴിപി​ഴ​പ്പി​ക്കു​ന്നുണ്ട്‌. അവ ചില കേസു​ക​ളിൽ തടങ്കൽപാ​ള​യ​ങ്ങ​ളി​ലേ​ക്കും ദണ്ഡനത്തി​ലേ​ക്കും കൂട്ട​ക്കൊ​ല​പാ​ത​ക​ത്തി​ലേ​ക്കും നയിച്ചി​ട്ടുണ്ട്‌. അവനെ ഇയ്യോ​ബി​ന്റെ പുസ്‌ത​ക​ത്തിൽ മത്സരി​യായ ഒരു ദൂത ദൈവ​പു​ത്ര​നാ​യി തിരി​ച്ച​റി​യി​ച്ചി​രി​ക്കു​ന്നു, മത്സരി​യായ സാത്താൻതന്നെ.—ഇയ്യോബ്‌ 1:6; 2:1, 2.

സാത്താന്റെ സ്വാധീ​ന​വും അവൻ വാഗ്‌ദാ​നം​ചെ​യ്യുന്ന തെര​ഞ്ഞെ​ടു​പ്പു​ക​ളും ഇന്നത്തെ ലോക​ത്തിൽ പ്രബല​പ്പെ​ട്ടി​രി​ക്കു​ന്നു, അവ അക്രമ​ത്തി​ലേ​ക്കും ജീവ​നോ​ടും മൂല്യ​ങ്ങ​ളോ​ടു​മുള്ള അവജ്ഞയി​ലേ​ക്കും നയിക്കു​ന്നു. രാഷ്‌ട്രീയ തത്ത്വശാ​സ്‌ത്ര​മാ​യാ​ലും വർഗ്ഗീ​യ​വും മതപര​വു​മായ ഭിന്നത​ക​ളും മയക്കു​മ​രു​ന്നു​ദു​രു​പ​യോ​ഗ​വും അമി​തോ​ല്ലാ​സ​ങ്ങ​ളും മനുഷ്യ​വി​ഗ്ര​ഹ​ങ്ങ​ളു​മാ​യാ​ലും മനുഷ്യ​വർഗ്ഗ​ത്തി​ന്റെ ശ്രദ്ധയെ ദൈവ​രാ​ജ്യ​ഭ​ര​ണ​ത്തി​ന്റെ പ്രത്യാ​ശ​യിൽനിന്ന്‌ വ്യതി​ച​ലി​പ്പി​ക്കുന്ന എന്തും സാത്താന്റെ ഉദ്ദേശ്യ​ത്തി​നാണ്‌ പ്രയോ​ജ​ന​പ്പെ​ടു​ന്നത്‌. ഈ ദുഷ്ടൻ ഭൂമി​യു​ടെ പരിസ​ര​ത്തി​ലേക്ക്‌ എറിയ​പ്പെ​ടു​മ്പോൾ അത്‌ “ഭൂമി​ക്കും സമു​ദ്ര​ത്തി​നും മഹാകഷ്ടം” വരുത്തി​ക്കൂ​ട്ടു​മെന്ന്‌ ബൈബിൾ പ്രവചി​ച്ചത്‌ അതിശ​യമല്ല, “എന്തു​കൊ​ണ്ടെ​ന്നാൽ പിശാച്‌ തനിക്ക്‌ അല്‌പ​കാ​ല​ഘ​ട്ട​മാ​ണു​ള്ള​തെ​ന്ന​റി​ഞ്ഞു​കൊണ്ട്‌ മഹാ​ക്രോ​ധ​ത്തോ​ടെ നിങ്ങളു​ടെ അടുക്ക​ലേക്ക്‌ ഇറങ്ങി​വ​ന്നി​രി​ക്കു​ന്നു”! 1914 മുതൽ നാം ആ ഉഗ്ര​കോ​പ​ത്തി​ന്റെ ഘട്ടത്തി​ലാണ്‌ ജീവി​ക്കു​ന്നത്‌.—വെളി​പ്പാട്‌ 12:12.

മനുഷ്യ​വർഗ്ഗ​ത്തിന്‌ ദൈവ​ത്താ​ലുള്ള ഭരണത്തി​നു കീഴ്‌പ്പെ​ടാ​നോ അല്ലെങ്കിൽ അവന്റെ എതിരാ​ളി​യായ സാത്താന്റെ ഭരണത്തി​നു കീഴ്‌പ്പെ​ടാ​നോ തെര​ഞ്ഞെ​ടു​ക്കാ​മാ​യി​രു​ന്നു, ഇപ്പോ​ഴും തെര​ഞ്ഞെ​ടു​ക്കാം. ഈ തെര​ഞ്ഞെ​ടുപ്പ്‌ ഏതാണ്ട്‌ 6,000 വർഷം മുമ്പു​മു​തൽ ദൈവ​വും സാത്താ​നും തമ്മിൽ നിലനിൽക്കുന്ന ഒരു വിവാ​ദ​പ്ര​ശ്‌നത്തെ അർത്ഥമാ​ക്കു​ന്നു. എന്നാൽ ഈ വിവാ​ദ​പ്ര​ശ്‌ന​ത്തി​നു തീരു​മാ​ന​മു​ണ്ടാ​ക്കാൻ യഹോ​വ​യാം ദൈവം ഒരു കാലപ​രി​ധി​വെ​ച്ചി​ട്ടു​ണ്ടെന്ന്‌ ബൈബിൾ സൂചി​പ്പി​ക്കു​ന്നു—1914 മുതൽ മനുഷ്യ​വർഗ്ഗം സാത്താന്റെ ആധിപ​ത്യ​ത്തി​ലുള്ള ഈ വ്യവസ്ഥി​തി​യു​ടെ അവസാ​ന​കാ​ല​ത്താണ്‌ ജീവി​ക്കു​ന്നത്‌.—2 തിമൊ​ഥെ​യോസ്‌ 3:1-5, 13.

ദൈവ​രാ​ജ്യ​ഭ​രണം പെട്ടെ​ന്നു​തന്നെ സകല തിൻമ​യെ​യും അതിനെ പ്രിയ​പ്പെ​ടു​ന്ന​വ​രെ​യും നശിപ്പി​ക്കും. നൻമ​ചെ​യ്യാൻ തെര​ഞ്ഞെ​ടു​ക്കു​ന്ന​വർക്ക്‌ മലിനീ​കൃ​ത​മ​ല്ലാത്ത, പൂർണ്ണ​ത​യുള്ള ഒരു ഭൂമി​യിൽ ദൈവ​ത്തോ​ടുള്ള കീഴ്‌പ്പെ​ട​ലിൽ നിത്യ​ജീ​വൻ കൊടു​ക്ക​പ്പെ​ടും.—വെളി​പ്പാട്‌ 11:18; 21:3, 4.

“നോക്കൂ! ഞാൻ സകലവും പുതു​താ​ക്കു​ന്നു”

ഈ ഭൂമി​ക്കും അതിലെ അനുസ​ര​ണ​മുള്ള നിവാ​സി​കൾക്കും​വേണ്ടി ദൈവം ഉദ്ദേശി​ച്ചി​രി​ക്കുന്ന ഭാവി, ഭൂതകാ​ല​ത്തി​ന്റെ ഭാരം നമ്മുടെ ഓർമ്മ​യിൽനിന്ന്‌ നീക്കം​ചെ​യ്യും: “പൂർവ​കാ​ര്യ​ങ്ങൾ ഓർക്ക​പ്പെ​ടു​ക​യില്ല, അവ ഒരിക്ക​ലും മനസ്സി​ലേക്കു വരുക​യില്ല.”—യെശയ്യാവ്‌ 65:17, താനാക്ക, പരമ്പരാ​ഗത എബ്രായ പാഠ​പ്ര​കാ​ര​മുള്ള വിശുദ്ധ തിരു​വെ​ഴു​ത്തു​ക​ളു​ടെ ഒരു പുതിയ വിവർത്തനം.

അതു​കൊണ്ട്‌ ദൈവ​ത്തി​ന്റെ ഭരണാ​ധി​പ​ത്യം സർവഭൂ​മി​യി​ലും അധികാ​രം നടത്തു​മ്പോൾ മനുഷ്യ​വർഗ്ഗം അനുഭ​വി​ച്ചി​ട്ടുള്ള ഏതു കഷ്ടപ്പാ​ടും ഒടുവിൽ അവരുടെ മനസ്സു​ക​ളിൽനിന്ന്‌ മങ്ങി​പ്പോ​കും. ആ കാലത്ത്‌ സകല മുൻ പേടി​സ്വപ്‌ന ഓർമ്മ​ക​ളും പുറന്ത​ള്ള​പ്പെ​ടും, എന്തു​കൊ​ണ്ടെ​ന്നാൽ ബൈബിൾ വാഗ്‌ദാ​നം​ചെ​യ്യു​ന്ന​തു​പോ​ലെ, ദൈവം “അവരുടെ കണ്ണുക​ളിൽനിന്ന്‌ കണ്ണുനീ​രെ​ല്ലാം തുടച്ചു​ക​ള​യും, മരണം മേലാൽ ഉണ്ടായി​രി​ക്ക​യില്ല, വിലാ​പ​മോ മുറവി​ളി​യോ വേദന​യോ ഇനി ഉണ്ടായി​രി​ക്ക​യില്ല. പൂർവ​കാ​ര്യ​ങ്ങൾ കടന്നു​പോ​യി​രി​ക്കു​ന്നു.—വെളി​പ്പാട്‌ 21:4, 5

മനുഷ്യ​രാ​യാ​ലും ഭൂതങ്ങ​ളാ​യാ​ലും, കഷ്‌ട​പ്പാ​ടു വരുത്തി​ക്കൂ​ട്ടു​ന്ന​വരെ നീക്കം​ചെ​യ്യു​ന്ന​തിന്‌ ദൈവം തന്റെ സർവശക്തി ഉപയോ​ഗി​ക്കു​ന്ന​തി​നുള്ള സമയമ​ടു​ത്തി​രി​ക്കു​ന്നു​വെന്ന്‌ ബൈബിൾ വ്യക്തമാ​യി പ്രകട​മാ​ക്കു​ന്നു. സദൃശ​വാ​ക്യ​ങ്ങൾ 2:21, 22 ഇങ്ങനെ പ്രസ്‌താ​വി​ക്കു​ന്നു: “നേരു​ള്ളവർ ഭൂമി​യിൽ നിവസി​ക്കും, നിഷ്‌ക്ക​ളങ്കർ അതിൽ ശേഷി​ച്ചി​രി​ക്കും. അതേസ​മയം ദുഷ്ടൻമാർ ദേശത്തു​നിന്ന്‌ അപ്രത്യ​ക്ഷ​മാ​കും.” (താനാക്ക) അതെ, ദൈവം “ഭൂമിയെ നശിപ്പി​ക്കു​ന്ന​വരെ നശിപ്പി​ക്കും.” (വെളി​പ്പാട്‌ 11:18) അതിൽ ഒടുവിൽ പിശാ​ചായ സാത്താ​നും ഉൾപ്പെ​ടും.

ഭൂമിയെ കളങ്ക​പ്പെ​ടു​ത്താൻ ദൈവം ദുഷ്ടൻമാ​രെ അധിക​നാൾ അനുവ​ദി​ക്കു​ക​യില്ല. ദുഷ്ടജ​നങ്ങൾ തങ്ങളുടെ സഹമനു​ഷ്യ​രെ ദണ്ഡിപ്പി​ക്കാ​നോ തടവി​ലാ​ക്കാ​നോ അവൻ അനുവ​ദി​ക്കു​ക​യു​മില്ല. അവന്റെ നീതി​യുള്ള നിയമ​ങ്ങ​ളോട്‌ അനുരൂ​പ​പ്പെ​ടാൻ തെര​ഞ്ഞെ​ടു​ക്കാത്ത ഏവനെ​യും പൊറു​ക്കു​ന്നതല്ല. ദൈവ​ത്തി​ന്റെ ഇഷ്ടത്തെ​യും നിയമ​ത്തെ​യും ആദരി​ക്കു​ന്നവർ മാത്രമേ തുടർന്നു ജീവി​ക്കു​ക​യു​ള്ളു.

നാലാ​യി​ര​ത്തിൽപരം വർഷം​മുമ്പ്‌, ദൈവം “ഭൂമി​യിൽ മമനു​ഷ്യ​ന്റെ ദുഷ്ടത എത്ര വലു​തെ​ന്നും അവന്റെ മനസ്സി​നാൽ നിരൂ​പി​ക്ക​പ്പെ​ടുന്ന ഏതു പദ്ധതി​യും സർവസ​മ​യ​ത്തും തിൻമ മാത്ര​മാ​ണെ​ന്നും കണ്ടു.” വലിയ പ്രളയ​മ​യ​ച്ചു​കൊണ്ട്‌ അവൻ പ്രവർത്തി​ച്ചു. (ഉല്‌പത്തി 6:5, താനാക്ക) വീണ്ടും ഒരിക്കൽകൂ​ടെ പ്രവർത്തി​ക്കു​ന്ന​തിന്‌ ദൈവ​ത്തിന്‌ പൂർവാ​ധി​കം കാരണ​മുണ്ട്‌. എന്നാൽ നാം ദൈവ​ത്തിന്‌ ഇപ്പോൾ തക്ക സ്‌തുതി കൊടു​ക്കു​ന്നു​വെ​ങ്കിൽ, താമസി​യാ​തെ നിത്യ​ജീ​വൻ നമ്മുടെ സന്തുഷ്ട​ഭാ​ഗ​ധേ​യ​മാ​യി​രി​ക്കും.—യെശയ്യാവ്‌ 65:17-25; യോഹ​ന്നാൻ 17:3; 1 തിമൊ​ഥെ​യോസ്‌ 6:19.

എന്നിരു​ന്നാ​ലും, കൂട്ട​ക്കൊ​ല​യു​ടെ ഇരകൾ ഉൾപ്പെടെ ശവക്കു​ഴി​ക​ളിൽ മരിച്ചി​രി​ക്കുന്ന ദശലക്ഷ​ങ്ങ​ളെ​ക്കു​റി​ച്ചെ​ല്ലാ​മെന്ത്‌? അവർക്ക്‌ എന്തു പ്രത്യാ​ശ​യുണ്ട്‌? അവർ വിസ്‌മ​രി​ക്ക​പ്പെ​ടു​മോ? (g89 4⁄8)