ചെറു​പ്പ​ക്കാർ ചോദി​ക്കു​ന്നു. . . 

എനിക്ക്‌ ഭർത്സന​ങ്ങളെ എങ്ങനെ നേരി​ടാൻ സാധി​ക്കും?

“എന്റെ പിതാവ്‌ ഒരിക്ക​ലും ശാരീ​രി​ക​മാ​യി എന്നെ ഉപദ്ര​വി​ക്കു​ക​യില്ല, എന്നാൽ അദ്ദേഹ​ത്തി​ന്റെ വാക്കു​ക​ളാൽ എന്നെ കൂടുതൽ ആഴത്തിൽ മുറി​പ്പെ​ടു​ത്തുന്ന കാര്യങ്ങൾ അദ്ദേഹം എന്നോടു പറയുന്നു. ഒരു തല്ലിനു ചെയ്യാ​വു​ന്ന​തി​ല​ധി​കം അതെന്നെ ഭയപ്പെ​ടു​ത്തു​ന്നു.”—ആൻ

“വാക്കു​ക​ളാ​ലുള്ള ആക്രമ​ണങ്ങൾ എന്നെ വില​കെ​ട്ട​വ​നാ​ണെന്നു തോന്നി​ക്കു​ക​യും അത്‌ ദിവസ​ങ്ങ​ളോ​ള​മൊ ആഴ്‌ച​ക​ളോ​ളം പോലു​മോ എന്നോ​ടൊത്ത്‌ ഉണ്ടാവു​ക​യും ചെയ്യുന്നു. കാലം കൊണ്ടു കരിയു​ന്ന​താ​ണെ​ങ്കി​ലും പാടുകൾ അവശേ​ഷി​പ്പി​ക്കുന്ന മാനസ്സിക മുറി​വു​കൾ അവ ഉളവാ​ക്കു​ന്നു.”—കെൻ.

മററാ​യി​ര​ക്ക​ണ​ക്കി​നു കൗമാ​ര​പ്രാ​യ​ക്കാ​രെ​പ്പോ​ലെ, ആനും കെന്നും, ഒരു യുവാ​വി​ന്റെ ആത്‌മ​വി​ശ്വാ​സ​ത്തി​ന്റെ ക്രമാ​നു​ഗ​ത​മായ തകർക്കൽ എന്നു ചില വിദഗ്‌ദ്ധ​രാൽ വിളി​ക്ക​പ്പെ​ടു​ന്ന​തി​ന്റെ ഇരകളാണ്‌—ഭർത്‌സ​ന​ങ്ങ​ളു​ടെ. അസ്ഥികൾ ഒന്നും ഒടിക്ക​പ്പെ​ടു​ന്നി​ല്ലെ​ങ്കി​ലും, മുറി​വു​കൾ ഒന്നും കാണു​വാ​നി​ല്ലെ​ങ്കി​ലും മാതാ​പി​താ​ക്ക​ളാ​ലുള്ള തുടരുന്ന ഭർത്‌സ​ന​ങ്ങളെ ശിശു​പീ​ഡ​ന​ത്തി​ന്റെ വളരെ വിനാ​ശ​ക​ര​മായ ഒരു രൂപമാ​യി​ട്ടാണ്‌ ചിലർ കാണു​ന്നത്‌.

“ജീവി​ക്കു​ന്ന​തിൽ യാതൊ​രു അർത്ഥവു​മില്ല എന്നെനി​ക്കു തോന്നി,” തന്റെ മാതാ​വിൽ നിന്നുള്ള അധി​ക്ഷേ​പ​ങ്ങളെ സഹിച്ച മർലിൻ ഓർമ്മി​ക്കു​ന്നു. മൂഢൻ എന്നോ വില​കെ​ട്ടവൻ എന്നോ വിളി​ക്ക​പ്പെ​ടു​ക​യോ, ബലാൽക്കാ​ര​ങ്ങ​ളാൽ ഭീഷണി​പെ​ടു​ത്ത​പ്പെ​ടു​ക​യോ, താനൊ​രു പരാജ​യ​മാ​ണെന്ന തോന്നൽ ഉളവാ​ക്കു​ക​യോ [“നീ എന്നെ എപ്പോ​ഴും നിരാ​ശ​പ്പെ​ടു​ത്തു​ന്നു!”] അതുമ​ല്ലെ​ങ്കിൽ കുഴപ്പ​ങ്ങൾക്കു തുടർച്ച​യാ​യി കുററ​പ്പെ​ടു​ത്ത​പ്പെ​ടു​ക​യോ [“ഇതു മുഴുവൻ നിന്റെ വീഴ്‌ച​യാണ്‌!”] ചെയ്യുന്ന യുവാ​ക്ക​ളിൽ, കുറഞ്ഞ ആത്മവി​ശ്വാ​സം അസാധാ​ര​ണമല്ല. മന്ദഗതി​യി​ലുള്ള മാനസ്സി​ക​വും വൈകാ​രി​ക​വു​മായ വളർച്ച​യും നിഷേ​ധാ​ത്മ​ക​വും ഉൾവലി​ഞ്ഞ​തു​മായ പെരു​മാ​റ​റ​വും ഭർത്സന​ങ്ങ​ളു​ടെ മററു ദൂഷ്യ​ഫ​ല​ങ്ങ​ളാണ്‌ എന്നു ചിലർ ആരോ​പി​ക്കു​ന്നു. അതിനാൽ, മുറി​പ്പെ​ടു​ത്തുന്ന സംഭാ​ഷ​ണ​ങ്ങളെ “ഒരു വാളി​നാ​ലുള്ള കുത്തി​നോ​ടു” താരത​മ്യ​പ്പെ​ടു​ത്തു​ന്ന​തി​നാൽ ബൈബിൾ കൃത്യ​മാ​യി​രി​ക്കു​ന്നു.—സദൃശ​വാ​ക്യ​ങ്ങൾ 12:18.

എന്നാൽ, ചില യുവാക്കൾ അധി​ക്ഷേ​പങ്ങൾ എന്നു വിളി​ക്കു​ന്നത്‌, മാതാ​പി​താ​ക്ക​ളു​ടെ അൽപ്പം കൂടിയ അളവി​ലുള്ള ശിക്ഷണം മാത്ര​മാ​യി​രി​ക്കും. (എഫേസ്യർ 6:4). അപ്രീ​തി​ക​ര​മായ ഒരു വിധത്തി​ലാ​ണെ​ങ്കിൽ പോലും, അത്തരം ശിക്ഷണങ്ങൾ നിങ്ങൾക്കു പ്രയോ​ജ​ന​പ്ര​ദ​മാ​യി​രി​ക്കും. (സദൃശ​വാ​ക്യ​ങ്ങൾ 4:13) കൂടാതെ, മാതാ​പി​താ​ക്ക​ളും “പല തവണ തെററു​ന്നു. ഒരുവൻ വാക്കിൽ തെററാ​തി​രു​ന്നാൽ അവൻ ഒരു പൂർണ്ണ​മ​നു​ഷ്യ​നാ​യി​രി​ക്കും.” (യാക്കോബ്‌ 3:2) അതിനാൽ കോപ​ത്തി​ന്റെ ചൂടിൽ, ഏററവും നല്ല മാതാ​പി​താ​ക്കൾ പോലും, അവർ ഖേദി​ക്കാ​നി​ട​യാ​ക്കുന്ന കാര്യങ്ങൾ ചില​പ്പോൾ പറയുന്നു. എന്നാൽ പരുഷ​മാ​യി​രി​ക്കു​മ്പോൾ, ക്രൂര​മായ വാക്കുകൾ ജീവി​ത​ത്തി​ന്റെ ഒരു ഭാഗമാ​വു​ക​യും, ഒരു തുടരുന്ന വിനാ​ശ​ക​മാ​തൃ​ക​യാ​യി, അത്തരം സംസാരം ഗൗരവ​ത​ര​മായ വൈകാ​രിക അധി​ക്ഷേ​പ​ങ്ങ​ളോ​ളം എത്തുക​യും ചെയ്യാം.a

ഇത്തര​മൊ​രു സാഹച​ര്യ​ത്തിൽ, ഒരു യുവാ​വി​നോ യുവതി​ക്കോ എന്തു ചെയ്യാൻ സാധി​ക്കും? ആദ്യമാ​യി അധി​ക്ഷേ​പങ്ങൾ എന്തു​കൊണ്ട്‌ ഉളവാ​കു​ന്നു എന്നു മനസ്സി​ലാ​ക്കാൻ നമുക്കു ശ്രമി​ക്കാം.

എന്തു​കൊണ്ട്‌ അവർ ഭർത്സി​ക്കു​ന്നു

“തങ്ങളുടെ കുട്ടി​കളെ ഭർത്സി​ക്കുന്ന മാതാ​പി​താ​ക്കൾ ക്രൂരൻമാ​രായ ഉൻമത്തരല്ല, അവർക്ക്‌ തങ്ങളുടെ മക്കളോട്‌ സ്‌നേ​ഹ​മി​ല്ലാ​യ്‌മ​യു​മില്ല” എന്ന്‌ ബെയ്‌ള​റും റീത്താ ജസ്‌റ​റീ​സും അവകാ​ശ​പ്പെ​ടു​ന്നു. തങ്ങളുടെ മക്കളെ അധി​ക്ഷേ​പി​ക്കുന്ന മാതാ​പി​താ​ക്ക​ളെ​ക്കു​റി​ച്ചുള്ള അവരുടെ പഠനം വെളി​പ്പെ​ടു​ത്തി​യത്‌, അവരിൽ 85 ശതമാ​ന​വും അവർ തന്നെ കുട്ടി​ക​ളാ​യി​രി​ക്കു​മ്പോൾ സ്‌നേ​ഹ​വും പരിച​ര​ണ​വും ലഭിക്കാ​ഞ്ഞ​വ​രോ, ശാരീ​രിക ഉപദ്ര​വങ്ങൾ തന്നെ അനുഭ​വി​ച്ച​വ​രോ ആണെന്നാണ്‌! അതിനാൽ അനേകം വിദഗ്‌ദ്‌ർ വിശ്വ​സി​ക്കു​ന്നത്‌, മാതാ​പി​താ​ക്ക​ളു​ടെ ഭർത്സന​ങ്ങ​ളിൽ ഭൂരി​ഭാ​ഗ​വും സംജാ​ത​മാ​കു​ന്നത്‌ യുവാ​ക്ക​ളു​ടെ പെരു​മാ​ററ ദൂഷ്യ​ത്തിൽ നിന്നല്ല, മറിച്ച്‌ മാതാ​പി​താ​ക്ക​ളു​ടെ തിളച്ചു​മ​റി​യുന്ന അരക്ഷിത ബോധ​ത്തിൽനി​ന്നു​മാ​ണെ​ന്നാണ്‌.

തങ്ങളുടെ തന്നെ മാതാ​ക്ക​ളിൽനി​ന്നും പിതാ​ക്കൻമാ​രിൽനി​ന്നും മതിയായ സ്‌നേ​ഹ​വും പരിലാ​ള​ന​വും ലഭിച്ചി​ട്ടി​ല്ലാ​ത്ത​തി​നാൽ, ചില മാതാ​പി​താ​ക്കൾ തങ്ങളുടെ കുട്ടി​ക​ളോട്‌ സ്‌നേ​ഹ​പൂർവ്വം ഇടപെ​ടു​ന്നത്‌ ദുഷ്‌ക​ര​മാ​ണെന്നു കണ്ടെത്തി​യി​രി​ക്കു​ന്നു. (1 യോഹ​ന്നാൻ 4:19 താരത​മ്യ​പ്പെ​ടു​ത്തുക) കുട്ടി​ക​ളു​ടെ ഭാഗത്തെ ലഘുവായ വീഴ്‌ച​കൾപോ​ലും ഒരു വ്യക്തി​പ​ര​മായ അവഹേ​ള​ന​മാ​യി എടുക്ക​പ്പെ​ടു​ക​യും, ആത്മാഭി​മാ​നത്തെ ചവുട്ടി മെതി​ക്കുന്ന പരിഹാ​സ​ങ്ങ​ളു​ടെ​യും വിമർശ​ന​ത്തി​ന്റെ​യും ഒരു കൊടു​ങ്കാ​ററ്‌ അഴിച്ചു വിട​പ്പെ​ടു​ക​യും ചെയ്യുന്നു.

ഇത്‌ “ഇടപെ​ടു​വാൻ പ്രയാ​സ​മായ സമയങ്ങ​ളായ”തിനാൽ ഉപജീ​വ​ന​ത്തി​നാ​യി തേടു​ന്ന​തി​ന്റെ​യും കുട്ടി​കളെ വളർത്തു​ന്ന​തി​ന്റെ​യും ഭാരം ഞെരി​ക്കു​ന്ന​താ​യി​രി​ക്കും എന്നും ഓർമ്മി​ക്കുക. (2 തിമൊ​ഥെ​യോസ്‌ 3:1) അത്തരം സമ്മർദ്ദ​ങ്ങ​ളാൽ ഭാര​പ്പെട്ട്‌, ചില മാതാ​പി​താ​ക്കൾ മകന്റെ​യൊ മകളു​ടെ​യോ ഭാഗത്തു​നി​ന്നു​യ​രുന്ന, മത്സരത്തി​ന്റെ​തെന്നു തോന്നി​ക്കാ​വുന്ന ഏത്‌ അടയാ​ള​ങ്ങ​ളോ​ടും അമിത​മാ​യി പ്രതി​ക​രി​ക്കു​ന്നു.

എന്നാൽ, ഭർത്സന​ങ്ങൾക്കു യാതൊ​രു ന്യായീ​ക​ര​ണ​വും ഇല്ല എന്നുള്ളതു സത്യമാണ്‌. (കൊ​ലോ​സ്യർ 3:8) തങ്ങളുടെ മക്കൾ “അധൈ​ര്യ​പ്പെ​ടാ​തെ​യി​രി​ക്കേ​ണ്ട​തിന്‌ അവരെ പ്രകോ​പി​പ്പി​ക്കാ​തെ​യി​രി​ക്കുക” എന്ന്‌ മാതാ​പി​താ​ക്ക​ളോട്‌ കൽപ്പി​ക്ക​പ്പെ​ട്ടി​രി​ക്കു​ന്നു. (കൊ​ലോ​സ്യർ 3:21) എന്നിരു​ന്നാ​ലും, ഭർത്സി​ക്കുന്ന ഒരു പിതാ​വോ മാതാ​വോ ആഴത്തിൽ കുഴഞ്ഞ ഒരു അവസ്ഥയി​ലാ​യി​രി​ക്കാ​മെ​ന്നോ കടുത്ത സമ്മർദ്ദ​ത്തിൻ കീഴി​ലാ​യി​രി​ക്കാ​മെ​ന്നോ തിരി​ച്ച​റി​യു​ന്നത്‌ ഒരു യുവാ​വി​നെ മുറി​പ്പെ​ടു​ത്തുന്ന സംഭാ​ഷ​ണ​ങ്ങളെ അതിന്റെ ശരിയായ തലത്തിൽ വീക്ഷി​ക്കു​ന്ന​തി​നു സഹായി​ക്കാൻ കഴിയും. ഈ ഉൾക്കാഴ്‌ച അധി​ക്ഷേ​പി​ക്ക​പ്പെട്ട യുവാ​വി​നെ “കോപ​ത്തി​നു താമസ​മു​ള്ള​വനാ”ക്കിയേ​ക്കാം.—സദൃശ​വാ​ക്യ​ങ്ങൾ 19:11.

ഭർത്സന​ങ്ങളെ നേരിടൽ

നിങ്ങളു​ടെ മാതാ​പി​താ​ക്കൾ വൈകാ​രി​ക​വി​ഷ​മ​ത​ക​ളിൽ നിന്ന്‌ ക്ലേശമ​നു​ഭ​വി​ക്കു​ക​യാ​ണെ​ങ്കിൽ സാധാ​ര​ണ​യാ​യി നിങ്ങൾ ആയിരി​ക്കു​ക​യില്ല ഉത്തരവാ​ദി​കൾ. അത്തരം പ്രശ്‌ന​ങ്ങളെ തരണം ചെയ്യാൻ അവരെ വളരെ​യ​ധി​കം സഹായി​ക്കാൻ സാധി​ക്കുന്ന ഒരു സ്ഥാനത്താ​യി​രി​ക്കു​ക​യില്ല നിങ്ങൾ. ചില സമയങ്ങ​ളിൽ ഭർത്സനം വളരെ ഗൗരവ​ത​ര​മാ​യി​രി​ക്കാം. അപ്പോൾ ഒരു യുവാവ്‌ (യുവതി) ഒരുപക്ഷേ തന്റെ പ്രാ​ദേ​ശിക സഭയിലെ ക്രിസ്‌തീയ മൂപ്പനെ സമീപി​ച്ചു​കൊണ്ട്‌, പുറമെ നിന്നുള്ള സഹായം തേടു​ന്ന​താ​യി​രി​ക്കും ജ്ഞാനം.—യെശയ്യാവ്‌ 32:1, 2.

എന്നിരു​ന്നാ​ലും, മിക്ക​പ്പോ​ഴും സാഹച​ര്യ​ത്തെ കൂടുതൽ സഹനീ​യ​മാ​ക്കുന്ന കാര്യങ്ങൾ നിങ്ങൾക്കു ചെയ്യു​വാൻ സാധി​ക്കും. ഒരു സംഗതി, നിങ്ങൾക്ക്‌ എപ്പോ​ഴും ‘നിങ്ങളു​ടെ മാതാ​പി​താ​ക്കളെ ബഹുമാ​നി​ക്കു​വാൻ’ കഠിന​ശ്രമം നടത്തു​വാൻ കഴിയും—അവരുടെ പെരു​മാ​ററം അസഹനീ​യ​മാ​ണെന്നു തോന്നു​മ്പോൾ പോലും. (എഫേസ്യർ 6:2) മറുത്തു​പ​റ​യു​ന്ന​തോ, അതുമ​ല്ലെ​ങ്കിൽ അവരുടെ നേർക്ക്‌ തിരികെ ആക്രോ​ശി​ക്കു​ന്ന​തോ ദൈവ​ത്തിന്‌ അപ്രീ​തി​ക​ര​മാണ്‌, അതു സംഘർഷത്തെ കൂടുതൽ വർദ്ധി​പ്പി​ക്കു​ന്ന​തി​ലേക്ക്‌ മാത്രമേ നയിക്കു​ക​യു​ള്ളു.

എന്നാൽ, “മൃദു​വായ ഒരു ഉത്തരം, കോപത്തെ ശമിപ്പി​ക്കു​ന്നു.” (സദൃശ​വാ​ക്യ​ങ്ങൾ 15:1) മൈ പേരൻറ്‌സ്‌ ആർ ഡ്രൈ​വിംഗ്‌ മീ ക്രേസി [എന്റെ മാതാ​പി​താ​ക്കൾ എന്നെ ഭ്രാന്തു പിടി​പ്പി​ക്കു​ന്നു] എന്ന തന്റെ പുസ്‌ത​ക​ത്തിൽ, എഴുത്തു​കാ​രി​യായ ജോയ്‌സി വെഡ്രാൾ, ഒരു രോഷാ​കു​ല​യായ മാതാവ്‌ ആലോ​ചനാ ശൂന്യ​യാ​യി, “നീ ജനിച്ച ദിവസത്തെ ഞാൻ ശപിക്കു​ന്നു” എന്നു പറയുന്ന ഒരു സാഹച​ര്യ​ത്തെ നിർദ്ദേ​ശി​ക്കു​ന്നു. “നിങ്ങൾ എന്റെ അമ്മയാ​യി​ത്തീർന്ന ദിവസത്തെ ഞാൻ ശപിക്കു​ന്നു” എന്ന്‌ തിരികെ ഒരു മറുപടി തൊടു​ത്തു വിടു​ന്നത്‌ വാദ​പ്ര​തി​വാ​ദത്തെ വലിച്ചു നീട്ടു​ക​മാ​ത്രമെ ചെയ്യു​ക​യു​ള്ളു. അതിനാൽ, “ചില​പ്പോൾ, ഒരു ദുർഘ​ട​സ​മയം ഞാൻ നിങ്ങൾക്കു നൽകുന്നു എന്നെനി​ക്ക​റി​യാം. ഒരു മാതാ​വോ പിതാ​വോ ആവുക എന്നത്‌ പ്രയാ​സ​ക​ര​മാ​യി​രി​ക്കണം,” എന്നതു​പോ​ലെ​യുള്ള ഒരു മറുപടി വെഡ്രാൾ നിർദ്ദേ​ശി​ക്കു​ന്നു. ക്രോ​ധാ​വേ​ശ​ത്തി​നോട്‌ ദയകൊണ്ട്‌ പ്രതി​ക​രി​ക്കു​ന്നത്‌ എളുപ്പമല്ല; എന്നാൽ വാഗ്വാ​ദ​ത്തി​ന്റെ അഗ്നിയെ അതു നന്നായി കെടു​ത്തി​ക്ക​ള​ഞ്ഞേ​ക്കാം.—സദൃശ​വാ​ക്യ​ങ്ങൾ 26:20 താരത​മ്യ​പ്പെ​ടു​ത്തുക.

ചില​പ്പോൾ അനാവ​ശ്യ​മായ ഏററു​മു​ട്ട​ലു​കൾ ഒഴിവാ​ക്കു​ക​പോ​ലും ചെയ്യാം. ബാർബറ എന്നു പേരുള്ള ഒരു യുവ​പ്രാ​യ​ക്കാ​രി, തന്റെ മാതാ​പി​താ​ക്ക​ളു​മാ​യി​ട്ടു​ണ്ടായ ചില ഏററു​മു​ട്ട​ലു​കൾ അനുസ്‌മ​രി​ച്ചു​കൊണ്ട്‌ ഇപ്രകാ​രം സമ്മതി​ക്കു​ന്നു: “ഞാൻ സംസാ​രി​ക്കു​ന്ന​തി​നു മുമ്പായി എനിക്കു കൂടുതൽ ചിന്തി​ക്കാ​മാ​യി​രു​ന്നു. ഞാൻ കൂടുതൽ വിവേ​ച​ന​യു​ള്ള​വ​ളാ​ക​ണ​മാ​യി​രു​ന്നു. എന്തെങ്കി​ലും സംഗതി​കൾ മൂലം നിങ്ങളു​ടെ മാതാ​പി​താ​ക്കൾ ഭ്രാന്തു​പി​ടി​ച്ചി​രി​ക്കു​ക​യാ​ണെ​ങ്കിൽ, പിന്നീട്‌ ഒരവസരം വരെ കാത്തി​രി​ക്കുക. അല്ലെങ്കിൽ എരിയുന്ന തീയി​ലേക്ക്‌ എണ്ണ ഒഴിക്കുക മാത്ര​മാ​യി​രി​ക്കും അതു ചെയ്യു​ന്നത്‌.”

മറെറാ​രു ചെറു​പ്പ​ക്കാ​രൻ പറയുന്നു: “ഒരു വിസ്‌ഫോ​ട​ന​ത്തി​നു സാധാ​ര​ണ​യാ​യി തുടക്കം കുറി​ച്ചി​രു​ന്നത്‌ ഞാൻ ചെയ്യേ​ണ്ട​തായ എന്തെങ്കി​ലും ഞാൻ ചെയ്യാ​തി​രു​ന്ന​പ്പോ​ഴാണ്‌ എന്ന്‌ ഇപ്പോൾ ഞാൻ തിരി​ച്ച​റി​യു​ന്നു. പാത്രങ്ങൾ കഴുകു​ന്ന​തു​പോ​ലെ​യോ, ചപ്പുച​വ​റു​കൾ വെളി​യിൽ കളയു​ന്ന​തു​പോ​ലെ​യോ ഉള്ള എന്റെ ഗൃഹ​ജോ​ലി​കൾ നിർവ്വ​ഹി​ക്കു​ന്ന​തി​നെ സംബന്ധിച്ച്‌ ഞാൻ കൂടുതൽ ബോധ​വാ​നാ​യി​രി​ക്കു​ന്നു.” ഫലമോ? കുറഞ്ഞ ഏററു​മു​ട്ട​ലു​കൾ.

നിങ്ങളു​ടെ ആത്മവി​ശ്വാ​സ​ത്തി​ന്റെ നന്നാക്കൽ

എന്നാലും, വാക്കുകൾ കൊണ്ടുള്ള അധി​ക്ഷേ​പ​ങ്ങൾക്ക്‌ ഒരുവന്റെ ആത്മവി​ശ്വാ​സത്തെ തകർത്തു​ക​ള​യു​വാൻ സാധി​ക്കും. ആൻ (ആരംഭ​ത്തിൽ സൂചി​പ്പി​ക്ക​പ്പെട്ട) സമ്മതി​ക്കു​ന്നു: “ഞാൻ മൂഢയാ​ണെ​ന്നും, ഞാൻ കൊള്ളു​ക​യി​ല്ലാ​ത്ത​വ​ളാ​ണെ​ന്നും, ഞാനൊ​രു ഭാരമാ​ണെ​ന്നു​മൊ​ക്കെ​പ്പോ​ലും ചില​പ്പോൾ ഞാൻ ചിന്തി​ക്കു​വാൻ തുടങ്ങി.” അത്തരം നിഷേ​ധാ​ത്മക മനോ​ഭാ​വ​ങ്ങ​ളിൽ നിന്ന്‌ നിങ്ങൾക്കു നിങ്ങ​ളെ​ത്തന്നെ എങ്ങനെ രക്ഷപ്പെ​ടു​ത്തു​വാൻ കഴിയും?

തങ്ങളുടെ പ്രയാസം നിറഞ്ഞ ഗൃഹാ​ന്ത​രീ​ക്ഷത്തെ അതിജീ​വി​ക്കു​വാ​നും, വൈകാ​രി​ക​മാ​യി ക്ഷതമേൽക്കാ​ത്ത​വ​രെന്നു തെളി​യി​ക്കു​വാ​നും അനേകം യുവാ​ക്കൾക്കു സാധി​ച്ചി​ട്ടുണ്ട്‌. പഠനങ്ങൾ വെളി​പ്പെ​ടു​ത്തു​ന്നത്‌ അത്തരം യുവാ​ക്കൾക്ക്‌ “സാധാ​ര​ണ​യാ​യി, അവരുടെ ജീവി​ത​ത്തിൽ ഒരു വ്യക്തി​യെ​ങ്കി​ലും അവർക്കു​വേണ്ടി കരുതു​ന്നവർ ഉണ്ടായി​രു​ന്നു” എന്നാണ്‌. ഒരു മന:ശാസ്‌ത്ര സാമൂ​ഹ്യ​പ്ര​വർത്ത​ക​യായ ജാനററ്‌ ഡ്രോ​ബ്‌സ്‌ വിശദീ​ക​രി​ക്കുന്ന പ്രകാരം: “യുവാക്കൾ ക്രിയാ​ത്മ​ക​രും അവരെ വിലമ​തി​ക്കു​ന്ന​വ​രു​മായ ആളുക​ളു​മാ​യി സമയം ചെലവി​ടേ​ണ്ട​തുണ്ട്‌.” ഒരുപക്ഷേ നിങ്ങളു​ടെ മാതാ​പി​താ​ക്ക​ളിൽ ഒരാ​ളോ​ടെ​ങ്കി​ലും നിങ്ങൾ ഇപ്പോ​ഴും നന്നായി ബന്ധം പുലർത്തു​ന്നു​ണ്ടാ​യി​രി​ക്കാം. ആ വ്യക്തി​യോട്‌ കൂടുതൽ അടുത്തു​ചെ​ല്ലു​വാ​നും സാധി​ക്കു​മാ​യി​രി​ക്കും. ക്രിസ്‌തീയ സഭയി​ലും നിങ്ങൾക്ക്‌ യഥാർത്ഥ സഹായ​വും പിന്തു​ണ​യു​മാ​കുന്ന, കരുത​ലുള്ള വ്യക്തികൾ എത്ര വേണ​മെ​ങ്കി​ലും കാണും.—സദൃശ​വാ​ക്യ​ങ്ങൾ 13:20.

ഒരു വാദ്യോ​പ​ക​രണം വായി​ക്കു​വാൻ പഠിക്കു​ന്ന​തു​പോ​ലെ​യോ, ഒരു വിദേ​ശ​ഭാഷ സ്വായ​ത്ത​മാ​ക്കു​വാൻ ശ്രമി​ക്കു​ന്ന​തു​പോ​ലെ​യോ ഉള്ള ഒരു നിർമ്മാ​ണാ​ത്മ​ക​മായ ഹോബി സ്വീക​രി​ക്കു​ന്നത്‌ നിങ്ങളു​ടെ ആത്മവി​ശ്വാ​സത്തെ ഉയർത്തു​വാ​നാ​യി സഹായി​ക്കു​വാൻ കഴിയും. ദൈവ​വ​ചനം പഠിക്കു​വാൻ മററു​ള്ള​വരെ സഹായി​ക്കു​ന്നത്‌ വിശേ​ഷി​ച്ചും സംതൃ​പ്‌തി​ദാ​യ​ക​മായ ഒരു പ്രവൃ​ത്തി​യാ​യി​രി​ക്കും—വിശേ​ഷിച്ച്‌ ദൈവം നിങ്ങളു​ടെ ശ്രമങ്ങളെ അനു​ഗ്ര​ഹി​ക്കു​ന്നത്‌ നിങ്ങൾ കാണു​മ്പോൾ! (1 കൊരി​ന്ത്യർ 3:6-9 താരത​മ്യ​പ്പെ​ടു​ത്തുക.) ആൻ പറയുന്നു: “യഹോവ സ്‌നേ​ഹ​പൂർവ്വം പങ്കെടു​ക്കു​വാൻ അനുവ​ദിച്ച [മുഴു​സമയ] സേവന​ത്തി​ലൂ​ടെ, ഞാൻ, എന്റെ പിതാവു ചിന്തി​ക്കു​വാൻ ആഗ്രഹി​ക്കു​ന്ന​തു​പോ​ലെ, ഒരു മൂഢ അല്ല എന്ന്‌ എനിക്കു തിരി​ച്ച​റി​യു​വാൻ സാധിച്ചു.”

സന്തോ​ഷ​ക​ര​മെ​ന്നു പറയട്ടെ, ഏററവും മോശ​മായ സാഹച​ര്യം​പോ​ലും എന്നേക്കും തുടരു​ക​യില്ല. കൂടാതെ, നിങ്ങളു​ടെ മാതാ​പി​താ​ക്ക​ളു​ടെ പ്രവർത്ത​നങ്ങൾ, ഒരുനാൾ നിങ്ങൾതന്നെ മോശ​പ്പെട്ട മാതാ​പി​താ​ക്കൾ ആകുവാൻ നിങ്ങളെ തള്ളിവി​ടു​ക​യില്ല. നിങ്ങൾ എങ്ങനെ​യുള്ള മാതാ​വോ പിതാ​വോ ആകും എന്നുള്ള​തി​നെ നിങ്ങളു​ടെ മാതാ​പി​താ​ക്ക​ളു​ടെ ഏതു മോശ​പ്പെട്ട ദൃഷ്ടാ​ന്ത​ത്തെ​ക്കാ​ളു​മ​ധി​കം സ്വാധീ​നി​ക്കു​വാൻ ദൈവ​വ​ച​ന​ത്തി​നു കഴിയും. അതിനി​ട​യിൽ, നിങ്ങളെ സഹിച്ചു നിൽക്കു​വാൻ സഹായി​ക്കു​വാ​നാ​യി യഹോ​വ​യാം ദൈവ​ത്തി​ലേക്കു നോക്കുക. ഭർത്സന​ങ്ങൾക്കു മുമ്പിൽ നിങ്ങൾ തന്നെ ഉചിത​മാ​യി ഇടപെ​ടു​വാൻ നിങ്ങൾ നടത്തുന്ന ശ്രമം അവന്റെ ഹൃദയത്തെ സന്തോ​ഷി​പ്പി​ക്കും.—സദൃശ​വാ​ക്യ​ങ്ങൾ 27:11.

നിങ്ങൾ കാര്യ​ങ്ങളെ പക്വത​യോ​ടെ കൈകാ​ര്യം ചെയ്യു​ന്നത്‌ നിങ്ങളു​ടെ മാതാ​പി​താ​ക്കളെ മാററ​ത്തി​ലേക്കു പോലും തള്ളിവി​ട്ടേ​ക്കാം. ആരംഭ​ത്തിൽ കണ്ട വ്യഗ്ര​മ​ന​സ്‌ക​യാ​യി​രുന്ന മർലീൻ പറയുന്നു: “എന്റെ ജീവിതം മുഴുവൻ എന്റെ മാതാവ്‌ ആക്രോ​ശി​ക്കു​ക​യും ഞാൻ തിരികെ മറുപ​ടി​പ​റ​യു​ക​യു​മാ​യി​രു​ന്നു. എന്നാൽ ഇപ്പോൾ ദൈവ​വ​ചനം പറയു​ന്നത്‌ പ്രാ​യോ​ഗി​ക​മാ​ക്കു​വാൻ ഞാൻ ശ്രമി​ക്കു​ന്നു. അതു പ്രവർത്തി​ക്കു​ന്നു. മമ്മിയു​ടെ നിലപാട്‌ മാറു​വാൻ തുടങ്ങി​യി​രി​ക്കു​ന്നു. ബൈബിൾ പ്രാവർത്തി​ക​മാ​ക്കി​യ​തി​നാൽ, എനിക്കു മമ്മിയെ കൂടുതൽ നന്നായി മനസ്സി​ലാ​ക്കു​വാൻ ഇടയായി. ഞങ്ങളുടെ ബന്ധം മെച്ച​പ്പെട്ടു.” നിങ്ങൾ മുൻ​കൈ​യെ​ടു​ക്കു​ന്ന​തി​നാൽ നിങ്ങളു​ടെ സാഹച​ര്യ​വും മെച്ച​പ്പെ​ടു​ത്തു​വാൻ കഴിയും. (g89 6/8)

[അടിക്കു​റി​പ്പു​കൾ]

[12-ാം പേജിലെ ആകർഷ​ക​വാ​ക്യം]

ഭർത്‌സിക്കുന്ന മാതാ​പി​താ​ക്ക​ളിൽ 85 ശതമാ​ന​വും അവർ കുട്ടി​ക​ളാ​യി​രു​ന്ന​പ്പോൾ ഭർത്‌സനം അനുഭ​വി​ച്ച​വ​രാ​ണെന്ന്‌ ഒരു പഠനം വെളി​പ്പെ​ടു​ത്തു​ന്നു

[13-ാം പേജിലെ ചിത്രം]

ഒരു വാദ്യോ​പ​ക​രണം വായി​ക്കു​വാൻ പഠിക്കു​ന്ന​തു​പോ​ലെ​യുള്ള, നിർമ്മാ​ണാ​ത്മ​ക​മായ ഒരു ഹോബി സ്വീക​രി​ക്കു​ന്ന​തിന്‌, നിങ്ങളു​ടെ ആത്മവി​ശ്വാ​സത്തെ ഉയർത്തു​വാൻ കഴിയും