പുകയി​ല​യും നിങ്ങളു​ടെ ആരോ​ഗ്യ​വും—യഥാർത്ഥ​ത്തിൽ ഒരു ബന്ധമു​ണ്ടോ?

“പുകവ​ലി​ക്കാ​ത്ത​തി​നു നന്ദി” കാലത്തി​ന്റെ ഒരു അടയാളം.

“പുകവ​ലി​ക്കു​ന്ന​തി​നു നന്ദി” ഒരു പുകയി​ല​ക്ക​മ്പ​നി​യു​ടെ മാസി​ക​യി​ലെ ഒരു പ്രത്യാ​ക്ര​മണം.

യുദ്ധ സന്നാഹങ്ങൾ പൂർത്തി​യാ​യി​രി​ക്കു​ന്നു, പ്രചാ​ര​ണ​ശാ​ല​ക​ളും കമ്പ്യൂ​ട്ട​റു​ക​ളും പ്രവർത്ത​ന​നി​ര​ത​മാ​ക്ക​പ്പെ​ടു​ന്നു. അഡ്വർ​ടൈ​സിം​ഗ്‌ഏ​ജൻസി​കൾ തങ്ങളുടെ വിരു​ദ്ധ​സ​ന്ദേ​ശങ്ങൾ പുറ​ത്തേ​ക്ക​യ​ക്കു​ന്നു. ലോക​വി​പ​ണി​യി​ലാണ്‌ ഈ യുദ്ധം നടത്ത​പ്പെ​ടു​ന്നത്‌. ഇത്‌ പുകയി​ല​യു​ദ്ധ​മാണ്‌. ഭാഗ്യ​പ​രീ​ക്ഷണം ഉയർന്ന​താണ്‌. വാർഷി​ക​മാ​യി കോടി​ക്ക​ണ​ക്കി​നു ഡോളർ. നിങ്ങൾ പുകവ​ലി​ച്ചാ​ലും ഇല്ലെങ്കി​ലും നിങ്ങൾ ബാധി​ക്ക​പ്പെ​ടു​ന്നു.

അത്‌ രണ്ട്‌ മുഖ്യ​ത​ല​ങ്ങ​ളിൽ നടത്ത​പ്പെ​ടുന്ന ഒരു യുദ്ധമാണ്‌—സമ്പദ്‌സ്ഥി​തി​ക​ളു​ടെ​യും ആരോ​ഗ്യ​ത്തി​ന്റെ​യും. പുകവ​ലി​ക്കെ​തി​രാ​യ​വർക്ക്‌ ആരോ​ഗ്യ​മാണ്‌ ഒന്നാമത്തെ മുൻഗണന. പുകയി​ല​പ്ര​ഭു​ക്കൻമാർക്കും വ്യവസാ​യ​ത്തോ​ടു ബന്ധപ്പെ​ട്ടി​രി​ക്കു​ന്ന​വർക്കും സമ്പദ്‌സ്ഥി​തി​യും ആദായ​ങ്ങ​ളും ജോലി​ക​ളു​മാണ്‌ പണയത്തി​ലാ​യി​രി​ക്കു​ന്നത്‌. വികാ​ര​ങ്ങ​ളും പ്രതി​ക​ര​ണ​ങ്ങ​ളും ഉയർന്നു​നിൽക്കു​ന്നു. ഒരു വിമാ​ന​ത്താ​വ​ള​ത്തിൽവെച്ച്‌ ഒരു പുകവ​ലി​ക്കാ​രൻ അടുത്തു​നിന്ന ഒരാ​ളോ​ടു ഒരു ലൈററ്‌ ചോദി​ച്ചു. “ഖേദമുണ്ട്‌, ഞാൻ പുകവ​ലി​ക്കു​ക​യില്ല” എന്നതാ​യി​രു​ന്നു നിർദ്ദോ​ഷ​മായ ഉത്തരം. “നിങ്ങൾ പുകവ​ലി​ക്കു​മോ? എന്നു ഞാൻ ചോദി​ച്ചില്ല” എന്നായി​രു​ന്നു പുകവ​ലി​ക്കാ​രന്റെ ആക്രോ​ശം.

എന്നാൽ ഈ വിവാ​ദ​ത്തി​ന്റെ കാമ്പ്‌ എന്താണ്‌? പുകവലി നിങ്ങൾക്ക്‌ യഥാർത്ഥ​ത്തിൽ തീരെ മോശ​മാ​ണോ? നിങ്ങൾ അത്‌ ഉപേക്ഷി​ക്ക​ണ​മോ?

ഗവൺമെൻറ വക ആരോ​ഗ്യ​മു​ന്ന​റി​യി​പ്പു​കൾ

ഐക്യ​നാ​ടു​ക​ളിൽ പുകയി​ല​യു​ടെ​യും കാൻസ​റി​ന്റെ​യും പ്രശ്‌നം​സം​ബ​ന്ധിച്ച്‌ ദശാബ്‌ദ​ങ്ങ​ളിൽ സംവാദം നടന്നി​ട്ടുണ്ട്‌. 1960കളിൽ കാൻസ​റും പുകയി​ല​യും തമ്മിലുള്ള ബന്ധം ചൂണ്ടി​ക്കാ​ണി​ക്കാ​നും അങ്ങനെ കാൻസ​റി​നി​ട​യാ​ക്കുന്ന ഘടകങ്ങ​ളി​ല്ലാത്ത സിഗറ​റ​റു​കൾ ഉല്‌പാ​ദി​പ്പി​ക്കാ​നും സഹായി​ക്കാൻ ഗവേഷണം നടത്തു​ന്ന​തിന്‌ പുകയി​ല​വ്യ​വ​സാ​യം ദശലക്ഷ​ക്ക​ണ​ക്കി​നു ഡോള​റു​കൾ സംഭാ​വ​ന​ചെ​യ്‌തു. ഒരു ഫലം പുകയി​ല​നിർമ്മാ​താ​ക്കൾ വില​പേ​ശി​യ​തി​നെ​ക്കാൾ അധിക​മാ​യി​രു​ന്നു.

യു. എസ്‌. സർജൻ ജനറൽ 1964-ൽ പുകവ​ലി​യു​ടെ അപകട​ങ്ങ​ളെ​ക്കു​റി​ച്ചു മുന്നറി​യി​പ്പു​കൊ​ടു​ത്തു​കൊണ്ട്‌ തന്റെ ആദ്യത്തെ റിപ്പോർട്ട്‌ പുറ​പ്പെ​ടു​വി​ച്ചു. 1965 മുതൽ യു. എസ്‌. സിഗര​ററ്‌ നിർമ്മാ​താ​ക്കൾ തങ്ങളുടെ പായ്‌ക്ക​റ​റു​ക​ളിൽ മുന്നറി​യി​പ്പു​കൾ അച്ചടി​ക്കാൻ നിയമ​ത്താൽ ബാദ്ധ്യ​സ്‌ത​രാണ്‌. ആദ്യം സന്ദേശം ലളിത​മാ​യി​രു​ന്നു: “മുന്നറി​യിപ്പ്‌: സിഗര​റ​റു​വലി നിങ്ങളു​ടെ ആരോ​ഗ്യ​ത്തിന്‌ അപകട​ക​ര​മാണ്‌ എന്ന്‌ സർജൻ ജനറൽ തീരു​മാ​നി​ച്ചി​രി​ക്കു​ന്നു.” പിന്നീട്‌ 1985-ൽ പുകയി​ല​ക്ക​മ്പ​നി​കൾ തങ്ങളുടെ പരസ്യ​ങ്ങ​ളി​ലും തങ്ങളുടെ ഉല്‌പ​ന്ന​ങ്ങ​ളി​ലും നാലു സന്ദേശങ്ങൾ മാറി​മാ​റി പ്രസി​ദ്ധ​പ്പെ​ടു​ത്താൻ ആവശ്യ​പ്പെട്ടു. ഓരോ​ന്നും: “സർജൻ ജനറലി​ന്റെ മുന്നറി​യിപ്പ” എന്ന വാക്കു​ക​ളോ​ടെ​യാണ്‌ ആരംഭി​ച്ചത്‌. പിന്നീ​ടുള്ള വ്യത്യസ്‌ത സന്ദേശങ്ങൾ ഇവയാണ്‌: “പുകവലി ശ്വാസ​കോശ കാൻസ​റും ഹൃദ്‌രോ​ഗ​വും എംഫി​സീ​മ​യും വരുത്തി​ക്കൂ​ട്ടി​യേ​ക്കാം, ഗർഭത്തെ തകരാ​റി​ലാ​ക്കു​ക​യും ചെയ്‌തേ​ക്കാം.” (പേജ്‌ 4-ലെ ചതുരം കാണുക.) “ഗർഭി​ണി​ക​ളു​ടെ പുകവലി ഗർഭസ്ഥ​ശി​ശു​വി​ന്റെ പരുക്കി​ലും അകാല​ജ​ന​ന​ത്തി​ലും തൂക്കക്കു​റ​വുള്ള ശിശു​ക്ക​ളു​ടെ ജനനത്തി​ലും കലാശി​ച്ചേ​ക്കാം.” “ഇപ്പോൾ പുകവലി നിർത്തു​ന്നത്‌ നിങ്ങളു​ടെ ആരോ​ഗ്യ​ത്തി​ന്റെ ഗുരു​ത​ര​മായ അപകട​സാ​ദ്ധ്യ​ത​കളെ അതിയാ​യി കുറക്കു​ന്നു.” “സിഗര​ററ്‌ പുകയിൽ കാർബൺമോ​ണോ​ക്‌​സൈഡ്‌ അടങ്ങി​യി​രി​ക്കു​ന്നു.”a

അമേരി​ക്കൻ ഐക്യ​നാ​ടു​കൾക്കു പുറമെ മററു ചില രാജ്യ​ങ്ങ​ളും സിഗര​റ​റു​ക​ളെ​ക്കു​റിച്ച്‌ മുന്നറി​യി​പ്പു​കൾ പുറ​പ്പെ​ടു​വി​ക്കു​ന്നു. ഇൻഡ്യാ ററുഡേ മാസി​ക​യിൽ “നിയമാ​ധി​ഷഠിത മുന്നറി​യിപ്പ: സിഗര​ററ വലി ആരോ​ഗ്യ​ത്തിന ഹാനി​കരം” എന്നിങ്ങ​നെ​യുള്ള വാക്കുകൾ ഉൾപ്പെ​ടുന്ന പരസ്യ​ങ്ങ​ളുണ്ട്‌. കാനഡാ​യിൽ അവർ ചെറിയ അക്ഷരത്തിൽ “മുന്നറി​യിപ്പ്‌: പുകവ​ലി​യു​ടെ അളവി​ന​നു​സ​രിച്ച്‌ ആരോ​ഗ്യാ​പ​കടം വർദ്ധി​ക്കു​ന്നു—ഉള്ളി​ലേക്കു വലിക്കൽ ഒഴിവാ​ക്കുക എന്ന്‌ ആരോ​ഗ്യ​ക്ഷേമ കാനഡാ ബുദ്ധി​യു​പ​ദേ​ശി​ക്കു​ന്നു” എന്ന്‌ അച്ചടി​ക്കുക പതിവാ​യി​രു​ന്നു. 1988 മെയ്‌ 31 മുതൽ, കാനഡാ​യിൽ പുകയി​ല​പ​ര​സ്യം നിരോ​ധി​ക്ക​പ്പെ​ട്ടി​രി​ക്കു​ന്നു. ബ്രിട്ട​നിൽ സിഗര​ററ്‌ പരസ്യ​ങ്ങ​ളിൽ ഈ വാക്കുകൾ ഉൾപ്പെ​ടു​ന്നു: “മിഡിൽ ററാർ [അല്ലെങ്കിൽ ലോ ററാർ] എച്ച്‌. എം. ഗവൺമെൻറ്‌ നിർവ​ചി​ക്കുന്ന പ്രകാരം അപകടം: ഗവൺമെൻറ്‌ ആരോഗ്യ മുന്നറി​യിപ്പ: സിഗര​റ​റു​കൾക്ക നിങ്ങളു​ടെ ആരോ​ഗ്യ​ത്തിന ഗുരു​ത​ര​മായ തകരാ​റു​വ​രു​ത്താൻ കഴിയും.” 1962 മുതൽ ഇററലി​യിൽ സിഗര​റ​റ്‌പ​ര​സ്യം നിരോ​ധി​ക്ക​പ്പെ​ട്ടി​രി​ക്കു​ക​യാണ്‌. (എന്നിട്ടും ഇററലി​ക്കാർ കഴിഞ്ഞ 20 വർഷക്കാ​ലത്ത്‌ സിഗര​ററ്‌ വലി ഇരട്ടി​യാ​ക്കി​യി​രി​ക്കു​ന്നു!) ധാരാ​ള​മായ ശാസ്‌ത്രീ​യ​തെ​ളി​വു​ക​ളിൽ അധിഷ്‌ഠി​ത​മായ വളരെ​യ​ധി​കം മുന്നറി​യി​പ്പു​ക​ളും പല വർഷങ്ങ​ളി​ലാ​യി നടത്തപ്പെട്ട 50,000ത്തോളം പഠനങ്ങ​ളും ഉള്ള സ്ഥിതിക്ക്‌ ഈ നിഗമനം അനു​പേ​ക്ഷ​ണീ​യ​മാണ്‌: പുകവലി നിങ്ങളു​ടെ ആരോ​ഗ്യ​ത്തിന്‌ ഹാനി​ക​ര​മാണ്‌!

പുകവലി ലോക​വ്യാ​പക പ്രതി​ഭാ​സ​മാ​ണെ​ങ്കി​ലും ഉല്‌പ​ന്ന​ത്തിൻമേൽ മുന്നറി​യി​പ്പു​കൾ അച്ചടി​ക്ക​ണ​മെന്ന്‌ എല്ലാ രാജ്യ​ങ്ങ​ളും ആവശ്യ​പ്പെ​ടു​ന്നില്ല. ഒരു പ്രദേ​ശത്ത്‌ വിപണി ചുരു​ങ്ങു​മ്പോൾ പുകയി​ല​രാ​ക്ഷ​സൻമാർ തങ്ങളുടെ അതിസ​മ്മർദ്ദ പരസ്യ​പ്പെ​ടു​ത്ത​ലി​ലൂ​ടെ മററു രാജ്യ​ങ്ങ​ളിൽ വിപണി​കൾ തുറക്കു​ന്നു. ശക്തമായ പുകയി​ല​പ​ര​സ്യ​ത്താൽ നിങ്ങളു​ടെ രാജ്യം ബാധി​ക്ക​പ്പെ​ടു​ന്നു​ണ്ടോ? വിദേ​ശ​സി​ഗ​ര​റ​റു​കൾ കൂടുതൽ ആകർഷ​ക​മാ​യി​തോ​ന്നാ​നി​ട​യാ​ക്ക​പ്പെ​ടു​ന്നു​ണ്ടോ? “വമ്പിച്ച വില്‌പ്പന”ക്കു പിമ്പിലെ യഥാർത്ഥ കഥ എന്താണ്‌? (g89 7/8)

[അടിക്കു​റി​പ്പു​കൾ]

[4, 5 പേജു​ക​ളി​ലെ ചതുരം/ചിത്രം]

പുകവലിയും ഗർഭി​ണി​ക​ളും

നോക്കാ ഐ ഷിസിൻ (ശാസ്‌ത്ര​വും ജീവി​ത​വും) എന്ന സോവ്യ​റ​റ്‌മാ​സിക അടുത്ത കാലത്ത്‌ ഡോ. വിക്‌ററർ കാസ്‌മിൻ രചിച്ച ഒരു ലേഖനം പ്രസി​ദ്ധ​പ്പെ​ടു​ത്തി. അതിൽ ഗർഭകാ​ലത്ത്‌ തള്ള പുകവ​ലി​ക്കു​ക​യാ​ണെ​ങ്കിൽ തള്ളക്കും ശിശു​വി​നും ഉണ്ടാകാ​വുന്ന അപകടങ്ങൾ വിവരി​ച്ചു. അദ്ദേഹം ഇങ്ങനെ പ്രസ്‌താ​വി​ച്ചു: “പുകവലി സ്‌ത്രീ​യു​ടെ ശരീര​ത്തിന്‌ വലിയ ഉപദ്രവം ചെയ്യുന്നു, സ്‌ത്രീ​യു​ടെ ജീവശാ​സ്‌ത്ര​പ​ര​മായ പ്രത്യേ​ക​തകൾ അതിനെ വിഷബാ​ധ​യോ​ടു നന്നേ സംവേ​ദ​ന​ക്ഷ​മ​മാ​ക്കു​ന്നു. ഏതായാ​ലും, പുകയി​ല​യു​ടെ പുകയിൽ ആരോ​ഗ്യ​ത്തി​നു ഗുരു​ത​ര​മായ ഭീഷണി​യാ​യി​രി​ക്കുന്ന ഘടകങ്ങൾ അടങ്ങി​യി​രി​ക്കു​ന്നു.”

പുകവ​ലി​ക്കുന്ന തള്ളമാർക്ക്‌ യഥാർത്ഥ​ത്തിൽ തങ്ങളുടെ സന്താന​ങ്ങ​ളി​ലേക്ക്‌ വിഷം കടത്താൻ കഴിയും. അങ്ങനെ​യുള്ള സ്‌ത്രീ​ക​ളു​ടെ ജരായു​ദ്ര​വ​ത്തിൽ വിഷങ്ങൾ—നിക്കോ​ട്ടി​നും അതിന്റെ ഉപാപ​ച​യി​യായ കോട്ടീ​നി​നും—ഉള്ളതായി ലബോ​റ​ട്ട​റി​യി​ലെ അപഗ്ര​ഥ​നങ്ങൾ പ്രകട​മാ​ക്കി​യി​ട്ടുണ്ട്‌. ഇലക്‌​ട്രോൺ മൈ​ക്രോ​സ്‌ക്കോ​പ്പി കണ്ടുപി​ടി​ച്ചി​രി​ക്കുന്ന പ്രകാരം ഏററവും ഭീതി​ജ​ന​ക​മാ​യി​ട്ടു​ള്ളത്‌ പുകവ​ലി​ക്കുന്ന സ്‌ത്രീ​ക​ളു​ടെ ഗർഭകാ​ലത്ത്‌ പൊക്കിൾക്കൊ​ടി​യു​ടെ ഘടനക്കു​പോ​ലും മാററ​മു​ണ്ടാ​കു​ന്നു​വെ​ന്ന​താണ്‌; ഈ നാളി​യി​ലൂ​ടെ​യാണ്‌ ഗർഭസ്ഥ​ശി​ശു​വിന്‌ ജീവന്‌ ആവശ്യ​മാ​യ​തെ​ല്ലാം അതിന്റെ തള്ളയിൽനിന്ന്‌ കിട്ടു​ന്നത്‌. . . .

“പൊതു​വെ, ഗർഭ​ശേഷം ആദ്യത്തെ രണ്ടോ മൂന്നോ വാരക്കാ​ലത്ത്‌ തള്ള പുകവ​ലി​ക്കു​ന്നു​വെ​ങ്കിൽ ഏററവു​മ​ധി​കം ബാധി​ക്കു​ന്നത്‌ ഭ്രൂണ​ത്തി​ന്റെ കേന്ദ്ര​നാ​ഡീ​വ്യ​വ​സ്ഥ​യെ​യാണ്‌. ഗർഭകാ​ല​ത്തി​ന്റെ നാലാ​മ​ത്തെ​യോ അഞ്ചാമ​ത്തെ​യോ വാരത്തിൽ ഹൃദ്‌ സംവഹ​ന​വ്യ​വസ്ഥ വികാ​സം​പ്രാ​പി​ക്കു​ന്നു. അപ്പോൾ അതിന്‌ ആദ്യം വിഷം ബാധി​ക്കു​ന്നു.”

ഡോ. കാസ്‌മിൻ എത്തിയ നിഗമനം എന്താണ്‌? “പുകയി​ല​യു​ടെ പുക അമ്മയെ​ക്കാ​ള​ധി​കം ഗർഭസ്ഥ​ശി​ശു​വി​നാണ്‌ അപകട​ക​ര​മാ​യി​രി​ക്കു​ന്നത്‌.” അത്‌ തക്ക മൂല്യ​മു​ള്ള​താ​ണോ? യു. എസ്‌. സർജൻ ജനറലി​ന്റെ മുന്നറി​യിപ്പ്‌ ഓർക്കുക: “പുകവലി . . . . ഗർഭത്തെ സങ്കീർണ്ണ​മാ​ക്കും.” അത്‌ മയപ്പെ​ടു​ത്തി​യുള്ള ഒരു പ്രസ്‌താ​വ​ന​യാണ്‌. ◼

[കടപ്പാട്‌]

WHO/American Cancer Society

[5-ാം പേജിലെ ചതുരം]

പുകവലിയും എംഫി​സീ​മ​യും

എംഫി​സീ​മാ ക്രമാ​നു​ഗ​ത​മാ​യി ശ്വാസ​കോ​ശ​ങ്ങ​ളു​ടെ സങ്കോ​ച​ത്തി​ലേക്ക്‌ നയിക്കുന്ന ഒരു രോഗ​മാണ്‌, അത്‌ ഒടുവിൽ കെട്ടി​ക്കി​ട​ക്കുന്ന വായൂ പുറ​ത്തേ​ക്കു​വി​ടുക അസാദ്ധ്യ​മാ​ക്കി​ത്തീർക്കു​ന്നു. ദി കൊളം​ബി​യാ യൂണി​വേ​ഴ്‌സി​ററി കോളജ്‌ ഓഫ്‌ ഫിസി​ഷ്യൻസ്‌ ആൻഡ്‌ സർജൻസ്‌ കംപ്ലീ​ററ്‌ ഹോം മെഡിക്കൽ ഗൈഡ്‌ ഇങ്ങനെ വിശദീ​ക​രി​ക്കു​ന്നു: “[ഐക്യ​നാ​ടു​ക​ളിൽ] എംഫി​സീ​മാ ഉള്ളവർ ഒരു മാതൃ​ക​യി​ലു​ള്ള​വ​രാണ്‌: അവർ മുഖ്യ​മാ​യി 50നും 70നും ഇടക്കു പ്രായ​മു​ള്ള​വ​രാണ്‌, അവർ വർഷങ്ങ​ളാ​യി കനത്ത പുകവ​ലി​ക്കാ​രാ​യി​രു​ന്നു. കഴിഞ്ഞ കാലത്ത്‌ സ്‌ത്രീ​കൾക്ക്‌ പുരു​ഷൻമാ​രേ​പ്പോ​ലെ കൂടെ​ക്കൂ​ടെ എംഫി​സീ​മാ പിടി​പെ​ട്ടി​രു​ന്നില്ല, എന്നാൽ ഇപ്പോൾ സ്‌ത്രീ​കൾ കടുത്ത പുകവ​ലി​ക്കാ​രാ​യി​ത്തീ​രു​ന്ന​തിൽ തുടരു​ന്ന​തി​നാൽ ഈ മാതൃ​കക്ക്‌ മാററ​മു​ണ്ടാ​യി​ക്കൊ​ണ്ടി​രി​ക്കു​ക​യാണ്‌.” ഇതേ കൃതി ഇങ്ങനെ കൂട്ടി​ച്ചേർക്കു​ന്നു: “എംഫി​സീ​മാ വർഷങ്ങ​ളോ​ളം മററു ചിലതാ​യി വേഷം​മാ​റി പ്രത്യ​ക്ഷ​പ്പെ​ട്ടേ​ക്കാം. എംഫി​സീ​മാ ഉള്ള ഒരാൾക്ക്‌ ചുരു​ക്കം​ചില വർഷങ്ങ​ളിൽ ഓരോ വർഷകാ​ല​ത്തും വളരെ കടുത്ത പല ജലദോ​ഷങ്ങൾ ഉണ്ടായി​ട്ടു​ണ്ടാ​യി​രി​ക്കും. ഓരോ​ന്നി​നെ​യും തുടർന്ന്‌ കടുത്ത ചുമയും ഒരുപക്ഷേ സ്ഥായി​യായ ബ്രോ​ങ്കൈ​റ​റി​സും ഉണ്ടാകു​ന്നു. ചുമ മിക്ക​പ്പോ​ഴും നീണ്ടു​നിൽക്കു​ക​യും പഴകു​ക​യും ചെയ്യുന്നു.” എംഫി​സീ​മാ​യു​ടെ മററു ചില ലക്ഷണങ്ങൾ എന്തൊ​ക്കെ​യാണ്‌?

“എംഫി​സീ​മാ സാവധാ​ന​ത്തിൽ വികാ​സം​പ്രാ​പി​ക്കു​ന്നു. രാവി​ലെ​യും സന്ധ്യക്കു​മുള്ള അല്‌പ​മായ ശ്വസന​പ്ര​യാ​സത്തെ തുടർന്ന്‌ കുറേ​ക​ഴിഞ്ഞ്‌ പ്രവർത്ത​ന​ങ്ങൾക്കു പ്രതി​ബ​ന്ധ​മു​ണ്ടാ​യി​ത്തു​ട​ങ്ങി​യേ​ക്കാം. ശ്വാസം​മുട്ട്‌ ഉണ്ടാക്കാൻ ഒരു ചെറിയ നടപ്പ്‌ മതിയാ​യി​രി​ക്കും; മുകൾനി​ല​ക​ളി​ലേ​ക്കുള്ള നടപ്പ്‌ പ്രയാ​സ​മാണ്‌. ഒടുവിൽ, ശ്വാ​സോ​ച്ഛ്വാ​സ​ത്തി​നും വായൂ​വി​നി​മ​യ​ത്തി​നും ശ്വാസ​കോ​ശങ്ങൾ കൂടുതൽ കൂടുതൽ അപ്രാ​പ്‌ത​മാ​യി​ത്തീ​രു​മ്പോൾ ഓരോ ശ്വസന​ത്തി​നും വലിയ ശ്രമം​ചെ​ലു​ത്തേ​ണ്ടി​വ​രു​ന്നു. രോഗി ക്ഷീണി​ത​നാ​കു​ക​യും സാധാരണ പ്രവർത്ത​നങ്ങൾ നടത്താൻ അപ്രാ​പ്‌ത​നാ​യി​ത്തീ​രു​ക​യും ചെയ്യുന്നു.”

എംഫി​സീ​മക്ക്‌ ഗൗരവ​മായ ഹൃദ്‌ സംവഹ​ന​പ്ര​ശ്‌ന​ങ്ങ​ളി​ലേ​ക്കും നയിക്കാൻക​ഴി​യു​മെന്ന്‌ അതേ മെഡിക്കൽ ഗൈഡ്‌ കൂട്ടി​ച്ചേർക്കു​ന്നു. അത്‌ മൂല്യ​വ​ത്താ​ണോ? നിക്കോ​ട്ടി​ന്റെ ക്ഷണിക​മായ ഉത്തേജ​ന​ത്തി​നു​വേണ്ടി നിങ്ങളു​ടെ വില​യേ​റിയ ജീവന്റെ ദാനത്തെ വെച്ചു​മാ​റു​ന്ന​തെ​ന്തിന്‌? ◼