ജനിതക വിപ്ലവം—വർദ്ധി​ച്ചു​വ​രുന്ന ഉൽക്കണഠ​സ​ഹി​തം വലിയ വാഗ്‌ദാ​നം

ജനിതക വിപ്ലവം പരീക്ഷ​ണ​ശാ​ല​യിൽനിന്ന്‌ അനുദിന ജീവി​ത​ത്തി​ലേക്ക്‌ കടക്കു​ക​യാണ്‌. അത്‌ ഇപ്പോൾത്തന്നെ നിങ്ങളെ ബാധി​ച്ചി​ട്ടു​ണ്ടോ? ഇത്‌ പരിചി​ന്തി​ക്കുക:

▲ ജനിത​ക​മാ​യി മാററം വരുത്ത​പ്പെട്ട ബാക്‌റ​റീ​രി​യാ​കൾക്ക്‌ ഇപ്പോൾ ഇൻസു​ലിൻ, മനുഷ്യ​വ​ളർച്ച​ക്കുള്ള ഹോർമോൺ, ഹെപ്പ​റൈ​റ​റ​റിസ്‌ ബി-ക്കുള്ള ഒരു വാക്‌സിൻ എന്നിങ്ങ​നെ​യുള്ള വിലപ്പെട്ട ഔഷധങ്ങൾ ധാരാ​ള​മാ​യി ഉല്‌പാ​ദി​പ്പി​ക്കാൻ കഴിയും.

▲ ഐക്യ​നാ​ടു​ക​ളിൽ എയഡസി​നെ​തി​രായ രണ്ടു ശക്തമായ വാക്‌സി​നു​കൾ സംബന്ധിച്ച ക്ലിനി​ക്കൽപ​രീ​ക്ഷ​ണങ്ങൾ തുടങ്ങി​യി​ട്ടുണ്ട്‌, രണ്ടും ജനിത​ക​ശാ​സ്‌ത്ര​ത്തി​ന്റെ സഹായ​ത്തോ​ടെ​യാണ്‌ നിർമ്മി​ക്ക​പ്പെ​ട്ടത്‌.

▲ നിരവധി പാരമ്പ​ര്യ​രോ​ഗ​ങ്ങൾക്കുള്ള “സൂചനകൾ” മാനുഷ ഡി. എൻ. എ. യിൽ കാണ​പ്പെ​ടു​ന്ന​തു​കൊണ്ട്‌ ജനനത്തി​നു മുമ്പേ​തന്നെ അവക്കുള്ള പരി​ശോ​ധ​നകൾ സാദ്ധ്യ​മാ​യി​ക്കൊ​ണ്ടി​രി​ക്കു​ക​യാണ്‌. സിക്കിൾസെൽ അനീമി​യാ​യിക്ക്‌ ജനനത്തി​നു​മു​മ്പേ നടത്താ​വുന്ന അത്യന്തം സംവേ​ദ​ക​വും അതിസ​ത്വ​ര​വു​മായ ഒരു പരീക്ഷണം അവതരി​പ്പി​ക്ക​പ്പെ​ട്ടി​ട്ടുണ്ട്‌.

▲ ചില പാരമ്പ​ര്യ​രോ​ഗ​ങ്ങൾക്കി​ട​യാ​ക്കുന്ന യഥാർത്ഥ ജീനുകൾ വേർതി​രി​ച്ചെ​ടു​ക്ക​പ്പെ​ട്ടി​ട്ടുണ്ട്‌, ചില കേസു​ക​ളിൽ ജനിതക എൻജി​നി​യ​റിംഗ്‌ മുഖേ​ന​യുള്ള ക്ലോണിം​ഗി​നാൽ അവ പുനരു​ല്‌പാ​ദി​പ്പി​ക്ക​പ്പെ​ട്ടി​ട്ടു​മുണ്ട്‌.

▲ ജീൻസ്‌ കണ്ടെത്തി​യ​തിൽ ഉൻമത്ത​രാ​യി ചില ശാസ്‌ത്ര​ജ്ഞൻമാർ മനുഷ്യ ഡി. എൻ. എ. യിൽ ഉൾക്കൊ​ണ്ടി​രി​ക്കുന്ന 23 ജോടി ക്രോ​മ​സ​ങ്ങ​ളി​ലെ 1,00,000ത്തോളം വരുന്ന ജീനു​ക​ളു​ടെ​യെ​ല്ലാം സങ്കേതനം നിശ്ചയി​ക്കു​ന്ന​തി​നുള്ള ഒരു ബൃഹത്തായ സംയുക്ത പദ്ധതി​യു​ടെ ആശയം മുന്നോ​ട്ടു​വെ​ക്കു​ന്നുണ്ട്‌. ഈ പദ്ധതിക്കു പിന്തുണ കൊടു​ക്കാ​മെന്ന്‌ യു.എസ്‌. ഫെഡറൽ ഗവൺമെൻറ്‌ സമ്മതി​ച്ചി​ട്ടുണ്ട്‌. കോൺഗ്രസ്സ്‌ അംഗീ​ക​രി​ക്കു​ക​യാ​ണെ​ങ്കിൽ അതിന്‌ 15 വർഷ​മെ​ടു​ക്കു​മെ​ന്നും സഹസ്ര​കോ​ടി​ക്ക​ണ​ക്കിന്‌ രൂപാ ചെലവു വരു​മെ​ന്നും പ്രതീ​ക്ഷി​ക്ക​പ്പെ​ടു​ന്നു.

▲ ആയിര​ത്തി​ത്തൊ​ള്ളാ​യി​ര​ത്തി​എൺപ​ത്തി​യേ​ഴിൽ ജനിതക എൻജി​നി​യ​റിം​ഗി​ലൂ​ടെ മാററം വരുത്ത​പ്പെട്ട മൃഗങ്ങ​ളു​ടെ പേററൻറി​നു​വേ​ണ്ടി​യുള്ള അപേക്ഷകൾ പരിഗ​ണി​ക്കാൻ തയ്യാറാ​ണെന്ന്‌ യു. എസ്‌. പേററൻറ്‌ ഓഫീസ്‌ പറയു​ക​യു​ണ്ടാ​യി. ഇത്‌ ശാസ്‌ത്ര​ജ്ഞൻമാ​രു​ടെ​യും നൈതി​ക​വാ​ദി​ക​ളു​ടെ​യും ഇടയിൽ ഒരു സജീവ വാദ​പ്ര​തി​വാ​ദ​ത്തിന്‌ തിരി​കൊ​ളു​ത്തി. 1988 ഏപ്രി​ലിൽ ഒരു എലിക്ക്‌ അങ്ങനെ​യുള്ള പേററൻറ്‌ അനുവ​ദി​ക്ക​പ്പെട്ടു.

വൻതോ​തി​ലുള്ള ഔഷധ​നിർമ്മാ​ണം

ഒരുപക്ഷേ ജീനിന്റെ ഇഴ പിരിച്ചു ചേർക്കുന്ന വിദ്യ​യായ ജീൻ-സ്‌​പ്ലൈ​സിം​ഗി​ന്റെ ഏററവും സത്വര​മായ പ്രതി​ഫലം ഔഷധ നിർമ്മാ​ണ​ത്തി​ലാണ്‌. ജനിതക എൻജി​നി​യ​റിം​ഗി​ലൂ​ടെ നിർമ്മിച്ച ഔഷധ​ങ്ങ​ളു​ടെ വില്‌പന സമീപ​ഭാ​വി​യിൽ വർഷം​തോ​റും നൂറു​കോ​ടി ഡോള​റിൽ കവിയു​മെന്ന്‌ പ്രതീ​ക്ഷി​ക്ക​പ്പെ​ടു​ന്നു. എന്നാൽ ഈ വിജയം ഒററ രാത്രി​കൊ​ണ്ടു കിട്ടി​യതല്ല.

ദൃഷ്ടാ​ന്ത​ത്തിന്‌, ഇൻസു​ലി​നി​ന്റെ സംഗതി​യെ​ടു​ക്കുക. ഡി. എൻ. എ പുനഃ​സം​യോ​ജി​പ്പി​ക്കുന്ന സാങ്കേ​തി​ക​വി​ദ്യ​യു​ടെ പ്രാരം​ഭ​ഫ​ല​ങ്ങ​ളി​ലൊന്ന്‌ മനുഷ്യ ഇൻസു​ലി​നുള്ള (ക്രോ​മസം 11-ൽ സ്ഥിതി​ചെ​യ്യുന്ന) ജീനിനെ കണ്ടെത്തു​ന്ന​തും അനന്തരം അതിന്റെ പകർപ്പു​കൾ സാധാരണ ഇ. കോളൈ ബാക്‌റ​റീ​രി​യാ​യിൽ അതിന്റെ പകർപ്പു​കൾ ഒട്ടിച്ചു​ചേർക്കു​ക​യും ചെയ്യു​ന്ന​തു​മാ​യി​രു​ന്നു. ഈ മാററം​വ​രു​ത്ത​പ്പെട്ട ബാക്‌റ​റീ​രി​യാ​കൾക്ക്‌ മാനുഷ ഇൻസു​ലിൻതൻമാ​ത്ര​ക​ളു​ടെ കൃത്യ​മായ ഘടന​യോ​ടു​കൂ​ടിയ ഇൻസു​ലിൻ വലിയ അളവിൽ ഉല്‌പാ​ദി​പ്പി​ക്കാൻ കഴിയും. വിസ്‌മ​യാ​വഹം!

എന്നിരു​ന്നാ​ലും, ഈ സാങ്കേ​തി​ക​വി​ദ്യ പരീക്ഷ​ണ​ശാ​ല​യിൽനിന്ന്‌ നീങ്ങി ക്ലിനിക്കൽ പരി​ശോ​ധ​നകൾ കഴിഞ്ഞ്‌ യു.എസ്‌. എഫ്‌.ഡി.എ ഡ്രഗ്ഗ്‌ അംഗീ​കാ​ര​പ്ര​കി​യ​യും കടന്ന്‌ ഒടുവിൽ പൂർണ്ണ​തോ​തി​ലുള്ള ഉല്‌പാ​ദ​ന​ത്തി​ലും ലഭ്യത​യി​ലും എത്തുന്ന​തിന്‌ പല വർഷങ്ങ​ളെ​ടു​ത്തു. ഈ ഇൻസു​ലി​നി​ന്റെ ലഭ്യത പ്രമേ​ഹ​ത്തി​നുള്ള ഒരു പ്രതി​വി​ധി കണ്ടെത്ത​പ്പെ​ട്ടു​വെ​ന്നർത്ഥ​മാ​ക്കു​ന്നില്ല, അനേകം പ്രമേ​ഹ​രോ​ഗി​കൾ നിങ്ങ​ളോട്‌ അതുതന്നെ പറയും. യഥാർത്ഥ​ത്തിൽ ജോൺസ്‌ ഹോപ്‌ക്കിൻസ്‌ ഡയബീ​റ​റിസ്‌ സെൻറ​റി​ന്റെ ഡയറക്ട​റായ ഡോ. ക്രിസ്‌റ​റഫർ ഡി. സോഡക്ക്‌ പറയു​ന്ന​ത​നു​സ​രിച്ച്‌ ഈ ഉല്‌പ​ന്ന​ത്തിന്‌ “ഇൻസു​ലിൻകൊണ്ട്‌ പുതു​താ​യി ചികിൽസി​ക്കു​ന്ന​വർക്ക്‌ അല്ലെങ്കിൽ സാധാരണ മാട്‌⁄പന്നി ഇൻസു​ലി​നോട്‌ അലർജി​യു​ള്ള​വർക്ക്‌ ചില വിധങ്ങ​ളിൽ ഗുണക​ര​മാ​യി​രു​ന്നേ​ക്കാ​മെ​ങ്കി​ലും പതിവു തയ്യാരി​പ്പു​കൾ സ്വീക​രി​ക്കുന്ന ബഹുഭൂ​രി​പ​ക്ഷ​ത്തി​നും [അത്‌] ആവശ്യ​മാ​യി​രി​ക്കു​ന്നില്ല.”

ജനിതക എൻജി​നി​യ​റിം​ഗി​ലൂ​ടെ തയ്യാറാ​ക്കുന്ന ഔഷധ​ങ്ങ​ളു​ടെ മററ്‌ ഊർജ്ജി​ത​സാ​ധ്യ​ത​ക​ളിൽ ററി. പി. എയും (ററിഷ്യൂ പ്ലാസ്‌മി​നോ​ജൻ ആക്‌റ​റി​വേ​ററർ) ഐ. എൽ-2ഉം (ഇൻറർല്യൂ​ക്കിൻ-2) ഉൾപ്പെ​ടു​ന്നു. ററി. പി. എ രക്തം കട്ടിയാ​കൽ തടയാൻ സഹായി​ക്കു​ന്നു. ഹാർട്ട്‌ അററാ​ക്കി​ന്റെ ഇരകൾക്ക്‌ അടിയ​ന്തിര ചികിൽസക്ക്‌ എഫ്‌. ഡി. എ അതംഗീ​ക​രി​ച്ചി​ട്ടുണ്ട്‌. ഐ. എൽ-2 മുഖ്യ​മാ​യി വെളുത്ത രക്തകോ​ശ​ങ്ങൾക്കി​ട​യിൽ പ്രവർത്തി​ക്കുന്ന ഘടകങ്ങ​ളു​ടെ കുടും​ബ​ത്തിൽപെ​ട്ട​താണ്‌. അത്‌ ററി കോശ​ങ്ങ​ളു​ടെ വളർച്ച​യെ​യും വികാ​സ​ത്തെ​യും ഉത്തേജി​പ്പി​ക്കു​ന്നു. ക്രമത്തിൽ അവ രോഗ​ത്തോ​ടു പോരാ​ടാൻ സഹായി​ക്കു​ന്നു. ഈ പുതിയ ഔഷധങ്ങൾ അവയുടെ വാഗ്‌ദാ​നങ്ങൾ നിറ​വേ​റ​റു​മോ​യെന്ന്‌ കാലം തെളി​യി​ക്കും.

ജനിതക രോഗ​പ​രി​ശോ​ധന

ഗവേഷകർ 1986-ൽ ജനിത​ക​വും കാൻസ​റും തമ്മിൽ ഒരു ബന്ധം കാണു​ക​യു​ണ്ടാ​യി. അവർ (ക്രോ​മസം 13ൽ) റെററി​നോ ബ്ലാസ്‌റേ​റാ​മാ എന്ന പേരി​ല​റി​യ​പ്പെ​ടുന്ന ഒരു പാരമ്പ​ര്യ​നേ​ത്ര​കാൻസ​റി​നെ തടയുന്ന ഒരു ജീൻ വേർപെ​ടു​ത്തി​യെ​ടു​ക്കു​ക​യും ക്ലോൺചെ​യ്യു​ക​യും ചെയ്‌തു. സംശയി​ക്ക​പ്പെ​ടുന്ന ജീനു​ക​ളും ബോൺകാൻസ​റി​നോ​ടും പഴകിയ മയലോ​യിഡ്‌ ല്യൂ​ക്കേ​മി​യാ​യോ​ടു​മുള്ള ബന്ധത്തിന്റെ സാദ്ധ്യ​ത​യ​റി​യാൻ പരി​ശോ​ധി​ക്ക​പ്പെ​ട്ടു​കൊ​ണ്ടി​രി​ക്കു​ക​യാണ്‌.

ജീനു​കൾക്ക്‌ കാൻസർ വർദ്ധി​പ്പി​ക്കാ​നും അതിനെ ശമിപ്പി​ക്കാ​നും കഴിയു​മെ​ന്നു​ള്ള​തിന്‌ തെളിവു കൂടി​വ​രു​ക​യാണ്‌. ലോസ്‌ആൻജ​ലീ​സി​ലെ കാലി​ഫോർണി​യാ യൂണി​വേ​ഴ്‌സി​റ​റി​യി​ലുള്ള ഡോക്ടർമാർ ഒരു സാധാരണ കോശ​ത്തിന്‌ ഓങ്കോ​ജീൻസ്‌ (മുഴ ഉണ്ടാക്കു​ന്നവ) ഉണ്ടായി​രി​ക്കാ​മെ​ന്നും എന്നാൽ ഒരു കാൻസർകോ​ശ​ത്തിന്‌ അതിന്റെ പത്തുമ​ട​ങ്ങു​ണ്ടാ​യി​രി​ക്കാ​മെ​ന്നും കണ്ടെത്തി​യി​രി​ക്കു​ന്നു. കൂടുതൽ ഓങ്കോ​ജീ​നു​ക​ളു​ടെ അർത്ഥം കൂടുതൽ അപകട​ക​ര​മായ ററ്യൂ​മ​റു​കൾ എന്നാ​ണെന്നു തോന്നു​ന്നു. അതു​കൊണ്ട്‌ ഗവേഷകർ ഇപ്പോൾ തങ്ങളുടെ രോഗി​കളെ എങ്ങനെ നന്നായി ചികിൽസി​ക്കാ​മെന്ന്‌ നിർണ്ണ​യി​ക്കാൻ അവരിലെ ഓൺകോ​ജീ​നു​കൾ എണ്ണുക​യാണ്‌.

ഇതെല്ലാം ആശകൊ​ടുത്ത്‌ നിരാ​ശ​പ്പെ​ടു​ത്തു​ക​യാണ്‌, എന്നാൽ കാൻസർമാ​ത്രമല്ല ജനിത​ക​ഘ​ട​ക​ത്തോ​ടു​കൂ​ടിയ ഏകരോ​ഗം. സയൻസി​ലെ ഒരു റിപ്പോർട്ട്‌ 21ൽ കുറയാത്ത നാഡീ​സം​ബ​ന്ധ​മായ ക്രമ​ക്കേ​ടു​ക​ളു​ടെ​യും ഈ രോഗ​ങ്ങ​ളിൽ ഉൾപ്പെ​ട്ടി​രി​ക്കു​ന്ന​താ​യി തോന്നുന്ന ജീനു​ക​ളു​ടെ​യും അല്ലെങ്കിൽ ക്രോ​മ​സ​മു​ക​ളു​ടെ​യും പട്ടിക നൽകി. ലിസ്‌റ​റിൽ ആൽസീ​മേ​ഴ്‌സ്‌ രോഗം, ഹണ്ടിം​ഗ്‌ടൺസ്‌ രോഗം, ഡ്യൂക്കി​നെസ്‌ മസ്‌ക്കു​ലർ ഡിസ്‌​ട്രോ​ഫി എന്നിവ ഉൾപ്പെ​ടു​ന്നു; ലിസ്‌ററ്‌ നാഡീ​സം​ബ​ന്ധ​മായ പ്രശ്‌ന​ങ്ങ​ളിൽ ഒതുങ്ങി​നി​ന്നില്ല. സിസ്‌റ​റിക്ക്‌ ഫൈ​ബ്രോ​സിസ്‌, പോളി​സി​സ്‌റ​റിക്ക്‌ വൃക്ക​രോ​ഗം എന്നിവ​ക്കും മററ​നേകം രോഗ​ങ്ങൾക്കും ജനിത​ക​സൂ​ച​നകൾ കണ്ടെത്ത​പ്പെ​ട്ടി​ട്ടുണ്ട്‌.

ഇവയെ​ല്ലാം നമുക്കോ നമ്മുടെ മക്കൾക്കോ, അറിയ​പ്പെ​ടുന്ന 3,000ത്തിൽപരം പാരമ്പ​ര്യ​രോ​ഗ​ങ്ങ​ളി​ലൊന്ന്‌ പിടി​പെ​ടു​ന്ന​തി​ന്റെ ഉയർന്ന സാദ്ധ്യ​ത​യു​ണ്ടോ​യെന്ന്‌ നമ്മോടു പറയാൻ കഴിയുന്ന ജനിത​ക​പ​രി​ശോ​ധ​ന​യു​ടെ കൗതു​ക​ക​ര​മായ സാദ്ധ്യത ഉയർത്തു​ന്നു. എന്നാൽ അത്‌ അത്ര ലളിതമല്ല. അങ്ങനെ​യുള്ള രോഗ​ങ്ങ​ളെ​ല്ലാം ഒരൊററ ജീനി​നാൽ വരുത്ത​പ്പെ​ടു​ന്നതല്ല. ആൾസീ​മേ​ഴ്‌സ്‌രോ​ഗ​ത്തിൽ സത്യമാ​യി കാണ​പ്പെ​ടു​ന്ന​തു​പോ​ലെ, പല ജീനു​ക​ളും മററു ഘടകങ്ങ​ളും ഉൾപ്പെ​ട്ടി​രി​ക്കു​ന്നി​ടത്ത്‌ പരി​ശോ​ധന പ്രയാ​സ​മാ​യി​രി​ക്കും. മററു ചില കേസു​ക​ളിൽ രോഗ​ത്തി​നി​ട​യാ​ക്കുന്ന യഥാർത്ഥ​ജീ​നു​കൾ കണ്ടെത്ത​പ്പെ​ടു​ക​യും ക്ലോൺചെ​യ്യ​പ്പെ​ടു​ക​യും​പോ​ലും ചെയ്‌തി​രി​ക്കു​ന്നു. എന്നാൽ ഒട്ടുമി​ക്ക​പ്പോ​ഴും അവയുടെ പൊതു​സ്ഥാ​നമേ അറിയ​പ്പെ​ടു​ന്നു​ള്ളു. കണ്ടെത്ത​പ്പെ​ട്ടി​ട്ടു​ള്ളത്‌ ഒരു ജീനല്ല, പിന്നെ​യോ ജനിറ​റിക്ക്‌ മാർക്കർ എന്നറി​യ​പ്പെ​ടുന്ന ഡി.എൻ.എ. യുടെ ഒരു സമീപ​ഭാ​ഗ​മാണ്‌. “ഇന്ന്‌ സ്ഥിതി​ചെ​യ്യുന്ന രൂപത്തി​ലുള്ള മാനുഷ ജീനോ​മി​ന്റെ ചിത്രം വളരെ അപൂർണ്ണ​മാണ്‌” എന്ന്‌ മാർച്ച്‌ ഓഫ്‌ ഡൈംസ്‌ ബേർത്ത്‌ഡി​ഫ​ക്‌റ​റ്‌സ്‌ ഫൗണ്ടേ​ഷന്റെ സയൻസ്‌ ഇൻഫർമേഷൻ എഡിറ​റ​റായ ജാൻ ഹൂഡിസ്‌ റിപ്പോർട്ടു​ചെ​യ്യു​ന്നു. അതിനെ “ഉയർന്ന പർവത​നി​ര​ക​ളൊ​ഴി​ച്ചുള്ള സകല​ത്തെ​യും ഒരു താണ മേഘം മറച്ചി​രി​ക്കു​മ്പോൾ എടുക്കുന്ന ഒരു ഉപഗ്ര​ഹ​ഫോ​ട്ടോ​യോട്‌ താരത​മ്യ​പ്പെ​ടു​ത്താൻ കഴിയും” എന്ന്‌ അദ്ദേഹം കൂട്ടി​ച്ചേർക്കു​ന്നു.

ജനിതക റെറസറ​റിം​ഗി​ലെ വൈഷ​മ്യം

വിപു​ല​മായ ജനിതക റെറസ്‌റ​റിം​ഗി​ലെ വാഗ്‌ദാ​നം വലുതാണ്‌. “ചില കേസു​ക​ളിൽ കണ്ടുപി​ടു​ത്തങ്ങൾ തങ്ങളുടെ മക്കളി​ലേക്ക്‌ രോഗ​ല​ക്ഷ​ണത്തെ കടത്തി​വി​ടാൻ കഴിയുന്ന ആരോ​ഗ്യ​മുള്ള വാഹകരെ തിരി​ച്ച​റി​യാ​നോ ജനനത്തി​നു​മു​മ്പു​തന്നെ രോഗാ​വ​സ്ഥയെ നിർണ്ണ​യി​ക്കാ​നോ സാദ്ധ്യ​മാ​ക്കി​യി​ട്ടുണ്ട്‌” എന്ന്‌ ന്യൂ​യോർക്ക റൈറംസ പ്രസ്‌താ​വി​ക്കു​ന്നു. ഇത്‌ തീർച്ച​യാ​യും വിലപ്പെട്ട വിവര​ങ്ങ​ളാണ്‌, എന്നാൽ റൈറംസ ഇങ്ങനെ തുടർന്നു ചൂണ്ടി​ക്കാ​ട്ടു​ന്നു: “ഇവ സയൻസി​ന്റെ വിജയ​ങ്ങ​ളാണ്‌, എന്നാൽ അവ രോഗ​ങ്ങ​ളു​ടെ പെട്ടെ​ന്നുള്ള ജയിച്ച​ട​ക്ക​ലി​നെ അർത്ഥമാ​ക്കു​ന്നില്ല. ജനിത​ക​മാ​യി വരുത്ത​പ്പെ​ടുന്ന ഒരു രോഗത്തെ തിരി​ച്ച​റി​യു​ന്നത്‌ ഒരു സംഗതി​യും അതിനെ സുഖ​പ്പെ​ടു​ത്തു​ന്നത്‌ മറെറാ​രു സംഗതി​യു​മാണ്‌.

കാല​ക്ര​മ​ത്തിൽ ഏറെ പാരമ്പ​ര്യ​രോ​ഗ​ങ്ങൾക്കി​ട​യാ​ക്കുന്ന യഥാർത്ഥ ജീനു​കളെ കണ്ടെത്തു​മെ​ന്നുള്ള പ്രത്യാശ സ്ഥിതി​ചെ​യ്യു​ന്നുണ്ട്‌. ജീനുകൾ എന്തു ചെയ്യു​ന്നു​വെ​ന്നും എന്തു കുഴപ്പം​പ​റ​റി​യെ​ന്നു​മുള്ള ഗ്രാഹ്യം ഇന്നോളം സങ്കൽപ്പി​ച്ചി​ട്ടു​പോ​ലു​മി​ല്ലാത്ത ചികിൽസ​ക​ളി​ലേക്കു നയി​ച്ചേ​ക്കാം.

ഇതിനി​ട​യിൽ ജനിത​ക​പ​രി​ശോ​ധ​ന​കൾക്കു വിധേ​യ​മാ​കുന്ന മാതാ​പി​താ​ക്കൾ ഒരുപക്ഷേ തങ്ങളുടെ അജാത​ശി​ശു​ക്കളെ അലസി​പ്പി​ക്കാ​നുള്ള സമ്മർദ്ദം ഉൾപ്പെ​ടെ​യുള്ള പ്രയാ​സ​മേ​റിയ തീരു​മാ​ന​ങ്ങളെ അഭിമു​ഖീ​ക​രി​ക്കു​ന്നു. അവരിൽ ചിലർക്ക്‌ ഗർഭച്ഛി​ദ്രം പ്രശ്‌ന​മ​ല്ലാ​യി​രി​ക്കാം, എന്നാൽ മററു ചിലർക്ക്‌ യഥാർത്ഥ ജീനു​കൾക്കല്ല, സൂചന​കൾക്കാ​യി പരി​ശോ​ധന നടത്തു​മ്പോൾ തീരു​മാ​നം സങ്കീർണ്ണ​മാ​യി​ത്തീ​രു​ന്നു. സൂചന​യു​ടെ സാന്നി​ദ്ധ്യം ജീൻസ്‌ എപ്പോ​ഴും സ്ഥിതി​ചെ​യ്യു​ന്നു​വെന്ന്‌ അർത്ഥമാ​ക്കു​ന്നില്ല.

“ഓരോ വർഷവും ഞങ്ങൾ ഏക-ജീൻരോ​ഗ​ങ്ങ​ളു​ടെ അധിക​മ​ധി​കം ജനിത​ക​സൂ​ച​നകൾ കണ്ടെത്തു​ന്നു​വെന്ന്‌ ജീവസാ​ങ്കേ​തി​ക​ശാ​സ്‌ത്രത്തെ വിമർശി​ച്ചു​സം​സാ​രി​ക്കുന്ന ജറമി റിഫ്‌ക്കിൻ പ്രസ്‌താ​വി​ക്കു​ന്നു. “നിങ്ങൾ എവി​ടെ​യാണ്‌ അതിർത്തി നിർണ്ണ​യി​ക്കു​ന്നത്‌? അനേകാ​യി​രം അപകട ലക്ഷണങ്ങ​ളുണ്ട്‌. ല്യൂ​ക്കേ​മി​യാ​യിക്ക്‌ നിങ്ങളു​ടെ കുട്ടിയെ മൂന്നാം​വ​യ​സ്സിൽ കൊല്ലാൻ കഴിയും, ഹൃ​ദ്രോ​ഗ​ത്തിന്‌ 30-ാംവയ​സ്സി​ലും ആൽസീ​മേ​ഴ്‌സ്‌ രോഗ​ത്തിന്‌ 50-ാമത്തെ വയസ്സി​ലും കൊല്ലാൻ കഴിയും. ഇല്ല എന്ന്‌ നിങ്ങൾ ഏതു ഘട്ടത്തി​ലാണ്‌ പറയു​ന്നത്‌? നേരി​ടാ​വുന്ന ആരോ​ഗ്യ​വ്യ​യം ഹേതു​വാ​യി ചില ലക്ഷണങ്ങൾ കടത്തി​വി​ടാ​തി​രി​ക്കാൻ സമുദാ​യം നിയമ​നിർമ്മാ​ണം നടത്തു​ക​യോ മാതാ​പി​താ​ക്കളെ നിർബ​ന്ധി​ക്കു​ക​യോ ചെയ്‌തേ​ക്കാം.” ജീവനെ രക്ഷിക്കാ​നും കഷ്ടപ്പാ​ടി​നെ ദൂരീ​ക​രി​ക്കാ​നും ഉദ്ദേശി​ക്ക​പ്പെ​ട്ടി​രി​ക്കുന്ന ഒരു സാങ്കേ​തി​ക​വി​ദ്യ അജാത​ശി​ശു​ക്ക​ളു​ടെ ജനിത​ക​ഗു​ണ​വി​ശേ​ഷങ്ങൾ “അനഭി​ല​ഷ​ണീ​യ​മാണ്‌” എന്നു ചിലർക്കു തോന്നു​ന്ന​തു​കൊണ്ട്‌ അങ്ങനെ​യുള്ള ശിശു​ക്ക​ളു​ടെ അനാവ​ശ്യ​മ​ര​ണ​ത്തി​നി​ട​യാ​ക്കു​ന്നു​വെ​ങ്കിൽ അത്‌ വാസ്‌ത​വ​ത്തിൽ ഒരു സങ്കടക​ര​മായ വിരോ​ധാ​ഭാ​സ​മാ​യി​രി​ക്കും.

അതു നിയമ​ജ്ഞൻമാർക്കു വിടുക

രസാവ​ഹ​മാ​യി, പുതിയ ജീവസാ​ങ്കേ​തി​ക​വി​ദ്യ​യു​ടെ വിജയം പ്രശ്‌ന​ങ്ങ​ളു​ടെ പുതിയ ഒരു സംഹി​ത​തന്നെ സൃഷ്ടി​ച്ചി​രി​ക്കു​ക​യാണ്‌—ഉണ്ടാ​ക്കേ​ണ്ടി​യി​രി​ക്കുന്ന പണത്തെ സംബന്ധിച്ച വഴക്ക്‌. “വ്യവഹാ​രം ജീവസാ​ങ്കേ​തി​ക​വി​ദ്യ​യു​ടെ മുഖ്യ ഉല്‌പ​ന്ന​മാ​യി​രി​ക്കു​ക​യാ​ണോ?” എന്ന്‌ സയൻസ ന്യൂസ ചോദി​ക്കു​ക​യു​ണ്ടാ​യി, മുഖ്യ ഔഷധ​ക്ക​മ്പ​നി​കൾ പരസ്‌പരം കേസു​കൊ​ടു​ക്കു​ക​യും ചെറിയ ജീൻസ്‌​പ്ലൈ​സിംഗ്‌ കമ്പനികൾ ജനിതക എൻജി​നി​യ​റിം​ഗി​ലൂ​ടെ നിർമ്മിച്ച ഒരു മാനു​ഷ​വ​ളർച്ചാ​ഹോർമോ​ണായ ഐ. എൽ-2വിന്റെ അവകാ​ശങ്ങൾ സംബന്ധി​ച്ചും വിപണ​നാർഹ​മായ മററു ഔഷധങ്ങൾ സംബന്ധി​ച്ചും വ്യവഹാ​ര​ത്തി​ലേർപ്പെ​ടു​ന്ന​തും കാണു​ക​യാൽത്തന്നെ.

ഔഷധ​ങ്ങ​ളു​ടെ പേററൻറ്‌സം​ബ​ന്ധിച്ച തർക്കങ്ങൾ സങ്കീർണ്ണ​മാണ്‌, എന്നാൽ കഴിഞ്ഞ വർഷത്തെ യു.എസ്‌. പേററൻറ്‌ ഓഫീ​സ്‌നി​ബന്ധന അനുവ​ദി​ക്കുന്ന പ്രകാരം, ജനിത​ക​മാ​യി മാററം​വ​രു​ത്തിയ മൃഗങ്ങ​ളു​ടെ പേററൻറ്‌ നേടാൻ ആളുകൾ ശ്രമി​ച്ചു​തു​ട​ങ്ങു​മ്പോൾ എന്തു സംഭവി​ക്കു​ന്നു? സാൻഡി​യാ​ഗോ​യി​ലെ ഗവേഷകർ മിന്നാ​മി​നു​ങ്ങു​ക​ളു​ടെ ജീൻസു​കൾ പുകയി​ല​ച്ചെ​ടി​ക​ളിൽ സ്‌​പ്ലൈസ്‌ ചെയ്യു​ന്ന​തിൽ വിജയി​ച്ചി​ട്ടുണ്ട്‌, അങ്ങനെ ഇരുട്ടിൽ തിളങ്ങുന്ന ചെടികൾ സൃഷ്ടി​ക്ക​പ്പെട്ടു! മറെറാ​രു പുകയി​ല​ച്ചെ​ടിക്ക്‌ ചെടിയെ തിന്നുന്ന പുഴു​ക്കൾക്ക്‌ വിഷമാ​യി​രി​ക്കുന്ന ഒരു പ്രോ​ട്ടീൻ നിർമ്മി​ക്കു​ന്ന​തിന്‌ ഒരു ബാക്ടീ​റി​യ​ത്തിൽനി​ന്നുള്ള ഒരു ജീൻ കൊടു​ക്ക​പ്പെട്ടു. മേരി​ലാൻഡ്‌ ശാസ്‌ത്ര​ജ്ഞൻമാർ ഒരു മറുജ​നി​തക പന്നിയു​മാ​യി മുന്നോ​ട്ടു​വ​ന്നി​ട്ടുണ്ട്‌—ഒരു പശുവിൽനി​ന്നുള്ള ഒരു വളർച്ചാ ഹോർമോ​ണോ​ടു​കൂ​ടിയ പന്നി.

പ്രവണ​തകൾ സംബന്ധിച്ച്‌ ഉൽക്കണഠ

ബന്ധമി​ല്ലാത്ത ജന്തുജാ​തി​ക​ളിൽനി​ന്നുള്ള ജീനുകൾ കൂട്ടി​യോ​ജി​പ്പി​ക്കാ​നുള്ള ഈ പ്രവണ​ത​യിൽ ഉൽക്കണ്‌ഠ​യുള്ള നിരവ​ധി​പേ​രുണ്ട്‌. ചില കർഷക​സം​ഘങ്ങൾ ചെറിയ കൃഷി​യി​ട​ങ്ങളെ അപേക്ഷിച്ച്‌ വലിയ സംയുക്ത കൃഷി​യി​ട​ങ്ങളെ അനുകൂ​ലി​ക്കുന്ന സാങ്കേ​തി​ക​വി​ദ്യാ പരമ്പര​യി​ലെ മറെറാ​ന്നാ​യി​ട്ടാണ്‌ “ജനിതക എൻജി​നി​യ​റിം​ഗി​നെ കാണു​ന്നത്‌.” മൃഗങ്ങ​ളു​ടെ അവകാ​ശ​ങ്ങൾക്കു​വേണ്ടി നില​കൊ​ള്ളുന്ന സമൂഹങ്ങൾ “അതിനെ മൃഗങ്ങ​ളു​ടെ അഖണ്ഡത​യോ​ടുള്ള ആത്യന്തിക അവഹേ​ള​ന​മാ​യി കാണുന്നു”വെന്ന്‌ ദി ന്യൂ​യോർക്ക റൈറംസ പ്രസ്‌താ​വി​ക്കു​ന്നു.

“ജീവൻ എന്താ​ണെന്ന്‌ നമുക്ക​റി​വില്ല, എന്നിട്ടും നാം അത്‌ ഒരു അജൈവ ഉപ്പുലാ​യ​നി​യാ​ണെ​ന്നുള്ള മട്ടിൽ അതിനെ കൈകാ​ര്യം​ചെ​യ്യു​ന്നു”വെന്ന്‌ കൊളം​ബി​യാ യൂണി​വേ​ഴ്‌സി​ററി മെഡിക്കൽ സ്‌ക്കൂ​ളി​ലെ ജീവര​സ​തന്ത്ര പ്രൊ​ഫസ്സർ എമിറ​റ​റ്‌സ്‌ ആയ ഡോ.എർവിൻ ചാർഗാഫ്‌ എഴുതു​ന്നു. അദ്ദേഹം ഇങ്ങനെ തുടരു​ന്നു: “ഞാൻ കാണു​ന്നത്‌ ഒരു വലിയ കശാപ്പു​ശാല, ഒരു തൻമാ​ത്രാ ആഷ്‌വി​റ​റ്‌സ്‌, രൂപം​കൊ​ള്ളു​ന്ന​താണ്‌, അതിൽ സ്വർണ്ണ​പ്പ​ല്ലി​നു​പ​കരം വില​യേ​റിയ എൻ​സൈ​മു​ക​ളും ഹോർമോ​ണു​ക​ളും മററും വേർതി​രി​ച്ചെ​ടു​ക്ക​പ്പെ​ടും.”

ജനിത​ക​മാ​യി മാററം വരുത്ത​പ്പെട്ട ജീവികൾ പരിസ്ഥി​തി​യിൽ അഴിച്ചു​വി​ട​പ്പെ​ടു​മ്പോൾ ഉൾപ്പെ​ട്ടി​രി​ക്കുന്ന അറിയ​പ്പെ​ടാത്ത അപകട​ങ്ങ​ളെ​ക്കു​റിച്ച്‌ മററു ചിലർ ഭയപ്പെ​ടു​ന്നുണ്ട്‌. ഒരു കാലി​ഫോർണി​യാ കമ്പനി അനുവാ​ദം കൂടാതെ മാററം​വ​രു​ത്ത​പ്പെട്ട ബാക്‌റ​റീ​രി​യാ​കളെ പുറത്തു​വി​ട്ട​പ്പോൾ 1985ൽ അതിന്‌ 13,000 ഡോളർ പിഴയി​ട​പ്പെട്ടു. കാലി​ഫോർണി​യാ കോട​തി​കൾ ഒടുവിൽ 1987ൽ രണ്ടു പരീക്ഷ​ണ​വ​യ​ലു​ക​ളിൽ സമാന​മായ ബാക്‌റ​റീ​രി​യാ​കളെ വിടാൻ അനുവ​ദി​ച്ച​പ്പോൾ സർവനാ​ശ​ക​തൽപ്പരർ സത്വരം ചെടി​കളെ പിഴു​തു​മാ​ററി. ഒരു മൊണ്ടാ​നാ സസ്യ​രോ​ഗ​വി​ദ​ഗ്‌ദ്ധൻ ജനിത​ക​മാ​യി മാററം വരുത്ത​പ്പെട്ട ബാക്‌റ​റീ​രി​യാ​കളെ ചില തണൽവൃ​ക്ഷ​ങ്ങ​ളിൽ കുത്തി​വെച്ച 1987ൽ പൊതു​ജ​ന​ങ്ങ​ളു​ടെ ഉൽക്കണ്‌ഠ വീണ്ടും പ്രദീ​പ്‌ത​മാ​ക്ക​പ്പെട്ടു. ഒരു പരിസ്ഥി​തി​സം​രക്ഷണ ഏജൻസി​യു​ടെ പുനര​വ​ലോ​ക​ന​ത്തി​നാ​യി തന്റെ പരീക്ഷണം താമസി​പ്പി​ക്കാ​തി​രി​ക്കാൻ ഈ ശാസ്‌ത്രജ്ഞൻ ഇഷ്ടപ്പെ​ട്ട​തു​കൊണ്ട്‌ അയാൾ ശാസി​ക്ക​പ്പെട്ടു.

“വിശു​ദ്ധ​ലക്ഷ്യം?”

ഇതിനി​ട​യിൽ ജനിത​ക​ഗ​വേ​ഷ​ണ​ത്തിന്‌ വേഗം കൂടി​വ​രു​ക​യാണ്‌. യു.എസ്‌. ഡിപ്പാർട്ട്‌മെൻറ്‌ ഓഫ്‌ എനജി മനുഷ്യ ഡി.എൻ.എ.യിലെ മുന്നൂ​റു​കോ​ടി രാസ ആധാര​ങ്ങ​ളു​ടെ കൃത്യ​മായ അനു​ക്രമം നിർണ്ണ​യി​ക്കാൻ ലക്ഷ്യം​വെ​ച്ചി​ട്ടുള്ള പ്രാഥ​മി​ക​ഗ​വേ​ഷ​ണങ്ങൾ ഇപ്പോൾത്തന്നെ തുടങ്ങി​യി​രി​ക്കു​ന്നു. ഇത്‌ ഞെട്ടി​പ്പി​ക്കുന്ന തോതി​ലുള്ള ഒരു പദ്ധതി​യാണ്‌. മനുഷ്യ ഡി.എൻ.എ.യിലെ വിവരങ്ങൾ അച്ചടി​ച്ചാൽ 200 വലിയ റെറല​ഫോൺബു​ക്കു​കൾ നിറയും. ഇപ്പോ​ഴത്തെ ഗതി​വേ​ഗ​ത്തിൽ ഈ പദ്ധതിക്ക്‌ പറയാ​വ​ത​ല്ലാത്ത ശതകോ​ടി​ക്ക​ണ​ക്കി​നു ഡോളർ ചെലവു വരും, പൂർത്തി​യാ​കു​ന്ന​തിന്‌ നൂററാ​ണ്ടു​ക​ളെ​ടു​ക്കു​ക​യും ചെയ്യും. എന്നാൽ അനുക്രമ സാങ്കേ​തി​ക​വി​ദ്യ​യി​ലെ സത്വര​മായ പുരോ​ഗതി ഏററവും ഒടുവി​ലത്തെ കണക്കനു​സ​രിച്ച്‌ സമയത്തെ 15 വർഷം വെട്ടി​ക്കു​റ​ച്ചു​കൊണ്ട്‌ കാര്യങ്ങൾ ത്വരി​ത​പ്പെ​ടു​ത്തു​മെന്ന്‌ പ്രതീ​ക്ഷി​ക്ക​പ്പെ​ടു​ന്നു. ഊർജ്ജ​വ​കുപ്പ്‌ ഈ പദ്ധതിക്ക്‌ 4 കോടി ഡോളർ ചോദി​ച്ചു. അത്‌ വർഷം​തോ​റും 20 കോടി ഡോള​റാ​യി വർദ്ധി​പ്പി​ക്കാൻ ആശിക്കു​ക​യും ചെയ്യുന്നു. കോൺഗ്ര​സ്സി​ന്റെ അംഗീ​കാ​രം കൊടു​ക്ക​പ്പെ​ടണം.

ഈ പണമെ​ല്ലാം എന്തു നേടും? ചില ശാസ്‌ത്ര​ജ്ഞൻമാർ മനുഷ്യ ഡി.എൻ.എ.യുടെ വിശദ​മായ അറിവി​നെ മാനുഷ ജനിത​ക​ശാ​സ്‌ത്ര​ത്തി​ന്റെ വിശു​ദ്ധ​ല​ക്ഷ്യ​ത്തോട്‌ താരത​മ്യ​പ്പെ​ടു​ത്തി​യി​ട്ടുണ്ട്‌. അത്‌ സകല മാനു​ഷ​പ്ര​വർത്ത​ന​ത്തെ​യും മനസ്സി​ലാ​ക്കു​ന്ന​തി​നുള്ള ഒരു വില​യേ​റിയ പണിയാ​യു​ധ​മാ​യി​രി​ക്കു​മെന്ന്‌ അവർക്ക്‌ ബോദ്ധ്യ​മുണ്ട്‌. എന്നാൽ മററു​ള്ള​വർക്ക്‌ അത്രതന്നെ ഉറപ്പില്ല.

“അറിയ​പ്പെ​ടുന്ന താല്‌പ​ര്യ​മുള്ള ഒരു ജീനിന്റെ അനു​ക്ര​മ​വൽക്ക​ര​ണത്തെ ഗവേഷ​ക​രൊ​ന്നും ചോദ്യം​ചെ​യ്യു​ന്നി​ല്ലെ​ന്നി​രി​ക്കെ മുഴു ജീനോ​മി​ന്റെ​യും കൃത്യ​മായ ന്യൂക്ലി​യോ​റൈ​റഡ്‌ അനു​ക്രമം അറിയു​ന്ന​തി​ന്റെ സത്വര​മൂ​ല്യ​ത്തെ സംബന്ധിച്ച്‌ ഗൗരവ​ത​ര​മായ ചോദ്യ​മുണ്ട്‌” എന്നു ജാൻ ഹൂഡിസ്‌ പ്രസ്‌താ​വി​ക്കു​ന്നു. ഈ സമയത്ത്‌ “മുഴു ജീനോ​മി​ന്റെ​യും വളരെ ചെറിയ ഒരു അംശം മാത്രമേ സത്വര മെഡി​ക്കൽമൂ​ല്യ​മുള്ള വിവരങ്ങൾ നൽകാൻ പ്രതീ​ക്ഷി​ക്ക​പ്പെ​ടു​ന്നു​ള്ളു”വെന്ന്‌ അദ്ദേഹം കൂട്ടി​ച്ചേർക്കു​ന്നു.

മെഡിക്കൽ ഗവേഷ​ണ​ത്തിന്‌ അടിയ​ന്തി​ര​മാ​യി ആവശ്യ​മാ​യി​രി​ക്കുന്ന പണം സംശയ​ക​ര​മായ മുല്യ​മുള്ള ഒരു വമ്പിച്ച ശാസ്‌ത്രീയ പദ്ധതി​ക്കു​വേണ്ടി ഊററി​യെ​ടു​ക്കു​ന്നത്‌ തീർച്ച​യാ​യും സങ്കടക​ര​മായ വിരോ​ധാ​ഭാ​സ​മാണ്‌.

“നമുക്ക പൂർണ്ണ​ത​യുള്ള ശിശുക്കൾ വേണം”

ജനിതക വിപ്ലവം എങ്ങോ​ട്ടാണ്‌ നീങ്ങു​ന്നത്‌? നിസ്സം​ശ​യ​മാ​യി, മെച്ചപ്പെട്ട ഔഷധ​ങ്ങ​ളു​ടെ​യും മെച്ചപ്പെട്ട വൈദ്യ​പ​രി​ച​ര​ണ​ത്തി​ന്റെ​യും ജീവി​ക​ളു​ടെ പ്രവർത്ത​ന​വി​ധം സംബന്ധിച്ച മെച്ചപ്പെട്ട ഗ്രാഹ്യ​ത്തി​ന്റെ​യും രൂപത്തിൽ അതിന്‌ നൻമക്കാ​യുള്ള വമ്പിച്ച ശക്തിയുണ്ട്‌. എന്നാൽ ഈ വിപ്ലവ​ത്തിന്‌ മറെറാ​രു വശമുണ്ട്‌.

ജറമി റിഫ്‌ക്കിൻ ഇങ്ങനെ പറയുന്നു: “നമുക്ക്‌ പൂർണ്ണ​ത​യുള്ള ശിശുക്കൾ വേണം. നമുക്ക്‌ പൂർണ്ണ​ത​യുള്ള ചെടി​ക​ളും മൃഗങ്ങ​ളും വേണം. നമുക്ക്‌ മെച്ചപ്പെട്ട ഒരു സമ്പദ്‌ഘടന വേണം. ഇവിടെ ദുഷ്ട ലക്ഷ്യമില്ല. ധീരമായ പുതിയ ലോക​ത്തി​ലേ​ക്കുള്ള പാത നല്ല ലക്ഷ്യങ്ങ​ളാൽ ഒരുക്ക​പ്പെ​ട്ട​താണ്‌.

“നാം ജീവി​ക​ളു​ടെ ജനിത​ക​കോ​ഡി​ന്റെ ഭാഗങ്ങളെ കൈകാ​ര്യം​ചെ​യ്യാൻ പടിപ​ടി​യാ​യി തീരു​മാ​നി​ക്കു​ക​യാണ്‌. രണ്ടു പ്രധാന ചോദ്യ​ങ്ങൾ ഉരുത്തി​രി​യു​ന്നു: നാം ജനിത​ക​കോ​ഡി​നെ കൈകാ​ര്യം​ചെ​യ്യാൻ പോകു​ക​യാ​ണെ​ങ്കിൽ നല്ലതും ചീത്തയും പ്രയോ​ജ​ന​ക​ര​വും പ്രയോ​ജ​ന​ര​ഹി​ത​വു​മായ ജീനു​കളെ നിശ്ചയി​ക്കു​ന്ന​തിന്‌ ഈ സമുദാ​യം എന്തു മാനദണ്ഡം ഏർപ്പെ​ടു​ത്തും? ഒരു ജീവി​യു​ടെ ജനിതക ബ്ലൂപ്രിൻറ്‌ നിശ്ചയി​ക്കാ​നുള്ള ആത്യന്തി​കാ​ധി​കാ​ര​മു​ള്ള​തും ഇവിടെ ആരെങ്കി​ലും ആശ്രയി​ക്കു​ന്ന​തു​മായ ഒരു സ്ഥാപന​മു​ണ്ടോ​യെ​ന്ന​റി​യാൻ ഞാനാ​ഗ്ര​ഹി​ക്കു​ന്നു.” ഇവ ഉത്തരങ്ങൾ അർഹി​ക്കുന്ന ചോദ്യ​ങ്ങ​ളാണ്‌. ഏതാണ്‌ നല്ല ജീൻ, ഏതാണ്‌ മോശം ജീൻ എന്ന്‌ തീരു​മാ​നി​ക്കു​ന്ന​തിന്‌ സ്രഷ്ടാ​വി​നെ​ക്കാൾ മെച്ചമാ​യി സജ്ജനാ​യി​രി​ക്കു​ന്ന​താ​രാണ്‌? അവനാണ്‌ ജനിത​ക​കോ​ഡി​ന്റെ ഏററം ആന്തരി​ക​മായ പ്രവർത്ത​നങ്ങൾ അറിയാ​വു​ന്നവൻ, അതാണ്‌ ദാവീദ്‌ സങ്കീർത്ത​നങ്ങൾ 139:13-16 വരെ പ്രകട​മാ​ക്കു​ന്നത്‌: “നീ എന്നെ എന്റെ അമ്മയുടെ ഉദരത്തിൽ മറച്ചു​സൂ​ക്ഷി​ച്ചു. ഞാൻ ഭയജന​ക​മായ ഒരു വിധത്തിൽ അത്ഭുത​ക​ര​മാ​യി നിർമ്മി​ക്ക​പ്പെ​ട്ടി​രി​ക്കു​ന്ന​തു​കൊണ്ട്‌ ഞാൻ നിന്നെ പ്രകീർത്തി​ക്കും. എന്റെ ദേഹിക്ക്‌ വളരെ നന്നായി അറിയാ​വു​ന്ന​തു​പോ​ലെ, നിന്റെ പ്രവൃ​ത്തി​കൾ അത്ഭുത​ക​ര​മാ​കു​ന്നു. ഞാൻ രഹസ്യ​ത്തിൽ നിർമ്മി​ക്ക​പ്പെ​ട്ട​പ്പോൾ, ഞാൻ ഭൂമി​യു​ടെ ഏററവും താഴ്‌ന്ന ഭാഗങ്ങ​ളിൽ മെടയ​പ്പെ​ട്ട​പ്പോൾ, എന്റെ അസ്ഥികൾ നിന്നിൽനിന്ന്‌ മറഞ്ഞി​രു​ന്നില്ല. നിന്റെ കണ്ണുകൾ എന്റെ ഭ്രൂണ​ത്തെ​പ്പോ​ലും കണ്ടു, നിന്റെ പുസ്‌ത​ക​ത്തിൽ അതിന്റെ ഭാഗങ്ങ​ളെ​ല്ലാം എഴുത​പ്പെ​ട്ടി​രു​ന്നു, അവ നിർമ്മി​ക്ക​പ്പെ​ട്ട​തും അവയുടെ ഇടയിൽ ഒന്നും ഇല്ലാതി​രു​ന്ന​തു​മായ നാളുകൾ സംബന്ധി​ച്ചു​തന്നെ.” സകല ജീവി​ക​ളു​ടെ​യും ജനിതക ബ്ലൂപ്രിൻറു​കൾ തീരു​മാ​നി​ക്കാ​നുള്ള അന്തിമാ​ധി​കാ​ര​ത്തോ​ടു​കൂ​ടിയ അവനെ ആശ്രയി​ക്കാൻ നിങ്ങൾ കൂടു​ത​ലി​ഷ്ട​പ്പെ​ടു​ക​യി​ല്ലേ? (g89 7⁄22)

[13-ാം പേജിലെ ആകർഷ​ക​വാ​ക്യം]

ഏതു ജീനുകൾ നല്ലതാ​ണെ​ന്നും ഏതു ചീത്തയാ​ണെ​ന്നും ആരാണ്‌ തീരു​മാ​നി​ക്കേ​ണ്ടത്‌?