നമ്മുടെ ജീനു​ക​ളാൽ നാം മുൻനിർണ​യി​ക്ക​പ്പെ​ട്ട​വ​രോ?

“നമ്മുടെ വിധി നിർണ​യി​ക്ക​പ്പെ​ടു​ന്നതു ഗ്രഹനി​ല​യ​നു​സ​രി​ച്ചാ​ണെ​ന്നാ​ണു നാം കരുതി​യി​രു​ന്നത്‌. എന്നാൽ, നമ്മുടെ വിധി വലിയ അളവോ​ളം ജീനു​ക​ളി​ലാ​ണെന്ന്‌ ഇന്നു നമുക്ക​റി​യാം.” രൂത്ത്‌ ഹബാർഡി​ന്റെ​യും ഏലിയാ വാൾഡി​ന്റെ​യും ജീൻ കെട്ടു​ക​ഥയെ ഖണ്ഡിക്കൽ എന്ന പുസ്‌ത​ക​ത്തി​ന്റെ തുടക്ക​ത്തിൽ ജെയിംസ്‌ വാട്‌സൺ ഉദ്ധരി​ക്ക​പ്പെ​ട്ടി​രി​ക്കു​ന്നത്‌ അങ്ങനെ​യാണ്‌. എന്നാൽ, വാട്‌സ​ണി​ന്റെ ഉദ്ധരണി​ക്കു​ശേഷം, ആർ. സി. ലെവൊൺടിൻ, സ്റ്റീവൻ റോസ്‌, ലിയോൺ ജെ. കാമിൻ എന്നിവർ ഇങ്ങനെ പറഞ്ഞതാ​യി ഉദ്ധരി​ക്ക​പ്പെ​ടു​ന്നു: “സാമൂ​ഹിക സാഹച​ര്യ​ങ്ങൾക്കു രൂപ​പ്പെ​ടു​ത്താ​നാ​കാത്ത സാമൂ​ഹി​ക​മായ ഏതെങ്കി​ലു​മൊ​രു സുപ്ര​ധാന മനുഷ്യ സ്വഭാവം നമ്മുടെ ജീനു​ക​ളി​ലു​ണ്ടെന്നു ഞങ്ങൾക്കു ചിന്തി​ക്കാ​നാ​വു​ന്നില്ല.”

ആ പുസ്‌ത​ക​ത്തി​ന്റെ ചില ഭാഗങ്ങൾ അതിന്റെ ആവരണ​ത്തിൽ സംഗ്ര​ഹി​ച്ചി​ട്ടുണ്ട്‌. തുടക്ക​ത്തിൽ തന്നെ നൽകി​യി​രി​ക്കുന്ന ചോദ്യം, “മനുഷ്യ സ്വഭാവം ജനിതക സംബന്ധ​മാ​ണോ?” എന്നതാണ്‌. മറ്റൊരു തരത്തിൽ പറഞ്ഞാൽ, ജീവശാ​സ്‌ത്ര​പ​ര​മായ പാരമ്പര്യ സവി​ശേ​ഷ​ത​ക​ളെ​യും സ്വഭാ​വ​വി​ശേ​ഷ​ങ്ങ​ളെ​യും ജീവി​യി​ലേക്കു കടത്തി​വി​ടുന്ന ജീനു​ക​ളാ​ലാ​ണോ മനുഷ്യ സ്വഭാവം മുഴു​വ​നാ​യും നിർണ​യി​ക്ക​പ്പെ​ടു​ന്നത്‌? ജനിതക സംബന്ധ​മാ​ണെ​ന്ന​തി​ന്റെ അടിസ്ഥാ​ന​ത്തിൽ ചില അധാർമിക പെരു​മാ​റ്റങ്ങൾ അംഗീ​ക​രി​ക്ക​പ്പെ​ട​ണ​മോ? ജനിതക മുൻനിർണയം നിമിത്തം ഉത്തരവാ​ദി​ത്വ ലാഘവം അവകാ​ശ​പ്പെ​ടാ​നാ​കുന്ന, ജനിതക കോഡി​ന്റെ ഇരകളാ​ണെന്ന രീതി​യിൽ കുറ്റവാ​ളി​കളെ കൈകാ​ര്യം ചെയ്യണ​മോ?

ഈ നൂറ്റാ​ണ്ടിൽ പ്രയോ​ജ​ന​പ്ര​ദ​മായ അനേകം കണ്ടുപി​ടി​ത്തങ്ങൾ ശാസ്‌ത്ര​ജ്ഞ​ന്മാർ നടത്തി​യി​ട്ടു​ണ്ടെ​ന്നു​ള്ളതു നിഷേ​ധി​ക്കാ​നാ​വില്ല. ഇവയിൽ ഒന്നാണു നമ്മുടെ ജനിതക ഘടനയു​ടെ രൂപ​രേ​ഖ​യായ കൗതു​ക​മു​ള​വാ​ക്കുന്ന ഡിഎൻഎ-യുടെ കണ്ടുപി​ടി​ത്തം. ജനിതക കോഡ്‌ വഹിക്കുന്ന വിവരങ്ങൾ ശാസ്‌ത്ര​ജ്ഞ​ന്മാ​രെ​യും സാധാ​ര​ണ​ക്കാ​രെ​യും ഒരു​പോ​ലെ അമ്പരപ്പി​ച്ചി​ട്ടുണ്ട്‌. ജനിതക മേഖല​യി​ലെ ഗവേഷ​ണങ്ങൾ വാസ്‌ത​വ​ത്തിൽ എന്തെല്ലാം കണ്ടെത്തി​യി​ട്ടുണ്ട്‌? മുൻകൂ​ട്ടി പ്രോ​ഗ്രാം ചെയ്യു​ന്ന​തി​ന്റെ അല്ലെങ്കിൽ മുൻനിർണ​യ​ത്തി​ന്റെ ആധുനിക പഠിപ്പി​ക്ക​ലു​കളെ പിന്താ​ങ്ങാൻ ഈ കണ്ടെത്ത​ലു​കളെ ഉപയോ​ഗി​ക്കു​ന്ന​തെ​ങ്ങനെ?

അവിശ്വ​സ്‌ത​ത​യും സ്വവർഗ​ര​തി​യും സംബന്ധി​ച്ചെന്ത്‌?

ദി ഓസ്‌​ട്രേ​ലി​യ​നിൽ പ്രസി​ദ്ധീ​ക​രി​ക്ക​പ്പെട്ട ഒരു ലേഖനം അഭി​പ്രാ​യ​പ്പെ​ടു​ന്ന​പ്ര​കാ​രം, “സാധ്യ​ത​യ​നു​സ​രിച്ച്‌, അവിശ്വ​സ്‌തത നമ്മുടെ ജീനു​ക​ളി​ലുണ്ട്‌. . . . വഞ്ചനാ​ത്മ​ക​മായ നമ്മുടെ ഹൃദയങ്ങൾ അങ്ങനെ​യാ​യി​രി​ക്കാൻ തന്നെ നിർണ​യി​ക്ക​പ്പെ​ട്ടി​രി​ക്കു​ന്ന​വ​യാണ്‌” എന്ന്‌ ചില ജനിതക ഗവേഷ​ണങ്ങൾ അവകാ​ശ​പ്പെ​ടു​ന്നു. വഴിപി​ഴച്ച ഒരു ജീവി​ത​രീ​തിക്ക്‌ ഉത്തരവാ​ദി​ത്വ ലാഘവം അവകാ​ശ​പ്പെ​ടാൻ ആഗ്രഹി​ക്കുന്ന ഒരാൾക്കു രക്ഷപ്പെ​ടാ​നുള്ള പഴുതു സൃഷ്ടി​ച്ചു​കൊ​ണ്ടു വിവാ​ഹ​ങ്ങ​ളി​ന്മേ​ലും കുടും​ബ​ങ്ങ​ളി​ന്മേ​ലും ഈ മനോ​ഭാ​വം വരുത്തി​വെ​ക്കുന്ന വിന​യെ​ക്കു​റിച്ച്‌ ഒന്നോർത്തു നോക്കൂ!

സ്വവർഗ​ര​തി​യെ സംബന്ധിച്ച്‌ “സഹജമോ വളർത്തു​ദോ​ഷ​മോ?” എന്ന തലക്കെട്ട്‌ ന്യൂസ്‌വീക്ക്‌ മാഗസി​നിൽ വന്നിരു​ന്നു. ലേഖനം ഇങ്ങനെ പറഞ്ഞു: “സ്വവർഗ​രതി വളർത്തു​ദോ​ഷമല്ല, ഒരു ജനിതക പ്രശ്‌ന​മാ​യി​രി​ക്കാ​മെന്നു നിർദേ​ശി​ക്കുന്ന പുതിയ ഗവേഷണം ഗ്രഹി​ക്കാൻ ശാസ്‌ത്ര​വും മനോ​രോഗ ചികി​ത്സാ​വി​ഭാ​ഗ​വും പാടു​പെ​ടു​ക​യാണ്‌. . . . സ്വവർഗ​ര​തി​ക്കാ​രു​ടെ സമുദാ​യ​ത്തിൽതന്നെ, സ്വവർഗ​രതി ക്രോ​മ​സോ​മു​ക​ളിൽ ആരംഭി​ക്കു​ന്നു​വെന്ന സൂചനയെ പലരും സ്വാഗതം ചെയ്യുന്നു.”

എന്നിട്ട്‌, ഡോ. റിച്ചാർഡ്‌ പിലാർഡ്‌ ഇപ്രകാ​രം പറഞ്ഞതി​നെ ലേഖനം ഉദ്ധരി​ക്കു​ന്നു: “ഒരുവന്റെ ലൈം​ഗിക ചായ്‌വ്‌ ജനിത​ക​പ​ര​മാ​യി നിർണ​യി​ക്ക​പ്പെ​ടു​ന്നു​വെ​ങ്കിൽ, ‘അത്‌ ഒരു തെറ്റല്ല, അത്‌ നിങ്ങളു​ടെ കുറ്റമല്ല.’” ഈ “തെറ്റല്ല” വാദഗ​തി​യെ കൂടുതൽ ശക്തി​പ്പെ​ടു​ത്തും​വി​ധം, സ്വവർഗ​ര​തി​യെ​ക്കു​റിച്ച്‌ ഗവേഷണം നടത്തുന്ന ഫ്രെഡ്‌റിക്‌ വിറ്റ്‌ഹം ഇപ്രകാ​രം നിരീ​ക്ഷി​ക്കു​ന്നു: “സ്വവർഗ​രതി ജൈവ​സം​ബ​ന്ധ​മാ​ണെന്നു പറയു​മ്പോൾ ആശ്വാ​സ​ത്തി​ന്റെ​തായ ദീർഘ​നി​ശ്വാ​സ​മു​തിർക്കാ​നുള്ള ഒരു പ്രവണത ആളുക​ളി​ലുണ്ട്‌. അതു കുടും​ബ​ങ്ങ​ളെ​യും സ്വവർഗ​ര​തി​ക്കാ​രെ​യും കുറ്റത്തിൽനി​ന്നു മോചി​പ്പി​ക്കു​ന്നു. സ്വവർഗ​ര​തി​യു​ടെ ഗുരു​ക്ക​ന്മാ​രെ​പ്പോ​ലുള്ള സംഗതി​ക​ളെ​ക്കു​റി​ച്ചൊ​ന്നും സമൂഹ​ത്തി​നു ഭയപ്പെ​ടേ​ണ്ട​തി​ല്ലെ​ന്നും ഇത്‌ അർഥമാ​ക്കു​ന്നു.”

ചില​പ്പോൾ, സ്വവർഗ​ര​തി​ക്കുള്ള പ്രവണ​തകൾ നിർണ​യി​ക്കു​ന്നതു ജീനു​ക​ളാ​ണെന്ന വ്യാജ തെളി​വി​നെ സാധ്യ​ത​യും തിട്ടമി​ല്ലാ​ത്ത​തു​മാ​യി​ട്ടല്ല മറിച്ച്‌ വാസ്‌ത​വി​ക​വും നിർവി​വാ​ദ​പ​ര​വു​മായ ഒന്നായി​ട്ടാ​ണു മാധ്യ​മങ്ങൾ അവതരി​പ്പി​ക്കു​ന്നത്‌.

കണ്ടെത്ത​ലു​കൾ റിപ്പോർട്ടു ചെയ്യു​ന്ന​തിൽ ഉപയോ​ഗി​ച്ചി​രുന്ന വാഗ്വി​ലാ​സ​ങ്ങളെ ന്യൂ സ്റ്റേറ്റ്‌സ്‌മേൻ & സൊ​സൈറ്റി മാഗസിൻ നിരു​ത്സാ​ഹ​പ്പെ​ടു​ത്തു​ന്നു: “ഭ്രമി​ച്ചു​പോയ വായന​ക്കാ​രൻ വാസ്‌ത​വി​ക​മായ കടുത്ത ഭൗതിക തെളി​വു​ക​ളു​ടെ പോരാ​യ്‌മയെ—അല്ലെങ്കിൽ, വഴിപി​ഴച്ച ജീവിതം ‘ആൺ ജീനു​ക​ളിൽ അടങ്ങി​യി​രി​ക്കു​ന്നു​വെ​ന്നും ആൺ മസ്‌തി​ഷ്‌ക​ത്തി​ന്റെ സർക്യൂട്ട്‌ ബോർഡിൽ പതിച്ചി​രി​ക്കു​ന്നു’ എന്നുമുള്ള പ്രസി​ദ്ധ​മായ [ചൂടു​പി​ടിച്ച] അവകാ​ശ​വാ​ദ​ത്തി​നുള്ള അടിസ്ഥാ​ന​ത്തി​ന്റെ അഭാവത്തെ—അവഗണി​ച്ചി​രി​ക്കാം. കോഡി​ന്റെ ചുരു​ള​ഴി​ക്കു​ന്നു (ഇംഗ്ലീഷ്‌) എന്ന തങ്ങളുടെ പുസ്‌ത​ക​ത്തിൽ ഡേവിഡ്‌ സൂസ്യൂ​കീ​യും ജോസഫ്‌ ലെ​വൈ​നും നിലവി​ലുള്ള ജനിതക ഗവേഷണം സംബന്ധിച്ച തങ്ങളുടെ ഉത്‌കണ്‌ഠ രേഖ​പ്പെ​ടു​ത്തു​ന്നു: “ജീനുകൾ പെരു​മാ​റ്റത്തെ സ്വാധീ​നി​ക്കു​ന്ന​താ​യി പൊതു​വേ വാദി​ക്കാൻ സാധി​ക്കു​മെ​ങ്കി​ലും, ഒരു പ്രത്യേക ജീൻ—അല്ലെങ്കിൽ ഒരു ജോഡി ജീനുകൾ അല്ലെങ്കിൽ ഇരുപത്‌ ജീനുകൾ പോലും—പരിസ്ഥി​തി​യോ​ടുള്ള ഒരു മൃഗത്തി​ന്റെ പ്രതി​ക​ര​ണ​ങ്ങ​ളു​ടെ പ്രത്യേക വിശദാം​ശ​ങ്ങളെ വാസ്‌ത​വ​ത്തിൽ നിയ​ന്ത്രി​ക്കു​ന്നു​വെന്നു തെളി​യി​ക്കു​ന്നതു തികച്ചും വ്യത്യ​സ്‌ത​മായ ഒരു സംഗതി​യാണ്‌. ഈ ഘട്ടത്തിൽ, ആരെങ്കി​ലും മുൻകൂ​ട്ടി​പ്പ​റ​യാൻ കഴിയുന്ന പ്രത്യേക സ്വഭാ​വ​ങ്ങളെ ബാധി​ക്കുന്ന ഏതെങ്കി​ലും ഡിഎൻഎ ഇഴകൾ കണ്ടെത്തി​യി​ട്ടു​ണ്ടോ, തീർത്തും തന്മാ​ത്രീയ അർഥത്തിൽ സ്ഥാനനിർണയം നടത്തു​ക​യും വേർപെ​ടു​ത്തു​ക​യും ചെയ്‌തി​ട്ടു​ണ്ടോ, എന്നു ചോദി​ക്കു​ന്നത്‌ ഉചിത​മാണ്‌.”

മദ്യാ​സ​ക്തി​ക്കും കുറ്റകൃ​ത്യ​വാ​സ​ന​യ്‌ക്കു​മുള്ള ജീനുകൾ

മദ്യാ​സ​ക്തി​യെ​ക്കു​റി​ച്ചുള്ള പഠനം വർഷങ്ങ​ളാ​യി ജനിതക ഗവേഷ​ക​രിൽ കൗതു​ക​മു​ണർത്തി​യി​ട്ടുണ്ട്‌. ചില ജീനു​ക​ളു​ടെ സാന്നി​ധ്യ​മോ അഭാവ​മോ ആണ്‌ മദ്യാ​സ​ക്തി​ക്കുള്ള കാരണ​മെന്നു പഠനങ്ങൾ കാണി​ക്കു​ന്ന​താ​യി ചിലർ അവകാ​ശ​പ്പെ​ടു​ന്നു. ഉദാഹ​ര​ണ​ത്തിന്‌, “കഴിഞ്ഞ ദശകത്തിൽ മൂന്നു വ്യത്യസ്‌ത ഗവേഷ​ണങ്ങൾ, മദ്യാ​സക്തി പാരമ്പ​ര്യ​മാ​യി ലഭിക്കുന്ന ഒരു സ്വഭാ​വ​വി​ശേ​ഷ​ത​യാ​ണെ​ന്ന​തി​നു നിസ്‌തർക്ക​മായ തെളി​വു​കൾ ഹാജരാ​ക്കി​യി​ട്ടുണ്ട്‌” എന്ന്‌ 1988-ൽ ദ ന്യൂ ഇംഗ്ലണ്ട്‌ ജേണൽ ഓഫ്‌ മെഡി​സിൻ റിപ്പോർട്ടു ചെയ്‌തു.

എങ്കിലും, ആസക്തി മേഖല​യി​ലെ ചില വിദഗ്‌ധർ, മുഖ്യ​മാ​യും ജൈവ​ശാ​സ്‌ത്ര​പ​ര​മായ ഘടകങ്ങ​ളാ​ണു മദ്യാ​സ​ക്തി​യെ സ്വാധീ​നി​ക്കു​ന്ന​തെന്ന വീക്ഷണത്തെ വെല്ലു​വി​ളി​ക്കു​ന്നു. 1996 ഏപ്രിൽ 9-ലെ ദ ബോസ്റ്റൺ ഗ്ലോബിൽ വന്ന ഒരു റിപ്പോർട്ട്‌ ഇങ്ങനെ പറഞ്ഞു: “അടുത്ത കാല​ത്തൊ​ന്നും മദ്യാസക്ത ജീനിനെ കണ്ടെത്താൻ പോകു​ന്നില്ല. ഒരുപക്ഷേ, ഏറിവ​ന്നാൽ തങ്ങൾക്കു കണ്ടെത്താൻ കഴിയു​ന്നത്‌ ലഹരി​പി​ടി​ക്കാ​തെ ഏറെ മദ്യപി​ക്കാൻ ചിലരെ അനുവ​ദി​ക്കുന്ന ഒരു ജനിതക വിധേ​യ​ത്വം—അവരെ മദ്യാ​സ​ക്തി​ക്കു വശംവ​ദ​രാ​ക്കി​യേ​ക്കാ​വുന്ന ഒരു സ്വഭാ​വ​വി​ശേഷം—ആയിരി​ക്കു​മെന്നു ചില ഗവേഷകർ സമ്മതി​ക്കു​ന്നു.”

മേരി​ലാൻഡ്‌ സർവക​ലാ​ശാ​ല​യിൽ നടന്ന ഒരു സമ്മേള​ന​ത്തെ​ക്കു​റിച്ച്‌ “ജനിത​ക​ശാ​സ്‌ത്ര​ത്തെ​യും കുറ്റകൃ​ത്യ​വാ​സ​ന​യെ​യും സംബന്ധിച്ച ഗവേഷ​ണ​ത്തി​ന്റെ അർഥവും പ്രാധാ​ന്യ​വും” എന്ന തലക്കെ​ട്ടിൽ ദ ന്യൂ​യോർക്ക്‌ ടൈംസ്‌ റിപ്പോർട്ടു ചെയ്‌തു. ഒരു കുറ്റകൃ​ത്യ ജീനിനെ സംബന്ധി​ച്ചുള്ള ആശയം ആകർഷ​ക​മാം​വി​ധം ലളിത​മാണ്‌. പല ഭാഷ്യ​കാ​ര​ന്മാ​രും ഈ പ്രവണ​തയെ പിന്താ​ങ്ങാൻ ഉത്സാഹം കാണി​ക്കു​ന്നു. തിന്മ, “ഗർഭധാ​രണ സമയത്തു നമ്മുടെ മാതാ​പി​താ​ക്കൾ നമുക്കു കൈമാ​റുന്ന ക്രോ​മ​സോം ചുരു​ളു​ക​ളിൽ പതിഞ്ഞി​രി​ക്കാ”മെന്ന്‌ ദ ന്യൂ​യോർക്ക്‌ ടൈംസ്‌ മാഗസി​നി​ലെ ശാസ്‌ത്രജ്ഞൻ പറഞ്ഞു. കുറ്റകൃ​ത്യ ജീനു​ക​ളെ​ക്കു​റി​ച്ചുള്ള നിരന്തര ചർച്ച, കുറ്റകൃ​ത്യ​ത്തിന്‌ “ഒരു പൊതു​വായ ഉത്ഭവം—തലച്ചോ​റി​ന്റെ ഒരു വൈക​ല്യം—ഉണ്ടെ”ന്നുള്ള ഒരു ധാരണ ഉളവാ​ക്കു​ന്നു​വെന്ന്‌ ദ ന്യൂ​യോർക്ക്‌ ടൈം​സിൽ വന്ന ഒരു ലേഖനം റിപ്പോർട്ടു ചെയ്‌തു.

ജനിതക പരീക്ഷ​ണങ്ങൾ അക്രമ വാസന​യുള്ള കുട്ടി​കളെ തിരി​ച്ച​റി​യുന്ന ഒരു സമയം വരു​മെന്നു ഹാർവാർഡ്‌ മനഃശാ​സ്‌ത്ര​ജ്ഞ​നായ ജെറോം കാഗെൻ പ്രവചി​ക്കു​ന്നു. സാമൂ​ഹിക പരിവർത്ത​ന​ത്തി​ലൂ​ടെ​യ​ല്ലാ​തെ ജൈവ​ശാ​സ്‌ത്ര​പ​ര​മായ പരിവർത്ത​ന​ത്തി​ലൂ​ടെ കുറ്റകൃ​ത്യം നിയ​ന്ത്രി​ക്കു​ന്ന​തി​നു പ്രതീ​ക്ഷി​ക്കാൻ വകയു​ണ്ടെന്നു ചിലർ നിർദേ​ശി​ക്കു​ന്നു.

സ്വഭാ​വ​ത്തി​ന്റെ ജനിതക അടിസ്ഥാ​ന​ത്തെ​ക്കു​റി​ച്ചുള്ള ഈ അഭ്യൂ​ഹങ്ങൾ റിപ്പോർട്ടു ചെയ്യുന്ന രചനാ​ശൈലി പലപ്പോ​ഴും അവ്യക്ത​വും സന്ദിഗ്‌ധ​വു​മാണ്‌. ജീൻ കെട്ടു​ക​ഥയെ ഖണ്ഡിക്കൽ എന്ന പുസ്‌തകം, വിഷാ​ദ​ത്തി​നുള്ള ജനിതക കാരണ​ത്തി​ന്റെ തെളിവു കണ്ടെത്തി​യെന്നു പറഞ്ഞ, മനുഷ്യ​രു​ടെ സ്വഭാ​വ​രീ​തി​ക​ളെ​ക്കു​റി​ച്ചു പഠിക്കുന്ന ജനിത​ക​ശാ​സ്‌ത്ര​ജ്ഞ​നായ ലിങ്കൺ ഇവ്‌സി​ന്റെ ഒരു പഠന​ത്തെ​ക്കു​റി​ച്ചു പ്രതി​പാ​ദി​ക്കു​ന്നു. വിഷാ​ദ​ത്തിന്‌ അടി​പ്പെ​ടാൻ സാധ്യ​ത​യു​ണ്ടെന്നു കരുത​പ്പെട്ട സ്‌ത്രീ​കളെ സർവേ ചെയ്‌ത​തി​നു​ശേഷം, “[സ്‌ത്രീ​ക​ളു​ടെ] വിഷാ​ദ​മ​ഗ്ന​മായ വീക്ഷണ​ഗ​തി​യും സ്വഭാ​വ​വും അവിചാ​രി​ത​മായ ഇത്തരം കുഴപ്പങ്ങൾ സംഭവി​ക്കാ​നുള്ള കൂടുതൽ സാധ്യത ഉണ്ടാക്കി​യി​രി​ക്കാം” എന്ന്‌ ഇവ്‌സ്‌ നിർദേ​ശി​ച്ചു. “അവിചാ​രി​ത​മായ കുഴപ്പങ്ങൾ എന്തായി​രു​ന്നു?” പഠനവി​ധേ​യ​രാ​ക്കിയ സ്‌ത്രീ​കൾ “ബലാൽസം​ഗം ചെയ്യ​പ്പെ​ടു​ക​യോ ആക്രമി​ക്ക​പ്പെ​ടു​ക​യോ തങ്ങളുടെ ജോലി​ക​ളിൽനി​ന്നു പിരി​ച്ചു​വി​ട​പ്പെ​ടു​ക​യോ ആയിരു​ന്നു.” അങ്ങനെ​യെ​ങ്കിൽ ക്ഷതമേൽപ്പി​ക്കുന്ന ഇത്തരം സംഭവ​ങ്ങൾക്കു കാരണ​മാ​യതു വിഷാ​ദ​മാ​ണോ? “ഇത്‌ ഏതുതരം ന്യായ​വാ​ദ​മാണ്‌?” പുസ്‌തകം തുടരു​ന്നു. “സ്‌ത്രീ​കൾ ബലാൽസം​ഗം ചെയ്യ​പ്പെ​ടു​ക​യോ ആക്രമി​ക്ക​പ്പെ​ടു​ക​യോ തങ്ങളുടെ ജോലി​യിൽനി​ന്നു പിരി​ച്ചു​വി​ട​പ്പെ​ടു​ക​യോ ചെയ്‌തു. അവർ വിഷാ​ദ​മ​ഗ്ന​രു​മാ​യി. എത്ര​ത്തോ​ളം വേദനാ​ജ​ന​ക​മായ അനുഭ​വങ്ങൾ അവർക്കു നേരി​ടേണ്ടി വന്നിട്ടു​ണ്ടോ വിഷാദം അത്ര​ത്തോ​ളം കാലം നിലനിൽക്കും. . . . വിഷാദം ഏതെങ്കി​ലു​മൊ​രു ജീവി​താ​നു​ഭ​വ​വു​മാ​യി ബന്ധപ്പെ​ട്ട​ത​ല്ലെന്ന്‌ അദ്ദേഹം [ഇവ്‌സ്‌] കണ്ടെത്തി​യി​രു​ന്നെ​ങ്കിൽ ഒരു ജനിതക കണ്ണിക്കു​വേണ്ടി നോക്കു​ന്ന​തി​നു വിലയു​ണ്ടാ​യേനെ.”

ഈ കഥകൾ, “ഇക്കാലത്തു ബഹുജന മാധ്യ​മ​ങ്ങ​ളി​ലും ശാസ്‌ത്രീയ ജേണലു​ക​ളി​ലും വരുന്ന ജനിത​ക​പ​ര​മായ [സ്വഭാ​വ​രീ​തി​ക​ളു​ടെ] മിക്ക റിപ്പോർട്ടു​ക​ളു​ടെ​യും മാതൃക”യാണെന്ന്‌ അതേ പ്രസി​ദ്ധീ​ക​രണം പറയുന്നു. ജീനു​കൾക്കു നമ്മുടെ ജീവി​ത​ത്തി​ലുള്ള പ്രാധാ​ന്യ​ത്തെ സംബന്ധിച്ച രസകര​മായ യാഥാർഥ്യ​ങ്ങ​ളു​ടെ​യും പിന്തു​ണ​യി​ല്ലാത്ത ഊഹാ​പോ​ഹ​ങ്ങ​ളു​ടെ​യും കാടു​ക​യ​റിയ അതിശ​യോ​ക്തി​ക​ളു​ടെ​യും ഒരു മിശ്രി​തം തന്നെ അവയിൽ അടങ്ങി​യി​രി​ക്കു​ന്നു. ഇത്തരം രചനക​ളു​ടെ ഏറ്റവും ശ്രദ്ധേ​യ​മായ സംഗതി അവയുടെ അവ്യക്ത​ത​യാണ്‌.” അതു തുടർന്നു പറയുന്നു: “മെൻഡ​ലി​യൻ പാരമ്പര്യ സമ്പ്രദാ​യം പിന്തു​ട​രുന്ന സാഹച​ര്യ​ങ്ങ​ളു​മാ​യി ജീനു​കളെ കൂട്ടി​യി​ണ​ക്കു​ന്ന​തും കാൻസർ അല്ലെങ്കിൽ ഉയർന്ന രക്തസമ്മർദം പോലുള്ള സങ്കീർണ​മായ സാഹച​ര്യ​ങ്ങളെ വിവരി​ക്കാൻ കാൽപ്പ​നിക ജനിതക ‘പ്രവണ​ത​കളെ’ ഉപയോ​ഗി​ക്കു​ന്ന​തും തമ്മിൽ വലിയ വ്യത്യാ​സ​മുണ്ട്‌. മനുഷ്യ​രു​ടെ സ്വഭാ​വ​രീ​തി​ക​ളെ​ക്കു​റിച്ച്‌ വിശദീ​ക​രി​ക്കു​ന്ന​തി​നു ജനിതക ഗവേഷ​ണങ്ങൾ സഹായ​ക​മാ​ണെന്നു നിർദേ​ശി​ക്കു​മ്പോൾ ശാസ്‌ത്ര​ജ്ഞ​ന്മാർ തിടു​ക്ക​ത്തിൽ ഒരു നിഗമ​ന​ത്തി​ലെ​ത്തു​ന്നു.”

എങ്കിലും ഇപ്പോൾ, പ്രതി​പാ​ദി​ക്ക​പ്പെ​ട്ടി​രി​ക്കുന്ന എല്ലാറ്റി​ന്റെ​യും വീക്ഷണ​ത്തിൽ പലപ്പോ​ഴും ഉന്നയി​ക്ക​പ്പെ​ടുന്ന ചോദ്യ​ങ്ങൾ വീണ്ടും അവശേ​ഷി​ക്കു​ന്നു: വ്യത്യസ്‌ത പെരു​മാ​റ്റ​രീ​തി​കൾ നമ്മുടെ ജീവി​ത​ത്തിൽ മുളച്ചു​വ​രു​ന്ന​താ​യി നമുക്കു ചില​പ്പോൾ തോന്നു​ന്നത്‌ എന്തു​കൊ​ണ്ടാണ്‌? ഇത്തരം സാഹച​ര്യ​ങ്ങ​ളിൽ നമുക്ക്‌ എന്ത്‌ നിയ​ന്ത്ര​ണ​മാ​ണു​ള്ളത്‌? നമ്മുടെ ജീവി​ത​ത്തി​ന്മേ​ലുള്ള നിയ​ന്ത്രണം ഏറ്റെടു​ക്കാ​നും അതു നിലനിർത്താ​നും നമുക്ക്‌ എങ്ങനെ കഴിയും? അടുത്ത ലേഖനം, ഇത്തരം ചോദ്യ​ങ്ങൾക്കുള്ള ഉത്തരങ്ങൾ പ്രദാനം ചെയ്യു​ന്ന​തിൽ സഹായ​ക​മാ​ണെന്നു തെളി​ഞ്ഞേ​ക്കാം.

[6-ാം പേജിലെ ചതുരം/ചിത്രം]

ജീൻ തെറാപ്പി—പ്രതീ​ക്ഷകൾ സാക്ഷാ​ത്‌ക​രി​ക്ക​പ്പെ​ട്ടി​രി​ക്കു​ന്നു​വോ?

ജനിതക പാരമ്പ​ര്യ​രോ​ഗങ്ങൾ സൗഖ്യ​മാ​ക്കാൻ രോഗി​ക​ളി​ലേക്കു പരിഹാര ജീനുകൾ കുത്തി​വെ​ക്കുന്ന ജീൻ തെറാ​പ്പി​യെ സംബന്ധി​ച്ചെന്ത്‌? ഏതാനും വർഷം മുമ്പ്‌ ശാസ്‌ത്ര​ജ്ഞ​ന്മാർക്ക്‌ ഉയർന്ന പ്രതീ​ക്ഷ​ക​ളു​ണ്ടാ​യി​രു​ന്നു. “ജീൻ തെറാപ്പി പ്രാബ​ല്യ​ത്തിൽ കൊണ്ടു​വ​രാ​നുള്ള സമയം ഇതാണോ?” എന്ന്‌ 1995 ഡിസംബർ 16-ലെ ദി ഇക്കോ​ണ​മിസ്റ്റ്‌ ചോദി​ക്കു​ന്നു. അത്‌ ഇങ്ങനെ പറയുന്നു: “അതു നടത്തുന്ന ചികി​ത്സ​ക​രു​ടെ പരസ്യ​പ്ര​സ്‌താ​വ​ന​ക​ളെ​യും പത്രങ്ങ​ളിൽ അതിനു ലഭിക്കുന്ന സ്ഥാനങ്ങ​ളെ​യും അടിസ്ഥാ​ന​പ്പെ​ടു​ത്തി വിധി​ക്കു​മ്പോൾ നിങ്ങൾ അപ്രകാ​രം കരുതു​മാ​യി​രി​ക്കും. എന്നാൽ അമേരി​ക്ക​യി​ലെ ശാസ്‌ത്ര വിദഗ്‌ധ​രു​ടെ ഒരു സംഘം വിയോ​ജി​പ്പു പ്രകട​മാ​ക്കു​ന്നു. നാഷണൽ ഇൻസ്റ്റി​റ്റ്യൂട്ട്‌ ഓഫ്‌ ഹെൽത്തി​ന്റെ (എൻഐ​എച്ച്‌) തലവനായ ഹറാൾഡ്‌ വാർമസ്‌ പതിനാ​ലു പ്രമുഖ ശാസ്‌ത്ര​ജ്ഞ​ന്മാ​രോട്‌ ഈ മേഖല പുനര​വ​ലോ​കനം ചെയ്യാൻ ആവശ്യ​പ്പെട്ടു. ഏഴു മാസത്തെ വിചി​ന്ത​ന​ത്തി​നു​ശേഷം, ജീൻ തെറാപ്പി ആശാവ​ഹ​മാ​ണെ​ങ്കി​ലും ഈ നിമി​ഷം​വ​രെ​യുള്ള അതിന്റെ നേട്ടങ്ങളെ ഊതി വീർപ്പി​ച്ചി​രി​ക്കു​ക​യാ​ണെന്നു കഴിഞ്ഞ ആഴ്‌ച പ്രസി​ദ്ധീ​ക​രി​ക്ക​പ്പെട്ട ഒരു റിപ്പോർട്ടിൽ അവർ പറഞ്ഞു.” അന്യ ജീൻ കടത്തി​വി​ട്ടു​കൊ​ണ്ടുള്ള ചികി​ത്സ​യ്‌ക്ക്‌ അനു​യോ​ജ്യ​രെന്നു കരുതിയ, അഡി​നോ​സിൻ ഡിയാ​മി​നൈസ്‌ (എഡിഎ) അപര്യാ​പ്‌ത​ത​യോ മറ്റ്‌ ഒരു ഡസൺ രോഗ​ങ്ങ​ളി​ലൊ​ന്നോ മൂലം ക്ലേശമ​നു​ഭ​വി​ക്കുന്ന 597 രോഗി​ക​ളിൽ പരീക്ഷ​ണങ്ങൾ നടത്ത​പ്പെട്ടു. “പാനലി​ന്റെ അഭി​പ്രായ പ്രകാരം അത്തരത്തി​ലുള്ള ഒരു പരീക്ഷ​ണ​ത്തിൽ നിന്ന്‌ ഒരു രോഗി പോലും വ്യക്തമാ​യി പ്രയോ​ജ​ന​മ​നു​ഭ​വി​ച്ചി​ട്ടില്ല,” ദി ഇക്കോ​ണ​മിസ്റ്റ്‌ പറയുന്നു.

[7-ാം പേജിലെ ചിത്രങ്ങൾ]

ജനിതകപരമായി സ്വഭാ​വങ്ങൾ മുൻനി​ശ്ച​യി​ക്ക​പ്പെ​ട്ടി​രി​ക്കു​ന്നു​വെന്നു ചിലർ അവകാ​ശ​പ്പെ​ട്ടേ​ക്കാ​മെ​ങ്കി​ലും എപ്രകാ​രം പ്രവർത്തി​ക്ക​ണ​മെന്ന്‌ ആളുകൾക്കു തീരു​മാ​നി​ക്കാൻ കഴിയും