തലയിലെ പേനി​നെ​ക്കു​റിച്ച്‌ നിങ്ങൾ അറിഞ്ഞി​രി​ക്കേ​ണ്ടത്‌

മക്കളുടെ തലയിൽ പേൻ പിടി​ക്കു​മ്പോ​ഴത്തെ മാതാ​പി​താ​ക്ക​ളു​ടെ സാധാരണ പ്രതി​ക​ര​ണ​ങ്ങ​ളാണ്‌ ഞെട്ടലും ലജ്ജയും കുററ​ബോ​ധ​വും. “നിനക്കു വൃത്തി​യി​ല്ലെന്ന്‌ ആളുകൾ വിചാ​രി​ക്കു​ന്ന​താ​യുള്ള തോന്നൽ ഉണ്ടാകു​ന്നത്‌ ബുദ്ധി​മു​ട്ടു വരുത്തു​ന്നു” എന്ന്‌ ഒരു മാതാവ്‌ പറയു​ക​യു​ണ്ടാ​യി. എന്നാൽ നിങ്ങളു​ടെ കുടും​ബ​ത്തിൽ പേൻപി​ടി​ക്കു​ന്ന​തിൽ ബുദ്ധി​മു​ട്ടു തോന്നാൻ കാരണ​മു​ണ്ടോ?

മൂന്ന ഇനങ്ങൾ

തലയിലെ പേൻ ചിറകി​ല്ലാത്ത ചെറിയ പ്രാണി​ക​ളാണ്‌. അവക്ക്‌ സാധാ​ര​ണ​യാ​യി ഒരു ഇഞ്ചിന്റെ പതിനാ​റി​ലൊന്ന്‌ നീള​മേ​യു​ള്ളു, ഏതാ​ണ്ടൊ​രു എള്ളിന്റെ വലിപ്പം. അവയുടെ നിറം ചാര മുതൽ തവിട്ടു​നി​റം വരെയാണ്‌. അവയോ​ടു ബന്ധപ്പെട്ട നിന്ദ നല്ല വൃത്തി​യി​ല്ലാത്ത ആളുകളെ മാത്രമേ പേൻ ബാധി​ക്കു​ന്നു​ള്ളു എന്ന തെററി​ദ്ധാ​ര​ണ​യിൽനി​ന്നു​ള​വാ​കു​ന്ന​താണ്‌. എന്നാൽ യഥാർത്ഥ​ത്തിൽ തലയിലെ പേൻ വൃത്തി​യുള്ള ഒരു ചുററു​പാ​ടാണ്‌ കൂടുതൽ ഇഷ്ടപ്പെ​ടു​ന്നത്‌. അതു​കൊണ്ട്‌ ക്രമമാ​യി കുളി​ക്കു​ന്ന​വ​രെ​പ്പോ​ലും അതു ബാധി​ച്ചേ​ക്കാം.

തലയിലെ പേനിനു പുറമെ മനുഷ്യ​രിൽ വേറെ രണ്ടിനം പേനു​ക​ളും സാധാ​ര​ണ​മാ​യി കാണാം. ദേഹത്തെ പേനും ഭഗപേ​നും. അടുത്ത ലൈം​ഗിക സമ്പർക്ക​ത്തി​ലൂ​ടെ പകരുന്ന ഭഗപേൻ ഭഗഭാ​ഗ​ത്തും കക്ഷങ്ങളി​ലും താടി​മീ​ശ​യി​ലും മേൽമീ​ശ​യി​ലും ചില​പ്പോൾ പുരി​ക​ങ്ങ​ളി​ലു​മുള്ള മയമി​ല്ലാത്ത രോമ​ങ്ങ​ളിൽ കാണ​പ്പെ​ടു​ന്നു. അതിന്‌ നീളം കുറവും ചെറിയ ഞണ്ടിന്റെ ആകൃതി​യു​മാ​ണു​ള്ളത്‌. അതു​കൊണ്ട്‌ ഞണ്ടുപേൻ എന്ന ഹാസ്യ​നാ​മം അതിനു കിട്ടി.

തലയി​ലെ​യും ഭഗത്തി​ലെ​യും പേനി​നെ​പ്പോ​ലെ ദേഹപ്പേൻ ആളുക​ളു​ടെ​മേൽ ജീവി​ക്കു​ന്നില്ല. അത്‌ ത്വക്കി​നോ​ട​ടു​ത്തു കിടക്കുന്ന വസ്‌ത്ര​ങ്ങ​ളിൽ ജീവി​ക്കു​ക​യും ആഹാര​ത്തി​നാ​യി ശരീര​ത്തി​ലേക്ക്‌ ഇഴഞ്ഞു​ക​യ​റു​ക​യും ചെയ്യുന്നു. ദേഹപ്പേൻ ജനങ്ങൾ തിങ്ങി​പ്പാർക്കുന്ന വൃത്തി​ഹീ​ന​മായ അവസ്ഥക​ളിൽ വസിക്കു​ന്ന​വ​രിൽ വ്യാപ​ക​മാ​യി കാണ​പ്പെ​ടു​ന്നു. കഴിഞ്ഞ കാലങ്ങ​ളിൽ ടൈഫസ്‌, കിടങ്ങു​ക​ളി​ലെ പടയാ​ളി​കളെ ബാധി​ക്കുന്ന പനി, ആവർത്തി​ക്കുന്ന പനി എന്നിങ്ങ​നെ​യുള്ള പല രോഗങ്ങൾ അവ പരത്തു​മാ​യി​രു​ന്നു, എന്നാൽ ഇക്കാലത്ത്‌ ഈ പകർച്ച​വ്യാ​ധി​കളെ അപൂർവ​മാ​യി മാത്രമെ പേൻ പരത്തു​ന്നു​ള്ളു.

എത്ര വിപു​ല​മായ ഒരു പ്രശനം?

ആർ​ക്കൈ​വസ ഓഫ ഡെർമ്മ​റേ​റാ​ളജി എന്ന മെഡിക്കൽ മാസിക ഇങ്ങനെ പറയു​ക​യു​ണ്ടാ​യി: “പെഡി​ക്കു​ലോ​സിസ്‌ കാ​പ്പൈ​റ​റിസ്‌ [തലപ്പേൻബാധ] ഐക്യ​നാ​ടു​ക​ളിൽ വിപു​ല​വ്യാ​പ​ക​മായ ഒരു പ്രശ്‌ന​മാ​യി​രി​ക്കു​ന്നു, ചില പ്രദേ​ശ​ങ്ങ​ളിൽ പകർച്ച​വ്യാ​ധി​യാ​യി​ത്തീർന്നി​രി​ക്കു​ന്നു.” ഐക്യ​നാ​ടു​ക​ളിൽ വർഷം​തോ​റും ആറു ലക്ഷം മുതൽ പത്തു ലക്ഷം വരെ ആളുകളെ ഇതു ബാധി​ക്കു​ന്ന​താ​യി ആരോ​ഗ്യാ​ധി​കൃ​തർ കണക്കാ​ക്കു​ന്നു.

രോഗ​നി​യ​ന്ത്ര​ണ​ത്തി​നാ​യുള്ള യു.എസ്‌. കേന്ദ്ര​ങ്ങ​ളിൽ നടത്തപ്പെട്ട പഠനങ്ങ​ളു​ടെ അടിസ്ഥാ​ന​ത്തിൽ ഗണ്യമായ സംഖ്യ വിദ്യാർഥി​കൾക്ക്‌ തലയിൽ പേനു​ണ്ടാ​യി​രു​ന്നു. യഥാർത്ഥ​ത്തിൽ, യൂണി​വേ​ഴ്‌സി​ററി ഓഫ്‌ മിയാമി സ്‌കൂൾ ഓഫ്‌ മെഡി​സി​നി​ലെ പ്രൊ​ഫസ്സർ ഡേവിഡ്‌ ററാപ്ലിൻ “ചില സ്ഥലങ്ങളിൽ 40 ശതമാ​ന​മാണ്‌ ബാധ” എന്നു പറയുന്നു.

എന്നിരു​ന്നാ​ലും, ഉയർന്ന പേൻബാ​ധ​യെ​ക്കു​റി​ച്ചുള്ള ഉൽക്കണ്‌ഠ ഐക്യ​നാ​ടു​ക​ളിൽ പരിമി​ത​പ്പെ​ട്ടി​രി​ക്കു​ന്നില്ല. ഡിസക്കവർ എന്ന സയൻസ്‌മാ​സിക ഇങ്ങനെ റിപ്പോർട്ടു​ചെ​യ്യു​ന്നു: “ചില സ്‌ക്കൂ​ളു​ക​ളിൽ 50ഓ അധിക​മോ ശതമാനം കുട്ടി​ക​ളു​ടെ തലയിൽ പേൻപി​ടി​ക്കു​ന്നു​വെ​ന്നുള്ള റിപ്പോർട്ടു​ക​ളാണ്‌ കാനഡാ​യിൽനി​ന്നും ചിലി​യിൽനി​ന്നും ഇംഗ്ലണ്ടിൽനി​ന്നും ഫ്രാൻസിൽനി​ന്നും ഇററലി​യിൽനി​ന്നും ഈസ്‌ററ്‌ ജർമ്മനി​യിൽനി​ന്നും സോവ്യ​റ​റ്‌യൂ​ണി​യ​നിൽനി​ന്നും ആസ്‌​ത്രേ​ലി​യാ​യിൽനി​ന്നു​പോ​ലും വരുന്നത്‌.”

അവ പകരു​ന്ന​തെ​ങ്ങനെ?

പേനു​കൾക്കു പറക്കാ​നോ ചാടാ​നോ കഴിയാ​ത്ത​തു​കൊണ്ട്‌ അവ മുഖ്യ​മാ​യി പേൻബാ​ധി​ച്ച​വ​രു​ടെ തലകൾ തമ്മിലുള്ള നേരി​ട്ടുള്ള സമ്പർക്ക​ത്താ​ലാണ്‌ പകരു​ന്നത്‌. 73 ശതമാനം പേർക്കും ഈ രീതി​യി​ലാണ്‌ പകരു​ന്ന​തെന്ന്‌ പെൻസിൽവേ​നി​യാ ക്ലാസ്സ്‌മു​റി​ക​ളിൽ നടത്തിയ ഗവേഷണം വെളി​പ്പെ​ടു​ത്തി. ഈ സംഖ്യ വളരെ ഉയർന്ന​താ​ണെന്ന്‌ ചിലർ വിചാ​രി​ക്കു​ന്നു. ആർ​ത്രോ​പ്പോഡ്‌-ബോൺ ഡിസീസ്‌ പ്രോ​ഗ്രാം, ന്യൂ​യോർക്ക്‌ സ്‌റേ​റ​ററ്‌ ഡിപ്പാർട്ട്‌മെൻറ്‌ ഓഫ്‌ ഹെൽത്തി​ലെ ഡയറക്ട​റായ ഡെന്നിസ്‌ വൈററ്‌ ഇങ്ങനെ പറയുന്നു: “സകല പേൻബാ​ധ​യു​ടെ​യും 90 ശതമാ​ന​ത്തി​നു കാരണം നേരി​ട്ടുള്ള സമ്പർക്ക​മാണ്‌.”

പേനുള്ള മറെറാ​രാ​ളിൽനിന്ന്‌ നിങ്ങൾക്കു പേൻ പിടി​ക്കാൻക​ഴി​യുന്ന മററു മാർഗ്ഗങ്ങൾ മററു​ള്ള​വ​രു​ടെ ചീപ്പ്‌, തൊപ്പി, സ്‌കാർഫ്‌, ഹാററ്‌, തലക്കെട്ട്‌, തുവാല, സ്‌ററീ​രി​യോ ഹെഡ്‌ഫോ​ണു​കൾ, നീന്തൽതൊ​പ്പി അല്ലെങ്കിൽ വ്യക്തി​പ​ര​മായ മററു വസ്‌തു​ക്കൾ എന്നിവ ഉപയോ​ഗി​ക്കു​ന്ന​തി​ലൂ​ടെ​യാണ്‌. ഇതിനു കാരണം ഒരു ആതി​ഥേ​യ​നിൽനിന്ന്‌ അകലെ 20 മണിക്കൂ​റോ​ളം (48 എന്ന്‌ ചിലർ അവകാ​ശ​പ്പെ​ടു​ന്നു) ജീവി​ക്കാൻ പേനിനു കഴിയു​ന്നു എന്നതാണ്‌.

ഇന്ന്‌ പേൻ വിപു​ല​മാ​യി വ്യാപി​ച്ചി​രി​ക്കു​ന്ന​തി​ന്റെ മറെറാ​രു കാരണം അനേകം മാതാ​പി​താ​ക്കൾ ഈ പ്രശ്‌നം കൈകാ​ര്യം ചെയ്യു​ന്നി​ല്ലെ​ന്നു​ള്ള​താണ്‌. അമേരി​ക്ക​യി​ലെ ദേശീയ പിഡി​ക്കു​ലോ​സിസ്‌ അസോ​സി​യേ​ഷന്റെ എക്‌സി​ക്യൂ​ട്ടീവ്‌ ഡയറക്ട​റായ ഡബോര ആൾഷുളർ “ആളുകൾ തങ്ങളുടെ കുട്ടി​ക​ളു​ടെ മുടി​യിൽ പേൻമു​ട്ട​ക​ളു​ണ്ടോ​യെന്ന്‌ പരി​ശോ​ധി​ക്കാൻ സമയ​മെ​ടു​ക്കു​ക​യും ശ്രമി​ക്ക​യും ചെയ്യാൻ ഓർക്കു​ക​യി​ല്ലാത്ത വിധം മിക്ക​പ്പോ​ഴും വളരെ തിരക്കി​ലാണ്‌” എന്നു പറയുന്നു. 1980കളിലെ പേൻബാധ അജ്ഞതയു​ടെ​യും വിരക്തി​യു​ടെ​യും ഫലമാ​ണെ​ന്നു​ള്ള​താണ്‌ ദുഃഖ​സ​ത്യം.

നിങ്ങളു​ടെ കുടും​ബത്തെ സംരക്ഷി​ക്കൽ

പേൻബാ​ധ​യു​ടെ പ്രഥമ​ല​ക്ഷണം ചൊറി​ച്ചി​ലാണ്‌. തലയിലെ പേനിന്റെ കടി തലയിലെ തൊലി​യിൽ ചൊറി​ച്ചി​ലും ചില​പ്പോ​ഴൊ​ക്കെ ചുവപ്പും വരുത്തി​ക്കൊണ്ട്‌ ശല്യം ചെയ്യുന്നു. നിങ്ങളു​ടെ കുട്ടി കൂടെ​ക്കൂ​ടെ തലചൊ​റി​യു​ന്ന​താ​യി കാണു​ന്നെ​ങ്കിൽ സംശയി​ക്കുക. സൂക്ഷ്‌മ​മാ​യി പരി​ശോ​ധി​ക്കു​ന്ന​തിന്‌ തെളിഞ്ഞ ലൈറ​റും ഭൂതക്ക​ണ്ണാ​ടി​യും ആവശ്യ​മാണ്‌. പേൻ വളരെ ചലന​ശേ​ഷി​യു​ള്ള​താ​യ​തു​കൊ​ണ്ടും അനായാ​സം കണ്ടുപി​ടി​ക്ക​ലി​നെ ഒഴിവാ​ക്കു​ന്ന​തു​കൊ​ണ്ടും അവയുടെ മുട്ടകൾ അഥവാ ഈരു​കളെ കണ്ടുപി​ടി​ക്കാൻ നോക്കുക, അവ തലയുടെ തൊലി​യോ​ട​ടുത്ത്‌ മുടി​യിൽ പററി​പ്പി​ടി​ച്ചി​രി​ക്കും. മുട്ടകൾക്ക്‌ ഇളംമഞ്ഞ മുതൽ തവിട്ടു​നി​റം വരെയുള്ള നിറങ്ങ​ളുണ്ട്‌. ത്വക്ക്‌രോ​ഗ​വി​ദ​ഗ്‌ദ്ധൻമാർ പേൻമു​ട്ട​യു​ടെ ബാധയാ​ണെന്ന്‌ സാധാരണ തെററി​ദ്ധ​രി​ക്കുന്ന കുറഞ്ഞ​പക്ഷം 12 അവസ്ഥകളെ തിരി​ച്ച​റി​ഞ്ഞി​ട്ടുണ്ട്‌. അതു​കൊണ്ട്‌ തലയുടെ പൂർണ്ണ​മായ ഒരു പരി​ശോ​ധ​നക്ക്‌ ഒരു ഭൂതക്ക​ണ്ണാ​ടി ഉപയോ​ഗി​ക്കുക. ചെവി​കൾക്കു ചുററി​ലും പിടലി​യി​ലും ശ്രദ്ധ കേന്ദ്രീ​ക​രി​ക്കുക.

പേനൊ ഈരൊ കാണു​ന്നെ​ങ്കിൽ പ്രത്യേക ഷാമ്പു​വൊ ക്രീമൊ ലോഷ​നൊ (പിഡി​ക്കു​ലി​സൈഡ്‌) ഉപയോ​ഗി​ച്ചാൽ പേൻ ചാവും. അവ പരക്കാതെ തടയു​ന്ന​തിന്‌ പേൻബാ​ധ​യുള്ള ഓരോ​രു​ത്ത​രും ഒരേ സമയത്ത്‌ ചികി​ത്സി​ക്കണം. അതു​കൊണ്ട്‌ ചികിത്സ തുടങ്ങു​ന്ന​തി​നു മുമ്പ്‌ മുഴു​കു​ടും​ബ​ത്തെ​യും പരി​ശോ​ധി​ക്കുക.

പിഡി​ക്കു​ലി​സൈ​ഡ്‌സ്‌ തലമു​ടി​യിൽ പററി​പ്പി​ടി​ച്ചി​രി​ക്കുന്ന ഈരു​കളെ എപ്പോ​ഴും കൊല്ലു​ന്നില്ല. ശേഷി​ക്കുന്ന ഏതു മുട്ടക​ളും ഏഴു മുതൽ പത്തുവരെ ദിവസ​ങ്ങൾക്കകം വിരി​യും. അതു​കൊണ്ട്‌ പിഡി​ക്കു​ലി​സൈഡ്‌ ഉപയോ​ഗി​ച്ചുള്ള രണ്ടാമത്തെ ചികിത്‌സ അതിജീ​വി​ക്കുന്ന പേനു​കളെ കൊല്ലാൻ ആവശ്യ​മാ​യി വന്നേക്കാം. എന്നിരു​ന്നാ​ലും ഒരു മുന്നറി​യിപ്പ്‌: എല്ലാ പിഡി​ക്കു​ലി​സൈ​ഡു​ക​ളി​ലും കുറഞ്ഞ അളവിൽ കീടനാ​ശി​നി അടങ്ങി​യി​ട്ടുണ്ട്‌. അനുചി​ത​മാ​യി ഉപയോ​ഗി​ക്കു​ന്ന​പക്ഷം അത്‌ ഗുരു​ത​ര​മായ പാർശ്വ​ഫ​ലങ്ങൾ ഉളവാ​ക്കി​യേ​ക്കാം. അതു​കൊണ്ട്‌ നിർമ്മാ​താ​വി​ന്റെ നിർദ്ദേ​ശങ്ങൾ ശ്രദ്ധാ​പൂർവം അനുസ​രി​ക്കുക.

നിങ്ങളു​ടെ പ്രദേ​ശത്ത്‌ പിഡി​ക്കു​ലി​സൈ​ഡു​കൾ ലഭ്യമ​ല്ലെ​ങ്കിൽ മററ്‌ ചികി​ത്സാ​രീ​തി​കൾ സ്വീക​രി​ക്കാ​വു​ന്ന​താണ്‌. ഈരു​കളെ പ്രത്യേക പല്ലുക​ളോ​ടു​കൂ​ടിയ ചീപ്പു​കൊണ്ട്‌ നീക്കം ചെയ്യാൻ പല അധികൃ​തർ ശുപാർശ​ചെ​യ്യു​ന്നു. മാത്ര​വു​മല്ല ക്ലിനിക്കൽ ഡർമ​റേ​റാ​ളജി: എ കളർ ഗൈഡ ററു ഡയഗനോ​സിസ ആൻഡ തെറാപ്പി എന്ന മെഡിക്കൽ പാഠപു​സ്‌തകം ഇങ്ങനെ നിർദ്ദേ​ശി​ക്കു​ന്നു: “ഈരുകൾ മുടി​യിൽ പററി​പ്പി​ടി​ച്ചി​രി​ക്കുന്ന പശ മുടി​യിൽ പതിന​ഞ്ചു​മി​നി​ററു നേരം വിനാ​ഗി​രി​യിൽ മുക്കിയ തുണി മടക്കി അമർത്തു​ന്ന​തി​നാൽ ലയിപ്പി​ക്കാൻ കഴിയും.

തല മൊട്ട​യ​ടി​ക്കു​ന്നത്‌ കൂടുതൽ ഫലകര​മാണ്‌. അൽപം മണ്ണെണ്ണ പതിനഞ്ചു മുതൽ ഇരുപതു വരെ മിനി​ററു സമയം തലയിലെ ത്വക്കിൽ തേച്ചാൽ പേനും ഈരും ചാകു​മെന്ന്‌ ചിലർ കണ്ടെത്തി​യി​ട്ടുണ്ട്‌. എന്നിരു​ന്നാ​ലും ജാഗ്രത പാലി​ക്കേ​ണ്ടി​യി​രി​ക്കു​ന്നു. കാരണം മണ്ണെണ്ണ തൊലി​പ്പു​റമെ പ്രകോ​പനം സൃഷ്ടി​ച്ചേ​ക്കാം. അതു കണ്ണിൽ വീഴു​ക​യാ​ണെ​ങ്കിൽ വേദനി​പ്പി​ക്കു​ക​യും ചെയ്‌തേ​ക്കാം. ശ്വസി​ക്കുന്ന പക്ഷം മണ്ണെണ്ണ വിഷവു​മാ​യി​രി​ക്കാൻ കഴിയും. തീയുടെ സമീപത്ത്‌ അതിനു തീ പിടി​ക്കു​ക​യും ചെയ്യും.

കിടക്ക​യും വസ്‌ത്ര​വും മററു വ്യക്തി​പ​ര​മായ സാമ​ഗ്രി​ക​ളും ഔഷധ​പ്ര​യോ​ഗ​ത്തിന്‌ വിധേ​യ​മാ​ക്കു​ന്നത്‌ പ്രധാ​ന​മാണ്‌. ഈരു​ക​ളോ​ടൊ​പ്പം പേനി​നെ​യും കൊല്ലു​ന്ന​തിന്‌ അവ കഴുകി​യ​ശേഷം നല്ല ചൂടുള്ള ഉണക്കൽ യന്ത്രത്തിൽ 20 മിനി​റെ​റ​ങ്കി​ലും ഉണക്കുക. ജീവനുള്ള പേനു​ക​ളെ​യൊ മുട്ടക​ളെ​യൊ മുഴുവൻ നീക്കം ചെയ്യു​ന്ന​തിന്‌ കഴുകാ​വു​ന്ന​ത​ല്ലാത്ത മെത്തക​ളും അപ്പോൾസ്‌റ​ററി ഫർണി​ച്ച​റു​ക​ളും മററും നിർവാ​ത​വൽക്ക​രി​ക്കുക. ഈ പ്രക്രി​യ​യിൽ വളരെ​യ​ധി​കം വേല ഉൾപ്പെ​ടു​ന്നു, എന്നാൽ നിങ്ങളു​ടെ കുടും​ബ​ത്തി​ലെ പേനിന്റെ സ്ഥിരവാ​സം തടയു​ന്ന​തിന്‌ അതാവ​ശ്യ​മാണ്‌.

പേൻബാ​ധ​യിൽ നിന്നുള്ള പ്രതിരക്ഷ സാധ്യ​മ​ല്ലെ​ങ്കി​ലും ലളിത​മായ ചുരുക്കം ചില മാർഗ്ഗ​രേ​ഖകൾ പിന്തു​ട​രു​ന്ന​തി​നാൽ അവ പിടി​പെ​ടു​ന്ന​തി​ന്റെ സാധ്യത നിങ്ങൾക്ക്‌ അതിയാ​യി കുറക്കാൻ കഴിയും. ചീപ്പു​ക​ളും ബ്രഷു​ക​ളും പേൻ എളുപ്പ​ത്തിൽ പകർത്താൻ കഴിയുന്ന മററു വ്യക്തി​പ​ര​മായ സാധന​സാ​മ​ഗ്രി​ക​ളും പങ്കു​വെ​ക്കു​ന്ന​തൊ​ഴി​വാ​ക്കാൻ നിങ്ങളു​ടെ കുട്ടി​കളെ പ്രോ​ത്സാ​ഹി​പ്പി​ക്കുക. സാധ്യ​മെ​ങ്കിൽ നിങ്ങളു​ടെ കുട്ടി​കളെ വെവ്വേറെ കിടക്ക​ക​ളിൽ കിടത്തുക. തലകൾത​മ്മി​ലുള്ള സമ്പർക്കം കുറക്കാൻ സഹായി​ക്കു​ന്ന​തിന്‌ നീണ്ട മുടികൾ പിന്നി​യി​ടു​ക​യൊ പോണീ​ടെ​യിൽ കെട്ടി​യി​ടു​ക​യൊ ചെയ്യുക. ഒടുവിൽ നിങ്ങളു​ടെ കുട്ടിക്ക്‌ പേൻ പിടി​ക്കു​ന്നു​വെ​ങ്കിൽ അന്ധാളി​ക്ക​രുത്‌. പേൻബാധ അപൂർവ​മാ​യേ ഗുരു​ത​ര​മാ​യി​രി​ക്കു​ന്നു​ള്ളു. അത്‌ വളരെ സാധാ​ര​ണ​മാണ്‌, പട്ടണത്തിൽ അതീവ​ര​ഹ​സ്യ​മാ​യി സൂക്ഷി​ക്കുന്ന ഒന്നുമാണ്‌. (g89 8/22)

[28-ാം പേജിലെ ചതുരം]

കാലപ്പഴക്കമുള്ള ഒരു പ്രശനം

തലയിലെ പേൻ ആയിര​ക്ക​ണ​ക്കി​നു വർഷങ്ങ​ളാ​യി മനുഷ്യ​രെ ബാധി​ച്ചു​കൊ​ണ്ടി​രി​ക്ക​യാണ്‌. 1988 നവംബർ 15-ലെ ദി മെഡിക്കൽ പോസ്‌ററ്‌ ഇങ്ങനെ റിപ്പോർട്ടു​ചെ​യ്യു​ന്നു: “പേൻ ഈജി​പ്‌ഷ്യൻ മമ്മിക​ളി​ലെ മുടി​യി​ലും പെറു​വിൽനി​ന്നുള്ള കൊളം​ബി​യൻ പൂർവ ഇൻഡ്യൻസി​ലും അമേരി​ക്ക​യു​ടെ ദക്ഷിണ പശ്ചിമ​ഭാ​ഗ​ത്തു​നി​ന്നുള്ള ചരി​ത്രാ​തീത ഇൻഡ്യൻസി​ലും പററി​പ്പി​ടി​ച്ചി​രി​ക്കു​ന്നത്‌ കണ്ടിട്ടുണ്ട്‌.”

“ഇന്നത്തേ​പ്പോ​ലെ അന്നും പേനിന്‌ രാജകു​ടും​ബ​ത്തോ​ടൊ സ്ഥാന​ത്തോ​ടൊ മതഭക്തി​യോ​ടൊ ആദരവി​ല്ലാ​യി​രു​ന്നു.

“അവ ഹെരോ​ദാ​വി​ന്റെ കൊട്ടാ​ര​ത്തിൽനി​ന്നും മസാഡാ​യി​ക്കു ചുററു​മുള്ള പുരാതന കുടി​പാർപ്പു​ക​ളിൽനി​ന്നും ഏററം പഴക്കമു​ള്ള​താ​യി അറിയ​പ്പെ​ടുന്ന ബൈബിൾ കൈ​യെ​ഴു​ത്തു​പ്ര​തി​ക​ളായ ചാവു​കടൽ ചുരു​ളു​കൾ കണ്ടെത്ത​പ്പെട്ട ഖുമ്രാ​നി​ലെ ഗുഹക​ളിൽനി​ന്നും ലഭിച്ച മുടി​യു​ടെ സാമ്പി​ളു​ക​ളി​ലും ചീപ്പു​ക​ളി​ലും ഗണ്യമായ അളവിൽ കണ്ടെത്ത​പ്പെ​ട്ടി​ട്ടുണ്ട്‌.”

ആയിര​ക്ക​ണ​ക്കി​നു വർഷങ്ങൾക്കു​മുമ്പ്‌ ഉപയോ​ഗി​ക്ക​പ്പെട്ട ഈരോ​ലി​കൾ ഇന്ന്‌ ഉപയോ​ഗി​ക്ക​പ്പെ​ടു​ന്ന​തി​നോട്‌ ശ്രദ്ധേ​യ​മാം​വി​ധം സാമ്യ​മു​ള്ള​വ​യാണ്‌. സാധാ​ര​ണ​യാ​യി അത്തരം ചീപ്പുകൾ തടി​കൊണ്ട്‌ ഉണ്ടാക്ക​പ്പെ​ട്ടി​രു​ന്നു, മെഗി​ദ്ദോ​യി​ലെ പുരാതന കൊട്ടാ​ര​ത്തിൽ ആനക്കൊ​മ്പു​കൊ​ണ്ടുള്ള ചീപ്പുകൾ കണ്ടെത്ത​പ്പെട്ടു. കാഴ്‌ച​ബം​ഗ്ലാ​വു​ക​ളി​ലെ ഈരോ​ലി​കൾ സുക്ഷ്‌മ​മാ​യി പരി​ശോ​ധി​ച്ച​പ്പോൾ അവയിൽ ധാരാളം പേനും ഈരും ഉള്ളതായി കണ്ടെത്ത​പ്പെട്ടു.

ഹീബ്രൂ യൂണി​വേ​ഴ്‌സി​ററി-ഹഡസാ മെഡിക്കൽ സ്‌കൂ​ളി​ലെ ഡോ. കോസ്‌ററാ മുംകു​വോ​ഗ്ലു ഇങ്ങനെ പ്രസ്‌താ​വി​ച്ചു: “ചീപ്പു​ക​ളി​ലെ പേനി​ന്റെ​യും മുട്ടക​ളു​ടെ​യും എണ്ണം പരിചി​ന്തി​ക്കു​മ്പോൾ പേൻ നീക്കം ചെയ്യു​ന്ന​തി​നുള്ള വളരെ ഫലപ്ര​ദ​മായ മാർഗ്ഗ​ങ്ങ​ളാണ്‌ അവയെന്ന്‌ പ്രകട​മാ​യി​രു​ന്നു.”

[29-ാം പേജിലെ ചിത്രം]

തലയിലെ പേൻ (വളരെ വലിപ്പ​ത്തിൽ)