മതത്തിന്റെ ഭാവി അതിന്റെ കഴിഞ്ഞ കാലത്തി​ന്റെ കാഴ്‌ച​പ്പാ​ടിൽ

ഭാഗം 21: 1900 മുതൽ രക്തം തെറിച്ച ഉടുപ്പു​കൾ

“രക്തത്തിൽ പണിത ഉറപ്പുള്ള ഒരു അടിസ്ഥാ​ന​വു​മില്ല.”—ഷേക്‌സ്‌പി​യർ, ഇംഗ്ലീഷ്‌ കവിയും നാടക​കൃ​ത്തും (1564-1616)

പതിമൂന്ന്‌ വർഷം​മുമ്പ്‌ നവംബർമാ​സ​ത്തിൽ നടന്ന ഗയാന​യി​ലെ ജോൺസ്‌ടൗൺ ദുരന്തം നിങ്ങൾ ഓർമ്മി​ക്കു​ന്നു​വോ? പീപ്പിൾസ്‌ റെറമ്പിൾ എന്നറി​യ​പ്പെ​ട്ടി​രുന്ന മതസമൂ​ഹ​ത്തി​ലെ 900ത്തിലധികം അംഗങ്ങൾ കൂട്ട ആത്മഹത്യ നടത്തി. അവരിൽ മിക്കവ​രും സയ​നൈഡ്‌ ചേർത്ത പഴച്ചാറു കുടിച്ച്‌ സ്വമന​സ്സാ​ലെ അങ്ങനെ ചെയ്‌തു.

ഞെട്ടി​ത്ത​രിച്ച്‌ ആളുകൾ ചോദി​ച്ചു: ‘സ്വന്തം അംഗങ്ങ​ളു​ടെ ജീവൻ കുരു​തി​കൊ​ടു​ക്കുന്ന എന്തൊരു മതമാ​ണത്‌?’ എങ്കിലും ഏതാണ്ട്‌ 6,000 വർഷമാ​യി മതത്തിന്റെ പേരിൽ നിർദ്ദോ​ഷ​രക്തം ചിന്നി​ക്കൊ​ണ്ടി​രി​ക്കു​ന്നു. എന്നിരു​ന്നാ​ലും, 20-ാം നൂററാ​ണ്ടിൽ ചരി​ത്ര​ത്തിൽ മററ്‌ ഏതു കാല​ത്തേ​ക്കാ​ളും കൂടുതൽ വിധങ്ങ​ളിൽ കൂടെ​ക്കൂ​ടെ രക്തം ചൊരി​ഞ്ഞി​രി​ക്കു​ന്നു. തെളി​വി​ന്റെ ഒരംശം മാത്രം പരിചി​ന്തി​ക്കുക.

ഒരു വ്യാജ​ദൈ​വ​ത്തിന്‌ നരബലി​കൾ

രണ്ട്‌ ലോക​യു​ദ്ധ​ങ്ങ​ളി​ലും നൂറി​ല​ധി​കം ചെറിയ സംഘട്ട​ന​ങ്ങ​ളി​ലു​മാ​യി 1914നുശേഷം ഒരു രക്തസമു​ദ്രം തന്നെ ഒഴുക്കി​യി​രി​ക്കു​ന്നു. “യുദ്ധങ്ങൾ വിരി​ഞ്ഞു​വ​രുന്ന മുട്ട” ദേശഭ​ക്തി​യാണ്‌ എന്ന്‌ ഒരു നൂററാ​ണ്ടു​മുമ്പ്‌ ഫ്രഞ്ച്‌ എഴുത്തു​കാ​ര​നായ ഗയ്‌ ഡി മോപ​സാംഗ്‌ പറഞ്ഞു, അതിനെ അയാൾ “ഒരുതരം മതം” എന്നു വിളിച്ചു. ദേശഭ​ക്തി​യു​ടെ മച്ചുന​നായ ദേശീ​യ​ത്വം “ആധുനിക ലോക​ത്തിൽ മതത്തിന്റെ ഒരു മുന്തിയ രൂപം ആയിത്തീർന്നി​രി​ക്കു​ന്നു, പരമ്പരാ​ഗത മതമൂ​ല്യ​ങ്ങ​ളു​ടെ അധഃപ​തനം അവശേ​ഷി​പ്പിച്ച ഒരു ശൂന്യത കൈവ​ശ​പ്പെ​ടു​ത്തി​ക്കൊ​ണ്ടു​തന്നെ” എന്ന്‌ മതത്തിന്റെ സർവവി​ജ്ഞാ​ന​കോ​ശം പറയുന്നു. (ഇററാ​ലി​ക്‌സ്‌ ഞങ്ങളു​ടേത്‌) സത്യാ​രാ​ധന ഉന്നമി​പ്പി​ക്കാൻ പരാജ​യ​പ്പെ​ട്ട​തി​നാൽ വ്യാജ​മതം ഒരു ആത്മീയ​ശൂ​ന്യത സൃഷ്ടിച്ചു, അതി​ലേക്ക്‌ ദേശീ​യ​ത്വ​ത്തിന്‌ ഒഴുകാൻ കഴിഞ്ഞു.

മറെറാ​രി​ട​ത്തും നാസി ജർമ്മനി​യി​ലേ​തി​നെ​ക്കാൾ മെച്ചമാ​യി ഇത്‌ തെളി​യി​ക്ക​പ്പെ​ട്ടി​ട്ടില്ല, രണ്ടാം ലോക​മ​ഹാ​യു​ദ്ധ​ത്തി​ന്റെ തുടക്ക​ത്തിൽ അതിലെ പൗരൻമാർ 94.4 ശതമാ​ന​വും ക്രിസ്‌തീ​യ​മെന്ന്‌ അവകാ​ശ​പ്പെ​ട്ടി​രു​ന്നു. സകല സ്ഥലങ്ങളി​ലും​വെച്ച്‌, പ്രോ​ട്ട​സ്‌റ​റൻറ്‌ മതത്തിന്റെ ജൻമസ്ഥ​ല​വും 1914ൽ പയസ്‌ 10-ാമൻ പാപ്പാ “ലോക​ത്തി​ലെ ഏററവും നല്ല കത്തോ​ലി​ക്ക​രു​ടെ” ഭവനം എന്ന നിലയിൽ വാഴ്‌ത്തിയ സ്ഥലവു​മായ ജർമ്മനി ക്രൈ​സ്‌ത​വ​ലോ​ക​ത്തിന്‌ കാഴ്‌ച​വെ​ക്കാൻ കഴിയു​ന്ന​തിൽ ഏററവും മെച്ചമാ​യ​തി​നെ പ്രതി​നി​ധാ​നം ചെയ്യേ​ണ്ട​താ​യി​രു​ന്നു.

കത്തോ​ലി​ക്ക​നാ​യ അഡോൾഫ്‌ ഹിററ്‌ലർ കത്തോ​ലി​ക്ക​രെ​ക്കാൾ പ്രോ​ട്ട​സ്‌റ​റൻറു​കാ​രു​ടെ ഇടയിൽ അനായാ​സം പിന്തുണ കണ്ടെത്തി​യത്‌ സുപ്ര​ധാ​നം​തന്നെ. പ്രോ​ട്ട​സ്‌റ​റൻറു​കാർ അധിക​മുള്ള പ്രവി​ശ്യ​കൾ 1930-ലെ തെര​ഞ്ഞെ​ടു​പ്പിൽ അവരുടെ വോട്ടി​ന്റെ 20 ശതമാനം അയാൾക്കു നൽകി, കത്തോ​ലി​ക്കാ പ്രവി​ശ്യ​കൾ 14 ശതമാനം മാത്ര​വും. സംസ്ഥാന തെര​ഞ്ഞെ​ടു​പ്പു​ക​ളിൽ നാസി പാർട്ടിക്ക്‌ ആദ്യമാ​യി കേവല ഭൂരി​പക്ഷം കിട്ടി​യത്‌ 1932-ൽ ഓൾഡൻബർഗ്ഗി​ലാ​യി​രു​ന്നു, 75 ശതമാ​ന​വും പ്രോ​ട്ട​സ്‌റ​റൻറായ ഒരു പ്രവി​ശ്യ​തന്നെ.

പ്രത്യ​ക്ഷ​ത്തിൽ, “പരമ്പരാ​ഗത മതമൂ​ല്യ​ങ്ങ​ളു​ടെ അധഃപ​തനം അവശേ​ഷി​പ്പിച്ച ശൂന്യത” കത്തോ​ലി​ക്കാ​മ​ത​ത്തെ​ക്കാൾ പ്രോ​ട്ട​സ്‌റ​റൻറ്‌ മതത്തിൽ അധിക​മാ​യി​രു​ന്നു. അതു മനസ്സി​ലാ​ക്കാൻ കഴിയും. ഉദാര​മാ​ക്കിയ വേദശാ​സ്‌ത്ര​വും ബൈബി​ളി​ന്റെ അമിത​കൃ​ത്തി​പ്പും ജർമ്മൻഭാഷ സംസാ​രി​ക്കുന്ന പ്രോ​ട്ട​സ്‌റ​റൻറ്‌ വേദപ​ണ്ഡി​ത​രു​ടെ ഉല്‌പ​ന്ന​മാ​യി​രു​ന്നു.

ഒടുവിൽ ഹിററ്‌ല​റു​ടെ പിന്നിൽ കത്തോ​ലി​ക്കാ പിന്തുണ സാവധാ​നം സാന്ദ്രീ​ക​രി​ച്ചത്‌ തുല്യ​പ്രാ​ധാ​ന്യ​മു​ള്ള​താണ്‌. “പരമ്പരാ​ഗ​ത​മാ​യി ജർമ്മൻ കത്തോ​ലി​ക്കാ​മ​ത​ത്തിന്‌ വിശേ​ഷി​ച്ചും റോമി​നോട്‌ ഉററ ബന്ധങ്ങൾ ഉണ്ടായി​രു​ന്നു” എന്ന്‌ ജർമ്മൻ ചരി​ത്ര​കാ​ര​നായ ക്ലൗസ്‌ ഷോൾഡർ വിശദീ​ക​രി​ക്കു​ന്നു. നാസി​പ്ര​സ്ഥാ​ന​ത്തിൽ കമ്മ്യൂ​ണി​സ​ത്തി​നെ​തി​രായ ഒരു ചുററു​മ​തിൽ കണ്ടു​കൊണ്ട്‌ വത്തിക്കാൻ ഹിററ്‌ല​റു​ടെ കരങ്ങളെ ശക്തി​പ്പെ​ടു​ത്തു​ന്ന​തിന്‌ അതിന്റെ സ്വാധീ​നം ഉപയോ​ഗി​ക്കു​ന്ന​തിൽനിന്ന്‌ വിട്ടു​നി​ന്നില്ല. “അടിസ്ഥാന തീരു​മാ​നങ്ങൾ അധിക​മ​ധി​കം ക്യൂറി​യാ​യി​ലേക്കു മാററ​പ്പെട്ടു. വാസ്‌ത​വ​ത്തിൽ ജർമ്മനി​യിൽ കത്തോ​ലി​ക്കാ​സ​ഭ​യു​ടെ നിലയും ഭാവി​യും ഒടുവിൽ പൂർണ്ണ​മാ​യും റോമിൽ തീരു​മാ​നി​ക്ക​പ്പെട്ടു” എന്ന്‌ ഷോൾഡർ പറയുന്നു.

രണ്ട്‌ ലോക​മ​ഹാ​യു​ദ്ധ​ങ്ങ​ളിൽ ക്രൈ​സ്‌ത​വ​ലോ​കം വഹിച്ച പങ്ക്‌ അന്തസ്സ്‌ കളഞ്ഞു​കു​ളി​ക്കു​ന്ന​തി​ലേക്കു നയിച്ചു. ക്രിസ്‌തീയ ലോക​ദൗ​ത്യ​ത്തി​ന്റെ സംക്ഷി​പ്‌ത​നി​ഘണ്ടു വിശദീ​ക​രി​ക്കു​ന്ന​തു​പോ​ലെ: “ക്രിസ്‌തീയ ഉപദേ​ശ​ത്തി​ന്റെ ഒരായി​രം വർഷങ്ങൾ പിന്നിട്ട ജനതകൾ അവയുടെ വികാരം നിയ​ന്ത്രി​ക്കാൻ പരാജ​യ​പ്പെ​ട്ട​തും ശ്ലാഘനീ​യ​മ​ല്ലാത്ത അധികാ​ര​തൃ​ഷ്‌ണ​യു​ടെ തൃപ്‌തി​ക്കു​വേണ്ടി മുഴു ലോക​ത്തെ​യും എരി​പൊ​രി​കൊ​ള്ളി​ച്ച​തും അ​ക്രൈ​സ്‌തവർ അവരുടെ കൺമു​മ്പിൽ കണ്ടു.”

മതപ്ര​ചോ​ദി​ത യുദ്ധങ്ങൾ പുതു​മ​യൊ​ന്നു​മ​ല്ലെ​ന്നു​ള്ളത്‌ സത്യം​തന്നെ. എന്നാൽ കഴിഞ്ഞ​കാ​ലത്ത്‌ ഭിന്ന മതങ്ങളി​ലെ രാഷ്‌ട്രങ്ങൾ അന്യോ​ന്യം യുദ്ധം​ചെ​യ്‌തു​വെ​ന്നി​രി​ക്കെ, 20-ാം നൂററാണ്ട്‌ ഒരേ മതമുള്ള രാഷ്‌ട്രങ്ങൾ കഠിന​പോ​രാ​ട്ട​ത്തിൽ കുടു​ങ്ങി​യത്‌ കണ്ടു. ദേശീ​യ​ത്വ​ത്തി​ന്റെ ദൈവ​ത്തിന്‌ മതത്തിന്റെ ദൈവ​ങ്ങളെ വ്യക്തമാ​യും തനിക്ക​നു​കൂ​ല​മാ​യി ശരി​പ്പെ​ടു​ത്തി​യെ​ടു​ക്കാൻ കഴിഞ്ഞി​രി​ക്കു​ന്നു. അങ്ങനെ രണ്ടാം ലോക​മ​ഹാ​യു​ദ്ധ​ത്തിൽ ബ്രിട്ട​നി​ലെ​യും ഐക്യ​നാ​ടു​ക​ളി​ലെ​യും കത്തോ​ലി​ക്ക​രും പ്രോ​ട്ട​സ്‌റ​റൻറു​കാ​രും ഇററലി​യി​ലെ​യും ജർമ്മനി​യി​ലെ​യും കത്തോ​ലി​ക്ക​രെ​യും പ്രോ​ട്ട​സ്‌റ​റൻറു​കാ​രെ​യും കൊന്നു​കൊ​ണ്ടി​രു​ന്ന​പ്പോൾ ജപ്പാനി​ലെ ബുദ്ധമ​ത​ക്കാർ തെക്കു​കി​ഴക്കൻ ഏഷ്യയി​ലെ തങ്ങളുടെ ബുദ്ധമ​ത​സ​ഹോ​ദ​രൻമാ​രോട്‌ അതുതന്നെ ചെയ്യു​ക​യാ​യി​രു​ന്നു.

എന്നുവ​രി​കി​ലും, ക്രൈ​സ്‌ത​വ​ലോ​ക​ത്തി​ന്റെ സ്വന്തം രക്തപങ്കില വസ്‌ത്ര​ത്തി​ന്റെ വീക്ഷണ​ത്തിൽ അതിന്‌ സ്വയനീ​തീ​ക​ര​ണ​ത്തോ​ടെ മററു​ള്ള​വ​രോട്‌ അരുത്‌ എന്നു പറയാൻ കഴിയു​ന്നില്ല. അപൂർണ്ണ മനുഷ്യ​ഗ​വൺമെൻറു​കളെ ശുപാർശ​ചെ​യ്‌തു​കൊ​ണ്ടും പിന്താ​ങ്ങി​ക്കൊ​ണ്ടും ചില​പ്പോൾ തെര​ഞ്ഞെ​ടു​ത്തു​കൊ​ണ്ടു​പോ​ലും നാമ​ധേ​യ​ക്രി​സ്‌ത്യാ​നി​ക​ളും അ​ക്രൈ​സ്‌ത​വ​രും ഒരു​പോ​ലെ ഈ ഗവൺമെൻറു​കൾ ചൊരിഞ്ഞ രക്തത്തിന്റെ ഉത്തരവാ​ദി​ത്വം പങ്കി​ട്ടേ​തീ​രൂ.

എന്നാൽ ഗവൺമെൻറി​നെ ദൈവ​ത്തി​നു​പരി വെക്കു​ക​യും സ്വന്തം അംഗങ്ങളെ യുദ്ധ​ദേ​വന്റെ ബലിപീ​ഠ​ത്തിൽ രാഷ്‌ട്രീ​യ​യാ​ഗ​ങ്ങ​ളാ​യി അർപ്പി​ക്കു​ക​യും ചെയ്യു​ന്നത്‌ ഏതു തരം മതമാണ്‌?

“അവർ നിർദ്ദോ​ഷ​രക്തം ചൊരി​ഞ്ഞു​കൊ​ണ്ടി​രു​ന്നു”

വിശ്വാ​സ​ത്യാ​ഗി​യായ ഇസ്രാ​യേ​ലി​നെ സംബന്ധിച്ച്‌ നൂററാ​ണ്ടു​കൾക്കു മുമ്പു പറഞ്ഞ ആ വാക്കുകൾ സകല വ്യാജ​മ​ത​ങ്ങൾക്കും വിശേ​ഷാൽ ക്രൈ​സ്‌ത​വ​ലോ​ക​ത്തി​ലു​ള്ള​വ​ക്കും ബാധക​മാ​കു​ന്നു. (സങ്കീർത്തനം 106:38) കൂട്ട​ക്കൊ​ല​യിൽ എരിഞ്ഞ​ട​ങ്ങിയ ദശലക്ഷ​ക്ക​ണ​ക്കി​നു ജീവിതം മറന്നു​ക​ള​യ​രുത്‌, ക്രൈ​സ്‌ത​വ​ലോ​ക​ത്തി​ലെ സഭകൾ കുററ​ര​ഹി​ത​ര​ല്ലാത്ത ഒരു ദുരന്തം​തന്നെ.—1990 മേയ്‌ 8ലെ ഉണരുക! കാണുക.

കാര്യ​മാ​യി അറിയ​പ്പെ​ടാ​ത്ത​തും എന്നാൽ അത്രതന്നെ ദാരു​ണ​വു​മായ മറെറാ​രു പ്രശ്‌ന​ത്തി​ലും ജർമ്മൻപു​രോ​ഹി​തൻമാർ നിശ്ശബ്ദത പാലിച്ചു. ഹിററ്‌ലർ വംശം സംബന്ധിച്ച തന്റെ ചിന്തകൾ മീൻകാം​ഫിൽ വിവരി​ച്ച​ശേഷം രണ്ടു വർഷം കഴിഞ്ഞ്‌ 1927-ൽ കത്തോ​ലി​ക്കാ പത്രാ​ധി​പ​രും വേദശാ​സ്‌ത്ര​ജ്ഞ​നു​മായ ജോസഫ്‌ മേയർ ബിഷപ്പി​ന്റെ സമ്മതി​മു​ദ്ര​യോ​ടെ ഒരു പുസ്‌തകം പ്രസി​ദ്ധീ​ക​രി​ച്ചു. അതി​പ്ര​കാ​രം പറഞ്ഞു: “മാനസി​ക​രോ​ഗി​കൾക്കും ധാർമ്മി​ക​ചി​ത്ത​ഭ്ര​മ​മു​ള്ള​വർക്കും മററു താണതരം വ്യക്തി​കൾക്കും തീവെ​ക്കാ​ന​വ​കാ​ശ​മി​ല്ലാ​ത്ത​തു​പോ​ലെ​തന്നെ പ്രജനനം നടത്താൻ മേലാൽ അവകാ​ശ​മില്ല.” വികലാം​ഗ​രു​ടെ വന്ധ്യം​ക​രണം യേശു​വി​ന്റെ ഇഷ്‌ട​ത്തോ​ടു ചേർച്ച​യി​ലാ​ണെന്ന്‌ ലൂഥറൻ പാസ്‌റ​റ​റാ​യി​രുന്ന ഫ്രെഡ​റിക്‌ വോൾ ബോഡർഷ്‌വിഗ്‌ കണ്ടെത്തി.

മതപര​മാ​യി പിന്തു​ണ​ക്ക​പ്പെട്ട ഈ മനോ​ഭാ​വം ഹിററ്‌ലർ 1939-ൽ “യൂത​നേ​സിയ വിജ്ഞാ​പനം” പുറ​പ്പെ​ടു​വി​ക്കാൻ വഴി​യൊ​രു​ക്കി, അത്‌ ബുദ്ധി​ഭ്രമം വന്ന 1,00,000 പൗരൻമാ​രു​ടെ മരണത്തി​ലേ​ക്കും ഏതാണ്ട്‌ 4,00,000 പേരുടെ നിർബ​ന്ധിത വന്ധ്യം​ക​ര​ണ​ത്തി​ലേ​ക്കും നയിച്ചു.a

യുദ്ധാ​ന​ന്ത​രം 40 വർഷം കഴിഞ്ഞ്‌ 1985-ൽ ആയിരു​ന്നു റീൻലാൻഡി​ലെ ലൂഥറൻ സഭാ അധികാ​രി​കൾ ഇത്‌ പരസ്യ​മാ​യി സമ്മതി​ച്ചത്‌: “നമ്മുടെ സഭ നിർബ​ന്ധിത വന്ധ്യം​ക​ര​ണ​ത്തെ​യും രോഗി​ക​ളു​ടെ​യും വികലാം​ഗ​രു​ടെ​യും കൊല​യേ​യും മനുഷ്യ​രിൽ നടത്തുന്ന ക്രൂര​മായ വൈദ്യ​പ​രീ​ക്ഷ​ണ​ങ്ങ​ളെ​യും വേണ്ടത്ര ശക്തമായി എതിർത്തില്ല. അതിനി​ര​യാ​യി ഇപ്പോ​ഴും ജീവി​ക്കു​ന്ന​വ​രോ​ടും അവരുടെ അതിജീ​വി​ക്കുന്ന ബന്ധുക്ക​ളോ​ടും ഞങ്ങൾ ക്ഷമ ചോദി​ക്കു​ന്നു.”

മ്യൂൺസ്‌റ​റ​റി​ലെ കത്തോ​ലി​ക്കാ ബിഷപ്പ്‌ ആ നയത്തെ കൊല​പാ​തകം എന്നു വിളി​ച്ചു​കൊണ്ട്‌ 1941 ഓഗസ്‌ററ്‌ 3ന്‌ നിശി​ത​വാ​ക്കു​ക​ളിൽ ആക്രമണം നടത്തി​യ​ശേഷം ഗവൺമെൻറി​ന്റെ യൂത​നേ​സി​യാ പ്രസ്ഥാനം ഗണ്യമാ​യി മന്ദീഭ​വി​ച്ചു​വെ​ന്നത്‌ സത്യം​തന്നെ. എന്നാൽ പരസ്യ​മായ ഒരു അപലപനം കേൾക്കു​ന്ന​തി​നു​മുമ്പ്‌ 19 മാസങ്ങ​ളും 60,000 മരണങ്ങ​ളും കടന്നു​പോ​യ​തെ​ന്തു​കൊണ്ട്‌?

മതത്തിന്റെ രക്തപാ​ത​കം

ജീവനെ ആദരി​ക്കു​ന്ന​താ​യും ആളുകളെ ദ്രോ​ഹ​ത്തിൽനിന്ന്‌ സംരക്ഷി​ക്കാൻ തത്‌പ​ര​രാ​യി​രി​ക്കു​ന്ന​താ​യും മിക്ക മതങ്ങളും അവകാ​ശ​പ്പെ​ടു​ന്നു. എന്നാൽ പുകവലി, മദ്യം ഉൾപ്പെടെ മയക്കു​മ​രു​ന്നു​ക​ളു​ടെ ദുരു​പ​യോ​ഗം, ശരീര​ത്തി​ലേക്കു രക്തം സ്വീക​രി​ക്കൽ, ലൈം​ഗി​ക​ദു​ഷ്‌കൃ​ത്യം എന്നിവ​യിൽ അടങ്ങി​യി​രി​ക്കുന്ന ശാരീ​രി​കാ​പ​ക​ട​ങ്ങൾസം​ബ​ന്ധിച്ച്‌ പുരോ​ഹി​തൻമാർ തങ്ങളുടെ ആട്ടിൻകൂ​ട്ട​ത്തിന്‌ ചേർച്ച​യിൽ മുന്നറി​യി​പ്പു നൽകു​ന്നു​വോ? അതിലും പ്രധാ​ന​മാ​യി, അവയ്‌ക്ക്‌ നമ്മുടെ ദൈവാം​ഗീ​കാ​രം നഷ്ടപ്പെ​ടു​ത്താൻ കഴിയു​മെന്ന്‌ വിശദീ​ക​രി​ച്ചു​കൊണ്ട്‌ ബൈബിൾ ചെയ്യു​ന്ന​തു​പോ​ലെ അവർ ജഡത്തിന്റെ ഈ പ്രവൃ​ത്തി​കളെ കുററം വിധി​ക്കു​ന്നു​വോ?—പ്രവൃ​ത്തി​കൾ 15:28, 29; ഗലാത്യർ 5:19-21.

ചിലർ ചെയ്യു​ന്നു​വെ​ന്നു​ള്ളത്‌ ശരിതന്നെ. കത്തോ​ലി​ക്കാ സഭയും പല മൗലി​ക​സ​ഭ​ക​ളും നിർദ്ദോ​ഷ​ര​ക്തം​ചൊ​രി​യ​ലാ​യി ഗർഭച്‌ഛി​ദ്രത്തെ അപലപി​ക്കുന്ന അളവോ​ളം ജീവനെ ആദരി​ക്കു​ന്നു. എങ്കിലും കത്തോ​ലി​ക്കാ ഇററലി​യു​ടെ ഗർഭച്ഛി​ദ്ര നിയമം യൂറോ​പ്പി​ലെ ഏററവും ഉദാര​മാ​യ​വ​യിൽ ഒന്നാണ്‌.

ബുദ്ധമ​ത​വും ഗർഭച്ഛി​ദ്ര​ങ്ങളെ കുററം വിധി​ക്കു​ന്നു. എന്നാൽ ജനസം​ഖ്യ​യു​ടെ 70 ശതമാ​ന​വും ബുദ്ധമ​താ​നു​യാ​യി​ക​ളാ​ണെ​ങ്കി​ലും ജപ്പാനിൽ ഒരു വർഷം 6,18,000 ഗർഭച്ഛി​ദ്രങ്ങൾ റിപ്പോർട്ടു​ചെ​യ്യ​പ്പെ​ടു​ന്നു. ഇത്‌ ഈ ചോദ്യം ഉന്നയി​ക്കു​ന്നു: നാം എന്തിന്റെ അടിസ്ഥാ​ന​ത്തിൽ ഒരു മതത്തെ വിധി​ക്കണം, അതിന്റെ അധികാ​ര​സ്ഥാ​ന​ത്തു​ള്ള​വ​രും ചില പുരോ​ഹി​തൻമാ​രും പറയു​ന്ന​തി​ന്റെ അടിസ്ഥാ​ന​ത്തി​ലോ അതോ നല്ല നിലയി​ലുള്ള അതിന്റെ അംഗങ്ങ​ളി​ല​നേ​ക​രും ചെയ്യു​ന്ന​തി​ന്റെ അടിസ്ഥാ​ന​ത്തി​ലോ?

ദുഷ്ടനു മുന്നറി​യി​പ്പു​നൽകാൻ പരാജ​യ​പ്പെ​ടു​ന്ന​തി​ന്റെ മറെറാ​രു ദൃഷ്ടാന്തം ബൈബിൾകാ​ല​ഗ​ണ​ന​യോ​ടും ബൈബിൾപ്ര​വ​ച​ന​ത്തി​ന്റെ നിവൃ​ത്തി​യോ​ടും ബന്ധപ്പെ​ട്ട​താണ്‌. ദൈവ​ത്തി​ന്റെ സ്വർഗ്ഗീ​യ​രാ​ജ്യം 1914-ൽ യേശു​ക്രി​സ്‌തു​വി​ന്റെ കരങ്ങളിൽ സ്ഥാപി​ക്ക​പ്പെ​ട്ടു​വെന്ന്‌ രണ്ടും സൂചന നൽകുന്നു.b ക്രൈ​സ്‌ത​വ​ലോ​കം ഓരോ ഡിസം​ബ​റി​ലും ക്രിസ്‌തു​വി​ന്റെ ജൻമദി​നം എന്നു കരുതു​ന്നത്‌ ആഘോ​ഷി​ക്കു​ന്നെ​ങ്കി​ലും പുരോ​ഹി​തൻമാർ അവനെ വാഴുന്ന രാജാ​വാ​യി ഒരിക്ക​ലും ഘോഷി​ക്കു​ന്നില്ല, 19 നൂററാ​ണ്ടു​കൾക്കു​മുമ്പ്‌ നിയു​ക്ത​രാ​ജാ​വാ​യി അവനെ യഹൂദ​നാ​യ​കൻമാർ സ്വീക​രി​ക്കാ​ഞ്ഞ​തു​പോ​ലെ​തന്നെ.

ധാർമ്മി​ക​ത​സം​ബ​ന്ധിച്ച ദൈവ​നി​യ​മങ്ങൾ ലംഘി​ക്കു​ന്ന​തി​ന്റെ​യും വാഴ്‌ച നടത്തുന്ന ദൈവ​രാ​ജ്യ​ത്തിന്‌ കീഴ്‌പ്പെ​ടാൻ വിസമ്മ​തി​ക്കു​ന്ന​തി​ന്റെ​യും പരിണ​ത​ഫ​ല​ങ്ങൾസം​ബ​ന്ധി​ച്ചു മുന്നറി​യി​പ്പു​നൽകാൻ പരാജ​യ​പ്പെ​ടുന്ന പുരോ​ഹി​തൻമാർ ഏതു വിഭാ​ഗ​ത്തി​ലു​ള്ള​വ​രാ​യാ​ലും യെഹെ​സ്‌ക്കേൽ 33:8 പറയു​ന്ന​ത​നു​സ​രിച്ച്‌ തങ്ങളു​ടെ​മേൽ രക്തപാ​തകം കൂട്ടു​ക​യാണ്‌. അവരുടെ നിശബ്ദത ദശലക്ഷങ്ങൾ വരുന്ന അവരുടെ ആട്ടിൻകൂ​ട്ടം രക്തപാ​ത​ക​ക്കു​റ​റ​മു​ള്ള​താ​യി​ത്തീ​രവേ അലസമാ​യി അവരോ​ടൊ​പ്പം നിൽക്കു​ന്ന​ത​ല്ലാ​തെ മറെറാ​ന്നല്ല.

അങ്ങനെ നിർദ്ദോ​ഷ​ര​ക്തം​കൊണ്ട്‌ വസ്‌ത്രങ്ങൾ കറപി​ടി​പ്പി​ക്കു​ന്ന​തി​നാൽ വ്യാജ​മതം യേശു​ക്രി​സ്‌തു​വി​ന്റെ ചൊരി​യ​പ്പെട്ട ജീവദാ​യ​ക​ര​ക്തത്തെ തിരസ്‌ക്ക​രി​ച്ചി​രി​ക്കു​ന്നു. (മത്തായി 20:28ഉം എഫേസ്യർ 1:7ഉം കാണുക.) ആ കാരണ​ത്താൽ വ്യാജ​മ​ത​ത്തി​ന്റെ വസ്‌ത്ര​ങ്ങ​ളിൽ തെറിച്ച രക്തം പെട്ടെന്ന്‌—വളരെ പെട്ടെന്ന്‌—അതിന്റെ സ്വന്തം രക്തമാ​യി​ത്തീ​രും!—വെളി​പ്പാട്‌ 18:8.

“വ്യാജ​മതം അതിന്റെ ഭൂതകാ​ല​ത്താൽ പിടി​കൂ​ട​പ്പെ​ടു​മ്പോൾ” രക്ഷപ്പെ​ടു​ക​യില്ല. ഞങ്ങളുടെ അടുത്ത ലക്കം വിശദീ​ക​രി​ക്കട്ടെ. (g89 11/8)

[അടിക്കു​റി​പ്പു​കൾ]

[24-ാം പേജിലെ ചതുരം]

“മതം ഇന്ന്‌ ലോക​ത്തി​ന്റെ പല ഭാഗങ്ങ​ളി​ലും വിപ്ലവ​ത്തി​ന്റെ പരിചാ​രി​ക​യാ​യി​ത്തീർന്നി​രി​ക്കു​ന്നു . . . അത്‌ ഉത്തര അയർല​ണ്ടി​ലും ഇൻഡ്യൻ ഉപഭൂ​ഖ​ണ്ഡ​ത്തി​ലും ഫിലി​പ്പീൻസി​ലും കൊലക്ക്‌ പ്രചോ​ദനം നൽകു​ന്ന​തിൽ തുടരു​ന്നു.”—മതത്തിന്റെ സർവവി​ജ്ഞാ​ന​കോ​ശം

[23-ാം പേജിലെ ചിത്രം]

പാഷണ്ഡികളുടെ കൂട്ട​ത്തോ​ടെ​യുള്ള ദഹിപ്പി​ക്ക​ലി​ന്റെ മരത്തി​ലുള്ള 15-ാം നൂററാ​ണ്ടി​ലെ ഈ കൊത്തു​പണി ചിത്രീ​ക​രി​ക്കു​ന്ന​പ്ര​കാ​രം കഴിഞ്ഞ​കാ​ലത്തെ വ്യാജ​മ​ത​ത്തി​ന്റെ രക്തപാ​തകം 20-ാം നൂററാ​ണ്ടി​ലെ അതിന്റെ രേഖയാൽ വളരെ​യ​ധി​കം മറച്ചു​ക​ള​യ​പ്പെ​ടു​ന്നു

[24-ാം പേജിലെ ചിത്രങ്ങൾ]

ഒന്നാം ലോക​മഹാ യുദ്ധകാ​ലത്ത്‌ ജർമ്മൻ പള്ളിമ​ണി​കൾ യുദ്ധോ​ദ്ദേശ്യ ങ്ങൾക്കായി ഉരുക്കി​മാ​റ​റ​പ്പെട്ടു

[കടപ്പാട്‌]

Bundesarchiv Koblenz