യുവജ​നങ്ങൾ ചോദി​ക്കു​ന്നു. . .

മോഡ​ലിംഗ്‌ ജീവി​ത​വൃ​ത്തി​ക​ളും സൗന്ദര്യ​മ​ത്സ​ര​ങ്ങ​ളും സംബന്ധി​ച്ചെന്ത്‌?

“കഴിഞ്ഞ വർഷം ന്യൂ​യോർക്കി​ലേക്കു യാത്ര​ചെ​യ്‌ത​പ്പോൾ ഹോട്ടൽ നടത്തുന്ന ഒരു വ്യക്തി ‘നിങ്ങൾ നിങ്ങളു​ടെ മകളെ ഒരു മോഡ​ലിംഗ്‌ സ്‌കൂ​ളിൽ ചേർക്കണം. . . . അവൾ സുന്ദരി​യാണ്‌’ എന്ന്‌ എന്റെ മമ്മി​യോ​ടു പറഞ്ഞു,” 12 വയസ്സു​കാ​രി​യായ ആമി അനുസ്‌മ​രി​ച്ചു.

സുമു​ഖ​രാ​യ നിരവധി ചെറു​പ്പ​ക്കാർക്ക്‌ സമാന​മായ അനുഭ​വങ്ങൾ ഉണ്ടായി​ട്ടുണ്ട്‌. 15 വയസു​കാ​രി​യായ റെസീന്‌ അവളെ​യും അവളുടെ ഇളയ സഹോ​ദ​രി​യെ​യും ഒരു മോഡ​ലിംഗ്‌ ജീവി​ത​വൃ​ത്തി​യിൽ തത്‌പ​ര​രാ​ക്കു​ന്ന​തിന്‌ ശ്രമിച്ച ഒരു മനുഷ്യ​നിൽനിന്ന്‌ ഒരു ഫോൺകോൾ ലഭിച്ചു. ദക്ഷിണാ​ഫ്രി​ക്ക​യിൽനി​ന്നുള്ള ഒരു യുവതിക്ക്‌ ഒരു സൗന്ദര്യ​മ​ത്സ​ര​ത്തിൽ പങ്കെടു​ക്കാൻ ക്ഷണം കിട്ടി. ആദായ​ക​ര​മായ ഈ വാഗ്‌ദാ​നങ്ങൾ പെൺകു​ട്ടി​കൾക്കു​മാ​ത്രം പരിമി​ത​പ്പെ​ട്ടി​രി​ക്കു​ന്നില്ല. ചെറു​പ്പ​മാ​യി​രുന്ന യോനാ​ഥാന്‌ ഒരു പുരുഷ മോഡ​ലെന്ന നിലയിൽ തൊഴിൽ വാഗ്‌ദാ​നം​ചെ​യ്യ​പ്പെട്ടു.

അതെ, ലോക​ത്തി​ലു​ട​നീ​ളം ചെറു​പ്പ​ക്കാ​രായ സ്‌ത്രീ​പു​രു​ഷൻമാ​രും എല്ലാ പ്രായ​ത്തി​ലു​മുള്ള കുട്ടി​ക​ളും മോഡ​ലിംഗ്‌ ജീവി​ത​വൃ​ത്തി​കൾക്കും സൗന്ദര്യ​പ്ര​ദർശ​ന​ങ്ങൾക്കും മററും റിക്രൂ​ട്ട്‌ചെ​യ്യ​പ്പെ​ടു​ക​യാണ്‌. ഐക്യ​നാ​ടു​ക​ളിൽത്തന്നെ ഓരോ വർഷവും ശതസഹ​സ്ര​ക്ക​ണ​ക്കിന്‌ സൗന്ദര്യ​മ​ത്സ​രങ്ങൾ നടത്ത​പ്പെ​ടു​ന്ന​താ​യി റിപ്പോർട്ടു​ചെ​യ്യ​പ്പെ​ടു​ന്നു. ജേതാ​ക്കൾക്ക്‌ രൊക്കം ആയിര​ക്ക​ണ​ക്കിന്‌ ഡോള​റും സമ്മാന​ങ്ങ​ളും സ്‌കോ​ളർഷി​പ്പു​ക​ളും കിട്ടുന്നു. ഒരു സൗന്ദര്യ​പ്ര​ദർശ​ന​ത്തിൽ ജയിക്കുന്ന ചുരു​ക്കം​ചി​ലർക്ക്‌ ആദായ​ക​ര​മായ വിനോദ, മോഡ​ലിംഗ്‌ ജീവി​ത​വൃ​ത്തി​കൾ കിട്ടാ​നി​ട​യാ​യി​ട്ടുണ്ട്‌.

ഒരു ചെറു​പ്പ​ക്കാ​രി ഇങ്ങനെ പ്രസ്‌താ​വി​ക്കു​ന്നു: “എന്റെ ജീവി​ത​ത്തി​ലെ​ല്ലാം ഒരു ഫാഷ്യൻമോ​ഡ​ലാ​യി​രി​ക്കാൻ ഞാൻ ആഗ്രഹി​ച്ചി​ട്ടുണ്ട്‌—സ്ഥലത്തെ മാസി​ക​കൾക്കും ഫാഷൻപ്ര​ദർശ​ന​ങ്ങൾക്കും വസ്‌ത്ര മോഡ​ലിംഗ്‌ നടത്തി​ക്കൊ​ണ്ടു​തന്നെ. കൂലി മണിക്കൂ​റിൽ 25 ഡോളർ മുതൽ 100 ഡോളർ വരെ വ്യത്യാ​സ​പ്പെ​ട്ടി​രി​ക്കു​ന്നു.” എന്നാൽ റിപ്പോർട്ട​നു​സ​രിച്ച്‌, ചില ഉയർന്ന മോഡ​ലു​കൾക്ക്‌ ദിവസം 2,500 ഡോളർ വരെ ശമ്പളം ലഭിക്കു​ന്നു. ആ സ്ഥിതിക്ക്‌ ചില ക്രിസ്‌തീയ യുവാക്കൾ തങ്ങളുടെ ആകാര​സൗ​ഷ്‌ഠവം കാശാ​ക്കി​മാ​റ​റാൻ പ്രേരി​പ്പി​ക്ക​പ്പെ​ട്ടി​രി​ക്കു​ന്നത്‌ ഒട്ടും അതിശ​യമല്ല. അത്തരം മുഖസ്‌തു​തി​പ​ര​മായ അവസരം നിങ്ങൾക്ക്‌ വാഗ്‌ദാ​നം​ചെ​യ്യ​പ്പെ​ട്ടാൽ നിങ്ങൾ എങ്ങനെ പ്രതി​ക​രി​ക്കും?

സൗന്ദര്യം പ്രയോ​ജ​ന​ക​ര​മാ​യി​രി​ക്കാൻ കഴിയും

യഹൂദ​ക​ന്യ​ക​യാ​യി​രുന്ന എസ്ഥേറി​നെ​ക്കു​റിച്ച്‌ അവൾ “രൂപലാ​വ​ണ്യ​വും കാഴ്‌ചക്ക്‌ സൗന്ദര്യ​വു​മു​ള്ളവൾ” ആയിരു​ന്നു​വെന്ന്‌ പറയ​പ്പെ​ട്ടി​രി​ക്കു​ന്നു. (എസ്ഥേർ 2:7) യഥാർത്ഥ​ത്തിൽ, അവൾ മനസ്സോ​ടെ​യ​ല്ലാ​തെ ഒരു സൗന്ദര്യ​മ​ത്സ​ര​ത്തിൽ പങ്കെടു​ത്തു​വെ​ന്നു​പോ​ലും നിങ്ങൾക്ക്‌ പറയാൻക​ഴി​യും. സാഹച​ര്യ​ങ്ങ​ളെ​ന്താ​യി​രു​ന്നു? വസ്ഥിരാ​ജ്ഞി കീഴവ​ഴ​ക്ക​മി​ല്ലായ്‌മ നിമിത്തം പദവി​യിൽ നിന്ന്‌ നീക്കം​ചെ​യ്യ​പ്പെ​ട്ടി​രു​ന്നു. യോഗ്യ​ത​യുള്ള ഒരു പകരക്കാ​രി​യെ കണ്ടെത്താൻ അഹശ്വ​രേശ്‌ രാജാവ്‌ സകല പ്രദേ​ശ​ങ്ങ​ളിൽനി​ന്നും ഏററം സൗന്ദര്യ​മുള്ള കന്യക​മാ​രെ ഒരുമി​ച്ചു​കൂ​ട്ടി. 12 മാസത്തെ ഒരു കാലഘ​ട്ട​ത്തിൽ ചെറു​പ്പ​ക്കാ​രി​കൾക്ക്‌ പ്രത്യേക ആഹാര​ക്രമം അനുവ​ദി​ക്കാ​നും ബാൾസം തൈല​വും മൂറും​കൊ​ണ്ടുള്ള ക്രമമായ തിരു​മ്മു​ന​ട​ത്താ​നും ഏർപ്പാ​ടു​ചെ​യ്‌തു. അനന്തരം ഓരോ പെൺകു​ട്ടി​യും ക്രമ​പ്ര​കാ​രം വിലയി​രു​ത്ത​പ്പെട്ടു. എസ്ഥേറി​ന്റെ ഊഴം വന്നപ്പോൾ അവൾ പുതിയ രാജ്ഞി​യാ​യി​രി​ക്കാൻ തെര​ഞ്ഞെ​ടു​ക്ക​പ്പെട്ടു!—എസ്ഥേർ 1:12–2:17.

എന്നാൽ എസ്ഥേർ പങ്കെടു​ത്ത​തെ​ന്തു​കൊ​ണ്ടാ​യി​രു​ന്നു? അവൾ വ്യർത്ഥ മഹത്വം തേടു​ന്ന​വ​ളാ​യി​രു​ന്നോ? അല്ലായി​രു​ന്നു. എസ്ഥേർ യഹോ​വ​യു​ടെ മാർഗ്ഗ​നിർദ്ദേശം അനുസ​രി​ക്കു​ക​യാ​യി​രു​ന്നു, അത്‌ അവൾ ദൈവ​ഭ​ക്ത​നാ​യി​രുന്ന മച്ചുന​നും രക്ഷാകർത്താ​വു​മാ​യി​രുന്ന മോർദ്ദെ​ഖാ​യി​യി​ലൂ​ടെ ആവർത്തി​ച്ചു തേടു​ന്നു​ണ്ടാ​യി​രു​ന്നു. (എസ്ഥേർ 4:5-17) ഹാമാൻ എന്നു പേരു​ണ്ടാ​യി​രുന്ന ഒരു ദുഷ്ട മനുഷ്യൻ ദൈവ​ജ​ന​മാ​യി​രുന്ന ഇസ്രാ​യേൽജ​ന​ത​യു​ടെ നാശത്തിന്‌ ഗൂഢാ​ലോ​ചന നടത്തു​ക​യാ​യി​രു​ന്നു. സൗന്ദര്യ​മ​ത്സരം എസ്ഥേറി​നെ ഈ ഗൂഢാ​ലോ​ച​നയെ വിഫല​മാ​ക്കാൻ കഴിയുന്ന ഒരു പ്രമുഖ സ്ഥാനത്ത്‌ എത്തിക്കാൻ യഹോ​വയെ അനുവ​ദി​ച്ചു. അങ്ങനെ എസ്ഥേറി​ന്റെ സൗന്ദര്യം സകല ദൈവ​ജ​ന​ത്തി​നും ഒരു അനു​ഗ്ര​ഹ​മെന്ന്‌ തെളിഞ്ഞു!

ഇന്ന്‌ എന്ത്‌? തീർച്ച​യാ​യും ഒരാളു​ടെ സൗന്ദര്യ​മല്ല ജീവി​ത​ത്തി​ലെ അതി​പ്ര​ധാ​ന​മായ സംഗതി.a എന്നിരു​ന്നാ​ലും, വിനയ​വും താഴ്‌മ​യും ഉള്ളപ്പോൾ ആകർഷ​ക​മായ ആകാര​സൗ​ഷ്‌ഠ​വ​ത്തിന്‌ ഒരു ആസ്‌തി​യാ​യി​രി​ക്കാൻ കഴിയും. എന്നിരു​ന്നാ​ലും, മോഡ​ലിം​ഗോ സൗന്ദര്യ​പ്ര​ദർശ​ന​ങ്ങ​ളി​ലെ പങ്കെടു​ക്ക​ലോ ആണോ ഈ ആസ്‌തി ഉപയോ​ഗി​ക്കു​ന്ന​തി​നുള്ള വിവേ​ക​പൂർവ​മായ മാർഗ്ഗം? അതോ, കീർത്തി​യു​ടെ​യും മഹത്വ​ത്തി​ന്റെ​യും അല്ലെങ്കിൽ ധനത്തി​ന്റെ​യും ആകർഷ​ണ​ത്തെ​ക്കാ​ളു​പ​രി​യാ​യി പരിഗ​ണി​ക്കേണ്ട വസ്‌തു​ത​ക​ളു​ണ്ടോ?

തിളക്ക​ത്തി​നു പിന്നിൽ

തീർച്ച​യാ​യും ഫാഷ്യൻ മോഡ​ലിം​ഗിന്‌ അതിന്റെ പകിട്ടുണ്ട്‌. നല്ല വേഷം, വിലപി​ടിച്ച ആഭരണങ്ങൾ, നല്ല ശമ്പളം, സഞ്ചാര​ത്തി​നും റെറലി​വി​ഷൻ പ്രദർശ​ന​ത്തി​നു​മുള്ള പ്രതീ​ക്ഷകൾ—എല്ലാം തികച്ചും വശ്യം​തന്നെ. മാത്ര​വു​മല്ല, മോഡ​ലിംഗ്‌ പരിശീ​ലനം അനേകം യുവതീ​യു​വാ​ക്കൻമാ​രെ ചാരു​ത​യോ​ടെ നടക്കാ​നും ആത്മ​ധൈ​ര്യ​ത്തോ​ടെ​യും സമചി​ത്ത​ത​യോ​ടെ​യും സംസാ​രി​ക്കാ​നും സഹായി​ച്ചി​ട്ടുണ്ട്‌. എന്നാൽ ക്രിസ്‌ത്യാ​നി​യെ സംബന്ധി​ച്ച​ട​ത്തോ​ളം പകിട്ടി​നും തിളക്ക​ത്തി​നും പ്രൗഡി​ക്കു​മ​തീ​ത​മാ​യി യഥാർത്ഥ അപകടങ്ങൾ പതിയി​രി​പ്പു​ണ്ടാ​യി​രി​ക്കാം.

മോഡ​ലിംഗ്‌ അതിൽത്തന്നെ ചീത്തയാ​ണെന്നല്ല. ചില മോഡ​ലിംഗ്‌ നേരുള്ള ഒരു ഉദ്ദേശ്യ​ത്തിന്‌ ഉതകു​ന്നുണ്ട്‌: ഒരു ഉല്‌പ​ന്നത്തെ ഹിതക​ര​മാ​ക്കാൻ. അതാണ്‌ മാസി​ക​ക​ളി​ലും ററിവി പരസ്യ​ങ്ങ​ളി​ലും നെയ്‌ൽപോ​ളീഷ്‌ പ്രദർശി​പ്പി​ക്കു​ന്ന​തിന്‌ അഴകുള്ള കൈകൾ ഉപയോ​ഗി​ക്ക​പ്പെ​ടു​ന്ന​തി​ന്റെ കാരണം. സമാന​മാ​യി, നല്ല രൂപഭം​ഗി​യുള്ള സ്‌ത്രീ​പു​രു​ഷൻമാർ വസ്‌ത്രങ്ങൾ പ്രദർശി​പ്പി​ക്കാൻ ഉപയോ​ഗി​ക്ക​പ്പെ​ടു​ന്നു. അങ്ങനെ​യുള്ള വേഷങ്ങൾ വിനീ​ത​മാ​യി​രി​ക്കു​ന്നു​വെ​ങ്കിൽ, അതിന്റെ മോഡ​ലാ​കു​ന്ന​തിന്‌ ഒരു ക്രിസ്‌ത്യാ​നിക്ക്‌ പ്രതി​ഫലം കിട്ടു​ന്ന​തിൽ പ്രതി​ഷേ​ധ​മി​ല്ലാ​യി​രി​ക്കാം.

എന്നിരു​ന്നാ​ലും, ഒഴിവാ​ക്കുക എപ്പോ​ഴും എളുപ്പ​മ​ല്ലാത്ത അനേകം പ്രശ്‌നങ്ങൾ മോഡ​ലിം​ഗിന്‌ സഹജമാ​യുണ്ട്‌. ദുഷ്ടാ​ന്ത​ത്തിന്‌, ക്രിസ്‌ത്യാ​നി​കൾക്ക്‌ അനുചി​ത​മോ അവിനീ​ത​മോ ആയ എന്തെങ്കി​ലും ധരിക്കാൻ നിങ്ങ​ളോട്‌ ആവശ്യ​പ്പെ​ട്ടാൽ നിങ്ങൾ എങ്ങനെ പ്രതി​ക​രി​ക്കും? അല്ലെങ്കിൽ ഒരു ഫോ​ട്ടൊ​ഗ്രാ​ഫർ ഒരു ദുഃസൂ​ച​ക​മായ, വശീക​ര​ണാ​ത്മ​ക​മായ, വിധത്തിൽ നിന്നു​കൊ​ടു​ക്കാൻ കൗശല​പൂർവ​ക​മാ​യി നിങ്ങളു​ടെ​മേൽ സമ്മർദ്ദം​ചെ​ലു​ത്തി​യാ​ലോ? മാത്ര​വു​മല്ല, ഫോ​ട്ടോ​കൾ എങ്ങനെ ഉപയോ​ഗി​ക്ക​പ്പെ​ടു​മെന്ന്‌ ഒരുവന്‌ എല്ലായ്‌പ്പോ​ഴും ഉറപ്പു​ണ്ടാ​യി​രി​ക്കാൻ കഴിയില്ല. ഉദാഹ​ര​ണ​ത്തിന്‌, ഫോ​ട്ടോ​കൾ വ്യാജ മത വിശേ​ഷ​ദി​വ​സ​ങ്ങളെ പ്രോൽസാ​ഹി​പ്പി​ക്കു​ന്ന​തോ അസാൻമാർഗ്ഗി​ക​മോ ആയ ഒരു സെററിം​ഗിൽ പ്രത്യ​ക്ഷ​പ്പെ​ട്ടേ​ക്കാം.

ഇനി അങ്ങനെ​യുള്ള ഒരു ജീവി​ത​വൃ​ത്തിക്ക്‌ ഒരാളു​ടെ വ്യക്തി​ത്വ​ത്തിൻമേൽ ഉണ്ടായി​രി​ക്കാൻ കഴിയുന്ന ഫലമുണ്ട്‌, നിഷേ​ധാ​ത്മക സ്വഭാ​വ​ല​ക്ഷ​ണങ്ങൾ വികസി​പ്പി​ക്കു​ന്ന​തി​നാൽതന്നെ. “ഹൃദയ​ത്തി​ന്റെ രഹസ്യ​വ്യ​ക്തി”ക്കു പകരം ഒരാളു​ടെ ബാഹ്യാ​കാ​ര​ത്തിന്‌ കൊടു​ക്കുന്ന തുടർച്ച​യായ ഊന്നൽ ചില ഫാഷ്യൻമോ​ഡ​ലു​കൾ അത്യധി​കം വ്യർത്ഥ​രാ​യി​ത്തീ​രാ​നി​ട​യാ​ക്കി​യി​ട്ടുണ്ട്‌. (1 പത്രോസ്‌ 3:4) കൂടാതെ, വിലപി​ടി​പ്പുള്ള വസ്‌ത്ര​വും ആഭരണ​വും മററും സഹിത​മുള്ള പ്രവർത്ത​ന​ത്തിന്‌ ഭൗതി​ക​ചിന്ത വേരു​പി​ടി​ക്കാ​നി​ട​യാ​ക്കാൻ കഴിയും.—1 തിമൊ​ഥെ​യോസ്‌ 6:10.

ഫാഷ്യൻ-മോഡ​ലിം​ഗ്‌തൊ​ഴി​ലിന്‌ ജീവി​ത​വൃ​ത്തി​യി​ലെ പുരോ​ഗ​മ​ന​ത്തി​നു പ്രതി​ഫ​ല​മാ​യി ലൈം​ഗി​കാ​നു​കൂ​ല്യ​ങ്ങൾക്ക്‌ നിർബന്ധം പിടി​ക്കുന്ന പുരു​ഷൻമാ​രും സ്‌ത്രീ​ക​ളു​മായ വ്യക്തി​കൾക്ക്‌ തന്നേത്തന്നെ വിധേ​യ​മാ​ക്കു​ന്ന​തി​ന്റെ കുപ്ര​സി​ദ്ധി​യു​മുണ്ട്‌. ഒരു മുൻ ഫാഷ്യൻമോ​ഡൽ പ്രസ്‌താ​വിച്ച പ്രകാരം: “തുറന്നു​പ​റ​ഞ്ഞാൽ നിങ്ങൾ എവി​ടെ​യെ​ങ്കി​ലും എത്തു​പെ​ട​ണ​മെ​ങ്കിൽ നിങ്ങൾ [ലൈം​ഗി​ക​മാ​യി] വഴങ്ങേ​ണ്ട​തുണ്ട്‌.” പുരുഷ മോഡ​ലു​ക​ളു​ടെ ഇടയിൽ സ്വവർഗ്ഗ​സം​ഭോ​ഗം പ്രാബ​ല്യ​ത്തി​ലുണ്ട്‌. ഇത്‌ എല്ലായ്‌പ്പോ​ഴും സത്യമ​ല്ലാ​യി​രി​ക്കാ​മെ​ങ്കി​ലും അത്‌ മററു തൊഴി​ലു​ക​ളെ​ക്കാൾ മോഡ​ലിം​ഗിൽ കൂടു​ത​ലാ​യുള്ള ഒരു പ്രശ്‌ന​മാണ്‌.

സൗന്ദര്യ​പ്ര​ദർശ​നങ്ങൾ

മേൽപ്ര​സ്‌താ​വി​ച്ച​തി​ല​ധി​ക​വും സൗന്ദര്യ​പ്ര​ദർശ​ന​ങ്ങ​ളെ​ക്കു​റി​ച്ചും പറയാൻക​ഴി​യും. എന്നിരു​ന്നാ​ലും, ശക്തമായ മത്സരത്തി​ന്റെ സമ്മർദ്ദ​വും കൂടു​ത​ലാ​യുണ്ട്‌. ഇത്‌ ചില മത്സരക്കാർ കൂട്ടു​മ​ത്സ​ര​ക്കാ​രെ കരുതി​ക്കൂ​ട്ടി അട്ടിമ​റി​ക്കുന്ന ഘട്ടംവരെ എത്തിച്ചി​ട്ടുണ്ട്‌. ഒരു റിപ്പോർട്ട​നു​സ​രിച്ച്‌, “ചില മത്സരക്കാർ വിജയ​ത്തി​നാ​യി വളരെ സാഹസി​ക​രാ​ക​യാൽ എതിരാ​ളി​യു​ടെ നീന്തൽവ​സ്‌ത്ര​ത്തിൽ ലിപ്‌സ്‌റ​റിക്ക്‌ പുരട്ടു​ക​യോ ‘അബദ്ധവ​ശാൽ’ അവരുടെ സന്ധ്യാ​ഗൗ​ണിൽ കോക്കു​കൊണ്ട്‌ കറപി​ടി​പ്പി​ക്കു​ക​യോ ചെയ്യാ​തി​രി​ക്കു​ന്നില്ല.”

കൂടാതെ, സൗന്ദര്യ​പ്ര​ദർശനം സംഘടി​പ്പി​ക്കു​ന്നവർ തങ്ങളുടെ സെയിൽസ്‌ പ്രതി​നി​ധി​ക​ളോ പൊതു​ജ​ന​സ​മ്പർക്ക പ്രതി​നി​ധി​ക​ളോ എന്ന നിലയിൽ പെൺകു​ട്ടി​ക​ളിൽനിന്ന്‌ സമഗ്ര​മായ പ്രതി​ജ്ഞാ​ബദ്ധത പ്രതീ​ക്ഷി​ക്കു​ന്നു. മിക്ക​പ്പോ​ഴും ഇത്‌ പ്രഭാ​തം​വരെ സാമൂ​ഹ്യ​സ​ഹ​വാ​സം ചെയ്യേ​ണ്ട​താ​വ​ശ്യ​മാ​ക്കി​ത്തീർക്കു​ന്നു. ഒരു ചെറു​പ്പ​ക്കാ​രി​യോട്‌ ഇങ്ങനെ പറയ​പ്പെട്ടു: “പ്രിയേ, നിങ്ങൾ ക്ഷീണി​തയല്ല. അത്‌ ഓർത്തി​രി​ക്കു​ക​മാ​ത്രം ചെയ്യുക. നിങ്ങളാണ്‌ ഒരു പാർട്ടിക്ക്‌ ആദ്യം വരേണ്ട​തും ഒടുക്കം പോ​കേ​ണ്ട​തും.” ഏററവും കുറച്ചു​പ​റ​ഞ്ഞാൽ, അതിന്‌ ക്രിസ്‌തീയ ചെറു​പ്പ​ക്കാ​രെ അനാശാ​സ്യ​മായ സഹവാ​സ​ത്തിന്‌ വിധേ​യ​രാ​ക്കാൻ കഴിയും, ഒരാൾ ഒരു അവിശ്വാ​സി​യു​മാ​യി പ്രേമാ​ത്മ​ക​മാ​യി ഉൾപ്പെ​ടു​ന്ന​തി​ലേക്കു നയിക്കാൻപോ​ലും കഴിയും.—2 കൊരി​ന്ത്യർ 6:14.

ഒടുവിൽ, സൗന്ദര്യ​മ​ത്സ​രങ്ങൾ റോമർ 1:25ലെ ബൈബിൾത​ത്വ​ത്തെ അവഗണി​ക്കു​ന്നു​വെന്ന വസ്‌തു​ത​യു​മുണ്ട്‌, അത്‌ ‘സൃഷ്ടി​ച്ച​വ​നെ​ക്കാൾ സൃഷ്ടിയെ ആദരി​ക്കു​ക​യും വിശു​ദ്ധ​സേ​വ​ന​മർപ്പി​ക്കു​ക​യും ചെയ്യു​ന്ന​വരെ’ കുററം​വി​ധി​ക്കു​ന്നു. (പ്രവൃ​ത്തി​കൾ 12:21-23 താരത​മ്യം​ചെ​യ്യുക.) ആ അടിസ്ഥാ​ന​ത്തിൽമാ​ത്രം ക്രിസ്‌തീയ ചെറു​പ്പ​ക്കാർ സ്‌കൂ​ളിൽ ചെറിയ തോതിൽ ആണെങ്കിൽപോ​ലും ഒരു സൗന്ദര്യ​മ​ത്സ​ര​ത്തിൽ പങ്കെടു​ക്കു​ന്ന​തിന്‌ വിസമ്മ​തി​ക്കു​ന്നത്‌ നല്ലതാണ്‌.

യഥാർത്ഥ​സൗ​ന്ദ​ര്യം

നേരത്തെ പ്രസ്‌താ​വിച്ച ചെറു​പ്പ​ക്കാർ തങ്ങളുടെ സ്വന്തം തീരു​മാ​നങ്ങൾ ചെയ്യു​ന്ന​തിൽ ഈ വസ്‌തു​തകൾ തൂക്കി​നോ​ക്കേ​ണ്ടി​വന്നു. ഒരു മോഡ​ലെന്ന നിലയിൽ തൊഴിൽചെ​യ്യു​ന്നത്‌ അതിൽത്തന്നെ തെററ​ല്ലാ​യി​രി​ക്കാ​മെ​ങ്കി​ലും ആമിയും റെസീ​നും അങ്ങനെ ചെയ്യാ​തി​രി​ക്കാൻ തീരു​മാ​നി​ച്ചു. അതു​പോ​ലെ യോനാ​ഥാൻ ഒരു പുരുഷ മോഡ​ലാ​യുള്ള തൊഴിൽ വേണ്ടെ​ന്നു​വെച്ചു, ഇപ്പോൾ മുഴു​സ​മ​യ​ശു​ശ്രൂ​ഷ​യാ​കുന്ന ജീവി​ത​വൃ​ത്തി പിന്തു​ടർന്നു​കൊണ്ട്‌ യഹോ​വ​യു​ടെ സാക്ഷി​ക​ളു​ടെ ലോക ആസ്ഥാനത്ത്‌ സേവി​ക്കു​ക​യു​മാണ്‌. എന്നാൽ സുമു​ഖി​യായ മറെറാ​രു പെൺകു​ട്ടി സൗന്ദര്യ​മ​ത്സ​ര​ങ്ങ​ളിൽ ചേർന്ന്‌ രണ്ട്‌ സമ്മാനങ്ങൾ നേടി. ഇപ്പോൾ അവൾ മേലാൽ ക്രിസ്‌തീയ യോഗ​ങ്ങൾക്ക്‌ ഹാജരാ​കു​ന്നില്ല. “ആകർഷ​ക​വും സുന്ദര​വു​മാ​യ​തെ​ല്ലാം എല്ലായ്‌പ്പോ​ഴും നല്ലതല്ല; എന്നാൽ നല്ലത്‌ എല്ലായ്‌പ്പോ​ഴും സുന്ദര​മാണ്‌” എന്ന മൊഴി എത്ര സത്യം.

നാം എസ്ഥേറി​നെ​ക്കു​റിച്ച്‌ വീണ്ടും അനുസ്‌മ​രി​പ്പി​ക്ക​പ്പെ​ടു​ന്നു. അവളുടെ ശാരീ​രിക സൗന്ദര്യം നിമിത്തം അവൾ ഒരു പത്‌നി​ക്കു​വേണ്ടി രാജാവ്‌ സംഘടി​പ്പി​ച്ച​വ​രിൽ ഉൾപ്പെട്ടു. എന്നിരു​ന്നാ​ലും അവളുടെ എളിമ​യും കീഴ്‌വ​ഴ​ക്ക​വും അനുസ​ര​ണ​വും അത്യാ​ഗ്ര​ഹ​മി​ല്ലാ​യ്‌മ​യു​മാ​യി​രു​ന്നു അവളെ യഥാർത്ഥ​ത്തിൽ സുന്ദരി​യാ​ക്കി​യത്‌. (എസ്ഥേർ 2:13, 15-17) അവൾ പത്രോ​സി​ന്റെ വാക്കു​കളെ ഉദാഹ​രി​ച്ചു: “നിങ്ങളു​ടെ അലങ്കാരം തലമു​ടി​യു​ടെ ബാഹ്യ​പി​ന്ന​ലും സ്വർണ്ണാ​ഭ​ര​ണ​ങ്ങ​ള​ണി​യു​ന്ന​തും അല്ലെങ്കിൽ ബാഹ്യ​വ​സ്‌ത്ര​ങ്ങ​ള​ണി​യു​ന്ന​തു​മാ​യി​രി​ക്കാൻ അനുവ​ദി​ക്ക​രുത്‌, എന്നാൽ ശാന്തവും സൗമ്യ​വു​മായ ആത്മാവാ​കുന്ന അക്ഷയ​വേ​ഷ​ത്തി​ലുള്ള ഹൃദയ​ത്തി​ന്റെ രഹസ്യ വ്യക്തി​യാ​യി​രി​ക്കട്ടെ, അതിന്‌ ദൈവ​ത്തി​ന്റെ ദൃഷ്ടി​യിൽ വലിയ വിലയുണ്ട്‌.” (1 പത്രോസ്‌ 3:3, 4) ഒടുവിൽ, ഈ ക്രിസ്‌തീയ ഗുണങ്ങ​ളു​ടെ നട്ടുവ​ളർത്ത​ലി​നാണ്‌ ശാരീ​രി​ക​സൗ​ന്ദ​ര്യ​ത്തി​ന്റെ അല്‌പാ​യു​സ്സായ പ്രതി​ഫ​ല​ങ്ങ​ളെ​ക്കാൾ വളരെ കൂടുതൽ നേട്ടമു​ണ്ടാ​കു​ന്നത്‌. (g90 1⁄8)

[അടിക്കു​റി​പ്പു​കൾ]

[12-ാം പേജിലെ ചിത്രങ്ങൾ]

ക്രിസ്‌തീയ ഗുണങ്ങൾക്കാണ്‌ ശാരീ​രിക സൗന്ദര്യ​ത്തി​ന്റെ അല്‌പാ​യു​സ്സായ പ്രതിഫല ങ്ങളെക്കാൾ വലിയ നേട്ടമു​ണ്ടാ​കു​ന്നത്‌