ഒരു ശുദ്ധമാ​യ ഭൂ​മി—നമുക്ക്‌ അത്‌ ആവശ്യം

ബ്രിട്ടനിലെ ഉണരുക! ലേഖകൻ

ലണ്ടനിലെ ടാക്‌സി ഡ്രൈ​വർമാർ തങ്ങളുടെ കാറുകൾ ശുദ്ധി​യാ​യി സൂക്ഷി​ക്കാൻ നിയമ​പ​ര​മാ​യി ബാദ്ധ്യ​സ്ഥ​രാ​ണെന്ന്‌ നിങ്ങൾ അറിഞ്ഞി​ട്ടു​ണ്ടോ? ഇതിൽ വീഴ്‌ച വരുത്തി​യാൽ അവർ നഗരത്തി​ലെ തെരു​വു​ക​ളിൽ നിന്ന്‌ ഒരു കാലഘ​ട്ട​ത്തേക്കു നിരോ​ധി​ക്ക​പ്പെ​ട്ടേ​ക്കാം. റോഡു​കൾ മോശ​മാ​യി​രി​ക്കു​മ്പോ​ഴും മിക്ക സ്വകാര്യ കാറു​ക​ളും ദിവസ​ങ്ങ​ളോ​ളം അഴുക്കാ​യി​രി​ക്കു​മ്പോ​ഴും ലണ്ടൻ ടാക്‌സി കാർ പൊടി​പോ​ലു​മി​ല്ലാ​തെ ശുചി​യാ​യി​രി​ക്കും. തിളങ്ങുന്ന വാഹനം അതിന്റെ ഡ്രൈ​വ​റി​ലും അയാളു​ടെ യാത്ര​ക്കാ​രി​ലും അഭിമാ​ന​വും ആഹ്ലാദ​വും ഉളവാ​ക്കു​ന്നു.

അപ്രകാ​രം നമ്മുടെ ഭവനവും വസ്‌ത്ര​ങ്ങ​ളും നമ്മുടെ വസ്‌തു​വ​ക​ക​ളും ശുചി​യാ​യി​രി​ക്കു​മ്പോൾ അത്‌ നമ്മിൽ ഐശ്വ​ര്യ​ത്തി​ന്റെ ഒരു അനുഭൂ​തി ഉളവാ​ക്കു​ന്നു. സ്‌കൂ​ളിൽ നിന്നു മടങ്ങി​വന്ന്‌ അഴുക്കു പുരണ്ട ചെരി​പ്പു​മാ​യി വീട്ടിൽ കയറി കാർപ്പ​റ​റിൽ ചെളി​യാ​ക്കുന്ന ബാലന്‌ അമ്മയിൽ നിന്നു ശിക്ഷ കിട്ടി​യതു തന്നെ!

യഥാർത്ഥ​ത്തിൽ നല്ല ആരോ​ഗ്യം വ്യക്തി​പ​ര​മായ ശുചി​ത്വ​ത്തിൽ വളരെ​യേറെ ആശ്രയി​ച്ചി​രി​ക്കു​ന്നു. രോഗ​ത്തി​നു നിദാ​ന​മാ​കാ​വുന്ന അഴുക്ക്‌ നീക്കം ചെയ്യാൻ നമ്മുടെ ശരീര​ത്തി​നു ക്രമമായ ശ്രദ്ധയും ശുചി​യാ​ക്ക​ലും അനിവാ​ര്യ​മാണ്‌. നമ്മെത്ത​ന്നെ​യും നമ്മുടെ അടുത്ത ചുററു​പാ​ടു​ക​ളും ശുചി​യാ​ക്കി സൂക്ഷി​ക്കാൻ നാം ഉപയോ​ഗി​ക്കുന്ന ശുചീ​കരണ വസ്‌തു​ക്ക​ളും ഡിററർജൻറു​ക​ളും പോളീഷ്‌, സോപ്പ്‌, ഷാമ്പു, അണുനാ​ശി​നി​കൾ എന്നിവ​യും വിൽക്കുന്ന വാണിജ്യ സ്ഥാപനങ്ങൾ വമ്പിച്ച ലാഭം ഉണ്ടാക്കു​ന്നു. തീർച്ച​യാ​യും മിക്കവാ​റും എല്ലാവ​രും ശുചി​ത്വ​ത്തി​ന്റെ ആവശ്യ​ത്തെ​ക്കു​റി​ച്ചു ബോധ​മു​ള്ള​വ​രാണ്‌. എന്നാൽ നിങ്ങൾ ഒരു നഗരത്തിൽ വസിക്കു​ന്നു​വെ​ങ്കിൽ കഥ മുഴുവൻ ഇങ്ങനെയല്ല എന്ന്‌ നിങ്ങൾക്ക​റി​യാം.

അപകടം—മലിനീ​ക​ര​ണം

മലിനീ​ക​ര​ണ​ത്തെ​യും അഴുക്കായ പരിസ​ര​ത്തെ​യും​കു​റിച്ച്‌ നഗരവാ​സി​കൾ ബോധ​വാൻമാ​രാണ്‌. നീക്കം ചെയ്യ​പ്പെ​ടാത്ത ചവറു​കൂ​നകൾ, തെരു​വു​ക​ളി​ലെ​റി​ഞ്ഞി​രി​ക്കുന്ന അവശി​ഷ്ടങ്ങൾ, പൊതു​മ​ന്ദി​ര​ങ്ങ​ളിൻമേ​ലുള്ള വൃത്തി​ഹീ​ന​മായ എഴുത്തു​കൾ ഇവയെ​ല്ലാം അവർ കാണുന്നു. അസംഖ്യം വാഹന​ങ്ങ​ളിൽ നിന്നുള്ള ശ്വാസം മുട്ടി​ക്കുന്ന പുകയും ചില നഗരങ്ങൾക്ക്‌ ഒരു ബാധയാ​യി​തീർന്നി​രി​ക്കുന്ന തീക്ഷ്‌ണ​മായ പുകമ​ഞ്ഞും നഗരവാ​സി​ക​ളു​ടെ നാസാ​ര​ന്ധ്രങ്ങൾ തുളച്ചു കയറുന്നു.

ഇക്കാര​ണ​ത്താ​ലാണ്‌ നഗരങ്ങ​ളിൽ വസിക്കുന്ന അനേക​രും ചില​പ്പോ​ഴൊ​ക്കെ നാട്ടിൻപു​റ​ങ്ങ​ളിൽ തങ്ങാൻ ശ്രമി​ക്കു​ന്നത്‌. ശ്വാസ​കോ​ശങ്ങൾ ശുദ്ധമായ വായു​കൊ​ണ്ടു നിറക്കു​ന്ന​തും ഒരു കാട്ടരു​വി​യിൽ നിന്നു സ്‌ഫടി​ക​സ​മാ​ന​മായ ജലം കുടി​ക്കു​ന്ന​തും അവർക്കാ​സ്വാ​ദ്യ​ക​ര​മാണ്‌. മററു​ള്ളവർ ബീച്ചിൽ പോയി മണലിൽ വിശ്ര​മി​ക്കു​ന്ന​തി​നും കടലിൽ തണുത്ത ഒരു കുളി ആസ്വദി​ക്കു​ന്ന​തി​നും ഇഷ്ടപ്പെ​ടു​ന്നു.

എന്നാൽ ഒരു നിമിഷം നിൽക്കൂ! ചെളി​യും മാലി​ന്യ​ങ്ങ​ളും അവി​ടെ​യും എത്തി. ‘അതെങ്ങനെ’ എന്ന്‌ നിങ്ങൾ ചോദി​ക്കും. ‘അത്‌ വളരെ തെളി​ഞ്ഞ​തല്ലേ?’ കൊള്ളാം, നമുക്ക്‌ ആ “ശുദ്ധ” വായു​വി​നെ​യും “തെളിഞ്ഞ” വെള്ള​ത്തെ​യും അടു​ത്തൊ​ന്നു വീക്ഷി​ക്കാം. (g90 5/8)