മാനുഷ ഭരണം തുലാ​സിൽ തൂക്ക​പ്പെ​ട്ടി​രി​ക്കു​ന്നു

ഭാഗം 8 ഇരുമ്പി​ന്റെ​യും ഈർപ്പ​മുള്ള കളിമ​ണ്ണി​ന്റെ​യും ഒരു രാഷ്‌ട്രീയ മിശ്രി​തം

ദേശീയത്വം: ഒരു ദേശത്തെ മറെറ​ല്ലാ​റ​റി​നേ​ക്കാ​ളും മേലായി ഉയർത്തു​ക​യും അതിന്റെ സംസ്‌കാ​ര​ത്തി​ന്റെ​യും താല്‌പ​ര്യ​ത്തി​ന്റെ​യും ഉന്നമനം മററു​ള്ള​വ​യു​ടെ മുമ്പിൽവെ​ക്കു​ക​യും ചെയ്യുന്ന ദേശീയ ബോധ​ത്തി​ന്റെ ഒരു മനോ​ഭാ​വം; 18-ാം നൂററാ​ണ്ടി​ന്റെ അവസാ​ന​ത്തി​ങ്കൽ ആദ്യമാ​യി പ്രത്യ​ക്ഷ​മാ​യ​തും എന്നാൽ 20-ാം നൂററാ​ണ്ടിൽ അതിന്റെ പരമകാ​ഷ്‌ഠ​യിൽ എത്തിയി​രി​ക്കു​ന്ന​തു​മായ ഒരു സങ്കല്‌പനം.

പ്രതി​സ​ന്ധി​യിൽ നിന്ന്‌ പ്രതി​സ​ന്ധി​യി​ലേക്ക്‌ നിസ്സഹാ​യ​മാ​യി പ്രാഞ്ചി​പ്പൊ​യ്‌ക്കൊണ്ട്‌ മാനു​ഷിക ഗവൺമെൻറു​കൾ മനുഷ്യ സമുദാ​യ​ത്തിന്‌ ഭദ്രത കൈവ​രു​ത്തു​ന്ന​തിൽ പരാജ​യ​പ്പെ​ട്ടു​കൊ​ണ്ടി​രി​ക്കു​ക​യാണ്‌. മുൻ അമേരി​ക്കൻ പ്രസി​ഡൻറ്‌ ജിമ്മി കാർട്ട​റു​ടെ ദേശീയ സുരക്ഷാ ഉപദേ​ഷ്ടാ​വാ​യി​രുന്ന സിഗ്‌നേവ്‌ ബ്രെസിൻസ്‌കി പറയു​ന്ന​ത​നു​സ​രിച്ച്‌ ഈ സാഹച​ര്യം ഉടനെ​യെ​ങ്ങും മാറു​ക​യില്ല.

“നമ്മുടെ ശിഥി​ല​മാ​ക്ക​പ്പെ​ട്ടു​കൊ​ണ്ടി​രി​ക്കുന്ന ലോകം” എന്ന തലക്കെ​ട്ടിൽ 1985-ൽ പ്രസി​ദ്ധീ​ക​രിച്ച ഒരു ലേഖനം തയ്യാറാ​ക്കി​ക്കൊ​ണ്ടി​രു​ന്ന​പ്പോൾ പത്ര​പ്ര​വർത്ത​ക​യായ ജോർജ്ജി ആൻ ഗെയർ മററ്‌ ലോക​നേ​താ​ക്ക​ളോ​ടൊ​പ്പം ബ്രെസിൻസ്‌കി​യു​മാ​യും അഭിമു​ഖ​സം​ഭാ​ഷണം നടത്തി. അതിൽ ബ്രെസിൻസ്‌കി ഇങ്ങനെ പറഞ്ഞതാ​യി അവർ ഉദ്ധരിച്ചു: “അന്തർദ്ദേ​ശീയ അസ്ഥിര​ത​യു​ള​വാ​ക്കുന്ന ഘടകങ്ങൾ കൂടുതൽ സംഘടി​ത​മായ സഹകര​ണ​ത്തി​നാ​യി പ്രവർത്തി​ക്കുന്ന ശക്തിക​ളു​ടെ​മേൽ ചരി​ത്ര​പ​ര​മായ ആധിപ​ത്യം നേടി​ക്കൊ​ണ്ടി​രി​ക്കു​ക​യാണ്‌. ലോക​ത്തി​ന്റെ ചായ്‌വു​ക​ളെ​ക്കു​റി​ച്ചുള്ള ഏത്‌ സ്വതന്ത്ര അപഗ്ര​ഥ​ന​ത്തി​ന്റെ​യും ഒഴിച്ചു​കൂ​ടാ​നാ​വാത്ത നിർണ്ണയം, ഈ നൂററാ​ണ്ടി​ന്റെ ശേഷിച്ച കാലത്ത്‌ സാമൂ​ഹിക പ്രക്ഷു​ബ്ധ​ത​ക​ളും രാഷ്‌ട്രീയ അസ്വാ​സ്ഥ്യ​ങ്ങ​ളും സാമ്പത്തിക പ്രതി​സ​ന്ധി​ക​ളും അന്തർദ്ദേ​ശീയ ഉരസലു​ക​ളും കൂടുതൽ വ്യാപ​ക​മാ​കാ​നാണ്‌ സാധ്യത എന്നതാണ്‌.”

തീർച്ച​യാ​യും നിരു​ത്സാ​ഹ​പ്പെ​ടു​ത്തുന്ന ഒരു പ്രവചനം തന്നെ, എന്നാൽ ബൈബിൾ വിദ്യാർത്ഥി​കളെ അതിശ​യി​പ്പി​ക്കുന്ന ഒന്നല്ല. ഇതേ സാഹച​ര്യം തന്നെ വളരെ മുമ്പ്‌ പ്രവചി​ക്ക​പ്പെ​ട്ടി​രു​ന്നു. എപ്പോൾ? എവിടെ?

ഒരു സ്വപ്‌ന​ത്താൽ സ്‌തബ്ധൻ

നമ്മുടെ പൊതു​യു​ഗ​ത്തി​നു മുമ്പ്‌ 624 മുതൽ 582 വരെ ബാബി​ലോൻ രാജാ​വാ​യി​രുന്ന നെബു​ഖ​ദ്‌നേസർ ഒരു സ്വപ്‌ന​ത്താൽ അസ്വസ്ഥ​നാ​ക്ക​പ്പെട്ടു. അതിൽ അവൻ വലിപ്പ​മേ​റിയ ഒരു പ്രതിമ കണ്ടു; അതിന്റെ തല തങ്കം കൊണ്ടും നെഞ്ചും കൈക​ളും വെള്ളി കൊണ്ടും വയറും തുടക​ളും താമ്രം കൊണ്ടും കാലുകൾ ഇരുമ്പു കൊണ്ടും കാൽപാ​ദ​ങ്ങ​ളും കാൽവി​ര​ലു​ക​ളും ഇരുമ്പും കളിമ​ണ്ണും കൂടി​ക്ക​ലർന്ന മിശ്രി​തം​കൊ​ണ്ടും ഉള്ളതാ​യി​രു​ന്നു. ദൈവ​ത്തി​ന്റെ പ്രവാ​ച​ക​നാ​യി​രുന്ന ദാനി​യേൽ നെബു​ഖ​ദ്‌നേ​സ​റി​നോട്‌ പ്രതി​മ​യു​ടെ സൂചി​താർത്ഥം ഇങ്ങനെ വിശദീ​ക​രി​ച്ചു: “രാജാവേ . . . പൊന്നു​കൊ​ണ്ടുള്ള തല തിരു​മ​ന​സ്സു​കൊ​ണ്ടു തന്നേ. തിരു​മ​ന​സ്സി​ലെ ശേഷം തിരു​മേ​നി​യെ​ക്കാൾ താണതായ മറെറാ​രു രാജത്വ​വും സർവ്വ ഭൂമി​യി​ലും വാഴു​വാ​നി​രി​ക്കു​ന്ന​താ​യി താമ്രം കൊണ്ടുള്ള മൂന്നാ​മ​തൊ​രു രാജത്വ​വും ഉത്ഭവി​ക്കും.” അതു​കൊണ്ട്‌, വ്യക്തമാ​യും ആ പ്രതി​മക്ക്‌ മാനു​ഷിക ഗവൺമെൻറു​ക​ളു​മാ​യി ബന്ധമു​ണ്ടാ​യി​രു​ന്നു.—ദാനി​യേൽ 2:37-39.

ദാനി​യേ​ലി​ന്റെ കാലത്തി​നു മുമ്പ്‌ ഈജി​പ്‌റ​റും അശ്ശൂരും ബൈബി​ളി​ന്റെ ഗ്രന്ഥകർത്താ​വി​ന്റെ തിര​ഞ്ഞെ​ടു​ക്ക​പ്പെട്ട ജനമായ ഇസ്ര​യേ​ലി​നെ പീഡി​പ്പി​ച്ചി​രു​ന്നു. (പുറപ്പാട്‌ 19:5) ബൈബി​ളി​ന്റെ പശ്ചാത്ത​ല​ത്തിൽ ഇത്‌ അവയെ ലോക​ശ​ക്തി​ക​ളാ​ക്കി, വാസ്‌ത​വ​ത്തിൽ, ബൈബിൾ പ്രതി​പാ​ദി​ക്കുന്ന ഏഴെണ്ണ​ത്തി​ന്റെ ഒരു പരമ്പര​യിൽ ആദ്യത്തേവ തന്നെ. (വെളി​പ്പാട്‌ 17:10) അതിനു​ശേഷം, ദാനി​യേ​ലി​ന്റെ നാളു​ക​ളിൽ ഇസ്ര​യേ​ല്യ​രെ പരദേ​ശി​ക​ളാ​കാൻ നിർബ​ന്ധി​ത​രാ​ക്കി​ക്കൊണ്ട്‌ ബാബി​ലോൻ യെരൂ​ശ​ലേ​മി​നെ നശിപ്പി​ച്ചു. അങ്ങനെ ബാബി​ലോൻ ഈ ലോക​ശ​ക്തി​ക​ളിൽ മൂന്നാ​മ​ത്തേ​താ​യി, ഈ വിഷയ​ത്തിൽ “തങ്കം കൊണ്ടുള്ള തല” എന്ന്‌ കൃത്യ​മാ​യും പരാമർശി​ക്ക​പ്പെ​ട്ടു​കൊ​ണ്ടു തന്നെ. അതിനു​ശേഷം വരേണ്ടി​യി​രുന്ന ലോക​ശ​ക്തി​കൾ മേദോ-പേർഷ്യ​യും, ഗ്രീസും, റോമും, അന്തിമ​മാ​യി ആംഗ്ലോ-അമേരി​ക്ക​യും ആണെന്ന്‌ ബൈബി​ളും ലൗകിക ചരി​ത്ര​വും തിരി​ച്ച​റി​യി​ക്കു​ന്നു.a

ഈ രാഷ്‌ട്ര​ങ്ങളെ ബൈബിൾ ലോക​ശ​ക്തി​ക​ളാ​യാണ്‌ തരം തിരി​ക്കു​ന്നത്‌, കാരണം അവക്ക്‌ ദൈവ​ജ​ന​വു​മാ​യി ഇടപാ​ടു​ണ്ടാ​യി​രു​ന്നു, ദൈവ​ത്തി​ന്റെ ഈ ദാസൻമാർ പിന്തുണച്ച ദിവ്യ​ഭ​ര​ണത്തെ അവ എതിർക്കു​ക​യും ചെയ്‌തി​രു​ന്നു. തന്റെ രാജ്യ​ത്തി​ന്റെ അന്ത്യത്തി​നു​ശേ​ഷം​പോ​ലും ദിവ്യ​പ​ര​മാ​ധി​കാ​ര​ത്തി​നെ​തി​രെ മാനു​ഷിക ഗവൺമെൻറു​കൾ എങ്ങനെ തുടർന്നു​പ്ര​വർത്തി​ക്കു​മെന്ന്‌ നെബൂ​ഖ​ദ്‌നേസർ കണ്ട പ്രതിമ നന്നായി ചിത്രീ​ക​രി​ച്ചു. പ്രതി​മ​യു​ടെ വിവിധ ഭാഗങ്ങ​ളാൽ ചിത്രീ​ക​രി​ക്ക​പ്പെട്ട ലോക​ശ​ക്തി​ക​ളു​ടെ ക്രമം തലയിൽനി​ന്നു തുടങ്ങി താഴേക്ക്‌ വന്നു. ദാനി​യേൽ പ്രകട​മാ​ക്കി​യ​തു​പോ​ലെ, യുക്ത്യാ​നു​സൃ​തം അപ്പോൾ പാദങ്ങ​ളും വിരലു​ക​ളും “അന്ത്യകാ​ലത്ത്‌” സ്ഥിതി ചെയ്യാ​നി​രുന്ന മാനു​ഷിക ഭരണത്തി​ന്റെ വെളി​പ്പെ​ടു​ത്ത​ലു​കളെ പ്രതീ​ക​പ്പെ​ടു​ത്തു​മാ​യി​രു​ന്നു. അപ്പോൾ നാം എന്തു പ്രതീ​ക്ഷി​ക്കണം?—ദാനി​യേൽ 2:41, 42; 12:4.

‘പത്ത്‌ കാൽവി​ര​ലു​കൾ’

ഒരു ലോക​ശ​ക്തി​യാൽതന്നെ പീഡി​പ്പി​ക്ക​പ്പെ​ടാൻ കഴിയ​ത്ത​ക്ക​വണ്ണം ദൈവ​ത്തി​ന്റെ ദാസൻമാർ മേലാൽ ഒരു ദേശത്തോ ഒരു സ്ഥലത്തോ ആയി പരിമി​ത​പ്പെ​ട്ടി​രി​ക്കു​ന്നില്ല. (പ്രവൃ​ത്തി​കൾ 1:8; 10:34, 35) എല്ലാ ദേശങ്ങ​ളി​ലെ​യും അംഗങ്ങ​ളെന്ന നിലയിൽ, എല്ലാത്തരം ഗവൺമെൻറി​ലെ​യും പൗരൻമാ​രെന്ന നിലയിൽ അന്ത്യകാ​ലം ആരംഭി​ച്ചി​രി​ക്കു​ന്നെ​ന്നും മാനു​ഷിക ഭരണത്തിന്‌ അവസരം കഴി​ഞ്ഞെ​ന്നും പെട്ടെന്നു തന്നെ ദിവ്യ​ഭ​ര​ണ​ത്താൽ മാററി​പ്ര​തി​ഷ്‌ഠി​ക്ക​പ്പെ​ടു​മെ​ന്നും അവർ ഉത്സാഹ​ത്തോ​ടെ വിളം​ബരം ചെയ്യുന്നു.b അങ്ങനെ, അവർ പ്രഖ്യാ​പി​ക്കുന്ന ഈ ധീരമായ സന്ദേശത്തെ നിലവി​ലി​രി​ക്കുന്ന എല്ലാ രാഷ്‌ട്രീയ ശക്തിക​ളും അഭിമു​ഖീ​ക​രി​ക്കു​ന്നു. ബൈബി​ളിൽ ഉപയോ​ഗി​ച്ചി​രി​ക്കുന്ന പ്രകാരം “പത്ത്‌” എന്ന സംഖ്യ ഉചിത​മാ​യും ഭൗമിക കാര്യങ്ങൾ സംബന്ധി​ച്ചുള്ള പൂർണ്ണ​തയെ സൂചി​പ്പി​ക്കു​ന്നു. അതു​കൊണ്ട്‌, യുക്ത്യാ​നു​സൃ​തം അന്ത്യകാ​ലത്ത്‌ ദിവ്യ പരമാ​ധി​കാ​ര​ത്തോട്‌ ഏകീകൃ​ത​മാ​യി എതിർത്തി​ട്ടുള്ള എല്ലാ രാഷ്‌ട്രീയ മാനുഷ ഭരണങ്ങ​ളെ​യു​മാണ്‌ പ്രതി​മ​യു​ടെ ‘പത്തു കാൽവി​ര​ലു​കൾ’ പ്രതി​നി​ധീ​ക​രി​ക്കു​ന്നത്‌.

ഈ മുൻകൂ​ട്ടി​പ്പ​റ​യ​പ്പെട്ട കാലയ​ള​വി​ന്റെ ആരംഭ​ത്തി​ലു​ണ്ടാ​യി​രുന്ന രാഷ്‌ട്രീയ സ്ഥിതി എന്തായി​രു​ന്നു? 1800-ൽ യൂറോ​പ്യൻ രാജ്യങ്ങൾ ഭൂമി​യു​ടെ ഉപരി​ത​ല​ത്തി​ന്റെ 35 ശതമാ​നത്തെ നിയ​ന്ത്രി​ച്ചു, എന്നാൽ 1914-ൽ ആ സംഖ്യ 84 ശതമാ​ന​ത്തി​ല​ധി​ക​മാ​യി വർദ്ധിച്ചു! ദി കോളിൻസ്‌ അററ്‌ലസ്‌ ഓഫ്‌ വേൾഡ്‌ ഹിസ്‌റ​ററി ഇങ്ങനെ കുറി​ക്കൊ​ണ്ടു, “1914-ലെ യുദ്ധത്തിന്‌ തൊട്ടു​മുമ്പ്‌, ഒരുപ​ററം വൻശക്തി​കൾക്കി​ട​ക്കുള്ള ലോക​ത്തി​ന്റെ വിഭജനം മിക്കവാ​റും പൂർത്തി​യാ​യ​താ​യി തോന്നി.” വാസ്‌ത​വ​ത്തിൽ, “അധികം താമസി​യാ​തെ അര ഡസൻ ശക്തിക​ളാൽ മുഴു​ലോ​ക​വും ഭരിക്ക​പ്പെ​ടും” എന്നു തോന്നി​യ​താ​യി ഇംഗ്ലണ്ടി​ലുള്ള യൂണി​വേ​ഴ്‌സി​ററി ഓഫ്‌ എസ്സെക്‌സി​ലെ ചരി​ത്രാ​ദ്ധ്യാ​പ​ക​നായ ഹഗ്‌ ബ്രോഗൻ പറയുന്നു.

അക്ഷരാർത്ഥ​ത്തിൽ വെറും “അര ഡസനിൽ” അധികം വരാത്ത ലോക ഗവൺമെൻറു​ക​ളു​ടെ ആകെത്തു​കയെ ചിത്രീ​ക​രി​ക്കാൻ ‘പത്തു കാൽവി​ര​ലു​കളെ’ ഉപയോ​ഗി​ക്കു​ന്നത്‌ ഒട്ടും തന്നെ യുക്തി​പൂർവ​മാ​ണെന്നു തോന്നു​ന്നില്ല. അതു​കൊണ്ട്‌, പ്രവച​ന​ത്തി​ന്റെ നിവൃ​ത്തി​യെ​ന്ന​വണ്ണം ഈ ‘പത്തു കാൽവി​ര​ലു​കൾ’ക്ക്‌ ഒരു യഥാർത്ഥ അർത്ഥം ലഭിക്ക​ണ​മാ​യി​രു​ന്നെ​ങ്കിൽ 1914-ൽ സ്ഥിതി​ചെ​യ്‌തി​രുന്ന രാഷ്‌ട്രീയ സാഹച​ര്യം മാറേ​ണ്ടി​യി​രു​ന്നു.

ആയിര​ത്തി​ത്തൊ​ള്ളാ​യി​രങ്ങൾ ഉദിച്ചു​യർന്ന​പ്പോൾ, ലോകം കണ്ടിട്ടു​ള്ള​തിൽ വെച്ച്‌ ഏററവും വലിയ സാമ്രാ​ജ്യ​മായ ബ്രിട്ടീഷ്‌ സാമ്രാ​ജ്യം ഭൂമി​യി​ലുള്ള ഓരോ നാലു​പേ​രി​ലും ഒരാളെ വെച്ച്‌ ഭരിച്ചു. മററു യൂറോ​പ്യൻ സാമ്രാ​ജ്യ​ങ്ങൾ വേറെ ദശലക്ഷ​ങ്ങ​ളെ​യും നിയ​ന്ത്രി​ച്ചു. എന്നാൽ ഒന്നാം ലോക​മ​ഹാ​യു​ദ്ധം ദേശീ​യ​ത്വ​ത്തി​ന്റെ വിജയ​ത്തിൽ കലാശി​ച്ചു. യേൽ യൂണി​വേ​ഴ്‌സി​റ​റി​യി​ലെ ചരി​ത്ര​പ്രൊ​ഫ​സ​റായ പോൾ കെന്നടി വിശദീ​ക​രി​ക്കു​ന്നു: “യൂറോ​പ്പി​ലെ ഏററവും വിസ്‌മ​യാ​വ​ഹ​മായ മാററം മേഖലാ-നിയമ​സം​ബ​ന്ധ​മായ അടിസ്ഥാ​ന​ത്തിൽ പരിഗ​ണി​ച്ചാൽ ഹബ്‌സ്‌ബേർഗ്‌, റൊമാ​നോവ്‌, ഹോ​ഹെൻസോ​ളെൻ എന്നീ സാമ്രാ​ജ്യ​ങ്ങ​ളു​ടെ ഭാഗമാ​യി​രുന്ന ദേശങ്ങ​ളു​ടെ സ്ഥാനത്ത്‌ ഒരുകൂ​ട്ടം രാഷ്‌ട്ര​ങ്ങ​ളു​ടെ—പോളണ്ട്‌, ചെക്കോ​സ്ലൊ​വാ​ക്യ, ഓസ്‌ട്രിയ, ഹംഗറി, യുഗോ​സ്ലാ​വ്യ, ഫിൻലൻറ്‌, എസ്‌തോ​ണിയ, ലാത്ത്വിയ, ലിത്ത്വേ​നിയ എന്നിവ​യു​ടെ—ആവിർഭാ​വ​മാ​യി​രു​ന്നു.”

രണ്ടാം ലോക​മ​ഹാ​യു​ദ്ധ​ത്തി​നു​ശേഷം ഈ പ്രവണത ത്വരി​ത​ഗ​തി​യി​ലാ​യി. ദേശീ​യ​ത്വം മുഴു​ശ​ക്തി​യോ​ടും കൂടെ പൊട്ടി​ത്തെ​റി​ച്ചു. പ്രത്യേ​കി​ച്ചും 1950-കളുടെ മദ്ധ്യത്തി​നു​ശേഷം ഈ പ്രവണത പിന്നോ​ട്ടു തിരി​ച്ചു​വി​ടാൻ കഴിയാത്ത ഒന്നായി​ത്തീർന്നു. അഞ്ചു നൂററാ​ണ്ടു​ക​ളി​ലെ യൂറോ​പ്യൻ വികസനം നിപതിച്ച കോളനി സാമ്രാ​ജ്യ​ങ്ങ​ളു​ടെ ഒരു കൽക്കൂ​മ്പാ​ര​ത്തിൽ ചെന്നവ​സാ​നി​ക്കു​ക​യാ​യി​രു​ന്നു. ആഫ്രിക്ക, ഏഷ്യ, മദ്ധ്യപൂർവ്വ​ദേശം എന്നിവി​ട​ങ്ങ​ളി​ലുള്ള രാഷ്‌ട്ര​ങ്ങ​ളു​ടെ എണ്ണം നാടകീ​യ​മാ​യി വർദ്ധിച്ചു.

ഈ “വികസനം രാഷ്‌ട്രീയ ചിന്തയിൽ അതിനു​മു​മ്പത്തെ 2,000 വർഷങ്ങ​ളിൽ ആധിപ​ത്യം പുലർത്തി​യി​രുന്ന സങ്കല്‌പ​ന​ങ്ങൾക്ക്‌ കടകവി​രു​ദ്ധ​മാ​യി​ട്ടാണ്‌ സംഭവി​ച്ചത്‌” എന്ന്‌ ദ ന്യൂ എൻ​സൈ​ക്ലോ​പ്പീ​ഡി​യാ ബ്രിട്ടാ​നി​ക്കാ പറയുന്നു. “ഈ സമയം വരെ മനുഷ്യൻ പൊതു​വും സാർവ്വ​ത്രി​ക​വു​മാ​യ​വക്ക്‌ സാധാരണ ഊന്നൽ നൽകു​ക​യും ഐക്യം അഭികാ​മ്യ​മായ ഒരു ലക്ഷ്യമാ​യി കരുതു​ക​യും ചെയ്‌തി​രുന്ന”ടത്ത്‌, ദേശീ​യ​ത്വം ഇപ്പോൾ ദേശീയ ഭിന്നത​കൾക്ക്‌ ഊന്നൽ കൊടു​ത്തു. ഐക്യ​പ്പെ​ടു​ന്ന​തിന്‌ പകരം അത്‌ ഭിന്നി​ക്കു​ന്ന​തിന്‌ പ്രവണത കാട്ടി.

ഇരുമ്പും ഈർപ്പ​മുള്ള കളിമ​ണ്ണും

പ്രതി​മ​യു​ടെ പാദങ്ങ​ളും വിരലു​ക​ളും “പാതി ഇരുമ്പും പാതി വാർത്തെ​ടുത്ത കളിമ​ണ്ണും” എന്ന്‌ ബൈബിൾ വർണ്ണി​ക്കു​ന്നത്‌ ശ്രദ്ധി​ക്കുക. അതിങ്ങ​നെ​യും കൂട്ടി​ച്ചേർക്കു​ന്നു: “അത്‌ ഒരു ഭിന്ന രാജത്വ​മാ​യി​രി​ക്കും, . . . രാജത്വം ഒട്ടു ബലമു​ള്ള​തും ഒട്ടു ഉടഞ്ഞു​പോ​കു​ന്ന​തു​മാ​യി​രി​ക്കും . . . അവ തമ്മിൽ ചേരാ​തി​രി​ക്കും.” (ദാനി​യേൽ 2:33, 41-43) കോള​നി​ഭ​ര​ണ​ത്തിൽ നിന്നും സ്വാത​ന്ത്ര്യം നേടി​ത്തു​ട​ങ്ങു​ക​യും ദേശീ​യ​ത്വം വളർന്ന്‌ പരിപു​ഷ്ടി പ്രാപി​ക്കു​ക​യും വികസ്വര രാജ്യ​ങ്ങൾക്ക്‌ സ്ഥാനം ലഭിക്കു​ക​യും ചെയ്‌ത​പ്പോൾ ഐക്യ​ത്തി​ലുള്ള അവരുടെ ചേരായ്‌മ പ്രകട​മാ​യി​ത്തീർന്നു. ഈ ഭൂഗോ​ളം ഝടുതി​യിൽ രാഷ്‌ട്രീയ വിഭജ​ന​ത്തി​ലേക്ക്‌ തെന്നി​വീ​ഴു​ക​യാ​യി​രു​ന്നു.

പ്രതി​മ​യു​ടെ പാദങ്ങ​ളി​ലും വിരലു​ക​ളി​ലു​മുള്ള ഇരുമ്പും കളിമ​ണ്ണും അനായാ​സം കൂടി​ച്ചേ​രാ​ത്ത​തിന്‌ സമാന​മാ​യി ചില ഗവൺമെൻറു​കൾ ഇരുമ്പു​പോ​ലെ​യും—പ്രാമാ​ണി​ക​മോ ക്രൂര​മോ—മററുള്ളവ കളിമ​ണ്ണിന്‌ സമാന​വും—കൂടുതൽ വഴങ്ങു​ന്ന​തോ ജനാധി​പ​ത്യ​പ​ര​മോ—ആയിരു​ന്നു. മനസ്സി​ലാ​ക്കാൻ കഴിയു​ന്ന​തു​പോ​ലെ, അവക്ക്‌ ലോ​കൈ​ക്യ​ത്തിൽ ഒന്നിച്ചു​ചേ​രാൻ കഴിഞ്ഞി​ട്ടില്ല. നമ്മുടെ കാലത്ത്‌ ഇത്‌ എടുത്തു​കാ​ട്ടി​ക്കൊണ്ട്‌, ജർമ്മൻ പുസ്‌ത​ക​മായ അൺസേർവ്‌ വെൽററ്‌—ജെസ്‌റേറൺ, ഹ്യൂട്ട്‌, മോർഗെൻ; 1800-2000 (നമ്മുടെ ലോകം—ഇന്നലെ, ഇന്ന്‌, നാളെ; 1800-2000) ഇങ്ങനെ പറയുന്നു: “19-ാം നൂററാ​ണ്ടോ​ടു​കൂ​ടി ജനാധി​പത്യ സ്വാത​ന്ത്ര്യം എല്ലാ പരിഷ്‌കൃത രാജ്യ​ങ്ങ​ളി​ലും തന്നെ നിലവിൽ വന്നതാ​യും ഒന്നാം ലോക​മ​ഹാ​യു​ദ്ധ​ത്തി​ന്റെ അവസാ​ന​ത്തോ​ടു​കൂ​ടി സ്വാത​ന്ത്ര്യ​ത്തി​നു​വേ​ണ്ടി​യുള്ള പ്രയത്‌നം അന്തിമ വിജയ​ത്തി​ലേക്ക്‌ സമീപി​ച്ച​താ​യും തോന്നി . . . 1917-ൽ റഷ്യയി​ലു​ണ്ടായ വിപ്ലവ​ത്തോ​ടെ സ്വേച്ഛാ​ധി​പ​ത്യം വീണ്ടും ഉയർന്നു വന്നു. അപ്പോൾ മുതൽ 20-ാം നൂററാണ്ട്‌ സ്വേച്ഛാ​ധി​പ​ത്യ​വും ജനാധി​പ​ത്യ​വും തമ്മിലുള്ള സഹവർത്തി​ത്വ​ത്താ​ലും സംഘട്ട​ന​ത്താ​ലും വിശേ​ഷ​വ​ത്‌ക്ക​രി​ക്ക​പ്പ​ട്ടി​രി​ക്കു​ക​യാണ്‌.”—ഇററാ​ലി​ക്‌സ്‌ ഞങ്ങളു​ടേത്‌.

ജനശക്തി

‘പത്ത്‌ കാൽവി​ര​ലു​കളു’ടെ ഭരണകാ​ലത്ത്‌, “മനുഷ്യ​വർഗ്ഗ​ത്തി​ലെ സന്തതികൾ” ആയ സാമാന്യ ജനങ്ങൾ ഗവൺമെൻറു​ക​ളിൽ വർദ്ധിച്ച അളവിൽ ഉൾപ്പെ​ടും എന്നത്‌ ശ്രദ്ധി​ക്കുക. ചരി​ത്ര​വ​സ്‌തു​തകൾ ഈ പ്രവച​നത്തെ പിന്താ​ങ്ങു​ന്നു​ണ്ടോ?—ദാനി​യേൽ 2:43.

ആയിര​ത്തി​ത്തൊ​ള്ളാ​യി​ര​ത്തി​ഇ​രു​പ​തു​ക​ളി​ലും 1930-കളിലും ലോക​ത്തി​ന്റെ വിവിധ ഭാഗങ്ങ​ളി​ലുള്ള ജനാധി​പത്യ ഭരണങ്ങൾ സ്വേച്ഛാ​ധി​പ​ത്യ​ത്താൽ മാററി പ്രതി​ഷ്‌ഠി​ക്ക​പ്പെ​ട്ടെ​ങ്കി​ലും ഒന്നാം ലോക​മ​ഹാ​യു​ദ്ധ​ത്തിന്‌ തൊട്ടു​പി​ന്നാ​ലെ തന്നെ ജനങ്ങളാ​ലുള്ള ഭരണം, ജനാധി​പ​ത്യം അങ്ങേയ​ററം പ്രശസ്‌ത​മാ​യി​ത്തീർന്നു. രണ്ടാം ലോക​മ​ഹാ​യു​ദ്ധ​ത്തി​നു​ശേഷം, കോള​നി​വാ​ഴ്‌ച​യിൽനി​ന്നുള്ള വിമുക്തി ഒരിക്കൽകൂ​ടി അനവധി പുതിയ ജനാധി​പത്യ രാജ്യ​ങ്ങളെ ഉളവാക്കി. പിന്നീട്‌, 1960-കളിലും 1970-കളിലും മുൻ കോള​നി​ക​ളിൽ അനേക​വും പ്രാമാ​ണി​ക​സ്വ​ഭാ​വ​മുള്ള ഗവൺമെൻറു​കളെ തിര​ഞ്ഞെ​ടു​ത്തു.

എന്നിരു​ന്നാ​ലും, 20-ാം നൂററാ​ണ്ടിൽ, രാജഭ​ര​ണ​ത്തെ​യും ഏകാധി​പ​ത്യ​ഭ​ര​ണ​ത്തെ​യും ജനാധി​പ​ത്യ​ഭ​ര​ണ​ങ്ങ​ളാൽ അഥവാ ജനങ്ങളു​ടെ ഗവൺമെൻറു​ക​ളാൽ മാററി പ്രതി​ഷ്‌ഠി​ക്കാ​നാണ്‌ പ്രവണത. പൂർവ്വ യൂറോ​പ്പി​ലെ കഴിഞ്ഞ വർഷത്തെ വിപ്ലവ​ക​ര​മായ മുന്നേ​റ​റ​ങ്ങളെ “ജനങ്ങളു​ടെ വർഷം” എന്നാണ്‌ ടൈം മാസിക വർണ്ണി​ച്ചത്‌. കൂടാതെ ബർലിൻ മതിൽ അന്തിമ​മാ​യി വീണ​പ്പോൾ ജർമ്മൻ വാർത്താ​പ​ത്രി​ക​യായ ഡർ സ്‌പീഗൽ അതിന്റെ പുറം​ച​ട്ട​യിൽ “ദാസ്‌ വോക്ക്‌ സീഗ്‌ത്ത്‌—ജനങ്ങൾ ജയിക്കു​ന്നു! എന്ന്‌ അലങ്കരിച്ച്‌ എഴുതി​യി​രു​ന്നു.

പ്രസംഗം ദീർഘം, പ്രവൃത്തി ചുരുക്കം

ജനശക്തി രാഷ്‌ട്രീയ പരിവർത്ത​ന​ത്തിന്‌ നിർബന്ധം ചെലു​ത്തി​യി​ട്ടുള്ള സകല പൂർവ്വ യൂറോ​പ്യൻ രാജ്യ​ങ്ങ​ളി​ലും ഒന്നില​ധി​കം രാഷ്‌ട്രീയ പാർട്ടി​കളെ പങ്കെടു​പ്പി​ച്ചു​കൊണ്ട്‌ സ്വതന്ത്ര തെര​ഞ്ഞെ​ടുപ്പ്‌ നടത്തണ​മെ​ന്ന​താ​യി​രു​ന്നു ആവശ്യം. ഇപ്പോ​ഴത്തെ രീതി​യിൽ രാഷ്‌ട്രീയ പാർട്ടി​കൾ ആരംഭി​ച്ചത്‌ 19-ാം നൂററാ​ണ്ടിൽ യൂറോ​പ്പി​ലും വടക്കേ അമേരി​ക്ക​യി​ലു​മാണ്‌. 20-ാം നൂററാ​ണ്ടി​ന്റെ പകുതി മുതൽ അവ ലോക​മെ​മ്പാ​ടും വ്യാപി​ച്ചി​രി​ക്കു​ന്നു. ഇന്ന്‌ അവ മുമ്പെ​ന്ന​ത്തേ​ക്കാ​ളും വലുതും ദൃഢവും നന്നായി സംഘടി​പ്പി​ക്ക​പ്പെ​ട്ട​വ​യു​മാണ്‌. അവയും തൊഴിൽ യൂണി​യ​നു​ക​ളും സ്വാധീന ശക്തിക​ളും പരിസ്ഥി​തി സംഘങ്ങ​ളും മററ്‌ എണ്ണമററ പൗരൻമാ​രും പ്രത്യേക താൽപ്പ​ര്യ​മുള്ള സംഘങ്ങ​ളും മുഖേന ജനശക്തി ഇന്ന്‌ മറെറ​ന്ന​ത്തേ​ക്കാ​ളും കൂടു​ത​ലാ​യും ഉച്ചത്തി​ലും സംസാ​രി​ച്ചു​കൊ​ണ്ടി​രി​ക്കു​ന്നു.

എന്നിരു​ന്നാ​ലും, രാഷ്‌ട്രീയ നടപടി​യിൽ ഉൾപ്പെ​ട്ടി​രി​ക്കുന്ന ജനങ്ങൾ കൂടു​ന്ന​ത​നു​സ​രിച്ച്‌ രാഷ്‌ട്രീ​യ​മായ അഭി​പ്രാ​യൈ​ക്യം നേടു​ന്ന​തി​നുള്ള പ്രയാ​സ​വും വർദ്ധി​ക്കു​ന്നു. തർക്കവി​ഷ​യ​ങ്ങ​ളായ അനേകം ആശയങ്ങ​ളു​ടെ​യും താല്‌പ​ര്യ​ങ്ങ​ളു​ടെ​യും ഇടയിൽ മിക്ക​പ്പോ​ഴും ന്യൂനപക്ഷ ഗവൺമെൻറു​കൾ വരാനി​ട​യാ​ക്കു​ന്നു. ഇങ്ങനെ സ്‌തം​ഭ​നാ​വ​സ്ഥ​യി​ലുള്ള ഗവൺമെൻറു​കൾ ദീർഘ​മാ​യി പ്രസം​ഗി​ക്കു​ന്നു എന്നാൽ ചുരു​ക്ക​മാ​യി പ്രവർത്തി​ക്കു​ന്നു.

ഇരുമ്പും ഈർപ്പ​മുള്ള കളിമ​ണ്ണും പോലെ 1914 മുതൽ മുഴു ലോക രാഷ്‌ട്രീയ സമ്മി​ശ്ര​ങ്ങ​ളും ഉടഞ്ഞു​പോ​കു​ന്ന​താ​യി​രു​ന്നി​ട്ടുണ്ട്‌. ഉദാഹ​ര​ണ​ത്തിന്‌, ഗവൺമെൻറ്‌ സംബന്ധ​മായ കാര്യ​ങ്ങൾക്കാ​യി ആളുകൾ ദിവ്യ​മാർഗ്ഗ​നിർദ്ദേശം തേടിയ നാളുകൾ കഴിഞ്ഞു​പോ​യി​രി​ക്കു​ന്നു. ദി കൊളം​ബിയ ഹിസ്‌റ​ററി ഓഫ്‌ ദി വേൾഡ്‌ ഇങ്ങനെ നിഗമനം ചെയ്‌തു: “അങ്ങനെ പാശ്ചാത്യ സംസ്‌കാ​ര​മു​ള്ളവർ പൂർണ്ണ​മാ​യും തങ്ങളി​ലേക്ക്‌ തന്നെ തിരി​ഞ്ഞ​താ​യും സ്വയം കുറവു​ള്ള​വ​രാ​യും കണ്ടെത്തു​ന്നു.”

ശുഭാ​പ്‌തി​വി​ശ്വാ​സ​ത്തി​നുള്ള സാധ്യത

“വ്യതി​രി​ക്ത​മെ​ങ്കി​ലും ബന്ധമുള്ള ഈ എല്ലാ സംഭവ​ങ്ങ​ളും ഈ 20-ാം നൂററാ​ണ്ടി​ന്റെ രണ്ടാം പകുതി​യിൽ സംഭവി​ച്ചി​രി​ക്കു​ന്നത്‌ എന്തു​കൊ​ണ്ടാ​യി​രി​ക്കണം? ഇതേ വരെയുള്ള മമനു​ഷ്യ​ന്റെ മുഴു ചരി​ത്ര​ത്തി​ലും വെച്ചേ​റ​റ​വും കൂടുതൽ ശാസ്‌ത്രീയ നേട്ടങ്ങ​ളും ജ്ഞാനവും നേടി​യി​രി​ക്കുന്ന ഈ കാലഘ​ട്ട​ത്തിൽതന്നെ കൃത്യ​മാ​യി ലോക തകർച്ച​യു​ടെ ഈ ഭീഷണി​കൾ ആവിർഭ​വി​ച്ചി​രി​ക്കു​ന്നത്‌ എന്തു​കൊണ്ട്‌?” പത്ര​പ്ര​വർത്ത​ക​യായ ഗേയർ മുന്നോട്ട്‌ വെച്ച ഈ ചോദ്യ​ങ്ങൾ ചിന്തോ​ദ്ദീ​പ​ക​മാണ്‌. പക്ഷേ ആർക്കെ​ങ്കി​ലും ഇതിന്‌ ഉത്തരമു​ണ്ടോ?

ഏതാണ്ട്‌ പത്തു വർഷങ്ങൾക്കു മുമ്പ്‌ ദി വേൾഡ്‌ ബുക്ക്‌ എൻ​സൈ​ക്ലോ​പ്പീ​ഡി​യാ ശുഭാ​പ്‌തി​വി​ശ്വാ​സ​ത്തോ​ടെ ഇങ്ങനെ അഭി​പ്രാ​യ​പ്പെട്ടു: “നമ്മുടെ കാലത്തെ പ്രശ്‌നങ്ങൾ പരിഹ​രി​ക്കാൻ ഒരുപക്ഷേ മറേറതു മുൻത​ല​മു​റ​യേ​ക്കാ​ളും നമുക്ക്‌ കൂടുതൽ സാദ്ധ്യ​ത​യുണ്ട്‌.” എന്നാൽ ഇപ്പോൾ ഒരു പതിറ​റാ​ണ്ടിന്‌ ശേഷം 1990-കളുടെ ആരംഭ​ത്തിൽ ഇനിയും ശുഭാ​പ്‌തി​വി​ശ്വാ​സ​ത്തിന്‌ ഇടമു​ണ്ടോ? ശീതസ​മ​ര​ത്തി​ന്റെ അന്ത്യവും കിഴക്കും പടിഞ്ഞാ​റും തമ്മിലുള്ള വർദ്ധിച്ച സഹകര​ണ​വും ലോക​നി​രാ​യു​ധീ​ക​ര​ണ​ത്തി​ലു​ണ്ടായ പ്രസക്ത​മായ പുരോ​ഗ​തി​യും ചൂണ്ടി​ക്കാ​ട്ടി​ക്കൊണ്ട്‌ ‘ഉണ്ട്‌,’ എന്ന്‌ നിങ്ങൾ പറഞ്ഞേ​ക്കാം.

അവർ അങ്ങനെ ചെയ്യു​മെന്ന്‌ ബൈബിൾ മുൻകൂ​ട്ടി​പ്പ​റഞ്ഞു. ബൈബിൾ ചരി​ത്ര​ത്തി​ലെ ഏഴാമത്തെ ലോക​ശ​ക്തി​യു​ടെ ഭരണകാ​ലത്ത്‌ ഒരു സമകാ​ലീന എട്ടാം ശക്തി രാഷ്‌ട്ര​ങ്ങളെ ഐക്യ​പ്പെ​ടു​ത്തു​ന്ന​തിന്‌ പ്രത്യേ​ക​മാ​യി സ്ഥാപി​ക്ക​പ്പെ​ടു​മെന്ന്‌ അത്‌ സൂചി​പ്പി​ക്കു​ന്നു. (വെളി​പ്പാട്‌ 17:11) എന്നാൽ അത്‌ വിജയി​ക്കു​മോ? “മാനു​ഷ​ഭ​രണം തുലാ​സ്സിൽ തൂക്ക​പ്പെ​ട്ടി​രി​ക്കു​ന്നു” എന്നതിന്റെ 9-ാം ഭാഗം ഉത്തരം നൽകും. (g90 11/22)

[അടിക്കു​റി​പ്പു​കൾ]

[16-ാം പേജിലെ ആകർഷ​ക​വാ​ക്യം]

“ഒരു രാജ്യം തന്നിൽതന്നേ ചിദ്രി​ച്ചു​വെ​ങ്കിൽ ശൂന്യ​മാ​കും.”—മത്തായി 12:25

[16-ാം പേജിലെ ആകർഷ​ക​വാ​ക്യം]

“ജാതികൾ ക്രുദ്ധി​ച്ചു; രാജ്യങ്ങൾ കുലുങ്ങി.”—സങ്കീർത്തനം 46:6