മാനുഷ ഭരണം തുലാ​സിൽ തൂക്ക​പ്പെ​ട്ടി​രി​ക്കു​ന്നു

ഭാഗം 9 മാനുഷ ഭരണം അതിന്റെ പാരമ്യ​ത്തി​ലെ​ത്തു​ന്നു!

ദേശീയാതീത രാഷ്‌ട്രീയ വ്യവസ്ഥി​തി​കൾ: സാമ്രാ​ജ്യ​ങ്ങൾ, സഖ്യങ്ങൾ, കോൺഫെ​ഡ​റേ​ഷ​നു​കൾ അല്ലെങ്കിൽ ദേശീയ അതിർവ​ര​മ്പു​കൾക്കോ അധികാ​ര​ത്തി​നോ താൽപ​ര്യ​ങ്ങൾക്കോ അതീത​മായ പൊതു ലക്ഷ്യങ്ങളെ പിന്തു​ട​രുന്ന താത്‌കാ​ലി​ക​മോ സ്ഥിരമോ ആയ അടിസ്ഥാ​ന​ത്തിൽ ദേശീയ സംസ്ഥാ​ന​ങ്ങൾക്കി​ട​യിൽ രൂപവൽക്ക​രി​ക്ക​പ്പെ​ടുന്ന ഫെഡ​റേ​ഷ​നു​കൾ.

പൊ.യു.മു. 539, ഒക്‌ടോ​ബർ 5 ബാബി​ലോൺ നഗരം ഒരു ആഘോ​ഷാ​വ​സ്ഥ​യിൽ ആയിരി​ക്കു​ന്നതു കണ്ടു. ഒരായി​രം ഉന്നത ഗവൺമെൻറു​ദ്യോ​ഗ​സ്ഥൻമാർ ബേൽശസ്സർ രാജാ​വിൽ നിന്നുള്ള ഒരു സായാഹ്ന ക്ഷണം സ്വീക​രി​ച്ചി​രു​ന്നു. കടന്നാ​ക്ര​മി​ക്കുന്ന മേദ്യ​രു​ടെ​യും പാർസ്യ​രു​ടെ​യും സൈന്യ​ങ്ങ​ളാൽ ഭീഷണി​പ്പെ​ടു​ത്ത​പ്പെ​ട്ടെ​ങ്കി​ലും ബേൽശ​സ്സ​റി​ന്റെ​യും അയാളു​ടെ സഹ രാജ്യ​ത​ന്ത്ര​ജ്ഞൻമാ​രു​ടെ​യും സമാധാ​നം ഭഞ്‌ജി​ക്ക​പ്പെ​ട്ടി​രു​ന്നില്ല. എന്തായി​രു​ന്നാ​ലും നഗരമ​തി​ലു​കൾ അഭേദ്യ​മാ​യി​രു​ന്നു. ഭയപ്പെ​ടു​ന്ന​തി​നു സത്വര കാരണ​മൊ​ന്നു​മി​ല്ലാ​യി​രു​ന്നു.

അപ്പോൾ, യാതൊ​രു മുന്നറി​യി​പ്പു​മി​ല്ലാ​തെ, ആഘോ​ഷ​ങ്ങൾക്കി​ട​യിൽ ശരീര​ബ​ന്ധ​മററ ഒരു മാനു​ഷ​കൈ കൊട്ടാ​ര​ഭി​ത്തി​യിൽ അമംഗ​ള​സൂ​ച​ക​മായ ഈ വാക്കുകൾ എഴുതാൻ തുടങ്ങി: മെനേ, മെനേ, തെക്കേൽ, ഊഫർസീൻ. രാജാ​വി​ന്റെ കാൽമു​ട്ടു​കൾ വിറക്കാ​നും മുഖം വിളറാ​നും തുടങ്ങി.—ദാനി​യേൽ 5:5, 6, 25.

ബേൽശ​സ്സ​റും അയാളു​ടെ സഹപ്ര​വർത്ത​ക​രും വെറു​ത്തി​രുന്ന ദൈവ​ത്തി​ന്റെ ആരാധ​ക​നായ ദാനി​യേൽ എന്ന ഇസ്രാ​യേ​ല്യ​നെ വിശദീ​ക​രി​ക്കു​ന്ന​തിന്‌ വിളി​ച്ചു​വ​രു​ത്തി. “കാര്യ​ത്തി​ന്റെ അർത്ഥമാ​വി​തു,” ദാനി​യേൽ പറഞ്ഞു, “മെനേ എന്നു​വെ​ച്ചാൽ: ദൈവം നിന്റെ രാജത്വം എണ്ണി, അതിന്നു അന്തം വരുത്തി​യി​രി​ക്കു​ന്നു. തെക്കേൽ എന്നു​വെ​ച്ചാൽ: തുലാ​സിൽ നിന്നെ തൂക്കി, കുറവു​ള്ള​വ​നാ​യി കണ്ടിരി​ക്കു​ന്നു. പെറേസ്‌ എന്നു​ച്ചൊൽ: നിന്റെ രാജ്യം വിഭാ​ഗി​ച്ചു മേദ്യർക്കും പാർസി​കൾക്കും കൊടു​ത്തി​രി​ക്കു​ന്നു.” പ്രവചനം സൂചി​പ്പി​ച്ചത്‌ തീർച്ച​യാ​യും നല്ലതൊ​ന്നു​മല്ല. നിവൃ​ത്തി​യാ​യി “രാത്രി​യിൽതന്നെ കൽദയ രാജാ​വായ ബേൽശസ്സർ കൊല്ല​പ്പെട്ടു.”—ദാനി​യേൽ 5:26-28, 30

ഒററ രാത്രി​കൊണ്ട്‌ ഒരു രൂപത്തി​ലുള്ള മാനു​ഷ​ഭ​രണം മറെറാ​ന്നി​നാൽ മാററി​പ്ര​തി​ഷ്‌ഠി​ക്ക​പ്പെട്ടു! ഈ അടുത്ത കാലത്തെ കിഴക്കൻ യൂറോ​പ്പി​ലെ സമാന​മായ സംക്ഷോ​ഭ​ങ്ങ​ളു​ടെ വീക്ഷണ​ത്തിൽ ബേൽശ​സ്സ​റിന്‌ സംഭവി​ച്ച​തിന്‌ നമ്മുടെ നാളു​കൾക്കാ​യി അർത്ഥമു​ണ്ടാ​യി​രി​ക്കു​മോ എന്നറി​യാൻ നാം ആഗ്രഹി​ച്ചേ​ക്കാം. മുഴു മാനു​ഷ​ഭ​രണം സംബന്ധി​ച്ചും ഇതിന്‌ അശുഭ​സൂ​ച​ക​മാ​യി എന്തെങ്കി​ലും ഉണ്ടായി​രി​ക്കു​മോ? ഇതിന്‌ സഗൗരവ ചിന്ത നൽകു​ന്ന​തി​നു നമുക്കു സകല കാരണ​ങ്ങ​ളു​മുണ്ട്‌, എന്തെന്നാൽ, “സകല സംസ്‌കാ​ര​ങ്ങ​ളും നശിക്കുക തന്നെ ചെയ്യുന്നു” എന്നു കൊളം​ബിയ യൂണി​വേ​ഴ്‌സി​റ​റി​യി​ലെ പ്രൊ​ഫസ്സർ ജാക്‌സ്‌ ബാർസൺ പറയുന്നു, “ഗ്രീസി​ന്റെ​യോ റോമി​ന്റെ​യോ ഭയങ്കര അന്തങ്ങൾ കെട്ടു​ക​ഥ​കളല്ല” എന്നു കൂട്ടി​ച്ചേർത്തു​കൊ​ണ്ടു​തന്നെ.

ചിന്തനീ​യ​മാ​യ എല്ലാത്തരം ഗവൺമെൻറു​ക​ളും മനുഷ്യൻ കണ്ടുപി​ടി​ച്ചി​ട്ടുണ്ട്‌. ആയിര​ക്ക​ണ​ക്കിന്‌ വർഷങ്ങ​ളി​ലെ ശ്രമി​ക്ക​ലി​ന്റെ​യും പിഴക്ക​ലി​ന്റെ​യും മാർഗ്ഗങ്ങൾ പരീക്ഷി​ച്ചു പ്രശ്‌നങ്ങൾ പരിഹ​രി​ക്കാൻ ശ്രമി​ച്ച​തി​ന്റെ ഫലങ്ങ​ളേ​വ​യാണ്‌? മാനു​ഷ​ഭ​രണം തൃപ്‌തി​ക​ര​മാ​യി​രു​ന്നി​ട്ടു​ണ്ടോ? മനുഷ്യ​വർഗ്ഗ​ത്തി​ന്റെ കുമി​ഞ്ഞു​കൂ​ടുന്ന പ്രശ്‌ന​ങ്ങൾക്കു പരിഹാ​രം കാണാൻ അതിനു കഴിയു​മോ?

വാഗ്‌ദാ​നങ്ങൾ, വാഗ്‌ദാ​നങ്ങൾ!

ഇൻഡ്യ​യിൽ ബോം​ബെ​യി​ലുള്ള ഒരുന്നത ഗവേഷണ കേന്ദ്ര​ത്തി​ന്റെ ഡയറക്‌റ​റ​റായ ബക്കൂൽ രജനി പട്ടേൽ ഭാഗി​ക​മായ ഒരുത്തരം നൽകുന്നു. രാജ്യ​ത​ന്ത്ര​ജ്ഞരെ “ശുദ്ധ കപട​വേ​ഷ​ക്കാർ” എന്നു കുററ​പ്പെ​ടു​ത്തി​ക്കൊ​ണ്ടു അവർ പറയുന്നു: “ഇൻഡ്യ​യി​ലും മററു മൂന്നാം ലോക രാജ്യ​ങ്ങ​ളി​ലും സ്‌റേ​റ​ജിൽ കയറി നിന്നു​കൊണ്ട്‌ ‘വികസന’ത്തെക്കു​റി​ച്ചും ‘പുരോ​ഗതി’യേക്കു​റി​ച്ചും ആവേശ​മു​ണർത്തുന്ന വാചക​ക്ക​സർത്ത്‌ നടത്തു​ന്നത്‌ നേതാ​ക്കൻമാർക്ക്‌ ഒരു പരിഷ്‌കാ​ര​മാ​യി​ത്തീർന്നി​രി​ക്കു​ക​യാണ്‌. എന്തു വികസ​ന​വും പുരോ​ഗ​തി​യും? ആരെയാണ്‌ നാം വിഡ്‌ഢി​ക​ളാ​ക്കു​ന്നത്‌? മൂന്നാം ലോക​ത്തോ​ടു ബന്ധപ്പെട്ട ഭീകര​മായ സ്ഥിതി​വി​വ​ര​ക്ക​ണ​ക്കു​കൾ ഒരുവൻ എടുത്തു​നോ​ക്കു​കയേ വേണ്ടു: തടയാ​വുന്ന രോഗങ്ങൾ മൂലം ഓരോ ദിവസ​വും 40,000 കുട്ടി​ക​ളാണ്‌ മരണമ​ട​യു​ന്നത്‌.” കുറഞ്ഞത്‌ 80 ദശലക്ഷം കുട്ടികൾ വികല​പോ​ഷി​ത​രോ എല്ലാ ദിവസ​വും വിശന്നു​റ​ങ്ങാൻ പോകു​ന്ന​വ​രോ ആണെന്ന്‌ അവർ കൂട്ടി​ച്ചേർക്കു​ന്നു.

‘എന്നാൽ ഒരു നിമിഷം,’ നിങ്ങൾ പ്രതി​ഷേ​ധി​ച്ചേ​ക്കാം. ‘കുറഞ്ഞ​പക്ഷം ശ്രമി​ക്കു​ന്ന​തി​നെ​ങ്കി​ലും രാജ്യ​ത​ന്ത്ര​ജ്ഞർക്ക്‌ അംഗീ​കാ​രം നൽകൂ. ലോകത്തെ അഭിമു​ഖീ​ക​രി​ക്കുന്ന ഇന്നത്തെ ഗുരു​ത​ര​മായ പ്രശ്‌നങ്ങൾ പരിഹ​രി​ക്കു​ന്ന​തിന്‌ ഏതെങ്കി​ലും തരത്തി​ലുള്ള ഒരു ഗവൺമെൻറ്‌ ആവശ്യ​മാ​ണ​ല്ലോ.’ ശരിയാണ്‌, എന്നാൽ ചോദ്യ​മി​താണ്‌: അതൊരു മനുഷ്യ​നിർമ്മിത ഗവൺമെൻറാ​യി​രി​ക്ക​ണ​മോ അതോ അതു ദൈവ​നിർമ്മി​ത​മാ​യി​രി​ക്ക​ണ​മോ?

ദൈവം ഇതിൽ ഉൾപ്പെ​ടാൻ ആഗ്രഹി​ക്കു​ന്നില്ല എന്ന്‌ അനേകം ആളുകൾ ചിന്തി​ക്കു​ന്ന​തു​പോ​ലെ ചിന്തി​ക്കു​ന്ന​തി​നാൽ ഈ ചോദ്യ​ത്തെ ലാഘവം എന്നു കരുതി തള്ളിക്ക​ള​യ​രുത്‌. പരമാ​വധി നന്നായി സ്വയം ഭരിക്കാൻ ദൈവം മനുഷ്യ​രെ അനുവ​ദി​ച്ചി​രി​ക്കു​ക​യാ​ണെന്ന്‌ പ്രത്യ​ക്ഷ​ത്തിൽ പോപ്പ്‌ ജോൺ പോൾ രണ്ടാമ​നും ചിന്തി​ക്കു​ന്നു. കാരണം, ഏതാണ്ട്‌ പത്തു വർഷം മുമ്പ്‌ കെനിയ സന്ദർശി​ക്കവെ അദ്ദേഹം “രാഷ്‌ട്രിയ ജീവി​ത​മാണ്‌ ക്രിസ്‌ത്യാ​നി​യു​ടെ മുഖ്യ വെല്ലു​വി​ളി​ക​ളി​ലൊന്ന്‌” എന്നു പറഞ്ഞു. അദ്ദേഹം തുടർന്നു: “അതിൽ പങ്കെടു​ക്കാ​നുള്ള ഒരവകാ​ശ​വും ഉത്തരവാ​ദി​ത്വ​വും രാഷ്‌ട്ര​ത്തി​ലുള്ള ഓരോ പൗരനു​മുണ്ട്‌. . . . ജീവി​ത​ത്തി​ന്റെ ഈ മണ്ഡലങ്ങ​ളിൽ വ്യക്തി​ഗ​ത​മായ രീതി​യിൽ ഒരു ക്രിസ്‌ത്യാ​നി ഉൾപ്പെ​ട​രു​തെന്നു ചിന്തി​ക്കു​ന്നതു അബദ്ധമാ​യി​രി​ക്കും.”

മിക്ക​പ്പോ​ഴും മതപര​മായ പിന്തു​ണ​യോ​ടെ ഈ ആശയത്തിൽ മുന്നോ​ട്ടു ഗമിച്ചു​കൊണ്ട്‌ പൂർണ്ണ​ത​യുള്ള ഗവൺമെൻറി​നു​വേണ്ടി മനുഷ്യർ ദീർഘ​കാ​ലം അന്വേ​ഷി​ച്ചി​രി​ക്കു​ന്നു. പുതിയ തരത്തി​ലുള്ള ഓരോ ഗവൺമെൻറും മഹത്തായ വാഗ്‌ദാ​ന​ങ്ങ​ളാൽ അകമ്പടി​സേ​വി​ക്ക​പ്പെ​ട്ടി​ട്ടുണ്ട്‌. എന്നാൽ ഏററവും ആകർഷ​ക​മായ വാഗ്‌ദാ​നം പോലും പാലി​ക്ക​പ്പെ​ടാ​തെ വരു​മ്പോൾ അപസ്വ​ര​മു​യ​രു​ന്നു. (17-ാം പേജി​ലുള്ള “വാഗ്‌ദാ​നങ്ങൾ യാഥാർത്ഥ്യ​ങ്ങൾക്കു വിരുദ്ധം” കാണുക.) മനുഷ്യർ മാതൃ​കാ​യോ​ഗ്യ​മായ ഗവൺമെൻറ്‌ നേടി​യി​ട്ടില്ല എന്നതു വ്യക്തമാണ്‌.

തയ്യാ​റെ​ടുപ്പ്‌

ന്യൂക്ലി​യർ ശാസ്‌ത്ര​ജ്ഞ​നായ ഹാരോൾഡ്‌ ഉറേയ്‌ക്ക്‌ ഉത്തരമു​ണ്ടാ​യി​രു​ന്നോ? “മുഴു​ഭൂ​ത​ല​ത്തി​ലും നിയമം സ്ഥാപി​ക്കാൻ കഴിവുള്ള അന്തിമ​മായ ഒരു ലോക​ഗ​വൺമെൻറ​ല്ലാ​തെ ലോക​ത്തി​ലെ പ്രശ്‌ന​ങ്ങൾക്ക്‌ ക്രിയാ​ത്മ​ക​മായ ഒരു പരിഹാ​ര​വു​മില്ല” എന്ന്‌ അദ്ദേഹം വാദിച്ചു. എന്നാൽ ഇതു നടക്കു​മെന്ന്‌ അനേകർക്കും ഉറപ്പില്ല. കഴിഞ്ഞ കാലത്ത്‌, അന്താരാ​ഷ്‌ട്ര സമൂഹ​ങ്ങ​ളി​ലെ അംഗങ്ങൾക്കി​ട​യിൽ ഫലകര​മായ സഹകരണം പ്രാ​യോ​ഗി​ക​മാ​യി അപ്രാ​പ്യ​മാ​യി​രു​ന്നു. മികച്ച ഒരു ദൃഷ്ടാന്തം ശ്രദ്ധി​ക്കുക.

ഒന്നാം ലോക​മ​ഹാ​യു​ദ്ധ​ത്തി​നു​ശേഷം 1920 ജനുവരി 16-ന്‌ 42 രാജ്യങ്ങൾ അംഗങ്ങ​ളാ​യു​ണ്ടാ​യി​രുന്ന സർവ്വരാ​ജ്യ​സ​ഖ്യം എന്ന ഒരു ദേശീ​യാ​തീത സ്ഥാപനം നിലവിൽ വന്നു. എന്നാൽ ഒരു ലോക​ഗ​വൺമെൻറി​ന്റെ ഘടനയു​ള്ള​താ​യി​രി​ക്കു​ന്ന​തി​നു പകരം മുഖ്യ​മാ​യും പരമാ​ധി​കാര രാഷ്‌ട്ര-സംസ്ഥാ​ന​ങ്ങൾക്കി​ട​യി​ലുള്ള വഴക്കുകൾ തീർക്കു​ക​വഴി യുദ്ധത്തെ ഒഴിവാ​ക്കി​ക്കൊ​ണ്ടു ലോക ഐക്യത്തെ പ്രോ​ത്സാ​ഹി​പ്പി​ക്കു​ന്ന​തി​നാ​യി സംവി​ധാ​നം ചെയ്‌തി​രി​ക്കുന്ന ഒരു ലോക​നി​യ​മ​നിർമ്മാ​ണസഭ ആയിരി​ക്കാ​നാണ്‌ അത്‌ ഉദ്ദേശി​ക്ക​പ്പെ​ട്ടി​രു​ന്നത്‌. ആയിര​ത്തി​ത്തൊ​ള്ളാ​യി​രത്തി മുപ്പത്തി​നാല്‌ ആയതോ​ടെ അതിന്റെ അംഗസം​ഖ്യ 58 രാഷ്‌ട്ര​ങ്ങ​ളാ​യി വർദ്ധി​ച്ചി​രു​ന്നു.

എന്നിരു​ന്നാ​ലും ഈ സഖ്യം ഉറപ്പി​ല്ലാത്ത അടിത്ത​റ​യി​ലാ​യി​രു​ന്നു സ്ഥാപി​ത​മാ​യി​രു​ന്നത്‌. “ഉയർന്ന പ്രതീ​ക്ഷകൾ ഉയർത്തി​ക്കൊ​ണ്ടാണ്‌ ഒന്നാം ലോക​മ​ഹാ​യു​ദ്ധം അവസാ​നി​ച്ചത്‌. എന്നാൽ ആ മിഥ്യാ​ബോ​ധ​ത്തിൽ നിന്നു പുറത്തു​ക​ട​ക്കാൻ അധിക​നാൾ വേണ്ടി വന്നില്ല” എന്നാണ്‌ ദി കൊളം​ബിയ ഹിസ്‌റ​ററി ഓഫ്‌ ദി വേൾഡ്‌ വിശദീ​ക​രി​ക്കു​ന്നത്‌. “സർവ്വരാ​ജ്യ​സ​ഖ്യ​ത്തെ കേന്ദ്രീ​ക​രി​ച്ചുള്ള പ്രതീ​ക്ഷകൾ വഞ്ചനാ​ത്മ​ക​മെന്നു തെളിഞ്ഞു.”

ആയിര​ത്തി​ത്തൊ​ള്ളാ​യി​രത്തി മുപ്പത്തി​യൊ​മ്പതു സെപ്‌റ​റം​ബർ 1-ന്‌ ഈ സഖ്യത്തെ നിഷ്‌ക്രി​യ​ത്വ​ത്തി​ന്റെ ഗർത്തത്തി​ലേക്കു തള്ളിയി​ട്ടു​കൊ​ണ്ടു 2-ാം ലോക​മ​ഹാ​യു​ദ്ധം ആരംഭി​ച്ചു. ആയിര​ത്തി​ത്തൊ​ള്ളാ​യി​രത്തി നാൽപ​ത്തി​യാറ്‌ ഏപ്രിൽ 18 വരെ ഔദ്യോ​ഗി​ക​മാ​യി അതു പിരി​ച്ചു​വി​ട​പ്പെ​ട്ടി​രു​ന്നി​ല്ലെ​ങ്കി​ലും 20 വർഷം പോലും പഴക്കം ചെല്ലാതെ ഒരു “കൗമാ​ര​പ്രാ​യ​ക്കാര”നെന്ന നിലയിൽ അതു പരമാർത്ഥ​ത്തിൽ ജീവന​റ​റ​താ​യി. അതിന്റെ ഔദ്യോ​ഗിക ശവസം​സ്‌കാ​ര​ത്തി​നു മുമ്പ്‌ 51 അംഗരാ​ഷ്‌ട്ര​ങ്ങ​ളോ​ടു​കൂ​ടെ 1945 ഒക്‌ടോ​ബർ 24-നു രൂപം കൊണ്ട ഐക്യ​രാ​ഷ്‌ട്രങ്ങൾ എന്ന മറെറാ​രു ദേശീ​യാ​തീത സ്ഥാപന​ത്താൽ അത്‌ മാററി പ്രതി​ഷ്‌ഠി​ക്ക​പ്പെ​ട്ടി​രു​ന്നു. ഈ പുതിയ തയ്യാ​റെ​ടുപ്പ്‌ എങ്ങനെ ഭവിക്കു​മാ​യി​രു​ന്നു?

ഒരു രണ്ടാം ശ്രമം

സഖ്യം പരാജ​യ​പ്പെ​ട്ടത്‌ അതിന്റെ സംവി​ധാ​ന​ത്തി​ലെ അപാകത മൂലമാ​ണെ​ന്നാണ്‌ ചിലർ പറയു​ന്നത്‌. മറെറാ​രു വീക്ഷണം മുഖ്യ​മാ​യി കുററ​പ്പെ​ടു​ത്തു​ന്നത്‌ സഖ്യ​ത്തെയല്ല മറിച്ച്‌ അതിന്‌ ശരിയായ പിന്തുണ കൊടു​ക്കാൻ വിമുഖത കാട്ടിയ ഒററ​യൊ​റ​റ​യായ ഗവൺമെൻറു​ക​ളെ​യാണ്‌. രണ്ടു വീക്ഷണ​ങ്ങ​ളി​ലും കുറേശ്ശെ യാഥാർത്ഥ്യ​മു​ണ്ടെ​ന്നു​ള്ള​തിൽ സംശയ​മില്ല. എന്തായാ​ലും, ഐക്യ​രാ​ഷ്‌ട്ര​ങ്ങ​ളു​ടെ സ്ഥാപകർ സഖ്യത്തി​ന്റെ ഫലശൂ​ന്യ​ത​യിൽ നിന്നു പഠിക്കു​ന്ന​തി​നും, സഖ്യം പ്രകടി​പ്പി​ച്ചി​രുന്ന ചില കുറവു​കൾ പരിഹ​രി​ക്കു​ന്ന​തി​നും ശ്രമിച്ചു.

“സമാധാ​നം, സഹകരണം, നിയമം, മനുഷ്യാ​വ​കാ​ശങ്ങൾ എന്നിവ നിലവി​ലുള്ള ലോക​ക്രമം സൃഷ്ടി​ക്കു​ന്ന​തി​ലുള്ള കഴിവി​ന്റെ കാര്യ​ത്തിൽ പഴയ സഖ്യ​ത്തെ​ക്കാൾ മേൻമ​യു​ള്ള​താണ്‌” ഐക്യ​രാ​ഷ്‌ട്രങ്ങൾ എന്ന്‌ എഴുത്തു​കാ​ര​നായ ആർ. ബാൾഡ്‌വിൻ പ്രഖ്യാ​പി​ക്കു​ന്നു. വാസ്‌ത​വ​ത്തിൽ, ഡബ്ലിയൂ എച്ച്‌ ഒ (ലോകാ​രോ​ഗ്യ സംഘടന), യുനി​സെഫ്‌ (കുട്ടി​കൾക്കാ​യുള്ള ഐക്യ​രാ​ഷ്‌ട്ര​ങ്ങ​ളു​ടെ ഫണ്ട്‌) എഫ്‌ എ ഒ (ഭക്ഷണത്തി​നും കൃഷി​ക്കു​മുള്ള സംഘടന) എന്നിവ​യ​ട​ങ്ങുന്ന അതിന്റെ ചില പ്രത്യേ​ക​വൽകൃത ഏജൻസി​കൾ സ്‌തു​ത്യർഹ​മായ ലക്ഷ്യങ്ങൾക്കാ​യി വ്യഗ്ര​ത​യോ​ടെ പ്രയത്‌നി​ക്കു​ക​യും ഒരളവിൽ വിജയം പ്രാപി​ക്ക​യും ചെയ്‌തി​ട്ടുണ്ട്‌. കൂടാതെ, സഖ്യത്തി​ന്റെ ആയുസ്സി​ന്റെ ഇരട്ടി​യി​ല​ധി​കം കാലം, 45 വർഷമാ​യി, ഐക്യ​രാ​ഷ്‌ട്രങ്ങൾ പ്രവർത്തി​ച്ചു​കൊ​ണ്ടി​രി​ക്കു​ന്നു എന്ന വസ്‌തുത ബാൾഡ്‌വിൻ പറഞ്ഞത്‌ ശരിയാ​ണെന്നു സൂചി​പ്പി​ക്കു​ന്ന​താ​യി തോന്നു​ന്നു.

യു എൻ-ന്റെ ഒരു മുന്തിയ നേട്ടം, പത്ര​പ്ര​വർത്ത​ക​നായ റിച്ചാർഡ്‌ ഐവർ പറയു​ന്ന​പ്ര​കാ​രം “കുറഞ്ഞ​പക്ഷം മററു പ്രകാ​ര​ത്തിൽ ആയിരി​ക്കു​മാ​യു​രു​ന്ന​തി​നെ​ക്കാൾ അല്‌പം കൂടെ ക്രമീ​കൃത”മാക്കി​ക്കൊ​ണ്ടുള്ള കോള​നി​നിർമ്മാർജ്ജ​ന​ത്തി​ന്റെ ത്വരി​ത​പ്പെ​ടു​ത്ത​ലി​ലാണ്‌. കൂടാതെ, ഈ സംഘടന “ശീതസ​മ​രത്തെ വാചക​ക്ക​സർത്തി​ന്റെ രണഭൂ​മി​യിൽ മാത്ര​മാ​യി ഒതുക്കാ​നും സഹായി​ച്ചി​രി​ക്കു​ന്നു” എന്ന്‌ അദ്ദേഹം അവകാ​ശ​പ്പെ​ടു​ന്നു. അതിന്റെ സഹായ​ത്തോ​ടെ ഉളവായ “ആഗോ​ള​പ​ര​മായ ഔദ്യോ​ഗിക സഹകര​ണ​ത്തി​ന്റെ മാതൃക”യേയും അദ്ദേഹം പുകഴ്‌ത്തു​ന്നു.

തീർച്ച​യാ​യും, ചൂടു​പി​ടി​ക്കു​ന്ന​തിൽ നിന്നു ശീതയു​ദ്ധത്തെ തടയു​ന്ന​തിൽ ന്യൂക്ലി​യർയു​ദ്ധ​ഭീ​ഷ​ണി​യാണ്‌ ഐക്യ​രാ​ഷ്‌ട്ര​ങ്ങ​ളെ​ക്കാൾ അധികം പ്രവർത്തി​ച്ച​തെന്നു ചിലർ വാദി​ക്കു​ന്നു. രാഷ്‌ട്ര​ങ്ങ​ളു​ടെ ഐക്യ​പ്പെ​ടു​ത്തൽ എന്ന അതിന്റെ പേരി​ലുൾക്കൊ​ണ്ടി​രി​ക്കുന്ന വാഗ്‌ദ​ത്തത്തെ നിറ​വേ​റ​റു​ന്ന​തി​നു​പ​കരം പരസ്‌പരം അനൈ​ക്യ​ത്തി​ലാ​യി​രി​ക്കുന്ന രാഷ്‌ട്രങ്ങൾ തമ്മിൽ പൊടു​ന്നനെ ആക്രമി​ക്കു​ന്നതു തടയാൻ ശ്രമി​ക്കുന്ന ഒരു മദ്ധ്യവർത്തി​യാ​യി സേവി​ക്കു​ന്ന​തി​നേ​ക്കാൾ അധിക​മാ​യി ഈ സംഘടന മിക്ക​പ്പോ​ഴും ഒന്നും​തന്നെ ചെയ്‌തി​ട്ടി​ല്ലെ​ന്നു​ള്ള​താണ്‌ വാസ്‌തവം. ഒരു മദ്ധ്യസ്ഥന്റെ ഈ റോളിൽ പോലും അതെല്ലാ​യ്‌പോ​ഴും വിജയ​പ്ര​ദ​മാ​യി​രു​ന്നി​ട്ടില്ല. ഗ്രന്ഥകാ​ര​നായ ബാൾഡ്‌വിൻ വിശദീ​ക​രി​ക്കും​പ്ര​കാ​രം, പഴയ സഖ്യം​പോ​ലെ, “കുററ​മാ​രോ​പി​ക്ക​പ്പെട്ട ഒരു അംഗരാ​ഷ്‌ട്രം കരുണാ​പൂർവ്വം അനുവ​ദി​ക്കു​ന്ന​തി​ന​പ്പു​റം ചെയ്യാൻ ഐക്യ​രാ​ഷ്‌ട്രങ്ങൾ അശക്തമാണ്‌.”

യു. എൻ-ന്റെ അംഗങ്ങ​ളു​ടെ അർദ്ധഹൃ​ദ​യ​ത്തോ​ടെ​യുള്ള പിന്തുണ, സംഘടന തുടർന്നു പ്രവർത്തി​ക്കു​ന്ന​തി​നാ​വ​ശ്യ​മായ പണം നൽകു​ന്ന​തിൽ അവർക്ക്‌ ചില​പ്പോ​ഴൊ​ക്കെ​യുള്ള വിമു​ഖ​ത​യിൽ പ്രതി​ഫ​ലി​ച്ചു​കാ​ണാം. ഉദാഹ​ര​ണ​ത്തിന്‌, ഇസ്ര​യേ​ലിന്‌ അപകട​ക​ര​വും പലസ്‌തീന്‌ അനുകൂ​ല​വു​മെന്നു പരിഗ​ണി​ക്ക​പ്പെട്ട ഒരു പ്രമേയം കാരണം എഫ്‌. എ. ഒ-ക്ക്‌ നൽകേ​ണ്ടി​യി​രുന്ന തങ്ങളുടെ വിഹിതം അമേരിക്ക പിടി​ച്ചു​വെച്ചു. പന്നീട്‌, യു. എൻ-ന്റെ ഈ മുഖ്യ സാമ്പത്തിക പിന്തു​ണ​ക്കാ​രൻ തങ്ങളുടെ വോട്ട്‌ നിലനിർത്താൻമാ​ത്രം ആവശ്യ​മാ​യത്‌ നൽകാ​മെന്നു സമ്മതി​ച്ചെ​ങ്കി​ലും കടത്തിൽ മൂന്നിൽര​ണ്ടി​ല​ധി​കം ഭാഗവും കൊടു​ക്കാ​തി​രു​ന്നു.

ഐക്യ​രാ​ഷ്‌ട്ര​ങ്ങളെ നിഷേ​ധി​ക്കുന്ന, “നിയമം നോക്കാ​തെ വധം നടത്തുന്ന പൊതു പാർട്ടി​യിൽ ചേരു​ന്ന​തിന്‌” താൻ വിസമ്മ​തി​ക്കു​ന്നു​വെന്നു യുനി​സെ​ഫി​ന്റെ മുൻ ഡെപ്യു​ട്ടി ഡയറക്ട​റാ​യി​രുന്ന വരീന്ദ്ര താർസീ വിററാ​ച്ചി 1988-ൽ എഴുതി. സ്വയം “ഒരു വിശ്വസ്‌ത നിരൂ​പകൻ” എന്നു വിളി​ച്ചു​കൊണ്ട്‌, “ഐക്യ​രാ​ഷ്‌ട്രങ്ങൾ ‘അണഞ്ഞു​പോയ ഒരു വിളക്കാ’ണെന്നും, അതിന്റെ തന്നെ ഉന്നത ആദർശ​ങ്ങൾക്കൊ​ത്തു അതു വർത്തി​ച്ചി​ട്ടി​ല്ലെ​ന്നും, സമാധാ​ന​പാ​ല​ന​ത്തി​നുള്ള അതിന്റെ നിയോ​ഗം നിറ​വേ​റ​റി​യി​ട്ടി​ല്ലെ​ന്നും, ചുരുക്കം ചില​തൊ​ഴി​ച്ചാൽ അതിന്റെ വികസന സമിതി​കൾ അവയുടെ അസ്‌തി​ത്വ​ത്തെ നീതീ​ക​രി​ച്ചി​ട്ടി​ല്ലെ​ന്നും പറയുന്ന ആളുകൾ വ്യാപ​ക​മായ ഒരാ​ക്ര​മണം നടത്തു​ക​യാ​ണെന്ന്‌” അദ്ദേഹം സമ്മതി​ച്ചു​പ​റ​യു​ന്നു.

“യു.എൻ.ന്‌ മറെറ​ന്തെ​ല്ലാം ചെയ്യാൻ കഴിഞ്ഞാ​ലും അതു പാതകത്തെ നിർമ്മൂ​ല​മാ​ക്കില്ല. എന്നാൽ, അന്താരാ​ഷ്‌ട്ര​ത​ല​ത്തിൽ പാതകം ചെയ്യു​ന്നതു ദുഷ്‌ക​ര​മാ​ക്കാൻ അതിനു കഴിയും, പാതകി​യെ അതു കൂടുതൽ കണക്കു ബോധി​പ്പി​ക്കേ​ണ്ട​വ​നാ​ക്കു​ക​യും ചെയ്യും. എന്നാൽ അതു രാജ്യ​ങ്ങളെ നയിക്കുന്ന ആളുക​ളു​ടെ​യോ അവയി​ലുൾപ്പെ​ടുന്ന ആളുക​ളു​ടെ​യോ ഹൃദയ​ത്തി​നും മനസ്സി​നും പരിവർത്തനം വരുത്തു​ന്ന​തിൽ ഇതുവ​രെ​യും വിജയി​ച്ചി​ട്ടില്ല”എന്നു ഗ്രന്ഥകാ​രൻ ഐവർ എഴുതു​മ്പോൾ ഐക്യ​രാ​ഷ്‌ട്ര​ങ്ങ​ളു​ടെ മുഖ്യ ബലഹീ​ന​ത​യെ​യാണ്‌ അദ്ദേഹം വെളി​പ്പെ​ടു​ത്തു​ന്നത്‌.—ഇററാ​ലി​ക്‌സ്‌ ഞങ്ങളു​ടേത്‌.

അങ്ങനെ, ഐക്യ​രാ​ഷ്‌ട്ര​ങ്ങ​ളു​ടെ ന്യൂനത സകല മാനു​ഷ​ഭ​ര​ണ​രൂ​പ​ങ്ങ​ളു​ടെ​യും ന്യൂനത തന്നെയാണ്‌. അവയ്‌ക്കൊ​ന്നി​നും വിജയ​ത്തി​നുള്ള മുൻഉ​പാ​ധി​ക​ളായ നീതി​ക്കു​വേ​ണ്ടി​യുള്ള നിസ്വാർത്ഥ​സ്‌നേ​ഹ​മോ തെററി​നോ​ടുള്ള വെറു​പ്പോ അധികാ​ര​ത്തോ​ടുള്ള ആദരവോ ആളുക​ളു​ടെ ഹൃദയ​ത്തിൽ സ്ഥാപി​ക്കാൻ കഴിയില്ല. നീതി​യുള്ള തത്വങ്ങ​ളാൽ നയിക്ക​പ്പെ​ടു​ന്ന​തിന്‌ ആളുകൾ മനസ്സു​ള്ള​വ​രാ​യി​രു​ന്നെ​ങ്കിൽ എത്രയോ ആഗോ​ള​പ്ര​ശ്‌നങ്ങൾ ലഘൂക​രി​ക്ക​പ്പെ​ടു​മാ​യി​രു​ന്നു​വെന്നു ചിന്തി​ച്ചു​നോ​ക്കൂ! ഉദാഹ​ര​ണ​ത്തിന്‌, ആസ്‌​ത്രേ​ലി​യാ​യി​ലെ മലിനീ​ക​ര​ണ​ത്തെ​ക്കു​റി​ച്ചുള്ള ഒരു പത്രറി​പ്പോർട്ടു പറയു​ന്നത്‌, “അജ്ഞത മൂലമല്ല, മനോ​ഭാ​വം മൂലമാണ്‌” ആ പ്രശ്‌നം സ്ഥിതി ചെയ്യു​ന്നത്‌ എന്നാണ്‌. അത്യാ​ഗ്രഹം ഒരടി​സ്ഥാന കാരണ​മാ​ണെന്നു കാണി​ച്ചു​കൊണ്ട്‌, “ഗവൺമെൻറു​നയം പ്രശ്‌നത്തെ രൂക്ഷമാ​ക്കി​യി​രി​ക്കു​ന്നെ”ന്ന്‌ ആ ലേഖനം പറയുന്നു.

അപൂർണ്ണ​മ​നു​ഷ്യർക്ക്‌ കേവലം പൂർണ്ണ​ത​യുള്ള ഗവൺമെൻറു​കൾ രൂപവൽക്ക​രി​ക്കാൻ കഴിയില്ല. എഴുത്തു​കാ​ര​നായ തോമസ്‌ കാർലൈൽ 1,843-ൽ സൂചി​പ്പി​ച്ച​തു​പോ​ലെ: “കാല​ക്ര​മ​ത്തിൽ ഓരോ ഗവൺമെൻറും ജ്ഞാനവും അജ്ഞാന​വു​മുള്ള അതിലെ ജനങ്ങളു​ടെ തനി​പ്ര​തീ​ക​മാണ്‌.” അതു​പോ​ലുള്ള യുക്തി​ക്കെ​തി​രെ വാദി​ക്കാൻ ആർക്കു കഴിയും?

“ഛിന്നഭി​ന്ന​മാ​കട്ടെ!”

ഇപ്പോൾ, ഈ 20-ാം നൂററാ​ണ്ടിൽ, മാനു​ഷ​ഭ​രണം അതിന്റെ പാരമ്യ​ത്തി​ലെ​ത്തി​യി​രി​ക്കു​ക​യാണ്‌. എന്നും നിലനി​ന്നി​രി​ക്കുന്ന ദിവ്യ​ഭ​ര​ണ​ത്തി​നെ​തി​രെ, അങ്ങേയ​ററം ലജ്ജാഹീ​ന​വും ഉദ്ധതവു​മായ ഗൂഢാ​ലോ​ചന നടത്താൻ മാനു​ഷ​ഗ​വൺമെൻറു​കൾ പദ്ധതി​യി​ട്ടി​രി​ക്കു​ന്നു. (യെശയ്യാവ്‌ 8:11-13 താരത​മ്യം ചെയ്യുക.) ആദ്യം സർവ്വരാ​ജ്യ​സ​ഖ്യ​ത്തെ​യും പിന്നീട്‌ ഐക്യ​രാ​ഷ്‌ട്ര​ങ്ങ​ളെ​യും സൃഷ്ടി​ച്ചു​കൊണ്ട്‌ ഒന്നല്ല, രണ്ടു പ്രാവ​ശ്യം അവർ അങ്ങനെ ചെയ്‌തി​രി​ക്കു​ന്നു. അതിന്റെ ഫലത്തെ “കാട്ടു​മൃ​ഗ​ത്തി​ന്റെ പ്രതിമ”യെന്നു വെളി​പ്പാട്‌ 13:14, 15 വിളി​ക്കു​ന്നു. അത്‌ ഉചിത​മാണ്‌, കാരണം അത്‌ ഭൂമി​യി​ലെ മുഴു മനുഷ്യ​രാ​ഷ്‌ട്രീയ വ്യവസ്ഥി​തി​യു​ടെ​യും പ്രതി​ബിം​ബ​മാണ്‌. ഒരു കാട്ടു​മൃ​ഗ​ത്തേ​പ്പോ​ലെ, ഈ രാഷ്‌ട്രീയ വ്യവസ്ഥി​തി​യു​ടെ ഘടകങ്ങൾ ഭൂമി​യി​ലെ നിവാ​സി​കളെ ഇരയാ​ക്കു​ക​യും അവർണ്ണ​നീ​യ​മായ ദുരിതം വരുത്തി​ക്കൂ​ട്ടു​ക​യും ചെയ്‌തി​രി​ക്കു​ന്നു.

സഖ്യം 1939-ൽ വിപൽക്ക​ര​മാ​യി അവസാ​നി​ച്ചു. അതേ അന്തമാണ്‌, “അര കെട്ടി​ക്കൊൾവിൻ; തകർന്നു​പോ​കു​വിൻ. അര കെട്ടി​ക്കൊൾവിൻ; തകർന്നു​പോ​കു​വിൻ. കൂടി ആലോ​ചി​ച്ചു​കൊൾവിൻ; അതു നിഷ്‌ഫ​ല​മാ​യി​ത്തീ​രും” എന്ന ബൈബിൾ പ്രവച​ന​നി​വൃ​ത്തി​യ​നു​സ​രിച്ച്‌ ഐക്യ​രാ​ഷ്‌ട്ര​ങ്ങൾക്കും ഭവിക്കാ​നി​രി​ക്കു​ന്നത്‌.—യെശയ്യാവ്‌ 8:9, 10.

“കാട്ടു​മൃ​ഗ​ത്തി​ന്റെ പ്രതിമ” പ്രതി​ഫ​ലി​പ്പി​ക്കുന്ന മാനുഷ ഭരണവ്യ​വ​സ്ഥി​തി​യോ​ടൊ​പ്പം അത്‌ അന്തിമ​മാ​യി തകർക്ക​പ്പെ​ടു​ന്നത്‌ എപ്പോ​ഴാ​യി​രി​ക്കും? തന്റെ പരമാ​ധി​കാ​രത്തെ വെല്ലു​വി​ളി​ക്കുന്ന മാനു​ഷ​ഭ​ര​ണത്തെ യഹോവ എന്നായി​രി​ക്കും അവസാ​നി​പ്പി​ക്കുക? ഒരു നിശ്ചിത തീയതി ബൈബിൾ പറയു​ന്നില്ല, എങ്കിലും, ‘പെട്ടെന്നു തന്നെ’ എന്നു ബൈബിൾ പ്രവച​ന​വും ലോക​സം​ഭ​വ​ങ്ങ​ളും പറയുന്നു.—ലൂക്കോസ്‌ 21:25-32.

നോക്കാൻ കൂട്ടാ​ക്കുന്ന എല്ലാവ​രാ​ലും കാണ​പ്പെ​ടേ​ണ്ട​തി​നു ചുവരി​ലെ കൈ​യെ​ഴു​ത്തു അവി​ടെ​യുണ്ട്‌. ബേൽശ​സ്സ​റി​ന്റെ രാജത്വം തുലാ​സ്സിൽ തൂക്കി കുറവു​ള്ള​വ​തെന്നു കണ്ടതു​പോ​ലെ​തന്നെ തീർച്ച​യാ​യും മുഴു​മാ​നു​ഷ​ഭ​ര​ണ​വും ന്യായം വിധി​ക്ക​പ്പെ​ടു​ക​യും കുറവു​ള്ള​താ​യി കാണ​പ്പെ​ടു​ക​യും ചെയ്‌തി​രി​ക്കു​ന്നു. അതു രാഷ്‌ട്രീയ അഴിമതി അനുവ​ദി​ച്ചു​കൊ​ടു​ക്കു​ക​യും യുദ്ധങ്ങൾക്കാ​യി വെല്ലു​വി​ളി​ക്കു​ക​യും കാപട്യ​ത്തി​നും എല്ലാത്ത​ര​ത്തി​ലു​മുള്ള സ്വാർത്ഥ​ത​ക്കും ഒത്താശ ചെയ്യു​ക​യും അതിന്റെ പിന്തു​ണ​ക്കാർക്കു മതിയായ ഭവനം, ഭക്ഷണം, വിദ്യാ​ഭ്യാ​സം, വൈദ്യ​സം​ര​ക്ഷണം എന്നിവ പ്രദാനം ചെയ്യു​ന്നത്‌ അവഗണി​ക്കു​ക​യും ചെയ്യുന്നു.

മാനു​ഷ​ഭ​ര​ണം നീങ്ങി​പ്പോ​കു​മ്പോൾ ഒരു രാത്രി​യി​ലെ​ന്ന​പോ​ലെ അതു നീങ്ങി​പ്പോ​കും. ഇന്നുണ്ട്‌, നാളെ പൊയ്‌പോ​യി​രി​ക്കും—അവസാ​ന​മാ​യി പൂർണ്ണ​ത​യുള്ള ഗവൺമെൻറായ ദൈവ​രാ​ജ്യ​ത്താൽ മാററി​പ്ര​തി​ഷ്‌ഠി​ക്ക​പ്പെ​ട്ടു​കൊ​ണ്ടു​തന്നെ! (g90 12⁄8)

[17-ാം പേജിലെ ചതുരം]

വാഗ്‌ദാനങ്ങൾ യാഥാർത്ഥ്യ​ങ്ങൾക്കു വിരുദ്ധം

അരാജ​ക​ത്വം പരിധി​യി​ല്ലാത്ത, സമ്പൂർണ്ണ സ്വാത​ന്ത്ര്യം വാഗ്‌ദാ​നം ചെയ്യുന്നു; യാഥാർത്ഥ്യ​മോ, ഗവൺമെൻറി​ല്ലാ​തെ വ്യക്തി​കൾക്കു പരസ്‌പ​ര​പ്ര​യോ​ജ​ന​ത്തി​നാ​യി സഹകരി​ക്കു​ന്ന​തി​നു നിയമ​ങ്ങ​ളു​ടെ​യോ തത്വങ്ങ​ളു​ടെ​യോ ചട്ടക്കൂട്‌ ഇല്ലെന്നു​ള്ള​താണ്‌; പരിധി​വിട്ട സ്വാത​ന്ത്ര്യം കലാപ​ത്തിൽ കലാശി​ക്കു​ന്നു.

രാജഭ​രണം ഒരൊററ ഭരണകർത്താ​വി​ന്റെ ഭരണത്തിൻ കീഴിൽ സുസ്ഥി​ര​ത​യും ഐക്യ​വും വാഗ്‌ദാ​നം ചെയ്യുന്നു; യാഥാർത്ഥ്യ​മോ, പരിമി​ത​മായ അറിവുള്ള, മാനു​ഷാ​പൂർണ്ണ​ത​ക​ളും ദൗർബ്ബ​ല്യ​ങ്ങ​ളും തടസ്സം നില്‌ക്കുന്ന, ഒരു പക്ഷേ തെററായ ആന്തരങ്ങ​ളാൽ നയിക്ക​പ്പെ​ടു​ക​പോ​ലും ചെയ്യുന്ന മാനു​ഷ​ഭ​ര​ണ​കർത്താ​ക്കൾ മർത്ത്യ​രാണ്‌ എന്നുള്ള​താണ്‌; അതു​കൊണ്ട്‌, ഏതു സ്ഥിരത​യും ഐക്യ​വും അല്‌പാ​യു​സ്സാണ്‌.

പ്രഭു​ജ​ന​ഭ​ര​ണങ്ങൾ ഭരണകർത്താ​ക്ക​ളിൽ അത്യു​ത്ത​മ​രാ​യ​വരെ പ്രദാനം ചെയ്യു​മെന്നു വാഗ്‌ദാ​നം ചെയ്യുന്നു; യാഥാർത്ഥ്യം, തങ്ങൾക്കു ധനമോ, പ്രത്യേക വംശപാ​ര​മ്പ​ര്യ​മോ, അധികാ​ര​മോ ഉള്ളതു​കൊ​ണ്ടാണ്‌ അല്ലാതെ അവശ്യം ജ്ഞാനമോ ഉൾക്കാ​ഴ്‌ച​യോ മററു​ള്ള​വ​രോട്‌ സ്‌നേ​ഹ​മോ പരിഗ​ണ​ന​യോ ഉള്ളതു​കൊ​ണ്ടല്ല അവർ ഭരിക്കു​ന്നത്‌; രാജഭ​രണം നടത്തുന്ന അസമർത്ഥ​നായ ഒരു വ്യക്തി പ്രമാ​ണി​ക​ളായ പല കുലീന ഭരണാ​ധി​പൻമാ​രാൽ പ്രതി​സ്ഥാ​പി​ക്ക​പ്പെ​ടുക മാത്ര​മാണ്‌ ചെയ്യു​ന്നത്‌.

ജനാധി​പ​ത്യ​ഭ​രണം, സകലരു​ടെ​യും പ്രയോ​ജ​ന​ത്തി​നു​വേണ്ടി സകല ജനങ്ങളും തീരു​മാ​ന​മെ​ടു​ക്കു​മെന്നു വാഗ്‌ദാ​നം ചെയ്യുന്നു; യാഥാർത്ഥ്യം, പൊതു​നൻമ​ക്കാ​യി യോജി​പ്പോ​ടെ ശരിയായ തീരു​മാ​നങ്ങൾ എടുക്കു​ന്ന​തി​നാ​വ​ശ്യ​മായ അറിവും ശുദ്ധമായ ആന്തരങ്ങ​ളും ജനങ്ങൾക്ക്‌ ഇല്ലെന്ന​താണ്‌; “വൈവി​ധ്യ​വും ക്രമരാ​ഹി​ത്യ​വും നിറഞ്ഞ​തും തുല്യർക്കും അതുല്യർക്കു​മെ​ല്ലാം ഒരു​പോ​ലെ സമത്വം കൊടു​ക്കു​ന്ന​തു​മായ ആകർഷ​ണീ​യ​മായ ഒരു ഭരണരൂ​പം” എന്നാണ്‌ ജനാധി​പ​ത്യ​ത്തെ പ്ലേറേറാ വർണ്ണി​ച്ചത്‌.

ഏകാധി​പ​ത്യം അനാവ​ശ്യ​മാ​യി വൈകി​ക്കാ​തെ കാര്യങ്ങൾ ചെയ്യു​മെന്നു വാഗ്‌ദാ​നം ചെയ്യുന്നു; യാഥാർത്ഥ്യം, പത്ര​പ്ര​വർത്ത​ക​നായ ഓട്ടോ ഫ്രെഡ​റിക്ക്‌ എഴുതു​ന്ന​തു​പോ​ലെ, “അങ്ങേയ​ററം സദു​ദ്ദേ​ശ്യ​മുള്ള മനുഷ്യർപോ​ലും, ഒരിക്കൽ ശക്തിരാ​ഷ്‌ട്രീ​യ​മാ​കുന്ന കാട്ടിൽ പ്രവേ​ശി​ച്ചാൽ സാധാരണ സാഹച​ര്യ​ങ്ങ​ളിൽ തങ്ങൾ അധാർമ്മി​ക​മെന്നു വിളി​ക്കാൻ ചായ്‌വു കാട്ടുന്ന കാര്യങ്ങൾ ചെയ്യാൻ തങ്ങൾതന്നെ ആജ്ഞാപി​ക്കേണ്ട ആവശ്യത്തെ നേരി​ടേ​ണ്ടി​വ​രു​ന്നു”; അങ്ങനെ, “നല്ല” ഏകാധി​പ​തി​കൾ വ്യക്തി​പ​ര​മായ അധികാര തൃഷ്‌ണ​യു​ടെ​യോ സ്വാർത്ഥ താൽപ​ര്യ​ങ്ങ​ളു​ടെ​യോ ബലിപീ​ഠ​ത്തിൽ തങ്ങളുടെ പ്രജക​ളു​ടെ താൽപ​ര്യ​ങ്ങൾ ബലിക​ഴി​ക്കാൻ മനസ്സുള്ള, അധികാ​ര​പ്രേ​രി​ത​രായ ഭരണകർത്താ​ക്ക​ളാ​യി മാറുന്നു.

ഫാസി​സ്‌ററു ഗവൺമെൻറു​കൾ പൊതു​നൻമ​ക്കാ​യി സമ്പദ്‌വ്യ​വ​സ്ഥയെ നിയ​ന്ത്രി​ക്കു​മെന്നു വാഗ്‌ദാ​നം ചെയ്യുന്നു; യാഥാർത്ഥ്യ​മി​താണ്‌: വ്യക്തി​ക​ളു​ടെ സ്വാത​ന്ത്ര്യ​ത്തെ ബലിക​ഴി​ച്ചു​കൊ​ണ്ടും എന്നാൽ കാര്യ​മായ വിജയ​പ്രാ​പ്‌തി കൂടാ​തെ​യു​മാ​യി​രി​ക്കും അവർ ഇതു ചെയ്യുക; മുസ്സോ​ളി​നി​യു​ടെ കീഴിലെ ഇററലി​യെ​യും ഹിററ്‌ല​റു​ടെ കീഴിലെ ജർമ്മനി​യെ​യും പോലെ യുദ്ധ​ത്തെ​യും ദേശീ​യ​ത്വ​ത്തെ​യും പ്രകീർത്തി​ച്ചു​കൊണ്ട്‌ അവർ രാഷ്‌ട്രീയ വൈകൃ​തങ്ങൾ സൃഷ്ടി​ക്കു​ന്നു.

കമ്മ്യൂ​ണി​സ്‌ററു ഗവൺമെൻറു​കൾ നിയമ​ത്തി​ന്റെ മുമ്പിൽ പൂർണ്ണ സമത്വം ആസ്വദി​ക്കുന്ന പൗരൻമാ​രുൾക്കൊ​ള്ളുന്ന വർഗ്ഗര​ഹിത ഒരു സമൂഹം, ഒരു കുററ​മററ സാങ്കല്‌പി​ക​രാ​ഷ്‌ട്രം സൃഷ്ടി​ക്കാ​മെന്നു വാഗ്‌ദാ​നം ചെയ്യുന്നു; വർഗ്ഗങ്ങ​ളും അസമത്വ​ങ്ങ​ളും ഇപ്പോ​ഴും സ്ഥിതി​ചെ​യ്യു​ന്നു​വെ​ന്നും അഴിമതി നിറഞ്ഞ രാഷ്‌ട്രീ​യ​ക്കാർ സാമാന്യ ജനത്തെ കൊള്ള​യ​ടി​ക്കു​ന്നു​വെ​ന്ന​തു​മാണ്‌ യാഥാർത്ഥ്യം. ഫലം കമ്മ്യൂ​ണി​സ്‌ററു സങ്കല്‌പ​ന​ത്തി​ന്റെ വ്യാപ​ക​മായ പുറന്ത​ള്ള​ലും അതിന്റെ ശക്തിദുർഗ്ഗ​ങ്ങളെ ശിഥി​ലീ​ക​രി​ക്കു​മെ​ന്നുള്ള ദേശീ​യത്വ വിഘട​ന​വാദ പ്രസ്ഥാ​ന​ങ്ങ​ളു​ടെ ഭീഷണി​യു​മാ​യി​രു​ന്നി​ട്ടുണ്ട്‌.

[17-ാം പേജിലെ ചതുരം]

ഐക്യരാഷ്‌ട്രങ്ങളെ സംബന്ധിച്ച്‌

◼ യു. എൻ-ന്‌ ഇപ്പോൾ 160 അംഗങ്ങ​ളുണ്ട്‌. അതിലുൾപ്പെ​ടാത്ത, സാമാ​ന്യം വലിപ്പ​മുള്ള രാജ്യങ്ങൾ രണ്ടു കൊറി​യ​ക​ളും സ്വിറ​റ്‌സർലാൻറും മാത്ര​മാണ്‌; സ്വിറ​റ്‌സർലാൻറിൽ 1986 മാർച്ചിൽ നടന്ന ഒരു ജനഹി​ത​പ​രി​ശോ​ധ​ന​യി​ലൂ​ടെ ഒന്നി​നെ​തി​രെ മൂന്ന്‌ എന്ന വ്യത്യാ​സ​ത്തിൽ അംഗത്വം ആ രാജ്യം തള്ളിക്ക​ളഞ്ഞു.

◼ അതിന്റെ മുഖ്യ സംഘട​നക്കു പുറമെ പ്രത്യേക സമിതി​കൾ, മനുഷ്യാ​വ​കാശ കമ്മീഷ​നു​കൾ, സമാധാ​ന​പാ​ല​ന​പ്ര​വർത്ത​നങ്ങൾ എന്നിങ്ങനെ വേറെ 55 സംഘട​നകൾ അതു പ്രവർത്തി​പ്പി​ക്കു​ന്നുണ്ട്‌.

◼ ഓരോ അംഗരാ​ഷ്‌ട്ര​ത്തി​നും ജനറൽ അസംബ്ലി​യിൽ ഒരു വോട്ടു​വീ​തം അനുവ​ദി​ച്ചി​ട്ടുണ്ട്‌. എന്നാൽ ഏററവും ജനസംഖ്യ കുറവുള്ള അംഗമായ സെൻറ്‌ കിററ്‌സ്‌-നെവി​സി​ലുള്ള ഒരു വ്യക്തിക്ക്‌ 22,000 പേർ വീതമുണ്ട്‌ ഏററവും കൂടിയ ജനസം​ഖ്യ​യുള്ള ചൈന​യിൽ.

◼ ഐക്യ​രാ​ഷ്‌ട്ര​ങ്ങ​ളു​ടെ അന്തർദ്ദേ​ശീയ സമാധാ​ന​വർഷ​ത്തി​ന്റെ 1986-ലെ ആഘോ​ഷ​വേ​ള​യിൽ, ലോക​ത്തിൽ 37 സായു​ധ​യു​ദ്ധങ്ങൾ നടന്നു. ഇതു രണ്ടാം ലോക​മ​ഹാ​യു​ദ്ധ​തി​നു​ശേ​ഷ​മുള്ള ഏതു സമയ​ത്തേ​തി​ലു​മ​ധി​ക​മാ​യി​രു​ന്നു.

◼ യു.എൻ-ന്റെ മൊത്തം അംഗരാ​ഷ്‌ട്ര​ങ്ങ​ളിൽ 37 ശതമാ​ന​ത്തി​നു യഹോ​വ​യു​ടെ സാക്ഷി​ക​ളു​ടെ ഏകീകൃത അന്തർദ്ദേ​ശീയ “ജനത”യേക്കാൾ കുറഞ്ഞ പൗരൻമാ​രേ​യു​ള്ളു; 59 ശതമാ​ന​ത്തിന്‌ 1990-ലെ ക്രിസ്‌തു​വി​ന്റെ മരണസ്‌മാ​ര​കാ​ഘോ​ഷ​ത്തിന്‌ ഹാജരാ​യ​വ​രെ​ക്കാൾ കുറഞ്ഞ പൗരൻമാ​രേ​യു​ള്ളു.

[18-ാം പേജിലെ ചിത്രങ്ങൾ]

സർവ്വരാജ്യസഖ്യം

ഐക്യരാഷ്‌ട്രങ്ങൾ

പൂർണ്ണതയുള്ള ഗവൺമെൻറ്‌ പ്രദാനം ചെയ്യു​ക​യെ​ന്നതു മാനു​ഷ​ക​ഴി​വി​ന​പ്പു​റ​മാ​യി​രിക്ക​യാണ്‌