ലോകത്തെ വീക്ഷിക്കൽ

ദീർഘാ​യു​സ്സി​ന്റെ രഹസ്യം

ജപ്പാൻകാർ ദീർഘാ​യു​സ്സിൽ ഒരു പുതിയ ലോക റിക്കോർഡ്‌ സ്ഥാപി​ച്ചി​രി​ക്കു​ന്നു, ശരാശരി പ്രതീ​ക്ഷിത ആയുർ ദൈർഘ്യം സ്‌ത്രീ​ക​ളിൽ 81.77 വർഷവും പുരു​ഷൻമാ​രിൽ 75.91 വർഷവു​മാ​യി​ട്ടാ​ണിത്‌. “ശിശു മരണത്തി​ന്റെ​യും മദ്ധ്യവ​യ​സ്‌കർക്കി​ട​യി​ലെ മരണത്തി​ന്റെ​യും നിരക്കു കുറഞ്ഞ​തി​നാ​ലാണ്‌ ഇത്‌” എന്ന്‌ വിദഗ്‌ദ്ധർ അഭി​പ്രാ​യ​പ്പെ​ടു​ന്ന​താ​യി മയിനി​ച്ചി ഡയിലി ന്യൂസ്‌ റിപ്പോർട്ടു ചെയ്യുന്നു. ദി ഡെയ്‌ലി യോമി​യൂ​റി പറയു​ന്ന​പ്ര​കാ​രം രാജ്യത്തെ ഏററവും പ്രായം​കൂ​ടിയ വ്യക്തി​യായ വാക്കാ ഷിറഹാ​മാ 112-ാം വയസ്സിൽ തന്റെ ദീർഘാ​യു​സ്സി​ന്റെ രഹസ്യ​മാ​യി പറഞ്ഞത്‌ “ചുറു​ചു​റു​ക്കു​ള്ള​തും പക്വവും വിശ്വ​സ്‌ത​മാ​യ​തു​മായ ഒരു ജീവിതം നയിക്കുക” എന്നായി​രു​ന്നു, രാജ്യത്തു നൂറു വയസ്സു പിന്നിട്ട 3,298 പേരിൽ ഒരാളാണ്‌ ഇവർ. മറെറാ​രു മുഖാ​മു​ഖ​ത്തിൽ അവർ കൂട്ടി​ച്ചേർത്തു: “ഇഷ്‌ട​മോ അനിഷ്ട​മോ കൂടാതെ എല്ലാത്തരം ഭക്ഷണങ്ങ​ളും കഴിക്കുക, ധാരാ​ള​മാ​യി ഉറങ്ങുക, കൂടാതെ ചിരി​ക്കു​വാൻ മറക്കാ​തി​രി​ക്കുക.” (g90 12⁄22)

ക്ലോങ്ങു​കൾ ശുദ്ധി​യാ​ക്കു​ക

ക്ലോങ്ങു​കൾ, തായ്‌ല​ണ്ടി​ന്റെ തലസ്ഥാ​ന​മായ ബാങ്കോ​ക്കി​ലെ ആകർഷ​ക​മായ തിര​ക്കേ​റിയ കനാലു​ക​ളാണ്‌. ഇവ ബാങ്കോ​ക്കി​നെ പ്രസി​ദ്ധ​മാ​ക്കു​ന്ന​തിന്‌ സഹായി​ച്ചി​രി​ക്കു​ന്നു. ഇവയുടെ തീരങ്ങ​ളിൽ തൂണു​ക​ളിൽ നിൽക്കുന്ന വീടുകൾ സ്ഥിതി​ചെ​യ്യു​ന്നു. എന്നാൽ ഏഷ്യാ​വീക്ക്‌ മാസിക എഴുതി​യി​രി​ക്കു​ന്നത്‌ “ജലപാ​ത​ക​ളിൽ ചിലവ ചപ്പുച​വ​റു​ക​ളും മലിന​ജ​ല​വും ചേർന്ന്‌ ചീഞ്ഞ കുഴമ്പു​പ​രു​വ​ത്തി​ലാ​യി​രി​ക്കുന്ന മലിനജല ഓടക​ളാ​യി​ത്തീർന്നി​രി​ക്കു​ന്നു” എന്നാണ്‌. ക്ലോങ്ങു​ക​ളു​ടെ തീരത്തെ വീടു​ക​ളിൽ ബഹുഭൂ​രി​പ​ക്ഷ​വും ബാങ്കോ​ക്കി​ലെ മലിന​ജ​ല​നിർഗ്ഗമന മാർഗ്ഗ​ങ്ങ​ളോട്‌ ബന്ധപ്പെ​ടു​ത്തി​യി​ട്ടില്ല, കൂടാതെ ചപ്പുച​വ​റു​കൾ നീക്കം​ചെ​യ്യുന്ന ട്രക്കു​കൾക്ക്‌ ഇവകൾക്ക​ടു​ത്തെ​ത്തു​വാ​നും സാധ്യമല്ല. ഫലമോ: ഓരോ ദിവസ​വും 140 ടണ്ണോളം മലിന​ജ​ല​വും ചപ്പുച​വ​റു​ക​ളും തായ്‌ല​ണ്ടി​ലെ പ്രഭാ​വ​മാർന്ന നദിയായ ചാവോ ഫ്രാവാ നദിയിൽ എത്തുന്നു. ഈ നദിയാണ്‌ ക്ലോങ്ങു​കളെ നിലനിർത്തു​ന്നത്‌. ചില ക്ലോങ്ങു​കൾ അവശി​ഷ്ടങ്ങൾ നിറഞ്ഞു തടസ്സ​പ്പെ​ട്ടും ജീവസ​ന്ധാ​ര​ണ​ത്തിന്‌ അനു​പേ​ക്ഷ​ണീ​യ​മായ ഓക്‌സി​ജൻ ഇല്ലാ​തെ​യും നദീതീ​രത്തു വസിക്കു​ന്ന​വർക്ക്‌ അസഹനീ​യ​മായ ദുർഗ​ന്ധ​വും വമിപ്പി​ക്കു​ന്നു. അതിനാൽ ക്ലോങ്ങു​കളെ ശുദ്ധി​യാ​ക്കു​വാ​നാ​യി ഒരു സംഘടി​ത​ശ്രമം ആരംഭി​ക്ക​പ്പെ​ട്ടി​രി​ക്കു​ക​യാണ്‌. “സന്നദ്ധ​സേ​വ​ക​രു​ടെ സൈന്യ​ങ്ങൾ ആഹ്വാ​ന​ത്തോ​ടു പ്രതി​ക​രി​ച്ചി​രി​ക്കു​ന്നു” എന്ന്‌ ഏഷ്യാ​വീക്ക്‌ റിപ്പോർട്ടു​ചെ​യ്യു​ന്നു. (g90 12⁄22)

വിമാ​നാ​പ​ക​ട​ങ്ങൾ

ഒരു പ്രധാന വിമാന നിർമ്മാ​താ​ക്ക​ളായ ബോയിങ്ങ്‌, വിമാ​നാ​പ​ക​ട​ങ്ങ​ളു​ടെ കാരണ​ങ്ങ​ളെ​യും ആവൃത്തി​യെ​യും കുറിച്ച്‌ പഠനം നടത്തി വരിക​യാ​യി​രു​ന്നു. ദി വാൾസ്‌ട്രീ​ററ്‌ ജേർണൽ പറയുന്ന പ്രകാരം, നിർമ്മാ​താ​ക്കൾ 1950 മുതൽ സംഭവിച്ച 850 വൻകിട അപകട​ങ്ങ​ളെ​പ്പ​ററി പരി​ശോ​ധി​ച്ചു. ബോയിങ്ങ്‌ അവകാ​ശ​പ്പെ​ടു​ന്നത്‌ “കഴിഞ്ഞ പത്തു വർഷങ്ങ​ളിൽ നടന്ന അപകട​ങ്ങ​ളിൽ 72 ശതമാ​ന​ത്തി​ല​ധി​ക​വും വിമാ​ന​ജോ​ലി​ക്കാർ വരുത്തിയ പിഴവു​കൾ മൂലമാ​യി​രു​ന്നു” എന്നാണ്‌. റിപ്പോർട്ട്‌ പ്രസ്‌താ​വി​ച്ചത്‌ എയൽലൈൻ ഫൈറ്‌ള​റു​കൾ ഇപ്പോ​ഴത്തെ നിരക്കിൽ തുടർന്നും വർദ്ധി​ക്കു​ക​യും അപകട​ങ്ങ​ളു​ടെ എണ്ണം വർദ്ധിച്ച ഒരു നിരക്കിൽ കുറക്കു​ന്ന​തിൽ പരാജ​യ​പ്പെ​ടു​ക​യു​മാ​ണെ​ങ്കിൽ അടുത്ത ദശകത്തി​ന്റെ മദ്ധ്യ​ത്തോ​ടെ പരിണ​ത​ഫലം “എല്ലാത്തരം വിമാ​ന​ങ്ങ​ളി​ലും ഓരോ വർഷവും ശരാശരി 20 പ്രധാന അപകടങ്ങൾ ഉണ്ടാവും . . . , ഇപ്പോ​ഴു​ള്ള​തിൽ നിന്ന്‌ 15 അധികം” എന്നാണ്‌. (g90 12⁄22)

ജോലി​ക്കാ​രു​ടെ മോഷണം

കുററ​കൃ​ത്യ​ങ്ങൾ ബ്രിട്ടീഷ്‌ വ്യവസായ മേഖലക്ക്‌ ഓരോ വർഷവും 9,00,00,00,000 ഡോള​റി​ല​ധി​കം വ്യയ​പ്പെ​ടു​ത്തു​ന്ന​താ​യി കോൺഫെ​ഡ​റേഷൻ ഓഫ്‌ ബ്രിട്ടീഷ്‌ ഇൻഡസ്‌ട്രി​യു​ടെ ഡയറക്ടർ ജനറലായ ജോൺ ബൻഹം സമർത്ഥി​ക്കു​ന്നു. ഈ ആകെ തുകയിൽ 200 കോടി മുതൽ 300 കോടി വരെ ഡോളർ ജോലി​ക്കാ​രു​ടെ മോഷണം മുഖേ​ന​യാണ്‌. അടുത്ത​യി​ടെ നടത്തിയ ഒരു സർവേ​യു​ടെ ഫലം റിപ്പോർട്ടു ചെയ്‌തു​കൊണ്ട്‌ ലണ്ടൻ ഡെയ്‌ലി ടെലി​ഗ്രാഫ്‌ വെളി​പ്പെ​ടു​ത്തി​യത്‌ കണ്ടുമു​ട്ടി​യ​വ​രിൽ 85 ശതമാനം ആളുകൾ ഒരു സഹപ്ര​വർത്തകൻ കമ്പനി​യിൽനി​ന്നു നടത്തിയ മോഷണം മേലധി​കാ​രി​യെ അറിയി​ക്കു​ക​യില്ല എന്നാണ്‌. മററു അവിശ്വസ്‌ത ശീലങ്ങ​ളിൽ മനോ​ഭാ​വം പ്രായ​മ​നു​സ​രിച്ച്‌ വ്യത്യാ​സ​പ്പെ​ട്ടു​വെന്ന്‌ സർവേ നിരീ​ക്ഷി​ച്ചു. 45 വയസ്സി​നു​മേൽ പ്രായ​മു​ള്ള​വ​രിൽ പകുതി​യി​ല​ധി​കം ജോലി​ക്കാ​രും കമ്പനി വക ടെലി​ഫോൺ സ്വകാര്യ വിളി​കൾക്കു​പ​യോ​ഗി​ക്കു​ന്നത്‌ സ്വീകാ​ര്യ​മല്ല എന്നു കരുതി​യ​പ്പോൾ 16 മുതൽ 24 വരെ പ്രായ​ക്കാ​രിൽ നാലിൽ ഒന്നിൽ താഴെ മാത്രമേ അങ്ങനെ കരുതി​യു​ള്ളു. കൂടാതെ, ജോലി​സ​മയം കമ്പനി ബിസി​ന​സ്സി​നോട്‌ ബന്ധമി​ല്ലാത്ത കാര്യങ്ങൾ സംസാ​രി​ക്കാ​നാ​യി ഉപയോ​ഗി​ക്കു​ന്നത്‌ “സമയ മോഷണ”മാണെന്ന്‌ കരുതി​യത്‌ യുവജ​ന​ങ്ങ​ളു​ടെ ഈ ഗണത്തിലെ 19 ശതമാനം മാത്ര​മാണ്‌. (g90 11⁄22)

സമ്പത്തു സംരക്ഷി​ക്കാൻ ബുദ്ധൻമാർ

ജപ്പാനി​ലെ സ്വർണ്ണ വ്യാപാ​രി​കൾ റിപ്പോർട്ടു ചെയ്യു​ന്നത്‌ അവരുടെ ഏററവു​മ​ധി​കം വിററ​ഴി​യ​പ്പെ​ടുന്ന വസ്‌ത​ക്ക​ളിൽ ബുദ്ധന്റെ സ്വർണ്ണ​പ്ര​തിമ ഉൾപ്പെ​ടു​ന്നു എന്നാണ്‌. എന്തു​കൊണ്ട്‌? ഒരു പുതിയ നികുതി സമ്പ്രദാ​യം അവതരി​പ്പി​ക്ക​പ്പെ​ട്ടതു മുതൽ സ്വർണ്ണ​നിർമ്മിത വസ്‌തു​ക്കൾക്ക്‌ വില കുറഞ്ഞു. കൂടു​ത​ലാ​യി ഈ മതപര​മായ പ്രതി​മകൾ അനന്തരാ​വ​കാശ നികു​തി​യിൽ നിന്ന്‌ ഒഴിവാ​ക്ക​പ്പെ​ട്ടി​രി​ക്കു​ന്നു എന്ന്‌ ഒരു പൊതു​ജ​ന​വി​ശ്വാ​സ​വു​മുണ്ട്‌. എന്നിരു​ന്നാ​ലും അവയുടെ മതപര​മായ പ്രാമു​ഖ്യ​ത്തെ​യും ഉപയോ​ഗ​ത്തെ​യും​കാൾ അധിക​മാ​യി നിയമത്തെ ഒഴിഞ്ഞു​പോ​കാ​നാ​യി വാങ്ങപ്പെട്ട ബുദ്ധ പ്രതി​മ​കൾക്ക്‌ നികുതി ഈടാ​ക്കും എന്ന്‌ ടാക്‌സ്‌ ഏജൻസി ഭീഷണി മുഴക്കു​ന്നു. സ്വർണ്ണ വ്യാപാ​രി​ക​ളും ചൂണ്ടി​ക്കാ​ട്ടു​ന്നത്‌ ഒരു ബുദ്ധനെ രൂപ​പ്പെ​ടു​ത്തി​യെ​ടു​ക്കു​ന്ന​തി​ലുൾപ്പെ​ട്ടി​രി​ക്കുന്ന പ്രയത്‌നം അതിന്റെ വിലയെ അതില​ട​ങ്ങി​യി​രി​ക്കുന്ന സ്വർണ്ണ​ത്തി​ന്റെ വിലയു​ടെ 75 ശതമാ​ന​ത്തോ​ളം വർദ്ധി​പ്പി​ക്കു​ന്നു എന്നതി​നാൽ ഇത്‌ ബുദ്ധി​പ​ര​മ​ല്ലാത്ത ഒരു നിക്ഷേപം ആണെന്നാണ്‌. (g90 11⁄22)

പാററാ​യെ നിയ​ന്ത്രി​ക്കൽ

യു. എസ്സ്‌. അഗ്രി​ക്കൾച്ചർ റിസേർച്ച്‌ സർവീ​സി​ലെ റിച്ചാർഡ്‌ ബ്രണ്ണർ പറയുന്നു: “മനുഷ്യർക്കു സഹിക്കാ​വു​ന്ന​തി​ല​ധി​കം അളവി​ലുള്ള അണുവി​കി​രണം സഹിച്ചു നിൽക്കാൻ പാററാ​കൾക്കു കഴിയും. എന്നാൽ അവക്ക്‌ ശരീര താപനില നിയ​ന്ത്രി​ക്കാൻ സാധ്യമല്ല, അതിനാൽ നമുക്കു സഹിക്കാൻ കഴിയുന്ന ചൂട്‌—കാരണം നമ്മുടെ ശരീ​രോ​ഷ്‌മാ​വു കുറക്കാൻ നാം വിയർക്കു​ന്നു—അവയെ കൊല്ലും.” ഇപ്പോൾ കാലി​ഫോർണി​യ​യി​ലെ ഒരു കീടനി​യ​ന്ത്രണ കമ്പനി വീടു​ക​ളിൽനിന്ന്‌ പാററാ​ക​ളെ​യും മററു​കീ​ട​ങ്ങ​ളെ​യും തുരത്തു​വാൻ ഈ വസ്‌തുത ഉപയോ​ഗ​പ്പെ​ടു​ത്തു​ന്നു. ഒരു കീടബാ​ധിത ഭവനം ഒരു കാൻവാസ്‌ കൂടാ​ര​ത്താൽ മൂട​പ്പെ​ടു​ന്നു. പ്രൊ​പ്പേൻ കത്തിക്കുന്ന ബർണ്ണറു​ക​ളും ഫാനു​ക​ളും ഉള്ളിൽ സ്ഥാപി​ക്കു​ക​യും ഊഷ്‌മാവ്‌ 150 ഡിഗ്രി ഫാറൻ ഹീറേ​റാ​ളം ഉയർത്തു​ക​യും ചെയ്യുന്നു. “ഈ ഊഷ്‌മാ​വിൽ നാലു മണിക്കൂർ കഴിയു​മ്പോൾ വീടിന്റെ ഓരോ ഭാഗങ്ങ​ളും 50 ഡിഗ്രി സെൽഷി​യസ്‌ [122 ഡിഗ്രി ഫാറൻഹീ​ററ്‌] ഊഷ്‌മാ​വിൽ എത്തിയി​രി​ക്കും, പാററാ​ക​ളെ​യും ഉറുമ്പു​ക​ളെ​യും ഈച്ചക​ളെ​യും മൂട്ടക​ളെ​യും ഈയാം​പാ​റ​റ​ക​ളെ​യും ചിതലു​ക​ളെ​യും​പോ​ലും കൊല്ലു​വാൻ ഈ ഊഷ്‌മാ​വു മതിയാ​കും” എന്ന്‌ ന്യൂ സയൻറി​സ്‌ററ്‌ പറയുന്നു. (g90 11⁄22)

“ഗുണത്തി​നോ ദോഷ​ത്തി​നോ”

“വിവാഹം സ്വർഗ്ഗ​ത്തിൽ നടക്കു​ന്ന​താ​യി പറയ​പ്പെ​ടു​ന്നു,” ഇന്ത്യാ ടുഡേ പ്രസ്‌താ​വി​ക്കു​ന്നു. “എന്നാൽ പത്താൻ ഗ്രാമ​ത്തി​ലെ രണ്ടു ദമ്പതി​കൾക്ക്‌ വിവാഹം ഭൂമി​യിൽ അഴിക്ക​പ്പെ​ട്ട​താ​യി തോന്നു​ന്നു.” രണ്ടു വ്യത്യസ്‌ത വിവാഹ പാർട്ടി​കൾ അവരുടെ വിവാ​ഹ​ത്തിന്‌ ഒരേ സമയ​ത്തെ​ത്തി​യ​പ്പോ​ഴാണ്‌ ഇതു സംഭവി​ച്ചത്‌. രണ്ടുകൂ​ട്ട​രും വളരെ തിരക്കി​ലാ​യി​രു​ന്നു, അതിനാൽ കർമ്മങ്ങൾ വളരെ വേഗത്തിൽ നടത്തി. മണവാ​ട്ടി​ക​ളു​ടെ മുഖങ്ങൾ മറച്ചി​രുന്ന നീണ്ട മൂടു​പടം മാററു​ക​യും മണവാ​ട്ടി​ക​ളു​ടെ ഒരു കൂടി​ക്കു​ഴയൽ കണ്ടുപി​ടി​ക്ക​പ്പെ​ടു​ക​യും ചെയ്‌ത​പ്പോ​ഴാണ്‌ യഥാർത്ഥ ഞെട്ടൽ സംഭവി​ച്ചത്‌. ഇന്ത്യാ ടുഡേ പറയുന്നു: “ഈ ആൾമാ​റാ​ട്ട​ത്തിൽ മണവാ​ട്ടി​കൾ ഭയചകി​ത​രാ​യെ​ങ്കി​ലും ചെയ്‌തു​പോയ കാര്യം തിരിച്ചു ചെയ്യു​വാൻ സാധി​ക്കു​ക​യില്ല എന്ന്‌ ബന്ധുക്കൾ നിർബന്ധം പിടിച്ചു. അതിനാൽ ഇപ്പോൾ ദമ്പതികൾ ഗുണത്തി​നോ ദോഷ​ത്തി​നോ മരണം അവരെ വേർപി​രി​ക്കു​ന്നതു വരെ ചേർന്നു പോയേ മതിയാ​കൂ.” (g90 11⁄22)