ഇഗ്വാക്കു ജലപാ​തങ്ങൾ—ഹരിത വിതാ​ന​ത്തി​ലെ രത്‌നങ്ങൾ

ബ്രസീലിലെ ഉണരുക! ലേഖകൻ

“തെക്കെ അമേരി​ക്ക​യി​ലെ പ്രകൃ​തി​യു​ടെ ഏററവും ശ്രദ്ധേ​യ​മായ അത്ഭുത​ങ്ങ​ളി​ലൊന്ന്‌” എന്നുപ​റ​ഞ്ഞു​കൊ​ണ്ടാണ്‌ ഒരു സർവവി​ജ്ഞാ​ന​കോ​ശം, അർജൻറീ​ന​യു​ടെ​യും ബ്രസീ​ലി​ന്റെ​യും പരാ​ഗ്വേ​യു​ടെ​യും അതിർത്തി​കൾ സന്ധിക്കു​ന്ന​തി​നു സമീപം സ്ഥിതി​ചെ​യ്യുന്ന പ്രമു​ഖ​മായ ഈ വെള്ളച്ചാ​ട്ട​ങ്ങ​ളെ​ക്കു​റി​ച്ചുള്ള വിവരണം തുടങ്ങു​ന്നത്‌. അവയെ പ്രത്യേ​കിച്ച്‌ ആകർഷ​ക​മാ​ക്കു​ന്നത്‌ അവയുടെ സ്വാഭാ​വിക പശ്ചാത്ത​ല​മാണ്‌—ഒരു തൊടാത്ത ഉഷ്‌ണ​മേ​ഖലാ വനം. സത്യത്തിൽ പച്ചവി​രിച്ച പശ്ചാത്ത​ല​ത്തിൽ സ്ഥാപി​ച്ചി​രി​ക്കുന്ന രത്‌നങ്ങൾ. തെക്കെ അമേരി​ക്ക​യി​ലെ വിനോ​ദ​സ​ഞ്ചാ​രി​കൾക്ക്‌ ഇവിടം സന്ദർശി​ക്കുക എന്നത്‌ ഒഴിച്ചു​കൂ​ടാൻപ​റ​റാത്ത ഒന്നായി​രി​ക്കു​ന്ന​തിൽ അതിശ​യ​മില്ല!

ഗുറാനി ഭാഷയിൽ “ഇഗാക്കു” എന്നാൽ “വലിയ വെള്ളം” എന്നാണർത്ഥം. അത്‌ വലുതു​മാണ്‌, എന്തു​കൊ​ണ്ട​ന്നാൽ വെള്ളച്ചാ​ട്ട​ങ്ങ​ളു​ടെ ഇടിമു​ഴ​ക്കം​പോ​ലുള്ള ശബ്ദം 30 കിലോ​മീ​ററർ അകലെ കേൾക്കാൻ കഴിയും. വർഷത്തി​ലെ ഋതുക്കൾക്കനുസരിച്ച്‌ ഒരുവന്‌, ഒരു വലിയ ചെങ്കു​ത്തി​ലൂ​ടെ 300 വ്യത്യസ്‌ത വെള്ളച്ചാ​ട്ടങ്ങൾ കീഴോ​ട്ടു നിപതി​ക്കു​ന്നത്‌ എണ്ണാൻ കഴിയും. ചില ജലപാ​തങ്ങൾ ഒരു ചെരി​വി​ലൂ​ടെ ആയിരി​ക്കു​മ്പോൾ മററുള്ളവ പകുതി താഴെ​യാ​യി ഉന്തിനിൽക്കുന്ന തിട്ടയിൽ പതിച്ച​ശേഷം മലയി​ടു​ക്കി​ന്റെ അടിയി​ലേക്ക്‌ മറെറാ​രു പതനം സംഭവി​ക്ക​ത്ത​ക്ക​വണ്ണം ആയിരി​ക്കു​ന്നു. മഴക്കാ​ലത്ത്‌, ഒരു സെക്കൻറിൽ 10,000 ഘനമീ​ററർ വെള്ളം ഈ വെള്ളച്ചാ​ട്ട​ങ്ങ​ളി​ലൂ​ടെ ഘോര​ശ​ബ്ദ​ത്തോ​ടെ നിപതി​ക്കു​ന്നു എന്ന്‌ കണക്കാ​ക്ക​പ്പെ​ടു​ന്നു. അതിന്റെ ഫലമായി താഴെ കുട്ടകം​പോ​ലെ വിസ്‌തൃ​ത​മായ ഭാഗത്ത്‌ മൂടൽമ​ഞ്ഞി​ന്റെ​യും ജലകണ​ങ്ങ​ളു​ടെ​യും കൂട്ടം ഉളവാ​ക്ക​പ്പെ​ടു​ന്നു, അത്‌ വെയി​ലുള്ള ഒരു ദിവസം പകൽ മുഴുവൻ വർണ്ണാ​ഭ​മായ മഴവി​ല്ലു​ക​ളു​ടെ ഒരു പരമ്പര കാഴ്‌ച​വെ​ക്കു​ന്നു.

ഈ അത്ഭുത​ക​ര​മായ പ്രദർശ​ന​ത്തി​ന്റെ മുഖ്യ ഭാഗം, ഒരു വിനോ​ദ​യാ​ത്രാ ലഘുപ​ത്രി​ക​യിൽ “മുഴു പ്രദർശ​ന​ത്തി​ന്റെ​യും ഏററവും പ്രൗഢി​യേ​റിയ ദൃശ്യ”മെന്ന്‌ വർണ്ണി​ച്ചി​രി​ക്കുന്ന, “ഏകദേശം 90 മീററർ ഉയരമുള്ള തൂക്കായ പാറക​ളിൽ കൂട്ടി​യി​ടി​ക്കുന്ന പതിനാ​ലു ജലപാ​ത​ങ്ങ​ളു​ടെ വൃത്തം,” പ്രസി​ദ്ധ​മായ ഗാർഗാ​ണ്ടാ ഡോ ഡയാബൊ (പിശാ​ചി​ന്റെ തൊണ്ട, അല്ലെങ്കിൽ മലയി​ടുക്ക്‌) ആണ്‌.

ഈ ജലപാ​തങ്ങൾ കാണു​ന്ന​തി​നുള്ള ഏററവും നല്ല മാർഗ്ഗം ഹെലി​കോ​പ്‌ററർ ഉപയോ​ഗി​ക്കു​ന്ന​താണ്‌. അത്തരത്തി​ലുള്ള ഒരു യാത്ര​ക്കു​ശേഷം, ഒരു വിനോ​ദ​സ​ഞ്ചാ​രി പറഞ്ഞു: ‘താഴത്തെ മനോ​ഹ​ര​ദൃ​ശ്യ​ത്തെ സംബന്ധി​ച്ചുള്ള ഞങ്ങളുടെ വിലമ​തിപ്പ്‌ ഞങ്ങളുടെ പൈല​ററ്‌ മനസ്സി​ലാ​ക്കി​യ​താ​യി തേന്നി. അദ്ദേഹം മിക്ക​പ്പോ​ഴും ചെയ്യു​ന്ന​തിൽ നിന്നു വിഭി​ന്ന​മാ​യി, വീക്ഷണ​ത​ല​ത്തിൽനിന്ന്‌ ദൂരെ​പോ​കു​ന്ന​തി​നു പകരം ആ മലയി​ടു​ക്കി​ന്റെ മുഴു​നീ​ള​വും അങ്ങോ​ട്ടും ഇങ്ങോ​ട്ടും പലപ്രാ​വ​ശ്യം കടന്നു​പോ​യി. യഹോ​വ​യു​ടെ സൃഷ്ടി​ക്രി​യ​ക​ളു​ടെ ഈ അത്ഭുത​ക​ര​മായ പ്രദർശനം മുദ്രണം ചെയ്‌തു​കൊണ്ട്‌ ഞങ്ങളുടെ ക്യാമ​റാ​ക​ളും വീഡി​യോ​ക​ളും സ്ഥിരമാ​യി ഉപയോ​ഗ​ത്തി​ലാ​യി​രു​ന്നു.’

മററു സന്ദർശകർ തങ്ങൾക്കു​വേണ്ടി തയ്യാറാ​ക്ക​പ്പെ​ട്ടി​രുന്ന പല വഴിക​ളിൽകൂ​ടി​യും മാർഗ്ഗ​ങ്ങ​ളിൽകൂ​ടി​യും കേവലം അലസഗ​മനം ചെയ്യു​ന്ന​തു​കൊണ്ട്‌ തൃപ്‌ത​രാ​യി​രു​ന്നു. ബ്രസ്സീ​ലി​ന്റെ ഭാഗത്തു​നിന്ന്‌ ഒരുവന്‌ ജലപാ​ത​ങ്ങ​ളു​ടെ ഒരു പൂർണ്ണ, വിശാ​ല​ദൃ​ശ്യം ലഭിക്കും, അതേസ​മയം അർജൻറീ​ന​യു​ടെ ഭാഗത്തു​നിന്ന്‌ ഓരോ ജലപാ​ത​ത്തി​ന്റെ​യും നെടുകെ സഞ്ചരി​ക്കാ​നും ചില സ്ഥലങ്ങളിൽ ഒരു ഭൂഭാ​ഗ​ത്തു​നിന്ന്‌ മറെറാ​ന്നി​ലേക്ക്‌ കുറുകെ കോൺക്രീ​ററ്‌ ചെയ്‌തി​രി​ക്കുന്ന നടപ്പാ​ത​യി​ലൂ​ടെ കടക്കാ​നും കഴിയും. മിക്ക സന്ദർശ​ക​രും, വിദൂ​ര​ത​യി​ലെ ചക്രവാ​ള​ത്തി​ലേക്ക്‌ വ്യാപി​ച്ചു​കി​ട​ക്കുന്ന ഇടതൂർന്ന മഴവന​ങ്ങ​ളു​ടെ ആഡംബ​ര​പൂർവ​ക​മായ ഹരിത​വർണ്ണ​ത്താൽ പശ്ചാത്ത​ല​മൊ​രു​ക്ക​പ്പെട്ട ദൃശ്യ​ത്താൽ തങ്ങളുടെ കണ്ണുകൾക്ക്‌ വിരു​ന്നേ​കി​ക്കൊ​ണ്ടും തങ്ങളുടെ ക്യാമ​റാ​കൾ പ്രവർത്തി​പ്പി​ച്ചു​കൊ​ണ്ടും രണ്ടും ചെയ്യുന്നു.

ജാഗ്ര​ത​യു​ള്ള​വ​രാ​യി​രി​ക്കു​ന്നവർ, മീവൽപ​ക്ഷി​കൾ ജലകണി​ക​ക​ളു​ടെ മേഘത്തി​നു​ള്ളി​ലേ​ക്കും പുറ​ത്തേ​ക്കും പിന്നീട്‌ കീഴോട്ട്‌ പറക്കു​ന്ന​തി​നു മുമ്പ്‌ വൃക്ഷങ്ങ​ളു​ടെ മുകളി​ലേ​ക്കും ദ്രുത​ച​ല​നം​ചെ​യ്യു​ന്നത്‌ കാണും. അല്ലെങ്കിൽ അവർ, പരുക്കൻസ്വ​ര​ത്തിൽ പാടുന്ന പച്ചത്തത്ത​ക​ളു​ടെ കൂട്ടം, ജലപാ​ത​ത്തി​ന്റെ മുകളിൽ വളരെ ആഴമി​ല്ലാത്ത ഭാഗത്ത്‌ ഊളി​യി​ടു​ന്ന​തും ഉന്തിനിൽക്കുന്ന പാറയിൽ അള്ളിപ്പി​ടി​ച്ചി​രി​ക്ക​യും പെട്ടെ​ന്നു​തന്നെ പുനഃ​പ്ര​ത്യ​ക്ഷ​പ്പെ​ടു​ക​യും മരങ്ങളു​ടെ മുകളി​ലേക്ക്‌ പറക്കു​ക​യും അവിടെ അവ തങ്ങളുടെ കൊക്കു​കൾകൊണ്ട്‌ തൂവലു​കൾ മിനു​ക്കു​ക​യും ചെയ്യു​ന്ന​തും കാണും. സന്ദർശകർ കൂടുതൽ അടുത്തു വീക്ഷി​ക്കു​ന്നെ​ങ്കിൽ, ചുവന്ന പൃഷ്‌ഠ​ഭാ​ഗ​ത്തോ​ടു​കൂ​ടിയ കാസിക്ക്‌ എന്ന ഒരിനം ഏളപ്പക്ഷി​യു​ടെ തൂങ്ങി​ക്കി​ട​ക്കുന്ന നീണ്ട കൂടുകൾ കാണും. ഈ പക്ഷികൾ കോള​നി​ക​ളിൽ വസിക്കു​ന്നു, നീണ്ട പുൽനാ​രു​കൊ​ണ്ടു നിർമ്മിച്ച അവയുടെ കൂടുകൾ വൃക്ഷത്തി​ന്റെ താഴത്തെ വലിയ ശിഖര​ങ്ങ​ളിൽ തൂങ്ങി​ക്കി​ട​ക്കു​ന്നു. അനേകം ഇനങ്ങളിൽപെട്ട ചിത്ര​ശ​ല​ഭ​ങ്ങ​ളോ​ടൊ​ന്നിച്ച്‌ ഇവയെ​ല്ലാം ജലപാ​ത​ങ്ങ​ളി​ലേ​ക്കുള്ള സന്ദർശ​ന​ത്തിന്‌ ഒരു പുളക​പ്ര​ദ​മായ അനുഭവം പ്രദാ​നം​ചെ​യ്യു​ന്നു.

യഥാർത്ഥ​ത്തിൽ, ഇഗ്വാക്കു ജലപാ​തങ്ങൾ പൂർണ്ണ​മാ​യി വിലമ​തി​ക്കു​ന്ന​തിന്‌ അതു കാണു​ക​യും കേൾക്കു​ക​യും തന്നെ ചെയ്യണം. പ്രകൃതി സൗന്ദര്യ​ത്തി​ന്റെ ഈ അത്യത്ഭു​ത​ക​ര​മായ പ്രദർശ​ന​ത്തി​നു പശ്ചാത്ത​ല​മൊ​രു​ക്കുന്ന, 1939-ൽ സ്ഥാപി​ക്ക​പ്പെട്ട ബ്രസ്സീ​ലി​ന്റെ ഇഗ്വാക്കു നാഷനൽ പാർക്കിൽ ഓരോ വർഷവും ആയിര​ക്ക​ണ​ക്കി​നു വിനോദ സഞ്ചാരി​കൾ സന്ദർശി​ച്ചു​കൊ​ണ്ടി​രി​ക്കു​ന്നു. അവർ നിരാ​ശി​ത​രാ​യി​ത്തീ​രു​ന്നില്ല, തെക്കെ അമേരി​ക്ക​യി​ലേ​ക്കുള്ള നിങ്ങളു​ടെ അടുത്ത യാത്ര​യിൽ ഇത്‌ ഉൾപ്പെ​ടു​ത്തു​ന്നു​വെ​ങ്കിൽ നിങ്ങളും നിരാ​ശി​ത​രാ​ക​യില്ല. (g91 1/22)

[10,11 പേജു​ക​ളി​ലെ ഭൂപടം/ചിത്രങ്ങൾ]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

ഇഗ്വാക്കു ജലപാ​ത​ങ്ങൾ

പരാഗ്വേ

അർജൻറീന

ബ്രസീൽ