ടെലി​വി​ഷൻ നിങ്ങളെ നിയ​ന്ത്രി​ക്കു​ന്ന​തി​നു​മുമ്പ്‌ അതിനെ നിയ​ന്ത്രി​ക്കു​ക

ടെലി​വി​ഷന്‌ അമ്പരി​പ്പി​ക്കുന്ന സാദ്ധ്യ​ത​ക​ളാ​ണു​ള്ളത്‌. ററിവി​യെ ദത്തെടു​ക്കാൻ വികസ്വര രാജ്യ​ങ്ങളെ പ്രേരി​പ്പി​ക്കവെ അമേരി​ക്കൻ ററിവി വ്യവസാ​യ​ലോ​കം മായി​ക​മാ​യൊ​രു ററിവി​സ്വർഗ്ഗ​ലോ​ക​ത്തി​ന്റെ ദർശനങ്ങൾ അവരുടെ മുമ്പാകെ വെച്ചു​നീ​ട്ടി. ലോക​ത്തി​ലെ സകല രാജ്യ​ങ്ങ​ളും അതിവി​ദൂ​ര​ഭാ​ഗത്ത്‌ ഒററ​പ്പെട്ട്‌ കിടക്കുന്ന പ്രദേ​ശ​ങ്ങൾപോ​ലും ക്ലാസ്സ്‌മു​റി​ക​ളാ​യി മാററ​പ്പെട്ട്‌ കാർഷി​ക​വി​ദ്യ​കൾ, മണ്ണുസം​ര​ക്ഷണം, കുടും​ബാ​സൂ​ത്രണം എന്നിവ​പോ​ലുള്ള ജീവൽപ്ര​ധാന വിഷയങ്ങൾ കൈകാ​ര്യം ചെയ്യുന്ന വിദ്യാ​ഭ്യാ​സ പരിപാ​ടി​ക​ളു​മാ​യി ബന്ധിപ്പി​ക്ക​പ്പെ​ടാ​നാ​കു​മാ​യി​രു​ന്ന​ത്രെ. കുട്ടി​കൾക്ക്‌ ഭൗതി​ക​ശാ​സ്‌ത്ര​വും രസത​ന്ത്ര​വും പഠിക്കാ​നും വ്യാപ​ക​മായ സാംസ്‌കാ​രിക കൈമാ​റ​റ​ത്തിൽനിന്ന്‌ പ്രയോ​ജനം അനുഭ​വി​ക്കാ​നും കഴിയു​മാ​യി​രു​ന്നു.

പിറകെ വന്ന കച്ചവട ടെലി​വി​ഷൻ എന്ന യാഥാർത്ഥ്യ​ത്തിൽ തട്ടി ഈ ദർശനങ്ങൾ മിക്കവാ​റും ബാഷ്‌പ​മാ​യി മറഞ്ഞു—മൊത്ത​ത്തി​ലൊ​ട്ട​ല്ല​താ​നും. ടെലി​വി​ഷന്‌ “ഒരു വിശാ​ല​മായ പാഴിടം” എന്ന്‌ പേരിട്ട ഫെഡറൽ കമ്മ്യൂ​ണി​ക്കേ​ഷൻസ്‌ കമ്മീഷൻ ചെയർമാൻ ന്യൂട്ടൻ മിനോ പോലും തന്റെ അതേ 1961ലെ പ്രസം​ഗ​ത്തിൽ, ചില മഹത്തായ നേട്ടങ്ങ​ളു​ടെ​യും ആനന്ദദാ​യ​ക​മായ വിനോ​ദ​പ​രി​പാ​ടി​ക​ളു​ടെ​യും ബഹുമതി ററിവിക്ക്‌ അവകാ​ശ​പ്പെ​ടാ​നാ​കും എന്ന്‌ സമ്മതിച്ചു പറഞ്ഞു.

തീർച്ച​യാ​യും അത്‌ ഇന്നും സത്യമാ​യി നിലനിൽക്കു​ന്നു. ററിവി വാർത്താ​പ്ര​ക്ഷേ​പ​ണങ്ങൾ ലോക​സം​ഭ​വങ്ങൾ സംബന്ധിച്ച്‌ നമ്മെ അറിവു​ള്ള​വ​രാ​യി കാക്കുന്നു. ററിവി​യു​ടെ പ്രകൃ​തി​പ​രി​സ്ഥി​തി സംബന്ധിച്ച പരിപാ​ടി​കൾ നമ്മൾ മററു​പ്ര​കാ​ര​ത്തിൽ ഒരിക്ക​ലും കാണാൻ ഇടവരാത്ത പിൻവ​രു​ന്ന​തരം കാര്യ​ങ്ങ​ളു​ടെ ദൃശ്യങ്ങൾ നമുക്ക്‌ ഒരുക്കി​ത്ത​രു​ന്നു: ഹമ്മിംഗ്‌ പക്ഷി വായു​വിൽ നീന്തുന്ന പ്രതീ​തി​ജ​നി​പ്പി​ക്കു​മാറ്‌ അത്‌ പറക്കു​ന്ന​തി​ന്റെ കുറഞ്ഞ​വേ​ഗ​ത​യി​ലുള്ള ചിത്ര​ത്തി​ന്റെ പ്രത്യേക ഭംഗി; അല്ലെങ്കിൽ മണ്ണിൽനിന്ന്‌ വർണ്ണശ​ബ​ളി​മ​യോ​ടെ പെട്ടെന്ന്‌ പൊങ്ങി​വ​രുന്ന പുഷ്‌പ പരവതാ​നി​ക​ളു​ടെ വിചി​ത്ര​മായ നൃത്തം ടൈം-ലാപ്‌സ്‌ ഫോ​ട്ടോ​ഗ്രാ​ഫി​യി​ലൂ​ടെ അവതരി​പ്പി​ച്ചി​രി​ക്കു​ന്ന​തും മററും. കൂടാതെ, ബാലെ, സംഗീ​ത​ക്ക​ച്ചേ​രി​കൾ, ഓപ്പറാ​കൾ എന്നിങ്ങ​നെ​യുള്ള സാംസ്‌കാ​രിക പരിപാ​ടി​ക​ളും ഉണ്ട്‌. അതോ​ടൊ​പ്പം​തന്നെ നാടക​ങ്ങ​ളും ചലച്ചി​ത്ര​ങ്ങ​ളും മററി​ന​ങ്ങ​ളും—ചിലത്‌ ആഴമേ​റി​യ​തും ഉൾക്കാഴ്‌ച വർദ്ധി​പ്പി​ക്കു​ന്ന​തും, മററുള്ളവ കേവലം നല്ല വിനോ​ദം എന്ന നിലക്കു​ള്ള​തും.

കുട്ടി​കൾക്കു​ള്ള വിദ്യാ​ഭ്യാ​സ​പ​രി​പാ​ടി​ക​ളും ഉണ്ട്‌. അക്രമ​നിർഭ​ര​മായ ററിവി പരിപാ​ടി​യിൽ നിന്ന്‌ അക്രമം പഠിക്കാൻ കുട്ടി​കൾക്കാ​കു​ന്ന​തു​പോ​ലെ പരോ​പ​കാ​ര​പ്രി​യ​രും സൗഹൃ​ദ​ഭാ​വ​മു​ള്ള​വ​രും ആത്മനി​യ​ന്ത്ര​ണ​മു​ള്ള​വ​രും ആയിത്തീ​രാൻ ടെലി​വി​ഷ​നി​ലെ ഉത്തമ ദൃഷ്ടാ​ന്ത​ങ്ങ​ളിൽനിന്ന്‌ അവർക്കു പഠിക്കാ​നും കഴിയും. അടിയ​ന്തി​ര​ഘ​ട്ട​ങ്ങ​ളിൽ എങ്ങനെ പ്രവർത്തി​ക്കണം എന്ന്‌ പഠിപ്പി​ക്കുന്ന പരിപാ​ടി​കൾ കുട്ടി​ക​ളു​ടെ ജീവനെ രക്ഷിക്കു​ക​വരെ ചെയ്‌തി​ട്ടുണ്ട്‌. അതു​കൊണ്ട്‌, ഔവർ എൻഡെ​യ്‌ഞ്ചേർഡ്‌ ചിൽഡ്രൻ എന്ന പുസ്‌ത​ക​ത്തിൽ വാൻസ്‌ പക്കാർഡ്‌ ഇങ്ങനെ എഴുതു​ന്നു: “തങ്ങളുടെ കുട്ടി​ക​ളു​ടെ കാര്യ​ത്തിൽ നിയ​ന്ത്ര​ണാ​തീ​ത​മായ ഒരു സ്ഥിതി​വി​ശേഷം ഉണ്ടായി​ട്ടി​ല്ലെ​ങ്കിൽ സഹി​കെ​ട്ട​വ​രോ ദുർവാ​ശി നേരി​ടേ​ണ്ടി​വ​ന്ന​വ​രോ ആയ മാതാ​പി​താ​ക്കൾ ററിവി സെററു​കളെ മുകൾത​ട്ടു​ക​ളിൽ എടുത്തു​വെ​ക്കു​ന്നത്‌ ഒരു പക്ഷേ അധിക​പ്പ​റ​റാ​യി​രു​ന്നേ​ക്കാം.”

നിയ​ന്ത്രണം എടുക്കൽ

നാം കുട്ടി​ക​ളെ​ക്കു​റി​ച്ചു പറഞ്ഞാ​ലും മുതിർന്ന​വ​രെ​ക്കു​റി​ച്ചു പറഞ്ഞാ​ലും താക്കോൽ ഒന്നുതന്നെ—നിയ​ന്ത്രണം. നാം ററിവി​യെ നിയ​ന്ത്രി​ക്കു​ന്നു​വോ? അതോ ററിവി നമ്മെ നിയ​ന്ത്രി​ക്കു​ന്നു​വോ? മി. പക്കാർഡ്‌ അഭി​പ്രാ​യ​പ്പെ​ട്ട​തു​പോ​ലെ ചിലരെ സംബന്ധി​ച്ച​ട​ത്തോ​ളം ററിവി​യെ നിയ​ന്ത്രി​ക്കാ​നുള്ള ഏകമാർഗ്ഗം അതിനെ ഇല്ലായ്‌മ ചെയ്യുക എന്നതാണ്‌. പക്ഷേ മററു ചിലർ ററിവി​യു​ടെ മുതൽക്കൂ​ട്ടായ കാര്യങ്ങൾ ഉപയു​ക്ത​മാ​ക്കി​ക്കൊ​ണ്ടു​തന്നെ അതിനെ നിയ​ന്ത്രി​ക്കാ​നുള്ള മാർഗ്ഗങ്ങൾ കണ്ടുപി​ടി​ച്ചി​രി​ക്കു​ന്നു. പിൻവ​രു​ന്ന​വ​യാണ്‌ ചില നിർദ്ദേ​ശങ്ങൾ.

✔ ഒന്നോ രണ്ടോ ആഴ്‌ച​ത്തേക്ക്‌ നിങ്ങളു​ടെ കുടും​ബ​ത്തി​ന്റെ ററിവി കാണൽസം​ബ​ന്ധിച്ച്‌ ഒരു സൂക്ഷ്‌മ​രേഖ സൂക്ഷി​ക്കുക. കാലയ​ള​വി​ന്റെ ഒടുവിൽ മണിക്കൂ​റു​കൾ കൂട്ടി​നോ​ക്കി​യിട്ട്‌ ററിവി അപഹരി​ക്കുന്ന സമയം അതിനാ​യി ഉപയോ​ഗി​ക്കാൻ മൂല്യ​മു​ള്ള​താ​ണൊ എന്ന്‌ നിങ്ങ​ളോ​ടു​തന്നെ ചോദി​ക്കുക.

✔ കേവലം ററിവി അല്ല—ററിവി പരിപാ​ടി​കളെ നിരീ​ക്ഷി​ക്കുക. ററിവി​യു​ടെ കാര്യ​പ​രി​പാ​ടി പരി​ശോ​ധി​ച്ചു​കൊണ്ട്‌ കാണാൻ തക്ക മൂല്യ​മുള്ള എന്തെങ്കി​ലും ഉണ്ടോ എന്നു കാണുക.

✔ കുടുംബ സംസാ​ര​ത്തി​നും കൂട്ടാ​യ്‌മ​ക്കും​വേണ്ടി ചില നേരങ്ങൾ സംവരണം ചെയ്‌തു സംരക്ഷി​ക്കുക.

✔ കുട്ടി​കൾക്കോ ഇളം കൗമാ​ര​ത്തി​ലു​ള്ള​വർക്കോ അവരുടെ സ്വന്തം മുറി​യിൽ ററിവി വെച്ചു​കൊ​ടു​ക്കു​ന്ന​തി​നെ​തി​രെ വിദഗ്‌ദ്ധർ താക്കീതു നൽകുന്നു. ഒരു കുട്ടി നിരീ​ക്ഷി​ക്കുന്ന കാര്യങ്ങൾ നിയ​ന്ത്രി​ക്കാൻ മാതാ​പി​താ​ക്കൾ പ്രയാ​സ​പ്പെ​ടേ​ണ്ടി​വ​രും.

✔ സാമ്പത്തി​ക​മാ​യി നിങ്ങൾക്ക്‌ താങ്ങാ​നാ​കു​മെ​ങ്കിൽ ഒരു വിസിആർ (വീഡി​യോ​കാ​സെ​ററ്‌ റെക്കോർഡർ)-ന്‌ സഹായി​ക്കാൻ കഴി​ഞ്ഞേ​ക്കും. നല്ല വീഡി​യോ​ടേ​പ്പു​കൾ വാടകക്ക്‌ എടുത്തു​കൊ​ണ്ടോ ഗുണ​മേൻമ​യുള്ള പരിപാ​ടി​കൾ ടേപ്പു​ചെ​യ്‌തു സൗകര്യം​പോ​ലെ വീക്ഷി​ച്ചു​കൊ​ണ്ടോ നിങ്ങളു​ടെ സ്വന്ത ററിവി​യിൽ—നിങ്ങളു​ടെ ററിവി ഓൺ ചെയ്‌തി​രി​ക്കു​മ്പോൾ—ഉള്ളതെ​ന്തോ അതിനെ നിയ​ന്ത്രി​ക്കാൻ കഴിയും. പക്ഷേ ഒരു താക്കീത്‌. നിയ​ന്ത്രണം വിട്ടാൽ വിസിആർ ആ ട്യൂബി​ന്റെ മുമ്പാകെ ചെലവ​ഴിച്ച സമയത്തി​ന്റെ അളവ്‌ വർദ്ധി​പ്പി​ക്കു​കയേ ചെയ്യു​ക​യു​ള്ളു. അതല്ലെ​ങ്കിൽ അധാർമ്മി​ക​മായ വീഡി​യോ ടേപ്പു​കൾക്ക്‌ വഴി​യൊ​രു​ക്കു​ക​യും ചെയ്‌തേ​ക്കാം.

നിങ്ങളു​ടെ ഗുരു ആർ?

ഒരു മനുഷ്യ​ജീ​വി വാസ്‌ത​വ​ത്തിൽ ഒരു പഠിച്ചു​കൊ​ണ്ടി​രി​ക്കുന്ന യന്ത്രമാണ്‌. ഓരോ നിമി​ഷ​വും നമ്മുടെ മസ്‌തി​ഷ്‌ക​ത്തി​ലേക്ക്‌ 10,00,00,000 വിവര​ശ​ക​ല​ങ്ങ​ളു​ടെ ഒരു പ്രളയം​തന്നെ അയച്ചു​കൊ​ടു​ത്തു​കൊ​ണ്ടു നമ്മുടെ ബോ​ധേ​ന്ദ്രി​യങ്ങൾ സദാ വിവരങ്ങൾ ഒപ്പി​യെ​ടു​ത്തു​കൊ​ണ്ടി​രി​ക്കു​ക​യാണ്‌. നമ്മുടെ ബോ​ധേ​ന്ദ്രി​യ​ങ്ങളെ എന്തു വിവര​ങ്ങൾകൊണ്ട്‌ പോഷി​പ്പി​ക്കേണം എന്ന്‌ നിശ്ചയി​ച്ചു​കൊണ്ട്‌ ഒരള​വോ​ളം നമുക്ക്‌ ഉള്ളടക്കം നിയ​ന്ത്രി​ക്കാ​നാ​കും. നാം തിന്നു​ക​യോ കുടി​ക്കു​ക​യോ ചെയ്യുന്ന കാര്യ​ങ്ങ​ളാൽ ശരീരം എങ്ങനെ മലീമ​സ​മാ​കു​ന്നു​വോ അത്രതന്നെ എളുപ്പ​ത്തിൽ നാം വീക്ഷി​ക്കുന്ന കാര്യ​ങ്ങൾകൊണ്ട്‌ മനുഷ്യ​മ​ന​സ്സും ആത്മാവും മലീമ​സ​മാ​യേ​ക്കാം എന്ന്‌ ററിവി​യു​ടെ കഥ വ്യക്തമാ​യി വർണ്ണി​ക്കു​ന്നു.

നമ്മുടെ ചുററു​മുള്ള ലോക​ത്തെ​പ്പ​ററി നാം എങ്ങനെ ഗ്രഹി​ച്ച​റി​യും? ഏതെല്ലാം വിവര​സ്രോ​ത​സ്സു​ക​ളാണ്‌ നാം തെര​ഞ്ഞെ​ടു​ക്കുക? ആര്‌ അല്ലെങ്കിൽ എന്തായി​രി​ക്കും നമ്മുടെ ഗുരു? ഇതി​നോ​ടുള്ള ബന്ധത്തിൽ യേശു​വി​ന്റെ വാക്കുകൾ ഒരു ബോധം ഉദിപ്പി​ക്കുന്ന ആശയം നൽകുന്നു: “ഒരു വിദ്യാർത്ഥി ഗുരു​വിന്‌ മീതെയല്ല, പക്ഷേ പൂർണ്ണ​മാ​യി പരിശീ​ലനം സിദ്ധി​ച്ച​വ​നോ ഗുരു​വി​നെ​പ്പോ​ലെ ആകും.” (ലൂക്കോസ്‌ 6:40, ന്യൂ ഇൻറർനാ​ഷനൽ വേർഷൻ) നാം ടെലി​വി​ഷനെ നമ്മുടെ ഗുരു​വാ​ക്കി അതുമാ​യി വളരെ​യ​ധി​കം സമയം ചെലവി​ടു​ന്നെ​ങ്കിൽ, നമ്മൾ അതിനെ അനുക​രി​ക്കാൻ തുടങ്ങും—അത്‌ പ്രതി​നി​ധാ​നം ചെയ്യുന്ന മൂല്യ​ങ്ങ​ളെ​യും നിലവാ​ര​ങ്ങ​ളെ​യും ആശ്ലേഷി​ക്കു​ന്ന​തിന്‌ ഇട വന്നേക്കാം. സദൃശ​വാ​ക്യ​ങ്ങൾ 13:20 പറയും​പോ​ലെ: “ജ്ഞാനി​ക​ളോ​ടൊ​ത്തു നടക്കു​ന്നവൻ ജ്ഞാനി​യാ​യി​ത്തീ​രും. എന്നാൽ മൂഢ​നോട്‌ ഇടപെ​ടു​ന്ന​വ​നോ ദോഷം ഭവിക്കും.”

ററിവി, മൂഢരോ ധർമ്മവി​രു​ദ്ധ​രോ ആയ കഥാപാ​ത്ര​ങ്ങളെ നമ്മുടെ വീട്ടി​നു​ള്ളി​ലേക്ക്‌ കൊണ്ടു​വ​രു​ന്നി​ല്ലെ​ങ്കിൽപോ​ലും നിർണ്ണാ​യ​ക​മായ ചില കാര്യ​ങ്ങ​ളിൽ അതിന്‌ പോരാ​യ്‌മ​യുണ്ട്‌. ഓരോ മനുഷ്യ​ജീ​വി​ക്കും പൊതു​വി​ലുള്ള ഒരു ആവശ്യം സംബന്ധിച്ച്‌ ററിവി പരിപാ​ടി​കൾ അത്ര ഗൗനി​ക്കാ​റില്ല. ആത്മീയ ആവശ്യങ്ങൾ സംബന്ധി​ച്ചു​തന്നെ. ഈ ലോകം എത്ര പരിതാ​പ​ക​ര​മായ ഒരു വ്യാമി​ശ്ര​മാ​യി​രി​ക്കു​ന്നു എന്നു കാണി​ച്ചു​ത​രാൻ ററിവി വളരെ നല്ലതാണ്‌, പക്ഷേ മനുഷ്യന്‌ അവനെ​ത്തന്നെ ഭരിക്കാൻ കഴിയാ​ത്ത​താ​യി തോന്നു​ന്ന​തിന്‌ കാരണം എന്തെന്ന്‌ നമുക്കു പറഞ്ഞു​ത​രാൻ അതെന്തു ചെയ്യുന്നു? സൃഷ്ടി​യു​ടെ ഭംഗി നമുക്ക്‌ കാണി​ച്ചു​ത​രു​ന്ന​തിൽ അത്‌ നന്നായി പ്രവർത്തി​ക്കു​ന്നു, പക്ഷേ നമ്മുടെ സ്രഷ്ടാ​വി​നോട്‌ നമ്മെ അടുപ്പി​ക്കാൻ അതെന്തു ചെയ്യുന്നു? അതു നമ്മെ ഭൂഗോ​ള​ത്തി​ന്റെ നാലു മൂലക​ളി​ലേക്ക്‌ കൊ​ണ്ടെ​ത്തി​ച്ചേ​ക്കാം, പക്ഷേ മനുഷ്യൻ അവിടെ സമാധാ​ന​ത്തോ​ടെ എന്നെങ്കി​ലും വസിക്കു​മോ എന്ന്‌ അതിന്‌ നമ്മോട്‌ പറയാൻ കഴിയു​മോ?

അത്തരം ജീവത്‌പ്ര​ധാന ആത്മീയ ചോദ്യ​ങ്ങൾക്ക്‌ ഉത്തരം നൽകാതെ യാതൊ​രു, “ലോക​ത്തേക്കു തുറക്കുന്ന ജാലക​വും” പൂർണ്ണ​മാ​യി​രി​ക്കു​ക​യില്ല. അതുത​ന്നെ​യാണ്‌ ബൈബി​ളി​നെ അത്യന്തം വില​യേ​റി​യ​താ​ക്കു​ന്ന​തും. അത്‌ നമ്മുടെ സ്രഷ്ടാ​വി​ന്റെ കാഴ്‌ച​പ്പാ​ടിൽ നിന്നു​കൊണ്ട്‌ “ലോക​ത്തേക്കു തുറക്കുന്ന ജാലകം” പ്രദാനം ചെയ്യുന്നു. നമ്മുടെ ജീവി​ത​ത്തി​ന്റെ ഉദ്ദേശ്യം മനസ്സി​ലാ​ക്കാൻ നമ്മെ സഹായി​ക്കു​ന്ന​തി​നും ഭാവി​യി​ലേ​ക്കാ​യി ഒരു ഈടുററ പ്രത്യാശ നമുക്ക്‌ നൽകു​ന്ന​തി​നും ആണ്‌ അത്‌ രൂപകൽപ്പ​ന​ചെ​യ്യ​പ്പെ​ട്ടി​രി​ക്കു​ന്നത്‌. ജീവി​ത​ത്തി​ന്റെ അത്യന്തം അസ്വസ്ഥത ജനിപ്പി​ക്കുന്ന ചോദ്യ​ങ്ങൾക്കുള്ള ഉത്തരം അനായാ​സം ലഭ്യമാണ്‌. ബൈബി​ളി​ന്റെ അനന്തവ​ശ്യ​മായ ഏടുക​ളിൽ നാം വായി​ക്കു​ന്നതു പ്രതീ​ക്ഷിച്ച്‌ അവ കാത്തി​രി​ക്കു​ന്നു.

എന്നാൽ നാം ററിവി​യെ നിയ​ന്ത്രി​ക്കു​ന്നി​ല്ലെ​ങ്കിൽ എവി​ടെന്നു സമയം കണ്ടെത്തും? (g91 5/22)