എയർക​ണ്ടീ​ഷ​നിംഗ്‌ നിങ്ങൾക്ക്‌ ആവശ്യ​മാ​ണോ?

ചൂടു​പി​ടി​ച്ചു വേവുന്ന ഒരു ദിവസം. ജോലി​ക്കു​ശേഷം വലിഞ്ഞി​ഴഞ്ഞ്‌ നിങ്ങൾ വീട്ടി​ലെ​ത്തു​ന്ന​തി​നി​ടെ, സൂര്യൻ നിർദ്ദാ​ക്ഷി​ണ്യം നിങ്ങളെ പ്രഹരി​ക്കു​ന്നു. എന്നാൽ നിങ്ങളു​ടെ വീടിന്റെ മുൻവാ​തിൽ നിങ്ങൾ തുറക്കു​മ്പോൾ ഉൻമേഷം നൽകുന്ന തണുത്ത വായു​വി​ന്റെ ഒരു അല നിങ്ങളെ സ്വാഗതം ചെയ്യുന്നു. ആഹ്‌-ഹ്‌-ഹ്‌-ഹ്‌, എയർ കണ്ടീഷ​നിംഗ്‌! അത്‌ എത്ര ആശ്വാ​സ​ക​ര​മാ​യി​രി​ക്കും!

എന്നാൽ അത്‌ ഒരു തണുത്ത ശീതകാല ദിനമാ​ണെ​ന്നി​രി​ക്കട്ടെ. നിങ്ങൾ നിങ്ങളു​ടെ വീടിന്റെ കതകു തുറക്കു​മ്പോൾ സാന്ത്വ​ന​പ്പെ​ടു​ത്തുന്ന ചൂടു വായു​വി​ന്റെ ഒരു അല നിങ്ങളെ സ്വാഗതം ചെയ്‌താ​ലോ? നന്ദി​യോ​ടെ നിങ്ങൾ നിങ്ങ​ളോ​ടു​തന്നെ പറയു​മോ: ‘ആഹ്‌-ഹ്‌-ഹ്‌-ഹ്‌, എയർക​ണ്ടീ​ഷ​നിംഗ്‌’?

ഒരു പക്ഷേ ഇല്ലായി​രി​ക്കും. എന്നിരു​ന്നാ​ലും അനു​യോ​ജ്യ​മായ ഒരു പ്രതി​ക​ര​ണ​മാ​യി​രി​ക്കും അത്‌. വേൾഡ്‌ബുക്ക്‌ എൻ​സൈ​ക്ലോ​പ്പീ​ഡിയ വിശദീ​ക​രി​ക്കു​ന്നു: “എയർക​ണ്ടീ​ഷ​നിംഗ്‌, അന്തരീക്ഷം ചൂടാ​യി​രി​ക്കു​മ്പോൾ വായു​വി​നെ തണുപ്പി​ക്കു​ന്നു. അന്തരീക്ഷം തണുത്തി​രി​ക്കു​മ്പോൾ അത്‌ വായു​വി​നെ ചൂടാ​ക്കു​ന്നു.”

എന്നിരു​ന്നാ​ലും “എയർക​ണ്ടീ​ഷ​നിംഗ്‌” എന്ന പദം സാധാ​ര​ണ​യാ​യി പ്രയോ​ഗി​ക്ക​പ്പെ​ടു​ന്നത്‌ അടച്ചു​കെ​ട്ട​പ്പെട്ട ഒരു പരിസ്ഥി​തി​യി​ലെ വായു​വി​നെ തണുപ്പി​ക്കു​ന്ന​തി​നാണ്‌; അത്‌ ഒരു വീടോ ഓഫീസ്‌ കെട്ടി​ട​മോ ഒരു ഓഡി​റേ​റാ​റി​യ​മോ സിനി​മാ​ശാ​ല​യോ ഒരു കാറോ ഒരു ബസോ ഒരു ട്രെയി​നോ അതുമ​ല്ലെ​ങ്കിൽ അടച്ചു​കെ​ട്ട​പ്പെട്ട മററു ചിലട​മോ ഒക്കെയാ​കാം. എന്നാൽ എയർക​ണ്ടീ​ഷ​നിംഗ്‌ വായു​വി​ന്റെ താപത്തിൽ വ്യതി​യാ​നം വരുത്തു​ന്ന​തി​ലു​മ​ധി​ക​മാ​യി ചിലത്‌ ചെയ്യുന്നു; അത്‌ വായു​വി​ന്റെ ചലന​ത്തെ​യും ശുദ്ധി​യെ​യും അതില​ട​ങ്ങി​യി​രി​ക്കുന്ന ഈർപ്പ​ത്തി​ന്റെ അളവി​നെ​യു​മൊ​ക്കെ നിയ​ന്ത്രി​ക്കു​ന്നു.

അസ്വസ്ഥത ഉളവാ​ക്കു​ന്നു

എന്നാൽ അടച്ചു​കെ​ട്ട​പ്പെട്ട ഒരു പരിസ്ഥി​തി​യിൽ അമിത താപവും ജലാം​ശ​വും ഉണ്ടാക്കു​ന്നത്‌ എന്താണ്‌? തീർച്ച​യാ​യും താപത്തി​ന്റെ പ്രധാന ശ്രോ​തസ്സ്‌ മിക്കവാ​റും സൂര്യൻത​ന്നെ​യാണ്‌. എന്നാൽ നിങ്ങളും നിങ്ങ​ളോ​ടൊ​പ്പം വീട്ടി​ലോ ഓഫീ​സി​ലോ വാഹന​ത്തി​ലോ അല്ലെങ്കിൽ മറേറ​തെ​ങ്കി​ലും അടച്ചു​കെ​ട്ട​പ്പെട്ട സ്ഥലത്തോ ആയിരി​ക്കുന്ന മററു​ള്ള​വ​രും ഉത്തരവാ​ദി​ക​ളാണ്‌. എന്തു​കൊ​ണ്ടെ​ന്നാൽ നമ്മൾ മനുഷ്യർ താപവും ജലാം​ശ​വും ഉൽപ്പാ​ദി​പ്പി​ക്കുന്ന യന്ത്രങ്ങ​ളാണ്‌. നാം നമ്മെത്തന്നെ എത്രയ​ധി​കം ആയാസ​പ്പെ​ടു​ത്തു​ന്നു​വോ അത്രയ​ധി​കം താപവും ജലാം​ശ​വും നാം ഉൽപ്പാ​ദി​പ്പി​ക്കു​ന്നു. നാം സ്വസ്ഥമാ​യി ഇരിക്കു​മ്പോൾപോ​ലും ചെറിയ തോതിൽ താപവും ജലാം​ശ​വും നമ്മുടെ ശരീരം ഉൽപ്പാ​ദി​പ്പി​ക്കാ​റുണ്ട്‌.

അതിനാൽ നമുക്കു സുഖദ​മാ​യി​രി​ക്ക​ണ​മെ​ങ്കിൽ നാം പുറന്ത​ള്ളുന്ന താപവും ജലാം​ശ​വും അതു പുറന്ത​ള്ള​പ്പെ​ടുന്ന അതേ തോതിൽതന്നെ നീക്ക​പ്പെ​ടു​ക​യും വേണം. അത്‌ അമിത​വേ​ഗ​ത്തിൽ നീക്ക​പ്പെ​ട്ടാൽ നമുക്കു വളരെ തണുപ്പു​തോ​ന്നും. അതു നീക്ക​പ്പെ​ടു​ന്നതു വളരെ സാവധാ​ന​മാ​ണെ​ങ്കിൽ നമുക്കു കൂടുതൽ ചൂട്‌ അനുഭ​വ​പ്പെ​ടു​ക​യും ചെയ്യും. ഒരു വലിയ മുറി​യിൽ സ്വസ്ഥരാ​യി​രി​ക്കുന്ന നൂറാ​ളു​കൾ ഉണ്ടാക്കുന്ന താപവും ജലാം​ശ​വും നീക്കു​ന്ന​തിന്‌, സാങ്കേ​തിക പദങ്ങളിൽ, ഏതാണ്ടു മൂന്നു ടൺ തണുപ്പി​ക്കൽ അഥവാ 36,000 ബിററി​യു [ബ്രിട്ടീഷ്‌ തെർമൽ യൂണി​റ​റു​കൾ] ഒരു മണിക്കൂ​റിൽ ആവശ്യ​മാ​യി​രി​ക്കു​ന്നു.

കത്തുന്ന ഒരു തീപ്പെ​ട്ടി​ക്കൊ​ള്ളി ഉളവാ​ക്കുന്ന താപത്തിന്‌ ഏറെക്കു​റെ സമാന​മാണ്‌ ഒരു ബിററി​യു. (ഒരു താരത​മ്യ​ത്തി​നാ​യി, 252 കലോറി ഒരു ബിററി​യു​വി​ലെ താപത്തി​നു തുല്യ​മായ താപത്തെ കുറി​ക്കു​ന്നു.) അങ്ങനെ, നിശ്ചല​നാ​യി​രി​ക്കുന്ന ഒരു വ്യക്തി പുറത്തു​വി​ടുന്ന താപം കത്തുന്ന 360 തീപ്പെ​ട്ടി​ക്കൊ​ള്ളി​കൾ വമിപ്പി​ക്കുന്ന താപ​ത്തോട്‌ ഏതാണ്ടു തുല്യ​മാ​യി​രി​ക്കു​ന്നു! എന്നാൽ അടച്ചു​കെ​ട്ട​പ്പെട്ട ഒരു സ്ഥലത്ത്‌ കൂടി​യി​രി​ക്കുന്ന ആളുകൾ പുറന്ത​ള്ളുന്ന താപ​ത്തോട്‌ ലൈറ​റു​ക​ളും പ്രവർത്തി​ക്കുന്ന മററു വൈദ്യു​തോ​പ​ക​ര​ണ​ങ്ങ​ളും ഉൽപ്പാ​ദി​പ്പി​ക്കുന്ന താപവും കൂട്ട​പ്പെ​ടു​ന്നു. അതിനാൽ എയർക​ണ്ടീ​ഷ​നിം​ഗി​ന്റെ പ്രയോ​ജനം എളുപ്പം കാണാൻ കഴിയും.

ഗുണങ്ങ​ളും ദോഷ​ങ്ങ​ളും

കൂടുതൽ സുഖക​ര​മായ ഒരു പരിസ്ഥി​തി ഉള്ളിൽ സൃഷ്ടി​ക്കു​ന്നതു കൂടാതെ എയർക​ണ്ടീ​ഷ​നിംഗ്‌ നിങ്ങളു​ടെ ആരോ​ഗ്യ​ത്തി​നും ഉത്തമമാ​യേ​ക്കാം, പ്രത്യേ​കിച്ച്‌ ഈ ഉപകരണം ശരിയാ​യി ഉപയോ​ഗി​ക്കു​ക​യും പരിപാ​ലി​ക്കു​ക​യും ചെയ്യു​ക​യാ​ണെ​ങ്കിൽ ഇതു ചൂടു​കു​രു​ക്കളെ ഇല്ലാതാ​ക്കി​യേ​ക്കാം. കൂടാതെ ഇവ പൂമ്പൊ​ടി​കളെ അരിച്ചു​മാ​റ​റു​ന്ന​തി​നാൽ ‘ഹേ ഫീവർ’ (അലർജി​മൂ​ലം ഉണ്ടാകുന്ന ഒരു തരം പനി) മൂലം കഷ്ടപ്പെ​ടു​ന്ന​വർക്ക്‌ ഇത്‌ ആശ്വാസം നൽകി​യേ​ക്കാം. താപത്തി​ന്റെ അതിരു​കളെ മിത​പ്പെ​ടു​ത്തു​ന്നത്‌ പ്രായ​മാ​യ​വർക്ക്‌ പ്രത്യേ​കിച്ച്‌ ആരോ​ഗ്യ​ത്തിന്‌ ഉത്തമമാണ്‌. എയർക​ണ്ടീ​ഷ​നിംഗ്‌ പഴകിയ വായു​വും ചെളി​യും നീക്കി പുതിയ വായു കടത്തി​വി​ടു​ക​യും ചെയ്യു​ന്ന​തി​നാ​ലും ഇത്‌ അങ്ങനെ​ത​ന്നെ​യാണ്‌.

എന്നിരു​ന്നാ​ലും ശീതീ​ക​രണം ഉപയോ​ഗി​ക്കുന്ന ആധുനിക എയർക​ണ്ടീ​ഷ​നിംഗ്‌ ആരോ​ഗ്യ​പ്ര​ശ്‌ന​ങ്ങൾക്കും കാരണ​മാ​യേ​ക്കാം. പുറത്തു നൂറു ഡിഗ്രി ഫാറൻ ഹീററ്‌ താപവും ഉള്ളിൽ എയർക​ണ്ടീ​ഷ​നിംഗ്‌ മൂലം ഉളവാ​ക്ക​പ്പെ​ടുന്ന 78 ഡിഗ്രി ഫാറൻഹീ​റ​റിൽ താഴെ​യുള്ള താപവും തമ്മിലുള്ള വലിയ അന്തരം നിമിത്തം പലർക്കും രോഗം പിടി​പെ​ടാ​റുണ്ട്‌. ഇതേ കാരണം​നി​മി​ത്തം ചിലർ ആധുനിക എയർക​ണ്ടീ​ഷ​ന​റു​കൾ ഉപയോ​ഗി​ക്കാ​തെ സീലിംഗ്‌ ഫാനുകൾ ഉപയോ​ഗി​ക്കു​ക​യും പ്രയോ​ജനം നേടു​ക​യും ചെയ്യു​ന്ന​താ​യി കണ്ടിട്ടുണ്ട്‌.

മറുവ​ശത്ത്‌, ഓഫീ​സ്‌ജോ​ലി​ക്കാ​രിൽ, എയർക​ണ്ടീ​ഷ​നിംഗ്‌ വർദ്ധിച്ച ഉൽപ്പാ​ദ​ന​ക്ഷമത ഉണ്ടാക്കു​ന്ന​താ​യി പറയ​പ്പെ​ടു​ന്നു. ഇൻഡോർ അരീന​യി​ലോ ഓഡി​റേ​റാ​റി​യ​ത്തി​ലോ നടത്ത​പ്പെ​ടുന്ന കൺ​വെൻ​ഷ​നു​ക​ളിൽ സംബന്ധി​ക്കു​ന്ന​വരെ കൂടുതൽ ശ്രദ്ധാ​ലു​ക്ക​ളാ​യി​രി​ക്കു​വാ​നും ഇതു സഹായി​ക്കു​ന്നു. അത്തരം സ്ഥലങ്ങൾ ചൂടു​പി​ടി​ച്ച​തും ശ്വാസം മുട്ടി​ക്കു​ന്ന​തു​മാ​യി​രി​ക്കു​മ്പോൾ ശ്രദ്ധ പിടി​ച്ചു​നിർത്തു​ന്ന​തിന്‌ കഠിന​ശ്രമം ചെയ്യണ​മെന്ന്‌ നിങ്ങളും സമ്മതി​ക്കും എന്നുള്ള​തി​നു സംശയ​മില്ല.

പല വ്യവസാ​യ​ങ്ങ​ളു​ടെ​യും വിജയ​ക​ര​മായ പ്രവർത്ത​ന​ത്തിന്‌ എയർക​ണ്ടീ​ഷ​നിംഗ്‌ അത്യന്താ​പേ​ക്ഷി​ത​മാ​യി​രി​ക്കു​ന്നു. ഭക്ഷ്യവ്യ​വ​സാ​യ​ങ്ങ​ളിൽ എയർക​ണ്ടീ​ഷ​നിംഗ്‌ പ്രത്യേ​കിച്ച്‌ ഒരു മുതൽക്കൂ​ട്ടു​ത​ന്നെ​യാണ്‌. നാശം വരുത്തുന്ന ബാക്‌റ​റീ​രി​യ​ക​ളു​ടെ വളർച്ചയെ തടഞ്ഞു​കൊണ്ട്‌ വർഷം മുഴുവൻ ആഹാര​പ​ദാർത്ഥങ്ങൾ സംഭരി​ച്ചു​വെ​ക്കു​ന്നത്‌ ഇത്‌ സാദ്ധ്യ​മാ​ക്കു​ന്നു. ബേക്കറി​ക​ളിൽ ധാന്യ​പ്പൊ​ടി​കളെ അവ പൂപ്പിൽനി​ന്നും സംരക്ഷി​ക്കു​ന്നു. ചീസ്‌ നിർമ്മി​ക്കു​ന്ന​തി​നും ഇതു പ്രയോ​ജ​ന​പ്പെ​ടു​ത്ത​പ്പെ​ടു​ന്നു. ഒരു കാലത്ത്‌ റോക്ക്‌ഫോർട്ട്‌ ചീസ്‌ ഫ്രാൻസി​ലെ ചില ഗുഹക​ളിൽ വെച്ചു​മാ​ത്രമെ നിർമ്മി​ക്കാൻ സാധി​ച്ചി​രു​ന്നു​ള്ളു. ഇവയിൽ തണുത്ത, ഈർപ്പം​നി​റഞ്ഞ വായു നിറഞ്ഞു​നി​ന്നി​രു​ന്നു. എന്നാൽ ഈ ഗുഹക​ളി​ലെ പരിസ്ഥി​തി​ക​ളു​ടെ നേർപ​തി​പ്പു​കൾക്കു രൂപം​നൽകുന്ന എയർക​ണ്ടീ​ഷ​നിം​ഗ്മൂ​ലം ഇത്തരം ചീസ്‌ മററു​ള്ളി​ട​ങ്ങ​ളി​ലും ഉണ്ടാക്കാൻ കഴിയു​ന്നു.

എന്നിരു​ന്നാ​ലും, ആധുനിക എയർക​ണ്ടീ​ഷ​നിംഗ്‌ പലരു​ടെ​യും മരണ​ത്തോ​ടും രോഗ​ത്തോ​ടും ബന്ധപ്പെ​ടു​ത്ത​പ്പെ​ട്ടി​ട്ടുണ്ട്‌. ഉദാഹ​ര​ണ​ത്തിന്‌ 1976ൽ അമേരി​ക്കൻ ലീജി​യ​ണി​ന്റെ ഒരു കൺ​വെൻ​ഷൻസ​മ​യത്ത്‌ 182 ലീജി​യ​ണർമാർക്ക്‌ പിന്നീട്‌ ലീജി​യ​ണേ​ഴ്‌സ്‌ ഡിസീസ്‌ എന്നു തിരി​ച്ച​റി​യി​ക്ക​പ്പെട്ട അസുഖം പിടി​പെ​ടു​ക​യും 29 പേർ മരണമ​ട​യു​ക​യും ചെയ്‌തു. ഈ രോഗ​ത്തി​ന്റെ വ്യാപ​ന​ത്തെ​പ്പ​ററി ദി ന്യൂ എൻ​സൈ​ക്ലോ​പ്പീ​ഡി​യാ ബ്രിട്ടാ​നിക്ക എഴുതി: “കേന്ദ്രീ​കൃത എയർക​ണ്ടീ​ഷ​നിംഗ്‌ യൂണി​റ​റു​ക​ളി​ലെ രോഗാ​ണു​ബാ​ധിത ജലം ചുററു​മുള്ള അന്തരീ​ക്ഷ​ത്തി​ലേക്ക്‌ ലീജി​യ​നെല്ലാ ന്യൂ​മോ​ഫീ​ലി​യയെ ചെറിയ തുള്ളി​ക​ളി​ലാ​യി വിതറി​യി​രി​ക്കാം എന്നു സംശയി​ക്ക​പ്പെ​ടു​ന്നു.” അപര്യാ​പ്‌ത​മായ വിധം പരിര​ക്ഷി​ക്ക​പ്പെട്ട കേന്ദ്രീ​കൃത എയർക​ണ്ടീ​ഷ​നിംഗ്‌ സംവി​ധാ​നങ്ങൾ മററസു​ഖ​ങ്ങൾക്കു ഇടയാ​ക്ക​പ്പെട്ട രോഗാ​ണു​ബാ​ധിത വായവി​നും കാരണ​മാ​യി​രു​ന്നി​ട്ടുണ്ട്‌.

ആവശ്യം നിറ​വേ​റ​റു​ന്നു

അനേകം ആളുകൾക്ക്‌ എയർക​ണ്ടീ​ഷ​നിം​ഗി​ന്റെ ഒരു യഥാർത്ഥ ആവശ്യം അനുഭ​വ​വേ​ദ്യ​മാ​യി​ട്ടുണ്ട്‌. പണ്ടുകാ​ല​ങ്ങ​ളിൽ നനച്ച പുൽപാ​യകൾ ജനാല​ക​ളി​ലും വാതി​ലു​ക​ളി​ലും വേനൽക്കാ​ല​ങ്ങ​ളിൽ തൂക്കി​യി​ടാ​റു​ണ്ടാ​യി​രു​ന്നു. ജലാംശം ബാഷ്‌പീ​ക​രി​ക്ക​പ്പെ​ടു​ന്ന​തി​നാൽ ഉള്ളി​ലേക്കു വരുന്ന വായു ഇതിനാൽ തണുപ്പി​ക്ക​പ്പെ​ടു​മാ​യി​രു​ന്നു. ഏതാണ്ട്‌ 500 വർഷങ്ങൾക്കു​മുമ്പ്‌ ആദ്യത്തെ യന്ത്രവ​ത്‌കൃത ഫാൻ നിർമ്മി​ക്ക​പ്പെട്ടു. അവ വായു​വി​നെ ചുററി​ത്തി​രി​ച്ചു​കൊണ്ട്‌ ചൂടിൽനി​ന്നും ആശ്വാസം നൽകി. വേനൽകാ​ല​ങ്ങ​ളിൽ തണുപ്പു ലഭിക്കാൻ ആവശ്യ​മാ​യി​രി​ക്കു​ന്നത്‌ ഒരു നല്ല ഫാൻ നൽകുന്ന വായൂ​സ​ഞ്ചാ​ര​മാ​ണെന്ന്‌ ഇന്നു​പോ​ലും അനേക​രും കാണുന്നു.

അന്തരീക്ഷ ബാഷ്‌പാം​ശം കുറഞ്ഞ മരുഭൂ​മി​പോ​ലെ​യുള്ള പ്രദേ​ശ​ങ്ങ​ളിൽ അനേക​രും ചെലവു കുറഞ്ഞ ഒരുതരം തണുപ്പി​ക്ക​ലിൽ നിന്നു പ്രയോ​ജനം നേടുന്നു. ഇത്തരം സംവി​ധാ​ന​ത്തിൽ നാരു​ക​ളാൽ നിർമ്മി​ത​മായ നനഞ്ഞ ഒരു പായി​ലൂ​ടെ പുറത്തെ വായു വലി​ച്ചെ​ടു​ക്കു​ന്നു. അതിനാൽ കെട്ടി​ട​ത്തി​നു​ള്ളിൽ കടക്കു​ന്ന​തി​നു മുമ്പായി വായു തണുപ്പി​ക്ക​പ്പെ​ടു​ന്നു. എന്നാൽ, ഇത്തരം ശീതീ​ക​ര​ണ​ത്തിൽ തണുപ്പി​ക്ക​പ്പെട്ട വായു ഉള്ളി​ലേക്ക്‌ എടുക്ക​പ്പെ​ടുന്ന അതേ നിരക്കിൽതന്നെ ഉള്ളിലെ വായു പുറ​ത്തേക്കു പോകാൻ അനുവ​ദി​ക്ക​പ്പെ​ടേ​ണ്ട​തുണ്ട്‌. ഇതിന്‌ സാധാ​ര​ണ​യാ​യി അൽപ്പം തുറന്നി​ട്ടി​രി​ക്കുന്ന പല ജനാലകൾ മതിയാ​കും. എന്നിരു​ന്നാ​ലും വായു​വി​ലെ ജലാം​ശ​ത്തി​ന്റെ അളവ്‌ അസുഖ​ക​ര​മായ നിലയിൽ ഉയരു​ന്ന​തി​നാൽ ഇത്തരം എയർക​ണ്ടീ​ഷ​നിംഗ്‌ മിക്കവാ​റും അസംതൃ​പ്‌തി​ക​ര​മെന്ന്‌ തെളി​യി​ക്ക​പ്പെ​ട്ടി​രി​ക്കു​ന്നു.

അതിനാൽ വായു​വി​നെ ശീതീ​ക​രി​ക്കാൻ ഒരു മാർഗ്ഗം അടുത്ത​കാ​ലത്ത്‌ വികസി​പ്പി​ച്ചെ​ടു​ക്ക​പ്പെ​ട്ട​തി​നാൽ ഒരാവ​ശ്യം സഫലീ​ക​രി​ക്ക​പ്പെട്ടു. യഥാർത്ഥ​ത്തിൽ ഒരു ആധുനിക എയർക​ണ്ടീ​ഷ​ണ​റി​ന്റെ പ്രവർത്ത​ന​ത​ത്വം വീടു​ക​ളിൽ ആഹാര​പ​ദാർത്ഥങ്ങൾ തണുപ്പി​ച്ചു സൂക്ഷി​ക്കുന്ന റഫ്രി​ജ​റേ​റ​റ​റി​ന്റെ തത്വ​ത്തോ​ടു സമാന​മാണ്‌. അതിനാൽ എയർക​ണ്ടീ​ഷൻ ചെയ്യപ്പെട്ട കെട്ടിടം—ഒരു പക്ഷേ നിങ്ങളു​ടെ വീടോ ഓഫീ​സോ ഫലത്തിൽ—ഒരു വലിയ റഫ്രി​ജ​റേ​ററർ ആയിത്തീ​രു​ന്നു.

ഉള്ളിലെ വായു​വി​ന്റെ താപം കുറെ​ക്കാ​നാ​യി, ചൂടു​വാ​യു ചുററി​ത്തി​രി​യവേ തണുപ്പി​ക്ക​പ്പെ​ടു​ന്നു. ഇതു നിർവ​ഹി​ക്കാ​നാ​യി എളുപ്പം ബാഷ്‌പ​മാ​വുന്ന ദ്രവരൂ​പ​ത്തി​ലുള്ള റഫ്രി​ജ​റൻറ്‌ ബാഷ്‌പീ​കരണ കുഴലു​ക​ളു​ടെ ഒരു ശ്രേണി​യി​ലൂ​ടെ കടത്തി​വി​ട​പ്പെ​ടു​ന്നു. ഒരു കാററാ​ടി ചൂടു​വാ​യു​വി​നെ ഈ കുഴലു​ക​ളു​ടെ മീതെ കടത്തി​വി​ടു​മ്പോൾ റഫ്രി​ജ​റൻറ്‌ താപത്തെ ആഗിരണം ചെയ്യു​ക​യും ബാഷ്‌പ​മാ​വു​ക​യും ചെയ്യുന്നു. അങ്ങനെ വായു തണുപ്പി​ക്ക​പ്പെ​ടു​ന്നു. ഇപ്പോൾ തണുപ്പി​ക്ക​പ്പെ​ട്ടു​കൊ​ണ്ടി​രി​ക്കുന്ന സ്ഥലത്തേക്ക്‌ ഈ ശീതീ​ക​രിച്ച വായു​വി​നെ മടക്കി അയക്കുന്നു. വായു തണുപ്പി​ക്ക​പ്പെ​ടു​മ്പോൾ കുറച്ചു ജലാം​ശ​വും നീക്കം​ചെ​യ്യ​പ്പെ​ടു​ന്നു, അവ തണുത്ത ബാഷ്‌പീ​കരണ കുഴലു​ക​ളിൽ ഘനീഭ​വി​ക്കു​ക​യും ഒഴുകി​പ്പോ​വു​ക​യും ചെയ്യുന്നു.

ഇതിനി​ടെ, താപത്തെ വലി​ച്ചെ​ടു​ത്ത​തു​മൂ​ലം ബാഷ്‌പ​മാ​യി​ത്തീർന്ന റഫ്രി​ജ​റൻറ്‌ ഒരു കംപ്ര​സ്സ​റി​നു​ള്ളി​ലേക്കു കടത്തി​വി​ട​പ്പെ​ടു​ന്നു. അവിടെ അതിനെ മർദ്ദത്തി​നു വിധേ​യ​മാ​ക്കു​ന്നു. അതിനു​ശേഷം അവയെ ഘനീക​ര​ണ​ക്കു​ഴ​ലു​ക​ളി​ലൂ​ടെ കടത്തി​വി​ടു​മ്പോൾ അവ താപത്തെ പുറത്തു​വി​ടു​ക​യും ദ്രവരൂ​പ​ത്തി​ലേക്ക്‌ മടങ്ങി​പ്പോ​വു​ക​യും ചെയ്യുന്നു. കെട്ടി​ട​ത്തി​നു​ള്ളിൽനി​ന്നും ചൂടു പുറന്ത​ള്ള​പ്പെ​ടു​ക​യും ശീതീ​ക​ര​ണ​പ്ര​ക്രിയ തുടരു​വാ​നാ​യി റഫ്രി​ജ​റൻറ്‌ വീണ്ടും ബാഷ്‌പീ​ക​ര​ണ​ക്കു​ഴ​ലി​ലൂ​ടെ ചുററി​ക്ക​റ​ങ്ങു​ക​യും ചെയ്യുന്നു.

റഫ്രി​ജ​റേ​ഷൻമൂ​ലം വായു​വി​നെ തണുപ്പി​ക്കുന്ന പ്രക്രിയ താരത​മ്യേന സമീപ​കാ​ല​ത്താ​ണു ജൻമം​കൊ​ണ്ടത്‌. മമനു​ഷ്യ​ന്റെ സുഖത്തി​നു മാത്ര​മാ​യി ഒരു എയർക​ണ്ടീ​ഷ​നിംഗ്‌ യൂണി​ററ്‌ ആദ്യമാ​യി ഉപയോ​ഗി​ക്ക​പ്പെ​ട്ടത്‌ 1922ൽ ഒരു സിനിമാ തീയേ​റ​റ​റി​ലാ​യി​രു​ന്നു. തീവണ്ടി​കൾക്കാ​യുള്ള ആദ്യത്തെ എയർക​ണ്ടീ​ഷ​നിം​ഗ്‌സം​വി​ധാ​നം സ്ഥാപി​ക്ക​പ്പെ​ട്ടത്‌ 1931ലാണ്‌, ഓട്ടോ​മൊ​ബൈൽ വാഹന​ങ്ങ​ളിൽ അവ ആദ്യമാ​യി 1939ൽ വെക്ക​പ്പെട്ടു. അതിന​ടുത്ത വർഷം ബസ്സിനു​ള്ളിൽ ഇവ വെക്ക​പ്പെട്ടു. വീടു​ക​ളും അപ്പാർട്ടു​മെൻറു​ക​ളും എയർക​ണ്ടീ​ഷ​നിംഗ്‌ ഉപയോ​ഗി​ക്കാൻ തുടങ്ങി​യത്‌ 1930കളിലാണ്‌.

എയർക​ണ്ടീ​ഷ​നിം​ഗി​നാ​യുള്ള ആളുക​ളു​ടെ ആവശ്യം തീർച്ച​യാ​യും വ്യത്യാ​സ​പ്പെ​ട്ടി​രി​ക്കു​ന്നു. എന്നിരു​ന്നാ​ലും ബഹുഭൂ​രി​പക്ഷം ആളുക​ളും സുഖക​ര​മെന്നു കാണുന്ന താപത്തി​ന്റെ ഒരു മേഖല​യുണ്ട്‌. 72 ഡിഗ്രി ഫാറൻഹീ​ററു മുതൽ 78 ഡിഗ്രി ഫാറൻഹീ​ററ്‌ വരെ സാധാ​ര​ണ​യാ​യി സുഖക​ര​മായ ഒരു മേഖല​യാണ്‌; ആപേക്ഷിക അന്തരീക്ഷ ബാഷ്‌പാം​ശം 40 ശതമാനം മുതൽ 60 ശതമാനം വരെയാ​യി​രി​ക്കണം. ചൂടാ​ക്കേ​ണ്ട​തു​പോ​ലെ അന്തരീക്ഷം തണുത്തി​രി​ക്കു​മ്പോൾ, ഭൂരി​പക്ഷം ആളുകൾക്കും സുഖക​ര​മാ​യി അനുഭ​വ​പ്പെ​ടു​ന്നത്‌ താപം 72 ഡിഗ്രി ഫാറൻഹീ​റ​റി​നും 76 ഡിഗ്രി ഫാറൻഹീ​റ​റി​നും ഇടയി​ലാ​യി​രി​ക്കു​മ്പോ​ഴാണ്‌.

മറുവ​ശത്ത്‌, പുറത്തു ചൂടാ​യി​രി​ക്കു​മ്പോൾ ഭൂരി​പ​ക്ഷം​പേർക്കും സുഖക​ര​മാ​യി​രി​ക്കു​ന്നത്‌ എയർക​ണ്ടീ​ഷ​നിംഗ്‌ ഉള്ളിലെ താപം 76 ഡിഗ്രി ഫാറൻഹീ​റ​റി​നും 80 ഡിഗ്രി ഫാറൻഹീ​റ​റി​നും ഇടയിൽ നിർത്തു​മ്പോ​ഴാണ്‌. എന്നാൽ പുറത്തെ ചൂട്‌ അങ്ങേയ​ററം ഉയർന്നി​രി​ക്ക​യും ഒരാൾ കൂടെ​ക്കൂ​ടെ പുറ​ത്തേ​ക്കും അകത്തേ​ക്കും പോകു​ക​യു​മാ​ണെ​ങ്കിൽ, ആരോ​ഗ്യ​ത്തിന്‌ ഉചിത​മാ​യി​രി​ക്കു​ന്നത്‌ ഉള്ളിലെ താപം സാധാ​ര​ണ​യി​ലും ഏതാണ്ട്‌ കൂടു​ത​ലാ​ക്കി നിർത്തു​ന്ന​താ​യി​രി​ക്കും.

നിങ്ങൾക്ക്‌ അത്‌ ആവശ്യ​മാ​ണോ?

അതിനാൽ നിങ്ങളു​ടെ സാഹച​ര്യ​ത്തെ ആശ്രയിച്ച്‌ എയർക​ണ്ടീ​ഷ​നിംഗ്‌ കൂടുതൽ സുഖക​ര​മായ പരിസ്ഥി​തി നിങ്ങൾക്കു പ്രദാനം ചെയ്‌തേ​ക്കാം. എന്നാൽ ലോക​ത്തി​ന്റെ ചില ഭാഗങ്ങ​ളിൽ അത്‌ ആവശ്യ​മോ ആഗ്രഹി​ക്ക​ത്ത​ക്ക​തോ ആയിരി​ക്കു​ന്നില്ല എന്നുള്ളതു സത്യമാണ്‌. അല്ലെങ്കിൽ ഒരു എയർക​ണ്ടീ​ഷനർ വാങ്ങു​ന്നത്‌ സാമ്പത്തി​ക​മാ​യി നിങ്ങൾക്കു പ്രാ​യോ​ഗി​ക​മ​ല്ലാ​തി​രു​ന്നേ​ക്കാം.

എന്നിരു​ന്നാ​ലും എയർക​ണ്ടീ​ഷ​നിം​ഗിൽനി​ന്നു നിങ്ങൾക്കു നേടാൻക​ഴി​യുന്ന പ്രയോ​ജനം അതു കരസ്ഥമാ​ക്കാൻ നിങ്ങൾ മുടക്കുന്ന ചെലവി​നു തക്കതാ​ണെന്നു നിങ്ങൾ തീരു​മാ​നി​ച്ചേ​ക്കാം. ഉപകരണം ഉചിത​മാ​യി തിര​ഞ്ഞെ​ടു​ക്ക​പ്പെ​ട്ട​തും ഉചിത​മായ വലിപ്പ​ത്തി​ലു​ള്ള​തും ഉചിത​മാ​യി സ്ഥാപി​ക്ക​പ്പെ​ട്ട​തു​മാ​ണെ​ങ്കിൽ അത്‌ ഉചിത​മാ​യി പ്രവർത്തി​പ്പി​ക്ക​പ്പെ​ടു​ക​യും പരിര​ക്ഷി​ക്ക​പ്പെ​ടു​ക​യു​മാ​ണെ​ങ്കിൽ പരിമി​ത​മായ ചെലവിൽ അതിനു നിങ്ങളെ ദീർഘ​കാ​ലം സേവി​ക്കാൻ കഴിയും; തീർച്ച​യാ​യും നിങ്ങളു​ടെ സ്വാസ്ഥ്യം വർദ്ധി​പ്പി​ച്ചു​കൊ​ണ്ടു തന്നെ. (g91 6/22)