ദൈവ​ത്തി​നാ​യുള്ള മനുഷ്യ​വർഗ്ഗ​ത്തി​ന്റെ അന്വേ​ഷ​ണ​ത്തി​നു ലഭിച്ച പ്രതി​ക​ര​ണം

ദൈവ​ത്തി​നാ​യുള്ള മനുഷ്യ​വർഗ്ഗ​ത്തി​ന്റെ അന്വേ​ഷണം എന്ന പുസ്‌ത​ക​ത്തി​ന്റെ പ്രകാ​ശനം യഹോ​വ​യു​ടെ സാക്ഷികൾ 1990-ന്റെ മദ്ധ്യം​മു​തൽ 1991-ന്റെ പ്രാരം​ഭം​വരെ നടത്തിയ “നിർമ്മ​ല​ഭാ​ഷാ” ഡിസ്‌ട്രിക്ട്‌ കൺ​വെൻ​ഷ​നു​ക​ളു​ടെ മുഖ്യ സവി​ശേ​ഷ​ത​ക​ളി​ലൊ​ന്നാ​യി​രു​ന്നു. അത്‌ ലോക​ത്തി​ലെ പ്രമുഖ മതങ്ങളു​ടെ ഉത്ഭവം, ചരിത്രം, വിശ്വാ​സങ്ങൾ ഇവയുടെ ഒരു സംക്ഷി​പ്‌ത​വി​വ​രണം നൽകു​ക​യും സത്യ​ദൈ​വത്തെ എങ്ങനെ കണ്ടെത്താൻ കഴിയു​മെന്നു പറയു​ക​യും ചെയ്യുന്നു. ലോക​മെ​ങ്ങു​മുള്ള വായന​ക്കാർ എങ്ങനെ പ്രതി​ക​രി​ച്ചി​രി​ക്കു​ന്നു?

“ദൈവ​ത്തി​നാ​യുള്ള മനുഷ്യ​വർഗ്ഗ​ത്തി​ന്റെ അന്വേ​ഷ​ണ​ത്തിന്‌ എന്റെ ആത്മാർത്ഥ​മായ അഭിന​ന്ദനം,” എന്ന്‌ ജർമ്മനി​യിൽനി​ന്നുള്ള സാക്ഷി​യ​ല്ലാത്ത ഒരു വ്യക്തി, ഈ. ജി. അഭി​പ്രാ​യ​പ്പെട്ടു. “വ്യതി​രിക്ത മതങ്ങളെ സംബന്ധി​ച്ചുള്ള ഇത്തരം വിശദ​വും സമഗ്ര​വു​മായ സൂക്ഷ്‌മ​നി​രീ​ക്ഷണം സത്യത്തിൽ ശ്രദ്ധേ​യ​വും ഹൃദയ​ഹാ​രി​യായ വായന​ക്കു​ത​കു​ന്ന​തു​മാണ്‌, കൂടാതെ ഈ പുസ്‌തകം യുക്തി​പ​ര​ത​യു​ടെ കാര്യ​ത്തിൽ കുറവു​ള്ളതല്ല—തീർത്തും മറിച്ചാണ്‌. ആളുകൾ ഈ പുസ്‌ത​ക​ത്തി​ന്റെ അടിസ്ഥാ​ന​ത്തിൽ അവരവ​രു​ടെ മതത്തെ പരി​ശോ​ധി​ക്കു​ന്ന​തിന്‌ ശുപാർശ​ചെ​യ്യാൻ മാത്രമെ എനിക്കാ​വൂ.”

യു.എസ്സ്‌.എ., ന്യൂ​യോർക്കി​ലെ ഫഷ്‌ളിം​ഗിൽനി​ന്നുള്ള ഒരു വായന​ക്കാ​രൻ എഴുതി: “ഞാൻ ഒരു മുസ്ലീം ആണ്‌, അൽ-ഇസ്ലാം ആണ്‌ എന്റെ മതം. ദൈവ​ത്തി​നാ​യുള്ള മനുഷ്യ​വർഗ്ഗ​ത്തി​ന്റെ അന്വേ​ഷണം എന്ന നിങ്ങളു​ടെ പുതിയ പുസ്‌തകം ഞാൻ വിലമ​തി​ക്കു​ന്നു. എന്റെ മതത്തിൽ നിങ്ങൾക്കുള്ള അറിവി​നെ ഞാൻ വിശേ​ഷാൽ വിലമ​തി​ക്കു​ന്നു.”

നെതർലാൻഡ്‌സി​ലെ 17 വയസ്സുള്ള എ.വി.ഡി. ഒരു സഹപാ​ഠിക്ക്‌ ഈ പുസ്‌ത​ക​ത്തി​ന്റെ ഒരു പ്രതി സമർപ്പി​ച്ചു, അവൾ ഒരു സ്‌കൂൾ നിയമനം തയ്യാറാ​കു​ന്ന​തിന്‌ അത്‌ ഉപയോ​ഗി​ക്കു​ക​യും ചെയ്‌തു. അദ്ധ്യാ​പകൻ അവളുടെ വിവര​ങ്ങ​ളു​ടെ ഉറവിടം അറിയാൻ ആഗ്രഹി​ച്ചു. പുസ്‌തകം കണ്ടപ്പോൾ അദ്ദേഹം 3 പ്രതി​കൾക്ക്‌ ഓർഡർ നൽകി. എ.വി.ഡി. തുടരു​ന്നു: “പിറേ​റ​ദി​വസം ഞാൻ 3 പുസ്‌ത​കങ്ങൾ അദ്ധ്യാ​പ​കനു കൈമാ​റി, അദ്ദേഹം അത്‌ ഉടനെ​തന്നെ മററു​ചില അദ്ധ്യാ​പ​കരെ കാണിച്ചു. അൽപ്പസ​മ​യ​ത്തി​നു​ശേഷം അദ്ദേഹം എന്നോടു പറഞ്ഞു, ‘കൊള്ളാം, ഇത്തരം 35 പുസ്‌ത​കങ്ങൾ ഓർഡർ ചെയ്യു​ന്ന​തിന്‌ എനിക്ക്‌ സ്‌കൂൾ അധികാ​രി​ക​ളു​ടെ അംഗീ​കാ​രം ലഭിച്ചി​രി​ക്കു​ന്നു.’”

കാനഡാ​യി​ലെ ബ്രിട്ടീഷ്‌ കൊളം​ബി​യാ​യിൽനി​ന്നും ഒരു ദമ്പതികൾ എഴുതി: “ദൈവ​ത്തി​നാ​യുള്ള മനുഷ്യ​വർഗ്ഗ​ത്തി​ന്റെ അന്വേ​ഷ​ണ​ത്തിന്‌, മുമ്പു​ണ്ടാ​യി​രുന്ന മറേറ​തൊ​രു വാച്ച്‌ടവർ പ്രസി​ദ്ധീ​ക​ര​ണ​ത്തേ​ക്കാ​ളും കൂടുതൽ സാംസ്‌കാ​രിക പശ്ചാത്ത​ല​ങ്ങ​ളിൽനി​ന്നുള്ള ആളുകളെ സ്വാധീ​നി​ക്കാൻ തികച്ചും സാദ്ധ്യ​മാ​കും.”

ഫ്രാൻസി​ലെ ലേ ഹാവ്‌റി​യിൽനിന്ന്‌ എം.എച്ച്‌. എഴുതി: “ഈ പുസ്‌തകം എന്റെ എല്ലാ പ്രതീ​ക്ഷ​ക​ളെ​യും കവച്ചു​വെ​ച്ചി​രി​ക്കു​ന്നു​വെന്നു പറയാതെ നിവൃ​ത്തി​യില്ല; അതു വളരെ വ്യക്തവും സൂക്ഷ്‌മ​വും നയനാ​ന​ന്ദ​ക​ര​വു​മാണ്‌; പ്രൗ​ഢോ​ജ്വ​ലം തന്നെ!

യു.എസ്‌.എ.യിലെ ടെക്‌സാ​സിൽനി​ന്നുള്ള എച്ച്‌.ഡബ്ലിയു. ഡബ്ലിയു. എഴുതി: “ഈ പുസ്‌തകം വളരെ രസകര​വും ഹൃദയാ​കർഷ​ക​വും ആണ്‌, എനിക്ക്‌ അതു താഴെ വെക്കാൻതന്നെ കഴിഞ്ഞില്ല. ഞാൻ രാവേറെ ചെല്ലു​വോ​ളം അതു വായി​ച്ചു​കൊ​ണ്ടി​രു​ന്നു. രചനാ​മേൻമ അത്യുൽകൃ​ഷ്ട​മാണ്‌. ഈ പുസ്‌തകം മററുള്ള ആളുക​ളു​ടെ വിശ്വാ​സ​ങ്ങളെ ഒരു ന്യായ​യു​ക്ത​വും ആദരപൂർണ്ണ​വു​മായ വിധത്തിൽ ചർച്ച ചെയ്യുന്നു, അതേസ​മയം അവരെ സത്യ​ദൈ​വ​മായ യഹോ​വ​ക്കാ​യുള്ള തങ്ങളുടെ അന്വേ​ഷണം തുടരാൻ പ്രോ​ത്സാ​ഹി​പ്പി​ക്കു​ക​യും ചെയ്യുന്നു. മിക്ക​പ്പോ​ഴും ആരോ നിങ്ങളു​ടെ സമീപ​മി​രുന്ന്‌ ഒരു സംഭാ​ഷണം നടത്തി​ക്കൊ​ണ്ടി​രി​ക്കു​ന്ന​തു​പോ​ലെ വളരെ വ്യക്തി​ഗ​ത​മായ ഒരു വിധത്തിൽ വാക്കുകൾ കടന്നു​വ​രു​ന്നു.”

പനാമ​യിൽനി​ന്നുള്ള ദമ്പതി​ക​ളായ ജി.യും എസ്സ്‌.ഉം പറഞ്ഞു: “സ്‌പാ​നിഷ്‌ സംസാ​രി​ക്കുന്ന ആളുകൾ ഈ പുസ്‌തകം അനായാ​സം സ്വീക​രി​ക്കു​ന്നു. അവർ ക്ഷേത്ര​ങ്ങ​ളു​ടെ​യും വിഗ്ര​ഹ​ങ്ങ​ളു​ടെ​യും കളർ ഫോ​ട്ടോ​കൾ കണ്ട്‌ പുളകി​ത​രാ​കു​ന്നു.”

യു.എസ്സ്‌. നാവി​ക​സേ​ന​യി​ലെ ഒരു നാവി​ക​നായ ഡി.എം. എഴുതി: “ഞാൻ ഒരു ദിവസം, ‘താങ്കൾക്ക്‌ ഒരു ആത്മീയ ഗ്രന്ഥം വേണോ’ എന്നു ചോദിച്ച ഒരു സ്‌ത്രീ​യെ കണ്ടുമു​ട്ടി. അത്‌ ഏതുതരം പുസ്‌ത​ക​മാണ്‌ എന്നറി​യാ​തെ ‘വേണം’ എന്നു ഞാൻ ഉത്തരം പറഞ്ഞു. അത്‌ ഞാൻ കുറച്ചു​കാ​ല​മാ​യി അന്വേ​ഷി​ച്ചു​കൊ​ണ്ടേ​യി​രുന്ന പുസ്‌ത​ക​ത്തിൽ എന്നെ കൊ​ണ്ടെ​ത്തി​ച്ചു​വെ​ന്നത്‌ എന്നെ ആശ്ചര്യ​പ്പെ​ടു​ത്തി.”

ഒരു അമേരി​ക്കൻ സർവക​ലാ​ശാ​ല​യിൽ ലോക​മ​ത​ങ്ങ​ളെ​പ്പ​ററി പഠിപ്പി​ച്ചു​കൊ​ണ്ടി​രുന്ന ഒരു പ്രൊ​ഫസ്സർ എഴുതി: “വിവി​ധ​മ​ത​ങ്ങ​ളു​ടെ കേന്ദ്ര ഉപദേ​ശങ്ങൾ വിശദീ​ക​രി​ക്കു​ന്ന​തി​ലുള്ള സാർവ​ത്രി​ക​മായ കൃത്യ​ത​യും ആശയ​പ്ര​കാ​ശ​ന​ത്തി​ന്റെ കാര്യ​മാ​ത്ര​പ്ര​സ​ക്ത​മായ സ്‌പഷ്ട​ത​യും ഹൃദയ​ഹാ​രി​യാ​യി​രി​ക്കു​ന്നു. ഈ മണ്ഡലത്തി​ലെ പ്രാമാ​ണി​ക​രായ അസംഖ്യം എഴുത്തു​കാ​രെ ഉദ്ധരി​ച്ചി​രി​ക്കു​ന്ന​തി​നാൽ സമകാ​ലീന വിജ്ഞാ​നീ​യ​ത​യെ​യും പ്രയോ​ഗ​ത്തെ​യും സംബന്ധിച്ച ഗ്രന്ഥകർത്താ​വി​ന്റെ അവബോ​ധം വ്യക്തമാ​കു​ന്നു. ഇവിടെ യാതൊ​രു ഗുപ്‌ത​ല​ക്ഷ്യ​ങ്ങ​ളു​മി​ല്ലാത്ത, തികഞ്ഞ സത്യസന്ധത പുലർത്ത​പ്പെ​ടു​ന്നു.”

ജപ്പാനി​ലെ നഗോയാ നഗരത്തിൽനി​ന്നുള്ള ഒരു കൊച്ചു​പെൺകു​ട്ടി​യായ എൻ.വൈ. എഴുതി: “എനിക്ക്‌ 12 വയസ്സുണ്ട്‌. ഞാൻ സ്‌കൂ​ളിൽ ചരിത്രം പഠിക്കു​ന്നു. ഈ പുസ്‌തകം ജപ്പാന്റെ മതങ്ങളെ വിശദ​മാ​യി കൈകാ​ര്യം ചെയ്യുന്നു. കൂടാതെ ഞാൻ 4-ാം അദ്ധ്യാ​യ​ത്തി​ലെ ‘മന്ത്രവാ​ദ​വും ആത്മവി​ദ്യ​യും’ എന്നതും 15-ാം അദ്ധ്യാ​യ​ത്തി​ലെ ‘സത്യ​ദൈ​വ​ത്തി​ലേ​ക്കുള്ള മടക്കയാ​ത്ര’ എന്നതും വായി​ക്കു​ന്നത്‌ ആസ്വദി​ച്ചു.”

അർജൻറീ​ന, കൊളം​ബിയ, ഇംഗ്ലണ്ട്‌, പ്യൂർട്ടോ​റി​ക്കോ, സ്‌പെ​യിൻ എന്നിവി​ട​ങ്ങ​ളിൽനി​ന്നും അതു​പോ​ലെ മററു രാജ്യ​ങ്ങ​ളിൽനി​ന്നും വിലമ​തി​പ്പി​ന്റെ മററ​നേകം കത്തുകൾ ലഭിച്ചു​കൊ​ണ്ടേ​യി​രി​ക്കു​ക​യാണ്‌. ഇപ്പോൾ 26 ഭാഷക​ളിൽ പ്രസി​ദ്ധീ​ക​രി​ച്ചി​രി​ക്കുന്ന ദൈവ​ത്തി​നാ​യുള്ള മനുഷ്യ​വർഗ്ഗ​ത്തി​ന്റെ അന്വേ​ഷണം എന്ന പുസ്‌ത​ക​ത്തി​ന്റെ ഒരു പ്രതി ലഭിക്കാൻ നിങ്ങൾ ആഗ്രഹി​ക്കു​ന്നു​വെ​ങ്കിൽ 5-ാം പുറം കാണുക. (g91 7/8)