“സകലമ​നു​ഷ്യ”രോടും സാക്ഷീ​ക​രി​ക്കൽ

¹ സാമൂ​ഹി​ക​മോ മതപര​മോ ആയി വ്യത്യസ്‌ത പശ്ചാത്ത​ല​ങ്ങ​ളിൽ നിന്നുള്ള ആളുകളെ കണ്ടുമു​ട്ടു​മ്പോൾ, “സകലമ​നു​ഷ്യ​രും രക്ഷപ്രാ​പി​പ്പാ​നും സത്യത്തി​ന്റെ പരിജ്ഞാ​ന​ത്തിൽ എത്തുവാ​നും” ആണ്‌ യഹോ​വ​യു​ടെ ഇഷ്ടം എന്നു നാം ഓർക്കു​ന്നു. (1 തിമൊ. 2:4) പ്രത്യേ​കം തയ്യാറാ​ക്കിയ ധാരാളം ലഘു​ലേ​ഖ​കൾക്കും ലഘുപ​ത്രി​ക​കൾക്കും പുറമേ, ദൈവ​ത്തെ​യും യേശു​വി​നെ​യും കുറി​ച്ചുള്ള സത്യം പഠിപ്പി​ക്കാത്ത മതങ്ങളിൽ നിന്നു​ള്ള​വർക്കു സഹായ​മേ​കാ​നാ​യി ഏതൊരു സമയത്തും ഉപയോ​ഗി​ക്കാൻ കഴിയുന്ന രണ്ടു മികച്ച പ്രസി​ദ്ധീ​ക​ര​ണങ്ങൾ നമുക്കുണ്ട്‌.

² യേശു​ക്രിസ്‌തു​വി​ന്റെ ജീവിതം വിശേ​ഷ​വത്‌ക​രി​ക്കു​ന്ന​തി​ലൂ​ടെ ജീവി​ച്ചി​രു​ന്നി​ട്ടു​ള്ള​തി​ലേ​ക്കും ഏറ്റവും മഹാനായ മനുഷ്യൻ എന്ന പുസ്‌തകം, ഒന്നാം നൂറ്റാ​ണ്ടി​ലെ അനേക​രെ​പ്പോ​ലെ, ദൈവ​പു​ത്ര​നു​മാ​യി കൂടുതൽ പരിചി​ത​നാ​കാ​നും അവനി​ലേക്ക്‌ ആകർഷി​ത​നാ​കാ​നും ഒരുവനെ സഹായി​ക്കു​ന്നു. (യോഹ. 12:32) നിത്യ​ജീ​വന്റെ പ്രത്യാ​ശ​യും വളരെ ആകർഷ​ക​മാണ്‌. അത്ഭുത​ക​ര​മായ ഈ പ്രത്യാ​ശ​യു​മാ​യി പരിചി​ത​രാ​കാൻ ഓരോ വ്യക്തി​യെ​യും സഹായി​ക്കാ​നാ​യി രൂപകൽപ്പന ചെയ്‌തി​രി​ക്കു​ന്ന​താണ്‌ നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌തകം. മഹാനായ മനുഷ്യൻ പുസ്‌ത​ക​വും എന്നേക്കും ജീവി​ക്കാൻ പുസ്‌ത​ക​വും കുറഞ്ഞ വിലയ്‌ക്കു സമർപ്പി​ക്കാ​വു​ന്ന​താണ്‌. ഉചിത​മാ​യി​രി​ക്കു​ന്നി​ടത്ത്‌, ഈ പുസ്‌ത​കങ്ങൾ പരിച​യ​പ്പെ​ടു​ത്താ​നാ​യി പിൻവ​രുന്ന നിർദേ​ശങ്ങൾ ഉപയോ​ഗി​ക്കാ​വു​ന്ന​താണ്‌.

³ “മഹാനായ മനുഷ്യൻ” പുസ്‌തകം ഉപയോ​ഗി​ക്കു​ന്നത്‌ ഉചിത​മാ​യി​രി​ക്കും എന്ന്‌ തോന്നുന്ന പക്ഷം, ഇപ്രകാ​രം ചോദി​ക്കാ​വു​ന്ന​താണ്‌:

◼ “യേശു​ക്രിസ്‌തു​വി​നെ കുറിച്ച്‌ ചിന്തി​ക്കു​മ്പോൾ താങ്കളു​ടെ മനസ്സി​ലേക്കു വരുന്നത്‌ എന്താണ്‌? [പ്രതി​ക​ര​ണ​ത്തിന്‌ അനുവ​ദി​ക്കുക.] ജീവി​ച്ചി​രു​ന്നി​ട്ടു​ള്ള​തി​ലേ​ക്കും ഏറ്റവും മഹാനായ മനുഷ്യ​നാണ്‌ യേശു​വെന്ന്‌ നിരവധി ചരി​ത്ര​കാ​ര​ന്മാർ അംഗീ​ക​രി​ക്കു​ന്നു. [മഹാനായ മനുഷ്യൻ പുസ്‌ത​ക​ത്തി​ന്റെ മുഖവു​ര​യിൽ നിന്നുള്ള ഒരു ഉദാഹ​രണം ഉദ്ധരി​ക്കുക.] യേശു​വി​ന്റെ ജീവിതം നമുക്ക്‌ അനുക​രി​ക്കാ​നുള്ള ഒരു മാതൃ​ക​യാ​ണെന്ന്‌ ബൈബിൾ പ്രകട​മാ​ക്കു​ന്നു.” 1 പത്രൊസ്‌ 2:21-ഉം മഹാനായ മനുഷ്യൻ പുസ്‌ത​ക​ത്തി​ലെ മുഖവു​ര​യു​ടെ അവസാന പേജി​ലുള്ള ആദ്യ ഖണ്ഡിക​യും വായി​ക്കുക. യേശു​വി​നെ കുറിച്ചു പഠിക്കു​ന്ന​തിൽ വീട്ടു​കാ​രനു താത്‌പ​ര്യ​മു​ണ്ടെ​ങ്കിൽ, ആ പുസ്‌തകം സമർപ്പി​ക്കുക. അവി​ടെ​നി​ന്നു യാത്ര ചോദി​ക്കു​ന്ന​തി​നു മുമ്പായി യോഹ​ന്നാൻ 17:3 വായി​ച്ചിട്ട്‌ “നിത്യ​ജീ​വ​നി​ലേക്കു നയിക്കുന്ന ഈ പരിജ്ഞാ​നം നമുക്ക്‌ എങ്ങനെ നേടാ​നാ​കും?” എന്നു ചോദി​ക്കുക. ഉത്തരം കൊടു​ക്കാ​നാ​യി മടക്കസ​ന്ദർശനം നടത്താ​നുള്ള കൃത്യ​മായ ഏർപ്പാ​ടു​കൾ ചെയ്യുക.

⁴ ജീവദാ​യ​ക​മായ പരിജ്ഞാ​നം എപ്രകാ​രം നേടാ​മെന്ന്‌ വിശദീ​ക​രി​ക്കാ​നാ​യി മടങ്ങി​ച്ചെ​ല്ലു​മ്പോൾ ഇങ്ങനെ പറയാ​വു​ന്ന​താണ്‌:

◼ “നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം എങ്ങനെ നേടാ​നാ​കു​മെന്ന്‌ വ്യക്തമാ​ക്കാ​നാ​യി മടങ്ങി​വ​രാ​മെന്ന്‌ ഞാൻ പറഞ്ഞി​രു​ന്ന​ല്ലോ.” പരിജ്ഞാ​നം പുസ്‌തകം സമർപ്പി​ച്ചിട്ട്‌ അതിലെ ആദ്യത്തെ അധ്യായം ഉപയോ​ഗിച്ച്‌ ഒരു അധ്യയനം പ്രകടി​പ്പി​ച്ചു കാണി​ക്കുക.

⁵ “നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും” എന്ന പുസ്‌തകം സമർപ്പി​ക്കാ​നാണ്‌ നിങ്ങൾ ആഗ്രഹി​ക്കു​ന്ന​തെ​ങ്കിൽ, ഇങ്ങനെ പറയാ​വു​ന്ന​താണ്‌:

◼ “എന്നേക്കു​മുള്ള ജീവിതം വെറു​മൊ​രു സ്വപ്‌ന​മാ​ണെ​ന്നാ​ണോ താങ്കൾ കരുതു​ന്നത്‌?” അഭി​പ്രാ​യം ശ്രദ്ധി​ച്ച​ശേഷം എന്നേക്കും ജീവി​ക്കാൻ പുസ്‌ത​ക​ത്തി​ന്റെ 7-ാം പേജ്‌ എടുക്കുക. 4-ാം ഖണ്ഡിക​യി​ലെ ആശയങ്ങൾ വിശേ​ഷ​വത്‌ക​രി​ക്കുക. എന്നിട്ട്‌, ശുദ്ധീ​ക​രി​ക്ക​പ്പെട്ട ഭൂമി​യിൽ എന്നേക്കും ജീവി​ക്കു​ന്നത്‌ അഭികാ​മ്യ​മാ​യി​രി​ക്കും എന്നതി​നോ​ടു യോജി​ക്കു​ന്നു​ണ്ടോ എന്നു വീട്ടു​കാ​ര​നോ​ടു ചോദി​ക്കുക. തുടർന്ന്‌ 8, 9 പേജു​ക​ളി​ലെ ചിത്ര​വും 11-13 പേജു​ക​ളി​ലെ ചിത്ര​ങ്ങ​ളും വിപരീത താരത​മ്യം നടത്തുക. 13-ാം ഖണ്ഡിക​യിൽ പരാമർശി​ച്ചി​രി​ക്കുന്ന തിരു​വെ​ഴു​ത്തു​ക​ളിൽ ഒരെണ്ണം എടുത്തു നോക്കുക. നല്ല താത്‌പ​ര്യം പ്രകടി​പ്പി​ക്കു​ന്നെ​ങ്കിൽ പുസ്‌തകം സമർപ്പി​ക്കുക. “എന്നേക്കു​മുള്ള ജീവി​ത​ത്തി​ന്റെ പ്രത്യാശ താങ്കളെ സംബന്ധി​ച്ചി​ട​ത്തോ​ളം യാഥാർഥ്യ​മാ​കു​ന്നതു കാണാൻ എന്തു ചെയ്യണ​മെ​ന്നാണ്‌ താങ്കൾ കരുതു​ന്നത്‌?” എന്ന്‌ പോരു​മ്പോൾ ചോദി​ക്കുക. ഉത്തരം കൊടു​ക്കാ​നാ​യി മടക്കസ​ന്ദർശ​ന​ത്തി​നു ക്രമീ​ക​രണം ചെയ്യുക.

⁶ എന്നേക്കു​മുള്ള ജീവിതം എപ്രകാ​രം ഒരു യാഥാർഥ്യ​മാ​യി​ത്തീ​രും എന്ന്‌ വിശദീ​ക​രി​ക്കാൻ മടങ്ങി​ച്ചെ​ല്ലു​മ്പോൾ, നിങ്ങൾക്ക്‌ ഇങ്ങനെ ചോദി​ക്കാ​വു​ന്ന​താണ്‌:

◼ കഴിഞ്ഞ പ്രാവ​ശ്യം പോകു​ന്ന​തി​നു മുമ്പായി ഞാനൊ​രു ചോദ്യം ചോദി​ച്ചി​രു​ന്നത്‌ താങ്കൾ ഓർക്കു​ന്നു​ണ്ടാ​യി​രി​ക്കും, “എന്നേക്കു​മുള്ള ജീവി​ത​ത്തി​ന്റെ പ്രത്യാശ താങ്കളെ സംബന്ധി​ച്ചി​ട​ത്തോ​ളം യാഥാർഥ്യ​മാ​കു​ന്നതു കാണാൻ എന്തു ചെയ്യണ​മെ​ന്നാണ്‌ താങ്കൾ കരുതു​ന്നത്‌?” [പ്രതി​ക​രി​ക്കാൻ അനുവ​ദി​ക്കുക.] എന്നേക്കും ജീവി​ക്കാൻ പുസ്‌ത​ക​ത്തി​ന്റെ 15-ാം പേജ്‌ തുറന്നിട്ട്‌, 19-ാം ഖണ്ഡിക​യിൽ ഉദ്ധരി​ച്ചി​രി​ക്കുന്ന യോഹ​ന്നാൻ 17:3 വായി​ക്കുക. അദ്ദേഹ​ത്തി​നും കുടും​ബ​ത്തി​നും ഈ പ്രത്യേ​ക​തരം പരിജ്ഞാ​നം ലഭ്യമാ​ണെ​ന്നും അദ്ദേഹ​ത്തി​നു സൗകര്യ​പ്ര​ദ​മായ ഒരു സമയത്ത്‌ ക്രമമാ​യി മടങ്ങി​ച്ചെ​ല്ലാൻ നിങ്ങൾക്കു സന്തോ​ഷ​മു​ണ്ടെ​ന്നും പറയുക. വീട്ടു​കാ​രനെ ക്രമമാ​യി സന്ദർശി​ക്കാൻ തുടങ്ങി അധികം താമസി​യാ​തെ ആവശ്യം ലഘുപ​ത്രി​ക​യോ പരിജ്ഞാ​നം പുസ്‌ത​ക​മോ അയാൾക്കു പരിച​യ​പ്പെ​ടു​ത്താ​വു​ന്ന​താണ്‌.

⁷ സംഭാ​ഷണം തുടങ്ങു​ന്ന​തി​നുള്ള നുറു​ങ്ങു​കൾ: പ്രഥമ സന്ദർശ​ന​ത്തി​ലോ മടക്കസ​ന്ദർശ​ന​ത്തി​ലോ സംഭാ​ഷണം തുടങ്ങു​ന്ന​തി​നാ​യി ഉപയോ​ഗി​ക്കാ​വുന്ന നിരവധി പഠിപ്പി​ക്കൽ സഹായങ്ങൾ എന്നേക്കും ജീവി​ക്കാൻ പുസ്‌ത​ക​ത്തി​ലുണ്ട്‌. അനു​യോ​ജ്യ​മായ ഒരു ചോദ്യം ചോദി​ച്ചു​കൊണ്ട്‌ നിങ്ങൾക്കു സംഭാ​ഷണം തുടങ്ങാ​നാ​കും. ഉദാഹ​ര​ണ​ത്തിന്‌, പിൻവ​രുന്ന ചോദ്യ​ങ്ങ​ളും അവയ്‌ക്ക്‌ ഉത്തരം നൽകുന്ന അധ്യാ​യ​ങ്ങ​ളും ശ്രദ്ധി​ക്കുക:

ദൈവം—അവൻ ആരാകു​ന്നു (4)

ബൈബിൾ യഥാർഥ​ത്തിൽ ദൈവ​ത്തിൽനി​ന്നു​ള്ള​താ​ണോ? (5)

മരിക്കു​മ്പോൾ എന്തു സംഭവി​ക്കു​ന്നു? (8)

ദൈവം ദുഷ്ടത അനുവ​ദി​ച്ചി​രി​ക്കു​ന്ന​തെ​ന്തു​കൊണ്ട്‌? (11)

സ്വർഗ​ത്തിൽ പോകു​ന്ന​താര്‌, എന്തിന്‌? (14)

നാം പത്തു കല്‌പ​ന​ക​ളിൻ കീഴി​ലാ​ണോ? (24)

⁸ എന്നേക്കും ജീവി​ക്കാൻ പുസ്‌ത​ക​ത്തി​ലെ തിര​ഞ്ഞെ​ടുത്ത പേജോ പേജു​ക​ളോ എടുത്തിട്ട്‌ അവിടെ ചർച്ച ചെയ്‌തി​രി​ക്കുന്ന ആശയം വിശദീ​ക​രി​ക്കാ​വു​ന്ന​താണ്‌. തുടർന്ന്‌, ആവശ്യം ലഘുപ​ത്രി​ക​യിൽ നിന്നോ പരിജ്ഞാ​നം പുസ്‌ത​ക​ത്തിൽ നിന്നോ ഉത്തരം കൊടു​ക്കാ​വുന്ന ബന്ധപ്പെട്ട ഒരു ചോദ്യം ചോദി​ച്ചു​കൊണ്ട്‌ മടക്കസ​ന്ദർശനം ക്രമീ​ക​രി​ക്കുക. വീട്ടു​കാ​രനെ പരസ്യ യോഗ​ത്തിന്‌ ക്ഷണിക്കാ​നും അദ്ദേഹ​ത്തിന്‌ നോട്ടീസ്‌ നൽകാ​നും മറക്കരുത്‌. മേൽപ്രസ്‌താ​വിച്ച പുസ്‌ത​ക​ങ്ങൾക്കുള്ള സംഭാവന അവ നിർമി​ക്കാൻ ചെലവ​ഴിച്ച തുക​യെ​ക്കാൾ കുറവാ​ണെന്ന്‌ സൂചി​പ്പി​ക്കുക. നമ്മുടെ മുഴു വേലയും സ്വമേ​ധയാ സംഭാ​വ​ന​ക​ളാ​ലാണ്‌ പിന്താ​ങ്ങ​പ്പെ​ടു​ന്ന​തെ​ന്നും പറയുക.

⁹ പരമാർഥ ഹൃദയ​രായ എല്ലാത്തരം ആളുക​ളും ദൈവ​ത്തെ​യും ക്രിസ്‌തു​വി​നെ​യും കുറി​ച്ചുള്ള സത്യത്തി​നാ​യി പരതു​ക​യാണ്‌. ഭൂമി​യിൽ ഒരു പറുദീ​സ​യിൽ എന്നേക്കും ജീവി​ക്കുക എന്ന ആശയം അനേക​രെ​യും അത്ഭുത​പ​ര​ത​ന്ത്ര​രാ​ക്കു​ന്നു. സാക്ഷീ​കരണ വേലയി​ലൂ​ടെ അത്തരത്തി​ലുള്ള എല്ലാവ​രെ​യും നമുക്കു സഹായി​ക്കാം. ആയതി​നാൽ, ‘സകലമ​നു​ഷ്യ​രു​ടെ​യും രക്ഷിതാ​വായ ജീവനുള്ള ദൈവ​ത്തിൽ ആശവെച്ച്‌ അദ്ധ്വാ​നി​ക്കു​ന്ന​തി​ലും പോരാ​ടു​ന്ന​തി​ലും’ നമുക്കു തുടരാം.—1 തിമൊ. 4:10.