നിങ്ങളു​ടെ വിജ്ഞാ​ന​മേഖല വിശാ​ല​മാ​ക്കാൻ വായി​ക്കു​ക

നിങ്ങൾ വിദൂ​ര​സ്ഥ​ല​ങ്ങ​ളി​ലേക്ക്‌ യാത്ര​ചെ​യ്യാ​നും വ്യത്യ​സ്‌ത​സം​സ്‌ക്കാ​ര​ങ്ങ​ളുള്ള ആളുകളെ പരിച​യ​പ്പെ​ടാ​നും ഭയാവ​ഹ​ങ്ങ​ളായ വെള്ളച്ചാ​ട്ട​ങ്ങ​ളും പ്രൗഢ ഗംഭീ​ര​ങ്ങ​ളായ പർവ്വത​ങ്ങ​ളും നിഗൂ​ഢ​ങ്ങ​ളായ വനങ്ങളും പോലുള്ള പ്രകൃ​തി​യി​ലെ അത്ഭുതങ്ങൾ കാണാ​നും പരി​ശോ​ധി​ക്കാ​നും അതു​പോ​ലെ വിചി​ത്ര​ങ്ങ​ളായ പക്ഷികൾ, മൃഗങ്ങൾ, സസ്യങ്ങൾ എന്നിവ​യെ​ക്കു​റിച്ച്‌ പഠിക്കാ​നും എന്നെങ്കി​ലും ആഗ്രഹി​ച്ചി​ട്ടു​ണ്ടോ? അല്ലെങ്കിൽ സമു​ദ്ര​ത്തി​ന്റെ അടിത്ത​ട്ടി​ലേക്ക്‌ ഊളി​യി​ട്ടു​പോ​കാൻ, ബാഹ്യാ​കാ​ശ​ത്തി​ലേക്ക്‌ പറന്നു​യ​രാൻ, അതിസൂ​ക്ഷ്‌മ​ജീ​വി​ക​ളു​ടെ ലോക​ത്തി​ലേക്ക്‌ എത്തി​നോ​ക്കാൻ, തലച്ചോ​റി​ന്റെ​യും കണ്ണി​ന്റെ​യും ഹൃദയ​ത്തി​ന്റെ​യും അത്ഭുത​ങ്ങ​ളെ​ക്കു​റിച്ച്‌ പഠിക്കാൻ, അഥവാ ജനനത്തി​ന്റെ അത്ഭുത​ത്തി​നു സാക്ഷ്യം വഹിക്കാൻ നിങ്ങൾ ഇഷ്ടപ്പെ​ടു​ന്നു​വോ? ഒരുപക്ഷേ ഘടികാ​രത്തെ പുറ​കോ​ട്ടു​തി​രിച്ച്‌ ചരി​ത്ര​ത്തി​ലൂ​ടെ​യും പുരാ​വ​സ്‌തു​ശാ​സ്‌ത്ര​ത്തി​ലൂ​ടെ​യും ഭൂതകാ​ല​ത്തി​ലേക്ക്‌ ചുഴി​ഞ്ഞു​നോ​ക്കാൻ പോലും?

ആവേശ​ക​ര​മാ​യ ഇത്തരം സാഹസ​ങ്ങ​ളെ​ല്ലാം അച്ചടിച്ച താളു​ക​ളി​ലൂ​ടെ നിങ്ങൾക്കു മുമ്പിൽ തുറന്നു​കി​ട്ടു​ന്നു. എല്ലാ മേഖല​ക​ളിൽനി​ന്നു​മുള്ള വിവര​ങ്ങ​ളു​ടെ ഒരു സംഭര​ണി​യായ പുസ്‌ത​ക​ങ്ങ​ളും മററു പ്രസി​ദ്ധീ​ക​ര​ണ​ങ്ങ​ളും വായി​ക്കു​ന്ന​തി​ലൂ​ടെ നിങ്ങളു​ടെ ഭവനത്തി​ന്റെ സുഖസൗ​ക​ര്യ​ങ്ങൾ ഉപേക്ഷി​ച്ചു​പോ​കാ​തെ​തന്നെ ഇവയെ​ല്ലാം നിങ്ങൾക്ക്‌ അനുഭ​വി​ക്കാൻ കഴിയും. ബൈബിൾ പറയു​ന്ന​തു​പോ​ലെ “പുസ്‌തകം ഓരോ​ന്നു​ണ്ടാ​ക്കു​ന്ന​തിന്‌ അവസാ​ന​മില്ല.” (സഭാ​പ്ര​സം​ഗി 12:12) ഈ സംഭര​ണി​യിൽനിന്ന്‌ യഥേഷ്ടം കോരി​യെ​ടു​ക്കാൻ നല്ല വായന നിങ്ങളെ പ്രാപ്‌ത​രാ​ക്കും.

തരണം ചെയ്യു​ന്നത്‌ മൂല്യ​വ​ത്തായ ഒരു പ്രതി​ബ​ന്ധം

സങ്കടക​ര​മെന്നു പറയട്ടെ, ലോക​വ്യാ​പ​ക​മാ​യി 15 വയസ്സിനു മുകളിൽ പ്രായ​മുള്ള 80 കോടി ആളുകൾക്ക്‌ എഴുതാ​നും വായി​ക്കാ​നും അറിയില്ല. പഠിക്കു​ന്ന​തി​നും ആശയവി​നി​യമം നടത്തു​ന്ന​തി​നു​മുള്ള അവരുടെ പ്രാപ്‌തി​യെ ഇത്‌ അങ്ങേയ​ററം പരിമി​ത​പ്പെ​ടു​ത്തു​ന്നു. അത്‌ അവരുടെ ചിന്താ​പ്രാ​പ്‌തി​യെ അടിച്ച​മർത്തു​ക​യും അവരെ വായി​ക്കാ​ന​റി​യാ​വു​ന്ന​വ​രു​ടെ ആശ്രി​ത​രാ​ക്കു​ക​യും ചെയ്യുന്നു, അങ്ങനെ അവരെ ചൂഷണ​ത്തി​നോ കൃത്രി​മ​ത്തി​നോ ഇരയാ​കു​ന്ന​തി​നുള്ള ഒരു അപകട​സാ​ദ്ധ്യ​ത​യിൽ ആക്കി​ക്കൊ​ണ്ടു​തന്നെ.

നിരക്ഷ​ര​രാ​യ​വർക്ക്‌ അടിസ്ഥാന ദൈനം​ദിന പ്രവർത്ത​ന​ങ്ങൾപോ​ലും കെണി​ക​ളാ​യി​ത്തീർന്നേ​ക്കാം. ദൃഷ്ടാ​ന്ത​ത്തിന്‌, ഒരുവന്‌ തെരു​വി​ലെ ചിഹ്നങ്ങ​ളും ബസ്‌സ്‌റ​റാൻറു​ക​ളി​ലെ​യും റെയിൽവേ സ്‌റേ​റ​ഷ​നു​ക​ളി​ലെ​യും വിമാ​ന​ത്താ​വ​ള​ങ്ങ​ളി​ലെ​യും നിർദ്ദേ​ശ​ങ്ങ​ളും വായി​ക്കാൻ കഴിയു​ന്നി​ല്ലെ​ങ്കിൽ യാത്ര കുറഞ്ഞ​പക്ഷം കുഴക്കു​ന്ന​താ​യി​രി​ക്കും. വ്യക്തി​പ​ര​മായ കത്തുക​ളും രേഖക​ളും വായി​ക്കു​ന്ന​തി​നും എഴുതു​ന്നു​തി​നും അല്ലെങ്കിൽ ലളിത​മായ ഫോറങ്ങൾ പൂരി​പ്പി​ക്കു​ന്ന​തി​നു പോലും മററാ​രോ​ടെ​ങ്കി​ലും ആവശ്യ​പ്പെ​ടേ​ണ്ട​താ​യി വരുന്ന​തി​ന്റെ അസൗക​ര്യ​വും ക്ലേശവും ഉണ്ട്‌. ഭക്ഷണമോ മരുന്നോ സംബന്ധിച്ച നിർദ്ദേ​ശങ്ങൾ വായി​ക്കാൻ കഴിയാത്ത അമ്മമാർ തങ്ങളുടെ കുട്ടി​കൾക്ക്‌ അവരെ ദ്രോ​ഹി​ച്ചേ​ക്കാ​വുന്ന വസ്‌തു​ക്കൾ നൽകു​ന്ന​തി​നുള്ള അപകട​സാ​ദ്ധ്യ​ത​യിൻ കീഴി​ലു​മാണ്‌.

വ്യക്തമാ​യും, നിരക്ഷരത വളരെ വലി​യൊ​രു പ്രതി​ബ​ന്ധം​ത​ന്നെ​യാണ്‌. എങ്കിലും അൽപം സഹായം ലഭിക്കു​ന്ന​തി​ലൂ​ടെ അതിനെ തരണം​ചെ​യ്യാൻ കഴിയും. സാഹച​ര്യം മാർത്ത​യു​ടെ സംഗതി​യി​ലേ​തി​നോട്‌ ഏറെ സമാന​മാണ്‌. അവൾ 70-ാം വയസ്സിൽ 20 വർഷത്തി​ല​ധി​കം അന്ധത അനുഭ​വി​ച്ചു​ക​ഴി​ഞ്ഞി​രു​ന്നു. ഇപ്പോൾ അവൾക്ക്‌ വെളി​ച്ച​ത്തി​ന്റെ​യും നിറത്തി​ന്റെ​യും ലോകം എങ്ങനെ കാണ​പ്പെ​ട്ടി​രു​ന്നു​വെ​ന്ന​തി​ന്റെ ഓർമ്മകൾ മാത്ര​മാ​ണു​ണ്ടാ​യി​രു​ന്നത്‌. അങ്ങനെ​യി​രി​ക്കെ ഒരു ഡോക്ടർ ഒരു ശസ്‌ത്ര​ക്രിയ നടത്തി. ഇത്‌ കാഴ്‌ച​യു​ടെ വിസ്‌മ​യാ​വ​ഹ​മായ ലോകത്തെ അവൾക്കാ​യി വീണ്ടും തുറന്നു​കൊ​ടു​ത്തു—ഒപ്പം വായന​യു​ടെ അനു​ഗ്ര​ഹ​ങ്ങ​ളും. ഇപ്പോൾ 70 വയസ്സുള്ള കാലു എന്ന മറെറാ​രു വ്യക്തി​യുണ്ട്‌. യുവാ​വാ​യി​രു​ന്ന​പ്പോൾ അച്ചടിച്ച താളു​ക​ളോട്‌ അയാൾ “അന്ധ”നായി​രു​ന്നു—അയാൾക്ക്‌ വായി​ക്കാൻ കഴിയു​മാ​യി​രു​ന്നില്ല. എന്നാൽ അയാൾ ഒരു സാക്ഷരതാ ക്ലാസ്സിൽ പേർ ചാർത്തി. ഇപ്പോൾ അയാൾ മൂന്നു ഭാഷകൾ വായി​ക്കു​ക​യും എഴുതു​ക​യും ചെയ്യുന്നു.

മാർത്ത​യെ​പ്പോ​ലു​ള്ളവർ വളരെ ചുരു​ക്ക​മാ​യി​രി​ക്കാം. എന്നാൽ കാലു​വി​നെ​പ്പോ​ലെ വായി​ക്കാൻ അഭ്യസി​ച്ചു​കൊണ്ട്‌ തങ്ങളുടെ പ്രതി​ബ​ന്ധത്തെ തരണം ചെയ്‌തി​ട്ടുള്ള ആയിര​ങ്ങ​ളുണ്ട്‌. സുനി​ശ്ചി​ത​മാ​യും അത്‌ ഒററ രാത്രി​കൊണ്ട്‌ സംഭവി​ക്കു​ന്നതല്ല. അതിന്‌ സമയവും ശ്രമവും ആവശ്യ​മാണ്‌, എല്ലാറ​റി​നു​മു​പരി, ഒരു വലിയ അളവിൽ പ്രോൽസാ​ഹ​ന​വും സഹായ​വും വേണം. നിങ്ങൾക്ക്‌ ആരെ​യെ​ങ്കി​ലും സഹായി​ക്കാൻ കഴിയു​മോ? കാലു​വി​നെ സഹായി​ച്ച​തു​പോ​ലുള്ള സാക്ഷര​താ​ക്ലാ​സ്സു​കൾ യഹോ​വ​യു​ടെ സാക്ഷികൾ അനേകം രാജ്യ​ങ്ങ​ളിൽ നടത്തുന്നു, സാക്ഷി​കൾക്കി​ട​യി​ലെ ഉയർന്ന സാക്ഷര​താ​നി​ര​ക്കിന്‌ ഇത്‌ സംഭാവന ചെയ്‌തി​ട്ടു​മുണ്ട്‌. ദൃഷ്ടാ​ന്ത​ത്തിന്‌, നൈജീ​രി​യാ​യിൽ യഹോ​വ​യു​ടെ സാക്ഷി​കൾക്കി​ട​യി​ലെ സാക്ഷര​താ​നി​രക്ക്‌ പൊതു​ജ​ന​ങ്ങ​ളു​ടെ സാക്ഷര​താ​നി​ര​ക്കി​ന്റെ രണ്ടുമ​ട​ങ്ങി​ല​ധി​ക​മാണ്‌.

ഒരു മെച്ചപ്പെട്ട വായന​ക്കാ​ര​നാ​യി​ത്തീ​രുക

ഒരുപക്ഷേ, നിങ്ങൾക്ക്‌ നിരക്ഷ​ര​ത​യു​ടെ യാതൊ​രു പ്രശ്‌ന​വും ഇല്ലായി​രി​ക്കാം. എന്നാൽ നിങ്ങൾ എത്ര നല്ല ഒരു വായന​ക്കാ​ര​നാണ്‌? നിങ്ങൾ കഷ്ടപ്പെട്ട്‌ വായി​ക്കു​ക​യും പ്രത്യാ​വർത്തനം നടത്തു​ക​യും ചെയ്യു​ന്നു​ണ്ടാ​യി​രി​ക്കാം, അതായത്‌ ഒരു വരിയു​ടെ അഥവാ വാചക​ത്തി​ന്റെ പകുതി​വെച്ചു നിർത്തു​ക​യും അതു വീണ്ടും വായി​ക്കു​ന്ന​തിന്‌ മടങ്ങി​പ്പോ​കു​ക​യും ചെയ്യുന്ന പതിവു​ണ്ടാ​യി​രി​ക്കാം. അതുമ​ല്ലെ​ങ്കിൽ ഒരുപക്ഷേ നിങ്ങൾ വാക്കുകൾ തെററാ​യി ഉച്ചരി​ക്കു​ക​യോ അവയുടെ അർത്ഥം ഗ്രഹി​ക്കു​ന്ന​തിൽ നിങ്ങൾക്ക്‌ പ്രയാസം അനുഭ​വ​പ്പെ​ടു​ക​യോ ചെയ്യു​ന്നു​ണ്ടാ​വാം. ഈ പ്രശ്‌ന​ങ്ങളെ തരണം​ചെ​യ്യാൻ കഴിയു​മോ?

പതിമൂ​ന്നു​വ​യ​സ്സു​കാ​രി​യായ ബാ​ട്രെ​സ്സിന്‌ വാക്കു​ക​ളോട്‌ ആശയങ്ങളെ ബന്ധപ്പെ​ടു​ത്താൻ കഴിഞ്ഞി​രു​ന്നു. എന്നാൽ ഉച്ചാര​ണ​ത്തിൽ അവൾക്ക്‌ പ്രയാസം അനുഭ​വ​പ്പെ​ട്ടി​രു​ന്നു. അവൾ “വ്യക്തി”യെ “ആൾ” എന്നും “കെട്ടിട”ത്തെ “വീട്‌” എന്നും വായി​ക്കു​മാ​യി​രു​ന്നു. ഒരാൾ അവളെ പദങ്ങളു​ടെ സ്വരശാ​സ്‌ത്ര​വും—സ്വരാ​ക്ഷ​ര​ങ്ങ​ളു​ടെ​യും വ്യജ്ഞന​ങ്ങ​ളു​ടെ​യും ശബ്ദങ്ങൾ സംയോ​ജിച്ച്‌ മററു ശബ്ദങ്ങൾ ഉണ്ടാകു​ന്ന​തെ​ങ്ങ​നെ​യെന്ന്‌—ഏകസ്വര അക്ഷരഗ​ണ​ങ്ങ​ളാ​യി തിരിച്ച്‌ പദങ്ങൾ ഉച്ചരി​ക്കുന്ന രീതി​യും പഠിപ്പി​ച്ചു. എന്റെ ബൈബിൾ കഥാപു​സ്‌ത​ക​ത്തി​ന്റെ റെക്കോർഡിങ്ങ്‌ ശ്രദ്ധി​ച്ചു​കൊണ്ട്‌ ആ പുസ്‌തകം വായി​ക്കാ​നും അദ്ദേഹം അവളെ പ്രോൽസാ​ഹി​പ്പി​ച്ചു.a വാക്കു​ക​ളും അവയുടെ ഉച്ചാര​ണ​വും സംബന്ധിച്ച അവളുടെ ഗ്രാഹ്യം വർദ്ധിച്ചു, വായന​യിൽ അവളിന്ന്‌ വലിയ ഉല്ലാസം കണ്ടെത്തു​ക​യും ചെയ്യുന്നു.

നിങ്ങൾക്കും ഒരുപക്ഷേ സ്വരശാ​സ്‌ത്രം ഉപയോ​ഗി​ക്കുന്ന രീതി​യിൽ പുരോ​ഗ​മി​ക്കേ​ണ്ട​തു​ണ്ടാ​യി​രി​ക്കാം. നിങ്ങൾ ഈ ലേഖനം വായി​ച്ചു​കൊ​ണ്ടി​രി​ക്കു​ന്ന​തി​നാൽ ഇപ്പോൾത്തന്നെ നിങ്ങൾക്ക്‌ ഏകസ്വ​രാ​ക്ഷ​ര​ഗണം എന്താ​ണെന്ന്‌ അറിയാം. ഉച്ചാര​ണ​പ​രി​ശീ​ല​ന​ത്തിൽ ഈ അറിവ്‌ പ്രയോ​ഗ​ത്തിൽ കൊണ്ടു​വ​രിക. ഒരു വാക്കെ​ടു​ക്കുക, ഏകസ്വ​രാ​ക്ഷ​ര​ഗ​ണ​മാ​യി അതിനെ വേർതി​രി​ക്കുക. പിന്നീട്‌ ഓരോ ഏകസ്വ​രാ​ക്ഷ​ര​ഗ​ണ​വും ഉച്ചരി​ക്കുക. (ഉദാഹ​രണം: നി-രു-ൽസാ-ഹി-തൻ.) അതിനു​ശേഷം ആ പദത്തെ തിരികെ ഒന്നിച്ചു​ചേർക്കു​ക​യും മുഴു​വ​നാ​യി ഉച്ചരി​ക്കു​ക​യും ചെയ്യുക. മററു​വാ​ക്കു​കൾ ഉപയോ​ഗി​ച്ചും ഇങ്ങനെ ചെയ്‌ത്‌ അഭ്യസി​ക്കു​ക​യും അനന്തരം ഓരോ ഏകസ്വ​രാ​ക്ഷ​ര​ഗ​ണ​വും വേർപെ​ടു​ത്തി​യെ​ടു​ക്കാ​തെ​തന്നെ അവ വായി​ക്കാൻ ശ്രമി​ക്കു​ക​യും ചെയ്യുക. യഥാർത്ഥ​ത്തിൽ ഉച്ചരി​ക്കാ​തെ​തന്നെ മുഴു വാക്കു​ക​ളും തിരി​ച്ച​റി​യാൻ പഠിക്കുക.

നല്ല വായന​ക്കാർ വാക്കുകൾ പെറുക്കി വായി​ക്കു​ക​യില്ല. അവർ പദസഞ്ച​യങ്ങൾ മുഴു​വ​നാ​യി കാണു​ക​യും ആശയക്കൂ​ട്ട​ങ്ങ​ളാ​യി അഥവാ സമ്പൂർണ്ണ ആശയമാ​യി പദങ്ങൾ ഗ്രഹി​ക്കു​ക​യും ചെയ്യുന്നു. അതു​കൊണ്ട്‌ ഓരോ വാക്കും നിർത്തി നോക്കു​ന്ന​തി​നു​പ​കരം ഓരോ നോട്ട​ത്തി​ലും അനേകം വാക്കുകൾ കാണാൻ ശ്രമി​ക്കുക. ഓരോ നോട്ട​വും കണ്ണിന്റെ ബോധ​ര​ഹി​ത​മായ ഒരു നിറുത്ത്‌, ഒരു ക്ഷണിക​വീ​ക്ഷണം ആയിരി​ക്കണം. പരിശീ​ല​ന​ത്താൽ ഇതു ചെയ്യാൻ നിങ്ങൾ പ്രാപ്‌ത​രാ​കും. എന്നാൽ പ്രത്യാ​വർത്ത​ന​ത്തി​നുള്ള ഏതൊരു പ്രവണ​ത​ക്കു​മെ​തി​രെ ജാഗ്രത പാലി​ക്കുക. വാചക​ങ്ങ​ളു​ടെ ഭാഗങ്ങൾ വീണ്ടും വായി​ക്കു​ന്ന​തി​നാ​യി മടങ്ങി​പ്പോ​കു​ന്നത്‌ നിങ്ങളു​ടെ ചിന്തയു​ടെ ഒഴുക്കി​നെ വിഘ്‌ന​പ്പെ​ടു​ത്തു​ക​യും ഗ്രഹണ​പ്രാ​പ്‌തി​യെ തടസ്സ​പ്പെ​ടു​ത്തു​ക​യും ചെയ്യും. അതു​കൊണ്ട്‌ നേരെ മുമ്പോ​ട്ടു​തന്നെ വായിച്ചു പരിശീ​ലി​ക്കുക.

നിങ്ങൾക്ക്‌ ഒഴു​ക്കോ​ടെ വായി​ക്കാൻ കഴിയു​മ്പോ​ഴും ഒരു നല്ല വായന​ക്കാ​രൻ ആയിരി​ക്കു​ന്ന​തിൽ ഉൾപ്പെ​ട്ടി​രി​ക്കുന്ന മററു ഘടകങ്ങൾ ഉണ്ട്‌. ഗ്രഹണ​പ്രാ​പ്‌തി, ഓർമ്മി​ക്കാ​നുള്ള കഴിവ്‌, സമ്പന്നമായ ഒരു പദസഞ്ചയം—ഇവയെ​ല്ലാം പിൻപ​റ​റാൻ തക്ക മൂല്യ​മുള്ള ലക്ഷ്യങ്ങ​ളാണ്‌. അവ എങ്ങനെ സമ്പാദി​ക്കാ​മെ​ന്നു​ള്ള​തി​ന്റെ ചില സൂചനകൾ ഇതോ​ടൊ​പ്പ​മുള്ള ബോക്‌സിൽ കാണാ​വു​ന്ന​താണ്‌. നിർദ്ദേ​ശ​ങ്ങ​ളു​ടെ അടിസ്ഥാ​ന​ത്തിൽ നിങ്ങ​ളെ​ത്തന്നെ എന്തു​കൊ​ണ്ടൊന്ന്‌ പരി​ശോ​ധി​ച്ചു​കൂ​ടാ?

ഉചിത​മായ വായനാ വിഭവങ്ങൾ തെര​ഞ്ഞെ​ടു​ക്കു​ക

വായനാ​പ്രാ​പ്‌തി വർദ്ധി​ക്കു​ന്ന​തോ​ടെ അറിവി​ന്റെ ഒരു ലോകം—അച്ചടിച്ച താളിലെ വിവര​ങ്ങ​ളു​ടെ ഒരു സമ്പത്ത്‌—നിങ്ങൾക്ക്‌ സുലഭ​മാ​കു​ന്നു. തീർച്ച​യാ​യും ഇവയിൽ ചിലത്‌ നിങ്ങൾക്ക്‌ ടി. വി-യിലൂ​ടെ​യും വീഡി​യോ ടേപ്പു​ക​ളി​ലൂ​ടെ​യും ഗ്രഹി​ക്കാൻ കഴിയും, എന്നാൽ വായന നിങ്ങളു​ടെ ചിന്താ​പ്ര​ക്രി​യ​യെ​യും നിങ്ങളു​ടെ ഭാവന​യെ​യും ആശയവി​നി​യമം നടത്തു​ന്ന​തി​നുള്ള നിങ്ങളു​ടെ പ്രാപ്‌തി​യെ​യും ഉദ്ദീപി​പ്പി​ക്കു​ക​യും വളർത്തു​ക​യും ചെയ്യുന്നു. ഓർമ്മി​ക്കാ​നും സംസാ​രി​ക്കാ​നും വ്യത്യ​സ്‌ത​വി​ഷ​യ​ങ്ങളെ ആസ്‌പ​ദ​മാ​ക്കി വിവേ​ക​ത്തോ​ടെ എഴുതാ​നും വക നൽകി​ക്കൊണ്ട്‌ അത്‌ നിങ്ങൾക്ക്‌ വാക്കു​ക​ളും മനച്ചി​ത്ര​ങ്ങ​ളും പ്രദാനം ചെയ്യുന്നു, നിങ്ങളെ സഹവസി​ക്കാൻ കൊള്ളാ​വുന്ന ഒരു ആകർഷ​ണീയ വ്യക്തി​യാ​ക്കി​ത്തീർത്തു​കൊ​ണ്ടു​തന്നെ.

എന്നിരു​ന്നാ​ലും ചുഴി​ഞ്ഞു​നോ​ക്കാൻ ഇത്രയ​ധി​കം വിഷയ​ങ്ങ​ളു​ണ്ടാ​യി​രി​ക്കെ നിങ്ങൾ എവി​ടെ​യാണ്‌ ആരംഭി​ക്കുക? “പുസ്‌ത​കങ്ങൾ ഓരോ​ന്നു​ണ്ടാ​ക്കു​ന്ന​തിന്‌ അവസാ​ന​മില്ല” എന്നു പറയുന്ന ബൈബിൾ വാക്യം ഇങ്ങനെ​യും കൂടെ പറയുന്നു, “അധികം പഠിക്കു​ന്നത്‌ ശരീര​ത്തി​നു ക്ഷീണം​തന്നെ.” (സഭാ​പ്ര​സം​ഗി 12:12) നിങ്ങൾക്ക്‌ സകലതും വായി​ക്കാൻ കഴിയില്ല—സകലതും ആരോ​ഗ്യാ​വ​ഹ​വും സത്യസ​ന്ധ​വും അല്ലതാ​നും. അതു​കൊണ്ട്‌ തെര​ഞ്ഞെ​ടു​ക്കു​ന്നവർ ആയിരി​ക്കുക. നിങ്ങളു​ടെ വ്യക്തി​ത്വ​ത്തെ മെച്ചമാ​യി കരുപ്പി​ടി​പ്പി​ക്കു​ന്ന​തും നിങ്ങളു​ടെ ജോലി​യിൽ, സ്‌ക്കൂ​ളിൽ, അല്ലെങ്കിൽ നിങ്ങളു​ടെ കുടും​ബോ​ത്ത​ര​വാ​ദി​ത്ത​ങ്ങൾക്കു​വേണ്ടി കരുതു​ന്ന​തിൽ നിങ്ങളെ സഹായി​ക്കു​ന്ന​തു​മാ​യവ ഏതുവി​ധേ​ന​യും വായി​ക്കുക. ഉണരുക! പോ​ലെ​യുള്ള അന്തർദ്ദേ​ശീയ പ്രസി​ദ്ധീ​ക​ര​ണങ്ങൾ വായി​ക്കു​ന്ന​തി​ലൂ​ടെ നിങ്ങൾക്ക്‌ നിങ്ങളു​ടെ വിജ്ഞാ​ന​മേഖല അത്യധി​കം വിശാ​ല​മാ​ക്കാൻ കഴിയും. ഏതാനും പേജു​ക​ളിൽ ലോക​ത്തി​നു ചുററും​നിന്ന്‌ ശേഖരി​ക്ക​പ്പെട്ട വിവരങ്ങൾ നിങ്ങൾക്ക്‌ ആസ്വദി​ക്കാൻ കഴിയും.

തെര​ഞ്ഞെ​ടുപ്പ്‌ നിങ്ങളു​ടെ വായനയെ ഉദ്ദേശ്യ​പൂർണ്ണ​മാ​ക്കു​ക​യും നിങ്ങൾക്ക്‌ പ്രാ​യോ​ഗി​ക​വും ബുദ്ധി​പ​ര​വും ആത്മീയ​വു​മായ പ്രയോ​ജ​നങ്ങൾ കൈവ​രു​ത്തു​ക​യും ചെയ്യും. അതു​കൊണ്ട്‌ നല്ല തെര​ഞ്ഞെ​ടു​പ്പു നടത്തുക, വീട്ടിൽവെ​ച്ചും നിങ്ങളു​ടെ ജോലി​സ്ഥ​ലത്തു ലഭിക്കുന്ന ഇടവേ​ള​ക​ളി​ലും കാത്തു​നിൽക്കു​മ്പോ​ഴും യാത്ര​ചെ​യ്യു​മ്പോ​ഴും മററു സന്ദർഭ​ങ്ങ​ളി​ലും വായി​ക്കാൻ സമയം വിലക്കു വാങ്ങുക. വായി​ക്കുക—അത്‌ നിങ്ങളു​ടെ വിജ്ഞാ​ന​മേ​ഖ​ലയെ വിശാ​ല​മാ​ക്കും. (g91 7/22)

[അടിക്കു​റി​പ്പു​കൾ]

[29-ാം പേജിലെ ചതുരം]

ഗ്രഹണപ്രാപ്‌തി എങ്ങനെ മെച്ച​പ്പെ​ടു​ത്താം

● വായി​ക്കു​മ്പോൾ ചോദ്യ​ങ്ങൾ ചോദി​ച്ചു​കൊ​ണ്ടും നിഗമ​ന​ങ്ങ​ളി​ലെ​ത്തി​ക്കൊ​ണ്ടും സജീവ​മാ​യി ചിന്തി​ക്കുക.

● ലേഖന​ത്തി​ന്റെ മുഖ്യ പ്രതി​പാ​ദ്യ​വി​ഷ​യ​വും ഉപശീർഷ​ക​ങ്ങ​ളു​ണ്ടെ​ങ്കിൽ അതും മനസ്സിൽ പിടി​ക്കുക.

● ഓരോ ഖണ്ഡിക​യും മുഖ്യ​വി​ഷ​യ​വു​മാ​യി എങ്ങനെ ബന്ധപ്പെ​ട്ടി​രി​ക്കു​ന്നു​വെന്ന്‌ കാണാൻ ശ്രമി​ക്കുക.

● വിവരങ്ങൾ നിങ്ങൾക്ക്‌ ഇപ്പോൾത്തന്നെ അറിയാ​വു​ന്ന​വ​യോട്‌ ബന്ധിപ്പി​ക്കുക.

● വിവരങ്ങൾ നിങ്ങളു​ടെ ജീവി​ത​ത്തി​നും അനുഭ​വ​ങ്ങൾക്കും ബാധക​മാ​ക്കുക.

വിപുലമായ ഒരു പദസഞ്ചയം വളർത്തുക

● നിങ്ങൾ വായി​ക്കു​മ്പോൾ അപരി​ചി​ത​മായ പദങ്ങൾ അടയാ​ള​പ്പെ​ടു​ത്തുക.

● അത്തരം വാക്കുകൾ ആ സന്ദർഭ​ത്തിൽ എങ്ങനെ ഉപയോ​ഗി​ക്ക​പ്പെ​ട്ടി​രി​ക്കു​ന്നു​വെന്ന്‌ ശ്രദ്ധി​ക്കുക.

● നിങ്ങൾ വായി​ക്കു​മ്പോൾ വാക്കു​ക​ളു​ടെ അർത്ഥങ്ങൾക്കാ​യി ഒരു നിഘണ്ടു നോക്കുക.

● വാക്കുകൾ ശരിയാ​യി ഉച്ചരി​ക്കാൻ പഠിക്കുക.

● മററു​ള്ള​വ​രു​മാ​യുള്ള സംഭാ​ഷ​ണ​ങ്ങ​ളിൽ പുതിയ വാക്കുകൾ ഉപയോ​ഗി​ച്ചു ശീലി​ക്കുക.