വികല​ശേ​ഖരം നിയ​ന്ത്ര​ണാ​തീ​ത​മാ​കു​മ്പോൾ

നിങ്ങളു​ടെ വീട്ടി​ലെ​മ്പാ​ടും നോക്കുക. വികല​ശേ​ഖ​ര​ത്താൽ നിങ്ങൾ ഞെരു​ക്ക​പ്പെ​ട്ടി​രി​ക്കു​ക​യാ​ണോ? നിങ്ങളു​ടെ സ്‌റേ​റാർമു​റി​യി​ലേക്ക്‌ ആരെങ്കി​ലും എത്തി​നോ​ക്കു​ന്ന​പക്ഷം നിങ്ങൾ വിഷമ​ത്തി​ലാ​കു​മോ? നിങ്ങൾ വാങ്ങി​ച്ചു​കൂ​ട്ടിയ സാധന​സാ​മ​ഗ്രി​ക​ളു​ടെ കൂനയാൽ മൂട​പ്പെ​ട്ടി​രി​ക്കു​ന്ന​തി​നാൽ ഒരു പ്രത്യേക സാധനം കണ്ടുപി​ടി​ക്കു​ന്ന​തിന്‌ നിങ്ങൾക്ക്‌ പ്രശ്‌നം ഉണ്ടോ? അങ്ങനെ​യെ​ങ്കിൽ നിങ്ങൾ ഒററക്കല്ല.

“ഞാൻ മാററം വരുത്താ​നാ​വാത്ത ഒരു ‘സൂക്ഷി​പ്പു​കാ​രൻ’ ആണ്‌” എന്ന്‌ റാൾഫ്‌ സമ്മതിച്ചു പറയുന്നു. ലിയാൻ കൂട്ടി​ച്ചേർക്കു​ന്നു: “കഴിഞ്ഞ 15 വർഷം​കൊണ്ട്‌ ഞാൻ ശേഖരിച്ച വസ്‌ത്ര​ങ്ങ​ളി​ലും പത്രങ്ങ​ളി​ലും പുസ്‌ത​ക​ങ്ങ​ളി​ലും ഞാൻ മുങ്ങി​ത്താ​ഴു​ക​യാ​യി​രു​ന്നു.” “അതു ക്രമീ​ക​രി​ക്കു​ന്ന​തി​നേ​ക്കു​റി​ച്ചു ചിന്തി​ക്കു​ന്ന​തു​തന്നെ ഞാൻ തുടങ്ങു​ന്ന​തി​നു​മു​മ്പേ എന്നെ ക്ഷീണി​ത​നാ​ക്കു​ന്നു,” എന്ന്‌ വികല​ശേ​ഖ​ര​ത്തി​ന്റെ മറെറാ​രു ഇര വിലപി​ക്കു​ന്നു.

ചില കുട്ടികൾ വികല​ശേ​ഖ​ര​ത്തി​ന്റെ ഒരു ചുററു​പാ​ടി​ലാണ്‌ വളരു​ന്നത്‌. അങ്ങനെ​യുള്ള ഒരു വ്യക്തി പറയുന്നു: “എനിക്ക്‌ ഓർമ്മി​ക്കാൻ കഴിയു​വോ​ളം, ആളുകൾ ഞങ്ങളുടെ വീട്ടി​ലേക്ക്‌ ആദ്യമാ​യി വരു​മ്പോൾ അവർക്ക്‌ എന്തു പ്രതീ​ക്ഷി​ക്കാ​മെന്ന്‌ ഞാൻ എല്ലായ്‌പ്പോ​ഴും അവർക്ക്‌ മുന്നറി​യി​പ്പു നൽകി​യി​ട്ടുണ്ട്‌. അവർക്ക്‌ ഇരിക്കാൻ സ്ഥലമു​ണ്ടാ​ക്കു​ന്ന​തിന്‌ എന്തെങ്കി​ലും നീക്കു​ന്ന​തിൽ കുഴപ്പ​മി​ല്ലെന്ന്‌ ഞാൻ അവരോ​ടു പറഞ്ഞി​രു​ന്നു.” വീട്‌ അവതര​ണ​യോ​ഗ്യ​മ​ല്ലാ​ത്ത​തി​നാൽ കുടും​ബ​ത്തി​നു വെളി​യി​ലുള്ള ആരെ​യെ​ങ്കി​ലും സന്ദർശി​ക്കാൻ ക്ഷണിക്കു​ന്ന​തിന്‌ മുതിർന്നവർ പോലും വൈമ​ന​സ്യം കാണി​ച്ചേ​ക്കാം.

തങ്ങൾ എത്രമാ​ത്രം വാരി​ക്കൂ​ട്ടി​യി​ട്ടു​ണ്ടെന്ന്‌ വീടു​മാ​റ​റത്തെ അഭിമു​ഖീ​ക​രി​ക്കു​ന്ന​തു​വരെ ആളുകൾ സാധാരണ തിരി​ച്ച​റി​യു​ന്നില്ല. വികല​ശേ​ഖ​ര​ത്തി​ന്റെ നിയ​ന്ത്ര​ണ​ത്തിന്‌ ഒരുവൻ നിരന്ത​ര​മായ ഒരു കർമ്മപ​രി​പാ​ടി പാലി​ക്കാ​ത്ത​പക്ഷം വീടു​മാ​ററം വളരെ​യ​ധി​കം സമയം​കൊ​ല്ലു​ന്ന​തും ചെല​വേ​റി​യ​തും ആയിരി​ക്കും.

എന്നാൽ അനേകർക്കും, വികല​ശേ​ഖരം വൃത്തി​യാ​ക്കു​ന്നത്‌ സാധനങ്ങൾ വെറുതെ എറിഞ്ഞു​ക​ള​യു​ന്ന​തി​നേ​ക്കാൾ കവിഞ്ഞ​താണ്‌. ആദ്യം അനേകം തടസ്സങ്ങൾ തരണം​ചെ​യ്യേ​ണ്ട​തുണ്ട്‌.

അവർക്ക്‌ അവ വെറുതെ എറിഞ്ഞു​ക​ള​യാൻ കഴിയാ​ത്ത​തെ​ന്തു​കൊണ്ട്‌?

വികല​ശേ​ഖ​ര​ക്കാർ 1930-കളിലെ സാമ്പത്തിക മാന്ദ്യത്തെ അതിജീ​വിച്ച പ്രായം​ചെ​ന്നവർ ആണെന്ന്‌ മനഃശാ​സ്‌ത്ര​ജ്ഞ​യായ ലിൻഡാ ഡബ്‌ളി​യു. വോറ​നും ആശുപ​ത്രി​ക​ളി​ലെ സാമൂ​ഹ്യ​പ്ര​വർത്ത​ക​യായ ജാനെ സി. ഓസ്‌ട്ര​മും കുറെ​ക്കാ​ല​ത്തേക്ക്‌ നിഗമനം ചെയ്‌തി​രു​ന്നു. അമിത​മായ ശേഖരണം “അപൂർവ്വ​വും നിരു​പ​ദ്ര​വ​ക​ര​വു​മായ ഒരു വൈചി​ത്ര്യം” ആയിരു​ന്നു​വെന്ന്‌ അവർ കരുതി. എന്നിരു​ന്നാ​ലും സംഗതി പഠിച്ച​ശേഷം അവർ ഇപ്രകാ​രം റിപ്പോർട്ടു​ചെ​യ്‌തു: “1930-കൾക്കു​ശേഷം വളരെ​ക്കാ​ലം കഴിഞ്ഞ്‌ ജനിച്ച കാട്ടെ​ലി​ക​ളു​ടെ ഒരു യുവത​ല​മു​റയെ കണ്ടെത്തി​യ​തിൽ ഞങ്ങൾ അതിശ​യി​ക്കു​ക​യു​ണ്ടാ​യി. . . . അത്തരം സ്വഭാവം സാധാ​ര​ണ​മാ​ണെ​ന്നും വിശേ​ഷിച്ച്‌ അത്‌ അങ്ങേയ​റ​റ​മാ​കു​മ്പോൾ അത്‌ കാട്ടെ​ലി​കൾക്കും അവരോ​ട​ടു​ത്ത​വർക്കും പ്രശ്‌നങ്ങൾ സൃഷ്ടി​ച്ചേ​ക്കാ​മെ​ന്നും ഞങ്ങൾ ഇപ്പോൾ വിശ്വ​സി​ക്കു​ന്നു.”a

അത്‌ എത്രമാ​ത്രം അതിർക​ട​ന്നു​പോ​കാ​വു​ന്ന​താണ്‌? “താറു​മാ​റായ അവസ്ഥ നിമിത്തം വിവാ​ഹങ്ങൾ തകരു​ന്നത്‌ ഓസ്‌ട്രം കണ്ടിട്ടുണ്ട്‌,” എന്ന്‌ ഹെൽത്ത്‌ മാസിക റിപ്പോർട്ട്‌ ചെയ്യുന്നു. ചിലയാ​ളു​കൾ സഹായ​ത്തി​നാ​യി ഉപദേശം തൊഴി​ലാ​ക്കി​യ​വ​രി​ലേക്ക്‌ തിരി​യു​ന്നു. വാസ്‌ത​വ​ത്തിൽ ഹെൽത്ത്‌ മാസിക വ്യക്തി​പ​ര​മാ​യി സംഘാ​ട​ന​ത്തി​നുള്ള ഉപദേ​ശത്തെ “നമ്മുടെ അമ്മമാർ നമ്മോട്‌ അടിക്കടി ആവശ്യ​പ്പെ​ട്ടു​കൊ​ണ്ടി​രു​ന്നത്‌ ചെയ്യാൻ, നമ്മുടെ മുറികൾ വൃത്തി​യാ​ക്കാൻ ഉപദേ​ശി​ക്കു​ന്ന​തിന്‌ ഒരു ദിവസം 30,000 രൂപയി​ല​ധി​കം കൂലി​ചു​മ​ത്തുന്ന വളർന്നു​വ​രുന്ന ഒരു മണ്ഡലം” എന്നു വിളി​ക്കു​ന്നു.

നിങ്ങൾക്ക്‌ വികല​ശേ​ഖ​ര​ത്തി​ന്റെ അതു​പോ​ലെ അതിരു​കടന്ന ഒരു പ്രശ്‌ന​മു​ണ്ടാ​യി​രി​ക്കാൻ ഇടയില്ല. എങ്കിൽത​ന്നെ​യും പ്രശ്‌ന ഇനങ്ങൾക്കും ചവററു​കു​ട്ട​ക്കു​മി​ട​യിൽ നിൽക്കുന്ന പിൻവ​രുന്ന നാലു തടസ്സങ്ങളെ തരണം​ചെ​യ്യു​ക​യെ​ന്നത്‌ പ്രയാ​സ​ക​ര​മാ​ണെന്ന്‌ നിങ്ങൾ കണ്ടെത്തി​യേ​ക്കാം:

◻ സാദ്ധ്യ​ത​യുള്ള ഭാവി ആവശ്യം. (“പിന്നീട്‌ ദുഃഖി​ക്കു​ന്ന​തി​നേ​ക്കാൾ നല്ലത്‌ ഇപ്പോൾ സൂക്ഷി​ക്കു​ന്ന​താണ്‌.”)

◻ വൈകാ​രിക ബന്ധം. (“ഇത്‌ മേരി ആൻറി എനിക്കു തന്നതാണ്‌.”)

◻ ലഭിക്കാൻ സാദ്ധ്യ​ത​യുള്ള വില. (“എന്നെങ്കി​ലും എന്തെങ്കി​ലും വില കിട്ടി​യേ​ക്കാം.”)

◻ ജീർണ്ണ​ത​യു​ടെ​യോ കേടു​പാ​ടു​ക​ളു​ടെ​യോ അഭാവം. (“എറിഞ്ഞു​ക​ള​യാൻ കഴിയാ​ത​വണ്ണം ഇത്‌ വളരെ നല്ലതാണ്‌.”)

ഫലമോ? സൈ​ക്കോ​ളജി ററുഡേ പറയുന്നു: “വസ്‌തു​ക്കൾ കുന്നു​കൂ​ടി​ക്കൊ​ണ്ടി​രി​ക്കു​ന്നു, അതു​പോ​ലെ​തന്നെ അതുള​വാ​ക്കുന്ന പ്രശ്‌ന​ങ്ങ​ളും.”

അതു​കൊണ്ട്‌ വികല​ശേ​ഖ​രത്തെ നിങ്ങൾക്കെ​ങ്ങനെ നിയ​ന്ത്ര​ണ​ത്തിൽ കൊണ്ടു​വ​രാൻ കഴിയും?

എവിടെ തുടങ്ങണം

ഒരു കൊടു​ങ്കാ​ററ്‌ ആഞ്ഞടിച്ച്‌ സമ്പാദ്യ​ങ്ങ​ളിൽ കുറ​ച്ചൊ​ഴി​കെ സകലവും നശിപ്പി​ക്കു​ന്നെ​ങ്കിൽ എന്തു തോന്നു​മെന്ന്‌ ഭാവന​യിൽ കാണാൻ ഒരു സ്‌ത്രീ​യോട്‌ ആവശ്യ​പ്പെ​ട്ട​പ്പോൾ അവൾ പറഞ്ഞു: “സകലവും നഷ്ടപ്പെ​ട്ടു​വെന്ന ഭാവന​യിൽ എനിക്ക്‌ ഏററവും അധികം അനുഭ​വ​പ്പെ​ട്ടത്‌ ആശ്വാസം ആയിരു​ന്നു—തരംതി​രി​ക്കു​ന്ന​തി​ലും ഉപേക്ഷി​ച്ചു​ക​ള​യു​ന്ന​തി​ലു​മുള്ള ഉത്‌ക്കണ്‌ഠ കൂടാതെ എന്റെ താറു​മാ​റായ അവസ്ഥയിൽനിന്ന്‌ സ്വത​ന്ത്ര​മാ​യ​തി​ന്റെ ആശ്വാ​സം​തന്നെ.” തരംതി​രി​ക്ക​ലും ഉപേക്ഷി​ക്ക​ലും ഒരു വെല്ലു​വി​ളി​യാ​യി​രു​ന്നേ​ക്കാ​മെന്ന്‌ ഇതു നന്നായി ദൃഷ്ടാ​ന്തീ​ക​രി​ക്കു​ന്നു.

“വികല​ശേ​ഖ​രർക്ക്‌ രണ്ടു പ്രശ്‌നങ്ങൾ ഉണ്ട്‌,” എന്ന്‌ വിദഗ്‌ദ്ധോ​പ​ദേ​ശ​ക​നായ ഡാറലി ഷുൽമൻ പറയുന്നു. “ഇപ്പോൾത്തന്നെ വീട്ടി​ലുള്ള സാധന​ങ്ങ​ളും വന്നു​ചേ​രുന്ന സാധന​ങ്ങ​ളും.” പരിപൂർണ്ണ ശുദ്ധീ​ക​ര​ണ​ത്തിൽ ഏർപ്പെ​ടു​ന്ന​തി​നു​പ​കരം ഒരു സമയത്ത്‌ ഒരു ഭാഗം​മാ​ത്രം ക്രമീ​ക​രി​ച്ചു​കൊണ്ട്‌ ദിവസം കുറഞ്ഞ​പക്ഷം 15 മിനിട്ട്‌ വിനി​യോ​ഗി​ക്കാൻ അവർ ശുപാർശ​ചെ​യ്യു​ന്നു. അത്‌ നിങ്ങളു​ടെ വീടി​നു​ള്ളി​ലെ വികല​ശേ​ഖരം കൈകാ​ര്യം ചെയ്യാ​നുള്ള കൂടുതൽ ഫലകര​മായ ഒരു മാർഗ്ഗ​മാണ്‌. എന്നാൽ “വന്നു​ചേ​രുന്ന സാധനങ്ങൾ” സംബന്ധി​ച്ചെന്ത്‌?

നിങ്ങളു​ടെ വീട്ടി​ലേക്ക്‌ എന്തെങ്കി​ലും സാധനം വാങ്ങു​ന്ന​തി​നു​മുമ്പ്‌ നിങ്ങ​ളോ​ടു​തന്നെ ചോദി​ക്കുക: ‘എനിക്ക്‌ വാസ്‌ത​വ​ത്തിൽ അത്‌ ആവശ്യ​മു​ണ്ടോ? ഞാൻ അത്‌ എവി​ടെ​യാണ്‌ സ്ഥാപി​ക്കാൻ പോകു​ന്നത്‌? ഞാൻ അത്‌ ഉപയോ​ഗി​ക്കു​മോ?’ അങ്ങനെ​യുള്ള ചോദ്യ​ങ്ങൾ ചോദി​ക്കു​ന്ന​തി​നാൽ “നിങ്ങൾ വീട്ടി​ലേക്ക്‌ കൊണ്ടു​വ​രാൻ ഉദ്ദേശി​ക്കുന്ന സാധന​ങ്ങ​ളു​ടെ 75 ശതമാ​ന​വും കൊണ്ടു​വ​രി​ക​യില്ല” എന്ന്‌ ഡാറലി ഷുൽമാൻ അവകാ​ശ​പ്പെ​ടു​ന്നു.

വാച്ച്‌റ​റ​വർ സൊ​സൈ​റ​റി​യു​ടെ മുഖ്യ​കാ​ര്യാ​ല​യ​ത്തി​ലും ബ്രാഞ്ചാ​ഫീ​സു​ക​ളി​ലും അന്തേവാ​സി​കൾ തങ്ങളുടെ മുറി വികല​ശേ​ഖ​ര​ത്തിൽനിന്ന്‌ സ്വത​ന്ത്ര​മാ​യി സൂക്ഷി​ക്കു​ന്ന​തി​നും ഓരോ ഉപകര​ണ​ത്തി​ലും അഥവാ അലമാ​രി​യി​ലും രണ്ടോ മൂന്നോ അലങ്കാ​ര​വ​സ്‌തു​ക്കൾ മാത്ര​മാ​യി പരിമി​ത​പ്പെ​ടു​ത്തു​ന്ന​തി​നും പ്രതീ​ക്ഷി​ക്ക​പ്പെ​ടു​ന്നു. ഇത്‌ ശുചീ​ക​രണം ലഘൂക​രി​ക്കു​ക​യും കണ്ണിനു കൂടുതൽ ആകർഷ​ക​മാ​യി​രി​ക്കു​ക​യും ചെയ്യുന്നു. പത്രങ്ങ​ളും മാസി​ക​ക​ളും പുസ്‌ത​ക​ങ്ങ​ളും പുസ്‌ത​ക​സ​ഞ്ചി​ക​ളും സംഗീ​തോ​പ​ക​ര​ണ​ങ്ങ​ളും വിനോ​ദ​സാ​മ​ഗ്രി​ക​ളും വസ്‌ത്ര​ങ്ങ​ളും പാത്ര​ങ്ങ​ളും മററു വസ്‌തു​ക്ക​ളും ചിതറി​ക്കി​ട​ക്കാൻ അനുവ​ദി​ക്ക​പ്പെ​ടു​ന്നില്ല. വാസ്‌ത​വ​ത്തിൽ ഗൃഹോ​പ​ക​ര​ണ​ങ്ങ​ള​ല്ലാ​തെ യാതൊ​ന്നും മുറി​യു​ടെ തറയിൽ ഉണ്ടായി​രി​ക്കു​ന്നില്ല. വികല​ശേ​ഖ​ര​ത്തിൽനിന്ന്‌ സ്വത​ന്ത്ര​മായ ഒരു ചുററു​പാട്‌ ആർജ്ജി​ക്കാൻ ആഗ്രഹി​ക്കുന്ന ആർക്കും ഇത്‌ തീർച്ച​യാ​യും ഒരു മാതൃ​ക​യാണ്‌.

കാഴ്‌ച​യിൽനിന്ന്‌ മറഞ്ഞ്‌—സ്‌റേ​റാർ മുറി​യിൽ

“തയ്യാറാ​കു​ന്ന​തിന്‌ ഒരു ദിവസം കിട്ടി​യാൽ എനിക്ക്‌ താമസ​സ്ഥലം ക്രമ​പ്പെ​ടു​ത്താൻ കഴിഞ്ഞി​രു​ന്നു, എന്നാൽ സ്‌റേ​റാർ മുറികൾ എല്ലായ്‌പ്പോ​ഴും ദാരു​ണ​മാ​യി​രു​ന്നു,” എന്ന്‌ ജോവാൻ പറയുന്നു. ചിലർ അനാവശ്യ സാധനങ്ങൾ ഒഴിവാ​ക്കു​ന്ന​തി​നുള്ള ഒരു സ്ഥാനമാ​യി സ്‌റേ​റാർമു​റി ഉപയോ​ഗി​ക്കു​ന്നു. വലിപ്പ​വ്യ​ത്യാ​സം വരാത്ത ഒരു സ്ഥലത്ത്‌ കൂടുതൽ കൂടുതൽ നിക്ഷേ​പി​ക്കു​ന്നത്‌ പ്രശ്‌നം വഷളാ​ക്കുക മാത്രമേ ചെയ്യു​ന്നു​ള്ളു.

കൂനകൂ​ടി​യി​രി​ക്കുന്ന വികല​ശേ​ഖ​ര​ത്തിൽനിന്ന്‌ നിങ്ങളു​ടെ സ്‌റേ​റാർമു​റിക്ക്‌ അല്‌പം ആശ്വാസം ആവശ്യ​മാ​ണോ? ഗുഡ്‌ ഹൗസ്‌കീ​പ്പിങ്ങ്‌ മാസിക ഇപ്രകാ​രം നിർദ്ദേ​ശി​ക്കു​ന്നു: “ഏതു സ്ഥലത്തും ക്രമീ​ക​രി​ക്കാ​വുന്ന വിവിധ വസ്‌തു​ക്കൾകൊ​ണ്ടുള്ള സ്‌റേ​റാർമു​റി സജ്ജീക​ര​ണ​ങ്ങ​ളും അനുബന്ധ സാമ​ഗ്രി​ക​ളും ലഭ്യമാണ്‌. നിങ്ങളു​ടെ വീട്ടിലെ സംഭരണ പ്രതി​സന്ധി തരണം​ചെ​യ്യു​ന്ന​തിന്‌ അവയിൽ ഒന്ന്‌ ഉപയോ​ഗി​ക്കുക.” അതു​കൊണ്ട്‌ സ്‌റേ​റാർമു​റി ഉപയോ​ഗ​ശൂ​ന്യ​മാ​യി തള്ളുന്ന​വ​യു​ടെ ഒരു അഭയ​കേ​ന്ദ്ര​മാ​ക്കാ​തി​രി​ക്കുക. അത്‌ വികല​ശേ​ഖ​ര​ത്തിൽനിന്ന്‌ സ്വത​ന്ത്ര​മാ​ക്കി ക്രമീ​കൃ​ത​മാ​യി സൂക്ഷി​ക്കുക.

വസ്‌തു​വ​ക​ക​ളോ​ടുള്ള ഒരു സന്തുലി​ത​വീ​ക്ഷ​ണം

“എന്റെ വസ്‌തു​വ​കകൾ എന്റെതന്നെ ഒരു പ്രതി​ഫ​ല​ന​മാണ്‌, അവ ഞാൻ ആരാ​ണെ​ന്നു​ള്ള​തി​ന്റെ ഒരു ഭാഗമാണ്‌,” എന്ന്‌ ഒരു സ്‌ത്രീ പറഞ്ഞു. “എന്റെ സ്വർണ്ണാ​ഭ​ര​ണങ്ങൾ എനിക്ക്‌ അത്ര ആശ്വാ​സ​മാണ്‌,” മറെറാ​രു​വൾ കൂട്ടി​ച്ചേർത്തു. “എന്റെ മോതി​ര​ങ്ങ​ളെ​യും മാലക​ളെ​യും ഞാൻ സ്‌നേ​ഹി​ക്കു​ക​തന്നെ ചെയ്യുന്നു.” എങ്കിലും മറെറാ​രു സ്‌ത്രീ ധിക്കാ​ര​ത്തോ​ടെ പറയുന്നു: “ഇതു ഞാനാണ്‌—ഇത്‌ എന്റെ വ്യക്തി​ത്വ​മാണ്‌, നിങ്ങൾ അത്‌ എറിഞ്ഞു​ക​ള​യാൻ പോകു​ന്നില്ല!”

വിപരീ​ത​മാ​യി യേശു​ക്രി​സ്‌തു ഇങ്ങനെ പ്രസ്‌താ​വി​ച്ചു: “ഒരു മനുഷ്യന്‌ ആവശ്യ​ത്തി​ല​ധി​കം ഉള്ളപ്പോൾപോ​ലും അവനുള്ള വസ്‌തു​വ​ക​ക​ളാൽ അവന്റെ ജീവിതം സുരക്ഷി​ത​മാ​ക്ക​പ്പെ​ടു​ന്നില്ല.”—ലൂക്കോസ്‌ 12:15, ദ ജറുശ​ലേം ബൈബിൾ.

അങ്ങനെ ഒരുവന്റെ വസ്‌തു​വ​ക​ക​ളോട്‌ ഒരു സന്തുലിത വീക്ഷണത്തെ ബൈബിൾ പ്രോൽസാ​ഹി​പ്പി​ക്കു​ന്നു. അത്‌ അടുക്കും ചിട്ടയും അഭിവൃ​ദ്ധി​പ്പെ​ടു​ത്തു​ന്നു, ഇതിനെ സഭയിൽ മൂപ്പൻമാ​രാ​യി സേവി​ക്കു​ന്ന​വർക്കുള്ള ഒരു വ്യവസ്ഥ​യാ​ക്കി​ക്കൊ​ണ്ടു​തന്നെ.—1 തിമൊ​ഥെ​യോസ്‌ 3:2.

മേൽപ്ര​സ്‌താ​വിച്ച നിർദ്ദേ​ശ​ങ്ങ​ളിൽ ചിലത്‌ നിങ്ങളു​ടെ വീട്ടിലെ കടന്നു​ചെ​ല്ലാൻ കഴിയാത്ത ഒരു ഭാഗത്ത്‌ ബാധക​മാ​ക്കാൻ തുടങ്ങ​രു​തോ? ദൈനം​ദിന പരി​ശ്ര​മ​ത്താ​ലും നിങ്ങളു​ടെ വസ്‌തു​വ​ക​ക​ളോ​ടുള്ള സന്തുലിത വീക്ഷണ​ത്താ​ലും വികല​ശേ​ഖരം നിയ​ന്ത്ര​ണ​ത്തിൽ കൊണ്ടു​വ​രാൻ കഴിയും. (g91 8/8)

[അടിക്കു​റി​പ്പു​കൾ]

[24,25 പേജു​ക​ളി​ലെ ചതുരം/ചിത്രം]

തരംതിരിക്കലും നീക്കം​ചെ​യ്യ​ലും

നിങ്ങൾ ശ്രദ്ധയു​ള്ള​വ​ന​ല്ലെ​ങ്കിൽ നിങ്ങളു​ടെ ഭവനം അലങ്കോ​ല​പ്പെ​ടു​ത്താൻ സാദ്ധ്യ​ത​യുള്ള നിശ്ചിത ഇനങ്ങൾ സംബന്ധിച്ച്‌ സഹായ​ക​ര​മായ ചില നിർദ്ദേ​ശ​ങ്ങ​ളാണ്‌ പിൻവ​രു​ന്നവ.

വായനാ സാമ​ഗ്രി​കൾ: പഴയ മാസി​ക​ക​ളും പത്രങ്ങ​ളും നീക്കം ചെയ്യു​ന്നത്‌ പ്രയാ​സ​ക​ര​മാ​യി നിങ്ങൾ കണ്ടെത്തു​ന്നു​വോ? “ഞാൻ ഈ ദിവസ​ങ്ങ​ളിൽ എന്നെങ്കി​ലും ഇതു വായി​ക്കും” എന്ന്‌ നിങ്ങ​ളോ​ടു​തന്നെ പറയാൻ ഇടയാ​ക്കി​ക്കൊണ്ട്‌ ഒരു തലക്കെട്ട്‌ നിങ്ങൾക്ക്‌ ആകർഷ​ക​മാ​യി തോന്നു​ന്നു​വോ? മാസി​ക​യോ പത്രമോ മുഴു​വ​നാ​യി സൂക്ഷി​ക്കു​ന്ന​തി​നു പകരം താൽപ​ര്യം തോന്നിയ ലേഖനം വെട്ടി​യെ​ടുത്ത്‌ “വായി​ക്കാ​നുള്ള” ഫയലിൽ വെക്കുക. ഒരു ന്യായ​മായ കാലയ​ള​വി​നു​ള്ളിൽ—ഒരുപക്ഷേ ഏതാനും ആഴ്‌ച​കൾക്കു​ള്ളിൽ—വായി​ക്കു​ന്നി​ല്ലെ​ങ്കിൽ അത്‌ എറിഞ്ഞു​ക​ള​യുക.

വസ്‌ത്രങ്ങൾ: നിങ്ങളു​ടെ വസ്‌ത്ര​ശേ​ഖരം ഓരോ വർഷവും വലുതാ​യി​ക്കൊ​ണ്ടി​രി​ക്കു​ക​യും അതേസ​മയം നിങ്ങൾക്കു​ള്ള​തി​ന്റെ പകുതി​പോ​ലും നിങ്ങൾ ധരിക്കാ​തി​രി​ക്കു​ക​യും ചെയ്യു​ന്നു​ണ്ടോ? ചിലർ തങ്ങളോ​ടു​തന്നെ ഇപ്രകാ​രം പറയുന്നു: “എനിക്ക്‌ മൂന്നു കിലോ തൂക്കം കുറഞ്ഞു​ക​ഴി​യു​മ്പോൾ, ഇത്‌ എനിക്ക്‌ നന്നായി ഇണങ്ങും.” ഇത്‌ എന്തും ഏതും അറയിൽ സൂക്ഷി​ക്കു​ന്ന​തി​നുള്ള ഒരു ലൈസൻസാ​യി​ത്തീ​രു​ന്നു. വസ്‌ത്ര​ങ്ങ​ളു​ടെ അങ്ങനെ​യുള്ള വികല​ശേ​ഖരം ഒഴിവാ​ക്കു​ന്ന​തിന്‌, ഏതെങ്കി​ലും ഒന്ന്‌ ഒരു വർഷത്തിൽ ഒരിക്കൽപോ​ലും ധരിക്കു​ന്നി​ല്ലെ​ങ്കിൽ ഒരു “തീരു​മാ​ന​മാ​കാത്ത” പെട്ടി​യിൽ സ്ഥാപി​ക്കുക. പിന്നീട്‌ കുറച്ചു​കാ​ല​ത്തി​നു​ശേഷം അത്‌ വീണ്ടും ധരിക്കു​ന്നി​ല്ലെ​ങ്കിൽ ആർക്കെ​ങ്കി​ലും കൊടു​ക്കു​ക​യോ കളയു​ക​യോ ചെയ്യുക.

തപാൽ: ദിവസ​വും കത്തുകൾ കൈകാ​ര്യം ചെയ്‌തു മാററുക. നിങ്ങൾ സൂക്ഷി​ക്കാൻ ആഗ്രഹി​ക്കുന്ന വ്യക്തി​പ​ര​മായ കത്തുക​ളും കത്തിട​പാ​ടു​ക​ളും ഒരു പ്രത്യേ​ക​സ്ഥാ​നത്ത്‌ ഫയൽ ചെയ്യണം. ഓരോ മാസ​ത്തേ​തും ഫയൽചെ​യ്യാൻ നിങ്ങൾക്ക്‌ ഒരു മടക്കു​താൾ ഉപയോ​ഗി​ക്കാൻ കഴിയും, പുതിയ മാസത്തെ കത്തുകൾക്ക്‌ ഇടം ലഭിക്കാൻ ഒരു വർഷത്തി​നു​ശേഷം അതിൽ വെച്ചി​രി​ക്കു​ന്നത്‌ നീക്കം​ചെ​യ്യുക. അടുക്കുക, എന്നാൽ കൂനകൂ​ട്ട​രുത്‌ എന്നതാണ്‌ തത്ത്വം. പരസ്യ തപാലു​രു​പ്പ​ടി​കൾ ധാരാ​ള​മാ​യി നിങ്ങൾക്കു കിട്ടു​ന്നെ​ങ്കിൽ നിങ്ങൾക്ക്‌ അത്‌ ആവശ്യ​മു​ണ്ടോ​യെന്ന്‌ അപ്പോൾതന്നെ തീരു​മാ​നി​ക്കുക. അല്ലാത്ത​പക്ഷം ദൂരെ​ക്ക​ള​യുക. തീരു​മാ​നി​ക്കാൻ കഴിയു​ന്നി​ല്ലെ​ങ്കിൽ ഒരു “തീരു​മാ​ന​മാ​കാത്ത പെട്ടി”യിൽ ഒരാഴ്‌ച​ത്തേക്കു സൂക്ഷി​ക്കുക. അപ്പോ​ഴേ​ക്കും അതിന​നു​സ​ര​ണ​മാ​യി പ്രവർത്തി​ച്ചി​ട്ടി​ല്ലെ​ങ്കിൽ എറിഞ്ഞു​ക​ള​യുക.