യുവജ​നങ്ങൾ ചോദി​ക്കു​ന്നു. . .

എനിക്ക്‌ എന്റെ വസ്‌ത്ര​ശേ​ഖരം എങ്ങനെ മെച്ച​പ്പെ​ടു​ത്താ​നാ​വും?

റോബർട്ട്‌ നിരാ​ശ​നാണ്‌! അവന്‌ സഹോ​ദ​രി​യു​ടെ വിവാ​ഹ​ത്തിൽ പങ്കെടു​ക്കണം. എന്നാൽ ധരിക്കാൻ യാതൊ​ന്നു​മില്ല. റോബർട്ട്‌ “നഗ്നാവസ്ഥ” എന്നു ബൈബിൾ വിളി​ക്കുന്ന അവസ്ഥയി​ലാണ്‌ എന്നല്ല. (യാക്കോബ്‌ 2:15, NW) എന്നാൽ റോബർട്ട്‌ എന്നും ധരിക്കുന്ന വസ്‌ത്രങ്ങൾ ഈ ഔപചാ​രിക സന്ദർഭ​ത്തി​നു പററി​യ​ത​ല്ലെന്നു മാത്രം.

യുവതി​യാ​യ അഞ്ചെലക്ക്‌ മൂന്നു സാമൂ​ഹിക ചടങ്ങു​ക​ളിൽ പങ്കെടു​ക്കാ​നുണ്ട്‌, ഓരോ​ന്നി​നും വ്യത്യസ്‌ത സ്‌​റൈ​റ​ലി​ലുള്ള വസ്‌ത്ര​വും വേണം. എന്നാൽ അവൾ റോബർട്ടി​നെ​പ്പോ​ലെയല്ല. ധരിക്കാൻ പററി​യതു കണ്ടുപി​ടി​ക്കാൻ അവൾക്കു ബുദ്ധി​മു​ട്ടില്ല. അഞ്ചെല ധനിക​യാ​ണെന്നല്ല. വിവിധ സാഹച​ര്യ​ങ്ങ​ളിൽ നന്നായി ഉടു​ത്തൊ​രു​ങ്ങി പോകാൻ തന്നെ അനുവ​ദി​ക്കുന്ന ഒരു അടിസ്ഥാന വസ്‌ത്ര​ശേ​ഖരം അവൾ സംഘടി​പ്പി​ച്ചി​ട്ടു​ണ്ടെന്നു മാത്രം.

വുമെൻസ്‌ ഡേ മാഗസി​നി​ലെ ഒരു ലേഖനം ഇപ്രകാ​രം പറഞ്ഞു: “വസ്‌ത്രങ്ങൾ പ്രധാ​ന​മാണ്‌. നിങ്ങ​ളേ​ക്കു​റി​ച്ചു തന്നെ യഥാർഥ​ത്തിൽ നല്ലതു തോന്നി​ക്കാൻ അവയ്‌ക്കു വളരെ​യ​ധി​കം ചെയ്യാൻ കഴിയും.” മററു​ള്ളവർ നിങ്ങളെ വീക്ഷി​ക്കു​ക​യും നിങ്ങ​ളോട്‌ ഇടപെ​ടു​ക​യും ചെയ്യുന്ന വിധ​ത്തെ​യും നിങ്ങളു​ടെ വസ്‌ത്ര​ധാ​രണം ഒരു വലിയ അളവിൽ സ്വാധീ​നി​ക്കും. അപ്പോൾ, “യോഗ്യ​മായ വസ്‌ത്രം ധരിച്ചു ലജ്ജാശീ​ല​ത്തോ​ടും സുബോ​ധ​ത്തോ​ടും​കൂ​ടെ” അലങ്കരി​ക്കാൻ ബൈബിൾ നമ്മെ ഉദ്‌ബോ​ധി​പ്പി​ക്കു​ന്നത്‌ നല്ല കാരണ​ത്തോ​ടെ​യാണ്‌. (1 തിമൊ​ഥെ​യൊസ്‌ 2:9) നിങ്ങ​ളൊ​രു ക്രിസ്‌ത്യാ​നി​യാ​ണെ​ങ്കിൽ യോജ്യ​മായ ഒരു വസ്‌ത്ര​ശേ​ഖരം ഉണ്ടായി​രി​ക്കു​ന്നതു നിങ്ങളെ സംബന്ധി​ച്ചി​ട​ത്തോ​ളം പ്രധാ​ന​മാ​യി​രി​ക്കണം.

എന്നാൽ അലമാ​ര​യിൽ വസ്‌ത്രം കുത്തി​നി​റ​ച്ചു​ണ്ടെ​ങ്കി​ലും നിങ്ങൾക്കു ധരിക്കാൻ ഒന്നുമി​ല്ലെന്നു ചില​പ്പോൾ തോന്നു​ന്നു​വോ? എന്താണ്‌ പ്രശ്‌നം, കാര്യ​ങ്ങളെ നിങ്ങൾക്ക്‌ എങ്ങനെ നേരെ​യാ​ക്കാ​നാ​വും?

ഫാഷന്റെ ഭാരിച്ച ചെലവ്‌

പലപ്പോ​ഴും പ്രശ്‌നം പണമല്ല. പിന്നെ​യോ ലോക​ത്തി​ന്റെ സദാ മാറി​ക്കൊ​ണ്ടി​രി​ക്കുന്ന സ്‌​റൈ​റ​ലു​കൾക്കും ഫാഷനു​കൾക്കും അടിമ​യാ​കു​ന്ന​താണ്‌. “പ്രസി​ദ്ധ​മായ കമ്പനി​യു​ടെ ലേബലുള്ള വസ്‌ത്ര​ങ്ങൾക്കു​വേണ്ടി യുവജ​നങ്ങൾ എന്തുമാ​ത്രം പണം ചെലവ​ഴി​ക്കു​മെന്ന്‌ ബിസി​നസ്‌ ലോക​ത്തി​ന​റി​യാം” എന്ന്‌ യുവജ​ന​പ്ര​വ​ണ​തകൾ (ഇംഗ്ലീഷ്‌) എന്ന പുസ്‌തകം പറയുന്നു. പണക്കൊ​തി മൂലം വസ്‌ത്ര​വ്യാ​പാ​രി​കൾ യുവാ​ക്കളെ പിന്നെ​യും പിന്നെ​യും ചെലവ​ഴി​ക്കാൻ പ്രേരി​പ്പി​ച്ചു​കൊണ്ട്‌ മാസി​ക​യി​ലും ടിവി​യി​ലും വശ്യത​യാർന്ന പരസ്യങ്ങൾ ഉപയോ​ഗി​ക്കു​ന്നു! കൂട്ടു​കാ​രിൽനി​ന്നുള്ള സമ്മർദം കൂടെ​യാ​കു​മ്പോൾ തന്ത്രം ഫലിക്കു​ന്നു. ഒരു അധ്യാ​പിക ഇപ്രകാ​രം വിലപി​ക്കു​ന്നു: “എല്ലാവ​രും വസ്‌ത്ര​ങ്ങൾക്കു​വേണ്ടി വൻ തുകകൾ ചെലവ​ഴി​ക്കു​ന്നു. അതു താങ്ങാൻ കഴിയാത്ത കുട്ടികൾ . . . ഡി​സൈനർ ജീൻസ്‌ വാങ്ങാ​നാ​യി​ത്തന്നെ സ്‌കൂൾ കഴിഞ്ഞു​പോ​യി പണി​യെ​ടു​ക്കു​ന്നു.”

ഫാഷന്‌ അടിമ​യാ​കു​ന്നതു പണച്ചെ​ലവു വരുത്തു​ന്നു. അങ്ങനെ നിങ്ങൾക്കു യഥാർഥ​ത്തിൽ ആവശ്യ​മുള്ള കൂടുതൽ പ്രാ​യോ​ഗി​ക​മായ വസ്‌ത്ര​ങ്ങൾക്കു​വേണ്ടി ചെലവ​ഴി​ക്കാൻ ഒന്നുമി​ല്ലാ​തെ വന്നേക്കാം. റോമർ 12:2 ഇങ്ങനെ പറഞ്ഞു​കൊണ്ട്‌ സദുപ​ദേശം നൽകുന്നു: “ഈ ലോക​ത്തി​ന്നു അനുരൂ​പ​മാ​കാ​തെ . . . മനസ്സു പുതുക്കി രൂപാ​ന്ത​ര​പ്പെ​ടു​വിൻ.” വ്യത്യ​സ്‌ത​രാ​യി നില​കൊ​ള്ളു​ന്നത്‌ എല്ലായ്‌പോ​ഴും എളുപ്പമല്ല. പതിനാ​റു വയസ്സു​കാ​രി​യായ ഷാർലിൻ ഇപ്രകാ​രം സമ്മതി​ക്കു​ന്നു: “സ്‌കൂ​ളി​ലെ മററു കുട്ടി​ക​ളെ​പ്പോ​ലെ വസ്‌ത്രം ധരിക്കാ​ത്ത​പ്പോൾ അവർ നിങ്ങളെ വിചി​ത്ര​രാ​യി കാണുന്നു.” എന്നാൽ ചെയ്യേ​ണ്ട​തെ​ന്തെന്ന്‌ ഓതി​ത്ത​രാൻ നിങ്ങൾ മററു​ള്ള​വരെ അനുവ​ദി​ക്കു​മ്പോൾ നിങ്ങൾ അവരുടെ അടിമ​യാ​കു​ക​യാ​ണു ചെയ്യു​ന്നത്‌. (താരത​മ്യം ചെയ്യുക: റോമർ 6:16.) യുവതി​യായ ജോഹന ഇപ്രകാ​രം സമ്മതിച്ചു പറയുന്നു: “മററാർക്കോ​വേ​ണ്ടി​യാണ്‌ എല്ലായ്‌പോ​ഴും ഉടു​ത്തൊ​രു​ങ്ങു​ന്ന​തെന്നു തോന്നു​ന്ന​തു​കൊണ്ട്‌ എനിക്ക്‌ അസ്വസ്ഥത തോന്നു​ന്നു.”

ഇത്‌ എല്ലായ്‌പോ​ഴും ജ്ഞാനമാ​ണോ? ഉദാഹ​ര​ണ​ത്തിന്‌, തെരുവു സംഘം, ഹിപ്പ്‌-ഹോപ്പ്‌, “ഗ്രഞ്ച്‌” എന്നീ വസ്‌ത്ര സ്‌​റൈ​റ​ലു​ക​ളു​ടെ കാര്യ​മെ​ടു​ക്കുക. പലരും ഈ സ്‌​റൈ​റ​ലു​കൾ ധരിക്കു​ന്നത്‌ അവ പ്രസി​ദ്ധ​മാ​യ​തു​കൊ​ണ്ടു മാത്ര​മാണ്‌. എന്നാൽ, അവ സ്‌പഷ്ട​മാ​യും കോപ​വും മത്സരവും ഇളക്കി​വി​ടു​ന്നു. അവ ധരിക്കു​ന്നത്‌ മററു​ള്ള​വർക്കു നിങ്ങളെ സംബന്ധി​ച്ചു തെററായ ധാരണ നൽകു​മോ? (യോഹ​ന്നാൻ 15:19; താരത​മ്യം ചെയ്യുക: 2 കൊരി​ന്ത്യർ 6:4.) ഒരു സംഘാം​ഗ​മാ​യി കാണ​പ്പെ​ടു​ന്നത്‌ നിങ്ങളു​ടെ കൊല​യ്‌ക്ക്‌ ഇടയാ​ക്കും എന്നു പറയേ​ണ്ട​തി​ല്ല​ല്ലോ. അതു​കൊണ്ട്‌ ഐക്യ​നാ​ടു​ക​ളി​ലെ ചില സ്‌കൂ​ളു​ക​ളിൽ സംഘ സ്‌​റൈ​റ​ലു​കൾ ധരിക്കു​ന്നതു നിരോ​ധി​ച്ചി​രി​ക്കു​ന്നു. ഇതിൽനി​ന്നുള്ള പാഠം? വസ്‌ത്ര​ശേ​ഖരം തിര​ഞ്ഞെ​ടു​ക്കാൻ നിങ്ങളു​ടെ തരപ്പടി​ക്കാ​രെ അനുവ​ദി​ക്കു​ന്നതു ബുദ്ധിയല്ല, നിങ്ങളു​ടെ ജീവി​തത്തെ ഭരിക്കാൻ അനുവ​ദി​ക്കു​ന്ന​തോ, ഒട്ടുമല്ല. അവരെ പ്രീതി​പ്പെ​ടു​ത്തു​ന്നത്‌ എന്താ​ണെ​ന്നതു സംബന്ധിച്ച്‌ ഉത്‌ക​ണ്‌ഠ​പ്പെ​ടു​ന്ന​തി​നു പകരം “കർത്താ​വി​ന്നു പ്രസാ​ദ​മാ​യതു എന്തെന്നു പരി​ശോ​ധി​ച്ചു”കൊണ്ടി​രി​ക്കുക!—എഫെസ്യർ 5:10.

നിങ്ങളു​ടെ ആവശ്യങ്ങൾ പരിഗ​ണി​ക്കൽ

ഭ്രമത്തി​ന്റെ​യും ഫാഷ​ന്റെ​യും മർദക​ഭ​ര​ണ​ത്തിൽനിന്ന്‌ ഒരിക്കൽ നിങ്ങ​ളെ​ത്തന്നെ സ്വത​ന്ത്ര​മാ​ക്കി​യാൽ പിന്നെ നിങ്ങളു​ടെ യഥാർഥ ആവശ്യങ്ങൾ നിറ​വേ​റ​റുന്ന ഒരു വസ്‌ത്ര​ശേ​ഖരം നിങ്ങൾക്ക്‌ ഉണ്ടാക്കി​ത്തു​ട​ങ്ങാം. ഉദാഹ​ര​ണ​ത്തിന്‌, നിങ്ങളു​ടെ സമയത്തി​ന്റെ സിംഹ​ഭാ​ഗ​വും നിങ്ങൾ സ്‌കൂ​ളി​ലാ​ണു ചെലവ​ഴി​ക്കു​ന്നത്‌. നിങ്ങളു​ടെ സ്‌കൂൾ യൂണി​ഫോം നിഷ്‌കർഷി​ക്കു​ന്നെ​ങ്കിൽ അല്ലെങ്കിൽ വസ്‌ത്രം സംബന്ധിച്ച കർശന​മായ ഒരു നിയമ​സം​ഹിത അനുസ​രി​ക്കു​ന്നെ​ങ്കിൽ നിങ്ങളു​ടെ തിര​ഞ്ഞെ​ടു​പ്പു​കൾ പരിമി​ത​പ്പെ​ട്ടി​രി​ക്കും. എന്നാൽ പല സ്‌കൂ​ളു​ക​ളി​ലും തിര​ഞ്ഞെ​ടു​ക്കാൻ അനുവ​ദി​ച്ചി​രി​ക്കു​ന്നു, സാധാരണ വേഷമാണ്‌ അങ്ങനെ​യു​ള്ളി​ട​ങ്ങ​ളിൽ പ്രമാണം.

ജാക്കറ​റും ടൈയും അല്ലെങ്കിൽ പകിട്ടുള്ള പാവാ​ട​യും ഒക്കെ ആർഭാ​ട​പൂർവം ധരിച്ചു നിങ്ങ​ളെ​ത്തന്നെ കാഴ്‌ച​വ​സ്‌തു​വാ​ക്കു​ന്നത്‌ അത്തര​മൊ​രു സാഹച​ര്യ​ത്തിൽ ബുദ്ധി​യാ​യി​രി​ക്കു​ക​യില്ല. ഭ്രമം പൂണ്ടവ​രോ പ്രാകൃ​ത​രോ ആയി കാണ​പ്പെ​ടാ​തെ സാധാ​ര​ണ​ക്കാ​രാ​യി കാണ​പ്പെ​ടാൻ നിങ്ങൾ ആഗ്രഹി​ക്കും. മിലി എന്നു പേരുള്ള കൗമാ​ര​പ്രാ​യ​ക്കാ​രി​യായ ഒരു പെൺകു​ട്ടി അതാണു ചെയ്‌തത്‌. സ്‌കൂ​ളി​ലാ​യി​രി​ക്കെ അവൾ ഫാഷന്റെ അങ്ങേയ​റ​റങ്ങൾ ഉപേക്ഷി​ച്ചു. നിങ്ങളു​ടെ സാഹച​ര്യം സമാന​മാ​ണെ​ങ്കിൽ അതു​പോ​ലെ സാധാ​ര​ണ​മായ കുറെ ലൂസുള്ള പാൻറു​ക​ളും ഷർട്ടു​ക​ളും ബ്‌ളൗ​സു​ക​ളും വസ്‌ത്ര​ശേ​ഖ​ര​ത്തി​ലു​ണ്ടാ​യി​രി​ക്കാൻ നിങ്ങളും ആഗ്രഹി​ച്ചേ​ക്കാം. പണം കുറവാ​ണെ​ങ്കിൽ ഈ ഇനങ്ങളിൽ കുറച്ചു​മാ​ത്രം ഉണ്ടായി​രു​ന്നാൽ മതിയാ​വും.—താരത​മ്യം ചെയ്യുക: ലൂക്കൊസ്‌ 10:42.

നിങ്ങളു​ടെ സ്‌കൂൾ വസ്‌ത്ര​ശേ​ഖരം മിതമാ​ക്കി നിർത്തു​മ്പോൾ മററാ​വ​ശ്യ​ങ്ങൾക്കു​വേണ്ടി കരുതാൻ നിങ്ങൾക്ക്‌ ആവശ്യ​ത്തി​നു പണം ഉണ്ടാവും. ഉദാഹ​ര​ണ​ത്തിന്‌, നിങ്ങൾ ഭവനത്തി​നു വെളി​യിൽ ജോലി​നോ​ക്കു​ന്നു​ണ്ടോ, അല്ലെങ്കിൽ നിങ്ങൾക്കു വീട്ടു​ജോ​ലി​കൾ ചെയ്യാ​നു​ണ്ടോ? ഉണ്ടെങ്കിൽ പഴക്കം ചെയ്യു​ന്ന​തും കട്ടിയു​ള്ള​തു​മായ കുറെ വസ്‌ത്രങ്ങൾ നിങ്ങൾക്ക്‌ ആവശ്യ​മാണ്‌. സ്‌പോർട്‌സി​നും മററു കളിപ​രി​പാ​ടി​കൾക്കും യോജിച്ച വസ്‌ത്രം ആവശ്യ​മാ​യി​വ​ന്നേ​ക്കാം. ഡി​സൈനർ നിക്കറു​ക​ളും റേറാ​പ്പു​ക​ളും സ്‌പോർട്‌സ്‌ ഷൂകളും ഒക്കെ ധരിക്കു​ന്ന​താ​യി​രി​ക്കാം ഫാഷ​നെ​ങ്കി​ലും വിലകു​റഞ്ഞ ചില വസ്‌ത്ര​ങ്ങ​ളും തുല്യ​മാ​യി ഉപയോ​ഗ​പ്ര​ദ​മാ​ണെന്നു നിങ്ങൾ കണ്ടെത്തും.

നിങ്ങൾ യഹോ​വ​യു​ടെ സാക്ഷി​ക​ളി​ലൊ​രാ​ളാ​ണെ​ങ്കിൽ ക്രിസ്‌തീയ യോഗ​ങ്ങൾക്കു ധരിക്കാൻ അനു​യോ​ജ്യ​മായ വസ്‌ത്ര​ങ്ങ​ളു​ടെ ആവശ്യ​വും നിങ്ങൾ പരിഗ​ണി​ക്കാൻ ആഗ്രഹി​ക്കും. എന്തു​കൊ​ണ്ടെ​ന്നാൽ സാധാരണ വസ്‌ത്രങ്ങൾ ആരാധ​നക്കു യോജി​ച്ചതല്ല. പാശ്ചാത്യ സ്‌​റൈ​റ​ലി​ലുള്ള വസ്‌ത്രം ധരിക്കുന്ന രാജ്യ​ങ്ങ​ളിൽ യുവാ​ക്കൻമാർ സാധാ​ര​ണ​മാ​യി ഡീസൻറായ ലൂസുള്ള പാൻറ്‌സും ഷർട്ടും പിന്നെ ടൈയും ഒരു ജാക്കറ​റും ധരിക്കു​ന്നു. യുവതി​കൾ സാധാ​ര​ണ​മാ​യി ഒരു ഉടുപ്പ്‌ അല്ലെങ്കിൽ പാവാ​ട​യും ബ്‌ളൗ​സും ധരിക്കു​ന്നു. വീടു​തോ​റു​മുള്ള പ്രസം​ഗ​വേ​ല​യി​ലും അവർ സമാന​മായ വസ്‌ത്ര​മാ​ണു ധരിക്കു​ന്നത്‌. അത്തരം എത്ര വസ്‌ത്രങ്ങൾ നിങ്ങൾക്കു വാങ്ങാൻ കഴിയു​മെ​ന്നു​ള്ളത്‌ നിങ്ങളു​ടെ ബജററി​നെ ആശ്രയി​ച്ചി​രി​ക്കും. ഭാഗ്യ​ക​ര​മെന്നു പറയട്ടെ, നിങ്ങൾക്കു വസ്‌ത്രങ്ങൾ വളരെ​യ​ധി​കം ഉണ്ടായി​രി​ക്ക​ണ​മെ​ന്നില്ല, അവ അത്യാ​ധു​നിക ഫാഷനി​ലു​ള്ള​വ​യാ​യി​രി​ക്ക​ണ​മെ​ന്നു​മില്ല. അവ വൃത്തി​യും വെടി​പ്പും ഉള്ളവയാ​യി​രി​ക്കണം.

യേശു​ക്രി​സ്‌തു ഒരു വിവാ​ഹ​ത്തിൽ പങ്കെടു​ത്തു. നിങ്ങളും ചില സാമൂ​ഹിക ചടങ്ങു​കൾക്കു ക്ഷണിക്ക​പ്പെ​ട്ടേ​ക്കാം. (യോഹ​ന്നാൻ 2:1, 2) അത്തരം ചടങ്ങു​കൾക്ക്‌ അണി​ഞ്ഞൊ​രു​ങ്ങു​ന്നത്‌ നാട്ടു​ന​ട​പ്പാ​ണെ​ങ്കിൽ അനു​യോ​ജ്യ​മായ ചില വസ്‌ത്രങ്ങൾ കൈയി​ലു​ണ്ടാ​യി​രി​ക്കു​ന്നതു നല്ലതാണ്‌. “ഞാൻ സന്ദർഭ​ത്തി​നു യോജിച്ച രീതി​യിൽ അണി​ഞ്ഞൊ​രു​ങ്ങി പോകാഞ്ഞ സാഹച​ര്യ​ങ്ങ​ളുണ്ട്‌. അവ ആസ്വാ​ദ്യ​വു​മ​ല്ലാ​യി​രു​ന്നു,” ജോഹന സമ്മതി​ക്കു​ന്നു. മോടി​യുള്ള ഒരു വസ്‌ത്ര​മെ​ങ്കി​ലും സ്വന്തമാ​യു​ള്ളത്‌ അവസാന നിമിഷം കടയിൽ പോകു​ന്ന​തി​ന്റെ സമ്മർദ​വും ചെലവും ഒഴിവാ​ക്കും.

ഇനവി​വരം എടുക്കൽ

നിങ്ങൾ എഴുത്തു​കാ​ര​നായ ജീൻ പാററൻ പറയു​ന്ന​തു​പോ​ലെ​യുള്ള അലമാര ഓഡി​ററ്‌ നടത്തി​യേ​ക്കാം. (Color to Color) സൂക്ഷി​ച്ചു​വെ​ച്ചി​രി​ക്കു​ന്നവ ഉൾപ്പെ​ടെ​യുള്ള നിങ്ങളു​ടെ വസ്‌ത്രങ്ങൾ ഇനം തിരി​ക്കുക. നിങ്ങൾ മറന്നു​തന്നെ പോയി​രി​ക്കുന്ന വസ്‌ത്രങ്ങൾ ഒരുപക്ഷേ കണ്ടെത്തി​യേ​ക്കാം. അതേ സമയം, ചെറു​താ​യി​പ്പോ​യ​തോ മേലാൽ നിങ്ങൾ ഇഷ്ടപ്പെ​ടാ​ത്ത​തോ ആയ ഇനങ്ങൾ നിങ്ങൾക്കു പുറന്ത​ള്ളാ​നും കഴിയും.

അടുത്ത​താ​യി, മുഖ്യ ഇനങ്ങൾ (കോട്ടു​കൾ, സൂട്ടുകൾ, ഉടുപ്പു​കൾ, ബെയ്‌ള്‌സ​റു​കൾ, സ്‌പോർട്ട്‌ ജാക്കറ​റു​കൾ), ജോഡി ഇനങ്ങൾ (ബ്‌ളൗ​സു​കൾ, സ്വെറ​റ​റു​കൾ, ഡീസൻറ്‌ ഷർട്ടുകൾ), ഉപ ഇനങ്ങൾ (സ്‌കാർഫു​കൾ, ബെൽറ​റു​കൾ, കൈയു​റകൾ, തൊപ്പി​കൾ, ഷൂകൾ, ഹാൻഡ്‌ബാ​ഗു​കൾ, ടൈകൾ) എന്നിങ്ങനെ ക്രമ​പ്പെ​ടു​ത്തി​ക്കൊണ്ട്‌ ഒരു ഇനവി​വ​ര​പ്പ​ട്ടിക തയ്യാറാ​ക്കുക. വസ്‌ത്ര​ശേ​ഖരം പൂർത്തി​യാ​ക്കാൻ നിങ്ങൾക്ക്‌ എന്തെല്ലാം ഇനങ്ങൾ ആവശ്യ​മു​ണ്ടെന്ന്‌ എടുത്തു​കാ​ണി​ക്കാൻ അത്തര​മൊ​രു പട്ടിക സഹായി​ക്കു​ന്നു.

കാര്യ​ക്ഷ​മ​മായ ഷോപ്പിങ്‌

ചില രാജ്യ​ങ്ങ​ളിൽ പുതു​വ​സ്‌ത്രം ഒരു ആഡംബ​ര​മാണ്‌. അങ്ങനെ​യു​ള്ളി​ട​ങ്ങ​ളി​ലെ യുവജ​നങ്ങൾ തങ്ങൾക്കുള്ള വസ്‌ത്രങ്ങൾ സംരക്ഷി​ക്കാ​നും അവ സാമാ​ന്യം വൃത്തി​യും വെടി​പ്പും ഉള്ളവയാ​യി സൂക്ഷി​ക്കാ​നും ശ്രമം ചെലു​ത്തു​ന്നു. എന്നാൽ ചില പുതു​വ​സ്‌ത്രങ്ങൾ വാങ്ങാൻ പററിയ സാഹച​ര്യ​ത്തി​ലാണ്‌ നിങ്ങ​ളെ​ങ്കി​ലോ? “പ്ലാൻ ചെയ്‌ത്‌ ഉദ്ദേശ്യം​വെച്ചു വാങ്ങു​ക​യാ​ണെ​ങ്കിൽ ഒരു സ്‌ത്രീ​ക്കു സമയവും പണവും ലാഭിക്കാ”മെന്ന്‌ പ്രാ​യോ​ഗി​ക​മായ വസ്‌ത്ര​ശേ​ഖരം (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ ജാനെ​ററ്‌ വല്ലഷ്‌ പ്രസ്‌താ​വി​ക്കു​ന്നു. അത്‌ യുവാ​ക്കൻമാ​രെ സംബന്ധി​ച്ചും സത്യമാണ്‌. സാധ്യ​ത​യ​നു​സ​രിച്ച്‌, നിങ്ങൾക്കു പരിമി​ത​മായ ഒരു ബജറേറ ഉള്ളായി​രി​ക്കാം. അതു​കൊണ്ട്‌ നിങ്ങൾ വാങ്ങുന്ന എന്തി​ന്റെ​യും ചെലവു കണക്കാ​ക്കേ​ണ്ട​തുണ്ട്‌. (താരത​മ്യം ചെയ്യുക: ലൂക്കൊസ്‌ 14:28.) ഏററവും അത്യാ​വ​ശ്യ​മുള്ള സാധനങ്ങൾ മാത്രം വാങ്ങാൻ തീരു​മാ​നി​ച്ചു​കൊണ്ട്‌ സാധന​ങ്ങ​ളു​ടെ ലിസ്‌ററ്‌ വെട്ടി​ച്ചു​രു​ക്കു​ന്ന​തി​നെ അത്‌ അർഥമാ​ക്കി​യേ​ക്കാം. നിങ്ങൾ ഏററവും കൂടുതൽ ധരിക്കുന്ന വസ്‌ത്ര​ങ്ങൾക്കു​വേണ്ടി പണത്തിന്റെ സിംഹ​ഭാ​ഗ​വും ചെലവ​ഴി​ക്കു​ന്ന​താ​ണു സാമാ​ന്യ​ബോ​ധ​ത്തോ​ടെ​യുള്ള നടപടി.

ദ ബെററർ ബിസി​നസ്‌ ബ്യൂറോ എ ററു ഇസഡ്‌ ബയിങ്‌ ഗൈഡ്‌ ഈ ഉപദേശം നൽകുന്നു: “നേവി, ചാരം, കരിഞ്ചു​വപ്പ്‌, കറുപ്പ്‌ എന്നിങ്ങ​നെ​യുള്ള ഒരു അടിസ്ഥാന വർണ​ഗ്രൂ​പ്പിൽ വസ്‌ത്ര​ശേ​ഖരം ഉണ്ടാക്കുക. മുഖ്യ വസ്‌ത്ര​യി​നങ്ങൾ ആ നിറങ്ങ​ളിൽ തിര​ഞ്ഞെ​ടു​ക്കുക. പകിട്ടുള്ള പൂരക നിറങ്ങൾ ഷർട്ടു​കൾക്കും ബ്‌ളൗ​സു​കൾക്കും ഉപ ഇനങ്ങൾക്കു​മാ​യി മാററി​വ​യ്‌ക്കുക.” എന്തി​ന്റെ​യും കൂടെ ചേരുന്ന നിറങ്ങ​ളി​ലുള്ള വസ്‌ത്രങ്ങൾ ഏറെനാൾ സ്‌​റൈ​റ​ലാ​യി നിലനിൽക്കും. അടിസ്ഥാന നിറങ്ങ​ളോ​ടു പററി​നി​ന്നു​കൊണ്ട്‌ നിങ്ങൾക്ക്‌ പുതിയ വസ്‌ത്രങ്ങൾ എളുപ്പം പരീക്ഷി​ച്ചു​നോ​ക്കാ​നും സൃഷ്ടി​ക്കാ​നും കഴിയും.

സദൃശ​വാ​ക്യ​ങ്ങൾ 14:15 ഇപ്രകാ​രം പറയുന്നു: “സൂക്ഷ്‌മ​ബു​ദ്ധി​യോ തന്റെ നടപ്പു സൂക്ഷി​ച്ചു​കൊ​ള്ളു​ന്നു.” നിശ്ചിത പ്ലാനോ​ടു​കൂ​ടി സാധനങ്ങൾ വാങ്ങു​ന്നത്‌ പെട്ടെ​ന്നുള്ള ചെല​വേ​റിയ വാങ്ങൽ ഒഴിവാ​ക്കാൻ നിങ്ങളെ സഹായി​ക്കു​ന്നു. “കടയിൽ പോകു​മ്പോ​ഴെ​ല്ലാം ഞാൻ സാധനം വാങ്ങാ​നുള്ള ലിസ്‌റ​റും കൂടെ കൊണ്ടു​പോ​കും,” ഒരു ക്രിസ്‌തീയ യുവതി പറയുന്നു. ദീർഘ​നാ​ള​ത്തേക്ക്‌ ഉപയോ​ഗി​ക്കാ​നാ​കു​മ്പോൾ അളവി​നെ​ക്കാൾ ഗുണ​മേൻമ നോക്കു​ന്ന​താ​ണു മൂല്യ​വത്ത്‌ എന്ന കാര്യ​വും ഓർമി​ക്കുക. ഗുണ​മേൻമ​യുള്ള ഒരു വസ്‌ത്രം വർഷങ്ങൾ നിൽക്കും. “കൗമാ​ര​പ്രാ​യ​ത്തിൽ എനിക്കു​ണ്ടാ​യി​രുന്ന സ്വെറ​റ​റു​കൾ ഇപ്പോ​ഴും ഉണ്ട്‌.” എന്നിരു​ന്നാ​ലും വ്യാപാര നാമം ഗുണ​മേൻമ ഉറപ്പു​നൽക​ണ​മെ​ന്നില്ല. അത്‌ വസ്‌ത്രം​തന്നെ ശ്രദ്ധാ​പൂർവം പരി​ശോ​ധി​ച്ചാ​ലേ പൂർണ​മാ​യും മനസ്സി​ലാ​കൂ.a

സ്‌​റൈ​റ​ലി​ന്റെ കാര്യം വരു​മ്പോൾ യാഥാ​സ്ഥി​തി​ക​രു​ടെ വശത്താ​യി​രി​ക്കുക. പരമ്പരാ​ഗ​ത​രീ​തി​യി​ലുള്ള വസ്‌ത്ര​മോ പുരു​ഷൻമാ​രു​ടെ സൂട്ടോ മിക്കവാ​റും എല്ലായ്‌പോ​ഴും സ്‌​റൈ​റ​ലാ​യി തന്നെ ഇരിക്കും. അമിത ഫാഷൻ സ്‌​റൈ​റ​ലു​ക​ളു​ടെ ജനപ്രീ​തി പെട്ടെന്നു മങ്ങി​പ്പോ​കും. അമിൽയാ ഫാററ്‌ തന്റെ പുസ്‌ത​ക​മായ യാഥാ​സ്ഥി​തിക സ്‌​റൈ​റ​ലിൽ (ഇംഗ്ലീഷ്‌) ഇപ്രകാ​രം സൂചി​പ്പി​ക്കു​ന്നു. “യാഥാ​സ്ഥി​തിക വസ്‌ത്രങ്ങൾ ലഭിക്കാൻ എളുപ്പ​മാണ്‌. തുടർന്നു വരുന്ന വർഷത്തി​ലും അനായാ​സം ഉപയോ​ഗി​ക്കാം, ഒരു മെച്ചമായ നിക്ഷേപം.”

നിങ്ങളു​ടെ മാതാ​പി​താ​ക്കൾക്കു വസ്‌ത്രങ്ങൾ വാങ്ങു​ന്ന​തിൽ വർഷങ്ങ​ളു​ടെ പരിച​യ​മു​ണ്ടെ​ന്നുള്ള കാര്യം മറക്കാ​തി​രി​ക്കുക. നിങ്ങളു​ടെ ചില അഭിരു​ചി​കൾക്ക്‌ ഒരു തലമു​റ​യു​ടെ അന്തരമു​ണ്ടാ​യി​രി​ക്കാം. എന്നാൽ അടിസ്ഥാ​ന​പ​ര​മായ കാര്യ​ങ്ങ​ളിൽ വിചാ​രി​ക്കു​ന്ന​തി​നെ​ക്കാൾ അധികം കാര്യ​ങ്ങ​ളിൽ നിങ്ങൾ യോജി​ച്ചേ​ക്കാം. “വസ്‌ത്ര​ത്തിൽ നല്ല അഭിരു​ചി വളർത്തി​യെ​ടു​ക്കാൻ എന്റെ അമ്മ എന്നെയും സഹോ​ദ​രി​യെ​യും സഹായി​ച്ചു,” അഞ്ചെല അനുസ്‌മ​രി​ക്കു​ന്നു. സമയവും ക്ഷമയും ഉണ്ടെങ്കിൽ അനു​യോ​ജ്യ​വും പ്രാ​യോ​ഗി​ക​വു​മായ ഒരു വസ്‌ത്ര​ശേ​ഖരം ഉണ്ടാക്കി​യെ​ടു​ക്കാൻ നിങ്ങൾക്കും കഴി​ഞ്ഞേ​ക്കാം. ‘എനിക്ക്‌ ധരിക്കാൻ ഒന്നുമില്ല!’ എന്ന്‌ നിങ്ങൾക്കൊ​രു​പക്ഷേ വീണ്ടു​മൊ​രി​ക്ക​ലും പറയേ​ണ്ടി​വ​രി​ക​യി​ല്ലാ​യി​രി​ക്കാം.

[അടിക്കു​റി​പ്പു​കൾ]

[19-ാം പേജിലെ ചിത്രം]

ആദ്യമായി, ഇപ്പോൾത്തന്നെ നിങ്ങൾക്കു​ള്ള​തി​ന്റെ ഇനവി​വരം എടുക്കുക