യുവജ​നങ്ങൾ ചോദി​ക്കു​ന്നു...

പുകവ​ലി​ക്കാ​നുള്ള സമ്മർദ്ദത്തെ എനി​ക്കെ​ങ്ങനെ ചെറു​ക്കാൻ കഴിയും?

“അതെനിക്ക്‌ അയവു വരുത്തു​ന്നു. അതെന്നെ സന്തുഷ്ട​നും ശാന്തനു​മാ​ക്കു​ന്നു.”

“അതൊരു നേര​മ്പോ​ക്കാണ്‌.”

“അത്‌ ഒരുവൻ കൂടുതൽ സുരക്ഷി​ത​നാ​ണെന്നു തോന്നി​പ്പി​ക്കു​ന്നു.”

“അതെന്റെ കരങ്ങൾ കൊണ്ടു ചെയ്യുന്ന ഒരു സംഗതി​യാണ്‌.”

ഇവ തങ്ങൾ പുകവ​ലി​ക്കു​ന്നത്‌ എന്തു​കൊ​ണ്ടെന്നു ചോദി​ക്ക​പ്പെ​ട്ട​പ്പോൾ ചില കൗമാ​ര​പ്രാ​യ​ക്കാർ നൽകിയ കാരണ​ങ്ങ​ളാണ്‌. (കൗമാ​ര​പ്രാ​യ​ക്കാർ തുറന്നു സംസാ​രി​ക്കു​ന്നു) അതെ, ശ്വാസ​കോ​ശാർബു​ദം, ശ്വാസ​കോ​ശ​വീ​ക്കം, ഹൃദ്‌രോ​ഗം എന്നിവ​യെ​ക്കു​റി​ച്ചുള്ള എല്ലാ മുന്നറി​യി​പ്പു​ക​ളു​മു​ണ്ടാ​യി​ട്ടും ഇപ്പോ​ഴും പുകവലി അനേകം ചെറു​പ്പ​ക്കാർക്ക്‌ അപ്രതി​രോ​ധ്യ​മാ​യി ആകർഷ​ക​മാണ്‌. ഒരുപക്ഷേ, നിങ്ങൾത​ന്നേ​യും അതു പരീക്ഷി​ച്ചു​നോ​ക്കാൻ പ്രലോ​ഭി​പ്പി​ക്ക​പ്പെ​ട്ടി​ട്ടു​മു​ണ്ടാ​യി​രി​ക്കാം.

എപ്പോ​ഴും പുകവ​ലി​ച്ചു​കൊ​ണ്ടി​രി​ക്കുന്ന മനംക​വ​രുന്ന, നന്നായി വസ്‌ത്ര​മ​ണിഞ്ഞ സ്‌ത്രീ​പു​രു​ഷൻമാ​രു​ടെ ചിത്ര​ങ്ങൾകൊണ്ട്‌ മാധ്യമം നിങ്ങളെ ആക്രമി​ക്കു​ന്നു. അവരി​ലാ​രും ക്യാൻസർ രോഗി​ക​ളെ​പ്പോ​ലെ തോന്നി​ക്കു​ന്നില്ല. അല്ലെങ്കിൽ അതൊന്നു പരീക്ഷി​ച്ചു​നോ​ക്കാൻ നിങ്ങളു​ടെ കൂട്ടു​കാ​രിൽ നിന്നു നിങ്ങൾക്കു സമ്മർദ്ദം ഉണ്ടാ​യേ​ക്കാം. സ്‌കൂ​ളിൽ നിങ്ങളെ ‘നീയൊ​രു ഭീരു​വാ​ണോ?’, ‘ഉന്നതൻമാ​രെ​ല്ലാം പുകവ​ലി​ക്കു​ന്നുണ്ട്‌’ എന്നിങ്ങ​നെ​യുള്ള വെല്ലു​വി​ളി​ക​ളാൽ ശല്യ​പ്പെ​ടു​ത്തി​യേ​ക്കാം. കൂടാതെ നിങ്ങൾ പുകവ​ലി​ക്കുന്ന ചെറു​പ്പ​ക്കാ​രോ​ടു കൂടെ​യാ​ണെ​ങ്കിൽ നിങ്ങളു​ടെ കൈയിൽ ഒരു സിഗര​റ​റി​ല്ലെ​ങ്കിൽ നിങ്ങ​ളൊ​ര​ന്യ​നെന്നു നിങ്ങൾക്കു തോന്നി​യേ​ക്കാം.

പുകവ​ലി​ക്കാ​നു​ള്ള സമ്മർദ്ദം വീട്ടിൽനി​ന്നു​മു​ണ്ടാ​യേ​ക്കാം. മാതാ​പി​താ​ക്ക​ളിൽ ഒരാൾ പുകവലി ഒഴിവാ​ക്കു​ക​യും മറേറ​യാൾ പുകവ​ലി​ക്കാൻ ഇഷ്ടപ്പെ​ടു​ക​യു​മാ​ണെ​ങ്കിൽ നിങ്ങൾ അങ്ങേയ​ററം ആശയക്കു​ഴ​പ്പ​ത്തി​ലാ​യേ​ക്കാം. രണ്ടു​പേ​രും പുകവ​ലി​ക്കു​ന്ന​വ​രാ​ണെ​ങ്കിൽ സമ്മർദ്ദം ഏറെയാ​യി​രി​ക്കാം. ‘എന്റെ മാതാ​പി​താ​ക്കൾ ഒരു ദിവസം രണ്ടു കൂടു വലിക്കു​ന്നു, അതിനാൽ എപ്പോ​ഴും സിഗര​ററ്‌ ലഭ്യമാണ്‌.’ എന്നു 14 വയസ്സു​കാ​രി റിബേക്കാ പറയുന്നു. നീ പുകവ​ലി​ക്ക​രു​തെന്നു അങ്ങനെ​യുള്ള മാതാ​പി​താ​ക്കൾ പറയു​ന്നത്‌ കാപട്യ​ത്തി​ന്റെ പാരമ്യ​മാ​യി തോന്നി​യേ​ക്കാം! “മാതാ​പി​താ​ക്ക​ളോ​ടു അവരുടെ അരോ​ഗ്യ​ത്തെ​ക്കു​റിച്ച്‌ ഞങ്ങൾക്ക്‌ ചിന്തയു​ണ്ടെന്നു പറഞ്ഞാൽ അവർ ശ്രദ്ധി​ക്കില്ല. അതു​കൊണ്ട്‌ ഞങ്ങൾ അവരെ ശ്രദ്ധി​ക്കാൻ അവർക്കെ​ങ്ങനെ പ്രതീ​ക്ഷി​ക്കു​ന്ന​തി​നു കഴിയും?” എന്നു യുവതി​യായ അലിസൺ പരാതി പറയുന്നു.—അമേരി​ക്ക​യി​ലെ കൗമാ​ര​പ്രാ​യ​ക്കാ​രു​ടെ രഹസ്യ​ജീ​വി​തം (The Private Life of the American Teenager).

തങ്ങളുടെ കാരണങ്ങൾ എന്തുത​ന്നെ​യാ​യി​രു​ന്നാ​ലും അനേകം ചെറു​പ്പ​ക്കാർ പുകവലി പരീക്ഷി​ച്ചു​നോ​ക്കാൻ ശ്രമി​ക്ക​യും ജീവി​ത​കാ​ലം മുഴുവൻ അതിന്‌ അടിമ​പ്പെ​ടു​ക​യും ചെയ്യുന്നു.a നിങ്ങൾക്കു​തന്നെ മെച്ചപ്പെട്ട എന്തെങ്കി​ലു​മാ​യി​രി​ക്കും നിങ്ങളാ​ഗ്ര​ഹി​ക്കുക എന്ന്‌ ആശിക്കട്ടെ. പുകവ​ലി​യു​ടെ ദാരുണ പരിണ​ത​ഫ​ലങ്ങൾ നിങ്ങൾക്ക​റി​യാം, അതു നേരി​ട്ട​നു​ഭ​വി​ക്കു​ന്ന​തി​നു യാതൊ​രു ന്യായ​വും നിങ്ങൾ കാണു​ന്നു​മില്ല. എന്നാലും, പുകവ​ലി​ക്കാ​നുള്ള ശക്തമായ സമ്മർദ്ദത്തെ ചെറു​ത്തു​നിൽക്കാൻ എങ്ങനെ കഴിയു​മെ​ന്ന​റി​യാൻ നിങ്ങൾ ആഗ്രഹി​ച്ചേ​ക്കാം.

സാമൂ​ഹിക വൈഷ​മ്യം

പുകവ​ലി​ക്കു​ന്ന​തി​നു ചെറു​പ്പ​ക്കാർ നൽകുന്ന കാരണങ്ങൾ ആദ്യമാ​യി നമുക്കു നോക്കാം. തുടക്ക​ത്തിൽ ഉദ്ധരി​ക്ക​പ്പെട്ട യുവജ​ന​ങ്ങ​ളെ​പ്പോ​ലെ, ഒരു സിഗര​ററ്‌ പിടി​ക്കു​ന്നത്‌ അവരെ “മുതിർന്ന”വരും സമനി​ല​യു​ള്ള​വ​രു​മാ​യി തോന്നി​പ്പി​ക്കു​മെന്നു അനേകർ വാദി​ക്കു​ന്നു. ഇത്‌ തന്റെ കാര്യ​ത്തിൽ ശരിയാ​ണെന്നു ചെറു​പ്പ​ക്കാ​ര​നായ ഓറെൺ വിശ്വ​സി​ച്ചു. സാമൂ​ഹ്യ​മാ​യി അങ്ങേയ​ററം വിഷമം തോന്നിയ അവൻ ഇങ്ങനെ അനുസ്‌മ​രി​ക്കു​ന്നു: “ഞാൻ പ്രത്യേ​കി​ച്ചും പാർട്ടി​ക​ളിൽ വളരെ അസ്വസ്ഥ​നാ​യി​രു​ന്നു. എങ്ങനെ പ്രവർത്തി​ക്ക​ണ​മെ​ന്നോ എന്തു പറയണ​മെ​ന്നോ എനി​ക്കൊ​രി​ക്ക​ലും അറിയി​ല്ലാ​യി​രു​ന്നു. എന്റെ പ്രശ്‌ന​ത്തി​നു പരിഹാ​രം പുകവ​ലി​യാ​ണെന്നു തോന്നി.”

എന്നിരു​ന്നാ​ലും, മാരക​മായ പുക വലി​ച്ചെ​ടു​ക്കു​ക​യും പുറ​ത്തേക്കു വിടു​ക​യും ചെയ്യു​ന്നതു യഥാർത്ഥ​ത്തിൽ ഒരുവനെ വിഡ്‌ഢി​യും അരക്ഷി​ത​നും മററു​ള്ള​വ​രോ​ടു പരിഗ​ണ​ന​യി​ല്ലാ​ത്ത​വ​നും മാത്രമേ ആക്കുന്നു​ള്ളു. വളരെ​യ​ധി​കം ചെറു​പ്പ​ക്കാർ ഇതിനെ ഇപ്രകാ​രം കാണാൻ തുടങ്ങി​യി​രി​ക്കു​ക​യാണ്‌. ജെയിൻ റിൻസ്ലെർ നടത്തിയ ഒരു സർവ്വെ​യിൽ അഭി​പ്രാ​യം ചോദി​ക്ക​പ്പെട്ട പെൺകു​ട്ടി​ക​ളിൽ 63 ശതമാ​ന​വും ആൺകു​ട്ടി​ക​ളിൽ 73 ശതമാ​ന​വും പുകവ​ലി​യെ നിരാ​ക​രി​ച്ചു! ഒരു 16 വയസ്സു​കാ​രി ഇപ്രകാ​രം പറഞ്ഞു: “അത്‌ തങ്ങളെ ഗൗരവ​മു​ള്ള​വ​രാ​ക്കു​ന്നു​വെ​ന്നാണ്‌ ആളുകൾ വിചാ​രി​ക്കു​ന്നത്‌, എന്നാൽ യഥാർത്ഥ​ത്തിൽ അവർ അതിനാ​യി വളരെ കഠിന​ശ്രമം ചെയ്യു​ന്നു​വെ​ന്നാണ്‌ തോന്നു​ന്നത്‌.” പുകവലി ഒരുവനെ “ഗൗരവ​മു​ള്ള​വ​നാ​ക്കി”യാൽത്തന്നെ വിനാ​ശ​ക​ര​വും അടിമ​പ്പെ​ടു​ത്തു​ന്ന​തു​മായ ഒരു ശീലം വളർത്തി​യെ​ടു​ക്കു​ന്ന​തി​നെ അതു ന്യായീ​ക​രി​ക്കു​മോ?

എന്നിരു​ന്നാ​ലും രസകര​മെ​ന്നു​പ​റ​യട്ടെ, കുട്ടി​ക​ളു​ടെ മനോ​രോ​ഗ​ചി​കി​ത്സ​യിൽ പ്രൊ​ഫ​സ്സ​റായ മോറീസ്‌ ഫോക്ക്‌ ഇങ്ങനെ കുറി​ക്കൊ​ള്ളു​ന്നു: “സാമൂ​ഹിക സന്ദർഭ​ങ്ങ​ളിൽ എന്തു ചെയ്യണ​മെന്നു അറിയാ​വുന്ന ചെറു​പ്പ​ക്കാർക്കു കുറച്ചേ അസ്വസ്ഥത അനുഭ​വ​പ്പെടൂ. . . . [അവർ] പുകവ​ലി​ക്കാൻ സാധ്യത കുറവാണ്‌.” ഇത്‌ യഹോ​വ​യു​ടെ സാക്ഷി​ക​ളു​ടെ​യി​ട​യി​ലെ അനേകം ചെറു​പ്പ​ക്കാ​രെ സംബന്ധിച്ച്‌ ശരിയാ​ണെന്നു തെളി​ഞ്ഞി​രി​ക്കു​ന്നു. അവർ പരസ്യ​മാ​യുള്ള പ്രസം​ഗ​വേ​ല​യിൽ എല്ലാ പ്രായ​ത്തി​ലു​മുള്ള ആളുക​ളോ​ടു സംസാ​രി​ച്ചു​കൊണ്ട്‌ സമനി​ല​യും ആത്മവി​ശ്വാ​സ​വും വികസി​പ്പി​ച്ചെ​ടു​ക്കു​ന്നു. രാജ്യ​ഹാ​ളി​ലെ ക്രിസ്‌തീയ യോഗ​ങ്ങ​ളിൽ നൽക​പ്പെ​ടുന്ന വിദ്യാ​ഭ്യാ​സ​പ​രി​പാ​ടി​യെ പ്രയോ​ജ​ന​പ്പെ​ടു​ത്തി​ക്കൊണ്ട്‌ ഒരു സദസ്സിനു മുമ്പാകെ, സാമർത്ഥ്യ​ത്തോ​ടെ, എന്നാൽ ശാലീ​ന​മാ​യി സംസാ​രി​ക്കാ​നും അവർ പഠിക്കു​ന്നു. ഇത്‌ ഒരു സാമൂ​ഹിക ഊന്നു​വ​ടി​യു​ടെ ആവശ്യം ഇല്ലാതാ​ക്കു​ന്നു.

നിങ്ങ​ളേ​ക്കു​റി​ച്ചു​തന്നെ നിങ്ങൾക്കു അസന്തുഷ്ടി തോന്നു​ക​യോ, ആളുക​ളോ​ടൊ​പ്പ​മാ​യി​രി​ക്കു​മ്പോൾ ലജ്ജയോ അസ്വസ്ഥ​ത​യോ അനുഭ​വ​പ്പെ​ടു​ക​യോ ആണെങ്കിൽ സത്യ​ക്രി​സ്‌ത്യാ​നി​ക​ളു​ടെ ഒരു സഭയു​മാ​യി അടുത്തു സഹവസി​ക്കാൻ ശ്രമി​ക്കുക. മററു​ള്ള​വ​രോ​ടു​കൂ​ടെ നിങ്ങൾ സജീവ​മാ​യി ഉൾപ്പെ​ട്ടി​രി​ക്കവെ, അധിക​കാ​ലം ലജ്ജയിൽ കഴിയുക അസാദ്ധ്യ​മാണ്‌. നിങ്ങൾക്ക്‌ നിങ്ങളു​ടെ മാതാ​പി​താ​ക്ക​ളു​മാ​യും നിങ്ങളു​ടെ പ്രശ്‌നങ്ങൾ ചർച്ച​ചെ​യ്യാൻ കഴിയും. അതു​കൊണ്ട്‌, മററു​ള്ള​വ​രു​ടെ ആദരവു നേടു​ന്നത്‌ ചുണ്ടു​കൾക്കി​ട​യിൽ ഒരു സിഗര​ററു ഞാത്തി​യി​ട്ടു​കൊ​ണ്ടല്ല, മറിച്ച്‌ ബൈബിൾ പ്രോ​ത്സാ​ഹി​പ്പി​ക്കു​ന്ന​തു​പോ​ലെ: “വാക്കി​ലും നടപ്പി​ലും വിശ്വാ​സ​ത്തി​ലും നിർമ്മ​ല​ത​യി​ലും . . . മാതൃക” ആയിരി​ക്കു​ന്ന​തി​നാ​ലാണ്‌.—1 തിമൊ​ഥെ​യോസ്‌ 4:12.

“അതെനി​ക്കു അയവു വരുത്തു​ന്നു”

പുകവലി ഒരു സുഖക​ര​മായ അനുഭൂ​തി​യാ​ണെ​ന്നുള്ള ചിലരു​ടെ അവകാ​ശ​വാ​ദത്തെ സംബന്ധി​ച്ചെന്ത്‌? “ഒരു സിഗര​റ​റി​ല്ലാ​തെ തങ്ങൾക്കു വിശ്ര​മി​ക്കാൻ കഴിയി​ല്ലെ​ന്നും അതു പിരി​മു​റു​ക്ക​ത്തി​നും ആശങ്കയ്‌ക്കും കോപ​ത്തി​നും അയവു​വ​രു​ത്തു​മെ​ന്നും ചില പുകവ​ലി​ക്കാർ പറയുന്ന”തായി എഴുത്തു​കാ​ര​നായ അൽവിൻ റോ​സെൻബോം പറയുന്നു. എന്നിരു​ന്നാ​ലും, അയവു​വ​രു​ത്തുന്ന ഒരു ഔഷധ​മാ​യി​രി​ക്കു​ന്ന​തി​നു പകരം “നിക്കോ​ട്ടിൻ ഒരു ഉത്തേജ​ക​മാണ്‌” എന്നു റോ​സെൻബാം കുറി​ക്കൊ​ള്ളു​ന്നു.

അപ്പോൾപ്പി​ന്നെ, ഒരു പുകവ​ലി​ക്കാ​രനു അനുഭ​വ​പ്പെ​ടുന്ന അയവിനു കാരണ​മെ​ന്താണ്‌? വാസ്‌ത​വ​ത്തിൽ ഒരു പുകവ​ലി​ക്കാ​രനു അനുഭ​വ​പ്പെ​ടു​ന്നതു ഒരു ആസക്തിയെ തൃപ്‌തി​പ്പെ​ടു​ത്തു​ന്ന​തിൽ നിന്നും ലഭിക്കുന്ന ആശ്വാ​സ​മാണ്‌! അതെ, ആളുകൾ പുകയി​ല​യി​ലുള്ള നിക്കോ​ട്ടി​നിൽ ആസക്തരാ​യി​ത്തീ​രു​ന്നു. ഈ ആസക്തി ഏതാണ്ടു ഹെറോ​യി​നി​ലോ കൊ​ക്കെ​യി​നി​ലോ ഉള്ള ആസക്തി​പോ​ലെ​യാണ്‌, അതിനെ അതിജീ​വി​ക്കുക അതിലും ദുഷ്‌ക​ര​മാ​ണെ​ന്നാണ്‌ അനേക​രും പറയു​ന്നത്‌.

ഒരു പുകവ​ലി​ക്കാ​രന്റെ ശരീര​ത്തിൽ നിക്കോ​ട്ടിൻ ഇല്ലാതാ​വു​മ്പോൾ അതിനു​വേണ്ടി അതു കൊതി​ച്ചു​തു​ട​ങ്ങു​ന്നു. അയാൾ നിക്കോ​ട്ടി​ന്റെ മറെറാ​രു “ഡോസ്‌” ലഭിക്കു​ന്ന​തു​വരെ അധീര​നും പിരി​മു​റു​ക്ക​മു​ള്ള​വ​നും ശുണ്‌ഠി​യു​ള്ള​വ​നും ആയിത്തീ​രു​ന്നു. താൽക്കാ​ലി​ക​മാ​യി അയാൾക്ക്‌ അയവു തോന്നു​ന്നു—തന്റെ ശരീരം വീണ്ടും നിക്കോ​ട്ടി​നു​വേണ്ടി കൊതി​ക്കു​ന്ന​തു​വരെ മാത്രം. അതു​കൊണ്ട്‌ പുകവലി അയവു വരുത്തു​ന്ന​തി​നുള്ള ഒരു മൗഢ്യ​മായ മാർഗ്ഗ​മാണ്‌. മധുര​മായ സംഗീതം ശ്രവി​ക്കു​ന്ന​തോ, വായന​യോ, സാവധാ​ന​മുള്ള നടത്തമോ ഒക്കെ ഏറെ സുരക്ഷി​ത​മായ മാർഗ്ഗ​ങ്ങ​ളാണ്‌.

തരപ്പടി​ക്കാ​രിൽ നിന്നുള്ള സമ്മർദ്ദത്തെ ചെറു​ത്തു​നിൽക്കൽ

പതിന്നാ​ലു വയസ്സു​കാ​ര​നായ ജോർജ്ജ്‌ പറയുന്നു: “എത്രയോ കുട്ടി​ക​ളാണ്‌ എനിക്ക്‌ സിഗര​ററു വച്ചുനീ​ട്ടു​ന്നത്‌, തന്നിമി​ത്തം ഞാൻ അവരെ അവഗണി​ക്കേ​ണ്ടി​വ​രു​ന്നു.” മിക്ക യുവാ​ക്ക​ളും പുകവ​ലി​യാ​രം​ഭി​ക്കു​ന്ന​തി​ന്റെ മുഖ്യ​കാ​രണം തരപ്പടി​ക്കാ​രിൽ നിന്നുള്ള സമ്മർദ്ദ​മാ​ണെന്നു തോന്നു​ന്നു. കൗമാ​ര​പ്രാ​യ​ക്കാ​രു​ടെ ഒരു സർവ്വെ വെളി​പ്പെ​ടു​ത്തി​യത്‌, ‘തങ്ങളുടെ സുഹൃ​ത്തു​ക്ക​ളാ​രും പുകവ​ലി​ച്ചി​ല്ലെ​ങ്കിൽ 1 ശതമാ​ന​ത്തിൽ കുറവേ പുകവ​ലി​ച്ചു​ള്ളു, തങ്ങളുടെ സുഹൃ​ത്തു​ക്ക​ളെ​ല്ലാം പുകവ​ലി​ച്ചെ​ങ്കിൽ 73 ശതമാനം പേർ പുകവ​ലി​ച്ചു’ എന്നാണ്‌. നിങ്ങളു​ടെ സുഹൃ​ത്തു​ക്കൾ നിങ്ങളു​ടെ​മേൽ സമ്മർദ്ദം ചെലു​ത്തു​ക​യാ​ണെ​ങ്കിൽ നിങ്ങൾ ഇങ്ങനെ ചോദി​ച്ചേ​ക്കാം: ‘മററു​ള്ള​വ​രു​ടെ ശല്യം ഒന്നൊ​ഴി​വാ​കാൻ ഒരു പുക​യെ​ടു​ക്കു​ന്ന​തിൽ എന്താണി​ത്ര തെററ്‌?’

ക്രിസ്‌തീ​യ കുടും​ബ​ങ്ങ​ളിൽ വളർത്ത​പ്പെട്ട ചില ചെറു​പ്പ​ക്കാർ അതത്ര തെററ​ല്ലെന്നു ന്യായീ​ക​രി​ക്കു​ക​യും തങ്ങളുടെ വിശ്വാ​സ​ത്തിൽ വിട്ടു​വീഴ്‌ച ചെയ്യു​ക​യും ചെയ്‌തി​ട്ടുണ്ട്‌.b ‘മററു​ള്ള​വ​രെ​പ്പോ​ലെ ആയിരി​ക്കു​ന്ന​തി​നു’വേണ്ടി മാത്രം ഒരു സിഗര​ററു കൈയിൽ പിടി​ച്ച​താ​യോ ഒന്ന്‌ തങ്ങളുടെ വായിൽ വച്ചതാ​യോ അവരിൽ ചിലർ സമ്മതി​ച്ചി​ട്ടുണ്ട്‌. എന്നിരു​ന്നാ​ലും, “മകനേ, പാപികൾ നിന്നെ വശീക​രി​ച്ചാൽ വഴി​പ്പെ​ട്ടു​പോ​ക​രു​തു” എന്നാണു ബൈബിൾ പറയു​ന്നത്‌. (സദൃശ​വാ​ക്യ​ങ്ങൾ 1:10) ക്രിസ്‌തീയ കുടും​ബ​ങ്ങ​ളിൽ വളർത്ത​പ്പെ​ടുന്ന ചെറു​പ്പ​ക്കാ​രിൽ ഭൂരി​പ​ക്ഷ​വും ഈ വാക്കു​കളെ ശ്രദ്ധി​ക്കു​ന്നു​ണ്ടെ​ന്ന​താണ്‌ അവരേ സംബന്ധി​ച്ചു പ്രശം​സ​നീ​യ​മാ​യി​രി​ക്കു​ന്നത്‌. പതിന്നാ​ലു വയസ്സു​കാ​രി മാരി​ബെ​ല്ലി​നു സുഹൃ​ത്തു​ക്കൾ ഒരു സിഗര​ററു വച്ചുനീ​ട്ടി, അവൾ അതു നിരസി​ച്ചു. “അവരെ​ന്നിൽ നിന്നു പിൻമാ​റാൻ തുടങ്ങു​ക​യും അവർ എന്നെ കളിയാ​ക്കു​ക​യും ചെയ്‌തു”വെന്ന്‌ അവൾ അനുസ്‌മ​രി​ക്കു​ന്നു. ‘ലോക​ത്തി​ന്റേ​തി​നേ​ക്കാൾ ദൈവ​ത്തി​ന്റെ അംഗീ​കാ​ര​മു​ള്ള​താ​ണു ഏറെ നല്ലതെ’ന്നു അവൾ സ്വയം ഓർപ്പി​ക്ക​യും സമ്മർദ്ദ​ത്തി​നു വഴങ്ങാ​തി​രി​ക്ക​യും ചെയ്‌തു!

യഥാർത്ഥ​ത്തിൽ, മാരക​മായ ഒരു വസ്‌തു ഉച്ഛ്വസി​ക്കാൻ ഏതുതരം സുഹൃ​ത്തു​ക്ക​ളാ​യി​രി​ക്കും നിങ്ങളെ പ്രേരി​പ്പി​ക്കുക? “ഭോഷൻമാർക്കു കൂട്ടാ​ളി​യാ​യ​വ​നോ വ്യസനി​ക്കേ​ണ്ടി​വ​രും” എന്നു സദൃശ​വാ​ക്യ​ങ്ങൾ 13:20 മുന്നറി​യി​പ്പു നൽകുന്നു. ആവശ്യ​മെ​ങ്കിൽ ചില പുതിയ സുഹൃ​ത്തു​ക്കളെ കണ്ടുപി​ടി​ക്കുക. എന്തിന്‌, പുകവ​ലി​ക്കാ​രോ​ടൊ​പ്പ​മാ​യി​രി​ക്കു​ന്ന​തു​തന്നെ ആരോ​ഗ്യ​ത്തി​നാ​പ​ത്താണ്‌! “എന്റെ സുഹൃ​ത്തു​ക്ക​ളാ​രും പുകവ​ലി​ക്കു​ന്ന​വരല്ല. അതു​കൊണ്ട്‌ എനിക്കു കൂട്ടു​കാ​രിൽ നിന്നുള്ള സമ്മർദ്ദ​ത്തി​ന്റെ യാതൊ​രു പ്രശ്‌ന​വു​മില്ല” എന്നു 15 വയസ്സു​കാ​രി ബ്രെണ്ട പറയുന്നു.

ക്രിസ്‌ത്യാ​നി​ക​ള​ല്ലാത്ത ചെറു​പ്പ​ക്കാ​രെ മുഴുവൻ ഒഴിവാ​ക്കാൻ നിങ്ങൾക്കു ഒരുപക്ഷേ സാദ്ധ്യ​മ​ല്ലാ​യി​രി​ക്കാം. നിങ്ങളു​ടെ ദൃഢവി​ശ്വാ​സ​ങ്ങൾക്കു​വേണ്ടി വാദി​ക്കു​ക​യും പുകവ​ലി​ക്കാൻ അസന്ദി​ഗ്‌ദ്ധ​മാ​യി വിസമ്മ​തി​ക്കു​ക​യും ചെയ്യേ​ണ്ടി​വ​ന്നേ​ക്കാം! പുകയി​ല​യു​ടെ ദൂഷ്യ​ങ്ങ​ളെ​പ്പ​ററി അവരോ​ടു ഒരു പ്രസംഗം നടത്തണ​മെന്നു ഇതു അവശ്യം അർത്ഥമാ​ക്കു​ന്നില്ല. മിക്ക​പ്പോ​ഴും ലളിത​മായ, “വേണ്ടാ, നിങ്ങൾക്കു നന്ദി” എന്നുമാ​ത്രം പറഞ്ഞാൽ മതിയാ​വും എന്നു എഴുത്തു​കാ​രി​യായ ഷാരോൺ സ്‌കോട്ട്‌ ചൂണ്ടി​ക്കാ​ട്ടു​ന്നു. ഇത്‌ പരാജ​യ​പ്പെ​ടു​മ്പോൾ, “വേണ്ടാ​യെ​ന്നാണ്‌ ഞാൻ പറഞ്ഞത്‌” എന്ന ശക്തമായ വാക്കു​ക​ളിൽ നിങ്ങളു​ടെ വിസമ്മതം പ്രസ്‌താ​വി​ക്ക​ണ​മെ​ന്നാ​ണു അവർ ശുപാർശ ചെയ്യു​ന്നത്‌.

രംഗം വിടുക, അവരുടെ വാഗ്‌ദാ​നത്തെ നിരസി​ക്കുക, അല്ലെങ്കിൽ വെറുതെ വിഷയം മാററുക എന്നിവ​യാ​ണു മററു തന്ത്രങ്ങൾ. പുകവ​ലി​ക്കു​ന്ന​തി​നുള്ള സമ്മർദ്ദത്തെ എങ്ങനെ ചെറു​ക്കു​മെന്നു പൂർവാ​ഭി​നയം നടത്താൻപോ​ലും നിങ്ങൾക്കു ശ്രമി​ക്കാ​വു​ന്ന​താണ്‌. കൂടാതെ, സവിസ്‌ത​ര​മായ ഒരു വിശദീ​ക​ര​ണ​ത്തി​നു അവർ അപേക്ഷി​ച്ചാൽ അതു നൽകു​ന്ന​തി​നു തയ്യാറാ​യി​രി​ക്കണം. ബൈബിൾ പറയു​ന്ന​തു​പോ​ലെ: ‘ന്യായം ചോദി​ക്കുന്ന ഏവനോ​ടും പ്രതി​വാ​ദം പറവാൻ എപ്പോ​ഴും ഒരുങ്ങി​യി​രി​പ്പിൻ.’—1 പത്രൊസ്‌ 3:15.c

യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളിൽ നൽക​പ്പെ​ടുന്ന ബൈബിൾ വിദ്യാ​ഭ്യാ​സം പുകവ​ലി​യിൽ നിന്നു വിമു​ക്ത​രാ​കു​ന്ന​തിന്‌ അനേകരെ സഹായി​ച്ചി​ട്ടുണ്ട്‌. “ശുദ്ധീ​ക​രി​ക്ക​പ്പെട്ട ഒരു പറുദീ​സാ ഭൂമി​യിൽ പൂർണ്ണാ​രോ​ഗ്യ​ത്തോ​ടെ എന്നേക്കും ജീവി​ക്കു​ന്ന​തി​നേ​പ്പ​ററി മററു​ള്ള​വ​രോ​ടു സംസാ​രി​ക്കു​ന്ന​തി​നുള്ള അഭിലാ​ഷം അതു​പേ​ക്ഷി​ക്കു​ന്ന​തി​നുള്ള ഉത്തേജനം എനിക്കു നൽകി.” ഒന്നാമ​തു​തന്നെ അതിനു തുടക്ക​മി​ടാ​തി​രി​ക്കുക എന്നതാണു ജ്ഞാനമാർഗ്ഗം.—കൊ​ലൊ​സ്യർ 4:5. (g91 8⁄22)

[അടിക്കു​റി​പ്പു​കൾ]

[21-ാം പേജിലെ ചിത്രം]

പുകവലി ഒരുവനെ പക്വത​യു​ള്ള​വ​നാ​യി തോന്നി​പ്പി​ക്കു​ന്ന​തി​നു പകരം ഒരുവന്റെ അരക്ഷി​താ​വ​സ്ഥയെ വെളി​പ്പെ​ടു​ത്തി​യേ​ക്കാം