ബൈബി​ളി​ന്റെ വീക്ഷണം

അശ്ലീല​സാ​ഹി​ത്യം അപകട​ക​ര​മാ​യി​രി​ക്കു​ന്നത്‌ എന്തു​കൊണ്ട്‌

അശ്ലീല​സാ​ഹി​ത്യം അശ്ലീല കടകളി​ലോ ലൈം​ഗിക പ്രദർശ​ന​ങ്ങ​ളി​ലോ മാത്ര​മാ​യി പരിമി​ത​പ്പെ​ട്ടി​രി​ക്കു​ന്നില്ല. അത്‌ പൊതു​ജ​ന​ങ്ങൾക്കി​ട​യി​ലേക്ക്‌ ഇറങ്ങി​ച്ചെ​ന്നി​രി​ക്കു​ന്നു. ഒന്നിനു പിന്നാലെ മറെറാ​രു രാജ്യത്ത്‌ അത്‌ മാസി​ക​ക​ളി​ലൂ​ടെ​യും, പത്രങ്ങ​ളി​ലൂ​ടെ​യും, പുസ്‌ത​ക​ങ്ങ​ളി​ലൂ​ടെ​യും, ടി.വി. പരിപാ​ടി​ക​ളി​ലൂ​ടെ​യും, സിനി​മ​ക​ളി​ലൂ​ടെ​യും, വീഡി​യോ​യി​ലൂ​ടെ​യും സാധാരണ പൗരൻമാ​രു​ടെ കണ്ണുകൾക്ക്‌ മുമ്പി​ലേക്ക്‌ തള്ളിവി​ട​പ്പെ​ടു​ക​യാണ്‌. ഇത്ര വ്യാപ​ക​മാ​യി​രി​ക്കുന്ന എന്തി​നെ​ങ്കി​ലും യഥാർത്ഥ​ത്തിൽ അത്ര അപകട​ക​ര​മാ​യി​രി​ക്കാൻ കഴിയു​മോ?

എന്നിരു​ന്നാ​ലും, അശ്ലീല​സാ​ഹി​ത്യം എന്നാൽ എന്താണ്‌? അശ്ലീല​സാ​ഹി​ത്യം “ലൈം​ഗിക ഉത്തേജനം ഉളവാ​ക്കാൻ ഉദ്ദേശി​ക്ക​പ്പെ​ട്ടി​ട്ടുള്ള കാമ​ചേ​ഷ്ട​യു​ടെ ചിത്രീ​കരണ”മെന്ന്‌ (ചിത്ര​ങ്ങ​ളി​ലോ ലേഖന​ങ്ങ​ളി​ലോ പോലെ) നിർവ​ചി​ക്ക​പ്പെ​ട്ടി​രി​ക്കു​ന്നു. ആ നിർവ​ചനം വ്യക്തമാണ്‌. എന്നാൽ ലൈം​ഗിക ഉത്തേജ​നത്തെ ഉണർത്തു​ന്ന​തെന്ത്‌ അല്ലാത്ത​തെന്ത്‌ എന്ന്‌ തീരു​മാ​നി​ക്കു​ന്ന​തി​ലേക്ക്‌ വരു​മ്പോൾ വാദങ്ങൾ ഉയരുന്നു. സത്യമാ​യും ഒരു പരിധി വരെ അശ്ലീല​സാ​ഹി​ത്യ​ത്തെ അതാക്കി​ത്തീർക്കു​ന്നത്‌ പ്രേക്ഷ​ക​രു​ടെ വീക്ഷണ​മാണ്‌. മററു വാക്കു​ക​ളിൽ പറഞ്ഞാൽ, ഒരാളെ ലൈം​ഗി​ക​മാ​യി ഉത്തേജി​പ്പി​ക്കു​ന്ന​താ​യി​രി​ക്കില്ല മറെറാ​രാ​ളെ ഉത്തേജി​പ്പി​ക്കു​ന്നത്‌. എന്നിരു​ന്നാ​ലും, അടുത്ത കാലത്ത്‌ ജർമ്മനി​യിൽ 5,000 പേരുടെ സർവ്വെ ചില തലങ്ങളിൽ കാമോ​ദ്ദീ​പക വസ്‌തു സ്‌ത്രീ​ക​ളും പുരു​ഷൻമാ​രും ഉൾപ്പെടെ മിക്കവാ​റും എല്ലാവ​രേ​യും ബാധി​ക്കും എന്നാണ്‌ വെളി​പ്പെ​ടു​ത്ത​പ്പെ​ട്ടത്‌.

അഭിലാ​ഷ​ങ്ങളെ ഉണർത്തു​ന്നത്‌ തെററാ​ണോ?

ഉചിത​മായ അഭിലാ​ഷ​ങ്ങളെ—ഏതു സ്വഭാ​വ​ത്തിൽ പെട്ടതും—അതിനെ ശരിയാ​യി തൃപ്‌തി​പ്പെ​ടു​ത്താ​നുള്ള മാർഗ്ഗ​മി​ല്ലെ​ങ്കിൽ ഉണർത്തു​ന്നത്‌ ബുദ്ധി​ശൂ​ന്യ​മാണ്‌. ഉദാഹ​ര​ണ​ത്തിന്‌, നിങ്ങൾക്ക്‌ അതീവ താല്‌പ​ര്യ​മുള്ള ഭക്ഷണങ്ങ​ളിൽ ഒന്ന്‌ ലഭ്യമ​ല്ലെ​ങ്കിൽ, മാസി​ക​ക​ളി​ലോ പുസ്‌ത​ക​ങ്ങ​ളി​ലോ ഉള്ള അതിന്റെ ചിത്ര​ങ്ങ​ളിൽ തുറി​ച്ചു​നോ​ക്കി​ക്കൊ​ണ്ടി​രി​ക്കു​ക​യാ​ണെ​ങ്കിൽ നിങ്ങൾക്ക്‌ മിക്കവാ​റും സംതൃ​പ്‌തി​യു​ണ്ടാ​വില്ല. നേരേ മറിച്ച്‌—ഒരുപക്ഷേ ആരോ​ഗ്യ​പ​ര​മായ കാരണ​ങ്ങ​ളാൽ—നിങ്ങൾ അത്‌ ഭക്ഷിക്കു​വാൻ അനുവ​ദി​ക്ക​പ്പെ​ട്ടി​ട്ടി​ല്ലെ​ങ്കിൽ സ്ഥിരമാ​യി അതേപ്പ​ററി ചിന്തി​ച്ചു​കൊ​ണ്ടി​രി​ക്കു​ന്നത്‌ മിക്കവാ​റും അപകട​ക​ര​മായ ലംഘന​ങ്ങ​ളി​ലേക്ക്‌ നയി​ച്ചേ​ക്കാം. സമാന​മാ​യി, പുകവലി ഉപേക്ഷി​ക്കാൻ ശ്രമി​ക്കുന്ന ഒരു വ്യക്തി മററു​ള്ളവർ പുകവ​ലി​ക്കു​ന്നത്‌ വാഞ്‌ഛ​യോ​ടെ വീക്ഷി​ച്ചു​കൊണ്ട്‌ സമയം ചെലവ​ഴി​ക്കു​ക​യാ​ണെ​ങ്കിൽ തന്റെ ഉദ്ദേശ്യം നേടു​ന്ന​തി​നുള്ള സാധ്യത ഒട്ടും വർദ്ധി​പ്പി​ക്കു​ക​യില്ല.

ലൈം​ഗി​ക അഭിലാ​ഷത്തെ സംബന്ധി​ച്ചാ​ണെ​ങ്കിൽ, ബൈബി​ളി​ന്റെ വീക്ഷണ​ത്തിൽ, സ്‌നേ​ഹ​നിർഭ​ര​മായ വിവാ​ഹ​ത്തി​നു​ള്ളിൽ അവയെ ഉചിത​മാ​യി തൃപ്‌തി​പ്പെ​ടു​ത്തു​ന്ന​തിൽ നിന്ന്‌ സന്തോഷം ഉളവാ​കു​ന്നു. (1 കൊരി​ന്ത്യർ 7:2-5; എബ്രായർ 13:4) അതു​കൊണ്ട്‌ തനിക്ക്‌ തൃപ്‌തി​പ്പെ​ടു​ത്താൻ കഴിയാത്ത അഭിലാ​ഷ​ങ്ങളെ ഒരു ഏകാകി​യായ വ്യക്തി ഉണർത്തു​ന്നത്‌ എത്രയോ ബുദ്ധി​ശൂ​ന്യ​മാണ്‌! ഇത്‌ നിരാ​ശ​യി​ലേ​ക്കോ, അതിലും വഷളായി ദിവ്യ​നി​യ​മ​ങ്ങ​ളും തത്വങ്ങ​ളും ലംഘിച്ച്‌ സ്വയം​ഭോ​ഗ​ത്തി​ലോ പരസം​ഗ​ത്തി​ലോ ആശ്രയിച്ച്‌ അവയെ തൃപ്‌തി​പ്പെ​ടു​ത്തു​ന്ന​തി​ലേ​ക്കോ മാത്രമേ നയിക്കു​ക​യു​ള്ളു.—1 തെസ്സ​ലൊ​നീ​ക്യർ 4:3-7.

നിങ്ങൾ വിവാ​ഹി​ത​നാ​ണെ​ങ്കിൽ അശ്ലീല​സാ​ഹി​ത്യം അപകട​മ​ല്ലെന്ന്‌ ഇത്‌ അർത്ഥമാ​ക്കു​ന്നു​ണ്ടോ? ഇല്ല, നടത്തയെ സംബന്ധിച്ച ആ തിരു​വെ​ഴു​ത്തു നിയമം വിവാ​ഹി​തർക്കും ബാധക​മാണ്‌. കൂടാതെ, വ്യക്തി​പ​ര​മായ ഹീനാ​ഭി​ലാ​ഷ​ങ്ങളെ തൃപ്‌തി​പ്പെ​ടു​ത്താൻ കളമൊ​രു​ക്കി​കൊണ്ട്‌ അശ്ലീല​സാ​ഹി​ത്യം സ്വാർത്ഥ​വി​കാ​ര​ങ്ങളെ പ്രചോ​ദി​പ്പി​ക്കു​ന്നു, എന്നാൽ സ്‌നേഹം ഒരുവന്റെ പങ്കാളി​യു​ടെ ആവശ്യ​ങ്ങളെ തൃപ്‌തി​പ്പെ​ടു​ത്തു​ന്ന​തിൽ കേന്ദ്രീ​ക​രി​ക്കു​ന്നു. അശ്ലീല​സാ​ഹി​ത്യം പരിഗ​ണ​ന​യി​ല്ലാ​ത്ത​തും സ്വാർത്ഥ​പ​ര​വു​മായ ലൈം​ഗി​ക​ത​യി​ലേക്ക്‌ നയിക്കു​ന്നു, അത്‌ വിവാ​ഹ​ബ​ന്ധ​ത്തി​നു​ള്ളിൽപോ​ലും അധഃപ​തി​ച്ച​തും സ്‌നേ​ഹ​ര​ഹി​ത​വു​മാ​യി​ത്തീ​രു​ന്നു.—1 കൊരി​ന്ത്യർ 13:5.

വൈവാ​ഹി​ക സ്‌നേ​ഹത്തെ ദൃഢ​പ്പെ​ടു​ത്തു​ന്ന​തി​നു പകരം അശ്ലീല​സാ​ഹി​ത്യം തരംതാ​ഴ്‌ത്തി​ക്കൊ​ണ്ടും വികൃ​ത​മാ​ക്കി​ക്കൊ​ണ്ടും അതിനെ നശിപ്പി​ക്കു​ന്നു. അശ്ലീല​സാ​ഹി​ത്യ​ത്തിൽ ചിത്രീ​ക​രി​ച്ചി​രി​ക്കുന്ന ലൈം​ഗിക ബന്ധങ്ങൾ അങ്ങേയ​ററം മോശ​മായ വിചി​ത്ര​ഭാ​വ​ന​ക​ളാണ്‌, കാരണം അത്‌ വൈവാ​ഹിക ലൈം​ഗി​ക​ബ​ന്ധ​ത്തെ​പ്പ​ററി തെററും ഹാനി​ക​ര​വു​മായ സന്ദേശ​ങ്ങ​ളാണ്‌ കൈമാ​റു​ന്നത്‌. ഇതുകൂ​ടാ​തെ, യഥാർത്ഥ-ജീവി​ത​ബ​ന്ധങ്ങൾ ലൈം​ഗി​ക​ത​യേ​ക്കാൾ വളരെ​യ​ധി​ക​മാണ്‌; അവ ആർദ്രത, രസികത, ആശയവി​നി​മയം, കരുതൽ എന്നിവ​യി​ലൂ​ടെ​യാണ്‌ പണിയ​പ്പെ​ടു​ന്നത്‌. ഇതിന്‌ വിപരീ​ത​മാ​യി, അശ്ലീല​സാ​ഹി​ത്യം വിവാഹ ദമ്പതി​കൾക്കി​ട​യിൽ അകൽച്ച ഉളവാ​ക്കുന്ന ഒന്നായി​പ്പോ​ലും തീർന്നേ​ക്കാം.

അശ്ലീല​സാ​ഹി​ത്യം വെറും സഹജവാ​സ​ന​യാൽ പ്രവർത്തി​ക്കുന്ന മൃഗങ്ങ​ളു​ടെ നിരയി​ലേക്ക്‌ മനുഷ്യ​രെ തരംതാ​ഴ്‌ത്തു​ന്നു. അത്‌ ദൈവ​ത്തി​ന്റെ ആത്മാവി​ന്റെ ഒരു ഫലമായ ആത്മനി​യ​ന്ത്ര​ണത്തെ പ്രോ​ത്സാ​ഹി​പ്പി​ക്കു​ന്നില്ല. (ഗലാത്യർ 5:22, 23) അത്‌ ലൈം​ഗിക വൈകൃ​ത​ങ്ങൾക്ക്‌ വഴി​തെ​ളി​ച്ചേ​ക്കാം. ക്രിസ്‌ത്യാ​നി​കൾ അശ്ലീല​സാ​ഹി​ത്യ​ത്തെ വെറു​ക്കേ​ണ്ട​തി​ന്റെ ഏതാനും ചില കാരണങ്ങൾ മാത്ര​മാ​ണിവ.

അതു​കൊണ്ട്‌ ബൈബി​ളി​ന്റെ ജ്ഞാനപൂർവ​ക​മായ ബുദ്ധ്യു​പ​ദേശം ഇതാണ്‌: “നിന്റെ യൗവന​ത്തി​ലെ ഭാര്യ​യിൽ സന്തോ​ഷി​ച്ചു​കൊൾക . . . മകനേ, നീ പരസ്‌ത്രീ​യേ കണ്ടു ഭ്രമി​ക്കു​ന്ന​തും അന്യസ്‌ത്രീ​യു​ടെ മാറിടം [അക്ഷരീ​യ​മാ​യോ നേരി​ട്ട​ല്ലാ​തെ അശ്ലീല​സാ​ഹി​ത്യ​ത്തി​ലൂ​ടെ​യോ] തഴുകു​ന്ന​തും എന്ത്‌?”—സദൃശ​വാ​ക്യ​ങ്ങൾ 5:15-20.

എന്നുവ​രി​കി​ലും, ഒരു വ്യക്തിക്ക്‌ അശ്ലീല​സാ​ഹി​ത്യ​ത്തി​ന്റെ പിടി​യിൽ നിന്നും മുക്തനാ​കു​ന്ന​തി​നോ അതിനെ ഒഴിവാ​ക്കു​ന്ന​തി​നോ എങ്ങനെ കഴിയും?

അതിന്റെ പിടി എങ്ങനെ വിടു​വി​ക്കാം

അശ്ലീല​സാ​ഹി​ത്യ​ത്തി​ന്റെ ആകർഷ​ണീ​യ​തയെ പ്രതി​രോ​ധി​ക്കു​ന്ന​തിന്‌ “ദുർന്ന​ടപ്പു, അശുദ്ധി, അതിരാ​ഗം . . . ഇങ്ങനെ ഭൂമി​യി​ലുള്ള നിങ്ങളു​ടെ അവയവ​ങ്ങളെ മരിപ്പി​പ്പിൻ” എന്നാണ്‌ ബൈബിൾ ബുദ്ധ്യു​പ​ദേ​ശി​ക്കു​ന്നത്‌. (കൊ​ലൊ​സ്സ്യർ 3:5) ഇവിടെ “മരിപ്പി​പ്പിൻ” എന്ന വാക്ക്‌ വ്യക്തമാ​യും ഈ അധർമ്മ​ങ്ങ​ളിൽ ഉപയോ​ഗി​ക്ക​പ്പെ​ട്ടേ​ക്കാ​വുന്ന ഏതെങ്കി​ലും ശരീരാ​വ​യ​വ​ങ്ങളെ കൊല്ലുക—വെറുതെ അമർത്തി​വെ​ക്കു​കയല്ല—എന്ന ആശയമാണ്‌ പകരു​ന്നത്‌.

എന്നിരു​ന്നാ​ലും, ഇത്‌ ആലങ്കാ​രി​ക​മായ അർത്ഥത്തിൽ വേണം മനസ്സി​ലാ​ക്കാൻ, അല്ലാതെ അക്ഷരീ​യ​മാ​യി​ട്ടല്ല. ക്രിസ്‌ത്യാ​നി​കൾ തങ്ങളുടെ ശരീര​ങ്ങളെ അംഗച്‌ഛേദം ചെയ്യാൻ പാടില്ല. നാം അനുചി​ത​മായ ലൈം​ഗിക ചിന്തകളെ ഖണ്ഡിത​മാ​യി “കൊല്ലുക”യാണെ​ങ്കിൽ കണ്ണുകൾ പോലുള്ള നമ്മുടെ ശരീരാ​വ​യ​വ​ങ്ങളെ തെററായ രീതി​യിൽ ഉപയോ​ഗി​ച്ചു​കൊണ്ട്‌ അശ്ലീല​സാ​ഹി​ത്യ​ത്തി​ന്റെ വശീക​ര​ണ​ത്തിന്‌ വഴങ്ങു​ക​യില്ല. (മത്തായി 5:29, 30 താരത​മ്യ​പ്പെ​ടു​ത്തുക.) ഈ കാരണ​ത്താൽ തെററായ അഭിലാ​ഷ​ങ്ങൾക്കു​പ​കരം “സത്യമാ​യ​തൊ​ക്കെ​യും നിർമ്മ​ല​മാ​യ​തൊ​ക്കെ​യും” പ്രതി​ഷ്‌ഠി​ക്കുക, തുടർന്ന്‌ “ഇത്‌ ഒക്കെയും ചിന്തി​ച്ചു​കൊൾവിൻ” എന്നു ബൈബിൾ ബുദ്ധി​യു​പ​ദേ​ശി​ക്കു​ന്നു.—ഫിലി​പ്പി​യർ 4:8.

മറെറ​ന്തിന്‌ നമ്മെ സഹായി​ക്കാൻ കഴിയും? പിൻവ​രു​ന്ന​തു​പോ​ലുള്ള ബൈബിൾ വാക്യങ്ങൾ മനസ്സിൽ വെക്കു​ന്ന​തി​നാൽ—ഒരുപക്ഷേ മനഃപാ​ഠ​മാ​ക്കു​ന്ന​തി​നാൽ പോലും:

“അധർമ്മത്തെ നോക്കു​ന്ന​തിൽനിന്ന്‌ എന്റെ കണ്ണുകളെ തിരി​ച്ചു​വി​ടേ​ണമേ.”—സങ്കീർത്തനം 119:37, NW.

“ജഡമോ​ഹം, കൺമോ​ഹം . . . ഇങ്ങനെ ലോക​ത്തി​ലു​ള്ള​തെ​ല്ലാം പിതാ​വിൽ നിന്നല്ല, ലോക​ത്തിൽ നിന്നത്രേ ആകുന്നു.”—1 യോഹ​ന്നാൻ 2:16.

“ഓരോ​രു​ത്തൻ പരീക്ഷി​ക്ക​പ്പെ​ടു​ന്നത്‌ സ്വന്ത​മോ​ഹ​ത്താൻ ആകർഷി​ച്ചു വശീക​രി​ക്ക​പ്പെ​ടു​ക​യാൽ ആകുന്നു. മോഹം ഗർഭം ധരിച്ചു പാപത്തെ പ്രസവി​ക്കു​ന്നു; പാപം മുഴു​ത്തിട്ട്‌ മരണത്തെ പെറുന്നു.”—യാക്കോബ്‌ 1:14, 15.

മരണത്തിൽ കൊ​ണ്ടെ​ത്തി​ക്കുന്ന പ്രതി​പ്ര​വർത്ത​ന​ശൃം​ഖല തുടങ്ങി​വെ​ക്കാൻ കഴിയുന്ന എന്തി​നെ​യും ഉചിത​മാ​യി അപകട​കരം എന്ന്‌ വിളി​ച്ചേ​ക്കാം, അശ്ലീല​സാ​ഹി​ത്യം ആ വിവര​ണ​ത്തിന്‌ യോജി​ക്കു​ന്നു! ഓർക്കുക: “ജഡത്തിൽ വിതെ​ക്കു​ന്നവൻ ജഡത്തിൽ നിന്നു നാശം കൊയ്യും; ആത്മാവിൽ വിതെ​ക്കു​ന്നവൻ ആത്മാവിൽ നിന്നു നിത്യ​ജീ​വനെ കൊയ്യും.” നിങ്ങളിൽ നിന്നും നിത്യ​ജീ​വനെ കവർന്നെ​ടു​ക്കാൻ അശ്ലീല​സാ​ഹി​ത്യ​ത്തെ അനുവ​ദി​ക്ക​രുത്‌!—ഗലാത്യർ 6:8. (g91 9/8)

[19-ാം പേജിലെ ആകർഷ​ക​വാ​ക്യം]

വൈവാഹിക സ്‌നേ​ഹത്തെ ദൃഢ​പ്പെ​ടു​ത്തു​ന്ന​തി​നു പകരം അശ്ലീല​സാ​ഹി​ത്യം അതിനെ വികൃ​ത​മാ​ക്കി​ക്കൊ​ണ്ടും തരംതാ​ഴ്‌ത്തി​ക്കൊ​ണ്ടും നശിപ്പി​ക്കു​ന്നു