ഒരു പുറ​ന്തോ​ടി​ന്റെ നിർമ്മി​തി

ഒരു ചായ​പ്പെൻസിൽ രണ്ടായി മുറി​ക്കാൻ എത്ര എളുപ്പ​മാ​ണെന്നു നിങ്ങൾ എന്നെങ്കി​ലും ശ്രദ്ധി​ച്ചി​ട്ടു​ണ്ടോ? എന്നാൽ ഇപ്പോൾ, ചുവന്ന കടൽചെ​വി​യു​ടെ പുറ​ന്തോട്‌ രണ്ടായി മുറി​ക്കാൻ ഒന്നു ശ്രമിക്കൂ. അതു പൊട്ടി​ക്കാൻ മിക്കവാ​റും ഒരു ചുററിക വേണ്ടി​വ​രും. എന്നിരു​ന്നാ​ലും, ഈ കടൽചെ​വി​കക്ക ചോക്കു​ണ്ടാ​ക്കി​യി​രി​ക്കുന്ന അതേ വസ്‌തു—കാൽസി​യം കാർബ​ണേ​ററ്‌—കൊണ്ടാണ്‌ നിർമ്മി​ക്ക​പ്പെ​ട്ടി​രി​ക്കു​ന്നത്‌. എന്നാൽ കക്ക വ്യത്യ​സ്‌ത​മായ രീതി​യിൽ സംയോ​ജി​പ്പി​ച്ചി​രി​ക്കു​ന്നു​വെ​ന്നു​മാ​ത്രം. വാസ്‌ത​വ​ത്തിൽ, പൊട്ട​ലി​നെ ചെറുത്തു നിൽക്കാൻ ചോക്കു​ചാ​യ​പ്പെൻസി​ലി​നു​ള്ള​തി​ന്റെ ഏതാണ്ട്‌ 40 മടങ്ങ്‌ ബലം അതിനു​ണ്ടാ​യി​രി​ക്കാൻത​ക്ക​വണ്ണം അത്ര വ്യത്യ​സ്‌ത​മാ​യി​ത്തന്നെ.

കക്കാ​പ്രാ​ണി നിർമ്മാ​ണ​ത്തി​ന്റെ ഈ അത്ഭുത​വി​ദ്യ സാധി​ക്കു​ന്ന​തെ​ങ്ങ​നെ​യാണ്‌? യു.എസ്‌.എ.യിൽ സീയാ​റ​റി​ലി​ലുള്ള വാഷിം​ഗ്‌ടൺ യൂണി​വേ​ഴ്‌സി​റ​റി​യി​ലെ ശാസ്‌ത്രജ്ഞർ സമു​ദ്ര​ജീ​വി​യായ ഈ ഒച്ചിന്റെ രഹസ്യ​ങ്ങ​ളിൽ ചിലതു വെളി​പ്പെ​ടു​ത്തി​യി​രി​ക്കു​ന്നു. ഈ ജീവി തട്ടം​പോ​ലുള്ള അതിന്റെ ഒററയായ പുറ​ന്തോട്‌ പുറം​ലോ​ക​ത്തു​നി​ന്നുള്ള ഒരു സംരക്ഷ​ണ​ചു​വ​രാ​യി ഉപയോ​ഗി​ക്കു​ന്നു. ബലമു​ള്ള​താ​ക്കാൻ ഈ തോട്‌ അടുക്കു​ക​ളാ​യി വളരുന്നു. പുറത്തെ അടുക്ക്‌ ഒപ്പനി​ര​പ്പി​ല്ലാ​ത്ത​തും പരുക്ക​നു​മാണ്‌. എന്നാൽ മുത്തു​ച്ചി​പ്പി​യെന്നു വിളി​ക്ക​പ്പെ​ടുന്ന അതിന്റെ അകത്തെ അടുക്കു അർദ്ധതാ​ര്യ​കാ​ന്തി​യിൽ സ്‌ഫു​രി​ക്കു​ന്ന​താണ്‌, ഇവി​ടെ​യാണ്‌ തോടി​ന്റെ ബലം സ്ഥിതി​ചെ​യ്യു​ന്നത്‌.

ഈ ആന്തരിക അടുക്കി​നു “പാളി​ക​ളാ​യുള്ള ഇഷ്ടിക​യു​ടെ​യും ചാന്തി​ന്റെ​യും ഘടനയു​ണ്ടെ”ന്നു വാഷിം​ഗ്‌ട​ണി​ലെ ശാസ്‌ത്രജ്ഞർ മനസ്സി​ലാ​ക്കി​യ​താ​യി സയൻസ്‌ ന്യൂസ്‌ കുറി​ക്കൊ​ള്ളു​ന്നു. ഒരു മൈ​ക്രോൺ (ഒരു മീററ​റി​ന്റെ പത്തുല​ക്ഷ​ത്തി​ലൊ​ന്നു) മാത്രം വീതി​യുള്ള ഈ ചെറു ഇഷ്ടികകൾ കക്കതന്നെ നിർമ്മി​ക്കുന്ന ഒരുതരം ചാന്തു​കൊ​ണ്ടു ചേർത്തു​പി​ടി​പ്പി​ച്ചി​രി​ക്ക​യാണ്‌, അതു ശാസ്‌ത്ര​ജ്ഞൻമാർ ഇപ്പോ​ഴും മനസ്സി​ലാ​ക്കാൻ ശ്രമി​ച്ചു​കൊ​ണ്ടി​രി​ക്കുന്ന ശക്തമായ ഒരു പശയാണ്‌. ഈ സൂക്ഷ്‌മ​ങ്ങ​ളായ “ഇഷ്ടിക​കളു”ടെ അടുക്കു​കൾ തൊട്ട​ടുത്ത അടുക്കു​ക​ളി​ലൂ​ടെ തെന്നി​മാ​റി​ക്കൊണ്ട്‌ ആഘാതത്തെ ആഗിരണം ചെയ്യു​ന്നു​വെന്നു ശാസ്‌ത്രജ്ഞർ പറയുന്നു. തൽസമയം, ചാന്തിന്റെ ജൈവ​അ​ടു​ക്കു​കൾ എങ്ങനെ​യോ പ്രത്യേ​ക​തരം “ബന്ധനവ​സ്‌തു​ക്കൾ” കൊണ്ടു അവി​ടെ​യു​ള​വാ​കുന്ന വിടവു​ക​ള​ട​യ്‌ക്കു​ന്നു. പൊട്ട​ലി​നെ തടയു​വാൻ ഈ പുറ​ന്തോ​ടിന്‌ മൊത്ത​ത്തിൽ അഞ്ച്‌ യാന്ത്രി​ക​പ്ര​ക്രി​യ​ക​ളു​ണ്ടാ​യി​രി​ക്കാം.

സമാന​മാ​യ സാങ്കേ​തി​ക​വി​ദ്യ ഉറപ്പുള്ള കളിമൺപാ​ത്ര​നിർമ്മാ​ണ​ത്തിൽ വികസി​പ്പി​ച്ചെ​ടു​ക്കു​ന്ന​തി​നു ശാസ്‌ത്ര​ജ്ഞൻമാർ ശ്രമി​ക്കാൻത​ക്ക​വണ്ണം കക്കയുടെ അസാമാ​ന്യ ശക്തിയുള്ള ഈ പുറ​ന്തോട്‌ അവർക്ക്‌ അത്ര ഹൃദയ​ഹാ​രി​യാ​യി​ത്തീർന്നി​രി​ക്ക​യാണ്‌. അവർ വിജയി​ച്ചാൽ തീർച്ച​യാ​യും അവരു​ടെ​മേൽ പ്രശംസ വർഷി​ക്ക​പ്പെ​ടും. അവർ ആരുടെ നിർമ്മാ​ണത്തെ അനുക​രി​ക്കാൻ പാടു​പെ​ടു​ന്നു​വോ ആ വലിയ രൂപസം​വി​ധാ​യ​കന്റെ നിരുപമ കല്‌പ​നാ​വൈ​ദ​ഗ്‌ദ്ധ്യ​ത്തിന്‌ എത്ര വിരള​മാ​യേ അവനു ബഹുമതി നൽക​പ്പെ​ടു​ന്നു​ള്ളു​വെ​ന്നത്‌ എത്രയോ സങ്കടകരം!—ഇയ്യോബ്‌ 37:14. (g91 9⁄22)