കുട്ടികൾ വിഷമ​സ​ന്ധി​യിൽ

പന്ത്രണ്ടു വയസ്സുള്ള ഒരാൺകു​ട്ടി പാറകൾ പൊട്ടി​ച്ചു​കൊണ്ട്‌ ഇൻഡ്യ​യി​ലെ ഒരു കല്ലുമ​ട​യിൽ 11 മണിക്കൂർ കഠിനാ​ദ്ധ്വാ​നം ചെയ്യുന്നു. അവനു ദിവസം 25.50 രൂപാ കിട്ടുന്നു.

പത്തു വയസ്സുള്ള ഒരു പെൺകു​ട്ടി ബാങ്കോ​ക്കി​ലെ ഒരു വേശ്യാ​ല​യ​ത്തിൽ തന്റെ ശരീരം വില്‌ക്കു​ന്നു. അവൾ അവി​ടെ​യാ​യി​രി​ക്കു​ന്നത്‌ ആഗ്രഹി​ച്ചി​ട്ടല്ല. അവളുടെ അച്ഛൻ അവളെ 400 ഡോള​റി​നു വിററു.

പത്തു വയസ്സുള്ള ഒരു കൊച്ചു യോദ്ധാവ്‌ ഒരാ​ഫ്രി​ക്കൻ ദേശത്തുള്ള റോഡി​ലെ ചെക്ക്‌പോ​സ്‌റ​റിൽ വേല ചെയ്യുന്നു. അവന്റെ തോളിൽ ഒരു മെഷീൻഗൺ തൂങ്ങി​ക്കി​ട​പ്പുണ്ട്‌; മരിജ്വാ​ന പുകച്ചു​കൊണ്ട്‌ അവൻ സമയം കൊല്ലു​ന്നു.

ഇത്തരം സാഹച​ര്യ​ങ്ങൾ വികസ്വര രാജ്യ​ങ്ങ​ളിൽ സാധാ​ര​ണ​മാണ്‌. വിഷമ​സ​ന്ധി​യി​ലാ​യി​രി​ക്കുന്ന കുട്ടികൾ ലക്ഷങ്ങളാണ്‌. എഴുപതു ലക്ഷം പേർ അഭയാർത്ഥി​ക്യാ​മ്പു​ക​ളിൽ വാടി​ത്ത​ള​രു​ന്നു; മൂന്നു കോടി പേർ ഭവനര​ഹി​ത​രാ​യി തെരു​വി​ലൂ​ടെ അലയുന്നു; 10 വയസ്സി​നും 14 വയസ്സി​നും ഇടക്കു പ്രായ​മുള്ള 8 കോടി പേർ തങ്ങളുടെ സാധാരണ വ്യക്തി​ത്വ​വി​കാ​സത്തെ മുരടി​പ്പി​ക്കു​ന്ന​തരം ജോലി​ക​ളിൽ കഠിനാ​ദ്ധ്വാ​നം ചെയ്യു​ക​യാണ്‌. ഭക്ഷണം, ശുദ്ധജലം, ആരോ​ഗ്യ​പ​രി​പാ​ലനം എന്നിവ​യു​ടെ കുറവു​മൂ​ലം ഈ പതിറ​റാ​ണ്ടിൽ പത്തു​കോ​ടി​യി​ല​ധി​കം പേർ മരണത്തെ അഭിമു​ഖീ​ക​രി​ക്കു​ക​യാണ്‌.

ഗോള​ത്തി​നു ചുററു​മുള്ള കുട്ടികൾ അഭിമു​ഖീ​ക​രി​ക്കുന്ന ഏതാനും ചില പ്രശ്‌നങ്ങൾ പരിചി​ന്തി​ക്കൂ.

രോഗം

അഞ്ചാം​പനി, വില്ലൻചുമ തുടങ്ങിയ രോഗ​ങ്ങൾക്കെ​തി​രേ കുത്തി​വ​യ്‌പെ​ടു​ക്കാ​ത്ത​തി​നാൽ ദിവസ​വും 8,000 കുട്ടികൾ മരിക്കു​ന്നു. വയറി​ള​ക്ക​ത്തി​ന്റെ ഫലമാ​യു​ണ്ടാ​കുന്ന ജലാം​ശ​ക്കു​റവു കൈകാ​ര്യം ചെയ്യേ​ണ്ടത്‌ എങ്ങനെ​യെന്നു മാതാ​പി​താ​ക്കൾക്ക​റി​യാ​ത്ത​തി​നാൽ ദിവസ​വും മറെറാ​രു 7,000-വും കൂടെ മരിക്കു​ന്നു. ശ്വസ​നേ​ന്ദ്രിയ രോഗ​സം​ക്ര​മ​ണത്തെ ചെറു​ക്കു​ന്ന​തിന്‌ ഒരു ഡോളർ വിലയ്‌ക്കുള്ള ആൻറി​ബ​യോ​ട്ടിക്ക്‌ പോലും നൽകാ​ത്ത​തി​നാൽ ദിവസ​വും മറെറാ​രു 7,000 കുട്ടി​കൾകൂ​ടെ മരിക്കു​ന്നു.

മനുഷ്യ​കു​ടും​ബത്തെ വളരെ​ക്കാ​ല​മാ​യി പ്രഹരി​ച്ചി​ട്ടുള്ള അനേകം രോഗങ്ങൾ തടയു​ന്ന​തി​നു വർഷങ്ങ​ളാ​യി മരുന്നു​ക​ളും ചികി​ത്സ​ക​ളും ലഭ്യമാ​യി​രു​ന്നി​ട്ടുണ്ട്‌. എന്നാൽ അവയുടെ ആവശ്യ​മുള്ള ലക്ഷങ്ങളു​ടെ പക്കൽ അവ എത്തി​ച്ചേർന്നി​ട്ടില്ല. ഇതിന്റെ ഫലമായി, കഴിഞ്ഞ രണ്ടു പതിറ​റാ​ണ്ടു​ക​ളിൽ വയറി​ള​ക്ക​സം​ബ​ന്ധ​വും ശ്വസ​നേ​ന്ദ്രി​യ​സം​ബ​ന്ധ​വു​മായ രോഗ​ങ്ങ​ളാൽ മാത്രം പത്തു കോടി​യോ​ളം കുട്ടികൾ മരണമ​ടഞ്ഞു. “അവസാ​ന​മാ​യി, ക്യാൻസ​റിന്‌ ഒരു പ്രതി​വി​ധി കണ്ടുപി​ടി​ച്ചു​ക​ഴി​ഞ്ഞ​തു​പോ​ലുണ്ട്‌, എന്നാൽ 20 വർഷ​ത്തോ​ളം അതുപ​യോ​ഗി​ച്ചി​ട്ടേ​യില്ല” എന്നു ലോക​ത്തി​ലെ കുട്ടി​ക​ളു​ടെ അവസ്ഥ എന്ന 1990-ലെ യുണി​സെ​ഫി​ന്റെ റിപ്പോർട്ടിൽ വിലപി​ച്ചി​രു​ന്നു.

ഈ രൂക്ഷമായ പരിതഃ​സ്ഥി​തി​യി​ലും പുരോ​ഗതി നേടി​യി​ട്ടുണ്ട്‌. ഉദാഹ​ര​ണ​ത്തിന്‌, യുണി​സെ​ഫും ഡബ്ലിയു​എച്ച്‌ഒ (ലോകാ​രോ​ഗ്യ സംഘടന)യും പ്രതി​രോ​ധ​കു​ത്തി​വ​യ്‌പി​ന്റെ ഊർജ്ജ​സ്വ​ല​മായ പ്രചാ​ര​ണ​യ​ത്‌നം നടത്തി. വാക്‌സിൻ മൂലം തടയാ​വുന്ന ആറു രോഗ​ങ്ങൾക്കെ​തി​രേ—അഞ്ചാം​പനി, ടെററ​നസ്സ്‌, തൊണ്ട​മുള്ള്‌, പിള്ളവാ​തം, ക്ഷയം, വില്ലൻചുമ—ലോക​ത്തി​ലെ 80 ശതമാനം കുട്ടി​കൾക്കു പ്രതി​രോ​ധ​ശേഷി നൽകി​യെന്നു 1991-ൽ പ്രഖ്യാ​പി​ക്ക​പ്പെട്ടു. വയറി​ള​ക്ക​സം​ബ​ന്ധ​മായ രോഗ​നി​യ​ന്ത്ര​ണ​ത്തി​നുള്ള സമാന്ത​ര​മായ ശ്രമങ്ങ​ളും​കൂ​ടെ​യാ​യ​പ്പോൾ ഇതു വർഷം​തോ​റും ലക്ഷക്കണ​ക്കി​നു കുട്ടി​ക​ളു​ടെ ജീവൻ രക്ഷിക്കു​ന്ന​തിൽ കലാശി​ച്ചു.

എന്നാൽ ഈ സമീപ​വർഷ​ങ്ങ​ളിൽ മറെറാ​രു വ്യാധി—എയിഡ്‌സ്‌—പൊട്ടി​പ്പു​റ​പ്പെ​ട്ടി​രി​ക്കു​ന്നു. ഇതു, കഴിഞ്ഞ പതിറ​റാ​ണ്ടിൽ ആഫ്രി​ക്ക​യിൽ ശിശു​ക്ക​ളു​ടെ അതിജീ​വ​ന​ത്തി​ന്റെ കാര്യ​ത്തിൽ നേടിയ സകല പുരോ​ഗ​തി​യെ​യും ഭീഷണി​പ്പെ​ടു​ത്തു​ക​യും ഒരുപക്ഷേ പിറ​കോ​ട്ട​ടി​ക്കു​ക​പോ​ലും ചെയ്‌തേ​ക്കാം. തൊണ്ണൂ​റു​ക​ളിൽ എയിഡ്‌സ്‌ മൂലം ആഫ്രി​ക്ക​യിൽമാ​ത്രം 27 ലക്ഷം യുവാക്കൾ മരി​ച്ചേ​ക്കാം. രണ്ടായി​രാ​മാ​ണ്ടോ​ടെ മദ്ധ്യാ​ഫ്രി​ക്ക​യി​ലും പൂർവ്വാ​ഫ്രി​ക്ക​യി​ലും 30മുതൽ 50വരെ ലക്ഷം കുട്ടികൾ തങ്ങളുടെ മാതാ​പി​താ​ക്കൾ എയിഡ്‌സു​മൂ​ലം മരിച്ചു​പോ​കു​മെ​ന്ന​തി​നാൽ അനാഥ​രാ​യേ​ക്കാം.

വികല​പോ​ഷ​ണം

അസ്ഥികൂ​ടം​പോ​ലുള്ള ശരീര​വും ഉന്തിയ വയറും ലക്ഷ്യമി​ല്ലാ​തെ തുറി​ച്ചു​നോ​ക്കുന്ന മങ്ങിയ കണ്ണുക​ളു​മുള്ള പട്ടിണി കിടക്കുന്ന കുട്ടി​ക​ളു​ടെ ദാരു​ണ​മായ ചിത്രങ്ങൾ നമു​ക്കെ​ല്ലാം വേദനാ​പൂർവം പരിചി​ത​മാണ്‌. മനസ്സലി​യി​ക്കുന്ന ആ ചെറു​പ്പ​ക്കാർ വികല​പോ​ഷ​ണ​മെന്ന മഞ്ഞുമ​ല​യു​ടെ അഗ്രത്തെ മാത്ര​മാണ്‌ പ്രതി​നി​ധാ​നം ചെയ്യു​ന്നത്‌. വികസ്വ​ര​ലോ​ക​ത്തു​ട​നീ​ളം ഏതാണ്ടു 17.7 കോടി​യോ​ളം കുട്ടികൾ—മൂന്നിൽ ഒന്നു—വിശന്ന്‌ ഉറങ്ങാൻ പോകു​ന്നു. അവരുടെ സംഖ്യ വർദ്ധി​ച്ചു​കൊ​ണ്ടി​രി​ക്കു​ന്നു.

തുടർച്ച​യാ​യു​ള്ള വികല​പോ​ഷണം മാനസി​ക​വും ശാരീ​രി​ക​വു​മായ പൂർണ്ണ വളർച്ച​യിൽ എത്തി​ച്ചേ​രു​ന്ന​തിൽനി​ന്നു കുട്ടി​കളെ തടയുന്നു. വികല​പോ​ഷി​ത​രായ മിക്ക കുട്ടി​ക​ളും ദുർബ​ല​രും ഉദാസീ​ന​രും തേജോ​ഹീ​ന​മായ കണ്ണുക​ളു​ള്ള​വ​രും നിരു​ത്സാ​ഹി​ത​രും ആണ്‌. പോഷി​ത​രായ കുട്ടി​ക​ളെ​ക്കാൾ അവർ കുറച്ചു​മാ​ത്രം കളിക്കു​ന്ന​വ​രും പഠനത്തിൽ കൂടുതൽ മാന്ദ്യ​മു​ള്ള​വ​രു​മാണ്‌. വർഷം​തോ​റും വികസ്വ​ര​രാ​ജ്യ​ങ്ങ​ളിൽ നടക്കുന്ന 1.4 കോടി ശിശു​മ​ര​ണ​ത്തി​ന്റെ മൂന്നി​ലൊ​ന്നിന്‌ ഇടയാ​ക്കുന്ന ഒരു മുഖ്യ ഘടകമായ രോഗ​സം​ക്ര​മ​ണ​ത്തോട്‌ അവർ കൂടുതൽ സംവേ​ദ​ക​ത്വ​മു​ള്ള​വ​രാണ്‌.

രോഗത്തെ ചെറു​ക്കാൻ ആധുനി​ക​ശാ​സ്‌ത്രം മരുന്നു​കൾ കണ്ടുപി​ടി​ച്ചി​രി​ക്കു​ന്ന​തു​പോ​ലെ​തന്നെ ഭൂമി​യി​ലുള്ള സകല​രേ​യും തീററി​പ്പോ​റ​റു​ന്ന​തിന്‌ ആവശ്യ​മാ​യ​തി​ലു​മ​ധി​കം ആഹാരം ഉത്‌പാ​ദി​പ്പി​ക്കാ​നും വിതരണം ചെയ്യാ​നും അതു സാദ്ധ്യ​മാ​ക്കി​യി​ട്ടുണ്ട്‌. എന്നാൽ വികല​പോ​ഷ​ണ​ത്തി​നു പെട്ടെ​ന്നൊ​രു പരിഹാ​ര​മില്ല. ഭക്ഷണം കയററി അയയ്‌ക്കു​ന്ന​തു​കൊ​ണ്ടോ വിററാ​മിൻ ഗുളി​ക​കൾകൊ​ണ്ടോ അതു നിർമ്മാർജ്ജനം ചെയ്യാൻ കഴിയില്ല. കടുത്ത പട്ടിണി​യി​ലും വ്യാപ​ക​മായ അവഗണ​ന​യി​ലും അശുദ്ധ​മായ ജലത്തി​ലും ആരോ​ഗ്യാ​വ​ഹ​മ​ല്ലാത്ത അവസ്ഥക​ളി​ലും ദരി​ദ്ര​ബാ​ധി​ത​പ്ര​ദേ​ശ​ങ്ങ​ളി​ലെ കൃഷി​സ്ഥ​ല​ങ്ങ​ളു​ടെ അഭാവ​ത്തി​ലു​മാണ്‌ അതിന്റെ വേരുകൾ കിടക്കു​ന്നത്‌.

പരിസ്ഥി​തി പ്രശ്‌ന​ങ്ങൾ

ആഗോള പരിസ്ഥി​തി വിഷമ​സന്ധി തീവ്ര​മാ​യി​ക്കൊ​ണ്ടി​രി​ക്കു​മ്പോൾ ഏറെ ദ്രോ​ഹി​ക്ക​പ്പെ​ടു​ന്നത്‌ കുട്ടി​ക​ളാണ്‌. വായൂ മലിനീ​ക​രണം പരിഗ​ണി​ക്കുക. വിശ്ര​മി​ക്കുന്ന ഒരു മുതിർന്ന​യാൾ ശ്വസി​ക്കു​ന്ന​തി​നോ​ടള്ള അനുപാ​ത​ത്തിൽ മൂന്നു വയസ്സിനു താഴെ​യുള്ള ഒരു കുട്ടി അതേ അവസ്ഥയിൽ ഇരട്ടി വായു ശ്വസി​ക്കു​ന്നു, അതോ​ടൊ​പ്പം ഇരട്ടി മാലി​ന്യ​വും. കുട്ടി​കൾക്ക​പ്പോ​ഴും വൃക്കക​ളോ കരളോ എൻസൈം ശൃംഖ​ല​ക​ളോ പൂർണ്ണ​മാ​യും വികാസം പ്രാപി​ച്ചി​ട്ടി​ല്ലാ​ത്ത​തി​നാൽ മുതിർന്ന​വർക്കു കഴിയു​ന്ന​തു​പോ​ലെ മലിന​വ​സ്‌തു​ക്കളെ കൈകാ​ര്യം ചെയ്യാൻ അവർക്കു കഴിയു​ന്നില്ല.

ശുദ്ധീ​ക​രി​ച്ച പെ​ട്രോ​ളി​യ​ത്തി​ലെ ഈയത്തി​ന്റെ സങ്കലി​ത​ങ്ങ​ളിൽനി​ന്നും അതു​പോ​ലെ​തന്നെ കാർബൺ മോ​ണോ​ക്‌​സൈഡ്‌, നൈ​ട്രിക്‌ ഓക്‌​സൈ​ഡു​കൾ, സൾഫർ ഡയോ​ക്‌​സൈഡ്‌ എന്നിങ്ങ​നെ​യുള്ള വാതക​ങ്ങ​ളിൽനി​ന്നും മുതിർന്ന​വ​രെ​ക്കാൾ കുട്ടി​ക​ളാണ്‌ കൂടുതൽ ദുരിതം അനുഭ​വി​ക്കു​ന്നത്‌. ശ്വസ​നേ​ന്ദ്രീയ രോഗ​സം​ക്ര​മ​ണ​ങ്ങ​ളാൽ വികസ്വ​ര​രാ​ജ്യ​ങ്ങ​ളിൽ പ്രതി​വർഷം അഞ്ചു വയസ്സിനു താഴെ​യുള്ള 42 ലക്ഷം കുട്ടി​ക​ളു​ടെ മരണത്തിന്‌ ഈ ദുരി​താ​വ​സ്ഥ​യാ​ണു നേരിട്ടു കാരണ​മാ​യി​രി​ക്കു​ന്നത്‌. അതിജീ​വ​ക​രിൽ അനേക​രും ശ്വസ​നേ​ന്ദ്രിയ രോഗ​ങ്ങ​ളോ​ടെ വളർന്നു​വ​രു​ന്നു, അത്‌ അവരുടെ ശിഷ്ടകാ​ലം മുഴുവൻ ദുരി​ത​പൂർണ്ണ​മാ​ക്കു​ന്നു.

കുട്ടികൾ പിന്നെ​യും ശാരീ​രി​ക​മാ​യി വളർന്നു​കൊ​ണ്ടി​രി​ക്കു​ന്ന​തി​നാൽ അവരാണു തക്കതല്ലാത്ത ആഹാര​ക്ര​മ​ത്തി​ന്റെ അനന്തര​ഫ​ല​ങ്ങ​ളാൽ മുതിർന്ന​വ​രെ​ക്കാൾ കൂടുതൽ ദ്രോ​ഹി​ക്ക​പ്പെ​ടു​ന്നത്‌. ഒന്നിനു​പി​റകെ മറെറാ​ന്നാ​യി സകല ദേശങ്ങ​ളി​ലും വനങ്ങൾ ശുഷ്‌ക്കി​ച്ചു​പോ​കു​മ്പോ​ഴും മരുഭൂ​മി​കൾ വളർന്നു​വ​രു​മ്പോ​ഴും അമിത​മാ​യി വേല ചെയ്യ​പ്പെ​ടുന്ന കൃഷി​യി​ട​ങ്ങ​ളിൽ മണ്ണൊ​ലി​ച്ചു​പോ​കു​മ്പോ​ഴും ഫലഭൂ​യി​ഷ്ടി കുറയു​മ്പോ​ഴും കുറേ​ശ്ശെ​കു​റേശ്ശെ ആഹാരം മാത്രം ഉത്‌പാ​ദി​പ്പി​ക്കു​മ്പോ​ഴു​മെ​ല്ലാം കുട്ടി​ക​ളാണ്‌ ഏറെ നഷ്ടമനു​ഭ​വി​ക്കു​ന്നവർ. ആഫ്രി​ക്ക​യിൽ മാത്രം 3.9 കോടി​യോ​ളം കുട്ടി​ക​ളു​ടെ വളർച്ച മോശ​മായ പോഷണം മൂലം മുരടി​ച്ചു​പോ​യി​ട്ടുണ്ട്‌.

രൂക്ഷമായ ശുദ്ധജ​ല​ക്ഷാ​മം പ്രശ്‌നം വർദ്ധി​പ്പി​ക്കു​ന്നു. വികസ്വ​ര​രാ​ജ്യ​ത്തു​ട​നീ​ളം പകുതി​ക്കു​ട്ടി​കൾക്കു​മാ​ത്രമേ ശുദ്ധമായ കുടി​വെള്ളം ലഭ്യമാ​കു​ന്നു​ള്ളൂ, അതിലും കുറച്ചു പേർക്കേ ചപ്പുച​വ​റു​കൾ നീക്കം​ചെ​യ്യു​ന്ന​തിന്‌ ആരോ​ഗ്യ​പ​രി​പാ​ല​ന​പ​ര​മായ സൗകര്യ​ങ്ങ​ളു​ള്ളൂ.

യുദ്ധം

കഴിഞ്ഞ​കാ​ല​ങ്ങ​ളിൽ, യുദ്ധത്തി​ന്റെ ഇരകളിൽ ഏറിയ​പ​ങ്കും സൈനീ​ക​രാ​യി​രു​ന്നു. മേലാൽ അങ്ങനെയല്ല. രണ്ടാം ലോക​മ​ഹാ​യു​ദ്ധം മുതൽ, വിവിധ യുദ്ധങ്ങ​ളിൽ മരിച്ചു​പോയ രണ്ടു​കോ​ടി​യു​ടെ​യും പരി​ക്കേററ ആറു​കോ​ടി​യു​ടെ​യും 80 ശതമാനം സാധാരണ ജനങ്ങളാ​യി​രു​ന്നു—ഏറിയ പങ്കും സ്‌ത്രീ​ക​ളും കുട്ടി​ക​ളും. ആയിര​ത്തി​ത്തൊ​ള്ളാ​യി​ര​ത്തി​എൺപതു​ക​ളിൽ, ഒരിക്കൽ ഇത്തരം യുദ്ധങ്ങ​ളാൽ ആഫ്രി​ക്ക​യിൽ ഓരോ മണിക്കൂ​റി​ലും 25 കുട്ടികൾ വീതം മരിക്കു​ന്നു​ണ്ടാ​യി​രു​ന്നു! അസംഖ്യം കുട്ടികൾ കൊല്ല​പ്പെ​ടു​ക​യോ, പരി​ക്കേ​ല്‌പി​ക്ക​പ്പെ​ടു​ക​യോ, ഉപേക്ഷി​ക്ക​പ്പെ​ടു​ക​യോ, അനാഥ​രാ​ക്ക​പ്പെ​ടു​ക​യോ, ബന്ദിക​ളാ​യി പിടി​ക്ക​പ്പെ​ടു​യോ ചെയ്‌തി​ട്ടുണ്ട്‌.

ഇപ്പോൾ അഭയാർത്ഥി​ക്യാ​മ്പു​ക​ളിൽ വളർന്നു​വ​രുന്ന ലക്ഷക്കണ​ക്കി​നു കുട്ടി​കൾക്കു മിക്ക​പ്പോ​ഴും വ്യക്തി​ത്വ​വും പൗരത്വ​വും അതു​പോ​ലെ​തന്നെ ആവശ്യ​ത്തി​നുള്ള ഭക്ഷണവും ആരോ​ഗ്യ​പ​രി​ര​ക്ഷ​യും വിദ്യാ​ഭ്യാ​സ​വും നിഷേ​ധി​ക്ക​പ്പെ​ടു​ക​യാണ്‌. തങ്ങൾക്കു സമൂഹ​ത്തിൽ ഒരു സ്ഥാനം നേടി​ക്കൊ​ടു​ക്കുന്ന കഴിവു​കൾ ആർജ്ജി​ക്കുക ദുഷ്‌ക്ക​ര​മെന്ന്‌ അനേകർ കണ്ടെത്തു​ന്നു.

എന്നാൽ കുട്ടികൾ യുദ്ധത്തി​ന്റെ വെറും ഇരകൾ മാത്രമല്ല; അവർ യുദ്ധത്തിൽ പോരാ​ടു​ന്ന​വ​രു​മാണ്‌. അടുത്ത വർഷങ്ങ​ളിൽ 15 വയസ്സിൽ താഴെ പ്രായ​മുള്ള 2,00,000 ചെറു​പ്പ​ക്കാ​രെ സൈന്യ​ത്തിൽ ചേർക്കു​ക​യും ആയുധം ധരിപ്പി​ക്കു​ക​യും കൊല്ലു​ന്ന​തി​നു പരിശീ​ലി​പ്പി​ക്കു​ക​യും ചെയ്‌തു. അതിൽ, മൈനു​കൾ പാകിയ പ്രദേ​ശത്തു വഴികൾ തുറക്കാ​നുള്ള ആജ്ഞകൾ അനുസ​രി​ക്കവെ ജീവനോ കൈകാ​ലു​ക​ളോ നഷ്ടപ്പെ​ട്ടവർ ഉൾപ്പെ​ടു​ന്നു.

ശിശു​ക്കളെ ചൂഷണം​ചെ​യ്യൽ

വിശപ്പ​ക​റ​റു​ന്ന​തി​നോ കടം വീട്ടു​ന്ന​തി​നോ വേണ്ടി വികസ്വ​ര​രാ​ജ്യ​ങ്ങ​ളി​ലു​ട​നീ​ളം മാതാ​പി​താ​ക്കൾ ചെറിയ തുകക്കു തങ്ങളുടെ മക്കളെ വില്‌ക്കാൻ ദാരി​ദ്ര്യം ഇടയാ​ക്കു​ന്നു. ഈ ചെറു​പ്പ​ക്കാർക്ക്‌ എന്തു സംഭവി​ക്കു​ന്നു? ചിലർ വേശ്യാ​വൃ​ത്തി​യി​ലേർപ്പെ​ടു​ന്ന​തി​നോ ദീർഘ​നേരം കഠിന​വേല ചെയ്യി​ക്കുന്ന അഴുക്കു​നി​റഞ്ഞ സ്ഥാപന​ങ്ങ​ളിൽ ദാസ്യ​വേല ചെയ്യു​ന്ന​തി​നോ നിർബ​ന്ധി​ത​രാ​കു​ന്നു. മററു ചിലരെ ഇടനി​ല​ക്കാ​രോ പാശ്ചാ​ത്യാ​ധി​ഷ്‌ഠിത ദത്തെടു​ക്കൽ ഏജൻസി​ക​ളോ 10,000 ഡോളർ വരെ വിലയ്‌ക്കു മറിച്ചു​വി​ല്‌ക്കു​ന്നു.

ശിശു​വേ​ശ്യാ​ത്വം വർദ്ധി​ക്കു​ക​യാ​ണെ​ന്നും അതിൽ തീരെ ചെറു​പ്രാ​യ​ക്കാ​രായ ആൺകു​ട്ടി​ക​ളും പെൺകു​ട്ടി​ക​ളും ഉൾപ്പെ​ടു​ന്നു​വെ​ന്നു​മാ​ണു സൂചനകൾ പ്രകട​മാ​ക്കു​ന്നത്‌. ബ്രസ്സീ​ലിൽ മാത്രം കൗമാ​ര​പ്രാ​യ​ക്കാ​രായ 5,00,000-ത്തോളം വേശ്യ​ക​ളു​ണ്ടെ​ന്നാണ്‌ കണക്കാ​ക്ക​പ്പെ​ടു​ന്നത്‌. ശിശു​ക്കളെ ഉൾപ്പെ​ടു​ത്തി​ക്കൊ​ണ്ടുള്ള അശ്ലീല​ചി​ത്രങ്ങൾ തഴയ്‌ക്കു​ക​യും അനായാ​സം ലഭ്യമാ​കുന്ന വീഡി​യോ ഉപകര​ണ​ങ്ങൾകൊണ്ട്‌ അവയ്‌ക്കു പ്രചാ​രണം നൽകു​ക​യും ചെയ്‌തി​രി​ക്കു​ന്നു.

മുൻഗ​ണ​ന​കൾ

ഈ സ്ഥിതി​വി​വ​ര​ക്ക​ണ​ക്കു​ക​ളു​ടെ പിന്നി​ലുള്ള വേദന​യും വ്യാകു​ല​ത​യും മനസ്സി​ലാ​ക്കാൻ പ്രയാ​സ​മാണ്‌. കരുണാ​പൂർവം, ലക്ഷങ്ങളു​ടെ​യോ ആയിര​ങ്ങ​ളു​ടെ​യോ കഷ്ടപ്പാ​ടു​കൾ മനസ്സി​ലാ​ക്കാൻ നമുക്കു കഴിയില്ല. എന്നുവ​രി​കി​ലും, വെറും ഒരു കുട്ടി​യു​ടെ​മാ​ത്രം—ജീവി​ക്കു​ന്ന​തി​നും അഭിവൃ​ദ്ധി​പ്പെ​ടു​ന്ന​തി​നും മററാ​രേ​യും പോലെ അവകാ​ശ​മുള്ള, ദൈവ​ത്തിന്‌ അമൂല്യ​മായ ഒരു ദേഹി​യായ, തനതായ വ്യക്തി​ത്വ​മുള്ള ഒരു വ്യക്തി​യു​ടെ​തന്നെ—കഷ്ടപ്പാ​ടോ മരണമോ നിരീ​ക്ഷി​ക്കു​ന്നത്‌ എത്രയോ ഭയങ്കര​മാ​ണെന്നു നമ്മില​നേ​കർക്കും അറിയാം.

കുട്ടി​ക​ളു​ടെ അവസ്ഥ ഇപ്പൊ​ഴത്തെ സ്ഥിതി​യി​ലാ​യി​ലി​ക്കു​ന്നത്‌ എന്തു​കൊണ്ട്‌ എന്ന സുഖക​ര​മ​ല്ലാത്ത ചോദ്യം പരിചി​ന്തി​ച്ചു​കൊണ്ട്‌ അധികം സമയം ചെലവ​ഴി​ക്കാ​തെ കുട്ടി​കൾക്കു​വേ​ണ്ടി​യുള്ള ലോക ഉച്ചകോ​ടി​യി​ലെ പ്രതി​നി​ധി​കൾ ഭാവി​യെ​ക്കു​റിച്ച്‌ ശുഭ​പ്ര​തീ​ക്ഷ​യോ​ടെ സംസാ​രി​ക്കു​ക​യും മേലാൽ ഈ സ്ഥിതി സഹിക്കു​ക​യി​ല്ലെന്നു പ്രതി​ജ്ഞ​യെ​ടു​ക്കു​ക​യും ചെയ്‌തു. അവരുടെ “കർമ്മപ​രി​പാ​ടി”യിൽ 2000-ാമാ​ണ്ടോ​ടെ നിറ​വേ​റ​റു​മെന്നു തീരു​മാ​നി​ച്ച​വ​യിൽ മററു​ള്ള​വ​യോ​ടൊ​പ്പം പിൻവ​രു​ന്ന​വ​യും ഉൾപ്പെ​ടു​ന്നു:

◻ അഞ്ചു വയസ്സിനു താഴെ​യുള്ള കുട്ടി​ക​ളു​ടെ 1990-ലെ മരണനി​രക്കു മൂന്നി​ലൊ​ന്നാ​യി കുറയ്‌ക്കുക.

◻ അഞ്ചു വയസ്സിനു താഴെ​യുള്ള കുട്ടി​ക​ളു​ടെ​യി​ട​യി​ലെ രൂക്ഷമാ​യ​തും സാമാ​ന്യ​മാ​യ​തു​മായ വികല​പോ​ഷ​ണത്തെ 1990-ലെ നിരക്കി​ന്റെ പകുതി​യാ​യി കുറയ്‌ക്കുക.

◻ ലോക​ത്തി​നു മുഴുവൻ കുടി​വെ​ള്ള​വും വിസർജ്ജ്യ​വ​സ്‌തു​ക്കൾ നീക്കം ചെയ്യാ​നുള്ള ആരോ​ഗ്യ​പ​രി​പാ​ല​ന​പ​ര​മായ മാർഗ്ഗ​ങ്ങ​ളും ലഭ്യമാ​ക്കുക.

◻ അങ്ങേയ​ററം കുഴപ്പം പിടിച്ച സാഹച​ര്യ​ങ്ങ​ളിൽ, പ്രത്യേ​കി​ച്ചും യുദ്ധത്തിൽ അകപ്പെ​ട്ടു​പോ​യി​രി​ക്കുന്ന കുട്ടി​കളെ സംരക്ഷി​ക്കുക.

ആയിര​ത്തി​തൊ​ള്ളാ​യി​ര​ത്തി​ത്തൊ​ണ്ണൂ​റു​ക​ളിൽ 5 കോടി കുട്ടി​ക​ളു​ടെ മരണം ഒഴിവാ​ക്കാൻ സഹായി​ക്കുന്ന ലക്ഷ്യങ്ങൾ നടപ്പാ​ക്കാ​നുള്ള പദ്ധതി​ക​ളു​ടെ ചെലവു പ്രതി​വർഷം 250 കോടി ഡോള​റാ​ണെന്നു കണക്കാ​ക്കി​യി​രി​ക്കു​ന്നു.

ആഗോള നിരക്കു​ക​ളിൽ അതൊരു വലിയ സംഖ്യയല്ല. ഒരു വർഷം അമേരി​ക്കൻ കമ്പനികൾ സിഗര​റ​റി​ന്റെ പരസ്യ​ത്തി​നാ​യി 250 കോടി ഡോളർ ചെലവ​ഴി​ക്കു​ന്നുണ്ട്‌. ഒരു ദിവസം സൈന്യ​ത്തി​നു​വേണ്ടി ലോകം 250 കോടി ഡോളർ ചെലവാ​ക്കു​ന്നുണ്ട്‌.

ഇപ്പോ​ഴ​ത്തെ സൈനി​ക​ച്ചെ​ല​വു​കൾ—വർഷം​തോ​റും 10 ലക്ഷം കോടി​യെന്നു ഐക്യ​രാ​ഷ്‌ട്രങ്ങൾ ശ്രദ്ധാ​പൂ​വ്വം കണക്കാ​ക്കി​യി​രി​ക്കു​ന്നു—മനുഷ്യ​വർഗ്ഗ​ത്തി​ലെ ദരി​ദ്ര​പ​കു​തി​യു​ടെ മൊത്ത​മുള്ള വരുമാ​ന​ത്തെ​യും കവിയു​ന്നു. ഉച്ചകോ​ടി​യു​ടെ ലക്ഷ്യങ്ങ​ളി​ലേ​ക്കുള്ള പുരോ​ഗതി ത്വരി​ത​പ്പെ​ടു​ത്താൻ ഈ വലിയ തുകയു​ടെ അഞ്ചുശ​ത​മാ​നം​പോ​ലും തിരി​ച്ചു​വി​ട്ടാൽ മതിയാ​കു​മാ​യി​രു​ന്നു. ഉദാഹ​ര​ണ​ത്തിന്‌, ഒരൊററ F/A-18 യുദ്ധവി​മാ​ന​ത്തി​ന്റെ വില (മൂന്നു കോടി ഡോള​റി​നു മേൽ) മാരക​മായ വ്യാധി​കൾക്കെ​തി​രെ 40 കോടി കുട്ടി​കളെ സംരക്ഷി​ക്കു​ന്ന​തി​നാ​വ​ശ്യ​മായ വാക്‌സി​നി​ന്റെ വിലയ്‌ക്കു തുല്യ​മാണ്‌.

ഉച്ചകോ​ടി​യി​ലെ പ്രൗഢ​മായ ലക്ഷ്യങ്ങൾ പ്രാപി​ക്കാൻ രാഷ്‌ട്ര​ങ്ങൾക്കു കഴിവുണ്ട്‌. അവർക്ക്‌ അറിവുണ്ട്‌, സാങ്കേ​തി​ക​വി​ദ്യ​യുണ്ട്‌, പണവു​മുണ്ട്‌. എന്നാൽ അവർ നേടു​മോ? എന്ന ചോദ്യം അവശേ​ഷി​ക്കു​ന്നു. (g92 12⁄8)

[6-ാം പേജിലെ ചതുരം/ചിത്രം]

വികലപോഷണത്തോടു പോരു​തൽ

മാതാപിതാക്കൾ അറിഞ്ഞി​രി​ക്കേണ്ട ആറു സംഗതി​കൾ

1. ഒരു ശിശു​വി​ന്റെ ജീവി​ത​ത്തി​ലെ ആദ്യത്തെ നാലു​മാ​സം​മു​തൽ ആറു മാസം​വരെ സാദ്ധ്യ​മാ​കു​ന്ന​തിൽ വച്ചേറ​റ​വും നല്ല ആഹാരം മുലപ്പാൽ മാത്ര​മാണ്‌. അതു പരിപൂർണ്ണ പോഷണം പ്രദാനം ചെയ്യു​ക​യും സാധാ​ര​ണ​മായ രോഗ​സം​ക്ര​മ​ണ​ത്തി​നെ​തി​രെ ശിശു​വി​നെ പ്രതി​രോ​ധ​ശേ​ഷി​യു​ള്ള​താ​ക്കു​ക​യും ചെയ്യുന്നു.

2. നാലു​മാ​സം​മു​തൽ ആറുമാ​സം​വരെ പ്രായ​മാ​കു​മ്പോൾ ശിശു​വി​നു മററ്‌ ആഹാര​ങ്ങ​ളും ആവശ്യ​മാണ്‌. ഇതിലും നേരത്തെ കട്ടിയുള്ള ആഹാരം കൊടു​ത്തു തുടങ്ങു​ന്നത്‌ രോഗ​സം​ക്ര​മ​ണ​ത്തി​നുള്ള അപകടം വർദ്ധി​പ്പി​ക്കും; അവ വൈകി നൽകി​ത്തു​ട​ങ്ങി​യാൽ അതു വികല​പോ​ഷ​ണ​ത്തി​ലേക്കു നയിക്കും.

3. മൂന്നു വയസ്സിനു താഴെ​യുള്ള കുട്ടിക്കു ഒരു മുതിർന്ന​യാൾ കഴിക്കു​ന്ന​തി​ന്റെ ഇരട്ടി തവണക​ളി​ലാ​യി ആഹാരം നൽകണം, ഊർജ്ജം കൂടു​ത​ല​ട​ങ്ങി​യത്‌ കുറഞ്ഞ അളവു​ക​ളി​ലാ​യി​ത്തന്നെ.

4. കുട്ടിക്ക്‌ അസുഖ​മോ വയറി​ള​ക്ക​മോ ആയിരി​ക്കു​മ്പോൾ ഭക്ഷണവും പാനീ​യ​വും കൊടു​ക്കു​ന്നതു നിർത്ത​രുത്‌.

5. ഒരസു​ഖ​ത്തി​നു​ശേഷം, നഷ്ടപ്പെട്ട വളർച്ച വീണ്ടെ​ടു​ക്കു​ന്ന​തിന്‌ ഒരാഴ്‌ച​ത്തേ​യ്‌ക്കു ദിവസ​വും ഒരു നേരത്തെ ഭക്ഷണം അധികം ആവശ്യ​മാണ്‌.

6. ജനനങ്ങൾ തമ്മിലുള്ള അകലം കുറഞ്ഞതു രണ്ടു വർഷ​മെ​ങ്കി​ലും ഉണ്ടായി​രി​ക്കു​ന്നത്‌ അമ്മയു​ടെ​യും ശിശു​വി​ന്റെ​യും പോഷ​ക​പ​ര​മായ ആരോ​ഗ്യ​ത്തിന്‌ അത്യാ​വ​ശ്യ​മാണ്‌.

[കടപ്പാട്‌]

ഉറവിടം: കുട്ടി​കൾക്കാ​യുള്ള ഐക്യ​രാ​ഷ്‌ട്ര​ങ്ങ​ളു​ടെ ഫണ്ട്‌

UNICEF/C/91/ Roger Lemoyne

[5-ാം പേജിലെ ചിത്രം]

വികസ്വരലോകത്തെ പകുതി കുട്ടി​കൾക്കു​മാ​ത്രമേ ശുദ്ധമായ കുടി​വെള്ളം ലഭ്യമാ​യി​രി​ക്കു​ന്നു​ള്ളൂ

[കടപ്പാട്‌]

UNICEF/3893/89/ Maggie Murray-Lee

[7-ാം പേജിലെ ചിത്രം]

തനതായ വ്യക്തി​ത്വ​മുള്ള, ഓരോ ശിശു​വും ദൈവ​ത്തിന്‌ അമൂല്യ​മാണ്‌; മററാ​രേ​യും​പോ​ലെ അവർക്കും പുഷ്ടി​പ്പെ​ടാ​നുള്ള അവകാ​ശ​മുണ്ട്‌

[കടപ്പാട്‌]

Photo: Cristina Solé/Godo-Foto

7