കുട്ടി​കളെ രക്ഷിക്കാ​നുള്ള ശ്രമങ്ങൾ

“ഓരോ കുട്ടി​ക്കും ഒരു മെച്ചപ്പെട്ട ഭാവി നൽകാൻ കൂട്ടായ ഒരു യജ്ഞം ഏറെറ​ടു​ക്കു​ന്ന​തി​നും ലോക​മെ​മ്പാ​ടും അടിയ​ന്തി​ര​മായ ഒരു ആഹ്വാനം നടത്തു​ന്ന​തി​നും കുട്ടി​കൾക്കാ​യുള്ള ഈ ലോക ഉച്ചകോ​ടി​യിൽ നാം കൂടി​വ​ന്നി​രി​ക്കു​ന്നു.”—ഐക്യ​രാ​ഷ്‌ട്ര കോൺഫ​റൻസ്‌, 1990.

ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂറ്‌ സെപ്‌റ​റം​ബർ 29-നും 30-നും ന്യൂ​യോർക്ക്‌ നഗരത്തിൽ, ലോക​ത്തി​ലെ കുട്ടി​ക​ളു​ടെ ശോച്യാ​വ​സ്ഥ​യെ​ക്കു​റി​ച്ചു ചർച്ച ചെയ്യാൻ 70-ലധികം രാജ്യ​ങ്ങ​ളിൽനി​ന്നുള്ള പ്രസി​ഡൻറു​മാ​രും പ്രധാ​ന​മ​ന്ത്രി​മാ​രും ഒന്നിച്ചു​കൂ​ടി.

രഹസ്യ​മാ​യി വയ്‌ക്ക​പ്പെട്ട ഒരു ആഗോള ദുരന്ത​ത്തി​ലേക്ക്‌, കുട്ടി​ക​ളു​ടെ ശോച​നീ​യ​മായ കഷ്ടപ്പാ​ടി​ലേക്ക്‌ ഈ ചർച്ചാ​സ​മ്മേ​ളനം അന്തർദേ​ശീയ ശ്രദ്ധ കേന്ദ്രീ​ക​രി​ച്ചു. ഐക്യ​നാ​ടു​ക​ളു​ടെ പ്രതി​നി​ധി​യായ പീററർ ററീലീ ഇപ്രകാ​രം ചൂണ്ടി​ക്കാ​ട്ടി: “പുള്ളി​ക്കു​ത്തു​ക​ളുള്ള 40,000 മൂങ്ങകൾ ദിവസേന ചത്തിരു​ന്നെ​ങ്കിൽ, പ്രക്ഷോ​പ​മു​ണ്ടാ​യേനെ. എന്നാൽ 40,000 കുട്ടി​ക​ളാ​ണു മരിക്കു​ന്നത്‌, അതു ഗൗനി​ക്ക​പ്പെ​ടു​ന്നു​മില്ല.”

അടിയ​ന്തി​ര​മാ​യി എന്തെങ്കി​ലും ചെയ്‌തേ​തീ​രൂ എന്നതി​നോ​ടു സമ്മേളിച്ച എല്ലാ ഗവൺമെൻറ്‌ തലവൻമാ​രും യോജി​ച്ചു. അവർ “കുട്ടി​ക​ളു​ടെ അവകാ​ശങ്ങൾ, അവരുടെ അതിജീ​വനം, സംരക്ഷണം, അഭിവൃ​ദ്ധി എന്നിവ​യ്‌ക്കു മുന്തിയ പരിഗണന നൽകാൻ ദൃഢ പ്രതിജ്ഞ” ചെയ്‌തു. വ്യക്തമായ ഏതെല്ലാം നിർദേ​ശ​ങ്ങ​ളാണ്‌ അവർ മുന്നോ​ട്ടു വച്ചത്‌?

തുലാ​സ്സിൽ തൂങ്ങുന്ന അഞ്ചു​കോ​ടി​യി​ല​ധി​കം കുരു​ന്നു​ജീ​വി​തങ്ങൾ

1990-കളിൽ മരിക്കാ​നി​ട​യുള്ള അഞ്ചു കോടി​യി​ല​ധി​കം കുട്ടി​കളെ രക്ഷിക്കുക എന്നതാ​യി​രു​ന്നു പ്രാഥ​മിക ഉദ്ദേശ്യം. പിൻവ​രുന്ന ആരോ​ഗ്യ​ന​ട​പ​ടി​കൾ നടപ്പാ​ക്കു​ക​വഴി ഈ ഇളംജീ​വി​ത​ങ്ങ​ളി​ല​നേ​ക​വും രക്ഷപെ​ടു​ത്താൻ കഴിയും.

● വികസ്വര രാജ്യ​ങ്ങ​ളി​ലുള്ള എല്ലാ അമ്മമാ​രെ​ക്കൊ​ണ്ടും ചുരു​ങ്ങി​യത്‌ ആറു മാസ​ത്തേ​ക്കെ​ങ്കി​ലും തങ്ങളുടെ കുട്ടി​കൾക്കു മുല കൊടു​പ്പി​ക്കാൻ കഴിഞ്ഞാൽ, വർഷം​തോ​റും 10 ലക്ഷം കുട്ടികൾ രക്ഷപെ​ടും.

● വായി​ലൂ​ടെ​യുള്ള റീ​ഹൈ​ഡ്രേഷൻ ചികിത്സ (ഓആർററി) വ്യാപ​ക​മാ​യി ഉപയോ​ഗി​ക്കു​ന്ന​പക്ഷം പ്രതി​വർഷം 40 ലക്ഷം കുട്ടി​ക​ളു​ടെ ജീവ​നൊ​ടു​ക്കുന്ന വയറി​ളക്കം നിമി​ത്ത​മുള്ള മരണം പകുതി​കണ്ട്‌ കുറയ്‌ക്കാ​നാ​കും.a

● അഞ്ചാം​പനി, ടെററ​നസ്‌, ന്യൂ​മോ​ണിയ തുടങ്ങിയ രോഗങ്ങൾ മുഖാ​ന്ത​ര​മു​ണ്ടാ​കുന്ന ലക്ഷക്കണ​ക്കി​നു മരണങ്ങൾ, പ്രതി​രോ​ധ​മ​രു​ന്നു​കൾ വ്യാപ​ക​മാ​യി കുത്തി​വെ​ച്ചും ചെലവു​കു​റഞ്ഞ ആൻറി​ബ​യോ​ട്ടിക്‌ മരുന്നു​കൾ ഉപയോ​ഗി​ച്ചും തടയാ​വു​ന്ന​താണ്‌.

അത്തരം ആരോ​ഗ്യ​പ​രി​പാ​ടി പ്രാ​യോ​ഗി​ക​മാ​ണോ? ഈ പതിറ​റാ​ണ്ടി​ന്റെ ഒടുവിൽ എത്തു​മ്പോ​ഴേ​ക്കും ഒരു വർഷം ചെലവ്‌ ഏതാണ്ട്‌ ഇരുന്നൂ​റ​റ​മ്പതു കോടി ഡോള​റി​ലെ​ത്തും. ആഗോ​ള​മായ അളവു​ക​ളിൽ നോക്കി​യാൽ ഈ പണവ്യയം ചെറു​താ​യി​രി​ക്കും. അമേരി​ക്കൻ പുകയില കമ്പനികൾ ഓരോ വർഷവും സിഗര​ററ്‌ പരസ്യ​ത്തി​നു വേണ്ടി മാത്രം അത്രയും പണം ചെലവാ​ക്കു​ന്നു. ലോക​രാ​ഷ്‌ട്രങ്ങൾ അത്രയും തുക ഓരോ ദിവസ​വും സൈനിക ചെലവു​കൾക്കാ​യി ധൂർത്ത​ടി​ക്കു​ന്നു. അപകട​ത്തി​ലായ കുട്ടി​ക​ളു​ടെ ആരോ​ഗ്യ​ത്തി​നു വേണ്ടി അത്തരം ഫണ്ടുകൾ ഏറെ മെച്ചമാ​യി ഉപയോ​ഗി​ക്കാൻ കഴിയു​മോ? കുട്ടി​ക​ളു​ടെ അവകാ​ശങ്ങൾ സംബന്ധിച്ച ഐക്യ​രാ​ഷ്‌ട്ര പ്രഖ്യാ​പനം, “നൽകേണ്ട ഉത്തമമായ സംഗതി നൽകാൻ മനുഷ്യ​വർഗം ഒരു കുട്ടി​യോ​ടു കടപ്പെ​ട്ടി​രി​ക്കു​ന്നു” എന്നു പ്രസ്‌താ​വി​ക്കു​ന്നു.

തീർച്ച​യാ​യും, “ഓരോ കുട്ടി​ക്കും ഒരു മെച്ചപ്പെട്ട ഭാവി” കൊടു​ക്കു​ന്ന​തിൽ അകാല​മ​ര​ണ​ത്തിൽനിന്ന്‌ അവരെ രക്ഷിക്കു​ന്ന​തി​നെ​ക്കാ​ള​ധി​കം ഉൾപ്പെ​ടു​ന്നു. കുട്ടി​ക്കാല വികല​പോ​ഷണം തടയാ​നുള്ള കേന്ദ്ര​ത്തി​ന്റെ പ്രസി​ഡൻറായ സാൻഡ്ര ഹഫ്‌മൻ ടൈം മാഗസി​നിൽ, “ഓആർററി വയറി​ള​ക്കത്തെ തടയു​ന്നില്ല, മരിക്കാ​തി​രി​ക്കാൻ അതു കുട്ടി​കളെ സഹായി​ക്കുക മാത്രമേ ചെയ്യു​ന്നു​ള്ളൂ” എന്നു വിശദീ​ക​രി​ക്കു​ന്നു. “നാം ഇപ്പോൾ ചെയ്യേ​ണ്ടി​യി​രി​ക്കു​ന്നത്‌ ഈ രോഗത്തെ തടയാൻ നമുക്കു കഴിയുന്ന വിധത്തിൽ ശ്രദ്ധ കേന്ദ്രീ​ക​രി​ക്കു​ക​യാണ്‌, അല്ലാതെ കേവലം മരണത്തി​ലല്ല” എന്ന്‌ അവർ കൂട്ടി​ച്ചേർക്കു​ന്നു.

ലക്ഷോ​പ​ല​ക്ഷം കുട്ടി​ക​ളു​ടെ ജീവനെ രക്ഷിക്കു​ന്നതു കൂടാതെ അതിനെ മെച്ച​പ്പെ​ടു​ത്തു​ക​യും ചെയ്യു​ന്ന​തിന്‌ വെല്ലു​വി​ളി​പ​ര​മായ ലക്ഷ്യങ്ങ​ളുള്ള അനവധി പരിപാ​ടി​കൾ തുടങ്ങി​യി​ട്ടുണ്ട്‌. (6-ാം പേജിലെ ചതുരം കാണുക.) ഇവയിൽ ഒരു പരിപാ​ടി​യും നടപ്പാ​ക്കുക അത്ര എളുപ്പമല്ല.

നടന്നെ​ത്താ​വുന്ന അകലത്തിൽ ശുദ്ധജലം

തന്റെ കുടും​ബ​ത്തി​ലേക്കു വെള്ളം കൊണ്ടു​വ​രാൻ ഫെലി​ഷീയ ഓണൂ ദിവസ​വും അഞ്ചു മണിക്കൂർ ചെലവ​ഴി​ച്ചി​രു​ന്നു. അവൾ വീട്ടിൽ കൊണ്ടു​വന്ന വെള്ളം മിക്ക​പ്പോ​ഴും മലിന​മാ​യി​രു​ന്നു. (അത്തരം വെള്ളത്തി​ലൂ​ടെ​യാണ്‌ ഗിനി വിര വരുത്തുന്ന രോഗ​ബാധ ഉണ്ടാകു​ന്നത്‌. വ്യാപ​ക​മാ​യി വയറി​ളക്കം ഉണ്ടാകാൻ ഇത്‌ ഇടയാ​ക്കു​ക​യും ചെയ്യുന്നു.) എന്നാൽ 1984-ൽ കിഴക്കൻ നൈജീ​രി​യ​യി​ലെ ഊഗ്വു​ള​ങ്വൂ എന്ന അവളുടെ ഗ്രാമ​ത്തിൽ ഒരു കിണർ കുഴിച്ചു, കൈ​കൊ​ണ്ടു പ്രവർത്തി​പ്പി​ക്കാ​വുന്ന ഒരു പമ്പും സ്ഥാപി​ക്ക​പ്പെട്ടു.

ഇപ്പോൾ ശുദ്ധജലം കിട്ടാൻ അവൾക്ക്‌ നൂറി​ല​ധി​കം മീററർ ദൂരം മാത്രം നടന്നാൽ മതി. ആരോ​ഗ്യ​വാൻമാ​രായ കുട്ടി​ക​ളുള്ള അവളുടെ ജീവിതം ആയാസ​ര​ഹി​ത​മാ​യി​ത്തീർന്നി​രി​ക്കു​ന്നു. 1980-കളിൽ ഫെലി​ഷീ​യ​യെ​പ്പോ​ലുള്ള 100 കോടി​യി​ല​ധി​കം പേർക്ക്‌ ശുദ്ധജലം കിട്ടു​ന്ന​തി​നുള്ള സൗകര്യം ലഭിച്ചു. എന്നാൽ ഇപ്പോ​ഴും ലക്ഷക്കണ​ക്കി​നു സ്‌ത്രീ​ക​ളും കുട്ടി​ക​ളും ബക്കററു​ക​ളു​മേന്തി ദിവസ​വും നീണ്ട മണിക്കൂ​റു​കൾ ചെലവ​ഴി​ക്കു​ന്നു. പാശ്ചാത്യ നാട്ടിലെ ഒരു സാധാരണ കക്കൂസിൽ സാധാരണ ഒഴിച്ചു​ക​ള​യുന്ന വെള്ളത്തി​ലും കുറച്ച​ളവു മാത്രമേ അവയി​ലു​ള്ളൂ.

വിദ്യാ​ഭ്യാ​സ​ത്തി​ലെ ഉയർച്ച​യും താഴ്‌ച​യും

മാക്‌സി​മീ​നോ, കൊളം​ബി​യ​യിൽനിന്ന്‌ അകലെ​യുള്ള ഒരു ഒററപ്പെട്ട സ്ഥലത്തു താമസി​ക്കുന്ന മിടു​ക്ക​നായ ഒരു 11 വയസ്സു​കാ​ര​നാണ്‌. വിളകൾ പരിപാ​ലി​ക്കാൻ അവൻ ദിവസ​വും അനേകം മണിക്കൂ​റു​കൾ തന്റെ പിതാ​വി​നെ സഹായി​ക്കു​ന്നുണ്ട്‌, എന്നിട്ടും അവൻ സ്‌കൂ​ളിൽ നല്ലവണ്ണം പഠിക്കു​ന്നു. അവൻ ഒരു എസ്‌ക്വേ​ലാ ന്യൂഏ​വ​യിൽ അഥവാ പുതിയ സ്‌കൂ​ളിൽ പോകു​ന്നു. ആ സ്‌കൂ​ളിന്‌, കുട്ടികൾ ഏതാനും ദിവസം സ്‌കൂ​ളിൽ വരാതി​രു​ന്നാൽ—പ്രത്യേ​കി​ച്ചും വിള​വെ​ടു​പ്പു​കാ​ലത്തു കുട്ടികൾ സ്‌കൂ​ളിൽ വരാതി​രി​ക്കു​ന്നത്‌ ഒരു സാധാരണ സംഭവ​മാണ്‌—വിട്ടു​പോയ ഭാഗങ്ങൾ പഠിക്കാൻ അവരെ സഹായി​ക്കു​ന്ന​തിന്‌ ആസൂ​ത്രണം ചെയ്‌തി​ട്ടുള്ള ഒരു പരിപാ​ടി​യുണ്ട്‌. മാക്‌സി​മീ​നോ​യി​ലെ സ്‌കൂ​ളിൽ അധ്യാ​പകർ വളരെ കുറവാണ്‌. പാഠപു​സ്‌ത​കങ്ങൾ വേണ്ട​ത്ര​യില്ല. തങ്ങൾക്കു മനസ്സി​ലാ​കാത്ത കാര്യ​ങ്ങ​ളിൽ അന്യോ​ന്യം സഹായി​ക്കാൻ കുട്ടികൾ പ്രോ​ത്സാ​ഹി​പ്പി​ക്ക​പ്പെ​ടു​ന്നു. സ്‌കൂൾ നടത്തി​ക്കൊ​ണ്ടു​പോ​കു​ന്ന​തിൽ ഉൾപ്പെ​ട്ടി​രി​ക്കുന്ന വേലയി​ല​ധി​ക​വും നിർവ​ഹി​ക്കു​ന്നത്‌ അവരാണ്‌. ദരിദ്ര ഗ്രാമീണ സമുദാ​യ​ങ്ങ​ളി​ലെ ആളുക​ളു​ടെ ആവശ്യ​ങ്ങളെ നേരി​ടാൻ പ്രത്യേ​കം തയ്യാറാ​ക്കിയ ഈ നൂതന സമ്പ്രദാ​യം മററ​നേകം രാജ്യ​ങ്ങ​ളി​ലും പരീക്ഷി​ച്ചു​നോ​ക്കി വരുന്നു.

കൊളം​ബി​യ​യിൽനിന്ന്‌ ആയിര​ക്ക​ണ​ക്കി​നു കിലോ​മീ​ററർ അകലെ​യുള്ള ഒരു വലിയ ഏഷ്യൻ നഗരത്തി​ലാ​ണു മെലിൻഡാ എന്നു പേരുള്ള സമർഥ​യായ ഒരു 11 വയസ്സു​കാ​രി താമസി​ക്കു​ന്നത്‌. നഗരത്തി​ലെ ഒരു വൻ ചപ്പുച​വറു കൂമ്പാ​ര​ത്തിൽനി​ന്നു ലോഹ​ക്ക​ഷ​ണ​ങ്ങ​ളും പ്ലാസ്‌റ​റി​ക്കും പെറു​ക്കി​യെ​ടു​ക്കാൻ ദിവസ​വും 12 മണിക്കൂർ ചെലവ​ഴി​ക്കാൻ വേണ്ടി അവൾ അടുത്ത​കാ​ലത്തു പഠനം നിർത്തി. “ദിവസ​വും ഒരു നേരത്തെ ആഹാര​മെ​ങ്കി​ലും കഴിക്കാൻ ഞങ്ങൾക്കു കഴി​യേ​ണ്ട​തിന്‌ എന്റെ പിതാ​വി​നെ സഹായി​ക്കാൻ ഞാനാ​ഗ്ര​ഹി​ക്കു​ന്നു. ഞാൻ അദ്ദേഹത്തെ തുണച്ചി​ല്ലെ​ങ്കിൽ, ഞങ്ങളുടെ ഭക്ഷണകാ​ര്യം അവതാ​ള​ത്തി​ലാ​യതു തന്നെ” എന്നു മെലിൻഡാ പറയുന്നു. നന്നായി പണിയുള്ള ഒരു ദിവസം​പോ​ലും അവൾ വീട്ടിൽ കൊണ്ടു​വ​രു​ന്നത്‌ ഏതാണ്ട്‌ 10 രൂപ മാത്ര​മാണ്‌.

ആരോ​ഗ്യ​പ്ര​വർത്ത​ക​രായ കുട്ടികൾ

ഇന്ത്യയി​ലെ ബോംബെ നഗരത്തി​ന്റെ പ്രാന്ത​പ്ര​ദേ​ശ​ത്തുള്ള ഒരു ചേരി​പ്പ​ട്ട​ണ​ത്തി​ന്റെ പേരാണ്‌ മാൽവണി. അവിടെ രോഗം ദീർഘ​കാ​ലം പടർന്നു​പി​ടി​ച്ചി​രു​ന്നു. ഒടുവിൽ, നീത്തു​വി​നെ​യും ആസിസി​നെ​യും പോലുള്ള ഊർജ​സ്വ​ല​രായ ആരോ​ഗ്യ​പ്ര​വർത്ത​ക​രു​ടെ പ്രയത്‌ന​ത്താൽ ഇപ്പോൾ കാര്യങ്ങൾ മെച്ച​പ്പെ​ട്ടു​വ​രു​ന്നു. കൊച്ചു​കു​ട്ടി​കൾക്ക്‌ പ്രതി​രോ​ധ​കു​ത്തി​വ​യ്‌പ്‌ എടുത്തി​ട്ടു​ണ്ടോ​യെന്ന്‌ അല്ലെങ്കിൽ അവർക്ക്‌ വയറി​ള​ക്ക​മോ ചൊറി​യോ വിളർച്ച​യോ ഉണ്ടോ​യെ​ന്ന​റി​യാൻ അവർ കുടും​ബങ്ങൾ സന്ദർശി​ക്കു​ന്നു. നീത്തു​വി​നും ആസിസി​നും 11 വയസ്സേ ഉള്ളൂ. അഞ്ചു വയസ്സിനു താഴെ പ്രായ​മുള്ള കുട്ടി​ക​ളു​ടെ ആരോ​ഗ്യ​സ്ഥി​തി തിട്ട​പ്പെ​ടു​ത്താൻ മുതിർന്ന കുട്ടികൾ നിയമി​ക്ക​പ്പെ​ടുന്ന ഒരു പരിപാ​ടി​യിൽ പ്രവർത്തി​ക്കാൻ സ്വമേ​ധയാ ഇറങ്ങി​ത്തി​രി​ച്ച​വ​രാണ്‌ അവർ. നീത്തു​വി​ന്റെ​യും ആസിസി​ന്റെ​യും ശ്രമങ്ങൾ നിമിത്തം—അവരെ​പ്പോ​ലെ​തന്നെ ഡസ്സൻ കണക്കിനു മററു കുട്ടി​ക​ളു​ടെ ശ്രമങ്ങ​ളും നിമിത്തം—മാൽവ​ണി​യി​ലെ മിക്കവാ​റും എല്ലാ കുട്ടി​കൾക്കും പ്രതി​രോധ കുത്തി​വ​യ്‌പെ​ടു​ത്തി​ട്ടുണ്ട്‌. വായി​ലൂ​ടെ​യുള്ള റീ​ഹൈ​ഡ്രേഷൻ ചികിത്സ നടത്താൻ മിക്ക മാതാ​പി​താ​ക്കൾക്കു​മ​റി​യാം, പൊതു​വേ​യുള്ള ശുചി​ത്വ​വും മെച്ച​പ്പെ​ട്ടി​ട്ടുണ്ട്‌.

സർവസാ​ധാ​ര​ണ​മായ രോഗ​ങ്ങൾക്കെ​തി​രെ കൊച്ചു​കു​ട്ടി​കൾക്ക്‌ പ്രതി​രോധ കുത്തി​വ​യ്‌പെ​ടു​ക്കാൻ ലോക​മെ​മ്പാ​ടും വമ്പിച്ച ശ്രമങ്ങൾ നടത്തി​വ​രു​ന്നു. (8-ാം പേജിലെ ചാർട്ട്‌ കാണുക.) ബംഗ്ലാ​ദേശ്‌ അവിടത്തെ ശിശു​ക്ക​ളിൽ 70 ശതമാ​ന​ത്തി​നും പ്രതി​രോധ കുത്തി​വ​യ്‌പ്‌ എടുത്തു​ക​ഴി​ഞ്ഞു. 95 ശതമാ​ന​ത്തി​ല​ധി​കം കുട്ടി​കൾക്കു ചൈന പ്രതി​രോധ കുത്തി​വ​യ്‌പ്‌ നൽകി​യി​രി​ക്കു​ന്നു. 90 ശതമാനം എന്ന ലക്ഷ്യം ആർജി​ക്കാൻ ഓരോ വികസ്വര രാജ്യ​ത്തി​നും കഴിഞ്ഞാൽ, അതിന്റെ ഫലമായി കൂട്ടമാ​യുള്ള പ്രതി​രോ​ധ​ശേഷി ഉണ്ടാകു​മെന്ന്‌ ആരോഗ്യ വിദഗ്‌ധർ വിശ്വ​സി​ക്കു​ന്നു. വൻഭൂ​രി​പ​ക്ഷ​ത്തി​നും പ്രതി​രോധ കുത്തി​വ​യ്‌പു നടത്തി​ക്ക​ഴി​യു​മ്പോൾ രോഗം പകരാൻ കൂടുതൽ വിഷമ​മാണ്‌.

ദാരി​ദ്ര്യം, യുദ്ധം, എയ്‌ഡ്‌സ്‌

എന്നിരു​ന്നാ​ലും, ആരോഗ്യ പരിപാ​ല​ന​ത്തി​ലും വിദ്യാ​ഭ്യാ​സ​ത്തി​ലും പുരോ​ഗ​തി​യു​ള്ള​പ്പോൾത്തന്നെ മററു പ്രശ്‌നങ്ങൾ എന്നത്തേ​യും പോലെ ആഴത്തിൽ വേരു​റ​ച്ച​താ​യി​ത്തന്നെ നില​കൊ​ള്ളു​ന്നു എന്നതാണ്‌ ദുഃഖ​ക​ര​മായ യാഥാർഥ്യം. നിയ​ന്ത്രി​ക്കാൻ അങ്ങേയ​ററം പ്രയാ​സ​മേ​റിയ സംഗതി​ക​ളിൽ മൂന്നെണ്ണം ദാരി​ദ്ര്യ​വും യുദ്ധവും എയ്‌ഡ്‌സു​മാണ്‌.

സമീപ വർഷങ്ങ​ളിൽ ലോക​ത്തി​ലെ ദരി​ദ്ര​രായ ആളുകൾ കൂടുതൽ ദരി​ദ്ര​രാ​യി​ത്തീർന്നു​കൊ​ണ്ടാ​ണി​രു​ന്നി​ട്ടു​ള്ളത്‌. കഴിഞ്ഞ ദശകത്തിൽ ആഫ്രി​ക്ക​യു​ടെ​യും ലാററി​ന​മേ​രി​ക്ക​യു​ടെ​യും ദരിദ്ര ഭാഗങ്ങ​ളി​ലെ യഥാർഥ വരുമാ​നം 10 ശതമാ​ന​മോ അതിൽക്കൂ​ടു​ത​ലോ കണ്ട്‌ താഴ്‌ന്നി​രി​ക്കു​ന്നു. തങ്ങളുടെ കുട്ടി​കൾക്കു സമീകൃത ആഹാരം നൽകാൻ പോലും ഈ രാജ്യ​ങ്ങ​ളി​ലുള്ള മാതാ​പി​താ​ക്കൾക്കു കഴിയു​ന്നില്ല. അവിട​ങ്ങ​ളിൽ കുടും​ബ​വ​രു​മാ​ന​ത്തി​ന്റെ 75 ശതമാ​ന​വും ആഹാര​ത്തി​നു വേണ്ടി​യാ​ണു ചെലവ​ഴി​ക്ക​പ്പെ​ടു​ന്നത്‌.

പ്രാ​ദേ​ശി​ക ആരോഗ്യ ക്ലിനി​ക്കിൽവച്ചു ഗ്രേയ്‌സി​നോട്‌ ഇപ്രകാ​രം പറയ​പ്പെട്ടു, ‘കുട്ടി​കൾക്ക്‌ പച്ചക്കറി​ക​ളും വാഴപ്പ​ഴ​ങ്ങ​ളും കൊടു​ക്കുക.’ എന്നാൽ പൂർവാ​ഫ്രി​ക്ക​യിൽ വസിക്കുന്ന, പത്തു മക്കളുടെ അമ്മയായ ഗ്രേയ്‌സിന്‌ ഭക്ഷണത്തി​നുള്ള പണമില്ല. കുടും​ബ​ത്തി​ന്റെ കാൽ ഏക്കർ [0.1 ഹെക്ടർ] വരുന്ന സ്ഥലത്ത്‌ ആ വിളകൾ വളർത്തു​ന്ന​തിന്‌ മതിയായ വെള്ളം​പോ​ലും അവൾക്കില്ല. ധാന്യ​വും ബീൻസും കഴിക്കു​ക​യ​ല്ലാ​തെ യാതൊ​രു നിർവാ​ഹ​വു​മി​ല്ലാത്ത അവർക്കു ചില​പ്പോൾ വിശപ്പ​നു​ഭ​വി​ക്കേണ്ടി വരുന്നു. ഇപ്പോ​ഴത്തെ പ്രവണ​തകൾ തുടരു​ക​യാ​ണെ​ങ്കിൽ, ഗ്രേയ്‌സി​ന്റെ​യും അവളെ​പ്പോ​ലെ​ത​ന്നെ​യുള്ള ലക്ഷക്കണ​ക്കി​നു മററു​ള്ള​വ​രു​ടെ​യും അവസ്ഥ മെച്ച​പ്പെ​ടാൻ സാധ്യ​ത​യില്ല.

ഗ്രേയ്‌സി​ന്റെ മക്കൾ ദരി​ദ്ര​രാ​ണെ​ങ്കി​ലും തെക്കു​കി​ഴക്കേ ഏഷ്യയി​ലെ എട്ടു വയസ്സു​കാ​ര​നായ കിം സിങ്ങി​നെ​ക്കാ​ളും മെച്ചപ്പെട്ട ജീവി​ത​മാണ്‌ അവർക്കു​ള്ളത്‌. സഹോ​ദ​രങ്ങൾ തമ്മിലുള്ള ഒരു ആഭ്യന്തര കലഹത്തിൽ കിമിന്റെ പിതാവ്‌ കൊല്ല​പ്പെട്ടു, തത്‌ഫ​ല​മാ​യി അവന്റെ മാതാവ്‌ പട്ടിണി​മൂ​ലം മരിച്ചു. വികല​പോ​ഷണം കൊണ്ട്‌ മരണത്തി​ന്റെ വക്കി​ലെ​ത്തിയ കിം സിങ്‌ ഒരു അഭയാർഥി ക്യാമ്പിൽ ശരണം പ്രാപി​ച്ചു. ലോക​ത്തി​നു ചുററു​മുള്ള അഭയാർഥി ക്യാമ്പു​ക​ളിൽ വലയുന്ന 50 ലക്ഷം കുട്ടി​ക​ളിൽ അനേക​രും സമാന​മായ യാതനകൾ അനുഭ​വി​ച്ചി​ട്ടുണ്ട്‌.

ഈ നൂററാ​ണ്ടി​ന്റെ ആരംഭ​ത്തിൽ, യുദ്ധത്തിൽ കൊല്ല​പ്പെ​ടു​ന്ന​വ​രിൽ വെറും 5 ശതമാനം മാത്രമേ സാധാരണ ജനങ്ങളു​ണ്ടാ​യി​രു​ന്നു​ള്ളൂ. എന്നാൽ ഇപ്പോൾ ആ സംഖ്യ 80 ശതമാ​ന​മാ​യി കുതി​ച്ചു​യർന്നി​രി​ക്കു​ന്നു. യുദ്ധത്തി​ന്റെ ഈ ഇരകളി​ല​ധി​ക​വും സ്‌ത്രീ​ക​ളോ കുട്ടി​ക​ളോ ആണ്‌. ശാരീ​രി​ക​മായ അപകട​ത്തിൽനി​ന്നു രക്ഷപെ​ടു​ന്നവർ അപ്പോ​ഴും വൈകാ​രി​ക​മാ​യി കഷ്ടമനു​ഭ​വി​ച്ചേ​ക്കാം. തെക്കേ മധ്യാ​ഫ്രി​ക്ക​യി​ലുള്ള ഒരു ബാല അഭയാർഥി ഇപ്രകാ​ര​മാ​ണു പറയു​ന്നത്‌: “എന്റെ അമ്മ കൊല്ല​പ്പെട്ട വിധം എനിക്കു മറക്കാ​നാ​കു​ന്നില്ല. അവർ എന്റെ അമ്മയെ കടന്നു​പി​ടിച്ച്‌ ഹീനമായ കാര്യങ്ങൾ ചെയ്‌തു. പിന്നീട്‌ അവർ അമ്മയെ കെട്ടി​യിട്ട്‌ കത്തിക്കു കുത്തി. . . . ചില​പ്പോൾ ആ രംഗം ഞാൻ സ്വപ്‌നം കാണാ​റുണ്ട്‌.”

ഓരോ രാജ്യ​ങ്ങ​ളി​ലാ​യി അക്രമാ​സ​ക്ത​മായ പോരാ​ട്ടങ്ങൾ തുടർന്നും ഉണ്ടായി​ക്കൊ​ണ്ടി​രി​ക്കെ, കുട്ടികൾ യുദ്ധ​ക്കെ​ടു​തി​കൾ തുടർന്നും അനുഭ​വി​ക്കേ​ണ്ടി​വ​രു​മെ​ന്നത്‌ ഒഴിച്ചു​കൂ​ടാ​നാ​വാത്ത ഒരു സംഗതി​യാ​യി തോന്നു​ന്നു. മാത്രമല്ല, അന്തർദേ​ശീയ സംഘർഷ​വും പോരാ​ട്ട​ങ്ങ​ളിൽ നേരിട്ട്‌ ഉൾപ്പെ​ടാത്ത കുട്ടി​കൾക്ക്‌ ഹാനി വരുത്തു​ന്നു. നല്ല വിദ്യാ​ഭ്യാ​സം, ആരോ​ഗ്യ​ര​ക്ഷാ​പ​രി​പാ​ടി​കൾ, ആരോ​ഗ്യ​പ​രി​പാ​ലനം തുടങ്ങി​യ​വ​യ്‌ക്കാ​യി ഉപയോ​ഗി​ക്കാൻ കഴിയുന്ന ഭീമമായ തുകകൾ സൈന്യം വിഴു​ങ്ങു​ന്നു. വ്യാവ​സാ​യിക രാഷ്‌ട്ര​ങ്ങ​ളു​ടെ ലോക സൈനിക ചെലവ്‌ മനുഷ്യ​വർഗ​ത്തി​ലെ ഏററവും ദരി​ദ്ര​രായ ആളുക​ളിൽ പകുതി പേരുടെ മൊത്തം വാർഷിക വരുമാ​നത്തെ കവിയു​ന്നു. ലോക​ത്തി​ലെ ഏററവും ദരി​ദ്ര​രായ 46 രാജ്യങ്ങൾ പോലും, അവ ആരോ​ഗ്യ​ത്തി​നും വിദ്യാ​ഭ്യാ​സ​ത്തി​നും ഉപയോ​ഗി​ക്കുന്ന അത്രയും​തന്നെ പണം യുദ്ധയ​ന്ത്ര​ങ്ങൾക്കാ​യി ചെലവാ​ക്കു​ന്നു.

ദാരി​ദ്ര്യ​വും യുദ്ധവും കൂടാതെ, ലോക​ത്തി​ലെ കുട്ടി​കളെ വേട്ടയാ​ടുന്ന മറെറാ​രു കൊല​യാ​ളി​യുണ്ട്‌. 1980-കളിൽ അഞ്ചാം​പനി, ടെററ​നസ്‌, വയറി​ളക്കം എന്നിവ​ക്കെ​തി​രെ​യുള്ള പോരാ​ട്ട​ത്തിൽ ശ്രദ്ധേ​യ​മായ പുരോ​ഗതി കൈവ​രി​ക്കാൻ കഴിഞ്ഞു, എന്നാലതാ, ആരോ​ഗ്യ​സം​ബ​ന്ധ​മായ മറെറാ​രു പേടി​സ്വ​പ്‌നം ഉദയം ചെയ്‌തു: എയ്‌ഡ്‌സ്‌. 2000 എന്ന വർഷമാ​കു​മ്പോ​ഴേ​ക്കും ഒരു കോടി കുട്ടി​കൾക്ക്‌ ഈ രോഗം പിടി​പെ​ടു​മെന്ന്‌ ലോകാ​രോ​ഗ്യ​സം​ഘടന കണക്കാ​ക്കു​ന്നു. അവരിൽ മിക്കവ​രും തങ്ങളുടെ രണ്ടാം പിറന്നാൾ കാണു​ക​യില്ല, അവരി​ലാ​രും​തന്നെ അഞ്ചു വർഷത്തി​ല​ധി​കം ജീവി​ക്കു​ക​യു​മില്ല. “പെട്ടെ​ന്നു​തന്നെ എന്തെങ്കി​ലും ചെയ്‌തി​ല്ലെ​ങ്കിൽ, കഴിഞ്ഞ 10 വർഷമാ​യി കുട്ടി​ക​ളു​ടെ അതിജീ​വ​ന​ത്തിൽ നാം കൈവ​രി​ച്ചി​ട്ടുള്ള സകല പുരോ​ഗ​തി​യും തുടച്ചു​നീ​ക്കു​മെന്ന്‌ എയ്‌ഡ്‌സ്‌ ഭീഷണി​പ്പെ​ടു​ത്തു​ന്നു” എന്ന്‌ ഹെയ്‌റ​റി​യി​ലെ ഒരു ശിശു​രോ​ഗ​വി​ദ​ഗ്‌ധ​നായ റജിനാൾഡ്‌ ബൂലോസ്‌ വിലപി​ക്കു​ന്നു.

ഹ്രസ്വ​മാ​യ ഈ അവലോ​ക​ന​ത്തിൽനി​ന്നും ശ്ലാഘനീ​യ​മായ ചില നേട്ടങ്ങൾ ഉണ്ടെങ്കിൽപ്പോ​ലും ‘ഓരോ കുട്ടി​ക്കും ഒരു മെച്ചപ്പെട്ട ഭാവി കൊടു​ക്കുക’യെന്ന ലക്ഷ്യം ബൃഹത്തായ ഒരു ജോലി​യാ​യി നില​കൊ​ള്ളു​ന്നു എന്ന കാര്യം വ്യക്തമാണ്‌. ആ സ്വപ്‌നം ഒരു നാൾ സഫലമാ​കു​മെന്നു വിശ്വ​സി​ക്കാൻ എന്തെങ്കി​ലും പ്രത്യാ​ശ​യു​ണ്ടോ?

[അടിക്കു​റി​പ്പു​കൾ]

[6-ാം പേജിലെ ചതുരം]

’90-കളി​ലേ​ക്കുള്ള ലക്ഷ്യങ്ങൾകു​ട്ടി​കളെ രക്ഷിക്കാ​നുള്ള വെല്ലു​വി​ളി

കുട്ടി​കൾക്കു വേണ്ടി​യുള്ള ലോക ഉച്ചകോ​ടി​യിൽ പങ്കെടുത്ത രാഷ്‌ട്രങ്ങൾ വ്യക്തമായ ഒട്ടനവധി പ്രതി​ബ​ദ്ധ​തകൾ ഏറെറ​ടു​ത്തു. 2000 എന്ന വർഷമാ​കു​മ്പോ​ഴേ​ക്കും നേടി​യെ​ടു​ക്കാൻ അവർ ആഗ്രഹി​ക്കു​ന്നത്‌ ഇതാണ്‌.

പ്രതി​രോധ കുത്തി​വ​യ്‌പ്‌. ഇപ്പോ​ഴത്തെ പ്രതി​രോധ കുത്തി​വ​യ്‌പു പരിപാ​ടി​കൾ വർഷം​തോ​റും 30 ലക്ഷം കുട്ടി​കളെ രക്ഷപെ​ടു​ത്തു​ന്നു. എന്നാൽ വേറെ 20 ലക്ഷം പേർ ഇപ്പോ​ഴും മരിച്ചു​കൊ​ണ്ടി​രി​ക്കു​ക​യാണ്‌. സർവസാ​ധാ​ര​ണ​മായ രോഗ​ങ്ങൾക്കെ​തി​രെ ലോക​ത്തി​ലെ കുട്ടി​ക​ളിൽ 90 ശതമാ​ന​ത്തി​നോ അതില​ധി​കം പേർക്കോ പ്രതി​രോധ കുത്തി​വ​യ്‌പെ​ടു​ക്കു​ന്ന​തു​വഴി ഈ മരണങ്ങ​ളിൽ ഭൂരി​ഭാ​ഗ​വും ഒഴിവാ​ക്കാ​വു​ന്ന​താണ്‌.

വിദ്യാ​ഭ്യാ​സം. 1980-കളിൽ ലോക​ത്തി​ലെ ഏററവും ദരി​ദ്ര​മായ അനവധി രാജ്യ​ങ്ങ​ളിൽ സ്‌കൂൾ പ്രവേ​ശനം കുറഞ്ഞു​വന്നു. ആ പ്രവണ​തക്കു മാററം വരുത്തു​ക​യും ഈ പതിറ​റാ​ണ്ടി​ന്റെ അവസാ​ന​മാ​കു​മ്പോ​ഴേ​ക്കും ഓരോ കുട്ടി​ക്കും സ്‌കൂ​ളിൽ പോകാ​നുള്ള അവസരം ഉറപ്പു​വ​രു​ത്തു​ക​യും ചെയ്യുക എന്നതാണു ലക്ഷ്യം.

വികല​പോ​ഷണം. “ശരിയായ നയങ്ങളു​ള്ള​പക്ഷം, . . . ലോക​ത്തി​ലെ എല്ലാ കുട്ടി​ക​ളെ​യും പോഷി​പ്പി​ക്കാ​നും ഏററവും മോശ​മാ​യ​തരം വികല​പോ​ഷ​ണ​ത്തെ​പ്പോ​ലും അതിജീ​വി​ക്കാ​നു​മുള്ള ഒരു സ്ഥാനത്താണ്‌ ലോകം ഇപ്പോൾ.” ഇങ്ങനെ വിശ്വ​സി​ക്കു​ന്നത്‌ യുനി​സെഫ്‌ ഉദ്യോ​ഗ​സ്‌ഥൻമാ​രാണ്‌. ഈ ശതകത്തിൽ വികല​പോ​ഷി​ത​രായ കുട്ടി​ക​ളു​ടെ എണ്ണം പകുതി​യാ​യി കുറയ്‌ക്കാ​നുള്ള നിർദേ​ശങ്ങൾ മുന്നോ​ട്ടു​വെ​ക്കു​ക​യു​ണ്ടാ​യി. അത്തര​മൊ​രു നേട്ടം പത്തു കോടി കുട്ടി​കളെ കടുത്ത ദാരി​ദ്ര്യ​ത്തിൽനി​ന്നു രക്ഷിക്കും.

ശുദ്ധജ​ല​വും ആരോ​ഗ്യ​ര​ക്ഷാ​പ​രി​പാ​ടി​ക​ളും. 1987-ൽ ബ്രൂണ്ട്‌ലാൽ റിപ്പോർട്ട്‌ ഇപ്രകാ​രം വിശദീ​ക​രി​ച്ചു: “വികസ്വ​ര​രാ​ജ്യ​ങ്ങ​ളിൽ, സമീപ​ത്തുള്ള ടാപ്പു​ക​ളു​ടെ എണ്ണം മിക്കവാ​റും ആശുപ​ത്രി കിടക്ക​ക​ളു​ടെ എണ്ണത്തെ​ക്കാൾ ഒരു ജനസമു​ദാ​യ​ത്തി​ന്റെ ആരോ​ഗ്യം സംബന്ധിച്ച ഒരു നല്ല സൂചന​യാണ്‌.” ഇപ്പോൾ 100 കോടി​യി​ല​ധി​ക​മാ​ളു​കൾക്ക്‌ ശുദ്ധജലം ലഭ്യമല്ല. ഏതാണ്ട്‌ അതിന്റെ രണ്ടിര​ട്ടി​യോ​ള​മാ​ളു​കൾക്ക്‌ വിസർജ്യ​ങ്ങൾ മറവു ചെയ്യാ​നുള്ള സൗകര്യ​ങ്ങ​ളില്ല. സുരക്ഷി​ത​മായ കുടി​വെ​ള്ള​വും മനുഷ്യ​വി​സർജ്യം കളയാ​നുള്ള സൗകര്യ​ങ്ങ​ളും എല്ലാവർക്കും നൽകുക എന്നതാണ്‌ ലക്ഷ്യം.

സംരക്ഷണം. കഴിഞ്ഞ ദശകത്തിൽ, 50 ലക്ഷം കുട്ടി​കൾക്കു പരി​ക്കേൽക്കാ​നും അവർ മരിക്കാ​നും യുദ്ധങ്ങൾ കാരണ​മാ​യി​രി​ക്കു​ന്നു. വേറെ ഒരു 50 ലക്ഷം കുട്ടികൾ ഭവനര​ഹി​ത​രാ​യി​ത്തീർന്നു. ഈ അഭയാർഥി​കൾക്കും അതു​പോ​ലെ​തന്നെ തെരുവു കുട്ടി​കൾക്കും ബാല​തൊ​ഴി​ലാ​ളി​കൾക്കും അടിയ​ന്തി​ര​മാ​യി സംരക്ഷണം ആവശ്യ​മാണ്‌. ഇപ്പോൾ നൂറി​ല​ധി​കം രാജ്യങ്ങൾ അംഗീ​ക​രിച്ച്‌ അനുവ​ദി​ച്ചി​രി​ക്കുന്ന കുട്ടി​ക​ളു​ടെ അവകാ​ശങ്ങൾ സംബന്ധിച്ച കൺ​വെൻ​ഷൻ അക്രമ​ത്തിൽനി​ന്നും ചൂഷണ​ത്തിൽനി​ന്നും ഈ കുട്ടി​കളെ സംരക്ഷി​ക്കാൻ ശ്രമി​ക്കു​ന്നു.

[7-ാം പേജിലെ ചാർട്ട്‌]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

ശിശുമരണങ്ങളുടെ മുഖ്യ കാരണങ്ങൾ

(അഞ്ചു വയസ്സിൽ താഴെ​യുള്ള കുട്ടികൾ)

ഓരോ വർഷവും ലക്ഷക്കണ​ക്കിന്‌ മരണങ്ങൾ (1990-ലെ കണക്കുകൾ):

5.1 ലക്ഷം വില്ലൻചു​മ

7.9 ലക്ഷം നവജാത ശിശു​ക്കൾക്കു​ണ്ടാ​കുന്ന ടെററ​നസ്‌

10.0 ലക്ഷം മലമ്പനി

15.2 ലക്ഷം അഞ്ചാം​പ​നി

22.0 ലക്ഷം മററു ശ്വസ​നേ​ന്ദ്രിയ രോഗങ്ങൾ

40.0 ലക്ഷം വയറി​ള​ക്ക​രോ​ഗം

42.0 ലക്ഷം മററു കാരണങ്ങൾ

ഉറവിടം: ഡബ്ലിയു​എ​ച്ച്‌ഒ​യും യുനി​സെ​ഫും

[8-ാം പേജിലെ ചാർട്ട്‌]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

വികസ്വര രാജ്യ​ങ്ങ​ളി​ലെ കുട്ടി​കൾക്കു നടത്തുന്ന പ്രതി​രോധ കുത്തി​വ​യ്‌പി​ലെ പുരോ​ഗതി 1980 -1988

പ്രതിരോധമരുന്ന്‌ നൽകിയ ഒരു വയസ്സിനു താഴെ​യുള്ള കുട്ടി​ക​ളു​ടെ ശതമാനം

വർഷങ്ങൾ

1980 1988

ഡിപിററി3* 24% 66%

പോളിയോ 20% 66%

ക്ഷയം 29% 72%

അഞ്ചാംപനി 15% 59%

* ഡിപിററി3: തൊണ്ട​മുള്ള്‌, വില്ലൻചുമ (നിലങ്കാ​ര​ച്ചുമ), ടെററ​നസ്‌ ഇവ മൂന്നി​നും കൂടി​യുള്ള പ്രതി​രോ​ധ​മ​രു​ന്നു നൽകൽ

ഉറവിടം: ഡബ്ലിയു​എ​ച്ച്‌ഒ​യും യുനി​സെ​ഫും (1980-ലെ കണക്കു​ക​ളിൽ ചൈന ഉൾപ്പെ​ടു​ന്നില്ല)

[4-ാം പേജിലെ ചിത്ര​ത്തിന്‌ കടപ്പാട്‌]

Photo: Godo-Foto