ലോകത്തെ വീക്ഷിക്കൽ

ഹൃദ്‌രോ​ഗ​ത്തിന്‌ ഒടു​ക്കേ​ണ്ടി​വ​രുന്ന വില

ലോക​വ്യാ​പക മരണങ്ങ​ളിൽ ഏകദേശം നാലി​ലൊ​ന്നിന്‌ ഇടയാ​ക്കുന്ന ഹൃദയ​സം​ബ​ന്ധ​മായ രോഗ​ങ്ങ​ളാണ്‌ (CVD) മനുഷ്യ​വർഗ്ഗ​ത്തി​ന്റെ ഏററവും വലിയ കൊലയാളികൾ. WHO (ലോകാരോഗ്യ സംഘടന) 1992-ൽ പ്രസി​ദ്ധ​പ്പെ​ടു​ത്തിയ 1991 വേൾഡ്‌ ഹെൽത്ത്‌ സ്‌ററാ​റ​റി​സ്‌റ​റി​ക്‌സ്‌ ആനുവൽ അപ്രകാ​രം പ്രസ്‌താ​വി​ക്കു​ന്നു. ആയിര​ത്തി​തൊ​ള്ളാ​യി​രത്തി എൺപതു​ക​ളിൽ ഒരു ശ്രദ്ധേ​യ​മായ കുറവു കണ്ടെങ്കി​ലും ആസ്‌​ട്രേ​ലിയ, കാനഡ, ജപ്പാൻ, ഐക്യ​നാ​ടു​കൾ എന്നിങ്ങ​നെ​യുള്ള വികസിത രാഷ്‌ട്ര​ങ്ങ​ളിൽ CVD മൊത്തം മരണങ്ങ​ളു​ടെ ഏതാണ്ടു പകുതി​ക്കും കാരണ​മാ​കു​ന്നു. വികസ്വ​ര​രാ​ഷ്‌ട്ര​ങ്ങ​ളിൽ മൊത്തം മരണങ്ങ​ളു​ടെ 16 ശതമാനം മാത്രമേ CVD നിമി​ത്ത​മു​ണ്ടാ​കു​ന്നു​ള്ളു. എന്നിരുന്നാലും, WHO പറയു​ന്ന​ത​നു​സ​രിച്ച്‌, “പ്രത്യ​ക്ഷ​പ്പെ​ട്ടു​കൊ​ണ്ടി​രി​ക്കുന്ന ഒരു പകർച്ച​വ്യാ​ധി​യു​ടെ ലക്ഷണങ്ങ​ളുണ്ട്‌ . . . CVD വികസ്വ​ര​ലോ​ക​ത്തി​ന്റെ എല്ലാ ഭാഗങ്ങ​ളി​ലും വർദ്ധി​ച്ചു​വ​രു​ന്നു.”

അസഹി​ഷ്‌ണു​ത​യുള്ള അയൽക്കാർ

നിങ്ങളു​ടെ തൊട്ട​ടുത്ത്‌ ആർ താമസി​ക്കു​ന്ന​താ​ണു നിങ്ങൾക്ക്‌ ഒട്ടും ഇഷ്ടമി​ല്ലാ​ത്തത്‌? പൊതു​ഭ​യ​ങ്ങ​ളും മുൻവി​ധി​ക​ളും കണ്ടുപി​ടി​ക്കാ​നുള്ള ഒരു ശ്രമത്തിൽ യൂറോ​പ്യൻ മൂല്യ​വ്യ​വസ്ഥാ പഠനവി​ഭാ​ഗം ആ ചോദ്യം 14 രാജ്യ​ങ്ങ​ളി​ലെ 20,000 വ്യക്തി​ക​ളോ​ടു ചോദി​ച്ചു. അറിയ​പ്പെ​ടു​ന്ന​ത​നു​സ​രിച്ച്‌, പോർട്ടു​ഗൽ ഏററവും കുറച്ചു സഹിഷ്‌ണു​ത​യുള്ള രാജ്യ​മാ​യി​രി​ക്കെ, “ഏററവും സഹിഷ്‌ണു​ത​യുള്ള രാഷ്‌ട്രം ഡെൻമാർക്കാണ്‌” എന്നു ദി യൂറോ​പ്യൻ കുറി​ക്കൊ​ള്ളു​ന്നു. വളരെ​യ​ധി​കം കത്തോ​ലി​ക്ക​രുള്ള ഇററലി, സ്‌പെ​യിൻ, അയർലണ്ട്‌ തുടങ്ങിയ രാജ്യ​ങ്ങ​ളി​ലെ ആളുകൾ എയ്‌ഡ്‌സ്‌ രോഗ​മുള്ള അയൽക്കാ​രോട്‌ ഏററവു​മ​ധി​കം വിരോ​ധം പുലർത്തി, എന്നാൽ ബെൽജി​യം​കാർ വർഗ്ഗീ​യ​വും മതപര​വു​മാ​യി കൂടുതൽ അസഹി​ഷ്‌ണുത പ്രകട​മാ​ക്കി. ജർമ്മനി​യി​ലു​ള്ളവർ അയൽക്കാ​രെ​ന്ന​നി​ല​യിൽ രാഷ്‌ട്രീയ തീവ്ര​വാ​ദി​ക​ളോ​ടു വെറു​പ്പു​ള്ള​വ​രാ​യി​രു​ന്നു. അസഹി​ഷ്‌ണു​ത​യു​ടെ കാര്യ​ത്തിൽ പുരു​ഷൻമാ​രും സ്‌ത്രീ​ക​ളും വ്യത്യാ​സ​മൊ​ന്നും പ്രകട​മാ​ക്കി​യില്ല. എന്നാൽ എല്ലാ രാജ്യ​ങ്ങ​ളി​ലും ഒരു ഘടകം അസഹി​ഷ്‌ണു​ത​യോ​ടു ബന്ധപ്പെ​ട്ടി​രി​ക്കു​ന്ന​താ​യി തോന്നി—പ്രായം. പ്രായ​മു​ള്ളവർ പൊതു​വെ ആരെ അയൽക്കാ​രാ​യി ആഗ്രഹി​ക്കു​ന്നു എന്നതിൽ കൂടുതൽ സൂക്ഷ്‌മത പുലർത്തി​യി​രു​ന്നു.

കടുവ​ക​ളു​ടെ എണ്ണം കുറയു​ന്നു

ഇൻഡ്യ​യു​ടെ വലിയ പ്രകൃതി സംരക്ഷ​ണ​കേ​ന്ദ്ര​ങ്ങ​ളിൽ ഒന്നിൽ അപൂർവ്വ​യി​നം ബംഗാൾ കടുവകൾ കുറഞ്ഞു​വ​രി​ക​യാ​ണെന്ന്‌ ന്യൂ സൈൻറി​സ്‌ററ്‌ മാസിക റിപ്പോർട്ടു ചെയ്യുന്നു. രന്തമ്പൂർ സംരക്ഷ​ണ​കേ​ന്ദ്ര​ത്തിൽ നടത്തിയ അടുത്ത കാലത്തെ ഒരു കണക്കെ​ടു​പ്പു 15 കടുവ​കളെ മാത്രമേ കണ്ടെത്തി​യു​ള്ളു—മൂന്നു വർഷം മുമ്പു​ണ്ടാ​യി​രുന്ന 44-ൽ നിന്നു കുറഞ്ഞു. അതിശ​യി​ക്കേ​ണ്ട​തില്ല, പ്രശ്‌നം അനധി​കൃത വേട്ടയാ​ട​ലാണ്‌. ഈ നാളു​ക​ളിൽ വേട്ടക്കാർക്കു മനോ​ഹ​ര​മായ തോൽ മാത്രമല്ല വേണ്ടത്‌. കടുവ​ക​ളു​ടെ അസ്ഥികൾ ചില ഏഷ്യൻ രാജ്യ​ങ്ങ​ളിൽ ടോണിക്‌ എന്നനി​ല​യിൽ പ്രസി​ദ്ധ​മായ “കടുവ​യെ​ല്ലു​കൊ​ണ്ടുള്ള വീഞ്ഞ്‌” ഉണ്ടാക്കാൻ ഉപയോ​ഗി​ക്കു​ന്നു. അനധി​കൃ​ത​വേ​ട്ട​ക്കാർ സാധാ​ര​ണ​യാ​യി വിഷം പുരട്ടിയ ഇര ഉപയോ​ഗി​ച്ചു കടുവ​കളെ കൊല്ലു​ന്നു, ചില​പ്പോൾ തള്ളക്കടു​വ​ക​ളോ​ടു​കൂ​ടെ അവയുടെ കുഞ്ഞു​ങ്ങ​ളെ​യും കൊന്നു​കൊ​ണ്ടു​തന്നെ. വൈരു​ദ്ധ്യ​മെന്നു പറയട്ടെ, ആദ്യം രന്തമ്പൂർ സംരക്ഷ​ണ​കേ​ന്ദ്രം കടുവാ പദ്ധതി​യു​ടെ—ബംഗാൾ കടുവയെ വംശനാ​ശ​ത്തിൽനി​ന്നു രക്ഷിക്കാൻ ഉദ്ദേശി​ച്ചു​കൊ​ണ്ടുള്ള ഒരു സംരക്ഷ​ണ​ശ്രമം—ഒരു പ്രദർശ​ന​കേ​ന്ദ്ര​മാ​യി​രു​ന്നു. ഈ മനോ​ജ്ഞ​മായ മൃഗങ്ങ​ളിൽ 6,000 മുതൽ 9,000 വരെ എണ്ണം മാത്രമേ ലോക​ത്തിൽ ആകെ അവശേ​ഷി​ച്ചി​ട്ടു​ള്ളു.

പുകവ​ലി​യും പൊട്ടിയ അസ്ഥിക​ളും

“അസ്ഥി​രോഗ ശസ്‌ത്ര​ക്രി​യാ​വി​ദ​ഗ്‌ദ്ധർ പോലും തങ്ങളുടെ രോഗി​ക​ളോ​ടു പുകവലി നിർത്താൻ ആവശ്യ​പ്പെ​ടുന്ന ദിവസം വന്നെത്തി​യി​രി​ക്കു​ന്നു” എന്ന്‌ ബ്രസ്സീ​ലി​യൻ പത്രമായ ഫോൽയ ഡി എസ്‌. പൗലോ റിപ്പോർട്ടു ചെയ്യുന്നു. അസ്ഥി​യൊ​ടിഞ്ഞ 29 പേരിൽ നടത്തിയ ഒരു പഠനം പുകയി​ല​ധൂ​മ​ത്തി​ലുള്ള നിക്കോ​ട്ടിൻ പഴകിയ പുകവ​ലി​ക്കാ​രു​ടെ രക്തക്കു​ഴ​ലു​കളെ കൂടുതൽ കാഠി​ന്യ​മു​ള്ള​താ​ക്കി​യെന്നു വെളി​പ്പെ​ടു​ത്തി. മറിച്ച്‌, പുകവ​ലി​ക്കാ​ത്ത​വർക്കും രണ്ടുവർഷ​ത്തിൽ താഴെ പുകവ​ലി​ച്ച​വർക്കും, അസ്ഥിയു​ടെ പൊട്ട​ലു​കളെ കൂടുതൽ വേഗത്തിൽ സുഖ​പ്പെ​ടു​ത്താൻ സഹായി​ക്കും​വി​ധം സങ്കോ​ചി​ക്കാ​നും വികസി​ക്കാ​നും കഴിയുന്ന രക്തക്കു​ഴ​ലു​കൾ ഉണ്ടായി​രു​ന്നു. സാധാ​ര​ണ​മാ​യി, ദീർഘ​കാല പുകവ​ലി​ക്കാ​രേ​ക്കാൾ പുകവ​ലി​ക്കാ​ത്ത​വ​രി​ലെ അസ്ഥിയു​ടെ പൊട്ട​ലു​കൾ 28 ശതമാനം വേഗത്തിൽ സുഖ​പ്പെട്ടു. കൂടാതെ, പൊട്ടിയ അസ്ഥിക്കു കുറഞ്ഞ പോഷണം ലഭ്യമാ​ക്കി​ത്തീർത്തു​കൊണ്ട്‌, പുകവ​ലി​ക്കു​മ്പോൾ ഉള്ളി​ലേക്കു വലിക്കുന്ന കാർബൺ മോ​ണോ​ക്‌​സൈഡ്‌ ഓക്‌സി​ജന്റെ പ്രവാ​ഹത്തെ കുറയ്‌ക്കു​ന്നു.

വൃത്തി​ഹീ​ന​മായ കൈകൾ

ഐക്യ​നാ​ടു​ക​ളി​ലെ ആരോ​ഗ്യ​രക്ഷാ പ്രവർത്ത​ക​രി​ല​ധി​ക​വും തങ്ങളുടെ രോഗി​കളെ പരി​ശോ​ധി​ക്കു​ന്ന​തി​നു മുമ്പായി കൈകൾ കഴുകാൻ കൂട്ടാ​ക്കാ​റി​ല്ലെന്ന്‌ അടുത്ത കാലത്തെ ഒരു പഠനം വെളി​പ്പെ​ടു​ത്തി. കൂടാതെ, വാഷിം​ഗ്‌ടൺ പോസ്‌ററ്‌ പറയു​ന്ന​ത​നു​സ​രിച്ച്‌, “ഡോക്ടർമാർ കൈയ്യു​റകൾ മാറേ​ണ്ട​പ്പോൾ അവർ അതു മാറു​ന്നി​ല്ലെന്നു മററു പഠനങ്ങൾ സൂചി​പ്പി​ച്ചി​രി​ക്കു​ന്നു.” ഈ പ്രശ്‌നം നിസ്സം​ശ​യ​മാ​യും രോഗ​വ്യാ​പ​ന​ത്തി​നു സംഭാവന ചെയ്‌തി​രി​ക്കു​ന്നു. ഡോക്ടർമാ​രു​ടെ​യും നേഴ്‌സു​മാ​രു​ടെ​യും ഇടയിലെ കഴുകാത്ത കൈകൾ, “സുഖ​പ്പെ​ടു​ത്തു​ന്ന​തിന്‌ ഓരോ വർഷവും 1,000 കോടി ഡോളർ വേണ്ടി​വ​രുന്ന രോഗാ​ണു​സം​ക്ര​മണം ആശുപ​ത്രി​യി​ലെ രോഗി​ക​ളിൽ എന്തു​കൊ​ണ്ടു​ണ്ടാ​കു​ന്നു എന്നു വിശദീ​ക​രി​ക്കാൻ സഹായി​ച്ചേ​ക്കാ​മെന്ന്‌” ന്യൂ ഇംഗ്ലണ്ട്‌ ജേർണൽ ഓഫ്‌ മെഡി​സിൻ പറയു​ന്ന​താ​യി പോസ്‌ററ്‌ റിപ്പോർട്ടു ചെയ്യുന്നു.

അപകട​ത്തി​ലായ പക്ഷികൾ

ജർമ്മനി​യിൽ പ്രജനനം നടത്തുന്ന 273 തരം പക്ഷിക​ളിൽ 166 ഇനം അപകട​ത്തി​ലാ​ണെന്നു ജർമ്മൻ സംരക്ഷണ സൊ​സൈ​ററി അവകാ​ശ​പ്പെ​ടു​ന്നു. ലഭ്യമായ പ്രദേ​ശത്തു റോഡു​ക​ളു​ടെ​യും വ്യവസാ​യ​ത്തി​ന്റെ​യും വർദ്ധിച്ച കൃഷി​യു​ടെ​യും വിനോ​ദ​സ​ഞ്ചാ​ര​വ്യ​വ​സാ​യ​ത്തി​ന്റെ​യും കടന്നാ​ക്ര​മ​ണ​മാ​ണു കാരണ​ങ്ങ​ളെന്നു പറയ​പ്പെ​ടു​ന്നു. ജർമ്മനി​യി​ലെ അനേകം തടാക​ങ്ങ​ളും നദീജ​ല​പ്ര​വാ​ഹ​ഗ​തി​യും ചതുപ്പു​നി​ല​ങ്ങ​ളും സംരക്ഷി​ത​മേ​ഖ​ല​ക​ളാ​യി പ്രഖ്യാ​പി​ച്ചി​രി​ക്കു​ക​യാ​ണെ​ങ്കിൽപോ​ലും ഈ നടപടി​കൾ കറുത്ത കടൽക്കാ​ക്ക​യും ചെറിയ ചതുപ്പു​നി​ല​ഞാ​റ​യും വെള്ളവാ​ലുള്ള കടൽക​ഴു​ക​നും പോലുള്ള വർഗ്ഗങ്ങളെ വേണ്ടത്ര സഹായി​ക്കു​ന്നി​ല്ലെന്ന്‌ ഫ്രാങ്ക്‌ഫർട്ടർ അൽഗമീന ററ്‌സി​റ​റൂംഗ്‌ എന്ന പത്രം റിപ്പോർട്ടു ചെയ്യുന്നു. ആഫ്രി​ക്ക​യി​ലേ​തു​പോ​ലുള്ള പക്ഷിക​ളു​ടെ ശീതകാല അഭയസ്ഥാ​ന​ങ്ങ​ളും സംരക്ഷി​ക്കാ​ത്ത​പക്ഷം പ്രജനന നിലങ്ങ​ളു​ടെ സംരക്ഷണം വലിയ നേട്ടം ഉണ്ടാക്കു​ന്നില്ല. അതു​കൊണ്ട്‌ പത്രം ഇപ്രകാ​രം കുറി​ക്കൊ​ള്ളു​ന്നു: “പല സംഗതി​ക​ളി​ലും അന്തർദേ​ശീയ സഹകര​ണ​ത്തെ​ത്തു​ടർന്നു മാത്രമേ സംരക്ഷ​ണ​ത്തി​നു ഫലമു​ള​വാ​ക്കാൻ സാധിക്കൂ.”

കുട്ടി​കളെ തിരു​മ്മു​ന്ന​തി​ന്റെ പ്രയോ​ജ​ന​ങ്ങൾ

“വ്യക്തികൾ തമ്മിലുള്ള സ്‌പർശനം ആരോ​ഗ്യ​പ്ര​ദ​മാ​ണെന്നു സഹജാ​വ​ബോ​ധ​വും വ്യക്തി​പ​ര​മായ അനുഭ​വ​വും നമ്മോടു പറയുന്നു” എന്നു സ്‌​ട്രെസ്സ്‌ ആൻഡ്‌ ഹെൽത്ത്‌ റിപ്പോർട്ട്‌ പറയുന്നു. ഈ തത്ത്വം മാസം തികയാ​തെ പിറന്ന ഒരു സംഘം ശിശു​ക്ക​ളു​ടെ പരിച​ര​ണ​ത്തി​നു ബാധക​മാ​ക്കി. കാലി​ഫോർണി​യാ​യി​ലെ എൻലോ ആശുപ​ത്രി പ്രസി​ദ്ധ​പ്പെ​ടു​ത്തിയ വാർത്താ​ലേ​ഖനം അത്തരം നാല്‌പതു ശിശു​ക്ക​ളു​ടെ ഒരു ശാസ്‌ത്രീയ പഠനം ഉദ്ധരി​ക്കു​ന്നു. അവരിൽ 20 ശിശു​ക്കളെ ദിവസ​വും 15 മിനി​ട്ടു​നേരം മൂന്നു​പ്രാ​വ​ശ്യം മൃദു​വാ​യി തിരുമ്മി. വേറെ 20 അകാല​ശി​ശു​ക്കൾക്കു സാധാരണ പരിപാ​ല​ന​വും ലഭിച്ചു. തിരു​മ്മിയ 20 പേർ മറേറ 20 പേരേ​ക്കാൾ അനേക​വി​ധ​ങ്ങ​ളിൽ മെച്ച​പ്പെ​ട്ട​വ​രാ​യി​രു​ന്നു. അവരുടെ ദൈനം​ദിന തൂക്കവർദ്ധ​നവു ശരാശരി 47 ശതമാനം ഉയർന്ന​താ​യി​രു​ന്നു, പെരു​മാ​റ​റ​പ​ര​മായ ടെസ്‌റ​റു​ക​ളിൽ അവരുടെ സ്‌കോ​റു​കൾ ഉയർന്ന​താ​യി​രു​ന്നു. അവർ കൂടുതൽ ചുണയും ചുറു​ചു​റു​ക്കു​മു​ള്ള​വ​രാ​യി കാണ​പ്പെട്ടു. സ്‌​ട്രെസ്സ്‌ ആൻഡ്‌ ഹെൽത്ത്‌ ഇങ്ങനെ ഉപസം​ഹ​രി​ക്കു​ന്നു: “വളരെ ചെറിയ ശിശു​ക്കൾക്കു നല്ലതാ​യി​രി​ക്കു​ന്നതു മിക്കവാ​റും നമു​ക്കെ​ല്ലാ​വർക്കും നല്ലതാണ്‌.”

വീർപ്പു​മു​ട്ടുന്ന തടാകം

ലോക​ത്തി​ലെ രണ്ടാമത്തെ ഏററവും വലിയ ശുദ്ധജ​ല​ത്ത​ടാ​ക​മായ ആഫ്രി​ക്ക​യി​ലെ ഗംഭീ​ര​മായ വിക്‌ടോ​റിയ തടാകം ശ്വാസം​മു​ട്ടൽ നിമിത്തം ദാരു​ണ​മായ മരണം അഭിമു​ഖീ​ക​രി​ക്കു​ക​യാ​ണെന്നു ചില ശാസ്‌ത്രജ്ഞർ വിശ്വ​സി​ക്കു​ന്നു. ഈ തടാക​ത്ത​ട്ടിൽ അതിലെ ഓക്‌സി​ജനെ ഊററി​യെ​ടു​ത്തു​കൊണ്ട്‌ കടൽപ്പോച്ച പെരു​കി​വ​രി​ക​യാ​ണെന്നു തോന്നു​ന്നു. കാരണം? ഒററവാ​ക്കിൽ, മനുഷ്യൻ, വനനശീ​ക​ര​ണ​ത്തി​ലൂ​ടെ​യും കൃഷി​യി​ലൂ​ടെ​യും അമിത​ജ​ന​പ്പെ​രു​പ്പ​ത്തി​ലൂ​ടെ​യും തന്നെ. ഉയർന്ന അളവിൽ മണ്ണൊ​ലി​പ്പിൽനി​ന്നും മലിന​വ​സ്‌തു​ക്ക​ളിൽനി​ന്നും വിറകു പുകയിൽനി​ന്നു​മുള്ള പോഷ​കങ്ങൾ കടൽപ്പോ​ച്ചയെ പോറ​റു​ക​യാണ്‌. കൂടാതെ, 30 വർഷങ്ങൾക്കു​മു​മ്പു നൈൽ പെർച്ച്‌ മത്സ്യങ്ങളെ അവതരി​പ്പി​ച്ചു​കൊ​ണ്ടു മത്സ്യബന്ധന ഉദ്യോ​ഗ​സ്ഥൻമാർ മത്സ്യബന്ധന വ്യവസാ​യത്തെ പിൻതാ​ങ്ങാൻ തീരു​മാ​നി​ച്ചു. ഈ നവാഗതർ തഴച്ചു​വ​ളർന്നു. ആസൂ​ത്രണം ചെയ്‌ത​തു​പോ​ലെ​തന്നെ മത്സ്യബന്ധന വ്യവസാ​യം അഭിവൃ​ദ്ധി​പ്പെട്ടു. എന്നിരു​ന്നാ​ലും, ദീർഘ​കാ​ലം കടൽപ്പോച്ച തിന്നു​കൊണ്ട്‌ സന്തുലനം നിലനിർത്തിയ ചെറു​മ​ത്സ്യ​ത്തെ നൈൽ പെർച്ച്‌ മത്സ്യങ്ങൾ വിഴുങ്ങി. അത്തരം മത്സ്യങ്ങ​ളു​ടെ പകുതി​യി​ല​ധി​കം ഇനങ്ങളും അപ്രത്യ​ക്ഷ​മാ​യി​രി​ക്കു​ന്നു. ഇപ്പോൾ അതിമ​ത്സ്യ​ബ​ന്ധ​ന​വും ഓക്‌സി​ജൻ ശോഷ​ണ​വും നിമിത്തം ഈ പെർച്ചു​മ​ത്സ്യ​വും അപകട​ത്തി​ലാ​യേ​ക്കാ​വുന്ന സ്ഥിതി​യി​ലാണ്‌. ഏതാണ്ട്‌ 30 ദശലക്ഷം ആളുകൾ വിക്‌ടോ​റിയ തടാക​ത്തി​ലെ മത്സ്യബന്ധന വ്യവസാ​യത്തെ ആശ്രയി​ച്ചു​ക​ഴി​യു​ന്ന​വ​രാണ്‌.

മസ്‌തിഷ്‌ക വ്യായാ​മം

“ആരോ​ഗ്യ​മുള്ള മസ്‌തി​ഷ്‌കങ്ങൾ.” തലച്ചോർ ഉപയോ​ഗി​ക്കു​ന്ന​തിന്‌ ഊന്നൽ കൊടു​ക്കുന്ന ഒരു ഫിന്നീഷ്‌ പരിപാ​ടി​യു​ടെ പോരാ​ണത്‌. കാര്യം ലളിതം. നാം തലച്ചോർ എത്ര കൂടുതൽ ഉപയോ​ഗി​ക്കു​ന്നു​വോ—വിചി​ന്തനം ചെയ്‌തു​കൊ​ണ്ടും ആസൂ​ത്രണം ചെയ്‌തു​കൊ​ണ്ടും പുതിയ കാര്യങ്ങൾ പഠിച്ചു​കൊ​ണ്ടും—അത്ര മെച്ചമാ​യി പ്രവർത്തി​ക്കു​ന്നു. “തലച്ചോ​റിൽ പ്രശ്‌നങ്ങൾ പരിഹ​രി​ക്കാ​നുള്ള അനന്തമായ ഒരു ശക്തി നമുക്കുണ്ട്‌. എന്നാൽ നിർഭാ​ഗ്യ​വ​ശാൽ മനുഷ്യൻ സാധാ​ര​ണ​മാ​യി അതിന്റെ പ്രാപ്‌തി​യു​ടെ പത്തി​ലൊ​ന്നു മാത്രമേ ഉപയോ​ഗി​ക്കു​ന്നു​ള്ളു” എന്ന്‌ ഈ പരിപാ​ടി​യു​ടെ പ്രോ​ജക്ട്‌ മാനേ​ജ​രാ​യി പ്രവർത്തി​ക്കുന്ന മസ്‌തിഷ്‌ക ഗവേഷ​ക​നും ആശുപ​ത്രി നടത്തി​പ്പു​കാ​ര​നു​മായ യുഹാനി യുൻറു​നെൻ ഊന്നി​പ്പ​റ​യു​ന്നു. “നിങ്ങളു​ടെ തലച്ചോ​റി​നെ മെച്ച​പ്പെ​ടു​ത്തുക, പുതിയ കാര്യങ്ങൾ പഠിക്കുക, നിങ്ങൾക്കു സ്വന്തമാ​യി കൂടുതൽ പ്രാപ്‌തി​യു​ണ്ടാ​യി​രി​ക്കും” എന്നദ്ദേഹം പ്രോ​ത്സാ​ഹി​പ്പി​ക്കു​ന്നു. അനേകർ യുവജ​ന​ങ്ങളെ പൂജി​ക്കു​ക​യും മുതിർന്ന ആളുക​ളു​ടെ മസ്‌തിഷ്‌ക പ്രാപ്‌തി​യെ താഴ്‌ത്തി​മ​തി​ക്കു​ക​യും ചെയ്യു​ന്നത്‌ അസഹ്യ​പ്പെ​ടു​ത്തു​ന്ന​താ​യി അദ്ദേഹം കണ്ടെത്തു​ന്നു, എന്തെന്നാൽ ചില വശങ്ങളിൽ പ്രായ​മുള്ള തലച്ചോ​റു​കൾ പ്രായം കുറഞ്ഞ​വ​യെ​ക്കാൾ നന്നായി പ്രവർത്തി​ക്കു​ന്നു​വെന്ന്‌ അദ്ദേഹം വിശ്വ​സി​ക്കു​ന്നു. “പ്രായ​മു​ള്ളവർ ഉന്നത സ്ഥാനങ്ങ​ള​ല​ങ്ക​രി​ക്കു​ന്നത്‌ ആകസ്‌മിക സംഭവമല്ല” എന്ന്‌ യുൻറു​നെൻ അഭി​പ്രാ​യ​പ്പെ​ടു​ന്നു. “തലച്ചോർ മോശ​മാ​യി​ക്കൊ​ണ്ടി​രി​ക്കുന്ന ഒരു ഉപകരണം ആയിരി​ക്കാം, എന്നാൽ പ്രായ​മു​ള്ളവർ ചെറു​പ്പ​ക്കാ​രെ​ക്കാൾ കൂടുതൽ വൈദ​ഗ്‌ദ്ധ്യ​ത്തോ​ടെ അത്‌ ഉപയോ​ഗി​ക്കു​ന്നു.”

ക്ഷയിച്ചു​കൊ​ണ്ടി​രി​ക്കുന്ന വിവി​ധ​യി​ന​ങ്ങൾ

ബ്രസ്സീ​ലി​യൻ പത്രമായ സൂപ്പറിൻറ​റെ​സ്സാൻറാ പറയു​ന്ന​ത​നു​സ​രിച്ച്‌ സ്‌പെ​യി​നിൽ പലതരം തണ്ണിമ​ത്ത​ങ്ങ​ക​ളും മദ്ധ്യേ​ഷ്യ​യിൽ വിവി​ധ​യി​നം ഉള്ളിക​ളും അപ്രത്യ​ക്ഷ​പ്പെ​ട്ടു​കൊ​ണ്ടി​രി​ക്കു​ക​യാണ്‌. ബ്രസ്സീ​ലിൽ കരിമ്പി​ന്റെ​യും ചോള​ത്തി​ന്റെ​യും ചില ഇനങ്ങൾക്ക്‌ ഇപ്പോൾത്തന്നെ ഉൻമൂ​ലനം സംഭവി​ച്ചി​രി​ക്കു​ന്നു. “കുഴപ്പം വ്യവസാ​യ​ത്തി​ലും എല്ലായ്‌പ്പോ​ഴും ഒരേ ഉല്‌പ​ന്നങ്ങൾ ആഗ്രഹി​ക്കുന്ന ഉപഭോ​ക്താ​ക്ക​ളി​ലു​മാ​ണു സ്ഥിതി​ചെ​യ്യു​ന്നത്‌” എന്ന്‌ യൂഎൻ ഭക്ഷ്യ-കൃഷി സംഘട​ന​യു​ടെ ഡയറക്ടർ ജനറലായ ആഡ്‌വർ സൗമ പറയു​ന്ന​താ​യി ഉദ്ധരി​ച്ചി​രി​ക്കു​ന്നു. ആ മാസിക ഇങ്ങനെ കൂട്ടി​ച്ചേർക്കു​ന്നു: “കൃഷി​ക്കാർ കമ്പോ​ളത്തെ തൃപ്‌തി​പ്പെ​ടു​ത്താൻ ശ്രമി​ക്കു​ന്ന​തു​കൊണ്ട്‌ ഈ ഇനങ്ങളു​ടെ നഷ്ടം ഓരോ ദിവസ​വും നിർണ്ണാ​യ​ക​മാ​യി​ത്തീ​രു​ക​യാണ്‌.” അത്തരം മാനകീ​ക​ര​ണം​നി​മി​ത്തം വരും​ദ​ശ​ക​ങ്ങ​ളിൽ മനുഷ്യ​വർഗ്ഗ​ത്തി​നു 40,000 ഇനം പച്ചക്കറി​കൾ നഷ്ടമാ​യേ​ക്കാ​മെന്നു സൗമ മുന്നറി​യി​പ്പു നൽകുന്നു. ജൈവ​ശാ​സ്‌ത്ര​പ​ര​മായ വൈവി​ധ്യ​ങ്ങ​ളി​ല്ലെ​ങ്കിൽ വിളകൾ രോഗ​ബാ​ധ​യ്‌ക്കു കൂടുതൽ സാധ്യ​ത​യു​ള്ള​താ​യി​ത്തീ​രു​മെന്നു ശാസ്‌ത്രജ്ഞർ ഭയപ്പെ​ടു​ന്നു.

ഏററവും മാരക​മാ​യി ആസക്തി​യു​ള​വാ​ക്കുന്ന പദാർത്ഥം

സിഗറ​റ​റു​കൾ ഏററവും ആസക്തി​യു​ള​വാ​ക്കുന്ന മയക്കു​മ​രു​ന്നു​ക​ളു​ടെ കൂട്ടത്തിൽപ്പെ​ടുക മാത്രമല്ല, അവ “ഏററവും മാരകവു”മാണെന്നു പുകവലി പെരു​മാ​റ​റ​വും നയവും സംബന്ധി​ച്ചു പഠിക്കുന്ന സ്ഥാപന​ത്തി​ന്റെ ഡയറക്ടർ തോമസ്‌ സി. ഷെല്ലിംഗ്‌ പ്രസ്‌താ​വി​ക്കു​ന്നു. ഉപേക്ഷി​ക്കു​ന്നതു വിഷമ​ക​ര​മാണ്‌, 1992 ജനുവരി 24-ലെ സയൻസ്‌ മാസി​ക​യു​ടെ ലക്കത്തിൽ അദ്ദേഹം പറയുന്നു. രണ്ടു വർഷ​ത്തേ​ക്കോ അധിക​മോ ഉപേക്ഷി​ക്കു​ന്ന​തി​ലുള്ള വിജയ​നി​രക്ക്‌ ഒരു ശ്രമത്തിന്‌ 5-ൽ 1 ആണ്‌. ഉപേക്ഷി​ക്കു​ന്നത്‌ ഇത്ര പ്രയാ​സ​ക​ര​മാ​യി​രി​ക്കു​ന്നത്‌ എന്തു​കൊ​ണ്ടാണ്‌? ഷെല്ലിംഗ്‌ ഈ കാരണങ്ങൾ പട്ടിക​പ്പെ​ടു​ത്തു​ന്നു: സിഗറ​റ​റു​കൾ വിലകു​റ​ഞ്ഞ​വ​യാണ്‌, എളുപ്പം ലഭ്യമാണ്‌, കൊണ്ടു​ന​ട​ക്കാ​വു​ന്ന​വ​യാണ്‌, ശേഖരി​ച്ചു​വ​യ്‌ക്കാ​നും കഴിയും; അവ ഒരു പ്രാപ്‌തി​ക്കും തകരാറു വരുത്തു​ന്നില്ല; പുകവ​ലി​യ്‌ക്ക്‌ ഒരു ഉപകര​ണ​വും ആവശ്യ​മില്ല. “കുഴപ്പം താമസി​ച്ചേ വരുന്നു​ള്ളു. പുകവലി നിമി​ത്ത​മുള്ള ക്യാൻസ​റും, ശ്വാസ​കോശ, ഹൃദയ, രോഗ​ങ്ങ​ളും ബാധി​ച്ചി​രി​ക്കുന്ന ആളുകൾ രോഗ​ല​ക്ഷ​ണങ്ങൾ കണ്ടുതു​ട​ങ്ങു​ന്ന​തി​നു​മു​മ്പാ​യി മൂന്നു​ദ​ശ​ക​ങ്ങ​ളോ അതില​ധി​ക​മോ സാധാ​ര​ണ​മാ​യി പുകവ​ലി​ച്ചി​ട്ടുണ്ട്‌” എന്നദ്ദേഹം പറയുന്നു. സിഗറ​റ​റു​പു​ക​യി​ലെ ആസക്തി​യു​ള​വാ​ക്കുന്ന പാദാർത്ഥം നിക്കോ​ട്ടി​നാ​ണെ​ങ്കി​ലും പുകയി​ല​ധൂ​മ​ത്തി​ന്റെ സ്വാദും പുകവ​ലി​യാൽ ഉളവാ​കുന്ന മാനസി​കാ​വ​സ്ഥ​യു​ടെ നിയ​ന്ത്ര​ണ​വും ഈ ആസക്തിയെ വർദ്ധി​പ്പി​ച്ചേ​ക്കാ​മെന്നു ഷെല്ലിംഗ്‌ സംശയി​ക്കു​ന്നു. വീഴ്‌ച സാധാ​ര​ണ​മാ​യി​രി​ക്കു​ന്നത്‌ എന്തു​കൊണ്ട്‌? “പുകവലി ഉപേക്ഷിച്ച അനേക​രും അടുത്ത സിഗറ​റ​റിൽനി​ന്നു കഷ്ടിച്ച്‌ 5 മിനി​ട്ടിൽ കൂടുതൽ സമയം വേർപെ​ട്ടി​രി​ക്കു​ന്നില്ല. പുകവ​ലി​ക്കാ​നുള്ള പ്രചോ​ദ​നത്തെ പൂർത്തീ​ക​രി​ക്കാൻ ആത്മനി​യ​ന്ത്ര​ണ​ത്തി​ന്റെ ഏററവും ഹ്രസ്വ​മായ കാലത്തെ അഭാവം മാത്രം മതി” എന്നദ്ദേഹം പറയുന്നു.