യുവജ​നങ്ങൾ ചോദി​ക്കു​ന്നു. . .

എനിക്കു മദ്യപാ​നം എങ്ങനെ നിർത്താൻ കഴിയും?

“പിറേ​റന്ന്‌ എല്ലായ്‌പ്പോ​ഴും വൈകാ​രി​ക​മാ​യും ആത്മീയ​മാ​യും ഭയാന​ക​മായ തോന്നൽ എനിക്ക​നു​ഭ​വ​പ്പെട്ടു!”—ബോബ്‌.

“വീട്ടി​ലും സ്‌കൂ​ളി​ലും കൂട്ടു​കാ​രോ​ടും പോലീ​സി​നോ​ടും തുടരെ തുടരെ ഞാൻ കുഴപ്പ​ത്തിൽ അകപ്പെ​ടു​ക​യാ​യി​രു​ന്നു!”—ജറോം.

വളരെ​യ​ധി​ക​വും കൂടെ​ക്കൂ​ടെ​യും മദ്യപി​ച്ച​തി​നു ബോബും ജറോ​മും ഒരു വില കൊടു​ക്കേ​ണ്ടി​വന്നു. രണ്ടു​പേ​രും മദ്യാ​സ​ക്ത​രാ​യി​ത്തീർന്നു. അവസാനം ബോബി​നു മദ്യപാ​നം പൂർണ്ണ​മാ​യി നിർത്തു​വാൻ കഴിഞ്ഞ​പ്പോൾ, ജറോം മദ്യപാ​നാ​സ​ക്തി​യെ കീഴട​ക്കു​വാൻ ഇപ്പോ​ഴും പരി​ശ്ര​മി​ക്കു​ക​യാണ്‌.

ലോക​ത്തി​ന്റെ പലഭാ​ഗ​ങ്ങ​ളി​ലു​മുള്ള യുവജ​ന​ങ്ങൾക്കി​ട​യിൽ വളർന്നു​കൊ​ണ്ടി​രി​ക്കുന്ന ഒരു പ്രശ്‌ന​മാ​ണു മദ്യാ​സക്തി. ഐക്യ​നാ​ടു​ക​ളിൽമാ​ത്രം ഗുരു​ത​ര​മായ മദ്യപാ​ന​പ്ര​ശ്‌നം ഉള്ള യുവാക്കൾ ഏകദേശം 50 ലക്ഷത്തോ​ള​മു​ള്ള​താ​യി ചിലർ കണക്കാ​ക്കു​ന്നു. നിങ്ങ​ളൊ​രു ക്രിസ്‌തീയ യുവാ​വാ​ണെ​ങ്കിൽ, പ്രത്യേ​കി​ച്ചു കൗമാ​ര​പ്രാ​യ​ത്തി​ലുള്ള മദ്യപാ​നം നിങ്ങളു​ടെ സമുദാ​യ​ത്തിൽ നിയമ​വി​രു​ദ്ധ​മാ​ണെ​ങ്കിൽ, മദ്യവു​മാ​യുള്ള പരീക്ഷണം നിങ്ങൾ ഒഴിവാ​ക്കി​യി​ട്ടു​ണ്ടെ​ന്നു​ള്ള​തി​നു സംശയ​മില്ല. എന്നിരു​ന്നാ​ലും, ഒന്നാമ​തു​തന്നെ, ചുരു​ങ്ങി​യ​പക്ഷം നിങ്ങൾക്കു പ്രായ​മാ​കു​ക​യും മദ്യം കൈകാ​ര്യം ചെയ്യു​വാൻ മെച്ചമാ​യി സജ്ജനാ​കു​ക​യും ചെയ്യു​ന്ന​തു​വ​രെ​യെ​ങ്കി​ലും കുടി​യിൽ ഉൾപ്പെ​ടാ​തി​രി​ക്കാ​നുള്ള നിങ്ങളു​ടെ തീരു​മാ​നത്തെ ശക്തി​പ്പെ​ടു​ത്തു​വാൻ പിൻവ​രുന്ന വിവരങ്ങൾ സഹായി​ക്കും. എന്നാൽ നിങ്ങൾ മദ്യത്തി​ന്റെ കുരു​ക്കി​ല​ക​പ്പെട്ട ഒരുവ​നാ​ണെ​ങ്കിൽ ഈ പ്രശ്‌ന​ത്തോ​ടു പോരാ​ടു​വാൻ ഈ വിവരങ്ങൾ സഹായി​ക്കു​മെന്നു ഞങ്ങൾ പ്രത്യാ​ശി​ക്കു​ന്നു. നിങ്ങളു​ടെ ഭാഗത്തെ യഥാർത്ഥ ശ്രമത്താ​ലും യഹോ​വ​യാം ദൈവ​ത്തി​ന്റെ സഹായ​ത്താ​ലും പൂർവ്വ​സ്ഥി​തി​പ്രാ​പി​ക്കൽ സാദ്ധ്യ​മാണ്‌.

നിഷേ​ധി​ക്ക​ലി​നെ കീഴടക്കൽ

നിങ്ങ​ളെ​ടു​ക്കേണ്ട പ്രഥമ​വും ഏററവും ബുദ്ധി​മു​ട്ടു​ള്ള​തു​മായ നടപടി നിഷേ​ധി​ക്ക​ലി​നെ കീഴട​ക്കുക എന്നതാണ്‌. കുടി​യു​മാ​യി ബന്ധപ്പെട്ട്‌ ഏതെങ്കി​ലും തരത്തി​ലുള്ള പ്രശ്‌നം തങ്ങൾക്കു​ള്ള​താ​യി വിശ്വ​സി​ക്കു​വാൻ മദ്യാ​സക്തർ സാധാ​ര​ണ​മാ​യി കൂട്ടാ​ക്കാ​റില്ല. ‘അതെനി​ക്കു കൈകാ​ര്യം ചെയ്യാ​വു​ന്ന​തേ​യു​ള്ളു,’ എന്നാണു മദ്യാ​സ​ക്തന്റെ സങ്കടക​ര​മായ വീമ്പി​ളക്കൽ. ദൃഷ്ടാ​ന്ത​ത്തിന്‌ ഒരു 15 വയസ്സു​കാ​രൻ പറഞ്ഞതു ശ്രദ്ധി​ക്കുക: “കുടി​കൊ​ണ്ടൊ​രു പ്രശ്‌ന​മു​ള്ള​യാ​ളല്ല ഞാൻ. വൈകു​ന്നേരം ഒരു ആറു കുപ്പി ബിയർ മാത്രമേ ഞാൻ കഴിക്കാ​റു​ള്ളൂ.” “തന്റെ കുററം തെളിഞ്ഞു വെറു​പ്പാ​യ്‌തീ​രു​ക​യില്ല എന്നിങ്ങനെ . . . തന്നോടു തന്നേ മധുര​വാ​ക്കു​പ​റ​യുന്ന” മനുഷ്യ​നെ​ക്കു​റി​ച്ചുള്ള ബൈബിൾ വിവര​ണത്തെ ഇതു നമ്മുടെ ഓർമ്മ​യിൽ കൊണ്ടു​വ​രു​ന്നു.—സങ്കീർത്തനം 36:2.

അതേ, നിഷേ​ധി​ക്കൽ മാരക​മാണ്‌. അതു​കൊ​ണ്ടു കുടി നിങ്ങൾക്ക്‌ ഒരു പ്രശ്‌നം ആണെങ്കിൽ, ആ വേദനാ​ജ​ന​ക​മായ സത്യം നിങ്ങൾ നിങ്ങ​ളോ​ടു​തന്നെ സമ്മതി​ക്കണം.a നിങ്ങൾ വളരെ​യ​ധി​കം മദ്യപി​ക്കു​ന്നു എന്നു നിങ്ങ​ളോ​ടു പറയുന്ന സുഹൃ​ത്തു​ക്ക​ളെ​യോ സഹോ​ദ​ര​ങ്ങ​ളെ​യോ മാതാ​പി​താ​ക്ക​ളെ​യോ അവഗണി​ക്ക​രുത്‌. സത്യം പറയു​ന്ന​തു​കൊണ്ട്‌ അവർ നിങ്ങളു​ടെ ശത്രു​ക്കളല്ല. (ഗലാത്യർ 4:16 താരത​മ്യ​പ്പെ​ടു​ത്തുക.) (ആരംഭ​ത്തിൽ പരാമർശി​ച്ചി​രി​ക്കുന്ന) ബോബ്‌ വാരാ​ന്ത​ങ്ങ​ളിൽ നന്നായി മദ്യപി​ക്കുക പതിവാ​യി​രു​ന്നു. ഒരു സുഹൃത്ത്‌ അവനോട്‌ അതി​നെ​പ്പ​ററി സൂചി​പ്പി​ച്ച​പ്പോൾ തനിക്കു മദ്യപാ​ന​ത്തി​ന്റേ​തായ ഒരു പ്രശ്‌ന​മു​ണ്ടെന്ന ആശയ​ത്തെ​പ്പോ​ലും ബോബ്‌ നിഷേ​ധി​ക്കു​ക​യും സംസാരം അവിടെ നിർത്തു​ക​യും ചെയ്‌തു. എന്നാൽ ബോബി​ന്റെ ജീവി​തത്തെ മദ്യം എങ്ങനെ​യാ​ണു ബാധി​ച്ചി​രു​ന്നത്‌? “കുടി​ച്ചി​ല്ലെ​ങ്കിൽ ഞാൻ അങ്ങേയ​ററം അധീര​നും ഉൽക്കണ്‌ഠാ​കു​ല​നു​മാ​കു​മാ​യി​രു​ന്നു, കുടി​ച്ചാൽ എനിക്കു നിയ​ന്ത്രണം നഷ്ടപ്പെ​ടു​മാ​യി​രു​ന്നു,” ബോബ്‌ സമ്മതി​ച്ചു​പ​റ​യു​ന്നു. “ദൈവ​വു​മാ​യുള്ള എന്റെ ബന്ധം പോ​ലെ​തന്നെ എന്റെ കുടും​ബ​ജീ​വി​ത​വും തകർന്നി​രു​ന്നു.”

മറെറാ​രു സന്ദർഭ​ത്തിൽ ബോബ്‌ തന്റെ ചെറു​ത്തു​നിൽപ്പ്‌ അവസാ​നി​പ്പി​ച്ചു മദ്യ​ത്തോ​ടുള്ള തന്റെ ഉൽക്കട​മായ ആഗ്രഹം അവന്റെ സുഹൃ​ത്തി​നോ​ടു സമ്മതി​ച്ചു​പ​റഞ്ഞു. നിഷേ​ധ​ത്തി​ന്റെ മതിൽ പൊളി​ച്ചു​കൊ​ണ്ടു തന്റെ തിരി​ച്ചു​വ​ര​വി​നു തുടക്ക​മി​ടാൻ ബോബി​നു സാധിച്ചു.

നിർത്താ​നുള്ള ദൃഢനി​ശ്ചയം വികസി​പ്പി​ച്ചെ​ടു​ക്കുക

പ്രൊ​ഫസർ ജോർജ്ജ്‌ വായോൻ എഴുതു​ന്നു: “മദ്യപാ​നാ​സക്തി . . . നന്നായി ചികി​ത്സി​ച്ചു​ഭേ​ദ​മാ​ക്കാ​വുന്ന ഒന്നാണ്‌, എന്നാൽ . . . രോഗി​യു​ടെ ഭാഗത്തു വലിയ ഉത്തരവാ​ദി​ത്വം ആവശ്യ​മാ​യി​രി​ക്കും.” അതിൽ മദ്യപാ​നം നിർത്താൻ, നിങ്ങൾ ദൃഢനി​ശ്ചയം ചെയ്യു​ന്നത്‌ ഉൾപ്പെ​ടു​ന്നു. ദൃഢനി​ശ്ച​യ​ത്തി​ന്റെ അഭാവം ഒരു മദ്യാ​സ​ക്ത​നാ​യി ജീവി​ക്കു​ന്ന​തി​നെ​യും മരിക്കു​ന്ന​തി​നെ​യും അർത്ഥമാ​ക്കി​യേ​ക്കാം. എന്തിനു സഹായി​ക്കാൻ കഴിയും? മദ്യപാ​നാ​സ​ക്തി​യു​ടെ വിനാ​ശ​ക​ത്വ​ത്തിൻമേൽ ശ്രദ്ധ കേന്ദ്രീ​ക​രി​ക്കു​ന്നതു “ദോഷത്തെ വെറു”ക്കാൻ നിങ്ങളെ സഹായി​ക്കു​ക​യും എന്നെ​ന്നേ​ക്കു​മാ​യി മദ്യപാ​നം നിർത്തു​വാ​നുള്ള നിങ്ങളു​ടെ തീരു​മാ​നത്തെ ശക്തി​പ്പെ​ടു​ത്തു​ക​യും ചെയ്‌തേ​ക്കാം.—സങ്കീർത്തനം 97:10.

ദൃഷ്ടാ​ന്ത​ത്തിന്‌, മദ്യപാ​നാ​സക്തി ശാരീ​രി​ക​മാ​യും വൈകാ​രി​ക​മാ​യും ധാർമ്മി​ക​മാ​യും വരുത്തി​ക്കൂ​ട്ടുന്ന വമ്പിച്ച തകരാ​റി​നെ​ക്കു​റി​ച്ചു നിങ്ങൾ വളരെ​യ​ധി​കം ചിന്തി​ച്ചേ​ക്കാം. അല്‌പ​സ​മ​യ​ത്തേക്കു നിങ്ങളു​ടെ ആന്തരിക വേദന​യെ​യോ അല്ലെങ്കിൽ തന്നെക്കു​റി​ച്ചു​ത​ന്നെ​യുള്ള മതിപ്പി​ല്ലാ​യ്‌മ​യെ​യോ ഒരു കുടി ദൂരീ​ക​രി​ക്കു​ന്നു എന്നു തോന്നി​യേ​ക്കാ​മെ​ന്നതു ശരിതന്നെ. എന്നാൽ അവസാനം മദ്യത്തി​ലുള്ള ആശ്രയം കൂടുതൽ പ്രശ്‌നങ്ങൾ സൃഷ്ടി​ക്കാ​നേ ഉപകരി​ക്കു​ന്നു​ള്ളൂ; സുഹൃ​ദ്‌ബ​ന്ധങ്ങൾ തകരുന്നു, കുടും​ബ​ബ​ന്ധങ്ങൾ ഉലയുന്നു. കൂടു​ത​ലാ​യി, മദ്യം നിങ്ങളു​ടെ നിയ​ന്ത്ര​ണ​ങ്ങളെ കുറയ്‌ക്കു​ന്ന​തു​കൊണ്ട്‌ അതിന്‌ എളുപ്പ​ത്തിൽ “ബുദ്ധിയെ കെടു​ത്തു​ക​ളയാ”നും നിങ്ങളെ ഗുരു​ത​ര​മായ ദുർന്ന​ട​ത്ത​യി​ലേക്കു നയിക്കാ​നും കഴിയും.—ഹോശേയ 4:11.

വലിയ അളവു​ക​ളി​ലുള്ള മദ്യത്തി​നു നിങ്ങളു​ടെ മർമ്മ​പ്ര​ധാ​ന​മായ അവയവ​ങ്ങളെ ക്രമേണ വിഷലി​പ്‌ത​മാ​ക്കി​ക്കൊ​ണ്ടു ശരീര​ത്തോട്‌ എന്തു ചെയ്യാൻ കഴിയു​മെന്നു ചിന്തി​ക്കുക. അമിത​മായ മദ്യപാ​നം “ദുരി​ത​ത്തി​ലും പശ്ചാത്താ​പ​ത്തി​ലും കലഹങ്ങ​ളി​ലും ഉൽക്കണ്‌ഠ​യി​ലും ചതവു​കളി”ലും കലാശി​ക്കു​ന്നു​വെന്നു ബൈബിൾ പറയുന്നു. (സദൃശ​വാ​ക്യ​ങ്ങൾ 23:29-30, ദ ന്യൂ ഇംഗ്ലീഷ്‌ ബൈബിൾ) നിങ്ങൾക്കു ലഭിക്കുന്ന ഏതെങ്കി​ലും ക്ഷണിക​മായ സുഖത്തി​നു കൊടു​ക്കാ​വു​ന്ന​താ​ണോ ഈ വില?

സന്തോ​ഷ​വാ​നാ​യി​രി​ക്കു​വാൻ നിങ്ങൾക്കു മദ്യത്തി​ന്റെ ആവശ്യ​മി​ല്ലെന്നു നിങ്ങ​ളെ​ത്തന്നെ അനുസ്‌മ​രി​പ്പി​ക്കു​ന്നതു സഹായി​ച്ചേ​ക്കാം. ആത്മാഭി​മാ​ന​വും നല്ല ആരോ​ഗ്യ​വും വിശ്വ​സ്‌ത​രായ സുഹൃ​ത്തു​ക്ക​ളും ഒരു സ്‌നേ​ഹ​മുള്ള കുടും​ബ​വും ഉണ്ടായി​രി​ക്കാൻ ഒരു കൃത്രിമ ഔന്നത്യ​ത്തി​ന്റെ ആവശ്യം നിങ്ങൾക്കില്ല. ജീവി​ത​ത്തി​ന്റെ ഈ മണ്ഡലങ്ങ​ളി​ലുള്ള വിജയം വരുന്നതു ദൈവ​വ​ചനം ബാധക​മാ​ക്കു​ന്ന​തി​ലൂ​ടെ​യാണ്‌. (സങ്കീർത്തനം 1:1-3) വൈകാ​രി​ക​മോ ശാരീ​രി​ക​മോ ആയ വേദന​യി​ല്ലാത്ത നിത്യ​മായ ജീവി​ത​മെന്ന ഏറെ ശോഭ​ന​മായ ഒരു ഭാവി​ക്കാ​യുള്ള ഒരു പ്രത്യാ​ശ​യും​കൂ​ടെ ആ വചനം നിങ്ങൾക്കു നല്‌കു​ന്നു! (വെളി​പ്പാ​ടു 21:3, 4) അത്തര​മൊ​രു പ്രത്യാശ മദ്യം വർജ്ജി​ക്കാൻ നിങ്ങൾക്കു മറെറാ​രു കാരണം​കൂ​ടെ നല്‌കു​ന്നു.—1 കൊരി​ന്ത്യർ 6:9, 10 താരത​മ്യ​പ്പെ​ടു​ത്തുക.

സഹായം സ്വീക​രി​ക്കു​ക

എന്നിരു​ന്നാ​ലും പൂർവ്വ​സ്ഥി​തി​പ്രാ​പി​ക്കാ​നുള്ള വെറു​മൊ​രു ആഗ്രഹം സാധാ​ര​ണ​മാ​യി മതിയാ​യി​രി​ക്കു​ന്നില്ല. മററു​ള്ള​വ​രിൽനി​ന്നു​മുള്ള പിന്തു​ണ​യും സഹായ​വും​കൂ​ടെ നിങ്ങൾക്കാ​വ​ശ്യ​മാ​യി​രി​ക്കും. “ഒരുവ​നെ​ക്കാൾ ഇരുവർ ഏറെ നല്ലതു” എന്നു ശലോ​മോൻ രാജാവു പറഞ്ഞു. “വീണാൽ ഒരുവൻ മറേറ​വനെ എഴു​ന്നേ​ല്‌പി​ക്കും.” (സഭാ​പ്ര​സം​ഗി 4:9, 10) നിങ്ങളു​ടെ പ്രശ്‌ന​ത്തിൽ നിങ്ങളെ സഹായി​ക്കാൻ ആരെ​യെ​ങ്കി​ലും ആശ്രയി​ക്കു​ന്നത്‌ എളുപ്പ​മാ​യി​രി​ക്കില്ല. എന്നാൽ പൂർവ്വ​സ്ഥി​തി​പ്രാ​പി​ച്ചു​വ​രുന്ന കാത്തി എന്നു പേരുള്ള ഒരു മദ്യാസക്ത ഈ ഉപദേശം നല്‌കു​ന്നു: “ആളുക​ളിൽ വിശ്വാ​സ​മർപ്പി​ക്കാൻ പഠിക്കൂ, പ്രത്യേ​കി​ച്ചു നിങ്ങളു​ടെ കുടും​ബ​ത്തിൽ.” അതേ, മിക്കവാ​റും സംഗതി​ക​ളിൽ നിങ്ങളു​ടെ കുടും​ബം നിങ്ങൾക്കാ​വ​ശ്യ​മുള്ള സ്‌നേ​ഹ​വും പിന്തു​ണ​യും നല്‌കാൻ കഴിയുന്ന ഏററവും നല്ല സ്ഥാനത്താണ്‌.

നിങ്ങൾ മദ്യപാ​ന​ത്തിൽ ഉൾപ്പെ​ടാ​നുള്ള ഒന്നാമത്തെ കാരണം നിങ്ങളു​ടെ കുടുംബ സാഹച​ര്യ​മാ​യി​രി​ക്കാ​മെ​ന്നതു സത്യമാ​യി​ക്കൊ​ള്ളട്ടെ. എന്നാൽ നിങ്ങളു​ടെ സാഹച​ര്യ​ത്തെ​പ്പ​ററി മാതാ​പി​താ​ക്കളെ ബോധ​വാൻമാ​രാ​ക്കി​യാൽ വീട്ടിലെ കാര്യങ്ങൾ മെച്ച​പ്പെ​ടു​ത്തേ​ണ്ട​തി​ന്റെ ആവശ്യം അവർക്കു കാണാ​നാ​വി​ല്ലേ? തന്നിമി​ത്തം നിങ്ങൾക്ക്‌ ഒരു ഗുരു​ത​ര​മായ പ്രശ്‌ന​മു​ണ്ടെന്നു പറഞ്ഞു​കൊ​ണ്ടു മാതാ​പി​താ​ക്കളെ സമീപി​ക്കാൻ നിങ്ങൾക്ക്‌ എന്തു​കൊ​ണ്ടു ശ്രമി​ച്ചു​കൂ​ടാ? സകല കുററ​വും അവരു​ടെ​മേൽ വെക്കു​ന്ന​തി​നു​പ​കരം, അവരുടെ സഹായ​ത്തി​നും പിന്തു​ണ​യ്‌ക്കും വേണ്ടി അഭ്യർത്ഥി​ക്കുക. മാതാ​പി​താ​ക്ക​ളോ​ടു തുറന്ന​തും സത്യസ​ന്ധ​വു​മായ ഒരു സമീപനം സ്വീക​രി​ക്കു​ന്നത്‌, ദൈവ​ഭ​വ​ന​ത്തെ​പ്പോ​ലെ “യുക്തമാ​യി ചേർന്നു . . . ഏകീഭ​വി​ക്കാൻ” നിങ്ങളു​ടെ കുടും​ബത്തെ സഹായി​ക്കും. (എഫെസ്യർ 4:16) ഈ വിധത്തിൽ നിങ്ങൾക്കെ​ല്ലാ​വർക്കും വിജയ​ക​ര​മായ ഒരു തിരി​ച്ചു​വ​ര​വി​നാ​യി ഒരുമി​ച്ചു പ്രവർത്തി​ക്കു​ന്ന​തി​നു തുടക്ക​മി​ടാ​നാ​കും.

കുടും​ബ​ത്തിൽനി​ന്നു പിന്തുണ ലഭിക്കു​ന്നി​ല്ലെ​ങ്കിൽ, മററു​ള്ള​വർക്കു സഹായ​മെ​ത്തി​ക്കാൻ കഴിയും.b (സദൃശ​വാ​ക്യ​ങ്ങൾ 17:17) ബോബു​മാ​യി ഒരു ക്രിസ്‌തീയ മൂപ്പൻ സൗഹൃദം സ്ഥാപിച്ചു. അദ്ദേഹം ഓരോ ആഴ്‌ച​യി​ലും അവനെ കാണു​ക​യും അങ്ങനെ മാസങ്ങ​ളോ​ളം അവന്റെ പുരോ​ഗതി ശ്രദ്ധാ​പൂർവം നിരീ​ക്ഷി​ച്ചു​കൊ​ണ്ടി​രി​ക്കു​ക​യും ചെയ്‌തു. ബോബ്‌ പറയുന്നു: “അദ്ദേഹ​ത്തി​ന്റെ താത്‌പ​ര്യ​വും ശ്രദ്ധയും എന്റെ ദുഷിച്ച സ്വഭാവം മാററാൻ ആവശ്യ​മായ ആത്മാഭി​മാ​നം എനിക്കു നല്‌കി.”—യാക്കോബ്‌ 5:13, 14.

സകലത്തി​ലു​മു​പ​രി​യാ​യി, യഹോ​വ​യാം ദൈവ​ത്തി​ന്റെ സഹായം നിങ്ങൾക്ക്‌ ആവശ്യ​മാ​ണെന്നു തിരി​ച്ച​റി​യുക. ബലത്തി​നാ​യി അവനിൽ ആശ്രയി​ക്കുക. അതെ, ദൈവ​ത്തി​ന്റെ സഹായ​ത്താൽ “മനംത​കർന്നവർ”ക്കു യഹോ​വ​യു​ടെ ‘സൗഖ്യ​മാ​ക്ക​ലും അവരുടെ മുറി​വു​ക​ളു​ടെ കെട്ട’ലും അനുഭ​വി​ക്കാൻ സാധി​ക്കും.—സങ്കീർത്തനം 147:3; സങ്കീർത്തനം 145:14 കൂടെ കാണുക.

പുതിയ സുഹൃ​ത്തു​ക്കളെ കണ്ടെത്തുക

മദ്യം ദുരു​പ​യോ​ഗി​ക്കുന്ന ചെറു​പ്പ​ക്കാ​രു​ടെ​മേ​ലുള്ള മുഖ്യ​മായ ഒരു സ്വാധീ​നം സുഹൃ​ത്തു​ക്ക​ളാ​ണെന്നു ന്യൂസി​ലൻഡി​ലെ ഒരു സർവ്വേ റിപ്പോർട്ടു ചെയ്യുന്നു. അതു​കൊ​ണ്ടു കുടി​യൻമാ​രു​മാ​യി നിങ്ങൾ സഹവസി​ക്കു​ക​യാ​ണെ​ങ്കിൽ മദ്യപാ​നം നിർത്തു​ന്നതു ദുഷ്‌ക്ക​ര​മാ​ണെന്നു നിങ്ങൾ കണ്ടെത്തും. ഇക്കാര​ണ​ത്താൽ ബൈബിൾ പ്രബോ​ധി​പ്പി​ക്കു​ന്നു: “നീ വീഞ്ഞു കുടി​ക്കു​ന്ന​വ​രു​ടെ (മുഴുകുടിയൻമാരുടെ, NW) കൂട്ടത്തിൽ . . . ഇരിക്ക​രുത്‌.” (സദൃശ​വാ​ക്യ​ങ്ങൾ 23:20) പുതി​യ​തും ആരോ​ഗ്യാ​വ​ഹ​വു​മായ സുഹൃ​ദ്‌ബ​ന്ധങ്ങൾ വളർത്തി​യെ​ടു​ക്കുക. “ചീത്ത സഹവാസം പ്രയോ​ജ​ന​പ്ര​ദ​മായ ശീലങ്ങളെ പാഴാ​ക്കി​ക്ക​ള​യു​ന്നു”വെന്നതു സത്യമാ​യി​രി​ക്കു​ന്ന​തു​പോ​ലെ, നല്ല സുഹൃ​ത്തു​ക്കൾ ഒരു ഗുണപ​ര​മായ സ്വാധീ​ന​മാണ്‌.—1 കൊരി​ന്ത്യർ 15:33, NW.

ഇതു സത്യമാ​ണെന്നു കിം കണ്ടെത്തി. അവൾ ഇങ്ങനെ സമ്മതി​ച്ചു​പ​റ​യു​ന്നു: “അതു ദുഷ്‌ക്ക​ര​മാ​യി​രു​ന്നു, എന്നാൽ എന്റെ സുഹൃ​ത്തു​ക്കളെ എനിക്കു മാറേ​റ​ണ്ടി​വന്നു . . . മദ്യത്തി​ന്റെ​യോ മയക്കു​മ​രു​ന്നു​ക​ളു​ടെ​യോ അരിക​ത്താ​യി​രി​ക്കാൻ ഞാൻ ആഗ്രഹി​ച്ചില്ല.” മദ്യപി​ക്കാത്ത സുഹൃ​ത്തു​ക്കളെ കണ്ടെത്തുക പ്രയാ​സ​മാ​ണെന്നു സമ്മതി​ക്കാം. എന്നിരു​ന്നാ​ലും യഹോ​വ​യു​ടെ സാക്ഷി​ക​ളു​ടെ ഇടയിലെ മാതൃ​കാ​യോ​ഗ്യ​രായ യുവജ​നങ്ങൾ നിയമ​വി​രുദ്ധ മദ്യപാ​ന​ത്തിൽ ഏർപ്പെ​ടു​ന്നി​ല്ലെന്നു നിങ്ങൾക്കു കാണാം. വിനോ​ദ​ത്തി​ന്റെ​യോ മോച​ന​ത്തി​ന്റെ​യോ ഒരു ഉറവെ​ന്ന​നി​ല​യിൽ അവർ മദ്യത്തിൽ ആശ്രയി​ക്കു​ന്നു​മില്ല. അതു​കൊ​ണ്ടു “പഴയ മനുഷ്യ​നെ അവന്റെ പ്രവൃ​ത്തി​ക​ളോ​ടു​കൂ​ടെ ഉരിഞ്ഞു​കള”യാനുള്ള നിങ്ങളു​ടെ ശ്രമങ്ങളെ സഹായി​ക്കാൻ—തടയാനല്ല—അവർക്കു കഴിയും.—കൊ​ലൊ​സ്സ്യർ 3:9.

നിങ്ങൾക്കു പൂർവ്വ​സ്ഥി​തി പ്രാപി​ക്കാൻ കഴിയും!

മദ്യം കൂടാതെ ജീവി​ക്കു​ന്നതു നിങ്ങൾക്കു നീണ്ടു​പോ​കുന്ന ഒരു പോരാ​ട്ട​മാ​യി​രി​ക്കും. വർജ്ജനം ചില സമയങ്ങ​ളിൽ വളരെ വിഷമ​ക​ര​മാ​യി​രി​ക്കാം. “(മദ്യപി​ക്കാ​നുള്ള) വളരെ ശക്തമായ നിർബന്ധം എന്നിൽ ഇപ്പോ​ഴു​മുണ്ട്‌, പ്രത്യേ​കി​ച്ചു ഞാൻ ആകുല​ചി​ത്ത​യോ കുണ്‌ഠി​ത​യോ വിഷണ്ണ​യോ വ്രണി​ത​യോ ആയിരി​ക്കു​മ്പോൾ”, എന്ന്‌ അന സമ്മതി​ച്ചു​പ​റഞ്ഞു. അതിനാൽ പൂർവ്വ​സ്ഥി​തി​പ്രാ​പി​ച്ചു​വ​രുന്ന ഒരു മദ്യാ​സ​ക്തന്‌ അത്യു​ഗ്ര​മായ കുററ​ബോ​ധ​ങ്ങ​ളി​ലേക്കു നയിക്കുന്ന ഒരു പുനഃ​പ​തനം അനുഭ​വ​പ്പെ​ടു​ക​യെ​ന്നത്‌ അസാധാ​ര​ണ​മായ ഒരു സംഗതി​യല്ല. അപ്രകാ​രം സംഭവി​ക്കു​ന്നെ​ങ്കിൽ, “നാം എല്ലാവ​രും പലതി​ലും തെററി​പ്പോ​കു​ന്നു” എന്ന്‌ ഓർമ്മി​ക്കുക. (യാക്കോബ്‌ 3:2) നിങ്ങളു​ടെ ബലഹീ​ന​ത​കളെ അറിയുന്ന കരുണ​യു​ടെ ഒരു ദൈവ​മാ​ണു യഹോവ എന്നതും ഓർമ്മി​ക്കുക.—സങ്കീർത്തനം 103:14

എന്നിരു​ന്നാ​ലും, ദൈവ​ത്തി​ന്റെ ദയയെ ദുരു​പ​യോ​ഗ​പ്പെ​ടു​ത്താ​തി​രി​ക്കാൻ ശ്രദ്ധാ​ലു​വാ​യി​രി​ക്കുക. നിങ്ങളു​ടെ തെററിൽനി​ന്നു പഠിക്കുക, വീണ്ടു​മൊ​രു പുനഃ​പ​ത​ന​ത്തി​ലേ​ക്കെ​ത്തി​പ്പെ​ടാ​തി​രി​ക്കാൻ മുമ്പെ​ന്ന​ത്തേ​ക്കാ​ളു​മ​ധി​ക​മാ​യി ദൃഢനി​ശ്ചയം ചെയ്യുക. അത്തര​മൊ​രു ദൃഢനി​ശ്ചയം പ്രകട​മാ​ക്കി​യ​തി​നാൽ, ബോബി​നു മദ്യപാ​നം നിർത്തു​വാൻ കഴിഞ്ഞു. അന്നുമു​തൽ, അവന്റെ കുടും​ബ​വു​മാ​യും ദൈവ​വു​മാ​യും സമാധാ​ന​പൂർണ്ണ​മായ ബന്ധങ്ങൾ ആസ്വദി​ക്കാൻ അവനു സാധി​ച്ചി​രി​ക്കു​ന്നു. ഇപ്പോ​ഴത്തെ അവന്റെ സന്തുഷ്ട​മായ ജീവി​ത​ത്തിൽ ഒരു മുഴു​സമയ ശുശ്രൂ​ഷ​ക​നെ​ന്ന​നി​ല​യി​ലുള്ള സേവന​വും ഉൾപ്പെ​ടു​ന്നു. മദ്യത്തി​നെ​തി​രായ പോരാ​ട്ട​ത്തിൽ നിങ്ങൾ വിജയി​ച്ചാൽ, സന്തുഷ്ടി​യും മനഃസ​മാ​ധാ​ന​വും നിങ്ങൾക്കു​മു​ണ്ടാ​കും. (g93 1/22)

[അടിക്കു​റി​പ്പു​കൾ]

[16-ാം പേജിലെ ചിത്രം]

യുവ മദ്യാ​സക്തർ തങ്ങൾക്കൊ​രു പ്രശ്‌ന​മു​ണ്ടെന്നു നിഷേ​ധി​ക്കാൻ ചായ്‌വു കാണി​ക്കു​ന്നു