ലോകത്തെ വീക്ഷിക്കൽ

പകർച്ച​വ്യാ​ധി തിരി​ച്ചു​വ​രു​ന്നു

“പകർച്ച​വ്യാ​ധി​കൾ വരുത്തുന്ന അപകടം ഇതുവ​രെ​യും പൊയ്‌പ്പോ​യി​ട്ടില്ല. അതു വഷളാ​യി​ക്കൊ​ണ്ടി​രി​ക്കു​ന്നു” എന്ന്‌ യു.എസ്‌ നാഷനൽ അക്കാദമി ഓഫ്‌ സയൻസസ്‌ പുറത്തി​റ​ക്കിയ ഒരു റിപ്പോർട്ടി​നെ സംബന്ധി​ച്ചു യെൽ യൂണി​വേ​ഴ്‌സി​റ​റി​യി​ലെ റോബർട്ട്‌ ഷോപ്പ്‌ പറഞ്ഞു. “കാര്യങ്ങൾ വീണ്ടും നിയ​ന്ത്ര​ണ​ത്തിൽ കൊണ്ടു​വ​രു​ന്ന​തി​നു നാം ആത്മാർഥ​മായ തയ്യാ​റെ​ടു​പ്പു​കൾ നടത്തുന്നില്ലെങ്കിൽ, HIV സാം​ക്ര​മിക രോഗ​ത്തോ​ടോ 1918-1919-ലെ പകർച്ച​പ്പനി സാം​ക്ര​മിക രോഗ​ത്തോ​ടോ സമാന​മായ പുതിയ ആപൽഘ​ട്ട​ങ്ങളെ നാം അഭിമു​ഖീ​ക​രി​ക്കും.” ഇതി​നോ​ടകം നാലു രോഗങ്ങൾ വളരെ ദുരി​ത​ത്തി​നും മരണത്തി​നും ഇടയാ​ക്കി​ക്കൊണ്ട്‌ “അപ്രതീ​ക്ഷി​ത​മാ​യി പ്രത്യ​ക്ഷ​പ്പെ​ട്ടി​രി​ക്കു​ന്നു” എന്നു റിപ്പോർട്ടു തയ്യാറാ​ക്കിയ കമ്മിറ​റി​യിൽ ഷോപ്പി​നോ​ടൊ​പ്പം സഹചെ​യർമാ​നാ​യി​രുന്ന ജോഷ്വാ ലെഡർബെർഗ്‌ കൂട്ടി​ച്ചേർക്കു​ന്നു. ആ രോഗങ്ങൾ മരുന്നു ഫലിക്കാത്ത ക്ഷയം, എയിഡ്‌സ്‌, ലൈം രോഗം, സ്‌റ്ര​റി​പ്‌റേ​റാ​കോ​ക്കൽ അണുബാധ എന്ന മാരക​മായ ഒരു പുതിയ രൂപം എന്നിവ​യാണ്‌. കഴിഞ്ഞ മൂന്നു ദശകങ്ങ​ളി​ലേ​റെ​യാ​യി അനേകം മരുന്നു​ക​ളും ആൻറി​ബ​യോ​ട്ടി​ക്കു​ക​ളും വികസി​പ്പി​ച്ചെ​ടു​ത്തി​ട്ടു​ണ്ടെ​ങ്കി​ലും സൂക്ഷ്‌മ​രോ​ഗാ​ണു​ക്കൾ വ്യത്യ​സ്‌ത​വി​ധ​ങ്ങ​ളിൽ അവയോ​ടുള്ള പ്രതി​രോ​ധം ആർജി​ച്ചി​ട്ടുണ്ട്‌. ഉദാഹ​ര​ണ​ത്തിന്‌, ബാക്ടീ​രി​യ​യ്‌ക്ക്‌ ആൻറി​ബ​യോ​ട്ടിക്ക്‌ പ്രതി​രോ​ധ​ത്തി​നു​വേണ്ടി ജീനുകൾ ഉൾപ്പെ​ടെ​യുള്ള ജനിതക വസ്‌തു​ക്കൾ കൈമാ​ററം ചെയ്യാൻ കഴിയും. അനന്തര​ഫ​ല​മാ​യി, ആശുപ​ത്രി​ക​ളും ദിനപ​രി​പാ​ലന കേന്ദ്ര​ങ്ങ​ളും അഗതി​മ​ന്ദി​ര​ങ്ങ​ളും ഭവനര​ഹി​ത​രാ​യ​വർക്കു മരുന്നു ഫലിക്കാത്ത പകർച്ച​വ്യാ​ധി​ക​ളു​ടെ പോഷക കേന്ദ്ര​ങ്ങ​ളാ​യി​ത്തീർന്നി​രി​ക്കു​ന്നു. വർധിച്ച അന്താരാ​ഷ്‌ട്ര യാത്ര ഈ “മരുന്നു ഫലിക്കാത്ത അണുക്കളെ” ഗോള​ത്തി​നു ചുററും വ്യാപി​പ്പി​ച്ചി​രി​ക്കു​ന്നു. “പകർച്ച​വ്യാ​ധി​യെ സംബന്ധിച്ച്‌, നാം അകലെ ആയിരി​ക്കുന്ന ഒരു സ്ഥലവും നാം വേർപെ​ട്ടി​രി​ക്കുന്ന ഒരു വ്യക്തി​യും ഇല്ല” എന്നു ന്യൂ​യോർക്കി​ലെ ആൽബർട്ട്‌ ഐൻസ്‌റ​റീൻ ഔഷധ കോള​ജി​ലെ ബാരി ബ്ലൂം പറയുന്നു. (g93 3⁄22)

താഴേ​ക്കി​ട​യി​ലെ ജീവിതം

ഇൻഡ്യ​യി​ലെ മൂഷാ​റു​കൾ “എല്ലായ്‌പോ​ഴും സമൂഹ​ത്തി​ന്റെ ഏററവും താഴേ​ക്കി​ട​യിൽ നിന്നി​രി​ക്കു​ന്നു” എന്ന്‌ ഇന്ത്യാ ടുഡേ അടുത്ത​യി​ടെ പറഞ്ഞു. അവരുടെ ജാതിയെ പരാമർശി​ക്കുന്ന പ്രകാരം, തൊട്ടു​കൂ​ടാ​ത്ത​വ​രു​ടെ ഈ സമൂഹ​ത്തിൽ ഏതാണ്ട്‌ 30 ലക്ഷത്തോ​ളം പേരുണ്ട്‌, അവർ മുഖ്യ​മാ​യി ബീഹാർ സംസ്ഥാ​ന​ത്തിൽ താമസി​ക്കു​ന്നു. അറുപതു വയസ്സുള്ള ഒരു മൂഷാർ പറയു​ന്ന​ത​നു​സ​രിച്ച്‌, അധികം​പേർക്കും “ഒരു പൂർണ ഭോജനം എന്തർഥ​മാ​ക്കു​ന്നു​വെന്ന്‌ അറിയില്ല.” ഗ്രാമ​പ്ര​ദേ​ശത്തു ഭക്ഷണം തേടി​ന​ട​ക്കുന്ന മൂഷാർ കുട്ടി​ക​ളു​ടെ ഒരു കൂട്ടത്തെ ഇന്ത്യാ ടുഡേ വ്യക്തമാ​യി വിവരി​ക്കു​ന്നു, അവർ എലിപ്പ​ടയെ പൊത്തു​ക​ളിൽനി​ന്നു പുകച്ചു​ചാ​ടി​ക്കു​ന്നു, അവയെ ഒരുമി​ച്ചു​കൂ​ട്ടി ചുട്ടു​തി​ന്നു​ന്നു. പ്രാ​ദേ​ശിക ഭാഷയിൽ, “മൂഷാർ” എന്നതിന്റെ അർഥം “എലിപി​ടി​ക്കു​ന്നവൻ” എന്നാ​ണെന്നു മാസിക വിശദീ​ക​രി​ക്കു​ന്നു.

കൗമാ​ര​പ്രാ​യ​ക്കാ​രു​ടെ സാത്താൻസേവ

ദക്ഷിണാ​ഫ്രി​ക്ക​യി​ലെ ജോഹാ​ന്ന​സ്‌ബർഗി​ലുള്ള വിദ്യാ​ല​യ​ങ്ങ​ളിൽ സാത്താൻസേവ കൂടുതൽ പ്രചാരം നേടി​ക്കൊ​ണ്ടി​രി​ക്കു​ന്നു. ഒരു മനഃശാ​സ്‌ത്രജ്ഞ സാത്താൻസേവ ബാധിച്ച ഒരുകൂ​ട്ടം വിദ്യാർഥി​കളെ ചികി​ത്സി​ച്ചു​വെന്നു പറയു​ന്ന​താ​യി വർത്തമാ​ന​പ്പ​ത്ര​മായ ദ സ്‌ററാർ പറയുന്നു. മയക്കു​മ​രു​ന്നു കഴിക്കു​ക​യും ലൈം​ഗീ​ക​ത​യി​ലും ക്രൂര​വൈ​കൃത മദി​രോ​ത്സ​വ​ങ്ങ​ളി​ലും (sadomasochistic orgies) ഏർപ്പെ​ടു​ക​യും ചെയ്‌ത നഗര​പ്രാ​ന്ത​ത്തി​ലെ മന്ത്രവാ​ദി സംഘങ്ങ​ളെ​ക്കു​റി​ച്ചു രോഗി​കൾ പറഞ്ഞു. ഇവരിൽനി​ന്നു വ്യത്യ​സ്‌ത​മാ​യി, “ഈ കുട്ടികൾ പൂർണ​മാ​യി ആദരണീ​യ​രാ​യി കാണ​പ്പെ​ടു​ന്നു” എന്ന്‌ അവർ പറയുന്നു. രാജ്യ​ത്തു​ട​നീ​ള​മുള്ള പൈശാ​ചിക കൂട്ടങ്ങ​ളെ​ക്കു​റി​ച്ചു പൊലീ​സു​കാർ ജാഗ്ര​ത​യു​ള്ള​വ​രാ​ണെന്ന്‌ ഒരു പൊലീസ്‌ ഉദ്യോ​ഗസ്ഥൻ ദ സ്‌ററാർ-നോടു പറഞ്ഞു. സാത്താൻസേവ നിയമ​വി​രു​ദ്ധമല്ല, എന്നാൽ സാത്താന്യ ചടങ്ങു​ക​ളോ​ടു ബന്ധപ്പെട്ട കുററ​കൃ​ത്യ​ങ്ങൾക്കു പൊലീസ്‌ ഉചിത​മായ നടപടി എടുക്കു​ന്നു. മുപ്പ​ത്തെട്ടു വയസ്സുള്ള സ്‌ത്രീ​യെ കൊന്ന​തിന്‌ ഒരു കൗമാ​ര​പ്രാ​യ​ക്കാ​രി​യെ​യും അവളുടെ കളി​ത്തോ​ഴ​നെ​യും അവർ അടുത്ത​യി​ടെ അറസ്‌റ​റു​ചെ​യ്‌തു. ഇരുവ​രും സാത്താൻസേ​വ​യു​മാ​യി ബന്ധപ്പെ​ട്ടി​രു​ന്നു, സാത്താന്യ സ്വാധീ​ന​ത്തിൻ കീഴി​ലാ​ണു കൊല നടത്തി​യ​തെന്ന്‌ അവർ പൊലീ​സി​നോ​ടു പറഞ്ഞു.

ഹരിത ഗൃഹ പ്രഭാ​വ​ത്താ​ലുള്ള കൊടു​ങ്കാ​റ​റു​കൾ

അടുത്ത​കാ​ലത്തെ ഉഗ്രമായ കൊടു​ങ്കാ​റ​റു​ക​ളു​ടെ പൊട്ടി​പു​റ​പ്പെടൽ ഒരുപക്ഷേ മമനു​ഷ്യ​ന്റെ മലിനീ​ക​ര​ണം​നി​മി​ത്ത​മുള്ള അന്തരീ​ക്ഷ​ത്തി​ന്റെ താപവർധ​ന​വി​നോട്‌ അഥവാ ഹരിത ഗൃഹ പ്രഭാ​വ​ത്തോ​ടു (green house effect) ബന്ധപ്പെ​ട്ടി​രി​ക്കാ​മെന്നു ശാസ്‌ത്ര​ജ്ഞൻമാർ ഉത്‌ക്ക​ണ്‌ഠ​പ്പെ​ടു​ന്നു. ന്യൂസ്‌വീക്ക്‌ മാസിക പറയു​ന്ന​ത​നു​സ​രിച്ച്‌, ഏതാനും ഡിഗ്രി കൂടു​ത​ലുള്ള ഒരു ശരാശരി ഊഷ്‌മാവ്‌ അത്തരം കാററു​കളെ തീവ്ര​മാ​ക്കു​ക​യും അവയെ ഉത്‌പാ​ദി​പ്പി​ക്കുന്ന സമു​ദ്ര​ത്തി​ന്റെ വിസ്‌തൃ​തി വിശാ​ല​മാ​ക്കു​ക​യും ചെയ്‌തേ​ക്കാം. ആയിര​ത്തി​ത്തൊ​ള്ളാ​യി​ര​ത്തി​തൊ​ണ്ണൂ​റ​റി​ര​ണ്ടി​ലെ ആൻഡ്രു കൊടു​ങ്കാ​ററ്‌, കൊടു​ങ്കാ​ററു തീവ്രത അളക്കുന്ന 5 പോയിൻറുള്ള ഒരു സ്‌കെ​യി​ലിൽ 5 രേഖ​പ്പെ​ടു​ത്തി എന്നു മാസിക കുറി​ക്കൊ​ള്ളു​ന്നു, അതിനെ നൂറു​വർഷ​ത്തിൽ ഒരിക്കൽ മാത്രം സംഭവി​ക്കുന്ന കൊടു​ങ്കാ​ററ്‌ എന്നു വിളി​ക്കാ​മാ​യി​രു​ന്നു, കാരണം അത്തരം വിപത്തു​കൾ സാധാരണ അത്ര വിരള​മാണ്‌. എന്നാൽ 1989-ലെ ഹ്യൂഗോ കൊടു​ങ്കാ​ററ്‌ നാലും 1988-ലെ ഗിൽബെർട്ട്‌ അഞ്ചും രേഖ​പ്പെ​ടു​ത്തി. അതു​കൊണ്ട്‌ ന്യൂസ്‌വീക്ക്‌ അനേക ശാസ്‌ത്ര​ജ്ഞൻമാ​രു​ടെ ഉത്‌ക്ക​ണ്‌ഠയെ ഇങ്ങനെ സംഗ്ര​ഹി​ക്കു​ന്നു: “ആൻഡ്രു​വി​നെ നോക്കൂ; ഹരിത ഗൃഹ പ്രഭാ​വ​ത്താ​ലുള്ള ലോകം ഒരുപക്ഷേ അതു​പോ​ലെ ആയിരി​ക്കും.” (g93 4⁄8)

ധർമസാ​പനം ആർക്കു​വേണ്ടി?

ഓരോ വർഷവും ധർമസ്ഥാ​പ​നങ്ങൾ പിടി​ച്ചെ​ടു​ക്കുന്ന പണം മുഴു​വ​നും എന്തു സംഭവി​ക്കു​ന്നു? അതില​ധിക പങ്കും അവ നടത്തുന്ന ആളുകൾക്കു കിട്ടുന്നു. ഒരു സർവേ അനുസ​രിച്ച്‌, ഐക്യ​നാ​ടു​ക​ളി​ലെ ഏററവും വലിയ 100 ധർമസ്ഥാ​പ​ന​ങ്ങ​ളിൽ മൂന്നി​ലൊ​ന്നി​ന്റെ മുഖ്യ കാര്യ​നിർവാ​ഹകർ ഓരോ​രു​ത്ത​രും കഴിഞ്ഞ​വർഷം ശമ്പളങ്ങ​ളി​ലും ആനുകൂ​ല്യ​ങ്ങ​ളി​ലു​മാ​യി 2,00,000-ത്തിലധി​കം ഡോളർ സമ്പാദി​ച്ചു. ഇൻറർനാ​ഷനൽ ഹെറാൾഡ്‌ ട്രൈ​ബ്യൂൺ അപ്രകാ​രം റിപ്പോർട്ടു ചെയ്യുന്നു. ഈ കാര്യ​നിർവാ​ഹ​ക​രിൽ മൂന്നു​പേർക്ക്‌ 5,00,000-ത്തിലധി​കം ഡോളർ ലഭിച്ചു. ധന ദുർവ്യ​യ​ത്തി​നും വാരി​ക്കോ​രി ചെലവി​ട്ട​തി​നും കുററം ചുമത്ത​പ്പെട്ട ഒരു ധർമസ്ഥാ​പ​ന​ത്തി​ന്റെ പ്രസി​ഡ​ണ്ടി​നെ പുറത്താ​ക്കി​ക്കൊണ്ട്‌ ഈ സർവേ ശോഭി​ച്ചു. അദ്ദേഹം പ്രതി​വർഷം 3,90,000 ഡോളർ സമ്പാദി​ച്ചു​കൂ​ട്ടു​ക​യാ​യി​രു​ന്നു. അദ്ദേഹ​ത്തി​ന്റെ പിൻഗാ​മി 1,95,000 ഡോളർ “മാത്രമെ” ഉണ്ടാക്കു​ന്നു​ള്ളു.

വിവാ​ഹ​മോ​ചനം ഞങ്ങളെ വേർപി​രി​ക്കും​വരെ

ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റെ​റാ​ന്നിൽ 1,30,000-ത്തിലധി​കം വിവാ​ഹങ്ങൾ ജർമനി​യി​ലെ വിവാ​ഹ​മോ​ചന കോട​തി​ക​ളിൽ അവസാ​നി​ച്ചു​വെന്നു ആൾജെ​മൈനാ സൈറ​റുംഗ്‌ വർത്തമാ​ന​പ്പ​ത്രം റിപ്പോർട്ടു​ചെ​യ്യു​ന്നു. വിവാ​ഹ​ത്ത​കർച്ച സാധാ​ര​ണ​മാ​യി​ത്തീർന്നി​രി​ക്കു​ന്നതി​നാൽ “നിങ്ങളു​ടെ വിവാ​ഹ​മോ​ച​ന​ത്തിന്‌ അഭിന​ന്ദ​നങ്ങൾ” അല്ലെങ്കിൽ “നിങ്ങളു​ടെ ജീവി​ത​ത്തി​ന്റെ നല്ല ദിനങ്ങ​ളു​ടെ ആദ്യദി​ന​ത്തി​ലേക്കു സ്വാഗതം” എന്നിങ്ങ​നെ​യുള്ള ആകർഷ​ക​മായ വാചകങ്ങൾ വഹിക്കുന്ന സഹതാപ കാർഡു​കൾ സമൃദ്ധി​യാ​യി ഉത്‌പാ​ദി​പ്പി​ച്ചി​ട്ടുണ്ട്‌. ജർമനി​യിൽ ഇപ്പോൾ വിവാ​ഹി​ത​രാ​കുന്ന ദമ്പതി​ക​ളിൽ ഏതാണ്ടു 10 ശതമാനം പേർ വിവാ​ഹ​ത്തി​നു വളരെ മുമ്പേ​തന്നെ വിവാ​ഹ​മോ​ച​ന​ത്തി​നുള്ള തയ്യാ​റെ​ടു​പ്പു​കൾ നടത്തുന്നു. വിവാ​ഹ​മോ​ച​ന​ത്തി​ന്റെ സമയത്ത്‌ ഏത്‌ ഇണയ്‌ക്ക്‌ എന്തു കിട്ടും—വീട്‌, വീട്ടു​സാ​മാ​നങ്ങൾ—എന്നു വ്യക്തമാ​ക്കുന്ന ഉടമ്പടി​കൾ അവർ എഴുതി​വെ​ക്കു​ന്നു. ഇത്രയ​ധി​കം വിവാ​ഹ​മോ​ച​നങ്ങൾ എന്തു​കൊ​ണ്ടാണ്‌? ആൾജെ​മൈനാ സൈറ​റുംഗ്‌ ഇങ്ങനെ പ്രസ്‌താ​വി​ക്കു​ന്നു: “മോതി​രം കൈമാ​റി ഏതാനും വർഷങ്ങൾ കഴിഞ്ഞു ഭർത്താ​ക്കൻമാർ തങ്ങളിൽ വളരെ​ക്കു​റച്ചു താത്‌പ​ര്യ​മേ പ്രകട​മാ​ക്കു​ന്നു​ള്ളു​വെന്ന്‌ 80 ശതമാനം സ്‌ത്രീ​കൾ പരാതി​പ്പെ​ടു​ന്നു. . . . ആറുവർഷത്തെ വിവാഹ ജീവി​ത​ത്തി​നു​ശേഷം സാധാരണ ഒരു ദിവസം വെറും ഒൻപതു മിനി​ററു മാത്രം അവർ പരസ്‌പരം സംസാ​രി​ക്കു​ന്നു​ള്ളു​വെന്ന്‌ 5,000 ദമ്പതികൾ ഉൾപ്പെട്ട ഒരു പഠനം സ്ഥിരീ​ക​രി​ച്ചു.”

ശിക്ഷണ​ത്തി​ന്റെ അഭാവ​ത്തി​നു മാതാ​പി​താ​ക്കൾ വില​കൊ​ടു​ക്കു​ന്നു

ഒരു മോ​ട്ടോർ​സൈ​ക്കിൾ സംഘത്തി​ലെ കൗമാ​ര​പ്രാ​യ​ക്കാ​രായ മൂന്ന്‌ അംഗങ്ങ​ളു​ടെ മാതാ​പി​താ​ക്കൾ തങ്ങളുടെ കുട്ടി​ക​ളു​ടെ കുററ​കൃ​ത്യ​ത്തി​നു നഷ്ടപരി​ഹാ​രം കൊടു​ക്കാൻ സഹായി​ക്ക​ണ​മെന്നു ജപ്പാനി​ലെ ടോക്കി​യോ​യി​ലുള്ള ഒരു കോടതി വിധിച്ചു. അവരുടെ മോ​ട്ടോർ​സൈ​ക്കി​ളു​ക​ളു​ടെ ശബ്ദത്തെ​ക്കു​റി​ച്ചു പരാതി​പ്പെ​ട്ട​തി​നെ തുടർന്ന്‌ ആ ആൺകു​ട്ടി​കൾ ഒരു മനുഷ്യ​നെ തല്ലുക​യും വയററത്ത്‌ ആവർത്തി​ച്ചു തൊഴി​ക്കു​ക​യും ചെയ്‌തി​രു​ന്നു. ഒരു മാസം കഴിഞ്ഞ്‌ ആ മനുഷ്യൻ മരിച്ചു. “ഈ കുററ​കൃ​ത്യം, സ്‌കൂ​ളിൽ ആവർത്തി​ച്ചു ഹാജരാ​കാ​തി​രി​ക്കൽ, മദ്യപാ​നം, പുകവ​ലി​യും മോ​ട്ടോർ​സൈ​ക്കി​ളിൽ ചുററി​ക്ക​റ​ങ്ങ​ലും എന്നിങ്ങനെ ആ നാലു യുവജ​നങ്ങൾ നയിച്ചി​രുന്ന ജീവി​ത​രീ​തി​യു​ടെ ഒരു തുടർച്ച​യാ​യി​രു​ന്നു” എന്നു ജഡ്‌ജി പറഞ്ഞതാ​യി മൈനി​ച്ചി ഡെയ്‌ലി ന്യൂസ്‌ ഉദ്ധരിച്ചു. “തങ്ങളുടെ പുത്രൻമാർ നയിച്ചി​രുന്ന ജീവി​ത​രീ​തി​യെ​ക്കു​റി​ച്ചു പൂർണ​മാ​യും അറിയാ​മാ​യി​രു​ന്നി​രി​ക്കെ സംഘാം​ഗ​ങ്ങ​ളു​ടെ മാതാ​പി​താ​ക്കൾ അവർക്കു ശിക്ഷണം കൊടു​ത്തില്ല,” എന്ന്‌ അദ്ദേഹം പറഞ്ഞു. മരിച്ച​യാ​ളു​ടെ കുടും​ബ​ത്തി​നു നഷ്ടപരി​ഹാ​ര​മാ​യി മൊത്തം 30,00,000 മാർക്ക്‌ (ഏതാണ്ട്‌ 7,00,000 യു.എസ്‌ ഡോളർ) കൊടു​ക്കാൻ മാതാ​പി​താ​ക്ക​ളോ​ടു ജഡ്‌ജി കല്‌പി​ച്ചു. (g93 4⁄8)

പുരോ​ഹിത വിവാ​ഹ​മോ​ചന നിരക്ക്‌ ഉയരുന്നു

“ജർമനി​യിൽ ഓരോ മൂന്നു വിവാ​ഹ​ങ്ങ​ളിൽ ഒന്നു വീതം വിവാ​ഹ​മോ​ച​ന​ത്തിൽ കലാശി​ക്കു​ന്നു” എന്നു ദ ജർമൻ ട്രൈ​ബ്യൂൺ കുറി​ക്കൊ​ള്ളു​ന്നു. തത്തുല്യ​മാ​യി, “കൂടുതൽ കൂടുതൽ പ്രൊ​ട്ട​സ്‌റ​റൻറ്‌ ശുശ്രൂ​ഷ​ക​രു​ടെ വിവാ​ഹങ്ങൾ പരാജ​യ​പ്പെ​ട്ടു​കൊ​ണ്ടി​രി​ക്കു​ന്നു.” “സ്‌ത്രീ-പുരുഷ ശുശ്രൂ​ഷ​ക​രു​ടെ ഇടയിലെ വിവാ​ഹ​മോ​ചന നിരക്ക്‌ ഇപ്പോൾ സാധാരണ ആളുക​ളി​ലേ​തി​നോ​ളം ഉയർന്ന​താണ്‌” എന്ന്‌ പ്രൊ​ട്ട​സ്‌ററ്‌ സഭാ പ്രസി​ഡ​ണ്ടി​ന്റെ ഹെസ്സെ​യി​ലെ​യും നാസ്സോ​വി​ലെ​യും പ്രതി​പു​രു​ഷ​നായ ഹാൻസ്‌മാർട്ടിൻ ഹോയ്‌സൽ സമ്മതി​ക്കു​ന്നു. വിവാ​ഹ​ബന്ധം അഭേദ്യ​മാ​യി​രി​ക്കണം എന്നു സഭ പഠിപ്പി​ക്കു​മ്പോൾത്തന്നെ, “യാഥാർഥ്യം, പുരോ​ഹി​തൻമാ​രു​ടെ ഇടയിൽപ്പോ​ലും തികച്ചും വ്യത്യ​സ്‌ത​മാണ്‌. പാസ്‌റ​റർമാർ ഉൾപ്പെ​ടുന്ന വിവാ​ഹ​മോ​ച​ന​ത്തിൽ വ്യക്തി​പ​ര​മായ ക്രിസ്‌തീ​യ​വി​ശ്വാ​സ​ത്തി​നും സഭാപ​ഠി​പ്പി​ക്ക​ലി​നും വ്യാപ​ക​മായ വ്യതി​യാ​നം സംഭവി​ക്കു​ന്നു” എന്നു ട്രൈ​ബ്യൂൺ പ്രസ്‌താ​വി​ക്കു​ന്നു. ഏതാനും ചില​തൊ​ഴി​കെ “വിവാ​ഹ​മോ​ചനം നടത്തിയ പാസ്‌റ​റർക്ക്‌ ഒരു പാസ്‌ററർ എന്നനി​ല​യിൽ തന്റെ പഴയസ്ഥ​ലത്തു തന്നെയോ അല്ലെങ്കിൽ മറെറാ​രി​ട​ത്തോ തുടരാൻ കഴിയും.”

ഗോപാ​ല​ക​രു​ടെ ഗാനം

ദൃശ്യത പരിമി​ത​പ്പെ​ട്ടി​രി​ക്കു​ന്നി​ടത്ത്‌, കുന്നു​ക​ളിൽ ചിതറി​യി​രി​ക്കുന്ന കന്നുകാ​ലി​കളെ ഒരുമി​ച്ചു കൂട്ടു​ന്ന​തി​നു​വേണ്ടി ജപ്പാനി​ലെ കന്നുകാ​ലി വളർത്തു​കാർ കൂടുതൽ കാര്യ​ക്ഷ​മ​വും കുറഞ്ഞ സമയ​ചെ​ല​വു​ള്ള​തു​മായ ഒരു മാർഗ​ത്തി​നു​വേണ്ടി അന്വേ​ഷി​ക്കു​ക​യാ​യി​രു​ന്നു. സംഗീ​ത​ത്താൽ കന്നുകാ​ലി​കളെ ഒരുമി​ച്ചു കൂട്ടാൻ കഴിയു​മോ എന്നറി​യാൻ അവർ ഒരു പരീക്ഷണം നടത്തി. പതിമൂ​ന്നു ദിവസ​ത്തേക്കു അവർ ഹാരു നോ ഒഗാവാ (വസന്തത്തി​ലെ കൊച്ച​രു​വി) എന്ന ജാപ്പനീസ്‌ രാഗം ഒരു സമയത്തു മൂന്നു മിനി​ററ്‌ നേര​ത്തേക്ക്‌ 16 കന്നുകാ​ലി​കളെ ദിവസം രണ്ടുമു​തൽ നാലു​വരെ തവണ പാടി​ക്കേൾപ്പി​ച്ചു. അതുക​ഴിഞ്ഞ്‌ ഉടനെ, അവർ അവയുടെ ഇഷ്ടപ്പെട്ട തീററ അവയ്‌ക്കു കൊടു​ത്തു. കന്നുകാ​ലി​കൾ പ്രസവി​ക്കുന്ന ഒരു ശൈത്യ​കാല ഇടവേ​ള​യ്‌ക്കു​ശേഷം “പരിശീ​ലി​പ്പിച്ച” പത്തു കന്നുകാ​ലി​കളെ അവയുടെ ഒൻപതു കിടാ​ക്ക​ളോ​ടൊ​പ്പം മേച്ചിൽസ്ഥ​ല​ങ്ങ​ളി​ലേക്കു വിട്ടു. അതേ രാഗം വീണ്ടും പാടി. “രണ്ടു മിനി​റ​റു​കൊ​ണ്ടു മുഴു​കൂ​ട്ട​വും എത്തി​ച്ചേർന്നു, ഏതാണ്ടു നാലു മാസ​ത്തേക്ക്‌ അവ കേൾക്കാ​തി​രുന്ന സംഗീ​ത​ത്താൽ അവയെ ഒരുമി​ച്ചു കൂട്ടി” എന്ന്‌ ആസാഹി ഈവനിംങ്‌ ന്യൂസ്‌ റിപ്പോർട്ടു ചെയ്യുന്നു.

നന്നായി സൂക്ഷിച്ച വൈദ്യ​ശാ​സ്‌ത്ര രഹസ്യം

ഡച്ച്‌ വൈദ്യ​ശാ​സ്‌ത്ര സമിതി​യു​ടെ ഏററവും നന്നായി സൂക്ഷി​ച്ചി​രുന്ന രഹസ്യ​ങ്ങ​ളി​ലൊന്ന്‌ വൈ​ദ്യോ​പ​ദേ​ശ​ക​യായ മാർഗ​രീ​ററാ മിക്കാൽസൻ വെളി​പ്പെ​ടു​ത്തി. ഒരു കുട്ടി​യു​ടെ പിതാ​വെന്നു പ്രഖ്യാ​പി​ക്ക​പ്പെട്ട ഒരു മനുഷ്യ​നു ക്രോ​മോ​സോം പൊരു​ത്ത​മി​ല്ലായ്‌മ നിമിത്തം രക്തബന്ധ​മുള്ള ഒരു പിതാ​വാ​യി​രി​ക്കാൻ കഴിയു​ക​യില്ല എന്നു പാരമ്പര്യ രോഗ​ങ്ങൾക്കു രോഗി​കളെ പരി​ശോ​ധി​ക്കുന്ന ഡോക്ടർമാർ നിരന്തരം കണ്ടുപി​ടി​ക്കു​ന്നു​വെന്ന്‌ അവർ തുറന്നു​കാ​ട്ടി. സുഡൻഡി​യോ​സ്‌ചി സൈറ​റംഗ്‌ വർത്തമാ​ന​പ്പ​ത്രം പറയു​ന്ന​ത​നു​സ​രിച്ച്‌ ഡെൻമാർക്കിൽ അഞ്ചുമു​തൽ എട്ടുവരെ ശതമാ​ന​ത്തി​നി​ട​യിൽ പിതാ​ക്കൻമാർ കുട്ടി​ക​ളോ​ടു രക്തബന്ധ​മുള്ള പിതാ​ക്കൻമാ​രല്ല. പ്രതി​വർഷ​മുള്ള 60,000 ജനനങ്ങ​ളിൽ കുറഞ്ഞ​പക്ഷം 3,000 എണ്ണം വിശ്വാ​സ​വ​ഞ്ച​ന​യോ​ടു ബന്ധപ്പെ​ട്ട​താണ്‌ എന്ന്‌ ഇത്‌ അർഥമാ​ക്കു​ന്നു. എന്നിരു​ന്നാ​ലും, ഈ കണ്ടുപി​ടി​ത്തത്തെ സംബന്ധി​ച്ചു പുരു​ഷൻമാ​രോ​ടു പറഞ്ഞി​ട്ടില്ല, കുടും​ബ​ത്തിൽ പിളർപ്പ്‌ ഇല്ലാതി​രി​ക്കാൻവേ​ണ്ടി​ത്തന്നെ.

ശരീ​രോ​ഷ്‌മാ​വു പുനഃ​പ​രി​ശോ​ധന

ഒരു നൂററാ​ണ്ടി​ല​ധി​ക​മാ​യി മനുഷ്യ​ശ​രീര ഊഷ്‌മാവ്‌ 37 ഡിഗ്രി സെൻറീ​ഗ്രേഡ്‌ ആയി അംഗീ​ക​രി​ക്ക​പ്പെ​ട്ടി​രി​ക്കു​ന്നു, പ്രായ​പൂർത്തി​യായ 25,000 ആളുക​ളു​ടെ ശരീ​രോ​ഷ്‌മാ​വി​ന്റെ പത്തുല​ക്ഷ​ത്തി​ല​ധി​കം അളവു​കളെ അടിസ്ഥാ​ന​മാ​ക്കി, 1868-ൽ കാൾ വുൻണ്ടർലിക്ക്‌ പ്രസി​ദ്ധീ​ക​രിച്ച ഒരു പത്രത്തി​ന്റെ ഫലമാ​യി​ട്ടാ​ണിത്‌. താപമാ​പി​നി​യിൽ ഊഷ്‌മാ​വു രേഖ​പ്പെ​ടു​ത്താൻ ഏതാണ്ടു 15മുതൽ 20വരെ മിനി​ററ്‌ എടുത്ത​തി​നാ​ലും കക്ഷത്തിൽ ഇരിക്കു​മ്പോൾത്തന്നെ അവർ അതു രേഖ​പ്പെ​ടു​ത്തേ​ണ്ടി​യി​രു​ന്ന​തി​നാ​ലും ഇതൊരു സാഹസിക കൃത്യ​മാ​യി​രു​ന്നു. എന്നിരു​ന്നാ​ലും, ഈ സംഖ്യ മാററണം എന്നു യൂണി​വേ​ഴ്‌സി​ററി ഓഫ്‌ മേരി​ലാൻഡ്‌ സ്‌കൂൾ ഓഫ്‌ മെഡി​സി​നി​ലെ ഫിലിപ്പ്‌ എ. മാക്കോ​വി​യാക്ക്‌ പറയുന്നു, അദ്ദേഹ​ത്തി​ന്റെ പഠനം കാണി​ച്ച​തു​പോ​ലെ 37 ഡിഗ്രി സെൻറീ​ഗ്രേഡ്‌ “മൊത്ത​ത്തി​ലുള്ള ശരാശരി ഊഷ്‌മാ​വോ പഠനം നടത്തിയ ഏതെങ്കി​ലും കാലയ​ള​വി​ലെ ശരാശരി ഊഷ്‌മാ​വോ മധ്യത്തി​ലുള്ള ഊഷ്‌മാ​വോ ഏററവും കൂടുതൽ ആവർത്തി​ച്ചു രേഖ​പ്പെ​ടു​ത്തിയ ഊഷ്‌മാ​വി​ന്റെ ഒററപ്പെട്ട സംഖ്യ​യോ ആയിരു​ന്നില്ല.” വാസ്‌ത​വ​ത്തിൽ, അത്‌ എടുത്ത 700 റീഡി​ങു​ക​ളിൽ എട്ടു ശതമാനം മാത്രമെ കണക്കാ​ക്കി​യു​ള്ളു. ശരാശരി ശരീ​രോ​ഷ്‌മാവ്‌ 36.8 ഡിഗ്രി ആയിരി​ക്ക​ണ​മെന്ന്‌ അദ്ദേഹം പറയുന്നു. (g93 3⁄22)