സ്‌നേ​ഹി​തരെ വിനോ​ദി​പ്പി​ക്കാൻ നിങ്ങൾ ആഗ്രഹി​ക്കു​ന്നു​വോ?

സന്ധ്യയാ​കാൻ തുടങ്ങി​യ​തേ​യു​ണ്ടാ​യി​രു​ന്നു​ള്ളു, ഒരു സാമൂ​ഹിക കൂടി​വ​രവു നടക്കു​ക​യാ​യി​രു​ന്നു. ഹാജരാ​യി​രുന്ന എല്ലാവ​രും അതാസ്വ​ദി​ച്ചു​കൊ​ണ്ടി​രു​ന്ന​പ്പോൾ ചെറു​പ്പ​ക്കാ​രായ രണ്ടുപേർ സംഗീ​ത​വും ഒരു ഹ്രസ്വ​ഹാ​സ്യ​നാ​ട​ക​വും ഉൾപ്പെടെ അൽപ്പം വിനോ​ദ​പ​രി​പാ​ടി അവതരി​പ്പി​ക്കാൻ പോകു​ക​യാ​ണെന്ന്‌ അറിയി​ച്ചു.

ഈ രണ്ടു​പേ​രും പലതവണ വിജയ​ക​ര​മാ​യി പരിപാ​ടി​കൾ അവതരി​പ്പി​ച്ചി​രു​ന്നു, അതു​കൊണ്ട്‌ ആവേ​ശോ​ജ്ജ്വ​ല​മായ ഒരു പ്രതി​ക​രണം അവർ പ്രതീ​ക്ഷി​ച്ചു. എന്നാൽ അവരെ വിഷമി​പ്പി​ച്ചു​കൊണ്ട്‌, തുറിച്ച നോട്ട​വും മൂകത​യും ഒടുവിൽ വളരെ​ക്കു​റച്ചു കരഘോ​ഷ​വും മാത്ര​മാ​യി​രു​ന്നു അവതര​ണ​ത്തി​നു ലഭിച്ച പ്രതി​ക​രണം. അവരുടെ പ്രകടനം പരാജ​യ​പ്പെട്ടു! എന്തായി​രു​ന്നു കുഴപ്പം?

നിങ്ങൾക്കു​ള്ള ഒരു കഴിവു നിങ്ങളു​ടെ സ്‌നേ​ഹി​ത​രു​മാ​യി പങ്കുവ​യ്‌ക്കാൻ നിങ്ങൾ ആഗ്രഹി​ക്കു​ന്നെ​ങ്കിൽ, സമാന​മായ ഒരനു​ഭവം ഉണ്ടാ​യേ​ക്കാ​മെ​ന്നുള്ള ഭയം നിമിത്തം നിങ്ങൾ മടിച്ചു​നിൽക്കു​ന്നു​വോ? യഥാർഥ​ത്തിൽ ആളുകൾക്കു വിനോ​ദം അനുഭ​വ​പ്പെ​ട്ട​താ​യി തോന്നി​ക്കു​ന്ന​തി​ന്റെ രഹസ്യം എന്താണ്‌? അല്ലെങ്കിൽ നിങ്ങൾത്തന്നെ പരിപാ​ടി അവതരി​പ്പി​ക്കു​ന്നതു സംബന്ധിച്ച്‌ ഒരിക്ക​ലും ചിന്തി​ച്ചി​ട്ടി​ല്ലാ​യി​രി​ക്കാം, എന്നാൽ നിങ്ങളു​ടെ വീട്ടിലെ കൂടി​വ​ര​വു​ക​ളിൽ മററു​ള്ളവർ അങ്ങനെ ചെയ്യാൻ നിങ്ങൾ ആവശ്യ​പ്പെ​ട്ടി​ട്ടു​ണ്ടാ​യി​രി​ക്കാം. വാസ്‌തവം ഇതാ​ണെ​ങ്കിൽ, അവതരി​പ്പി​ക്കുന്ന പരിപാ​ടി നിങ്ങളു​ടെ അതിഥി​കൾ ആസ്വദി​ക്കു​മെന്നു നിങ്ങൾക്ക്‌ എങ്ങനെ ഉറപ്പു​ണ്ടാ​യി​രി​ക്കാൻ കഴിയും?

പിൻവ​രു​ന്ന നിർദേ​ശങ്ങൾ ഭവനത്തി​ലെ സംഗീ​ത​വി​രു​ന്നി​ന്റെ നിലപാ​ടിൽ വികസി​പ്പി​ച്ചി​ട്ടു​ള്ള​താണ്‌. എന്നിരു​ന്നാ​ലും, ലഘുഹാ​സ്യ​നാ​ട​കങ്ങൾ, സൈഡ്‌ള്‌ പ്രദർശ​നങ്ങൾ, കഥകൾ, അനുഭ​വങ്ങൾ തുടങ്ങി​യവ അവതരി​പ്പി​ക്കു​ന്ന​തു​പോ​ലുള്ള മററു വിനോ​ദ​രൂ​പ​ങ്ങൾക്കും ഈ തത്ത്വങ്ങ​ളി​ല​ധി​ക​വും ബാധക​മാ​ണെന്നു നിങ്ങൾ കണ്ടെത്തും.

സാഹച​ര്യം സൃഷ്ടിക്കൽ

ഒരു സംഗീ​താ​വ​ത​രണം ഉൾപ്പെ​ടു​ത്താൻ ഉദ്ദേശി​ച്ചു​കൊണ്ട്‌, നിങ്ങൾ ഒരു കൂടി​വ​രവ്‌ ആസൂ​ത്രണം ചെയ്യു​ന്നു​വെന്നു സങ്കല്‌പി​ക്കുക. വിനോ​ദ​ത്തി​ന്റെ ഒരു ഉറവാ​യി​രി​ക്കു​ന്ന​തി​നു വളരെ​യ​ധി​കം സംഗീ​ത​വൈ​ദ​ഗ്‌ദ്ധ്യം നിങ്ങൾക്ക്‌ (അഥവാ അവതരി​പ്പി​ക്കു​ന്ന​വർക്ക്‌) ആവശ്യ​മില്ല. വാസ്‌ത​വ​ത്തിൽ ചില വിദഗ്‌ദ്ധ സംഗീ​തജ്ഞർ വിനോ​ദാ​ഭി​രു​ചി കുറഞ്ഞ​വ​രാണ്‌. ഇത്‌ ആസ്വദി​ക്കാൻ ആളുകളെ എങ്ങനെ സഹായി​ക്കാം എന്ന്‌ അറിഞ്ഞി​രി​ക്കു​ന്നതു വിനോ​ദി​പ്പി​ക്കു​ന്ന​തിൽ ഉൾപ്പെ​ട്ടി​രി​ക്കു​ന്ന​തു​കൊ​ണ്ടാണ്‌. ആസ്വാ​ദ​ന​ത്തി​നു സഹായ​ക​മായ ഒരു സാഹച​ര്യം സൃഷ്ടി​ക്കു​ന്ന​തോ​ടെ ഇതു തുടങ്ങു​ന്നു. ദൃഷ്ടാ​ന്ത​ത്തിന്‌, എത്ര അതിഥി​കളെ നിങ്ങൾ ക്ഷണിക്കും?

ഒരു വലിയ ആൾക്കൂട്ടം ഉണ്ടായി​രി​ക്കു​ന്ന​തി​നെ​ക്കാൾ, ഒരു ചെറിയ കൂട്ടം ഉള്ളപ്പോൾ നിങ്ങൾ വിജയി​ക്കാൻ കൂടുതൽ സാദ്ധ്യ​ത​യുണ്ട്‌. ഒരു ചെറിയ കൂട്ടം മററു​ള്ള​വ​രോ​ടു സംസാ​രി​ക്കാ​നും അവരുടെ സഹവാസം ആസ്വദി​ക്കാ​നു​മുള്ള അവസരം ഓരോ വ്യക്തി​ക്കും പ്രദാനം ചെയ്യുന്നു. അതു​പോ​ലെ, ആസ്വാ​ദ​ന​ത്തി​ന്റെ ഒരു അന്തരീക്ഷം സൃഷ്ടി​ക്കാൻ സഹായി​ക്കു​ന്ന​തിന്‌, ലഘുഭ​ക്ഷ​ണ​ങ്ങ​ളോ, ഒരു ഊണോ, കേവലം ചെറു​ക​ടി​യോ ക്രമീ​ക​രി​ക്കു​ന്ന​തി​നെ​ക്കു​റി​ച്ചു ചിന്തി​ക്കുക. ചെറു​കടി മാത്രമേ നിങ്ങൾ നൽകു​ന്നു​ള്ളു​വെ​ങ്കിൽ, കൂടുതൽ പ്രതീ​ക്ഷി​ച്ചു വരാതി​രി​ക്കാൻ അതി​നെ​ക്കു​റി​ച്ചു നിങ്ങളു​ടെ അതിഥി​കളെ അറിയി​ക്കുക.

നിങ്ങളു​ടെ സംഗീ​താ​വ​ത​രണം എപ്പോൾ നടത്തണ​മെന്നു അറിഞ്ഞി​രി​ക്കു​ന്നതു പ്രധാ​ന​മാണ്‌. പലരും സ്വതഃ​പ്രേ​രി​ത​മായ ഒരു സംഗതി ഇഷ്ടപ്പെ​ടു​ന്നു, മാർഗ​നിർദേശം കൂടാ​തെ​തന്നെ അവർ സ്വയം തീററി​യി​ലും സംഭാ​ഷ​ണ​ത്തി​ലും ഏർപ്പെ​ടു​ന്നു. നിങ്ങളു​ടെ അതിഥി​കളെ സംബന്ധിച്ച്‌ ഇതു സത്യമാ​ണെ​ങ്കിൽ, ആസൂ​ത്രണം ചെയ്‌ത ഒരു പരിപാ​ടി പെട്ടെന്ന്‌ അവതരി​പ്പി​ക്കു​ന്ന​തി​നു​മുമ്പ്‌ അവർക്കു സമയം കൊടു​ക്കുക. തുടക്ക​ത്തിൽ പരാമർശിച്ച രണ്ടു ചെറു​പ്പ​ക്കാർ ചെയ്യാൻ കൂട്ടാ​ക്കാ​ഞ്ഞത്‌ ഇതായി​രു​ന്നു. മററു പ്രവർത്ത​നങ്ങൾ നിലയ്‌ക്കാൻ തുടങ്ങു​ന്ന​തു​വരെ അവർ കാത്തി​രു​ന്നെ​ങ്കിൽ, തങ്ങളുടെ സദസ്സ്‌ കൂടുതൽ സ്വീകാ​ര്യ​ക്ഷ​മ​ത​യു​ള്ള​താ​ണെന്ന്‌ ഒരുപക്ഷേ അവർ കണ്ടെത്തു​മാ​യി​രു​ന്നു.

നിങ്ങൾ ഒരു സംഗീ​ത​വി​രുന്ന്‌ ആസൂ​ത്രണം ചെയ്യു​ന്നെ​ങ്കിൽ, ഒരു തീയ്‌ക്കു ചുററും എന്നപോ​ലെ എല്ലാവ​രെ​യും ഒന്നിച്ചു​കൂ​ട്ടു​ന്ന​തോ തറയിൽ ഇരിക്കു​ന്ന​തോ പ്രയോ​ജ​ന​ക​ര​മാ​ണെന്നു നിങ്ങൾ കണ്ടെത്തി​യേ​ക്കാം. നല്ല മാനസി​കാ​വ​സ്ഥ​യും ചുററു​പാ​ടു​ക​ളും ഉണ്ടായി​രി​ക്കു​മ്പോൾ, ആളുകൾ ഏറെ നന്നായി പാടുന്നു. ശരിയായ അന്തരീക്ഷം സൃഷ്ടി​ക്കു​ന്നത്‌ അതിഥി​കൾ നിങ്ങളു​ടെ അവതരണം ആസ്വദി​ക്കു​മെന്ന്‌ ഉറപ്പു വരുത്താൻ വളരെ സഹായ​ക​മാ​കും. നിങ്ങളു​ടെ സംഗീ​ത​വി​രു​ന്നി​നോ​ടു സ്വീകാ​ര്യ​ക്ഷ​മ​ത​യു​ള്ള​വ​രാ​യി​രി​ക്കാൻ ഇത്‌ അവരെ നല്ല മാനസി​കാ​വ​സ്ഥ​യിൽ ആക്കി​വെ​ക്കും.

നിങ്ങളു​ടെ അതിഥി​കൾക്കു​വേണ്ടി സംഗീ​ത​മാ​ല​പി​ക്കാ​നുള്ള സമയം ഇപ്പോൾ വന്നിരി​ക്കു​ന്നു. സദസ്സിനെ നിങ്ങൾക്ക്‌ എങ്ങനെ വിജയ​ക​ര​മാ​യി വിനോ​ദി​പ്പി​ക്കാൻ കഴിയും?

ഒരു സദസ്സിനെ മോഹി​പ്പി​ക്കൽ

ഒരു നല്ല അവതരണം നിരീ​ക്ഷി​ക്കു​ന്നതു മിക്കയാ​ളു​ക​ളും ആസ്വദി​ക്കു​ന്നു. എന്തിന്‌, അടുത്ത​കാ​ലത്ത്‌ ഒരാണ്ടിൽത്തന്നെ ന്യൂ​യോർക്കിൽ ബ്രോ​ഡ്‌വേ​യി​ലുള്ള തീയേ​റ​റ​റു​ക​ളിൽ 81,42,000 ടിക്കറ​റു​കൾ വിററ​ഴി​ഞ്ഞു, 25 കോടി 34 ലക്ഷം ഡോളർ പിരി​ച്ചെ​ടു​ത്തു​കൊ​ണ്ടു​തന്നെ! എന്നാൽ നിങ്ങളു​ടെ പ്രകടനം പണം ലഭിക്കാത്ത ഒരു ഹോബി​യാ​ണെ​ങ്കിൽ, അവശ്യം നിങ്ങൾ പ്രദാനം ചെയ്യുന്ന വിനോ​ദം തേടാത്ത ഒരു സദസ്സിന്റെ താത്‌പ​ര്യ​ത്തെ പിടി​ച്ചു​നിർത്തു​ക​യെന്ന വെല്ലു​വി​ളി നിങ്ങൾ അഭിമു​ഖീ​ക​രി​ക്കു​ന്നു. പരിഹാ​ര​മെ​ന്താണ്‌? വേണ്ടത്ര മികവി​നെ നിങ്ങളു​ടെ സദസ്സു​മാ​യുള്ള അടുത്ത ബന്ധവു​മാ​യി സമജ്ഞസ​മാ​ക്കുക. ഇതാ ചില നിർദേ​ശങ്ങൾ:

നന്നായി അഭ്യസിച്ച ഇനം ഉപയോ​ഗി​ക്കുക. ഗിത്താർ അധ്യാ​പ​ക​നായ ഫ്രെഡ​റിക്‌ നോഡ്‌ ഇപ്രകാ​രം മുന്നറി​യി​പ്പു നൽകുന്നു: “മറെറ​ന്തി​നെ​യെ​ങ്കി​ലും കുറിച്ചു ചിന്തി​ക്കു​മ്പോൾ നിങ്ങൾക്കു മിക്കവാ​റും അവതരി​പ്പി​ക്കാൻ കഴിയുന്ന, നന്നായി ഹൃദി​സ്ഥ​മാ​ക്കിയ ഒരു സംഗീ​ത​രചന ഉണ്ടായി​രി​ക്കു​ന്നത്‌ ആവശ്യ​മാണ്‌.” അതു​കൊ​ണ്ടു പുതു​താ​യി പഠിച്ച ഇനങ്ങൾ ഭാവി​യി​ലേക്കു സൂക്ഷി​ച്ചു​വ​യ്‌ക്കു​ന്നതു ബുദ്ധി​യാണ്‌. മി. നോഡ്‌ ഇങ്ങനെ പറയുന്നു: “കൂടുതൽ മതിപ്പു​ള​വാ​ക്കുന്ന ഒരിനം മോശ​മാ​യി അവതരി​പ്പി​ക്കു​ന്ന​തി​നെ​ക്കാൾ ലളിത​മായ ഒരിനം നന്നായി അവതരി​പ്പി​ക്കു​ന്നതു കൂടുതൽ നല്ലതാണ്‌.”

നിങ്ങളു​ടെ സദസ്സിനെ ഉൾപ്പെ​ടു​ത്തുക. പാട്ടുകൾ എഴുതിയ ഷീററു​കൾ സദസ്സിനു വിതരണം ചെയ്‌തു​കൊ​ണ്ടു തന്നോ​ടൊ​പ്പം പാടാൻ താൻ അവരെ ആഹ്വാനം ചെയ്യു​മാ​യി​രു​ന്നു എന്നു പ്രസ്‌താ​വി​ച്ചു​കൊണ്ട്‌, വർഷങ്ങ​ളി​ലെ തൊഴിൽ പരിചയം നേടിയ ഒരു സംഗീ​തജ്ഞൻ സദസ്യ​പ​ങ്കു​പ​റ​റ​ലി​ന്റെ മൂല്യം ഊന്നി​പ്പ​റഞ്ഞു. സദസ്സിനെ നിങ്ങളു​ടെ അവതര​ണ​ത്തി​ന്റെ ഒരു ഭാഗമാ​ക്കി​ത്തീർക്കു​ന്നത്‌ അവരുടെ ആവേ​ശോ​ജ്ജ്വ​ല​മായ പിന്തുണ നിലനിർത്താൻ സഹായി​ച്ചേ​ക്കും.

വൈവി​ദ്ധ്യ​ത്തി​നു ലക്ഷ്യം വയ്‌ക്കുക. സകലതും വളരെ പേടി​ച്ചും മൃദു​വാ​യും പാടു​ന്നതു ചിലരു​ടെ ഒരു പൊതു സ്വഭാ​വ​മാണ്‌. എന്നിരു​ന്നാ​ലും, ഫ്രെഡ​റിക്‌ നോഡ്‌ ഇപ്രകാ​രം ശുപാർശ ചെയ്യുന്നു: “ഓരോ ഇനത്തി​ലും ഉച്ചത്തി​ലു​ള്ള​തും മൃദു​വാ​യ​തു​മായ എന്തെങ്കി​ലും വൈവി​ദ്ധ്യം ഉളവാ​ക്കാൻ സദാ ശ്രമി​ക്കുക; ദൃഷ്ടാ​ന്ത​ത്തിന്‌, ഒരു ഭാഗം ആവർത്തി​ക്കു​മ്പോൾ, ഏതാണ്ട്‌ ഒരു പ്രതി​ധ്വ​നി​യു​ടെ തോന്നൽ ഉളവാ​ക്കി​ക്കൊണ്ട്‌ ആദ്യ പ്രസ്‌താ​വം ഉച്ചത്തിൽ പാടു​ന്ന​തും പിന്നീട്‌ ആവർത്തി​ക്കുന്ന ഭാഗം മൃദു​വാ​യി പാടു​ന്ന​തും മിക്ക​പ്പോ​ഴും ഫലപ്ര​ദ​മാണ്‌. . . . കേവലം സ്വരങ്ങ​ളിൽനി​ന്നു വ്യത്യ​സ്‌ത​മാ​ക്കി​നിർത്തുന്ന ഇത്തരം വ്യത്യ​സ്‌ത​ത​ക​ളിൽ സംഗീ​താ​ലാ​പ​ന​ത്തി​ന്റെ പകുതി സംതൃ​പ്‌തി​യും കണ്ടെത്താൻ കഴിയും.”

സ്വയം ആസ്വദി​ക്കുക. മുഷി​പ്പ​നോ സഭാക​മ്പ​മു​ള്ള​വ​നോ സ്വാത്മ​ബോ​ധ​മു​ള്ള​വ​നോ ആയി നിങ്ങൾ കാണ​പ്പെ​ടു​ന്നെ​ങ്കിൽ, നിങ്ങളു​ടെ അതിഥി​കൾ സ്വാസ്ഥ്യം അനുഭ​വി​ക്കു​ക​യില്ല; ഏതെങ്കി​ലും പ്രസിദ്ധ കലാകാ​രനെ നിങ്ങൾ ബോധ​പൂർവം അനുക​രി​ക്കു​ക​യാ​ണെ​ങ്കി​ലും അവർക്കു വിനോ​ദം അനുഭ​വ​പ്പെ​ടു​ക​യില്ല. സകല ദൃഷ്ടി​ക​ളും നിങ്ങളു​ടെ മേലാ​യി​രി​ക്കു​മ്പോൾ സ്വസ്ഥത തോന്നുക പ്രയാ​സ​മാണ്‌, എന്നാൽ ആയാസ​രാ​ഹി​ത്യം തോന്നാ​നും നാട്യം ഒഴിവാ​ക്കാ​നും ഉത്സാഹ​ഭ​രി​ത​നാ​യി​രി​ക്കാ​നും നിങ്ങൾ ചെയ്യു​ന്നത്‌ ആസ്വദി​ക്കാ​നും നിങ്ങൾ പഠി​ക്കേ​ണ്ട​തുണ്ട്‌. അപ്പോൾ മാത്രമേ നിങ്ങളു​ടെ സദസ്സു സ്വാസ്ഥ്യം അനുഭ​വി​ക്കു​ക​യും നിങ്ങളു​ടെ വിനോ​ദം ആസ്വദി​ക്കു​ക​യും ചെയ്യു​ക​യു​ള്ളു.

അതു ഹ്രസ്വ​മാ​ക്കി നിർത്തുക! യഥാർഥ വിനോ​ദ​ക്കാ​രൻ സദസ്സ്യർ ആഗ്രഹി​ക്കുന്ന പാട്ടു​ക​ളു​ടെ എണ്ണത്തിൽ ഒന്നു കുറവു മാത്രമേ ആലപി​ക്കു​ക​യു​ള്ളു, അവർ ആഗ്രഹി​ക്കു​ന്ന​തി​നെ​ക്കാൾ ഒരു പാട്ടു​പോ​ലും കൂടുതൽ പാടു​ക​യില്ല. ഒരു സാധാരണ മുറി​യിൽ, 20-ഓ 30-ഓ മിനി​റ​റു​കൾക്കു​ശേഷം ആളുകൾ അസ്വസ്ഥ​രാ​കാൻ തുടങ്ങി​യേ​ക്കാം. നിങ്ങളു​ടെ അവതരണം അവസാ​നി​ക്കു​മ്പോൾ, നിങ്ങളു​ടെ അതിഥി​കൾ സ്വതഃ​പ്രേ​രി​ത​മായ പ്രവർത്ത​ന​ങ്ങ​ളിൽ ഏർപ്പെ​ടാൻ അനുവ​ദി​ക്കുക. പരിപാ​ടി കഴിഞ്ഞും അവർ പ്രീതി​യോ​ടെ അതു തുടർന്ന്‌ ഓർക്കും, എന്തെന്നാൽ അവർ കൂടുതൽ ആഗ്രഹി​ക്കുന്ന ഒരവസ്ഥ​യിൽ നിങ്ങൾ അവരെ വിട്ടു.

സഭാകമ്പം കൈകാ​ര്യം ചെയ്യൽ

വിദഗ്‌ദ്ധർപോ​ലും സഭാക​മ്പ​ത്തോ​ടു മല്ലിടു​ന്നു. എന്നിരു​ന്നാ​ലും, അതു നിയ​ന്ത്രി​ക്കാൻ അവർ പഠിക്കു​ക​യും ചുരു​ങ്ങി​യ​പക്ഷം സ്വസ്ഥത​യു​ടെ ഒരു തോന്നൽ ഉളവാ​ക്കു​ക​യും ചെയ്യുന്നു. നിങ്ങൾക്ക്‌ അതുതന്നെ എങ്ങനെ ചെയ്യാൻ കഴിയും?

ഒരു സംഗതി, തയ്യാറാ​വുക! ഓരോ വർഷവും ആയിര​ക്ക​ണ​ക്കി​നു പ്രസം​ഗങ്ങൾ വിലയി​രു​ത്തിയ ഡേയ്‌ൽ കാർണകി ഇപ്രകാ​രം തറപ്പിച്ചു പറഞ്ഞു: “തയ്യാറായ ഒരു പ്രസം​ഗ​കനു മാത്രമേ ആത്മവി​ശ്വാ​സ​മു​ള്ള​വ​നാ​യി​രി​ക്കാൻ കഴിയു​ക​യു​ള്ളു.” വിനോ​ദ​ക്കാ​രെ സംബന്ധി​ച്ചും ഇതു തീർച്ച​യാ​യും സത്യമാണ്‌. മുന്ന​മേ​യുള്ള പരിശീ​ല​ന​ത്തി​നും പ്രകട​ന​സ​മ​യ​ത്തി​നു​മു​മ്പുള്ള തയ്യാ​റെ​ടു​പ്പി​നും വ്യത്യാ​സം ഉളവാ​ക്കാൻ കഴിയും. പരിപാ​ടി അവതരി​പ്പി​ച്ചു​കൊ​ണ്ടി​രി​ക്കു​മ്പോൾ നിങ്ങളു​ടെ പരിപാ​ടി​യിൽ മുഴു​കി​യി​രി​ക്കുക. നിങ്ങൾ അവതരി​പ്പി​ക്കുന്ന സകല​ത്തെ​യും കുറിച്ചു ചിന്തി​ക്കു​ക​യും അത്‌ അനുഭ​വ​വേ​ദ്യ​മാ​ക്കു​ക​യും ചെയ്യുക. ന്യൂ ഇംഗ്ലണ്ട്‌ കൺസർവേ​റ​ററി ഓഫ്‌ മ്യൂസി​ക്കി​ലെ ഫ്രാങ്ക്‌ ബാററ്‌സ്‌ററി ഇപ്രകാ​രം നിർദേ​ശി​ക്കു​ന്നു: “വ്യക്തി ചെയ്യേണ്ട ഒരു കാര്യം തന്റെ മുഴു​ശ്ര​ദ്ധ​യും താൻ ചെയ്യു​ന്ന​തിൽ കേന്ദ്രീ​ക​രി​ക്കു​ക​യാണ്‌, അല്ലാതെ അതു സംബന്ധി​ച്ചു മററാ​രെ​ങ്കി​ലും ചിന്തി​ക്കു​ന്ന​തി​നെ​ക്കു​റിച്ച്‌ ഉത്‌ക്ക​ണ്‌ഠ​പ്പെ​ടു​കയല്ല. നിങ്ങൾക്ക്‌ അത്തരം ശ്രദ്ധാ​കേ​ന്ദ്രീ​ക​ര​ണ​ത്തി​ലേക്കു നിങ്ങളെ കൊണ്ടു​വ​രാൻ കഴിയു​ന്നെ​ങ്കിൽ, നിങ്ങൾക്കു യഥാർഥ​ത്തിൽ പേടി​ച്ചി​രി​ക്കാൻ കഴിയില്ല.”

നിങ്ങൾക്കൊ​രു പിശകു പററു​ന്നെ​ങ്കിൽ വെപ്രാ​ളം കാട്ടി അതു നിങ്ങളു​ടെ ശ്രോ​താ​ക്കളെ അറിയി​ക്ക​രുത്‌. തെററ്‌ അധികം പേർ ശ്രദ്ധി​ച്ചി​രി​ക്കു​ക​യില്ല, ബാക്കി​യു​ള്ളവർ മിക്കവാ​റും അതു കാര്യ​മാ​ക്കു​ക​യില്ല. സൂചന​ക്കാ​യി അവർ നിങ്ങളി​ലേക്കു നോക്കും—പിശകു നിസ്സാ​ര​മാ​ണെന്ന മട്ടിൽ നിങ്ങൾ അവതരണം തുടരു​ന്നെ​ങ്കിൽ, അവർ അതിനെ അങ്ങനെ​തന്നെ വീക്ഷി​ക്കും.

സ്രഷ്ടാ​വി​നെ ബഹുമാ​നി​ക്കുന്ന കഴിവ്‌

നിങ്ങളു​ടെ സ്‌നേ​ഹി​തർ വല്ലപ്പോ​ഴും അവർക്കു​വേണ്ടി പാടാൻ ആവശ്യ​പ്പെ​ടു​ന്നെ​ങ്കിൽ, നിങ്ങൾക്ക്‌ അതിനുള്ള യോഗ്യത ഇല്ല എന്നു വിചാ​രി​ച്ചു​കൊ​ണ്ടു നിരസി​ക്കാൻ തിടുക്കം കാട്ടരുത്‌. അവർ പൂർണത ആഗ്രഹി​ച്ചി​രു​ന്നെ​ങ്കിൽ പകരം റെക്കോ​ഡു ചെയ്‌ത സംഗീതം അവർ തിര​ഞ്ഞെ​ടു​ക്കു​മാ​യി​രു​ന്നി​ല്ലേ? തന്റെ ചെറിയ ആസ്വാ​ദ്യ​മായ ഭവനകൂ​ടി​വ​ര​വു​കൾക്കു സ്‌നേ​ഹി​ത​രു​ടെ ഇടയിൽ അറിയ​പ്പെ​ട്ടി​രുന്ന അവിവാ​ഹി​ത​യായ ഒരു സ്‌ത്രീ ഇപ്രകാ​രം പറഞ്ഞു: “ഒരു അതിഥി സംഗീ​താ​ഭി​രു​ചി​യു​ള്ള​യാ​ളും വിനോ​ദം നൽകാ​നും എല്ലാവ​രെ​യും അവതര​ണ​ത്തിൽ ഉൾപ്പെ​ടു​ത്താ​നും ഒരുങ്ങി​യും വരു​മ്പോൾ അത്‌ എത്ര വിസ്‌മ​യ​ക​ര​മാണ്‌!”

അതേ, ഭവനത്തി​ലെ ഉജ്ജ്വല​മായ വിനോ​ദ​ത്തി​നു മാത്ര​മുള്ള ആവേശ​വും രസവും അനേക​രും ആസ്വദി​ക്കു​ന്നു. വിദഗ്‌ദ്ധ​ലോ​കത്തു കണ്ടെത്താൻ പ്രയാ​സ​മേ​റി​വ​രുന്ന ആരോ​ഗ്യാ​വ​ഹ​മായ വിനോ​ദ​മാ​യി​രി​ക്കാം നിങ്ങളു​ടെ സ്‌നേ​ഹി​തർ തേടു​ന്നത്‌ എന്നും ഓർമി​ക്കുക. അതു​കൊ​ണ്ടു മററു​ള്ള​വരെ വിനോ​ദി​പ്പി​ക്കാ​നുള്ള പ്രാപ്‌തി​യു​ടെ വരം നിങ്ങൾക്കു​ണ്ടെ​ങ്കിൽ, “എല്ലാ നല്ല ദാന”ത്തിന്റെ​യും “തികഞ്ഞ വര”ത്തിന്റെ​യും ദാതാ​വായ നമ്മുടെ മഹത്‌സ്ര​ഷ്ടാ​വി​ന്റെ ബഹുമ​തി​ക്കാ​യി അത്‌ ഉപയോ​ഗി​ക്കുക.—യാക്കോബ്‌ 1:17. (g93 4/22)

[15-ാം പേജിലെ ചതുരം]

കൂടുതലായ വിജ്ഞാന നുറു​ങ്ങു​കൾ

വൈവി​ദ്ധ്യ​മു​ള്ള​വ​നാ​യി​രി​ക്കുക. വൈവി​ദ്ധ്യ​മാർന്ന ഇനങ്ങൾ നിങ്ങൾക്ക്‌ അവതരി​പ്പി​ക്കാൻ കഴിവു​ണ്ടെ​ങ്കിൽ, ഓരോ വിഭാ​ഗ​ത്തി​ലും കുറച്ച്‌ ഇനങ്ങൾ മാത്ര​മാ​ണെ​ങ്കിൽപ്പോ​ലും, സദസ്സിന്റെ അഭിരു​ചി​ക​ളെ​യും അഭ്യർഥ​ന​ക​ളെ​യും തൃപ്‌തി​പ്പെ​ടു​ത്താൻ പ്രാപ്‌ത​നാ​യി​രി​ക്കു​ന്ന​തി​ന്റെ ആനുകൂ​ല്യം നിങ്ങൾക്കുണ്ട്‌.

ആകർഷ​ക​മായ ഒരു ക്രമത്തിൽ നിങ്ങളു​ടെ വിഷയം ക്രമ​പ്പെ​ടു​ത്തുക. ഹ്രസ്വ​വും തിരി​ച്ച​റി​യാ​വു​ന്ന​തു​മായ ഇനങ്ങൾക്കൊ​ണ്ടു തുടങ്ങു​ക​യും അവസാ​നി​പ്പി​ക്കു​ക​യും ചെയ്യു​ന്നതു സാധാ​ര​ണ​മാ​യി അത്യന്തം ഫലപ്ര​ദ​മാണ്‌. വളരെ നീണ്ടതും സങ്കീർണ​വു​മായ ഇനങ്ങൾ ഏതെങ്കി​ലും അവതരി​പ്പി​ക്കു​ന്നെ​ങ്കിൽ, അതു പരിപാ​ടി​യു​ടെ മദ്ധ്യഭാ​ഗത്ത്‌ അവതരി​പ്പി​ക്കു​ന്ന​താണ്‌ ഏററവും നല്ലത്‌.

നിങ്ങളു​ടെ സദസ്സിനെ അംഗീ​ക​രി​ക്കുക. തുറി​ച്ചു​നോ​ട്ടം സദസ്സ്യരെ അസ്വസ്ഥ​രാ​ക്കി​യേ​ക്കാ​മെ​ന്നി​രി​ക്കെ, പാട്ടു​ക​ളു​ടെ ഇടയ്‌ക്കു നിങ്ങളു​ടെ സദസ്സിനെ നോക്കി സംസാ​രി​ക്കാൻ നിങ്ങൾക്കു നിശ്ചയ​മാ​യും കഴിയും.

പ്രകട​നത്തെ മുമ്പോ​ട്ടു കൊണ്ടു​പോ​വുക. ഇടക്കി​ട​ക്കുള്ള ആമുഖ പ്രസ്‌താ​വ​നകൾ സ്വാസ്ഥ്യം അനുഭ​വി​ക്കാൻ (നിങ്ങൾ ഉൾപ്പെടെ) എല്ലാവ​രെ​യും സഹായി​ച്ചേ​ക്കാ​മെ​ങ്കി​ലും ഇത്‌ അധികം ആകരുത്‌. കൂടാതെ അമിത​മായ പുനർശ്രു​തി മീട്ടലി​നാൽ ഉളവാ​കുന്ന ദീർഘ​മായ ഇടവേ​ളകൾ ഒഴിവാ​ക്കുക. ദീർഘ​മായ വിളം​ബ​ങ്ങ​ളാൽ അസ്വസ്ഥ​രാ​കു​ന്നി​ട​ത്തോ​ളം ആലാപ​ന​ത്തി​ലെ ചെറിയ പ്രശ്‌നം നിങ്ങളു​ടെ ശ്രോ​താ​ക്കൾ ശ്രദ്ധി​ക്കാ​നി​ട​യില്ല.