പാഠം 21

വിജ്ഞാ​ന​പ​ര​മായ വിവരങ്ങൾ, വ്യക്തമാ​യി അവതരി​പ്പി​ക്കു​ന്നു

1-3. ഒരുവന്റെ പ്രസം​ഗത്തെ വിജ്ഞാ​ന​പ​ര​മാ​ക്കു​ന്ന​തി​നു കൃത്യ​മായ വിവരങ്ങൾ ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌?

¹ മൂല്യ​വ​ത്തായ പ്രസം​ഗങ്ങൾ ഉത്സുക​മായ തയ്യാറാ​ക​ലോ​ടെ ആരംഭി​ക്കു​ന്നു. അതിനു സമയവും ശ്രമവും ആവശ്യ​മാണ്‌. എന്നാൽ അത്‌ എത്ര പ്രതി​ഫ​ല​ദാ​യ​ക​മാണ്‌! നിങ്ങൾ നിങ്ങളു​ടെ സൂക്ഷ്‌മ​പ​രി​ജ്ഞാ​ന​ത്തി​ന്റെ നിക്ഷേപം വർധി​പ്പി​ക്കു​ന്നു, നിങ്ങളു​ടെ സദസ്സിനു പങ്കു​വെ​ക്കാൻ നിങ്ങൾക്കു യഥാർഥ​ത്തിൽ പ്രയോ​ജ​ന​ക​ര​മായ ചിലതുണ്ട്‌. സാമാ​ന്യ​വി​വ​രങ്ങൾ പറയു​ന്ന​തി​നു പകരം നിങ്ങൾക്ക്‌ പ്രകാശം പരത്തുന്ന വിശദാം​ശങ്ങൾ സമർപ്പി​ക്കാ​നുണ്ട്‌, നിങ്ങൾ പറയു​ന്നതു ശരിയാ​ണെന്നു നിങ്ങൾക്ക​റി​യാം. ഇതു ദൈവ​വ​ച​ന​ത്തോ​ടു​ളള സദസ്സിന്റെ വിലമ​തി​പ്പു വർധി​പ്പി​ക്കു​ന്നു, അങ്ങനെ യഹോ​വയെ ബഹുമാ​നി​ക്കു​ന്നു. വിജ്ഞാ​ന​പ​ര​മായ വിവരങ്ങൾ സംബന്ധിച്ച നമ്മുടെ പരിചി​ന്ത​ന​ത്തിൽ വിശേ​ഷാൽ നിങ്ങളു​ടെ പ്രസം​ഗ​ത്തിൽ നിങ്ങൾ എന്തു പറയുന്നു എന്നത്‌ ഉൾപ്പെ​ട്ടി​രി​ക്കു​ന്നു. ഈ സംഗതി​യു​ടെ വിവിധ വശങ്ങൾ ചുരു​ക്ക​മാ​യി പരിചി​ന്തി​ക്കുക. അതു പ്രസംഗ ഗുണ​ദോ​ഷ​ച്ചീ​ട്ടി​ലെ ഒന്നാമത്തെ പോയിൻറ്‌ ആണ്‌.

² കൃത്യ​മായ വിവരങ്ങൾ. സാമാ​ന്യ​വി​വ​രങ്ങൾ കൈകാ​ര്യം​ചെ​യ്യുന്ന ഒരു പ്രസം​ഗ​ത്തി​നു ഘനവും ആധികാ​രി​ക​ത​യും ഇല്ല. അത്‌ അവ്യക്ത​മാണ്‌. അതു സദസ്യരെ അനിശ്ചി​ത​രാ​യി വിടുന്നു. ആശയങ്ങൾ ഓർത്തി​രി​ക്ക​ണ​മെ​ങ്കിൽ അവ കൃത്യ​മാ​യി​രി​ക്കണം, യഥാത​ഥ​മാ​യി​രി​ക്കണം. ഇതു ഗവേഷ​ണ​ത്തി​ന്റെ​യും വിഷയം​സം​ബ​ന്ധി​ച്ചു​ളള ഗ്രാഹ്യ​ത്തി​ന്റെ​യും തെളിവു നൽകുന്നു.

³ തയ്യാറാ​കുന്ന സമയത്ത്‌ എന്തു​കൊണ്ട്‌, എപ്പോൾ, എവിടെ, മുതലായ ചോദ്യ​ങ്ങൾ ചോദി​ക്കു​ന്ന​തി​നാൽ ഈ ഗുണം ആർജി​ക്കാൻ കഴിയും. സാധാ​ര​ണ​യാ​യി, എന്തെങ്കി​ലും സംഭവി​ച്ചു​വെന്നു പറഞ്ഞാൽപോ​രാ. സ്ഥലനാ​മ​ങ്ങ​ളും തീയതി​ക​ളും ഒരുപക്ഷേ കാരണ​ങ്ങ​ളും നൽകുക. ചില സത്യങ്ങൾ പ്രസ്‌താ​വി​ക്കു​ന്നതു മതിയാ​ക​യില്ല. അവ സത്യമാ​യി​രി​ക്കു​ന്നത്‌ എന്തു​കൊണ്ട്‌ എന്നു കാണി​ച്ചു​കൊ​ടു​ക്കുക; അത്‌ അറിയു​ന്നതു മൂല്യ​വ​ത്താ​യി​രി​ക്കു​ന്നത്‌ എന്തു​കൊ​ണ്ടെന്നു പ്രകട​മാ​ക്കുക. നിർദേശം കൊടു​ക്കു​ക​യാ​ണെ​ങ്കിൽ ഒരു കാര്യം എങ്ങനെ ചെയ്യണ​മെന്നു വിശദീ​ക​രി​ക്കുക. ഇത്തരത്തി​ലു​ളള എത്ര​ത്തോ​ളം വികസി​പ്പി​ക്കൽ അത്യാ​വ​ശ്യ​മാ​ണെന്നു നിർണ​യി​ക്കു​ന്നത്‌ ഒരു സദസ്സിന്‌ ഇപ്പോൾത്തന്നെ എത്ര​ത്തോ​ളം അറിയാ​മെ​ന്നു​ള​ള​താണ്‌. അതു​കൊണ്ട്‌ ഏതു വിശദാം​ശങ്ങൾ ആവശ്യ​മാ​യി​രി​ക്കാ​മെന്നു തിട്ട​പ്പെ​ടു​ത്തു​ന്ന​തി​നു സദസ്സിനെ പരിഗ​ണി​ക്കുക.

4-6. നിങ്ങളു​ടെ പ്രസംഗം നിങ്ങളു​ടെ പ്രത്യേക സദസ്സിനു വിജ്ഞാ​ന​പ​ര​മാ​യി​രി​ക്കു​ന്ന​തി​നു നിങ്ങൾ ഏതു ഘടകങ്ങൾ മനസ്സിൽ പിടി​ച്ചു​കൊ​ള​ളണം?

⁴ നിങ്ങളു​ടെ സദസ്സിനു വിജ്ഞാ​ന​പരം. ഒരു സദസ്സിനു വിജ്ഞാ​ന​പ​ര​മാ​യി​രി​ക്കാ​വു​ന്നതു മറെറാ​രു കൂട്ടത്തി​ന്റെ അറിവി​നോ​ടു യാതൊ​ന്നും കൂട്ടാ​തി​രു​ന്നേ​ക്കാം, അല്ലെങ്കിൽ അത്‌ അവരെ തികച്ചും ഇരുട്ടി​ലാ​ക്കി​യേ​ക്കാം. പ്രസ്‌പ​ഷ്ട​മാ​യി, അപ്പോൾ, വിവരങ്ങൾ ഒരു പ്രത്യേക സദസ്സിനു യോജി​ച്ച​താ​യി​രി​ക്കണം. ഉദാഹ​ര​ണ​ത്തിന്‌, നമ്മുടെ വേല നടത്ത​പ്പെ​ടുന്ന വിധം​സം​ബ​ന്ധിച്ച ഒരു പ്രസം​ഗ​ത്തിൽ, യഹോ​വക്കു സ്വയം സമർപ്പി​ക്കാൻ ഒരുങ്ങുന്ന ഒരാ​ളോ​ടു സംസാ​രി​ക്കു​ന്ന​തിൽനി​ന്നോ ഒരു ലൗകിക കൂട്ട​ത്തോ​ടു പ്രസം​ഗി​ക്കു​ന്ന​തിൽനി​ന്നോ തികച്ചും വ്യത്യ​സ്‌ത​മാ​യി​ട്ടാ​യി​രി​ക്കും ഒരു സേവന​യോ​ഗ​ത്തിൽ വിവരം കൈകാ​ര്യം​ചെ​യ്യു​ന്നത്‌.

⁵ ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ലെ വിവിധ നിയമ​ന​ങ്ങ​ളി​ലും ഈ ഘടകങ്ങൾ കണക്കി​ലെ​ടു​ക്കേ​ണ്ട​താണ്‌. ഏതു നിയമി​ത​പ്ര​സം​ഗ​ത്തി​ലും അവതരി​പ്പി​ക്കുന്ന വിവരങ്ങൾ സദസ്സി​നോ​ടും രംഗവി​ധാ​ന​ത്തോ​ടും പ്രസം​ഗ​ത്തി​ന്റെ ഉദ്ദേശ്യ​ത്തോ​ടു​മു​ളള ബന്ധത്തിൽ പരിചി​ന്തി​ക്കണം. ഈ ഘടകങ്ങൾ പ്രസം​ഗ​ത്തി​ന്റെ തരത്താ​ലും പ്രസം​ഗകൻ ക്രമീ​ക​രി​ച്ചി​രി​ക്കുന്ന രംഗവി​ധാ​ന​ത്താ​ലും നിർണ​യി​ക്ക​പ്പെ​ടും. തീർച്ച​യാ​യും പ്രബോ​ധ​ന​പ്ര​സം​ഗം സഭയോ​ടു​ളള ഒരു പ്രസം​ഗ​മാ​യി​രി​ക്കും. മററു പ്രസം​ഗങ്ങൾ വ്യത്യ​സ്‌ത​മാ​കാം, സദസ്സും ഉദ്ദേശ്യ​വും രംഗവി​ധാ​ന​ത്താൽ തിരി​ച്ച​റി​യി​ക്ക​പ്പെ​ടു​ന്നു. എല്ലാ കേസു​ക​ളി​ലും വിദ്യാർഥി​ക്കും ഉപദേ​ശ​ക​നും തങ്ങളോ​ടു​തന്നെ ഇങ്ങനെ ചോദി​ക്കാ​വു​ന്ന​താണ്‌, വിവരങ്ങൾ അവതര​ണ​ത്തിൽ ഉൾപ്പെ​ട്ടി​രി​ക്കുന്ന പ്രത്യേ​ക​സ​ദ​സ്സിന്‌ അനു​യോ​ജ്യ​മാ​ക്കു​ന്നു​ണ്ടോ? സദസ്സിന്‌ അതിനാൽ വിജ്ഞാനം വർധി​ക്കു​ക​യും പ്രബോ​ധനം ലഭിക്കു​ക​യും ചെയ്യു​മോ?

⁶ തയ്യാറാ​ക​ലിൽ നിങ്ങ​ളോ​ടു​തന്നെ ചോദി​ക്കുക, ഈ പ്രസം​ഗ​ത്തിൽ എന്തു സാധി​ക്കാൻ ഞാൻ ആഗ്രഹി​ക്കു​ന്നു? ഞാൻ പറയാ​നാ​ഗ്ര​ഹി​ക്കു​ന്ന​തിൽ എത്ര​ത്തോ​ളം ഈ ആളിന്‌ അല്ലെങ്കിൽ കൂട്ടത്തിന്‌ ഇപ്പോൾത്തന്നെ അറിയാം? ഈ ആശയങ്ങൾ വ്യക്തമാ​ക്കാൻ കഴിയു​ന്ന​തി​നു​മു​മ്പു ഞാൻ ഏത്‌ അടിസ്ഥാ​ന​മി​ടണം? ഞാൻ തികച്ചും വ്യത്യ​സ്‌ത​മായ ഒരു കൂട്ട​ത്തോട്‌ ഇതു വ്യത്യ​സ്‌ത​മാ​യി എങ്ങനെ പറയും? താരത​മ്യ​ങ്ങൾ മിക്ക​പ്പോ​ഴും നമ്മുടെ വീക്ഷണ​ഗ​തി​കളെ വ്യക്തമാ​ക്കു​ന്നു. സദസ്സിനെ പരിഗ​ണി​ക്കു​ന്ന​തി​ന്റെ​യും നിങ്ങൾ പ്രസം​ഗി​ക്കാൻ പോകുന്ന പ്രത്യേ​ക​സ​ദ​സ്സി​നു വിവരങ്ങൾ വിജ്ഞാ​ന​പ​ര​മാ​ക്കു​ന്ന​തി​ന്റെ​യും വ്യത്യാ​സ​ത്തി​ലെ അനുഭൂ​തി ലഭിക്കു​ന്ന​തി​നു മാത്രം നിങ്ങളു​ടെ തയ്യാറാ​ക​ലിൽ വ്യത്യ​സ്‌ത​കൂ​ട്ട​ങ്ങ​ളോ​ടു​ളള വ്യത്യസ്‌ത സമീപ​നങ്ങൾ പരീക്ഷി​ക്കുക.

7, 8. നമുക്കു നമ്മുടെ പ്രസം​ഗ​ങ്ങളെ എങ്ങനെ പ്രാ​യോ​ഗി​ക​മാ​ക്കാം?

⁷ പ്രാ​യോ​ഗി​ക​മൂ​ല്യ​മു​ളള വിവരങ്ങൾ. പഠിക്കാൻ ഒട്ടേ​റെ​യുണ്ട്‌, എന്നാൽ അതിൽ എല്ലാം പ്രാ​യോ​ഗി​കമല്ല. നമ്മേസം​ബ​ന്ധിച്ച്‌, വിജ്ഞാ​ന​പ​ര​മായ വിവരങ്ങൾ ക്രിസ്‌തീയ ജീവി​ത​ത്തിന്‌, നമ്മുടെ ശുശ്രൂ​ഷക്ക്‌, നാം അറിയേണ്ട കാര്യ​ങ്ങ​ളാണ്‌. നാം ആർജി​ച്ചി​രി​ക്കുന്ന ഈ വിവരങ്ങൾ എങ്ങനെ ഉപയോ​ഗി​ക്കാ​മെ​ന്ന​റി​യാൻ നാം ആഗ്രഹി​ക്കു​ന്നു.

⁸ തയ്യാറാ​കു​മ്പോൾ വിദ്യാർഥി​ക്കും ഗുണ​ദോ​ഷം കൊടു​ക്കു​മ്പോൾ സ്‌കൂൾ മേൽവി​ചാ​ര​ക​നും പിൻവ​രുന്ന ചോദ്യ​ങ്ങൾ ചോദി​ച്ചു​കൊണ്ട്‌ ഈ പോയിൻറു പരിചി​ന്തി​ക്കാ​വു​ന്ന​താണ്‌: പ്രസം​ഗ​ത്തിൽ ഏതു മാർഗ​നിർദേ​ശ​ക​ത​ത്ത്വ​ങ്ങ​ളാ​ണു കാണാ​നു​ള​ളത്‌? വിവരങ്ങൾ തീരു​മാ​നങ്ങൾ എടുക്കു​ന്ന​തിന്‌ ഉപയോ​ഗി​ക്കാൻ കഴിയു​മോ? അവതരി​പ്പി​ക്ക​പ്പെ​ടുന്ന വിവരങ്ങൾ വയൽശു​ശ്രൂ​ഷക്ക്‌ അനു​യോ​ജ്യ​മാ​ക്കാൻ കഴിയു​മോ? അതു ദൈവ​ത്തി​ന്റെ വചനത്തെ മഹിമ​പ്പെ​ടു​ത്തു​ക​യും അവിടു​ത്തെ ഉദ്ദേശ്യ​ത്തി​ലേക്കു വിരൽചൂ​ണ്ടു​ക​യും ചെയ്യു​ന്നു​ണ്ടോ? ഈ വിവര​ങ്ങ​ളെ​ല്ലാം പ്രദാ​നം​ചെ​യ്യാൻ അധികം പ്രസം​ഗ​ങ്ങൾക്കു കഴിയു​ക​യില്ല, എന്നാൽ പ്രാ​യോ​ഗി​ക​മാ​യി​രി​ക്കു​ന്ന​തിന്‌, അവതരി​പ്പി​ക്ക​പ്പെ​ടുന്ന വിവരങ്ങൾ സദസ്സിന്‌ ഏതെങ്കി​ലും വിധത്തിൽ ഉപയോ​ഗി​ക്കാ​വു​ന്ന​വ​യാ​യി​രി​ക്കണം.

9-11. പ്രസ്‌താ​വ​നാ​കൃ​ത്യത വളരെ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

⁹ പ്രസ്‌താ​വ​നാ​കൃ​ത്യത. യഹോ​വ​യു​ടെ സാക്ഷികൾ സത്യത്തി​ന്റെ ഒരു സ്ഥാപന​മാണ്‌. നാം സത്യം സംസാ​രി​ക്കാ​നും എല്ലാ സമയങ്ങ​ളി​ലും എല്ലാ വിശദാം​ശ​ങ്ങ​ളി​ലും തികച്ചും കൃത്യ​ത​യു​ള​ള​വ​രാ​യി​രി​ക്കാ​നും ആഗ്രഹി​ക്കണം. ഉപദേ​ശം​സം​ബ​ന്ധി​ച്ചു മാത്രമല്ല, നമ്മുടെ ഉദ്ധരണി​ക​ളി​ലും മററു​ള​ള​വ​രെ​സം​ബ​ന്ധി​ച്ചു നാം പറയു​ന്ന​തി​ലും അല്ലെങ്കിൽ നാം അവയെ അവതരി​പ്പി​ക്കുന്ന രീതി​യി​ലും ശാസ്‌ത്ര​വി​വ​ര​ങ്ങ​ളോ വാർത്താ​സം​ഭ​വ​ങ്ങ​ളോ ഉൾപ്പെ​ടുന്ന കാര്യ​ങ്ങ​ളി​ലും ഇങ്ങനെ​യാ​യി​രി​ക്കണം.

¹⁰ ഒരു സദസ്സിൽ ചെയ്യുന്ന തെററായ പ്രസ്‌താ​വ​നകൾ ആവർത്തി​ക്ക​പ്പെ​ടു​ക​യും തെററു വലുതാ​ക്ക​പ്പെ​ടു​ക​യും ചെയ്‌തേ​ക്കാം. ഒരു സദസ്സു തിരി​ച്ച​റി​യുന്ന തെററു​കൾ മററു പോയിൻറു​കൾ സംബന്ധിച്ച പ്രസം​ഗ​കന്റെ ആധികാ​രി​ക​ത​സം​ബ​ന്ധി​ച്ചു സംശയങ്ങൾ ഉദിപ്പി​ക്കു​ന്നു, ഒരുപക്ഷേ സന്ദേശ​ത്തി​ന്റെ സത്യത ചോദ്യം​ചെ​യ്‌തു​കൊ​ണ്ടു​തന്നെ. അങ്ങനെ​യു​ളള പ്രസ്‌താ​വ​നകൾ കേൾക്കുന്ന പുതിയ താത്‌പ​ര്യ​ക്കാ​രൻ മറെറാ​രു സന്ദർഭ​ത്തിൽ ഒരു വ്യത്യ​സ്‌ത​വീ​ക്ഷണം പ്രസ്‌താ​വി​ച്ചു​കേൾക്കു​മ്പോൾ, യഹോ​വ​യു​ടെ സാക്ഷി​ക​ളു​ടെ ഇടയിൽ ആശയപ​ര​മായ അനൈ​ക്യ​മു​ണ്ടെന്നു നിഗമ​ന​ത്തി​ലെ​ത്തു​ക​യും തന്റെ കാരണം വെളി​പ്പെ​ടു​ത്താ​തെ​പോ​ലും സഹവാസം നിർത്തു​ക​യും ചെയ്‌തേ​ക്കാം.

¹¹ വിദ്യാർഥി, വിശേ​ഷാൽ സത്യത്തിൽ പഴക്കമി​ല്ലാത്ത, തന്നിമി​ത്തം ദൈവ​വ​ച​ന​ത്തി​ലെ ആഴമേ​റിയ കാര്യ​ങ്ങ​ളിൽ പൂർണ​മാ​യും ഉറച്ചി​ട്ടി​ല്ലാത്ത, ആൾ ചെയ്യുന്ന ഓരോ പ്രസ്‌താ​വ​ന​യെ​യും ഉപദേ​ശകൻ പരുഷ​മാ​യി വിമർശി​ക്ക​രുത്‌. മറിച്ച്‌, അദ്ദേഹം വിദ്യാർഥി​യു​ടെ ചിന്തയെ നയപൂർവം കരുപ്പി​ടി​പ്പി​ക്കാൻ സഹായി​ക്കു​ക​യും മുന്ന​മേ​യു​ളള ശ്രദ്ധാ​പൂർവ​ക​മായ തയ്യാറാ​ക​ലി​നാൽ തന്റെ കൃത്യ​തയെ എങ്ങനെ മെച്ച​പ്പെ​ടു​ത്താ​മെന്നു കാണി​ച്ചു​കൊ​ടു​ക്കു​ക​യും ചെയ്യും.

12, 13. വ്യക്തമാ​ക്കുന്ന കൂടു​ത​ലായ വിവര​ങ്ങ​ളു​ടെ മൂല്യം എന്താണ്‌?

¹² വ്യക്തമാ​ക്കുന്ന കൂടു​ത​ലായ വിവരങ്ങൾ. ധ്യാന​ത്തി​ന്റെ ഫലമായി അവതരി​പ്പി​ക്ക​പ്പെ​ടു​ന്ന​തോ ഒരു വിഷയം​സം​ബ​ന്ധി​ച്ചു​ളള കൂടു​ത​ലായ ഗവേഷ​ണ​ത്തിൽനിന്ന്‌ എടു​ത്തേ​ക്കാ​വു​ന്ന​തോ ആയ ആശയങ്ങൾക്ക്‌ ഒരു പ്രസം​ഗ​ത്തി​നു വളരെ​യ​ധി​കം സംഭാ​വ​ന​ചെ​യ്യാൻ കഴിയും, ചില​പ്പോൾ സദസ്സിന്‌ അപ്പോൾത്തന്നെ പരിചി​ത​മായ വിവര​ങ്ങ​ളു​ടെ പ്രബോ​ധ​നാ​ത്മ​ക​മ​ല്ലാത്ത ആവർത്തനം ഒഴിവാ​ക്കാ​നും കഴിയും. അത്‌ അവതര​ണ​ത്തി​നു പുതുമ വർധി​പ്പി​ക്കു​ക​യും സദസ്സിന്റെ താത്‌പ​ര്യ​ത്തെ സജീവ​മാ​ക്കു​ക​യും ചെയ്യുന്നു, ചില​പ്പോൾ സുപരി​ചി​ത​മായ ഒരു വിഷയത്തെ യഥാർഥ​ത്തിൽ ആഹ്ലാദ​ക​ര​മാ​ക്കാ​നും കഴിയും. കൂടാതെ, അതു പ്രസം​ഗ​കന്‌ ആത്മ​ധൈ​ര്യം കൊടു​ക്കു​ന്നു. തനിക്ക്‌ അവതരി​പ്പി​ക്കാൻ അല്‌പം വ്യത്യ​സ്‌ത​മായ ചിലതു​ണ്ടെ​ന്നു​ളള അറിവിൽനി​ന്നു സംജാ​ത​മായ ഒരു ഉത്സാഹ​ത്തോ​ടെ അയാൾ തന്റെ പ്രസം​ഗത്തെ സമീപി​ക്കു​ന്നു.

¹³ ഒഴിവാ​ക്കേണ്ട ഒരു അപകടം സ്വന്തമായ അഭ്യൂ​ഹ​മാണ്‌. സൊ​സൈ​റ​റി​യു​ടെ പ്രസി​ദ്ധീ​ക​ര​ണങ്ങൾ ഉപയോ​ഗി​ക്കു​ക​യും അവയിൽ ആശ്രയി​ക്കു​ക​യും ചെയ്യണം. സൊ​സൈ​റ​റി​യു​ടെ ഇൻഡെ​ക്‌സു​ക​ളും തിരു​വെ​ഴു​ത്തു​കൾസം​ബ​ന്ധിച്ച അടിക്കു​റി​പ്പു​ക​ളും പരി​ശോ​ധി​ക്കുക. നിങ്ങൾ പറയു​ന്നതു തെററി​ദ്ധ​രി​പ്പി​ക്കു​ന്നതല്ല, പിന്നെ​യോ വ്യക്തത നൽകു​ന്ന​താ​ണെന്ന്‌ ഉറപ്പു​വ​രു​ത്തുക.

**********

14-16. കാര്യങ്ങൾ ലളിത​മാ​യി പ്രസ്‌താ​വി​ക്ക​ത്ത​ക്ക​വണ്ണം ഒരു പ്രസംഗം തയ്യാറാ​കു​മ്പോൾ എന്തു ചെയ്യണം?

¹⁴ നിങ്ങളു​ടെ വിവരങ്ങൾ തയ്യാറാ​കു​മ്പോൾ നിങ്ങൾക്കു പറയാ​നു​ള​ളത്‌ എങ്ങനെ പറയാൻപോ​കു​ന്നു​വെ​ന്ന​തിന്‌ അവധാ​ന​പൂർവ​ക​മായ ശ്രദ്ധ കൊടു​ക്കു​ന്ന​തും മൂല്യ​വ​ത്താണ്‌. പ്രസംഗ ഗുണ​ദോ​ഷ​ച്ചീട്ട്‌ “വ്യക്തം, സുഗ്രാ​ഹ്യം” എന്നു പരാമർശി​ക്കു​ന്നത്‌ ഇതി​നെ​യാണ്‌. ഇതിനു മതിയായ ശ്രദ്ധ കൊടു​ക്കു​ന്ന​തി​ലു​ളള പരാജ​യ​ത്തി​നു നിങ്ങളു​ടെ സദസ്സിന്‌ ഒരു ധാരണ ഉളവാ​ക്കു​ന്ന​തിൽനി​ന്നു നിങ്ങളെ തടയാൻ കഴിയും. അല്ലെങ്കിൽ അത്‌ അവർ കേൾക്കു​ന്നത്‌ ഓർത്തി​രി​ക്കു​ന്ന​തിൽനിന്ന്‌ അവരെ തടഞ്ഞേ​ക്കാം. ഈ സംഗതി​യിൽ പരിചി​ന്തി​ക്കേണ്ട മൂന്നു മുഖ്യ​വ​ശ​ങ്ങ​ളുണ്ട്‌.

¹⁵ ലളിത​മാ​യി പ്രസ്‌താ​വി​ക്ക​പ്പെ​ടു​ന്നു. പദപ്ര​യോ​ഗങ്ങൾ നേരത്തെ ചിന്തി​ച്ചു​വെ​ക്കേ​ണ്ട​തു​ണ്ടെന്ന്‌ ഇതിനർഥ​മില്ല. എന്നാൽ അവതരി​പ്പി​ക്ക​പ്പെ​ടേണ്ട ആശയങ്ങൾ അപഗ്ര​ഥി​ക്കു​ക​യും ചില സുനി​ശ്ചി​ത​ഘ​ട​കങ്ങൾ കണക്കി​ലെ​ടു​ക്കു​ക​യും വേണം. ഇതു പൊതു​വേ ഒതുക്ക​മു​ള​ള​തും ലളിത​മായ ആശയാ​വി​ഷ്‌ക​ര​ണ​ത്തോ​ടു​കൂ​ടി​യ​തും വ്യക്തമായ ഭാഷയിൽ പറയു​ന്ന​തു​മായ ഒരു പ്രസം​ഗ​ത്തിൽ കലാശി​ക്കും. പ്രസം​ഗ​കന്റെ മനസ്സിൽ കുഴച്ചി​ലു​ളള ഒരു പ്രസംഗം അവതര​ണ​ത്തിൽ കുഴഞ്ഞ​താ​യി​രി​ക്കും.

¹⁶ അവസാ​ന​നി​മി​ഷ​ത്തി​ലെ തയ്യാറാ​കൽ ഒഴിവാ​ക്കണം. പ്രസം​ഗ​ത്തി​ലെ ഓരോ പോയിൻറും പ്രസം​ഗ​കനു ലളിത​വും വ്യക്തവു​മാ​കു​ന്ന​തു​വരെ ഉടനീളം സുചി​ന്തി​ത​മാ​യി​രി​ക്കണം. അവതര​ണ​ത്തി​നാ​യി തയ്യാറാ​കു​മ്പോ​ഴത്തെ ഈ പോയിൻറു​ക​ളു​ടെ പുനര​വ​ലോ​കനം, ആവശ്യ​മാ​യി​രി​ക്കു​മ്പോൾ അനായാ​സം പുറത്തു​വ​ര​ത്ത​ക്ക​വണ്ണം അവയെ അയാളു​ടെ മനസ്സിൽ മൂർച്ച​യു​ള​ള​താ​ക്കു​ക​യും സദസ്സി​നും അതു​പോ​ലെ​തന്നെ പ്രസം​ഗ​ക​നും അവ സുവ്യ​ക്ത​മാ​യി​രി​ക്കു​ക​യും ചെയ്യും.

17, 18. പരിചി​ത​മ​ല്ലാത്ത പദങ്ങൾ വിശദീ​ക​രി​ക്കേ​ണ്ട​തെ​ന്തു​കൊണ്ട്‌?

¹⁷ പരിചി​ത​മ​ല്ലാത്ത പദങ്ങൾ വിശദീ​ക​രി​ക്കു​ന്നു. തിരു​വെ​ഴു​ത്തു​കൾസം​ബ​ന്ധിച്ച നമ്മുടെ പഠനവും വാച്ച്‌ ടവർ സൊ​സൈ​റ​റി​യു​ടെ പ്രസി​ദ്ധീ​ക​ര​ണ​ങ്ങ​ളും നമ്മുടെ വേല പരിച​യ​മി​ല്ലാ​ത്ത​വർക്കു തികച്ചും അപരി​ചി​ത​മായ വാക്കു​ക​ളു​ടെ ഒരു പദസമ്പത്തു നമുക്കു നൽകി​യി​രി​ക്കു​ന്നു. ഇതു​പോ​ലെ​യു​ളള പദങ്ങൾ ഉപയോ​ഗി​ച്ചു നാം ചില സദസ്സു​കൾക്കു ബൈബി​ളി​ലെ സത്യങ്ങൾ വിശദീ​ക​രി​ക്കു​ക​യാ​ണെ​ങ്കിൽ, ഒന്നുകിൽ നാം പറയു​ന്ന​തി​ല​ധി​ക​വും നഷ്ടമാ​കും, അല്ലെങ്കിൽ നമ്മുടെ പ്രസംഗം തികച്ചും അഗ്രാ​ഹ്യ​മാ​യി​രി​ക്കും.

¹⁸ നിങ്ങളു​ടെ സദസ്സിനെ പരിഗ​ണി​ക്കുക. അവരുടെ ഗ്രാഹ്യ​ത്തി​ന്റെ അളവെ​ന്താണ്‌? നമ്മുടെ വേല​യെ​ക്കു​റിച്ച്‌ അവർക്ക്‌ എന്തുമാ​ത്രം അറിയാം? ഈ പദപ്ര​യോ​ഗ​ങ്ങ​ളിൽ എത്ര​ത്തോ​ളം പ്രസം​ഗ​ക​നെ​ന്ന​പോ​ലെ അവർക്കും അനായാ​സം മനസ്സി​ലാ​കും? “ദിവ്യാ​ധി​പ​ത്യം,” “ശേഷിപ്പ്‌,” “വേറെ ആടുകൾ” എന്നിവ​പോ​ലു​ളള പദങ്ങളും “അർമ​ഗെ​ദ്ദോൻ,” “രാജ്യം” എന്നിവ​പോ​ലും കേൾവി​ക്കാ​രു​ടെ മനസ്സിൽ ഒന്നുകിൽ വ്യത്യ​സ്‌ത​മായ ഒരു ആശയം കൊടു​ത്തേ​ക്കാം, അല്ലെങ്കിൽ യാതൊ​രാ​ശ​യ​വും കൊടു​ക്കാ​തി​രു​ന്നേ​ക്കാം. കേൾവി​ക്കാ​രനു നമ്മുടെ വേല പരിചി​ത​മ​ല്ലെ​ങ്കിൽ “ദേഹി,” “നരകം,” “അമർത്ത്യത” എന്നിങ്ങ​നെ​യു​ളള പദങ്ങൾപോ​ലും വ്യക്തമാ​ക്കേ​ണ്ട​തുണ്ട്‌. എന്നാൽ സഭയോ​ടാ​ണു പ്രസം​ഗി​ക്കു​ന്ന​തെ​ങ്കിൽ ഇങ്ങനെ​യു​ളള പദങ്ങൾ വിശദീ​ക​രി​ക്കേ​ണ്ട​തില്ല. അതു​കൊണ്ട്‌ രംഗവി​ധാ​നം കണക്കി​ലെ​ടു​ക്കണം.

19, 20. നമുക്ക്‌ എങ്ങനെ ആവശ്യ​ത്തി​ല​ധി​കം വിവരങ്ങൾ ഉൾപ്പെ​ടു​ത്തു​ന്നത്‌ ഒഴിവാ​ക്കാൻ കഴിയും?

¹⁹ ആവശ്യ​ത്തി​ല​ധി​കം വിവരങ്ങൾ ഇല്ല. വിവര​ങ്ങ​ളു​ടെ ബാഹു​ല്യം സദസ്സിനെ മുക്കി ഗ്രാഹ്യം മന്ദീഭ​വി​പ്പി​ക്കു​ക​യോ പൂർണ​മാ​യും നഷ്ടപ്പെ​ടു​ത്തു​ക​യോ ചെയ്യത്ത​ക്ക​വണ്ണം വളരെ​യ​ധി​കം വിവരങ്ങൾ ഒരു പ്രസം​ഗ​ത്തി​ലു​ണ്ടാ​യി​രു​ന്നേ​ക്കാം. ഒരു പ്രസം​ഗ​ത്തി​ന്റെ ഉദ്ദേശ്യം സാധി​ക്കു​ന്ന​തിന്‌, അനുവ​ദി​ച്ചി​രി​ക്കുന്ന സമയത്തു വ്യക്തമാ​യി വികസി​പ്പി​ക്കാ​വു​ന്ന​തി​ല​ധി​കം വിവരങ്ങൾ അവതരി​പ്പി​ക്ക​രുത്‌. സദസ്സിനു ന്യായ​മാ​യി ഉൾക്കൊ​ള​ളാൻ കഴിയു​ന്ന​തി​ല​ധി​കം പ്രസ്‌താ​വി​ക്ക​രുത്‌. കൂടാതെ, ഒരു അപരി​ചി​ത​നോ പുതിയ താത്‌പ​ര്യ​ക്കാ​ര​നോ വേണ്ടി അവതരി​പ്പി​ക്കുന്ന വിവരങ്ങൾ ഒരു സഭക്ക്‌ അവതരി​പ്പി​ക്കുന്ന അതേവി​ഷ​യം​സം​ബ​ന്ധിച്ച വിവര​ങ്ങ​ളോ​ടു​ളള താരത​മ്യ​ത്തിൽ ഗണ്യമാ​യി ലളിത​മാ​ക്കേ​ണ്ട​തു​ണ്ടാ​യി​രി​ക്കും. ഇവി​ടെ​യും പ്രസം​ഗകൻ അഭിസം​ബോ​ധന ചെയ്യുന്ന സദസ്സിനെ ഉപദേ​ശകൻ കണക്കി​ലെ​ടു​ക്കണം.

²⁰ ഒരു പ്രസം​ഗ​ത്തിൽ എത്ര​ത്തോ​ളം വിവരങ്ങൾ ഉൾക്കൊ​ള​ളി​ക്ക​ണ​മെന്നു വിദ്യാർഥി എങ്ങനെ​യാണ്‌ അറിയുക? താരത​മ്യം തയ്യാറാ​ക​ലിൽ ഒരു പ്രയോ​ജ​ന​മാ​യി​രി​ക്കും. നിങ്ങൾക്ക്‌ അവതരി​പ്പി​ക്കാ​നു​ള​ളത്‌ അപഗ്ര​ഥി​ക്കുക. ഈ പോയിൻറു​ക​ളിൽ എത്ര​യെണ്ണം സദസ്സിന്‌ ഇപ്പോൾത്തന്നെ ഭാഗി​ക​മാ​യി​ട്ടെ​ങ്കി​ലും അറിയാ​മാ​യി​രി​ക്കും? എത്ര​യെണ്ണം തികച്ചും പുതി​യ​താ​യി​രി​ക്കും? ഇപ്പോൾത്ത​ന്നെ​യു​ളള അറിവി​ന്റെ അടിസ്ഥാ​നം എത്ര​യേറെ വിശാ​ല​മാ​ണോ അത്ര​യേറെ അതിൻമേൽ ഒരു നിശ്ചി​ത​സ​മ​യം​കൊ​ണ്ടു പടുത്തു​യർത്താൻ കഴിയും. എന്നാൽ ചർച്ച​ചെ​യ്യാ​നു​ളള വിഷയം​സം​ബ​ന്ധി​ച്ചു പ്രാ​യോ​ഗി​ക​മാ​യി ഒന്നും അറിയാൻപാ​ടി​ല്ലെ​ങ്കിൽ, എത്ര​ത്തോ​ള​മാ​ണു പറയാൻപോ​കു​ന്നത്‌ എന്നതും ഈ പോയിൻറു​കൾ സദസ്സിനു ഗ്രഹി​ക്കാ​വുന്ന വിധം വിശദീ​ക​രി​ക്കു​ന്ന​തിന്‌ എത്ര സമയം എടുക്കു​മെ​ന്ന​തും സംബന്ധിച്ച്‌ വലിയ ശ്രദ്ധ പാലി​ക്കണം.