പാഠം 31

നിങ്ങളു​ടെ സദസ്സിനെ ബോധ്യ​പ്പെ​ടു​ത്തുക, അവരു​മാ​യി ന്യായ​വാ​ദം​ചെ​യ്യുക

1, 2. ബോധ്യം​വ​രു​ത്തുന്ന വാദം എന്താണ്‌?

¹ നിങ്ങൾ സംസാ​രി​ക്കു​മ്പോൾ സദസ്സു ശ്രദ്ധി​ക്കാൻ നിങ്ങൾ പ്രതീ​ക്ഷി​ക്കു​ന്നു, എന്നാൽ അതു മാത്രമല്ല. അവതരി​പ്പി​ക്ക​പ്പെ​ടുന്ന വാദങ്ങൾ അവർ സ്വീക​രി​ക്കാ​നും അവയനു​സ​രി​ച്ചു പ്രവർത്തി​ക്കാ​നും നിങ്ങൾ ആഗ്രഹി​ക്കും. നിങ്ങൾ പറയു​ന്ന​തി​ന്റെ സത്യത അവർക്കു ബോധ്യ​മാ​കു​ക​യും അവരുടെ ഹൃദയം ശരിയായ നിലയി​ലാ​യി​രി​ക്കു​ക​യും ചെയ്യു​ന്നു​വെ​ങ്കിൽ അവർ ഇതു ചെയ്യും. ബോധ്യ​പ്പെ​ടു​ത്തുക എന്നാൽ തെളിവു കൊടു​ത്തു തൃപ്‌തി​പ്പെ​ടു​ത്തുക എന്നാണർഥം. എന്നാൽ തെളി​വു​കൾമാ​ത്രം എല്ലായ്‌പോ​ഴും മതിയാ​കു​ക​യില്ല. സാധാ​ര​ണ​യാ​യി അവയ്‌ക്ക​നു​കൂ​ല​മായ വാദം ആവശ്യ​മാണ്‌. അതു​കൊണ്ട്‌, വാദിച്ചു ബോധ്യ​പ്പെ​ടു​ത്തു​ന്ന​തിൽ മൂന്ന്‌ അടിസ്ഥാ​ന​ഘ​ട​കങ്ങൾ ഉൾപ്പെ​ട്ടി​രി​ക്കു​ന്നു: ഒന്നാമതു തെളി​വു​കൾതന്നെ; രണ്ടാമതു തെളി​വു​കൾ അവതരി​പ്പി​ക്കുന്ന ക്രമം; മൂന്നാ​മത്‌ അവ അവതരി​പ്പി​ക്കു​ന്ന​തിൽ ഉപയോ​ഗി​ക്ക​പ്പെ​ടുന്ന രീതി​യും വിധങ്ങ​ളും. പ്രസംഗ ഗുണ​ദോ​ഷ​ച്ചീ​ട്ടിൽ “ബോധ്യം​വ​രു​ത്തുന്ന വാദം” എന്നതി​നോട്‌ ഒക്കുന്ന ഈ ചർച്ചയിൽ നിങ്ങൾ എങ്ങനെ അവതരി​പ്പി​ക്കു​ന്നു എന്നതി​ലു​പരി എന്തു പറയുന്നു, എന്തു തെളിവു നൽകുന്നു എന്നതാണു നാം പരിചി​ന്തി​ക്കാൻ പോകു​ന്നത്‌.

² ബോധ്യ​പ്പെ​ടു​ത്തുന്ന വാദം ഈടുററ അടിസ്ഥാന ന്യായ​ങ്ങളെ ആശ്രയി​ച്ചി​രി​ക്കു​ന്നു, അതിനെ ആ വിധത്തി​ലാ​യി​രി​ക്കും നിങ്ങളു​ടെ ഉപദേ​ശകൻ വീക്ഷി​ക്കു​ന്നത്‌. വിരസ​മായ അച്ചടി​യിൽനിന്ന്‌ ഒരുവൻ വായി​ക്കു​ക​യാ​ണെ​ങ്കിൽപോ​ലും തെളി​വു​കൾ ബോധ്യ​പ്പെ​ടു​ത്തു​ന്ന​വ​യാ​യി​രി​ക്കണം. പ്രസം​ഗ​ത്തി​ന്റെ ബോധ്യ​പ്പെ​ടു​ത്തുന്ന ഗുണം നിങ്ങളു​ടെ പോയിൻറ്‌ സ്ഥാപി​ക്കാൻ ഉപയോ​ഗി​ച്ചി​രി​ക്കുന്ന വസ്‌തു​ത​ക​ളെയല്ല പിന്നെ​യോ അത്‌ അവതരി​പ്പി​ക്കുന്ന രീതിയെ ആശ്രയി​ച്ചി​രി​ക്കു​ന്നു​വെ​ങ്കിൽ, നിങ്ങളു​ടെ വാദത്തെ യഥാർഥ​ത്തിൽ ഈടു​റ​റ​തും വസ്‌തു​നി​ഷ്‌ഠ​വു​മാ​ക്കു​ന്ന​തി​നു നിങ്ങൾ ഈ ഗുണം കൂടു​ത​ലാ​യി വികസി​പ്പി​ക്കേ​ണ്ട​തു​ണ്ടാ​യി​രി​ക്കും.

3-6. ഒരു അടിസ്ഥാ​ന​മി​ടേ​ണ്ടത്‌ എന്തു​കൊ​ണ്ടെന്നു ചൂണ്ടി​ക്കാ​ട്ടുക.

³ അടിസ്ഥാ​നം ഇടുന്നു. നിങ്ങളു​ടെ വാദങ്ങൾ സമർപ്പി​ക്കു​ന്ന​തി​നു മുമ്പ്‌, ഒരു ഉചിത​മായ അടിസ്ഥാ​ന​മി​ടേ​ണ്ടത്‌ ആവശ്യ​മാണ്‌. ചർച്ചയു​ടെ പോയിൻറ്‌ എന്താ​ണെന്നു നിങ്ങൾ വ്യക്തമാ​ക്കണം. നിങ്ങൾക്കി​ട​യിൽ യോജി​പ്പു​ളള പ്രസക്ത​കാ​ര്യ​ങ്ങൾക്കു ദൃഢത കൊടു​ത്തു​കൊണ്ട്‌ ഒരു പൊതു അടിസ്ഥാ​നം സ്ഥാപി​ക്കു​ന്നതു പ്രയോ​ജ​ന​ക​ര​മാണ്‌.

⁴ ചില സന്ദർഭ​ങ്ങ​ളിൽ പദങ്ങൾ വ്യക്തമാ​യി നിർവ​ചി​ക്ക​പ്പെ​ടണം. പ്രസക്ത​മ​ല്ലാത്ത സകലവും നീക്കം​ചെ​യ്യണം. അടിസ്ഥാ​ന​മി​ടു​ന്ന​തിൽ ധൃതി കൂട്ടരുത്‌. അത്‌ ഉറപ്പു​ള​ള​താ​ക്കുക, എന്നാൽ അടിസ്ഥാ​നത്തെ മുഴു കെട്ടി​ട​വു​മാ​ക്ക​രുത്‌. ഒരു വാദത്തെ ഖണ്ഡിക്കു​ക​യാ​ണെ​ങ്കിൽ, ബലഹീന പോയിൻറു​കൾ കണ്ടുപി​ടി​ക്കാ​നും, നിങ്ങളു​ടെ വാദഗ​തി​യും കാര്യ​ത്തി​ന്റെ അടി​വേ​രി​ലേക്ക്‌ എങ്ങനെ ഇറങ്ങാ​മെ​ന്ന​തും നിശ്ചയി​ക്കു​ന്ന​തി​നു നിങ്ങളെ സഹായി​ക്കാ​നും, വാദത്തെ പിന്താ​ങ്ങാൻ ഉപയോ​ഗി​ക്കുന്ന വിവിധ പോയിൻറു​കൾ അപഗ്ര​ഥി​ക്കുക.

⁵ പ്രസംഗം തയ്യാറാ​കു​മ്പോൾ, സദസ്സിന്‌ ഇപ്പോൾതന്നെ നിങ്ങളു​ടെ വിഷയ​ത്തെ​ക്കു​റിച്ച്‌ എന്ത്‌ അറിയാ​മെന്നു മുൻകൂ​ട്ടി​ക്കാ​ണാൻ നിങ്ങൾ ശ്രമി​ക്കേ​ണ്ട​താണ്‌. ഇതു നിങ്ങളു​ടെ വാദങ്ങൾ അവതരി​പ്പി​ക്കു​ന്ന​തി​ലേക്കു യഥാർഥ​മാ​യി കടക്കു​ന്ന​തി​നു മുമ്പ്‌ എത്രയ​ധി​കം അടിസ്ഥാ​നം നിങ്ങൾ ഇടേണ്ട​തു​ണ്ടെന്ന്‌ ഒരു വലിയ അളവിൽ നിർണ​യി​ക്കും.

⁶ ദയയും പരിഗ​ണ​ന​യു​മു​ളള ഒരു സമീപനം വേണ​മെന്നു നയവും ക്രിസ്‌തീയ ശീലങ്ങ​ളും ആവശ്യ​പ്പെ​ടു​ന്നു, എന്നിരു​ന്നാ​ലും ഇവിടെ നാം പരിചി​ന്തി​ക്കുന്ന പോയിൻറ്‌ അതല്ല. എല്ലായ്‌പോ​ഴും ക്രിസ്‌തീ​യ​ത​ത്ത്വ​ങ്ങൾ സംബന്ധി​ച്ചു​ളള നിങ്ങളു​ടെ പരിജ്ഞാ​നത്തെ പൂർണ​മാ​യി ആശ്രയി​ക്കു​ക​യും നിങ്ങളു​ടെ സദസ്സിന്റെ മനസ്സി​നെ​യും ഹൃദയ​ത്തെ​യും തുറക്കു​ക​യും ചെയ്യുക.

7-13. “ഈടുററ തെളിവു നൽകുന്നു” എന്നതിന്റെ അർഥം വിശദ​മാ​ക്കുക.

⁷ ഈടുററ തെളിവു നൽകുന്നു. പ്രസം​ഗകൻ എന്ന നിലയിൽ നിങ്ങൾ ഒരു സംഗതി വിശ്വ​സി​ക്കു​ന്ന​തു​കൊ​ണ്ടോ പ്രസ്‌താ​വി​ക്കു​ന്ന​തു​കൊ​ണ്ടോ മാത്രം അതു “തെളി​യി​ക്ക​പ്പെടു”ന്നില്ല. നിങ്ങളു​ടെ സദസ്സ്‌, “അതു സത്യമാ​യി​രി​ക്കു​ന്നത്‌ എന്തു​കൊണ്ട്‌?” അല്ലെങ്കിൽ “അതങ്ങ​നെ​യാ​ണെന്നു നിങ്ങൾ പറയു​ന്നത്‌ എന്തു​കൊണ്ട്‌?” എന്നു ചോദി​ക്കു​ന്ന​തിൽ പൂർണ​മാ​യി നീതീ​ക​രി​ക്ക​പ്പെ​ടു​ന്നു​വെന്നു നിങ്ങൾ എല്ലായ്‌പോ​ഴും ഓർത്തി​രി​ക്കണം. പ്രസം​ഗകൻ എന്ന നിലയിൽ, “എന്തു​കൊണ്ട്‌?” എന്ന ചോദ്യ​ത്തിന്‌ ഉത്തരം കൊടു​ക്കാൻ പ്രാപ്‌ത​നാ​യി​രി​ക്കു​ന്ന​തി​നു​ളള കടപ്പാടു നിങ്ങൾക്ക്‌ എല്ലായ്‌പോ​ഴു​മുണ്ട്‌.

⁸ “എങ്ങനെ?” “ആർ?” “എവിടെ?” “എപ്പോൾ?” “എന്ത്‌?” എന്നീ ചോദ്യ​ങ്ങൾ മറുപ​ടി​യാ​യി വസ്‌തു​ത​ക​ളും വിവര​ങ്ങ​ളും മാത്രമേ നൽകു​ന്നു​ളളു. എന്നാൽ, “എന്തു​കൊണ്ട്‌?” എന്ന ചോദ്യം കാരണങ്ങൾ ഹാജരാ​ക്കു​ന്നു. ഈ കാര്യ​ത്തിൽ അത്‌ ഒററയ്‌ക്കു നിൽക്കു​ക​യും വസ്‌തു​ത​ക​ളെ​ക്കാൾ കൂടുതൽ നിങ്ങളിൽനിന്ന്‌ ആവശ്യ​പ്പെ​ടു​ക​യും ചെയ്യുന്നു. അതു നിങ്ങളു​ടെ ചിന്താ​പ്രാ​പ്‌തി​യെ ആയാസ​പ്പെ​ടു​ത്തു​ന്നു. ഇതുനി​മി​ത്തം, നിങ്ങളു​ടെ പ്രസംഗം തയ്യാറാ​കു​മ്പോൾ, “എന്തു​കൊണ്ട്‌?” എന്ന അതേ ചോദ്യം നിങ്ങ​ളോ​ടു​തന്നെ ആവർത്തി​ച്ചു ചോദി​ക്കുക. അനന്തരം നിങ്ങൾക്ക്‌ ഉത്തരങ്ങൾ കൊടു​ക്കാൻ കഴിയു​മെന്ന്‌ ഉറപ്പു​ണ്ടാ​യി​രി​ക്കുക.

⁹ നിങ്ങൾ ചെയ്യുന്ന പ്രസ്‌താ​വ​ന​കൾക്കു​ളള ന്യായ​ങ്ങ​ളെന്ന നിലയിൽ, ഒരു പ്രാമാ​ണി​ക​നാ​യി അംഗീ​ക​രി​ക്ക​പ്പെ​ടുന്ന ഏതൊ​രാ​ളെ​യും നിങ്ങൾക്കു മിക്ക​പ്പോ​ഴും ഉദ്ധരി​ക്കാ​വു​ന്ന​താണ്‌. അദ്ദേഹം അതു പറഞ്ഞു​വെ​ങ്കിൽ അതു സത്യമാ​യി​രി​ക്കണം, എന്തു​കൊ​ണ്ടെ​ന്നാൽ അദ്ദേഹം അറിവു​ളള ഒരാളാ​യി അംഗീ​ക​രി​ക്ക​പ്പെ​ടു​ന്നു എന്നു മാത്രം അത്‌ അർഥമാ​ക്കു​ന്നു. അത്‌ അതിനെ വിശ്വ​സി​ക്കാൻ തക്ക കാരണ​മാ​ക്കി​ത്തീർക്കു​ന്നു. ഈ മണ്ഡലത്തിൽ പരമോ​ന്നത പ്രാമാ​ണി​കൻ തീർച്ച​യാ​യും യഹോ​വ​യാം ദൈവ​മാണ്‌. അതു​കൊണ്ട്‌, പിൻബ​ല​ത്തി​നു​വേണ്ടി ബൈബി​ളിൽനിന്ന്‌ ഒരു വാക്യം ഉദ്ധരി​ക്കു​ന്നത്‌ ഒരു പോയിൻറു സ്ഥാപി​ക്കാൻ മതിയായ തെളി​വാണ്‌. ഇത്‌ “സാക്ഷ്യ”ത്തെളിവ്‌ എന്നു വിളി​ക്ക​പ്പെ​ടു​ന്നു, എന്തു​കൊ​ണ്ടെ​ന്നാൽ അതിൽ സ്വീകാ​ര്യ​നായ സാക്ഷി​യിൽനി​ന്നു​ളള “സാക്ഷ്യം” അടങ്ങി​യി​രി​ക്കു​ന്നു.

¹⁰ സാക്ഷ്യ​ത്തെ​ളി​വു സമർപ്പി​ക്കു​മ്പോൾ നിങ്ങളു​ടെ സാക്ഷി സദസ്സിനു സ്വീകാ​ര്യ​നാ​ണെന്നു നിങ്ങൾക്ക്‌ ഉറപ്പു​ണ്ടാ​യി​രി​ക്കണം. നിങ്ങൾ മനുഷ്യ പ്രാമാ​ണി​കരെ ഉപയോ​ഗി​ക്കു​ന്നു​വെ​ങ്കിൽ അവരുടെ പശ്ചാത്ത​ല​ത്തെ​ക്കു​റി​ച്ചും അവർ എങ്ങനെ വീക്ഷി​ക്ക​പ്പെ​ടു​മെ​ന്നും നിശ്ചയ​മു​ണ്ടാ​യി​രി​ക്കണം. അനേകർ ബൈബി​ളി​നെ ദിവ്യ പ്രമാ​ണ​മാ​യി സ്വീക​രി​ക്കും, എന്നാൽ ചിലർ അതിനെ മമനു​ഷ്യ​ന്റെ കൃതി​യാ​യും തന്നിമി​ത്തം പ്രാമാ​ണ്യ​ത്തിൽ പൂർണ​ത​യു​ള​ള​ത​ല്ലാ​ത്ത​താ​യും വീക്ഷി​ക്കു​ന്നു. അങ്ങനെ​യു​ളള സന്ദർഭ​ങ്ങ​ളിൽ നിങ്ങൾ മററു തെളി​വു​കളെ ആശ്രയി​ക്കേ​ണ്ട​താ​യോ ആദ്യം ബൈബി​ളി​ന്റെ ആധികാ​രി​കത സ്ഥാപി​ക്കേ​ണ്ട​താ​യോ വന്നേക്കാം.

¹¹ ജാഗ്ര​ത​യു​ടെ ഒരു വാക്ക്‌. സകല തെളി​വു​ക​ളും സത്യസ​ന്ധ​മാ​യി ഉപയോ​ഗി​ക്കണം. ഒരു ഉദ്ധരണി​യെ സന്ദർഭ​ത്തിൽനിന്ന്‌ വിടർത്തി എടുക്ക​രുത്‌. നിങ്ങൾ പറയു​ന്നതു കൃത്യ​മാ​യി നിങ്ങൾ ഉദ്ധരി​ക്കുന്ന പ്രാമാ​ണി​കൻ പറയാൻ ഉദ്ദേശി​ച്ചി​രു​ന്ന​താ​ണെന്ന്‌ ഉറപ്പു​വ​രു​ത്തുക. നിങ്ങളു​ടെ പരാമർശ​ന​ങ്ങ​ളിൽ കൃത്യ​ത​യു​ണ്ടാ​യി​രി​ക്കണം. സ്ഥിതി​വി​വ​ര​ക്ക​ണ​ക്കി​ലും ജാഗ്ര​ത​വേണം. അനുചി​ത​മാ​യി അവതരി​പ്പി​ച്ചാൽ അവ വിനാ​ശ​ക​ര​മായ ഫലങ്ങ​ളോ​ടെ തിരി​ച്ച​ടി​ച്ചേ​ക്കാം. ശരാശരി മൂന്നടി മാത്രം ആഴമു​ണ്ടാ​യി​രുന്ന ഒരു അരുവി​യിൽ നീന്താൻ കഴിവി​ല്ലാ​തെ മുങ്ങി​മ​രിച്ച മനുഷ്യ​നെ ഓർക്കുക. മധ്യത്തിൽ പത്തടി താഴ്‌ച ഉണ്ടായി​രുന്ന കുഴി അദ്ദേഹം മറന്നു.

¹² സാഹച​ര്യ​ത്തെ​ളി​വു മനുഷ്യ​സാ​ക്ഷ്യ​മോ ദിവ്യ​പ്ര​മാ​ണ​മോ അല്ലാത്ത തെളി​വാണ്‌. അതു സാക്ഷി​ക​ളിൽനി​ന്നു​ളള ഉദ്ധരണി​കൾക്കു പകരം വസ്‌തു​ത​ക​ളിൽനി​ന്നു​ളള നിഗമ​ന​ങ്ങ​ളിൽ അധിഷ്‌ഠി​ത​മായ തെളി​വാണ്‌. നിങ്ങളു​ടെ നിഗമ​ന​ങ്ങളെ സ്ഥാപി​ക്കു​ന്ന​തി​നും സാഹച​ര്യ​ത്തെ​ളി​വി​നെ ബോധ്യ​പ്പെ​ടു​ത്തു​ന്ന​താ​ക്കു​ന്ന​തി​നും നിഗമ​ന​ങ്ങൾക്കു പിന്തു​ണ​യെ​ന്നോ​ണം വസ്‌തു​ത​ക​ളു​ടെ​യും വാദങ്ങ​ളു​ടെ​യും മതിയായ ഒരു നിര നിങ്ങൾക്കു​ണ്ടാ​യി​രി​ക്കണം.

¹³ നിങ്ങൾ സമർപ്പി​ക്കുന്ന ആകമാ​ന​മായ തെളി​വു​കൾ (അവശ്യം ക്രമത്തി​ലാ​വ​ണ​മെ​ന്നില്ല) സദസ്സിനെ തൃപ്‌തി​പ്പെ​ടു​ത്താൻ മതിയാ​യ​താ​ണെ​ങ്കിൽ, നിങ്ങളു​ടെ ഉപദേ​ശകൻ അതു തൃപ്‌തി​ക​ര​മാ​ണെന്നു പരിഗ​ണി​ക്കും. സദസ്സിന്റെ മനസ്സിൽനി​ന്നു വീക്ഷി​ച്ചു​കൊണ്ട്‌ “എനിക്കു ബോധ്യ​മാ​യോ”? എന്ന്‌ ഉപദേ​ശകൻ തന്നോ​ടു​തന്നെ ചോദി​ക്കും. അദ്ദേഹ​ത്തി​നു ബോധ്യ​പ്പെ​ട്ടെ​ങ്കിൽ, നിങ്ങളു​ടെ അവതര​ണ​ത്തിന്‌ അദ്ദേഹം നിങ്ങളെ അനു​മോ​ദി​ക്കും.

14. ഫലകര​മായ ഒരു സംഗ്രഹം എന്താണ്‌?

¹⁴ ഫലകര​മായ സംഗ്രഹം. ബോധ്യ​പ്പെ​ടു​ത്തുന്ന വാദത്തി​നു സാധാ​ര​ണ​യാ​യി ഏതെങ്കി​ലും തരം സംഗ്രഹം ആവശ്യ​മാണ്‌. അത്‌ ഉപയോ​ഗി​ക്ക​പ്പെട്ട വാദങ്ങ​ളോ​ടു​ളള വിലമ​തി​പ്പു വർധി​പ്പി​ച്ചു​കൊ​ണ്ടു ന്യായ​ബോ​ധ​ത്തോ​ടു​ളള അന്തിമ​മായ അഭ്യർഥ​ന​യാണ്‌. ഒരു സംഗ്രഹം കേവലം വസ്‌തു​ത​ക​ളു​ടെ ഒരു പുനഃ​പ്ര​സ്‌താ​വന ആയിരി​ക്ക​രുത്‌, എന്നിരു​ന്നാ​ലും അടിസ്ഥാ​ന​പ​ര​മാ​യി അത്‌ “ഇത്‌ ഇങ്ങനെ​യാ​യ​തു​കൊ​ണ്ടും അത്‌ അങ്ങനെ​യാ​യ​തു​കൊ​ണ്ടും നാം . . . എന്ന്‌ നിഗമനം ചെയ്യുന്ന” സംഗതി മാത്ര​മാണ്‌. ഈ വശം സകല പോയിൻറു​ക​ളെ​യും ബന്ധപ്പെ​ടു​ത്തി അവയെ ഒരു ഉപസം​ഹാ​ര​ത്തി​ലേക്കു വരുത്താൻ ഉദ്ദേശി​ച്ചി​രി​ക്കു​ന്ന​താണ്‌. പലപ്പോ​ഴും ഫലകര​മായ സംഗ്ര​ഹ​മാ​ണു യഥാർഥ​ത്തിൽ ബോധ്യം വരുമാ​റു വാദങ്ങളെ അടി​ച്ചേൽപ്പി​ക്കു​ന്നത്‌.

**********

15, 16. ന്യായ​വാ​ദം​ചെ​യ്യാൻ നാം സദസ്സിനെ സഹായി​ക്കേ​ണ്ടത്‌ എന്തു​കൊണ്ട്‌?

¹⁵ നിങ്ങൾ ഒരു പ്രസം​ഗ​ത്തിൽ ഉപയോ​ഗി​ക്കുന്ന വാദങ്ങൾ ഈടു​റ​റ​താ​യി​രി​ക്കാ​മെ​ങ്കി​ലും വസ്‌തു​തകൾ കേവലം പ്രസ്‌താ​വി​ക്കു​ന്നതു മതിയാ​കു​ന്നില്ല. ന്യായ​വാ​ദം​ചെ​യ്യു​ന്ന​തി​നും നിങ്ങളു​ടെ വാദങ്ങൾ മനസ്സി​ലാ​ക്കു​ന്ന​തി​നും നിങ്ങളു​ടെ അതേ നിഗമ​ന​ങ്ങ​ളി​ലെ​ത്തു​ന്ന​തി​നും സദസ്സിനെ സഹായി​ക്കുന്ന ഒരു രീതി​യിൽ നിങ്ങൾ അവയെ അവതരി​പ്പി​ക്കണം. ഇതി​നെ​യാ​ണു പ്രസംഗ ഗുണ​ദോ​ഷ​ച്ചീട്ട്‌, “സദസ്യരെ ചിന്തി​ക്കു​ന്ന​തി​നു സഹായി​ച്ചു” എന്നതി​നാൽ പരാമർശി​ക്കു​ന്നത്‌.

¹⁶ ദൈവം നമ്മോടു ന്യായ​വാ​ദം​ചെ​യ്യു​ന്ന​തു​കൊ​ണ്ടു നിങ്ങൾ ഈ ഗുണം ആഗ്രഹി​ക്കണം. കൂടാതെ, യേശു തന്റെ ഉപമകൾ തന്റെ ശിഷ്യൻമാർക്കു വിശദീ​ക​രി​ച്ചു​കൊ​ടു​ക്കു​ക​യും ഇതേ സത്യങ്ങൾ മററു​ള​ള​വരെ പഠിപ്പി​ക്കാൻ അവരെ സജ്ജരാ​ക്കു​ക​യും ചെയ്‌തു. അപ്പോൾ, ന്യായ​വാ​ദം​ചെ​യ്യാൻ നിങ്ങളു​ടെ സദസ്സിനെ സഹായി​ക്കു​ന്നത്‌, നിങ്ങളു​ടെ വാദം ഗ്രഹി​ക്കു​ന്ന​തി​നും നിങ്ങളു​ടെ നിഗമ​ന​ങ്ങ​ളിൽ എത്തുന്ന​തി​നും മററാ​രെ​യെ​ങ്കി​ലും പഠിപ്പി​ക്കാൻ നിങ്ങളു​ടെ വാദങ്ങൾ ഉപയോ​ഗി​ക്കാൻ സജ്ജീകൃ​ത​രാ​കു​ന്ന​തി​നും സദസ്സിനെ സഹായി​ക്കു​ന്ന​തി​നാ​വ​ശ്യ​മായ വിദ്യകൾ ഉപയോ​ഗി​ക്കു​ന്ന​തി​നെ അർഥമാ​ക്കു​ന്നു.

17, 18. പൊതു അടിസ്ഥാ​നം നിലനിർത്തു​ന്നത്‌ എങ്ങനെ?

¹⁷ പൊതു അടിസ്ഥാ​നം നിലനിർത്തു​ന്നു. നിങ്ങൾ പറയു​ന്ന​തും നിങ്ങൾ എങ്ങനെ പറയു​ന്നു​വെ​ന്ന​തും നിങ്ങളു​ടെ പ്രസം​ഗ​ത്തി​ന്റെ തുടക്ക​ത്തിൽ ഒരു പൊതു അടിസ്ഥാ​നം സ്ഥാപി​ക്കു​ന്ന​തിൽ മർമ​പ്ര​ധാ​ന​മാണ്‌. എന്നാൽ പ്രസംഗം പുരോ​ഗ​മി​ക്കു​മ്പോൾ ഈ പൊതു അടിസ്ഥാ​നം നഷ്ടമാ​ക​രുത്‌. അങ്ങനെ​യാ​യാൽ നിങ്ങൾക്കു നിങ്ങളു​ടെ സദസ്സും നഷ്ടപ്പെ​ടും. സദസ്സി​ലു​ള​ള​വ​രു​ടെ ചിന്തകൾക്ക്‌ ആകർഷ​ക​മായ ഒരു വിധത്തിൽ നിങ്ങളു​ടെ പോയിൻറു​കൾ വ്യക്തമാ​ക്കു​ന്ന​തിൽ തുടരണം. ഇതിനു ചർച്ച​ചെ​യ്യ​പ്പെ​ടുന്ന വിഷയം​സം​ബ​ന്ധിച്ച അവരുടെ വീക്ഷണ​ഗതി ഓർത്തി​രി​ക്കു​ക​യും ഈ അറിവു നിങ്ങളു​ടെ വാദങ്ങ​ളു​ടെ ന്യായ​യു​ക്തത കാണാൻ അവരെ സഹായി​ക്കു​ന്ന​തിന്‌ ഉപയോ​ഗി​ക്കു​ക​യും ചെയ്യേ​ണ്ട​താ​വ​ശ്യ​മാണ്‌.

¹⁸ ഒരു പൊതു അടിസ്ഥാ​നം സ്ഥാപി​ക്കു​ന്ന​തി​ന്റെ​യും അവസാ​ന​ത്തോ​ളം അതു നിലനിർത്തു​ന്ന​തി​ന്റെ​യും, അതായത്‌, ന്യായ​വാ​ദം​ചെ​യ്യാൻ സദസ്സിനെ സഹായി​ക്കു​ന്ന​തി​ന്റെ, ഒരു വിശി​ഷ്ട​മായ ദൃഷ്ടാന്തം പ്രവൃ​ത്തി​കൾ 17:22-31വരെ രേഖ​പ്പെ​ടു​ത്തി​യി​രി​ക്കുന്ന അപ്പോ​സ്‌ത​ല​നായ പൗലോ​സി​ന്റെ വാദമാണ്‌. അദ്ദേഹം തുടക്ക​ത്തിൽ ഒരു പൊതു അടിസ്ഥാ​നം സ്ഥാപി​ക്കു​ക​യും തന്റെ പ്രസം​ഗ​ത്തി​ലു​ട​നീ​ളം നയപൂർവം അതു നിലനിർത്തു​ക​യും ചെയ്‌ത​തെ​ങ്ങ​നെ​യെന്നു കാണുക. അദ്ദേഹം ഉപസം​ഹ​രി​ച്ച​പ്പോൾ ഹാജരാ​യി​രുന്ന ഒരു ന്യായാ​ധി​പൻ ഉൾപ്പെടെ തന്റെ സദസ്സിൽപ്പെട്ട ചിലരെ സത്യം ബോധ്യ​പ്പെ​ടു​ത്തി​യി​രു​ന്നു.—പ്രവൃ. 17:33, 34.

19-23. പോയിൻറു​കൾ വേണ്ടത്ര വികസി​പ്പി​ക്കാൻ കഴിയുന്ന രീതികൾ നിർദേ​ശി​ക്കുക.

¹⁹ പോയിൻറു​ക​ളു​ടെ മതിയായ വികസി​പ്പി​ക്കൽ. ഒരു വിഷയം​സം​ബ​ന്ധി​ച്ചു സദസ്സ്‌ ന്യായ​വാ​ദം​ചെ​യ്യു​ന്ന​തിന്‌, അവർക്കു പൂർണ​മാ​യി മനസ്സി​ലാ​കു​ന്നി​ല്ലാ​ത്ത​തു​കൊ​ണ്ടുമാ​ത്രം വാദങ്ങളെ തളളി​ക്ക​ള​യാത്ത ഒരു വിധത്തിൽ അവതരി​പ്പിച്ച വേണ്ടത്ര വിവരങ്ങൾ അവർക്കു​ണ്ടാ​യി​രി​ക്കണം. അവരെ സഹായി​ക്കേ​ണ്ടതു നിങ്ങളാണ്‌.

²⁰ അതു ഫലകര​മാ​യി ചെയ്യു​ന്ന​തിന്‌, കണക്കി​ല​ധി​കം പോയിൻറു​കൾ ഉൾപ്പെ​ടു​ത്താ​തി​രി​ക്കാൻ ശ്രദ്ധി​ക്കുക. ധൃതഗ​തി​യിൽ അവതരി​പ്പി​ച്ചാൽ വിവര​ങ്ങ​ളു​ടെ പ്രയോ​ജനം നഷ്ടപ്പെ​ടും. പോയിൻറു​കൾ പൂർണ​മാ​യി വിശദീ​ക​രി​ക്കാൻ സമയ​മെ​ടു​ക്കുക, തന്നിമി​ത്തം നിങ്ങളു​ടെ സദസ്സ്‌ അവ കേൾക്കു​ക​മാ​ത്രമല്ല മനസ്സി​ലാ​ക്കു​ക​യും ചെയ്യും. നിങ്ങൾ ഒരു പ്രധാ​ന​പ്പെട്ട പോയിൻറു പ്രസ്‌താ​വി​ക്കു​മ്പോൾ അതു വികസി​പ്പി​ക്കാൻ സമയ​മെ​ടു​ക്കുക. എന്തു​കൊണ്ട്‌? ആർ? എങ്ങനെ? എന്ത്‌? എപ്പോൾ? എവിടെ? എന്നിങ്ങ​നെ​യു​ളള ചോദ്യ​ങ്ങൾക്ക്‌ ഉത്തരം കൊടു​ക്കുക. ഈ വിധത്തിൽ ആശയം കൂടുതൽ പൂർണ​മാ​യി ഗ്രഹി​ക്കാൻ സദസ്സിനെ സഹായി​ക്കുക. ചില​പ്പോൾ നിങ്ങളു​ടെ നിലപാ​ടി​ന്റെ ന്യായ​യു​ക്ത​തക്കു ദൃഢത കൊടു​ക്കു​ന്ന​തിന്‌ ഒരു പോയിൻറിന്‌ അനുകൂ​ല​വും പ്രതി​കൂ​ല​വു​മായ വാദങ്ങൾ നിങ്ങൾക്കു സമർപ്പി​ക്കാൻ കഴിയും. അതു​പോ​ലെ​തന്നെ, ഒരു തത്ത്വം പ്രസ്‌താ​വിച്ച ശേഷം സദസ്സ്‌ അതിന്റെ പ്രാ​യോ​ഗി​ക​സം​ബന്ധം കാണത്ത​ക്ക​വണ്ണം അതിനെ ഉദാഹ​രി​ക്കു​ന്നതു പ്രയോ​ജ​ന​ക​ര​മാ​ണെന്നു നിങ്ങൾ കണ്ടെത്തി​യേ​ക്കാം. തീർച്ച​യാ​യും വിവേചന ഉപയോ​ഗി​ക്കണം. ഏത്‌ ആശയവും വികസി​പ്പി​ക്കു​ന്ന​തി​ന്റെ വ്യാപ്‌തി ലഭ്യമായ സമയ​ത്തെ​യും ചർച്ച​ചെ​യ്യുന്ന വിഷയ​ത്തോ​ടു പോയിൻറി​നു​ളള ആപേക്ഷി​ക​പ്രാ​ധാ​ന്യ​ത്തെ​യും ആശ്രയി​ച്ചി​രി​ക്കും.

²¹ ന്യായ​വാ​ദം​ചെ​യ്യു​ന്ന​തി​നു സദസ്സിനെ സഹായി​ക്കു​ന്ന​തിൽ എല്ലായ്‌പോ​ഴും ചോദ്യ​ങ്ങൾ പ്രയോ​ജ​ന​ക​ര​മാണ്‌. ഉചിത​മായ നിർത്തൽ സഹിത​മു​ളള ആലങ്കാ​രി​ക​ചോ​ദ്യ​ങ്ങൾ, അതായത്‌ ഉത്തരങ്ങൾ പ്രതീ​ക്ഷി​ക്കാ​തെ സദസ്സിന്റെ മുമ്പാകെ അവതരി​പ്പി​ക്കുന്ന ചോദ്യ​ങ്ങൾ, ചിന്തയെ ഉത്തേജി​പ്പി​ക്കും. വയൽശു​ശ്രൂ​ഷ​യി​ലെ​പ്പോ​ലെ, നിങ്ങൾ ഒന്നോ രണ്ടോ പേരോ​ടു​മാ​ത്ര​മാ​ണു സംസാ​രി​ക്കു​ന്ന​തെ​ങ്കിൽ, നിങ്ങൾ തുടരവേ നിങ്ങൾക്കു ചോദ്യ​ങ്ങൾ ചോദിച്ച്‌ അവരുടെ ആശയങ്ങൾ പറയി​ക്കാ​വു​ന്ന​താണ്‌. അവതരി​പ്പി​ക്ക​പ്പെ​ടുന്ന ആശയങ്ങൾ അവർ ഗ്രഹി​ക്കു​ന്നു​ണ്ടെ​ന്നും സ്വീക​രി​ക്കു​ന്നു​ണ്ടെ​ന്നും ഈ വിധത്തിൽ തിട്ട​പ്പെ​ടു​ത്തു​ക​യും ചെയ്യാം.

²² സദസ്സി​ലു​ള​ള​വ​രു​ടെ ചിന്തയെ നയിക്കാൻ നിങ്ങൾ ആഗ്രഹി​ക്കു​ന്ന​തി​നാൽ സ്വന്ത അനുഭ​വ​ത്തിൽനി​ന്നാ​യാ​ലും നിങ്ങളു​ടെ സ്വന്തം ചർച്ചയു​ടെ പ്രാരംഭ ഭാഗത്തു​നി​ന്നാ​യാ​ലും അവർക്കി​പ്പോൾത്തന്നെ അറിയാ​വുന്ന കാര്യ​ങ്ങ​ളിൽ നിങ്ങൾ പടുത്തു​യർത്തണം. അതു​കൊണ്ട്‌, നിങ്ങൾ ചില പോയിൻറു​കൾ വേണ്ടത്ര വികസി​പ്പി​ച്ചി​രി​ക്കു​ന്നു​വോ എന്നു നിർണ​യി​ക്കു​ന്ന​തി​നു സദസ്സിന്‌ ഈ വിഷയം​സം​ബ​ന്ധിച്ച്‌ ഇപ്പോൾത്തന്നെ അറിയാ​വു​ന്ന​തി​നെ നിങ്ങൾ പരിഗ​ണി​ക്കണം.

²³ സദസ്സിനു നിങ്ങൾ പറയു​ന്നതു മനസ്സി​ലാ​കു​ന്നു​ണ്ടെന്നു തിട്ട​പ്പെ​ടു​ത്തു​ന്ന​തിന്‌ അവരുടെ പ്രതി​ക​രണം നിരീ​ക്ഷി​ക്കു​ന്നത്‌ എല്ലായ്‌പോ​ഴും മൂല്യ​വ​ത്താണ്‌. ആവശ്യ​മാ​യി​രി​ക്കു​ന്ന​ടത്ത്‌ അടുത്ത വാദത്തി​ലേക്കു നീങ്ങു​ന്ന​തി​നു​മു​മ്പു പിമ്പോ​ട്ടു പോയി പോയിൻറു​കൾ വ്യക്തമാ​ക്കുക. നിങ്ങൾ ന്യായ​വാ​ദം​ചെ​യ്യു​ന്ന​തിന്‌ അവരെ സഹായി​ക്കു​ന്ന​തിൽ ശ്രദ്ധി​ക്കാ​ത്ത​പക്ഷം അവർക്ക്‌ അനായാ​സം നിങ്ങളു​ടെ ചിന്തയു​ടെ തുടർച്ച നഷ്ടമാ​യേ​ക്കാം.

24. നിങ്ങളു​ടെ സദസ്സി​നു​വേണ്ടി വാദങ്ങ​ളു​ടെ ബാധക​മാ​ക്കൽ നടത്തു​ന്നത്‌ ഏതു നല്ല ഉദ്ദേശ്യം സാധി​ക്കു​ന്നു?

²⁴ സദസ്സിനു ബാധക​മാ​ക്കു​ന്നു. ഏതു വാദവും അവതരി​പ്പി​ക്കു​മ്പോൾ, ചർച്ച​ചെ​യ്യ​പ്പെ​ടുന്ന പ്രശ്‌ന​ത്തിന്‌ അത്‌ എങ്ങനെ ബാധക​മാ​കു​ന്നു​വെന്നു വ്യക്തമാ​യി ചൂണ്ടി​ക്കാ​ണി​ച്ചു​കൊ​ണ്ടു പൂർത്തീ​ക​രി​ക്കാൻ നിശ്ചയ​മു​ണ്ടാ​യി​രി​ക്കുക. കൂടാതെ, അവതരി​പ്പി​ക്ക​പ്പെ​ട്ടി​രി​ക്കുന്ന വസ്‌തു​ത​കൾക്കു ചേർച്ച​യായ നടപടി സ്വീക​രി​ക്കാൻ നിങ്ങളു​ടെ കേൾവി​ക്കാ​രെ പ്രോ​ത്സാ​ഹി​പ്പി​ച്ചു​കൊ​ണ്ടു പ്രസം​ഗ​ത്തിൽ പ്രേരണ ഉൾപ്പെ​ടു​ത്തുക. നിങ്ങൾ പറഞ്ഞത്‌ അവർക്കു യഥാർഥ​മാ​യി ബോധ്യ​പ്പെ​ട്ടി​രി​ക്കു​ന്നു​വെ​ങ്കിൽ, അവർ പ്രവർത്തി​ക്കാൻ സന്നദ്ധരാ​യി​രി​ക്കും.